យោងតាមរបាយការណ៍ Mapping the World’s Prices របស់ធនាគារអាល្លឺម៉ង់ Deutsche Bank ដែលបានចេញផ្សាយកាលពីដើមសប្តាហ៍នេះបានបង្ហាញថា តម្លៃជាមធ្យមសម្រាប់អាផាតមិនកណ្តាលទីក្រុងនៅហុងកុងគឺ ២៧ ៧៥៣ដុល្លារអាមេរិកក្នុងមួយម៉ែត្រការ៉េ ក្នុងឆ្នាំ២០២៦ នេះ ពោលគឺបានកើនឡើងពី ២៦ ៧៤៩ដុល្លារកាលពីមួយឆ្នាំមុន។

ទន្ទឹមនឹងនេះ តម្លៃអាផាតមិនជាមធ្យមនៅកណ្តាលទីក្រុងរបស់ប្រទេសសិង្ហបុរីមានតម្លៃ ២២ ៩៣៣ដុល្លារក្នុងមួយម៉ែត្រការ៉េ បានធ្លាក់ចុះពី ២៣ ៥៩៥ដុល្លារ នៅក្នុងឆ្នាំ២០២៥។

យ៉ាងណាមិញ ទីក្រុងសេអ៊ូលបានឡើងមួយចំណាត់ថ្នាក់ដល់លេខបី ដោយវ៉ាដាច់ទីក្រុងសិង្ហបុរីដោយមានតម្លៃអាផាតមិនជាមធ្យម ២៣ ៥៤៥ដុល្លារក្នុងមួយម៉ែត្រការ៉េ ខណៈទីក្រុងហ្ស៊ូរីច និងទីក្រុងហ្សឺណែវរបស់ប្រទេសស្វីស ជាប់នៅចំណាត់ថ្នាក់លេខ២ និងលេខ៥ រៀងៗគ្នា៕​

The post ហុងកុង បន្តវ៉ាដាច់សិង្ហបុរី ជាទីក្រុងដែលមានទីផ្សារលំនៅឋានថ្លៃបំផុតនៅលើពិភពលោក appeared first on .

យោងតាមរបាយការណ៍ទ្រព្យសម្បត្តិសកលប្រចាំឆ្នាំ២០២៦ របស់ធនាគារ UBS ដែលចេញផ្សាយកាលពីថ្ងៃអង្គារ បានបង្ហាញឲ្យដឹងថា ប្រទេសសិង្ហបុរីនៅតែស្ថិតក្នុងចំណោមប្រទេសដែលមានសេដ្ឋកិច្ចមានបំផុតនៅលើពិភពលោក ដោយទ្រព្យសម្បត្តិជាមធ្យមក្នុងមនុស្សពេញវ័យម្នាក់ឈានដល់ ៥២៧ ២១៧ដុល្លារ។

សាធារណរដ្ឋនេះជាប់ចំណាត់ថ្នាក់ទីប្រាំមួយទូទាំងពិភពលោកទាក់ទងនឹងទ្រព្យសម្បត្តិជាមធ្យមក្នុងមនុស្សពេញវ័យម្នាក់ ដោយតាមពីក្រោយប្រទេសស្វីស សហរដ្ឋអាមេរិក លុចសំបួរ ហុងកុង និងអូស្ត្រាលី។

នៅទូទាំងតំបន់អាស៊ីប៉ាស៊ីហ្វិក ទ្រព្យសម្បត្តិផ្ទាល់ខ្លួនរបស់ពលរដ្ឋម្នាក់ បានកើនឡើងជាង ៥,៩% នៅឆ្នាំ២០២៥ ដោយតំបន់នេះនៅតែជាប្រភពសំខាន់នៃបុគ្គលដែលមានទ្រព្យសម្បត្តិសរុបខ្ពស់ ជាពិសេសនៅក្នុងប្រទេសចិន និងអាស៊ីអាគ្នេយ៍។

ទន្ទឹមនឹងនេះ យោងតាមលោក Young Jin Yee សហប្រធានផ្នែកគ្រប់គ្រងទ្រព្យសម្បត្តិសកលរបស់ UBS សម្រាប់តំបន់អាស៊ីប៉ាស៊ីហ្វិក និងជាប្រធានរបស់ UBS ប្រចាំប្រទេសសិង្ហបុរី បាននិយាយថា មានសេដ្ឋីថ្មីៗជាង ១០០ ០០០ នាក់ត្រូវបានបង្កើតឡើងនៅទូទាំងតំបន់អាស៊ីប៉ាស៊ីហ្វិកជារៀងរាល់ឆ្នាំ ដែលរក្សាបានប្រហែលមួយភាគបីនៃបុគ្គលដែលមានទ្រព្យសម្បត្តិច្រើនជាសកល៕​

The post ប្រទេសសិង្ហបុរី កើនចំនួនសេដ្ឋីថ្មីៗជាង ៥ ២០០ នាក់ក្នុងមួយឆ្នាំ appeared first on .

ប្រភពដដែលនេះ បានរាយការណ៍ទៀតថា លោកស្រី Luo រួមជាមួយស្វាមីបានទិញយកផ្ទះវីឡាមួយខ្នងនេះ នៅក្នុងតម្លៃត្រឹមតែជាង ៣៩លានដុល្លារសិង្ហបុរីប៉ុណ្ណោះ នៅក្នុងឆ្នាំ២០១១។ អចលនទ្រព្យសម្បត្តិនេះ មានទីតាំងនៅលើភ្នំ Tanglin ក្នុងតំបន់អភិជន Ridley Park Good Class Bungalow ដែលជាប្រភេទវីឡាកម្ពស់ពីជាន់ និងមានអាងហែលទឹកផ្ទាល់ខ្លួនផងដែរ។

គួរឲ្យដឹងថា លោកស្រី​ Luo និងស្វាមី គឺជាសហស្ថាបនិកនៃក្រុមហ៊ុន Shanda Group ដែលបានចាប់ផ្តើមបង្កើតឡើងដំបូងនៅឆ្នាំ១៩៩៩ ក្នុងនាមជាក្រុមហ៊ុនហ្គេមអនឡាញ Shanda Interactive Entertainment។ ប្តីប្រពន្ធមួយគូនេះ បានផ្លាស់ទីលំនៅពីទីក្រុងសៀងហៃ មកកាន់ប្រទេសសិង្ហបុរី ក្នុងឆ្នាំ២០០៩ មុនបន្តផ្លាស់ទៅនៅរដ្ឋកាលីហ្វ័រញ៉ា នៅចុងឆ្នាំ២០១៧។

យោងតាម Forbes បានប៉ាន់ប្រមាណថាទ្រព្យសម្បត្តិសរុបរបស់លោក Chen Tianqiao និងភរិយារបស់លោក មានចំនួនប្រមាណជាង ១,៣ពាន់លានដុុល្លារ គិតត្រឹមថ្ងៃទី១ ខែមិថុនា ឆ្នាំ២០២៦ នេះ៕​

The post ភរិយាមហាសេដ្ឋីកំពូលចិនម្នាក់ ដាក់លក់វីឡាប្រណីតតម្លៃជិត ៦០លានដុល្លារ នៅសិង្ហបុរី appeared first on .

យោងតាមការចុះផ្សាយពីសារព័ត៌មាន The Business Times បានឲ្យដឹងថា ផ្ទះវីឡាដ៏ប្រណីតនេះ មានអាយុកាលជិត ១៣ឆ្នាំ មានកម្ពស់ពីរជាន់ មានបន្ទប់ក្រោមដី រួមជាមួយនឹងអាងហែលទឹក និងជណ្តើរយន្តផងដែរ។

ប្រភពដដែលបាននិយាយទៀតថា គ្រួសាររបស់លោក Shi Yonghong ទិញវីឡានេះ ពីប្រធានក្រុមហ៊ុន Singtel លោក Lee Theng Kiat និងលោកស្រី Veronica Lim ដែលស្ថិតនៅតំបន់អភិជន Cluny Hill Good Class Bungalow Area ។

គួរជម្រាបជូនផងដែរថា លោក Shi និងភរិយារបស់លោក គឺលោកស្រី Li Haiyan បានបង្កើតក្រុមហ៊ុន Haidilao រួមជាមួយស្វាមីភរិយាមួយគូទៀត គឺលោក Zhang Yong និងលោកស្រី Shu Ping ដែលដំបូងឡើយកើតចេញពីហាងតូចមួយនៅក្នុងខេត្តស៊ីឈួន ប្រទេសចិន ហើយបន្តរីកចម្រើនក្លាយជាខ្សែសង្វាក់ភោជនីយដ្ឋានស៊ុបចិនដ៏ល្បីល្បាញបំផុតមួយរបស់ពិភពលោក។ សហស្ថាបនិកទាំងបួននាក់នេះ សុទ្ធសឹងតែជាមហាសេដ្ឋី។

លោក Shi និងក្រុមគ្រួសាររបស់លោកបច្ចុប្បន្នមានទ្រព្យសម្បត្តិសរុបប្រមាណ ២,២ពាន់លានដុល្លារ ខណៈពេលដែលទ្រព្យសម្បត្តិរបស់លោក Li ត្រូវបានប៉ាន់ប្រមាណថាមានចំនួន ១,៥ពាន់លានដុល្លារ។ នេះបើយោងតាមទិន្នន័យតាមពេលវេលាជាក់ស្តែងរបស់ Forbes៕​

​

The post គ្រួសារមហាសេដ្ឋីស៊ុបចិន Haidilao ចាយលុយជាង ៦០លានដុល្លារទិញផ្ទះវីឡាប្រណីតនៅសិង្ហបុរី appeared first on .

មូលធនទីផ្សារសរុបរបស់ក្រុមហ៊ុនដែលបានចុះបញ្ជីនៅឥណ្ឌូណេស៊ីបានធ្លាក់ចុះជាង ៣០% ពីកម្រិតកំពូលនៅខែមករារបស់ខ្លួនមកត្រឹម ៦១៨ពាន់លានដុល្លារ ខណៈពេលដែលតម្លៃទីផ្សាររបស់សិង្ហបុរី បានកើនឡើងដល់ ៦៤៥ពាន់លានដុល្លារ។ នេះបើយោងតាមទិន្នន័យដែលដកស្រង់ដោយសារព័ត៌មាន Bloomberg។

អារម្មណ៍របស់វិនិយោគិនចំពោះប្រទេសឥណ្ឌូណេស៊ីបានធ្លាក់ចុះយ៉ាងខ្លាំងក្នុងរយៈពេលប៉ុន្មានខែថ្មីៗនេះ ដោយសារតែភាពមិនប្រាកដប្រជាលើការដាក់ចំណាត់ថ្នាក់ឡើងវិញនៃទីផ្សារភាគហ៊ុនរបស់ខ្លួន។

យ៉ាងណាមិញ សន្ទស្សន៍ភាគហ៊ុនស្តង់ដាររបស់ឥណ្ឌូណេស៊ី ជាប់ចំណាត់ថ្នាក់ក្នុងចំណោមទីផ្សារដែលដំណើរការអន់បំផុតនៅទូទាំងពិភពលោក ខណៈពេលដែលប្រាក់រូពៀបានឈានដល់កម្រិតទាបបំផុតម្តងហើយម្តងទៀត។

ទន្ទឹមនឹងនេះ ភាគហ៊ុនសិង្ហបុរីត្រូវបានគាំទ្រដោយស្ថិរភាពសេដ្ឋកិច្ច និងនយោបាយ ក៏ដូចជាកំណែទម្រង់ទីផ្សារដែលដឹកនាំដោយរដ្ឋាភិបាល។ សន្ទស្សន៍ហ៊ុន The Straits Times បានឡើងដល់កម្រិតខ្ពស់បំផុតក្នុងសប្តាហ៍នេះ ខណៈពេលដែលវិនិយោគិនបានស្វែងរកកន្លែងការពារខ្លួន ចំពេលមានស្ថានភាពប្រែប្រួលដែលបង្កឡើងដោយសង្គ្រាមអ៊ីរ៉ង់៕​

The post សិង្ហបុរី វ៉ាដាច់ឥណ្ឌូណេស៊ី ក្លាយជាទីផ្សារភាគហ៊ុនធំជាងគេបំផុតនៅអាស៊ីអាគ្នេយ៍ appeared first on .

ជុំវិញការលើកឡើងរបស់លោក Gan បែបនេះ បានកើតឡើងនៅត្រឹមមួយថ្ងៃ បន្ទាប់ពីក្រុមហ៊ុន Standard Chartered បាននិយាយថា ខ្លួននឹងកាត់បន្ថយការងារជាង ៧ ០០០ កន្លែងក្នុងរយៈពេលបួនឆ្នាំខាងមុខ ដើម្បីផ្តោតទៅលើ AI។

យ៉ាងណាមិញ បើតាមលោក Georges Elhedery នាយកប្រតិបត្តិក្រុមហ៊ុន HSBC បាននិយាយផងដែរថា AI ដែលបង្កើតថ្មីនឹងបំផ្លាញការងារមួយចំនួន និង បង្កើតឱកាសការងារថ្មី ខណៈលោកក៏បានជំរុញឲ្យបុគ្គលិកក្រុមហ៊ុននានា ទទួលយកការផ្លាស់ប្តូរទាំងនេះ។

យោងតាមរបាយការណ៍របស់ DBS បានចាត់ថ្នាក់សិង្ហបុរី ជាប្រទេសទីបីក្នុងចំណោមមជ្ឈមណ្ឌលហិរញ្ញវត្ថុ AI បំផុតចំនួន១៥ ដោយតាមពីក្រោយតែទីក្រុងញូវយ៉ក និងសាន់ហ្វ្រាន់ស៊ីស្កូ ប៉ុណ្ណោះ។

លោក Gan បាននិយាយថា ដំណាក់កាលបន្ទាប់របស់ប្រទេសសិង្ហបុរីក្នុងនាមជាមជ្ឈមណ្ឌលហិរញ្ញវត្ថុនឹងអាស្រ័យលើការផ្លាស់ប្តូរ AI ពីការពិសោធទៅជាការទទួលយកទូទាំងសហគ្រាស ដោយធានាថាវានឹងជួយបង្កើតការងារល្អៗ និងកសាងទំនុកចិត្ត សុវត្ថិភាព និងសន្តិសុខទៅជាវិធីដែល AI ត្រូវបានអភិវឌ្ឍ និងប្រើប្រាស់ក្នុងពេលអនាគត៕​

The post សិង្ហបុរី ជំរុញឲ្យក្រុមហ៊ុនហិរញ្ញវត្ថុប្រើប្រាស់ AI ដើម្បីបង្កើតការងារកាន់តែមានប្រសិទ្ធភាព appeared first on .

យោងតាមប៉ូលីសសិង្ហបុរី កាលពីពេលថ្មីៗនេះ​បានព្រមានអំពីការបោកប្រាស់ដែលផ្តោតលើអ្នកជំនួញដែលធ្លាប់បានដោះស្រាយជាមួយមន្ត្រីរដ្ឋាភិបាលសិង្ហបុរី។ ជនរងគ្រោះម្នាក់ត្រូវបានគេបោកប្រាស់អស់ ៤,៩លានដុល្លារសិង្ហបុរី (៣,៨លានដុល្លារអាមេរិក) បន្ទាប់ពីទទួលបានសារ WhatsApp ដែលមានរូបភាពរបស់លេខាធិការគណៈរដ្ឋមន្ត្រី លោក Wong Hong Kuan។

ក្រុមបោកប្រាស់បានស្នើសុំឱ្យអ្នកជំនួញរូបនោះ ចូលរួមកិច្ចប្រជុំជាមួយនាយករដ្ឋមន្ត្រីសិង្ហបុរី លោក Lawrence Wong ហើយសន្យាថានឹងផ្តល់ជូនអ៊ីមែលពីខាងលេខាធិការគណៈរដ្ឋមន្ត្រី ទាក់ទងនឹងជំនួយហិរញ្ញវត្ថុបន្ទាន់សម្រាប់រដ្ឋាភិបាល ដោយសារតែស្ថានភាពនៅក្នុងច្រកសមុទ្រ Hormuz។

បន្ទាប់ពីកិច្ចប្រជុំ ក្រុមបោកប្រាស់ម្នាក់ដែលក្លែងខ្លួនជាមេធាវីបានទាក់ទងជនរងគ្រោះជាឯកជនដើម្បីបញ្ចុះបញ្ចូលឲ្យផ្ទេរប្រាក់។ ជនរងគ្រោះបានផ្ទេរប្រាក់រាប់លានដុល្លារតាមរយៈប្រតិបត្តិការជាបន្តបន្ទាប់ទៅកាន់គណនីអាជីវកម្មដែលផ្តល់ដោយក្រុមបោកប្រាស់។ បន្ទាប់ពីផ្ទេរប្រាក់ ជនរងគ្រោះមានអារម្មណ៍ថាមានអ្វីមួយខុសប្រក្រតី ហើយបានទាក់ទងលេខាធិការគណៈរដ្ឋមន្ត្រីភ្លាមៗ។ នៅពេលនោះហើយដែលគាត់បានរកឃើញថាគាត់ត្រូវបានគេបោកប្រាស់។

យោងតាមប៉ូលីសសិង្ហបុរី បានប្រកាសនៅថ្ងៃទី១៦ ខែឧសភាថា ពួកគេបានទទួលវីដេអូនៃកិច្ចប្រជុំតាមប្រព័ន្ធអ៊ីនធឺណិត Zoom ដែលទាក់ទងនឹងការបោកប្រាស់។ កិច្ចប្រជុំនេះត្រូវបានរៀបចំឡើងទាំងស្រុងដោយប្រើបច្ចេកវិទ្យាបញ្ញាសិប្បនិម្មិត (AI) ដើម្បីបង្កើតរូបភាព និងសំឡេងក្លែងក្លាយដែលមើលទៅដូចជាពិត (deepfake)៕​

The post អ្នកជំនួញម្នាក់ខាតបង់អស់ជិត ៤លានដុល្លារ ដោយសារចាញ់បោក AI បន្លំធ្វើជានាយករដ្ឋមន្ត្រីសិង្ហបុរី appeared first on .

ទិន្នន័យដែលចេញផ្សាយនៅថ្ងៃទី២៨ ខែមេសា ដោយការិយាល័យស៊ើបអង្កេតការអនុវត្តអំពើពុករលួយសិង្ហបុរី (CPIB) បានបង្ហាញថា មានករណីចំនួន ៦៨ ត្រូវបានចុះបញ្ជីសម្រាប់ការស៊ើបអង្កេតក្នុងឆ្នាំ២០២៥ ពោលគឺធ្លាក់ចុះពី ៧៥ ក្នុងឆ្នាំ២០២៤ និង ៨១ ក្នុងឆ្នាំ២០២៣។ នេះគឺជាតួលេខទាបបំផុត គិតចាប់តាំងពីការកត់ត្រាបានចាប់ផ្តើមធ្វើឡើងក្នុងឆ្នាំ២០១០ មក។

សរុបមក ទីភ្នាក់ងារនេះបានទទួលរបាយការណ៍ទាក់ទងនឹងអំពើពុករលួយសរុបចំនួន ១៦០ ករណី កាលពីឆ្នាំមុន រួមទាំងការដាក់ពាក្យស្នើដោយអនាមិកចំនួន ៥៦ ករណីផ្សេងទៀត ពោលគឺធ្លាក់ចុះពី ១៧៧ ក្នុងឆ្នាំ២០២៤ និងពី ២១៥ ក្នុងឆ្នាំ២០២៣។

គួរជម្រាបជូនថា នៅលើឆាកអន្តរជាតិ ប្រទេសសិង្ហបុរី នៅតែបន្តជាប់ចំណាត់ថ្នាក់ក្នុងចំណោមប្រទេសដែលមានអំពើពុករលួយតិចបំផុត។ ប្រទេសជាប់ចំណាត់ថ្នាក់លេខ៣ ​ក្នុង​ចំណោម ១៨២ ប្រទេស ក្នុង​សន្ទស្សន៍​យល់ឃើញ​អំពី​អំពើពុករលួយ​ឆ្នាំ២០២៥ ដោយ​អង្គការ​តម្លាភាព​អន្តរជាតិ និង​ជាប់​ចំណាត់ថ្នាក់​លេខ​ពីរ​ទូទាំង​ពិភពលោក សម្រាប់​អវត្តមាន​នៃ​អំពើពុករលួយ​ក្នុងជួរ​រដ្ឋាភិបាល៕​

The post ករណីអំពើពុករលួយនៅសិង្ហបុរី ធ្លាក់ចុះដល់កម្រិតទាបបំផុតមិនធ្លាប់មាន appeared first on .

ចំនួនប្រជាជន UHNW នៅសិង្ហបុរី​ បានកើនឡើង ៥៤,៤% ក្នុងរយៈពេលប្រាំឆ្នាំចុងក្រោយនេះ ហើយត្រូវបានគេព្យាករថានឹងកើនឡើងដល់ ១០ ៤៩៧ នាក់នៅឆ្នាំក្នុងឆ្នាំ២០៣១។ នេះបើយោងតាមរបាយការណ៍ទ្រព្យសម្បត្តិឆ្នាំ២០២៦ ដែលចេញផ្សាយដោយក្រុមហ៊ុនប្រឹក្សាយោបល់អចលនទ្រព្យ Knight Frank។

ក្នុងចំណោមប្រទេសអាស៊ីអាគ្នេយ៍ទាំងប្រាំមួយដែលចំនួនសេដ្ឋី UHNW ច្រើនបំផុត ក្នុងនោះប្រទេសឥណ្ឌូណេស៊ីជាប់ចំណាត់ថ្នាក់លេខពីរ ជាមួយនឹងបុគ្គលដែលមានទ្រព្យសម្បត្តិសរុបខ្ពស់បំផុតចំនួន ៣ ៨៣៣ នាក់នៅឆ្នាំ២០២៦ ដែលបង្ហាញពីការកើនឡើង ៣៦,៦% ចាប់តាំងពីឆ្នាំ២០១១។

ប្រទេសថៃតាមពីក្រោយដោយបុគ្គល UHNW មានចំនួន ២ ៨៥៣ នាក់ ខណៈហ្វីលីពីនមាន ១ ៩១០ នាក់ ម៉ាឡេស៊ីឈរនៅលំដាប់បន្ទាប់ មាន ១ ៥៦៦ នាក់ និងប្រទេសវៀតណាម មានចំនួន ១ ២៣៣ នាក់។

ជម្រាបជូនថា ចំពោះការកើនឡើងនៃចំនួនប្រជាជនដែលមានទ្រព្យសម្បត្តិច្រើនរបស់សិង្ហបុរី បានកើតឡើងជាផ្នែកមួយនៃការកើនឡើងនៃទ្រព្យសម្បត្តិកាន់តែទូលំទូលាយនៅទូទាំងតំបន់អាស៊ីប៉ាស៊ីហ្វិក ដែលឥឡូវនេះមានបុគ្គល UHNW សរុបចំនួន ២១៩ ៣១០ នាក់ ដែលស្មើនឹងជាង ៣០% នៃចំនួនសរុបទូទាំងពិភពលោក៕​

The post សិង្ហបុរី ឈរលើគេនៅអាស៊ីអាគ្នេយ៍ជាប្រទេសមានចំនួនសេដ្ឋីៗច្រើនបំផុត appeared first on .

យោងតាមរបាយការណ៍ទ្រព្យសម្បត្តិចុងក្រោយបង្អស់ ដែលធ្វើឡើងដោយក្រុមហ៊ុនប្រឹក្សាយោបល់ Knight Frank បានឲ្យដឹងថា សិង្ហបុរី មានមហាសេដ្ឋីចំនួន ៦៣ នាក់ ពោលគឺកើនឡើងពី ២៨ នាក់ក្នុងឆ្នាំ២០២១។

របាយការណ៍ដដែលនេះ បានកត់សម្គាល់ទៀតថា ការកើនឡើងនៃចំនួនប្រជាជនដែលមានទ្រព្យសម្បត្តិច្រើនរបស់សិង្ហបុរី កើតឡើងចំពេលកំពុងមានការកើនឡើងនៃទ្រព្យសម្បត្តិកាន់តែទូលំទូលាយ នៅទូទាំងតំបន់អាស៊ីប៉ាស៊ីហ្វិក។

តំបន់អាស៊ីប៉ាស៊ីហ្វិក បច្ចុប្បន្នមានចំនួនមហាសេដ្ឋីច្រើនជាងគេ ក្នុងចំណោមមហាសេដ្ឋីសរុបនៅលើពិភពលោក ដែលមានចំណែក ៣៥,៩% ឬ ១ ១១៦ នាក់។ មិនតែប៉ុណ្ណោះ ចំនួនមហាសេដ្ឋីរបស់សិង្ហបុរី ត្រូវបានគេរំពឹងផងដែរថា នឹងបន្តកើនឡើង ៣៥% ដល់ចំនួន ៨៥ នាក់នៅឆ្នាំ២០៣១ ខាងមុខ។

ជម្រាបជូនថា អាស៊ីអាគ្នេយ៍កំពុងលេចចេញជាប្រភពទ្រព្យសម្បត្តិថ្មីដែលមានការរីកចម្រើនលឿនបំផុត សម្រាប់ចំនួនមហាសេដ្ឋីថ្មីៗ ក្នុងនោះប្រទេសហ្វីលីពីន ត្រូវបានគេរំពឹងថានឹងមានមហាសេដ្ឋីចំនួន ២៦ នាក់ នៅឆ្នាំ២០៣១ បើប្រៀបធៀបទៅនឹងចំនួន ១៦ នាក់ឥឡូវនេះ។ ហើយឥណ្ឌូណេស៊ី ត្រូវបានព្យាករថានឹងកើនឡើងពី ៣៣ ទៅ ៤៩ នាក់ និងម៉ាឡេស៊ីពី ១៣ ទៅ ១៨ នាក់៕

The post ចំនួនមហាសេដ្ឋីរបស់សិង្ហបុរី កើនឡើងទ្វេដងក្នុងរយៈពេល ៥ឆ្នាំចុងក្រោយ appeared first on .