ទិន្នន័យរបស់ GDCE បានបង្ហាញថា ចាប់ពីខែមករា ដល់ខែឧសភា ២០២៦ កម្ពុជានាំទំនិញចេញទៅប្រទេសដៃគូអន្តរជាតិមានតម្លៃជាង ១១,១២ ពាន់លានដុល្លារ កើនឡើង ២១,៧% ចំណែកឯទំនិញនាំចូលមកវិញមានតម្លៃ ១២,២៦ ពាន់លានដុល្លារ កើនឡើង ១៨,៣%។

បើតាមយោងតាមក្រសួងពាណិជ្ជកម្ម បានឱ្យដឹងថា ទំហំពាណិជ្ជកម្មអន្តរជាតិរបស់កម្ពុជា នៅក្នុងឆ្នាំ២០២៥សម្រេចបាននូវទំហំទឹកប្រាក់ ៦៥,២៥ ពាន់លានដុល្លារ កើនឡើង ១៨% ធៀបនឹងឆ្នាំ ២០២៤ ក្នុងនោះកម្ពុជានាំចេញទៅទីផ្សារអន្តរជាតិសម្រេចបាន ៣១,២៨ ពាន់លានដុល្លារ កើនឡើង ១៧% និងនាំចូលមកវិញមានតម្លៃ ៣៣,៩៦ ពាន់លានដុល្លារ កើនឡើង ១៨%។

សូមជម្រាបដែរថា យោងតាមធនាគារអភិវឌ្ឍន៍អាស៊ី (ADB) សេដ្ឋកិច្ចកម្ពុជា ត្រូវបានព្យាករថា នឹងកើន ៤,៥% នៅក្នុងឆ្នាំ ២០២៦ ប្រសិនបើការរំខានដល់ទីផ្សារទំនិញសកល ដែលបង្កឡើងដោយជម្លោះនៅមជ្ឈិមបូព៌ា មិនត្រូវបានអូសបន្លាយយូរ៕អត្ថបទ៖ហ្សាលីន

The post ៤ខែ ដើមឆ្នាំ២០២៦ ការដោះដូរទំនិញកម្ពុជា មានទំហំទឹកប្រាក់ជិត២៤ ពាន់លានដុល្លារ appeared first on .

គួរឱ្យដឹងថា អត្រាពន្ធគយនិងអត្រាអាករនាំចេញកែសម្រួលថ្មីនេះ នឹងចូលជាធរមានចាប់ពីថ្ងៃទី១ ខែមេសា ឆ្នាំ២០២៦ តទៅ។

សូមជម្រាបជូនថា គិតត្រឹមខែកុម្ភៈ ឆ្នាំ២០២៦នេះ កម្ពុជាមានយានយន្តអគ្គិសនីចុះបញ្ជីសរុបចំនួន ១៤ ៥៣៤គ្រឿង ក្នុងនោះ ទោចក្រយានយន្ត៣ ៤៤៩គ្រឿង ត្រីចក្រយានយន្ត ៧២២គ្រឿង និងរថយន្តចំនួន ១០ ៣៦៣គ្រឿង។ នេះបើយោងតាមរបាយការណ៍របស់ក្រសួងសាធារណការ និងដឹកជញ្ជូន ចេញផ្សាយកាលពីថ្ងៃទី២៧ ខែមីនា ឆ្នាំ២០២៦។ 

របាយការណ៍ បានឱ្យដឹងទៀតថា ពេញមួយខែកុម្ភៈ ឆ្នាំ២០២៦ មានយានយន្តអគ្គិសនីចុះបញ្ជីសរុប ១ ០៧៨គ្រឿង(រថយន្ត ៨៨៩គ្រឿង) ខណៈដែលពេញមួយខែមករា ឆ្នាំ២០២៦ មានយានយន្តអគ្គិសនីចុះបញ្ជីសរុប ៤៨៨គ្រឿង(រថយន្ត ៤០៩គ្រឿ) ខណៈដែលនិន្នាការនេះមានការកើនឡើងជាបន្តបន្ទាប់។

គួរជម្រាបផងដែរថា ក្រៅពីការសម្រេចបញ្ចុះអត្រាពន្ធខាងលើនេះ រាជរដ្ឋាភិបាលក៏សម្រេចបញ្ចុះពន្ធនាំចូលពី ៧% មក ០% លើមុខទំនិញ ឧបករណ៍សាកអាគុយរថយន្តអគ្គិសនី, ឆ្នាំងដាំបាយ អគ្គិសនី និងចង្កៀងសូឡា ចំនួន ០៩ បន្ទាត់ពន្ធ , បញ្ចុះអត្រាពន្ធនាំចូលពី ១៥% មក ០% លើមុខទំនិញ ម៉ូទ័រសម្រាប់យានយន្តអគ្គិសនី, ប្រព័ន្ធថាមពល សូឡា, អាគុយលីចូម (អាគុយកុំព្យូទ័រយួរដៃ, អាគុយយន្តហោះ, អាគុយយានយន្ត, អាគុយសូឡា និង ឧបករណ៍ផ្ទុកថាមពលដូចជា Power bank, Power station, ថ្មទូរសព្ទ ជាដើម), ចង្ក្រានកម្ដៅអគ្គិសនី, កំសៀវអគ្គិសនី, រថយន្តដឹកអ្នកដំណើរ និងដឹកទំនិញប្រភេទ HEV, PHEV និង EV ចំនួន ១៧៩ បន្ទាត់ពន្ធ , បញ្ចុះអត្រាអាករនាំចេញពី ២៥% មក ១០% លើមុខទំនិញរ៉ែបុកស៊ីត (រ៉ែអាលុយមីញ៉ូម) ចំនួន ០១ បន្ទាត់ពន្ធផងដែរ៕

The post ត្រូវប៉ាន់ហើយ! រាជរដ្ឋាភិបាលបញ្ចុះពន្ធនាំចូលរថយន្តអគ្គិសនីពី៣៥% ធ្លាក់មក០% appeared first on .

១- បញ្ចុះអត្រាពន្ធនាំចូលពី ៧% មក ០% លើមុខទំនិញ ឧបករណ៍សាកអាគុយរថយន្តអគ្គិសនី, ឆ្នាំងដាំបាយ អគ្គិសនី និងចង្កៀងសូឡា ចំនួន ០៩ បន្ទាត់ពន្ធ

២- បញ្ចុះអត្រាពន្ធនាំចូលពី ១៥% មក ០% លើមុខទំនិញ ម៉ូទ័រសម្រាប់យានយន្តអគ្គិសនី, ប្រព័ន្ធថាមពល សូឡា, អាគុយលីចូម (អាគុយកុំព្យូទ័រយួរដៃ, អាគុយយន្តហោះ, អាគុយយានយន្ត, អាគុយសូឡា និង ឧបករណ៍ផ្ទុកថាមពលដូចជា Power bank, Power station, ថ្មទូរសព្ទ ជាដើម), ចង្ក្រានកម្ដៅអគ្គិសនី, កំសៀវអគ្គិសនី, រថយន្តដឹកអ្នកដំណើរ និងដឹកទំនិញប្រភេទ HEV, PHEV និង EV ចំនួន ១៧៩ បន្ទាត់ពន្ធ ៣- បញ្ចុះអត្រាពន្ធនាំចូលពី ៣៥% មក ៧% លើមុខទំនិញរថយន្តគ្រួសារប្រភេទ PHEV ចំនួន ៩២ បន្ទាត់ពន្ធ

៤- បញ្ចុះអត្រាពន្ធនាំចូលពី ៣៥% មក ០% លើមុខទំនិញ ចង្ក្រានអគ្គិសនី, ចង្ក្រានអាំងនំប៉័ង និងរថយន្ត គ្រួសារប្រភេទ EV ចំនួន ១២ បន្ទាត់ពន្ធ

៥- បញ្ចុះអត្រាអាករនាំចេញពី ២៥% មក ១០% លើមុខទំនិញរ៉ែបុកស៊ីត (រ៉ែអាលុយមីញ៉ូម) ចំនួន ០១ បន្ទាត់ពន្ធ។

គួរឱ្យដឹងថា អត្រាពន្ធគយនិងអត្រាអាករនាំចេញកែសម្រួលថ្មីនេះ នឹងចូលជាធរមានចាប់ពីថ្ងៃទី១ ខែមេសា ឆ្នាំ២០២៦ តទៅ។

The post រាជរដ្ឋាភិបាល សម្រេចបញ្ចុះអត្រាពន្ធគយ ​និង​អត្រាអាករនាំចេញ​ លើមុខ​ទំនិញឧបករណ៍អគ្គិសនី, ប្រព័ន្ធសូឡា, រថយន្តអគ្គិសនី និងទំនិញមួយចំនួនទៀត appeared first on .

កិច្ចប្រជុំ​នេះ បានធ្វើឡើងក្រោមអធិបតី លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ​និងរដ្ឋាករកម្ពុជា, លោក Chris Humphrey នាយកប្រតិបត្តិនៃក្រុមប្រឹក្សាធុរកិច្ចសហភាពអឺរ៉ុប-អាស៊ាន និង លោក Tassilo Brinzer អនុប្រធានសភាពាណិជ្ជកម្មអឺរ៉ុបប្រចាំកម្ពុជា ដោយមានការចូលរួមពីតំណាងវិស័យឯកជនជាសមាជិក EU-ABC និង EuroCham ព្រមទាំងថ្នាក់ដឹកនាំនិងមន្ត្រីគយនិងរដ្ឋាករ​កម្ពុជាផងដែរ។

កិច្ចប្រជុំបានពិភាក្សាលើប្រធានបទសំខាន់ៗមួយចំនួន រួមមាន៖ ការធ្វើឌីជីថលភាវូបនីយកម្មនីតិវិធីគយ ​កិច្ចសម្រួលពាណិជ្ជកម្ម កម្មវិធីប្រតិបត្តិករសេដ្ឋកិច្ចបានទទួលការអនុញ្ញាត ការគ្រប់គ្រងហានិភ័យ អនុលោមភាពនិងការអនុវត្តច្បាប់ និងភាពជាដៃគូជាមួយវិស័យឯកជនជាដើម។

នាឱកាសនោះ លោក គុណ ញឹម បានលើកឡើងពីវឌ្ឍនភាពនៃការងារកំណែទម្រង់និងទំនើបកម្មគយ ក្នុងគោលបំណងផ្តល់នូវកិច្ចសម្រួលពាណិជ្ជកម្ម គាំទ្រដល់វិស័យឯកជន និងទាក់ទាញវិនិយោគ ស្របតាមចក្ខុវិស័យ បេសកកម្ម និងគោលនយោបាយរបស់រាជរដ្ឋាភិបាលកម្ពុជា។

ទន្ទឹមនឹងនោះ លោក Chris Humphrey នាយកប្រតិបត្តិនៃក្រុមប្រឹក្សាធុរកិច្ចសហភាពអឺរ៉ុប-អាស៊ាន បានលើកឡើងពីការគាំទ្រដល់វិស័យឯកជន និងបានដាក់ចេញវិធានការកិច្ចសម្រួលពាណិជ្ជកម្មជាបន្តបន្ទាប់ដល់ធុរជនពាក់ព័ន្ធនឹងការងារគយ ក្នុងបរិការណ៍ដែលសេដ្ឋកិច្ចនិងនយោបាយពិភពលោកមានភាពមិនប្រាកដប្រជា។

ជាមួយគ្នានោះ លោក Tassilo Brinzer អនុប្រធានសភាពាណិជ្ជកម្មអឺរ៉ុបប្រចាំកម្ពុជា ក៏បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ អគរ​ ក្នុងការលើកកម្ពស់ និងកែលម្អបរិយាកាសធុរកិច្ចឱ្យបានកាន់តែប្រសើរ និងសូមផ្ដល់ការគាំទ្រចំពោះកិច្ចខិតខំប្រឹងប្រែងនេះផងដែរ។

គួរបញ្ជាកថា អគ្គនាយកដ្ឋានគយនិងរដ្ឋាករកម្ពុជា ក្រុមប្រឹក្សាធុរកិច្ចសហភាពអឺរ៉ុប-អាស៊ាន (EU-ABC) និងសភាពាណិជ្ជកម្មអឺរ៉ុបប្រចាំកម្ពុជា (EuroCham) បានសហការ​នឹង​​បន្តពង្រឹងកិច្ចសហការជាមួយគ្នាឱ្យកាន់តែជិតស្និទ្ធ ក្នុងគោលបំណងកែលម្អបរិយាកាសធុរកិច្ច និងពង្រឹងនូវឧត្តមភាពប្រកួតប្រជែង ដើម្បីចូលរួមចំណែកអភិវឌ្ឍសេដ្ឋកិច្ចកម្ពុជាឱ្យកាន់តែរីកចម្រើនបន្ថែមទៀត៕

The post អគ្គនាយកដ្ឋានគយ EU-ABC និង EuroCham បានបើកកិច្ចពិភាក្សាពាក់ព័ន្ធនឹងការផ្ដល់កិច្ចសម្រួលពាណិជ្ជកម្ម និងការធ្វើសាមញ្ញកម្មនីតិវីធីគយ appeared first on .

នេះបើយោងតាមកិច្ចប្រជុំបូកសរុបការងារប្រចាំឆ្នាំ២០២៥ និងទិសដៅអនុវត្តបន្ត ដោយមានការចូលរួមពីថ្នាក់ដឹកនាំនៃក្រសួងសេដ្ឋកិច្ចនិងហិរញ្ញវត្ថុ អគ្គនាយកដ្ឋានសវនកម្មផ្ទៃក្នុង អគ្គនាយកដ្ឋានគោលនយោបាយ អគ្គនាយកដ្ឋានពន្ធដារ ព្រមទាំងថ្នាក់ដឹកនាំនិងមន្ត្រីពាក់ព័ន្ធនៃអគ្គនាយកដ្ឋានគយនិងរដ្ឋាករកម្ពុជានៅទូទាំងប្រទេស នៅអគ្គនាយកដ្ឋានគយនិងរដ្ឋាករកម្ពុជា កាលថ្ងៃទី១២ ខែកុម្ភៈ ឆ្នាំ២០២៦។

នៅក្នុងកិច្ចប្រជុំនោះ ក្នុងឱកាសនោះ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករ​កម្ពុជា បានរាយការណ៍ពីលទ្ធផលការងារសំខាន់ៗមួយចំនួនដែលសម្រេចបានក្នុងឆ្នាំ២០២៥។

លោកបន្តថា នៅឆ្នាំ២០២៥នេះ ទំហំពាណិជ្ជកម្មនាំចេញមានចំនួន ៣០ ៤២៦,១ លានដុល្លារអាម៉េរិក កើនឡើងប្រមាណ ១៤,៦% ធៀបនឹងឆ្នាំ២០២៤ ដែលក្នុងនោះ ផលិតផលវិនិយោគ​កាត់​ដេរមានកំណើន ១៦,៤%, ផលិតផលវិនិយោគមិនមែនកាត់ដេរ (មានជាអាទិ៍ សំបកកង់រថយន្ត, គ្រឿងបំណែកអេឡិច​ត្រូនិក, បង្គុំខ្សែភ្លើង, ផលិតផលពី​ឈើ, អំពូល, កង់, ផលិតផលប្លាស្ទិក, ឧបករណ៍និងម៉ាស៊ីនវីដេអូហ្គេម, ស្បែកសត្វ, គ្រឿងសង្ហារិម, គ្រឿងបន្លាស់រថយន្ត និងផលិតផលឧស្សាហកម្មផ្សេងៗ​ទៀត) មានកំណើន ២០,១%, និងកសិផល (មានជាអាទិ៍ ស្រូវ, គ្រាប់ស្វាយចន្ទី, កៅស៊ូ, ដំឡូង, អង្ករ និងកសិផលផ្សេងៗទៀត) ថយចុះ ៤,៤%។

តាមរយៈកិច្ចប្រជុំខាងលើនេះដែរ ក៏បានបញ្ជាក់ឱ្យដឹងដែរថា នៅឆ្នាំ២០២៥ ទំហំពាណិជ្ជកម្មនាំចូលមានចំនួន ៣៣ ៨៨២,២ លានដុល្លារអាម៉េរិក កើនឡើងប្រមាណ ១៨,៧% ធៀបនឹងឆ្នាំ២០២៤ ដែលក្នុងនោះទំនិញនាំចូលសំខាន់ៗមានជាអាទិ៍ ផលិតផលតេលសិលា, យានយន្តនិងគ្រឿងចក្រ, វត្ថុធាតុដើមវាយនភ័ណ្ឌ, វត្ថុធាតុដើមកម្មន្តសាល, គ្រឿងម៉ាស៊ីនបម្រើដល់គម្រោងវិនិយោគ, គ្រឿងសំណង់, សារធាតុគីមី, គ្រឿងឧបភោគបរិភោគ និងទំនិញចម្រុះផ្សេងទៀត៕អត្ថបទ៖ ហ្សាលីន

The post ក្នុងឆ្នាំ២០២៥ ការនាំចេញរបស់កម្ពុជា សម្រេចជាង ៣ម៉ឺនលានដុល្លារ កើនឡើងជាង ១៤% appeared first on .

យោងតាមសេចក្តីប្រកាសជូនដំណឹង របស់អគ្គនាយកដ្ឋានគយនិងរដ្ឋាករកម្ពុជា និងអគ្គនាយកដ្ឋានសុខភាពសត្វ និងផលិតកម្មសត្វ កាលពីថ្ងៃទី៥ ខែកុម្ភៈ បានឱ្យដឹងថា ដើម្បីពង្រឹង ប្រសិទ្ធភាពនៃការគ្រប់គ្រងការនាំចូលមុខទំនិញសាច់បង្កក រាជរដ្ឋាភិបាលបានកំណត់ក្រុមហ៊ុនមានគុណវុឌ្ឍនាំចូលមុខ ទំនិញសាច់បង្កក ជំហានទី៥ ចំនួន ៧ ក្រុមហ៊ុនបន្ថែមទៀត។

គួរបញ្ជាក់ថា បើតាមសេចក្តីប្រកាសជូនដំណឹងដដែលបានបញ្ជាក់ថា ក្រុមហ៊ុនវិនិយោគមានលក្ខណសម្បត្តិគ្រប់គ្រាន់ (គ.ល.គ) ត្រូវបានទទួលស្គាល់ជាក្រុមហ៊ុនមានគុណវុឌ្ឍ សម្រាប់ការនាំចូលមុខទំនិញសាច់បង្កកដោយស្វ័យប្រវត្តិ។

សូមបញ្ជាក់បន្ថែមថា ក្រុមហ៊ុនដែលមានលក្ខណៈសម្បត្តិគ្រប់គ្រាន់ ដែលអាចនាំចូលសាច់បង្កកបាន លុះត្រាគោរពតាមលក្ខខណ្ឌ៖ មានកម្មវត្ថុអាជីវកម្មសមស្រប មានប្រភពផ្គត់ផ្គង់សាច់បង្កកពីក្រៅប្រទេសច្បាស់លាស់ ត្រូវមានឃ្លាំងរក្សាគុណភាពសាច់បង្កក ស្របតាមលក្ខណៈបច្ចេកទេសត្រឹមត្រូវ និង
ត្រូវធានាអះអាងជាលាយលក្ខណ៍អក្សរថា នឹងប្រើប្រាស់មធ្យោបាយដឹកជញ្ជូន និងចែកចាយសាច់បង្កក ដែលមានលក្ខណៈបច្ចេកទេសសមស្រប៕

The post ក្រុមហ៊ុនចំនួន៧បន្ថែមទៀត ត្រូវបានអនុញ្ញាតឱ្យនាំចូលសាច់បង្កក appeared first on .

ថ្លែងក្នុងវេទិកាផ្សព្វផ្សាយ និងដាក់ឲ្យអនុវត្ដផែនការសកម្មភាព ឆ្នាំ២០២៦ របស់អគ្គនាយកដ្ឋានគយ និងរដ្ឋាករកម្ពុជា កាលពីថ្ងៃទី២៧ ខែមករា ឆ្នាំ២០២៦ លោក គុណ ញឹម បានលើកឡើងថា ក្នុងឆ្នាំ២០២៥ ការប្រមូលចំណូលគយគឺបានលើសផែនការ រហូតដល់២៤.៥ភាគរយ។

លោកបន្តថា នេះជាតួលេខមួយខ្ពស់ បើប្រៀបធៀបជាមួយនឹងផែនការ គឺមានការកើនឡើងដល់ស្មើឆ្នាំ២០១៩ ដែលជាតួរលេខមួយខ្ពស់។

គួរឱ្យដឹងថា អគ្គនាយកដ្ឋានគយនិងរដ្ឋាករកម្ពុជា តែងរៀបចំផែនការសកម្មភាពការងារជារៀងរាល់ឆ្នាំក្នុងការបង្កើនប្រសិទ្ធភាពប្រមូលពន្ធនិងការងារផ្សេងៗ។ ដោយក្នុងផែនការសកម្មភាពឆ្មាំ២០២៦នេះ បានបែងចែកជា ៣ផ្នែកសំខាន់ៗ គឺ (១) ការពង្រឹងគោលនយោបាយពន្ធអាករ និងការងារបច្ចេកទេសគយ, (២) កិច្ចសម្រួលពាណិជ្ជកម្ម, អនុលោមភាពនិងការអនុវត្តច្បាប់, និងការធ្វើទំនើបកម្មប្រព័ន្ធបច្ចេកវិទ្យាព័ត៌មាន, និង (៣) ការពង្រឹងសមត្ថភាពស្ថាប័នគយ៕

The post គយ ប្រមូលចំណូលបានជិត៣.២ពាន់លានដុល្លារ ក្នុងឆ្នាំ២០២៥ លើសផែនការ២៤% appeared first on .

សាលាជាតិគយ បានឱ្យដឹងថា សិក្ខាសាលានេះ រៀបចំឡើងជាលើកទី២ ប្រចាំឆ្នាំ២០២៥ អនុលោមតាមផែនការសកម្មភាព ឆ្នាំ២០២៥ របស់អគ្គនាយកដ្ឋានគយនិងរដ្ឋាករកម្ពុជា ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ (PFM) ដំណាក់កាលទី៤ សម្រាប់មន្រ្តីគយនិងរដ្ឋាករដែលកំពុងបម្រើការងារនៅទីចាត់ការកណ្តាល និងអង្គភាពគយនិងរដ្ឋាករមូលដ្ឋាននៃអគ្គនាយកដ្ឋានគយនិងរដ្ឋាករកម្ពុជា សរុបប្រមាណជាង ១០០ រូប ដើម្បីផ្សព្វផ្សាយនូវបទប្បញ្ញត្តិថ្មីៗពាក់ព័ន្ធនឹងការលើកទឹកចិត្តផ្នែកគយសម្រាប់គម្រោងវិនិយោគមានលក្ខណៈសម្បត្តិគ្រប់គ្រាន់ និងសហគ្រាសធុនតូចនិងមធ្យម ស្របតាមច្បាប់និងបទប្បញ្ញត្តិជាធរមាន។

ថ្លែងក្នុងពិធីបើកសិក្ខាសាលា លោក ផា អេងវ៉េង បានលើកឡើងអំពីវឌ្ឍនភាពថ្មីៗ ពាក់ព័ន្ធនឹងការផ្តល់ការលើកទឹកចិត្តសម្រាប់គម្រោងវិនិយោគ ស្របតាមច្បាប់និងបទប្បញ្ញត្តិពាក់ព័ន្ធនឹងការវិនិយោគ ដែលបានជំរុញកំណើនសេដ្ឋកិច្ចជាតិ និងបង្កើននូវចំណូលសម្រាប់ប្រជាពលរដ្ឋជាពលករ និងកម្មករក្នុងវិស័យទាំងនេះ។ អគ្គនាយកដ្ឋានគយនិងរដ្ឋាករកម្ពុជា បានចូលរួមយ៉ាងសកម្មក្នុងការពិនិត្យនិងផ្តល់យោបល់លើការស្នើសុំការលើកទឹកចិត្តពន្ធនិងអាករនេះ នៅគ្រប់ដំណាក់កាល សម្រាប់គម្រោងវិនិយោគ និងសហគ្រាសធុនតូចនិងមធ្យម។

ទន្ទឹមនឹងការវិវត្តយ៉ាងលឿននៃបច្ចេកវិទ្យាព័ត៌មាន អគ្គនាយកដ្ឋានគយនិងរដ្ឋាករកម្ពុជា បានបន្តអភិវឌ្ឍនិងដាក់ឱ្យអនុវត្តនូវប្រព័ន្ធបច្ចេកវិទ្យាព័ត៌មាន និងបទប្បញ្ញត្តិពាក់ព័ន្ធ សម្រាប់គាំទ្រកិច្ចដំណើរការបំពេញបែបបទបញ្ចេញទំនិញពីគយ ឱ្យកាន់តែមានភាពទុកចិត្តបាន រហ័ស សុវត្ថិភាព និងមិនមានបន្ទុកដល់វិស័យឯកជន ក្នុងគោលដៅពង្រឹងប្រសិទ្ធភាពការងារ និងកិច្ចសហប្រតិបត្តិការ ដើម្បីលើកកម្ពស់កិច្ចសម្រួលពាណិជ្ជកម្ម, កាត់បន្ថយចំណាយឡូជីស្ទីក, កែលម្អបរិយាកាសធុរកិច្ច និងវិនិយោគនៅកម្ពុជា។

លោកបន្ថែមថា សិក្ខាកាមនៃអង្គសិក្ខាសាលា នឹងបានទទួលនូវចំណេះបន្ថែមលើប្រធានបទសំខាន់ៗដូចជា៖ ការលើកទឹកចិត្តផ្នែកគយសម្រាប់គម្រោងវិនិយោគក្រោមក្របខ័ណ្ឌច្បាប់វិនិយោគ និងអនុក្រឹត្យពាក់ព័ន្ធនឹងការអនុវត្តច្បាប់វិនិយោគ, ការត្រួតពិនិត្យបញ្ជីមេមុខទំនិញស្នើសុំរបស់គម្រោងវិនិយោគ, កិច្ចដំណើរការស្នើសុំលិខិតអនុញ្ញាតតាមប្រព័ន្ធបញ្ជរតែមួយជាតិ, យន្តការគ្រប់គ្រងការលើកទឹកចិត្តពន្ធគយ នៅក្របខ័ណ្ឌអនុគណៈកម្មាធិការវិនិយោគរាជធានី-ខេត្ត, ការលើកទឹកចិត្តសម្រាប់ការវិនិយោគនៅខេត្តព្រះសីហនុ និងការវិនិយោគកនៅភូមិភាគឦសាន, និងការលើកទឹកចិត្តផ្នែកគយសម្រាប់សហគ្រាសធុនតូចនិងមធ្យមជាដើម។

ចំណេះដឹងនាពេលនេះ នឹងក្លាយជាមូលដ្ឋានគ្រឹះដ៏សំខាន់បន្ថែមទៀតសម្រាប់មន្រ្តីគយនិងរដ្ឋាករមានសមត្ថកិច្ច ប្រើប្រាស់និងអនុវត្តក្នុងការពង្រឹងប្រសិទ្ធភាពនៃការគ្រប់គ្រងការលើកទឹកចិត្តពន្ធនិងអាករ, ការកៀរគរចំណូលជូនរដ្ឋ និងបង្កើនកិច្ចសម្រួលពាណិជ្ជកម្ម ដោយធានាបាននូវតុល្យភាព និងភាពស្មើគ្នាក្នុងការធ្វើធុរកិច្ច វិនិយោគនៅកម្ពុជា៕

The post គយរៀបចំសិក្ខាសាលា លើកទឹកចិត្តផ្នែកគយសម្រាប់គម្រោងវិនិយោគមានលក្ខណៈសម្បត្តិគ្រប់គ្រាន់ និងសហគ្រាសធុនតូចនិងមធ្យម appeared first on .

របាយការណ៍ខាងលើបានឱ្យដឹងថា នៅក្នុង​ខែសីហា ឆ្នាំ២០២៥ កម្ពុជានាំចូលទំនិញពីថៃ មានតម្លៃជាង ២១៣លានដុល្លារ ខណៈនាំចេញទៅថៃវិញ មានតម្លៃជាង ៤៦លានដុល្លារ ថយចុះ៣៦.២%។

គួរបញ្ជាក់ថា ក្នុងរយៈពេលមួយខែកក្កដា ក្នុងឆ្នាំ២០២៥ ការនាំចូលទំនិញពីថៃ មកកម្ពុជា មានតម្លៃជាង ១៦៦លានដុល្លារ ពោលគឺបានធ្លាក់ចុះប្រមាណ ៤៤.១% ​ដែលបើធៀបនឹងរយៈពេល ១ខែដូចគ្នាកាលពីឆ្នាំមុន ដែលក្នុងតម្លៃជាង ២៩៧លានដុល្លារ។ ដោយឡែកការនាំចេញពីកម្ពុជាទៅថៃក្នុងខែកក្កដាកន្លងទៅនេះ មានតម្លៃជាង ៤០លានដុល្លារ ធ្លាក់ចុះប្រមាណ ៣១.៣% បើធៀបនឹងរយៈពេលដូចគ្នាកាលពីឆ្នាំមុន មានតម្លៃជាងជាង ៥៩លានដុល្លារ។ 

គួរបញ្ជាក់ដែរថា ចាប់​​​តាំងពីមានជម្លោះព្រំដែនរវាងកម្ពុជានិងថៃ ឈានដល់ការបិទព្រំដែនជាឯកតោភាគីពីថៃ ការផ្ទុះអាវុធមក ការធ្វើពាណិជ្ជកម្មរវាងប្រទេសទាំងពីរមានការធ្លាក់ចុះជាបន្តបន្ទាប់។

សូមជម្រាបដែរថា ក្នងរយៈពេល៨ខែ ឆ្នាំ២០២៥នេះ ទំហំពាណិជ្ជកម្មរវាងកម្ពុជា និងថៃមានតម្លៃ ២.៦ពាន់លានដុល្លារ ថយចុះ​៦.៤% បើធៀបនឹងរយៈពេលដូចគ្នាកាលពីឆ្នាំ២០២៤ ក្នុងនោះកម្ពុជានាំចេញទៅថៃមានតម្លៃជាង ៥៣៤លានដុល្លារ ខណៈថៃនាំចូលមកកម្ពុជាមានតម្លៃ២.១​ពាន់លានដុល្លារ៕

The post ក្នុងខែសីហា ការនាំចូលទំនិញពីថៃមកកម្ពុជាថយចុះជិត៣០% appeared first on .

ជំនួបពិភាក្សានេះ បានធ្វើឡើងកាលពីរសៀលថ្ងៃទី២៥ ខែសីហា ឆ្នាំ២០២៥ ក្រោមវត្តមានលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានជួបពិភាក្សាការងារជាមួយលោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា។

កិច្ចប្រជុំនេះ បានឱ្យដឹងថា កន្លងមក ការអនុវត្តវិធានការពង្រឹងអនុលោមភាពលើការនាំចូលធាតុចូលផលិតកម្មរបស់គម្រោងវិនិយោគមានលក្ខណៈសម្បត្តិគ្រប់គ្រាន់បម្រើការនាំចេញ បានជួបប្រទះនូវបញ្ហាមួយចំនួនដែលទាមទារឱ្យស្ថាប័នទាំងពីរជួបពិភាក្សាដើម្បីរៀបចំយន្តការសមស្រប និងកំណត់នូវនិយាមនីតិវិធីប្រតិបត្តិការងារ (Standard Operation Procedure – SOP) ដើម្បីជំរុញឱ្យកិច្ចការនេះកាន់តែមានប្រសិទ្ធភាព និងឆ្លើយតបទៅនឹងតម្រូវការ, ការលំបាក និងបញ្ហាប្រឈមរបស់វិនិយោគិន ដើម្បីធានាដល់ការធ្វើឱ្យប្រសើរឡើងនូវបរិយាកាសវិនិយោគនៅកម្ពុជា ក៏ដូចជាការលើកកម្ពស់ភាពប្រកួតប្រជែងរបស់កម្ពុជាក្នុងការទាក់ទាញវិនិយោគថ្មី និងការថែទាំវិនិយោគដែលមានស្រាប់។ លទ្ធផលនៃកិច្ចប្រជុំនេះ នឹងត្រូវគោរពរាយការណ៍ជូនថ្នាក់ដឹកនាំនៃស្ថាប័នទាំងពីរដើម្បីស្នើសុំមតិដឹកនាំ។

សូមរម្លឹកដែរថា រយៈពេល ៧ខែ នៃឆ្នាំ២០២៥ មានគម្រោងវិនិយោគរហូតដល់ទៅ ៤៤០ គម្រោងត្រូវបានអនុម័ត ក្នុងទំហំទុនវិនិយោគប្រមាណ ៦,៧ពាន់លានដុល្លារ។ ចំនួនគម្រោងដែលបានអនុម័តក្នុងរយៈពេល ៧ខែ នៃឆ្នាំ២០២៥នេះ ជាតួលេខដែលច្រើនជាងរយៈពេល ១២ខែពេញ នៃឆ្នាំ២០២៤ ហើយក៏ជាតួលេខខ្ពស់ជាងគេបំផុតក្នុងកំណត់ត្រាប្រវត្តិការងារជាង៣០ឆ្នាំ បន្ទាប់ពីបង្កើត CDC៕អត្ថបទ៖ហ្សាលីន

The post កម្ពុជា កំពុងជំរុញការអនុវត្តការពង្រឹងអនុលោមភាពលើការនាំចូលធាតុចូលផលិតកម្មរបស់គម្រោងវិនិយោគ appeared first on .