ជុំវិញជម្លោះនេះ បានកើតឡើងចាប់តាំងពីខែតុលា ឆ្នាំ២០២៣ មកម្លេះ នៅពេលដែល និយតករសុវត្ថិភាពអ៊ីនធឺណិត បានប្តឹងទៅលើក្រុមហ៊ុន X ដោយសារតែពួកគេមិនបានឆ្លើយតបគ្រប់គ្រាន់ចំពោះសំណើ សម្រាប់ការផ្តល់ព័ត៌មានអំពីវិធានការប្រឆាំងទៅនឹងការកេងប្រវ័ញ្ចកុមារ។

គួរឲ្យដឹងផងដែរថា ដំបូងឡើយ ក្រុមហ៊ុន X បានព្យាយាមបដិសេធមិនព្រមបង់ប្រាក់ពិន័យ ដោយសំអាងថាខ្លួនបានផ្លាស់ប្តូរឈ្មោះទៅជាក្រុមហ៊ុនថ្មី បន្ទាប់ពីលោក Musk បានទិញយកនៅក្នុងតម្លៃ ៤៤ពាន់លានដុល្លារ ក្នុងឆ្នាំ២០២២។ ប៉ុន្តែទោះជាយ៉ាងណាក៏ដោយ លោក Christopher Tran មេធាវីរបស់និយតករសុវត្ថិភាពអ៊ីនធឺណិត បាននិយាយការយកលេសនេះ គឺមិនអាចទៅរួចនោះឡើយ ដោយនៅក្នុងសវនាការ ចុងចោទ បានទទួលស្គាល់ថាខ្លួនពិតជាបានរំលោភច្បាប់ពិតមែន។

ជាលទ្ធផល នៅថ្ងៃព្រហស្បតិ៍ ចៅក្រម Michael Wheelahan បានសម្រេចដំឡើងការពិន័យដល់ ៦៥០,០០០ដុល្លារអូស្ត្រាលី ហើយបានបញ្ជាក្រុមហ៊ុន X បង់ប្រាក់បន្ថែម ១០០,០០០ដុល្លារអូស្ត្រាលីទៀត ដើម្បីទូទាត់ថ្លៃដើមផ្នែកច្បាប់មួយចំនួនរបស់និយតករ៕​

The post ក្រុមហ៊ុនបណ្តាញសង្គម X របស់មហាសេដ្ឋី Elon Musk ចាញ់ក្តីនៅអូស្រ្តាលី រងការពិន័យធ្ងន់ធ្ងរ appeared first on .

ថ្មីៗនេះ លោក ត្រាំ បានអំពាវនាវឱ្យអឺរ៉ុប និងមហាអំណាចពិភពលោក រួមមាន ចិន បារាំង ជប៉ុន កូរ៉េខាងត្បូង និងអង់គ្លេស បញ្ជូននាវាចម្បាំងទៅកាន់តំបន់មជ្ឈិមបូព៌ា​ ដើម្បីការពារនាវាដឹកជញ្ជូនប្រេង នៅច្រកសមុទ្រហ័រមូស។

ក្នុងចំណោមប្រទេសទាំងនោះ រដ្ឋមន្ត្រីការពារជាតិជប៉ុន លោក ស៊ីនជីរ៉ូ កូអ៊ីហ្សូមី (Shinjiro Koizumi) បានលើកឡើងថា ការបញ្ជូនកម្លាំងស្វ័យការពារទៅក្រៅប្រទេស គឺជាបញ្ហានយោបាយដ៏រសើបបំផុតសម្រាប់ប្រទេសជប៉ុនដែលប្រកាន់យកគោលការណ៍សន្តិភាពនិយម។

លោកបានសង្កត់ធ្ងន់ថា ជប៉ុនមានសមត្ថភាពយោធា មាននាវាចម្បាំង និងមានបច្ចេកវិទ្យាគ្រប់គ្រាន់ដើម្បីបញ្ជូនទៅជួយអាម៉េរិក ប្រសិនបើចង់ធ្វើ តែ«លទ្ធភាពផ្នែកបច្ចេកទេស» និងការសម្រេចចិត្តថាតើ«គួរធ្វើឬមិនគួរ» ក្រោមស្ថានភាពបច្ចុប្បន្ន គឺជារឿងពីរដាច់ដោយឡែកពីគ្នា។

ស្របពេលជាមួយគ្នានេះ រដ្ឋមន្ត្រីក្រសួងដឹកជញ្ជូនអូស្ត្រាលី អ្នកស្រី កាធើរីន ឃីង (Catherine King) ក៏បានបញ្ជាក់ ដែរថា អូស្ត្រាលីនឹងមិនបញ្ជូននាវាទៅកាន់ច្រកសមុទ្រ Hormuz នោះទេ ដោយលោកស្រីយល់ឃើញថា វាមិនមែនជាកិច្ចការដែលអូស្ត្រាលីត្រូវចូលរួមចំណែកក្នុងពេលនេះឡើយ។

គួរបញ្ជាក់ថា ការបដិសេធមិនចូលរួមប្រតិបត្តិការយោធារបស់ប្រទេសទាំងពីរ បានធ្វើឱ្យរដ្ឋបាលលោក ត្រាំ កាន់តែឯកោ។ ជំហរនេះបង្ហាញពីភាពរកាំរកូសក្នុងសម្ព័ន្ធភាព និងការព្រួយបារម្ភថាការប្រើកម្លាំងបាយនឹងធ្វើឱ្យសង្គ្រាមមជ្ឈិមបូព៌ាកាន់តែរីករាលដាលខ្លាំង៕

The post ជប៉ុន និងអូស្ត្រាលី បដិសេធបញ្ជូននាវាចម្បាំងទៅកាន់ច្រកសមុទ្រ Hormuz តាមការស្នើរបស់លោក ត្រាំ appeared first on .

គម្រោងអគារកប់ពពកកម្ពស់ ៩១ ជាន់នេះ នឹងត្រូវសាងសង់ឡើងនៅតំបន់ឆ្នេរដ៏ពេញនិយម Gold Coast ក្នុងរដ្ឋ Queensland ប្រទេសអូស្ត្រាលី ខណៈពេលដែលក្រុមហ៊ុនអភិវឌ្ឍនិយាយថា វានឹងក្លាយជាអគារខ្ពស់ជាងគេបំផុតរបស់ប្រទេសផងដែរ។

យ៉ាងណាមិញ បើតាមលោក David Young នាយកប្រតិបត្តិក្រុមហ៊ុនអភិវឌ្ឍអចលនទ្រព្យក្នុងស្រុក Altus Property Group បាននិយាយថា គម្រោងអភិវឌ្ឍនេះមានរយៈពេលជិត ២០ឆ្នាំមកហើយ ​ប៉ុន្តែកិច្ចព្រមព្រៀងចុងក្រោយ ទើបតែត្រូវបានចុះហត្ថលេខា នៅរីសត Mar-a-Lago កាលពីថ្ងៃទី១៤ ខែកុម្ភៈកន្លងទៅនេះ។

ជម្រាបជូនផងដែរថា បច្ចុប្បន្នក្រុមហ៊ុន Trump Organization កំពុងស្ថិតនៅក្នុងដំណើរការនៃការរចនា វិស្វកម្ម សាងសង់ និងការងារដំឡើងផ្សេងៗ ដោយអគារនេះនឹងត្រូវបានគ្រប់គ្រងការសាងសង់ទាំងស្រុងដោយក្រុមហ៊ុនរបស់អូស្ត្រាលីផ្ទាល់៕​

The post ក្រុមហ៊ុនលោក ត្រាំ ចុះកិច្ចព្រមព្រៀងសង់អគារខ្ពស់កប់ពពកតម្លៃជាង ១ពាន់លានដុល្លារ នៅអូស្ត្រាលី appeared first on .

រដ្ឋមន្ត្រីក្រសួងពាណិជ្ជកម្មអូស្រ្តាលី លោក Don Farrell បានហៅការផ្លាស់ប្តូរនេះថាជារឿងមិនសមហេតុផល ដោយលោកក៏បានបង្ហាញពីភាពប្រេះឆាដែលអាចកើតឡើងរវាងភាគីប្រទេសទាំងពីរដែលជាសម្ព័ន្ធមិត្តយុទ្ធសាស្រ្តដ៏ជិតស្និទ្ធមួយ។

គួរឲ្យដឹងថាការប្រកាសនេះ ត្រូវបានធ្វើឡើងបន្ទាប់ពី លោក ត្រាំ បានសម្រេចបង្កើនពន្ធ ១០%​ និងក្រោយមកដំឡើងដល់ ១៥% សម្រាប់ការនាំចូលទំនិញពីគ្រប់ប្រទេសទាំងអស់ បន្ទាប់ពីតុលាការកំពូលអាមេរិក សម្រេចលុបចោលយន្តការពន្ធពីមុនរបស់រដ្ឋបាលរបស់លោក ត្រាំ ដែលត្រូវចាត់ទុកថាខុសច្បាប់។

យ៉ាងណាមិញ សម្រាប់ប្រទេសអូស្ត្រាលី ការបង្កើនពន្ធគយថ្មីនេះ គឺមានហានិភ័យខ្ពស់។ ក្នុងនាមជាអ្នកនាំចេញរ៉ែដែក ឧស្ម័នធម្មជាតិរាវ និងផលិតផលកសិកម្មដ៏សំខាន់ ពន្ធ ១៥% នឹងគំរាមកំហែងដល់គុណសម្បត្តិប្រកួតប្រជែងនៃទំនិញអូស្ត្រាលីនៅក្នុងទីផ្សារអាមេរិក។

ប៉ុន្តែទោះជាយ៉ាងណាក៏ដោយ លោក Farrell បានបញ្ជាក់ថា រដ្ឋាភិបាលអូស្រ្តាលី កំពុងធ្វើការជាមួយស្ថានទូតរបស់ខ្លួននៅទីក្រុងវ៉ាស៊ីនតោន ដើម្បីវាយតម្លៃការខូចខាត ហើយនឹងត្រៀមខ្លួនរួចជាស្រេច ដើម្បីចាត់វិធានការឆ្លើយតបវិញ៕​

The post អូស្រ្តាលី ព្រមានចាត់វិធានការឆ្លើយតប ក្រោយលោក ត្រាំ ដំឡើងពន្ធសកលដល់ ១៥% appeared first on .

មហាសេដ្ឋីរ៉ែ លោកស្រី Gina Rinehart នៅតែបន្តរក្សាតំណែងកំពូលរបស់ខ្លួន ក្នុងនាមជាអ្នកមានបំផុតរបស់ប្រទេស។ ប៉ុន្តែទោះជាយ៉ាងណាក លោកស្រីបានមើលឃើញទ្រព្យសម្បត្តិរបស់ខ្លួន ធ្លាក់ចុះ ១៥% មកនៅត្រឹម ២៤,៦ពាន់លានដុល្លារ។ នេះបើយោងតាមការធ្វើបច្ចុប្បន្នភាពចុងក្រោយដោយទស្សនាវដ្តីអាមេរិក Forbes ។

ទន្ទឹមនឹងនេះ លោក Harry Triguboff ដែលជានាយកគ្រប់គ្រងក្រុមហ៊ុនអភិវឌ្ឍអចលនទ្រព្យ Meriton បានពង្រឹងជំហររបស់លោកក្នុងនាមជាអ្នកមានបំផុតទីពីររបស់ប្រទេសអូស្ត្រាលី ដោយទ្រព្យសម្បត្តិរបស់លោកបានកើនឡើង ២០% ដល់ ២២,៦ពាន់លានដុល្លារ។

បន្ទាប់មក គឺលោក Andrew Forrest ដែលជាមហាសេដ្ឋី​​រ៉ែ ​បាន​ឡើងមក​ឈរ​នៅ​លំដាប់​ទី​បី បន្ទាប់​ពី​ការ​កើនឡើង​នៃ​តម្លៃ​ភាគហ៊ុន​នៅ​ក្រុមហ៊ុន​ផលិត​រ៉ែ​ដែក Fortescue Metals Group ដែលបាន​បង្កើន​ទ្រព្យសម្បត្តិ​របស់​លោក​ដល់ ២០,១ពាន់​លាន​ដុល្លារ។

ដោយឡែកសហស្ថាបនិកក្រុមហ៊ុនរចនាសូហ្វវែ Canva លោក Cliff Obrecht និងលោកស្រី Melanie Perkins បានឡើង​មកកាន់​ចំណាត់​ថ្នាក់​ទី​បួន ជាមួយចំនួនទ្រព្យសម្បត្តិសរុបប្រមាណជាង ១៥ពាន់លានដុល្លារ។ និងចុងក្រោយគឺលោក Anthony Pratt ដែលជាប្រធានក្រុមហ៊ុនវេចខ្ចប់ និងកែច្នៃឡើងវិញ Visy Asia-Pacific បានឃើញទ្រព្យសម្បត្តិសរុបរបស់ខ្លួន កើនឡើងដល់ ១១,៥ពាន់លានដុល្លារ៕​

The post មហាសេដ្ឋីកំពូលៗរបស់អូស្រា្តលីមើលឃើញទ្រព្យសម្បត្តិសរុបពួកគេកើនឡើងជិត ១០០ពាន់លានដុល្លារ appeared first on .

ក្នុងអំឡុងពេលនៃការផ្តល់បទសម្ភាសមួយនៅលើវាលស្មៅមុខសេតវិមាន កាលពីថ្ងទី១៦ ខែកញ្ញា អ្នកកាសែត John Lyons មកពីសារព័ត៌មាន ABC របស់អូស្រ្តាលី​ បានសួរលោក ត្រាំ អំពីការរកស៊ីរបស់លោក ក្នុងអំឡុងពេលកាន់តំណែងជាប្រធានាធិបតីនាពេលបច្ចុប្បន្ននេះថា តើវាសមរម្យដែរឬទេសម្រាប់មេដឹកនាំដែលកំពុងកាន់អំណាច ហើយចូលដៃក្នុងសកម្មភាពអាជីវកម្មផ្ទាល់ខ្លួននោះ។

ភ្លាមៗនោះ លោក ត្រាំ បានឆ្លើយតបវិញទាំងមួរម៉ៅថា៖”​ កូនៗរបស់ខ្ញុំកំពុងដំណើរការអាជីវកម្មនេះ”។ លោក ត្រាំ ថែមទាំងបានចោទសួរទៀតថា តើអ្នកកាសែតរូបនេះ មកពីណា។

យ៉ាងណាមិញ បន្ទាប់ពីបានដឹកថា Lyons មកពីសារព័ត៌មាន ABC របស់អូស្រ្តាលី​ ប្រធានាធិបតីអាមេរិករូបនេះ បានព្រមានថារូបគេកំពុងបង្កគ្រោះថ្នាក់ដល់ប្រទេសរបស់ខ្លួនហើយ។

លោក Trump បាននិយាយបន្តទៀតថា ៖”អូស្ត្រាលីចង់រួមរស់ជាមួយខ្ញុំ។ អ្នកដឹងទេ មេដឹកនាំរបស់អ្នកនឹងមកជួបខ្ញុំក្នុងពេលឆាប់ៗនេះ។ ខ្ញុំនឹងប្រាប់គាត់អំពីអ្នក”។

ជម្រាបជូនថា នាយករដ្ឋមន្រ្តីអូស្រ្តាលី លោក Albanese ត្រូវបានគេរំពឹងថានឹងជួបជាមួយលោក ត្រាំ នៅសប្តាហ៍ក្រោយ នៅខាងក្រៅព្រឹត្តិការណ៍ UN៕​

The post លោក ត្រាំ មួរម៉ៅក្តៅចិត្តក្រោយអ្នកកាសែតអូស្រ្តាលីម្នាក់ សួររឿងអាជីវកម្មផ្ទាល់ខ្លួន appeared first on .

បើតាមតុលាការកំពូលរបស់ប្រទេសអូស្ត្រាលី បានបង្ហាញឲ្យដឹងថា ក្នុងអំឡុងពេលជំងឺរាតត្បាត ក្នុងឆ្នាំ២០២០ អ្នកគ្រប់គ្រងជាន់ខ្ពស់របស់ Qantas បានសម្រេចបញ្ឈប់បុគ្គលិកសរុបចំនួន ១ ៨២០ នាក់ ហើយផ្លាស់ប្តូរការងាររបស់ពួកគេ ទៅឲ្យអ្នកម៉ៅការជំនួសវិញ។

យ៉ាងណាមិញ ក្រុមហ៊ុន Qantas បាននិយាយថា​ ការបញ្ឈប់នេះ គឺជាការសម្រេចចិត្តផ្នែកពាណិជ្ជកម្ម ប៉ុន្តែបើតាមតុលាការសហព័ន្ធ បានចាត់ទុកវិធានការនេះ ជាសកម្មភាពមិនល្អ និងរើសអើង ដោយបំពានយ៉ាងធ្ងន់ធ្ងរ ទៅលើច្បាប់ការងារយុត្តិធម៌របស់ប្រទេសអូស្រ្តាលី។

គួរជម្រាបជូនផងដែរថា​ រឿងចម្រូងចម្រាស់នេះបានកើតឡើង ចាប់តាំងពីផ្ទុះជំងឺរាតត្បាតសកលមកម្លេះ ហើយបានអូសបន្លាយមកដល់ពេលបច្ចុប្បន្ន ដោយតុលាការបានសម្រេចឲ្យក្រុមហ៊ុន Qantas បង់ប្រាក់ពិន័យជិត ៦០លានដុល្លារ ដើម្បីបញ្ចប់រឿង៕​

The post ក្រុមហ៊ុនអាកាសចរណ៍​ Qantas រងពិន័យជិត ៦០លានដុល្លារ ជុំវិញការបណ្តេញបុគ្គលិករាប់ពាន់នាក់ appeared first on .

គណៈកម្មការប្រកួតប្រជែង និងអ្នកប្រើប្រាស់អូស្ត្រាលី (ACCC) បាននិយាយថាក្រុមហ៊ុន Google Asia Pacific បានចុះកិច្ចព្រមព្រៀងជាមួយក្រុមហ៊ុនទូរគមនាគមន៍ធំៗចំនួនពីរ​ គឺ​ Telstra និង Optus នៅចន្លោះខែធ្នូ ឆ្នាំ២០១៩ ដល់ខែមីនា ឆ្នាំ២០២១ ដោយបង់ប្រាក់ឲ្យពួកគេ ដើម្បីដំឡើងកម្មវិធីស្វែងរក Google Search ជាមុន នៅលើទូរសព្ទ Android ដែលពួកគេបានលក់។

មិនតែប៉ុណ្ណោះ ACCC បាននិយាយនៅក្នុងសេចក្តីថ្លែងការណ៍មួយថា ជាថ្នូរមកវិញទាំង Telstra និង Optus បានទទួលចំណែកនៃប្រាក់ចំណូលដែល Google បានមកពីការផ្សាយពាណិជ្ជកម្មបង្ហាញដល់អ្នកប្រើប្រាស់ នៅពេលពួកគេប្រើប្រាស់ Google Search នៅលើទូរសព្ទ Android របស់ពួកគេ ដែលនេះគឺជាការប្រឆាំងធ្ងន់ធ្ងរទៅនឹងច្បាប់ប្រកួតប្រជែង។

ACCC ក៏បានបញ្ជាក់ផងដែរថា Google ឥឡូវនេះ បានយល់ព្រមសហការជាមួយនិយតករ ដើម្បីទទួលខុសត្រូវ និងយល់ព្រមបង់ប្រាក់ពិន័យសរុបចំនួន ៥៥លានដុល្លារអូស្រ្តាលី​ (៣៥,៨លានដុល្លារ) ជុំវិញការរំលោភបំពានច្បាប់នេះ៕​

The post និយតករអូស្ត្រាលីប្តឹង Google ឲ្យផ្តល់សំណងជាង ៣៥លានដុល្លារ ពីបទប្រឆាំងច្បាប់ប្រកួតប្រជែង appeared first on .

លោក ត្រាំ បាននិយាយកាលពីថ្ងៃអាទិត្យថាលោកនឹងណែនាំវិធានការពន្ធថ្មីចំនួន ២៥% លើការនាំចូលដែកថែប និងអាលុយមីញ៉ូមទាំងអស់ទៅកាន់សហរដ្ឋអាមេរិក ដោយបន្ថែមពីលើពន្ធលោហធាតុដែលមានស្រាប់ នៅក្នុងការកើនឡើងដ៏សំខាន់មួយទៀតនៃការផ្លាស់ប្តូរគោលនយោបាយពាណិជ្ជកម្មរបស់លោក។

ប៉ុន្តែទោះជាយ៉ាងណាក៏ដោយ លោក Albanese បានប្រាប់អ្នកយកព័ត៌មានថា ៖”ខ្ញុំបានបង្ហាញពីករណីពិសេសរបស់ប្រទេសអូស្ត្រាលីសម្រាប់ការលើកលែងនេះ ហើយប្រធានាធិបតីសហរដ្ឋអាមេរិក បានយល់ព្រម ដើម្បីពិចារណាឡើងវិញ ចំពោះការដកអូស្រ្តាលីចេញ ពីវិធានការពន្ធគយថ្មីនេះ។ វាជាការពិភាក្សាប្រកបដោយភាពស្ថាបនា និងកក់ក្តៅម្តងទៀត ជាមួយប្រធានាធិបតីលោក ត្រាំ”។

គួរឲ្យដឹងថា ការពិភាក្សារបស់លោក Albanese ជាមួយលោក ត្រាំ ត្រូវបានធ្វើឡើងត្រឹមតែមួយថ្ងៃប៉ុណ្ណោះ បន្ទាប់ពីរដ្ឋមន្ត្រីពាណិជ្ជកម្មរបស់ប្រទេសអូស្ត្រាលីបាននិយាយថា ការនាំចេញដែកថែប និងអាលុយមីញ៉ូមរបស់អូស្ត្រាលី ទៅកាន់សហរដ្ឋអាមេរិកបានបង្កើតការងារជូនដល់ពលរដ្ឋអាមេរិកដែលមានប្រាក់ខែល្អ និងជាគន្លឹះសម្រាប់ផលប្រយោជន៍ការពារជាតិរួមគ្នា។

អូស្ត្រាលី ដែលជាសម្ព័ន្ធមិត្តសន្តិសុខដ៏សំខាន់របស់សហរដ្ឋអាមេរិក នៅក្នុងតំបន់ឥណ្ឌូប៉ាស៊ីហ្វិក បានដឹកជញ្ជូនផលិតផលដែក និងដែកមានតម្លៃប្រហែលសរុប ២៣៧លានដុល្លារ ទៅកាន់សហរដ្ឋអាមេរិកក្នុងឆ្នាំ២០២៣ និងអាលុយមីញ៉ូមមានតម្លៃ ២៧៥លានដុល្លារ ក្នុងឆ្នាំ២០២៤។ នេះបើយោងតាមទិន្នន័យទទួលបានពី Comtrade ។

ជម្រាបជូនថា រដ្ឋាភិបាលអូស្ត្រាលី បាននិយាយកាលពីឆ្នាំមុនថា ដែកថែបកែច្នៃរបស់អូស្ត្រាលីត្រូវបានទិញដោយក្រុមហ៊ុនសាងសង់កប៉ាល់យោធាដ៏ធំបំផុតរបស់សហរដ្ឋអាមេរិក ខណៈពេលដែលប្រទេសអូស្ត្រាលី អង់គ្លេស និងសហរដ្ឋអាមេរិក ត្រូវបានចាត់ទុកជាដៃគូនៃកតិកាសញ្ញាការពារជាតិ AUKUS ដែលផ្តោតលើការរួមបញ្ចូលខ្សែសង្វាក់ផ្គត់ផ្គង់ការពារជាតិគ្នា ទៅវិញទៅមក៕

The post អាមេរិក ពិចារណាលើកលែងប្រទេសអូស្រ្តាលី ពីការយកពន្ធគយលើដែក និងអាលុយមីញ៉ូម appeared first on .

រដ្ឋមន្ត្រីក្រសួងបរិស្ថាន លោកស្រី Tanya Plibersek បាននិយាយថា គម្រោងតភ្ជាប់ថាមពលពីអូស្ត្រាលី ទៅកាន់តំបន់អាស៊ី របស់ក្រុមហ៊ុនក្នុងស្រុក SunCable នឹងអាចជួយបំពេញតម្រូវការដែលកំពុងកើនឡើង ជាពិសេសសម្រាប់ថាមពលកកើតឡើងវិញទាំងនៅក្នុងប្រទេស និងក្រៅប្រទេស។

លោកស្រី Plibersek បានបន្ថែមឲ្យដឹងទៀតថា កសិដ្ឋានថាមពលពន្លឺព្រះអាទិត្យដ៏ធំបំផុតរបស់ខ្លួន នឹងអាចបង្កើតអគ្គិសនីគ្រប់គ្រាន់ ដើម្បីផ្តល់ថាមពលដល់ផ្ទះចំនួន ៣ លាន ហើយថែមទាំងអាចបញ្ជូនចេញទៅកាន់ប្រទេសសិង្ហបុរីបាន ផងដែរ។

ទន្ទឹមនឹងនេះ បើយោងតាមក្រុមហ៊ុន SunCable បានបញ្ជាក់ថា ការសម្រេចចិត្តវិនិយោគចុងក្រោយរំពឹងថានឹងត្រូវធ្វើឡើង នៅឆ្នាំ២០២៧ ជាមួយនឹងការចាប់ផ្តើមផ្គត់ផ្គង់អគ្គិសនី នៅដើមទសវត្សរ៍ឆ្នាំ២០៣០។

ជម្រាបជូនថា នៅពេលបញ្ចប់ គម្រោងនេះអាចផ្តល់ថាមពលអគ្គិសនីបៃតងរហូតដល់ ៦ ជីហ្គាវ៉ាត់ ដល់ឧស្សាហកម្មធំៗ នៅទីក្រុង Darwin ដែលស្ថិតនៅភាគខាងជើងប្រទេសអូស្ត្រាលី និងនៅក្នុងប្រទេសសិង្ហបុរី ផងដែរ៕

The post អូស្ត្រាលី អនុម័តគម្រោងតម្លៃជាង ១៣ពាន់លានដុល្លារ ដើម្បីនាំចេញថាមពលព្រះអាទិត្យទៅកាន់សិង្ហបុរី appeared first on .