ក្រសួងការពារជាតិឥណ្ឌា បានប្រកាសនៅថ្ងៃទី១៧ ខែសីហាថា ខ្លួនបានចុះហត្ថលេខាលើកិច្ចព្រមព្រៀងជាមួយក្រុមហ៊ុនអាមេរិក General Atomics ដើម្បីជួលយន្តហោះគ្មានមនុស្សបើកប្រភេទ MQ-9B Sea Guardian ចំនួនពីរគ្រឿង សម្រាប់កងទ័ពជើងទឹករបស់ខ្លួនរយៈពេល ៣០ខែ ក្នុងតម្លៃប្រហែល ២០៣លានដុល្លារ។

យោងតាមទីភ្នាក់ងារដដែលបានបង្ហាញឲ្យដឹងទៀតថា កិច្ចព្រមព្រៀងនេះនឹង “បង្កើនយ៉ាងខ្លាំង” ទៅលើសមត្ថភាពឃ្លាំមើលតាមសមុទ្ររបស់កងទ័ពជើងទឹកឥណ្ឌា ដោយជំរុញសមត្ថភាពរបស់ខ្លួន ក្នុងការត្រួតពិនិត្យ និងឆ្លើយតបទៅនឹងការវិវឌ្ឍ នៅទូទាំងតំបន់មហាសមុទ្រឥណ្ឌា។

យោងតាម Reuters បានកត់សម្គាល់ថា កិច្ចព្រមព្រៀងនេះ ត្រូវបានធ្វើឡើងក្នុងចំណោមការប្រកួតប្រជែងរវាងឥណ្ឌា និងចិន សម្រាប់ឥទ្ធិពលយុទ្ធសាស្ត្រ នៅក្នុងតំបន់មហាសមុទ្រឥណ្ឌា។

គួរជម្រាបជូនថា ប្រទេសឥណ្ឌា ចាប់អារម្មណ៍ជាយូរមកហើយចំពោះយន្តហោះគ្មានមនុស្សបើកធំៗ និងប្រដាប់អាវុធពីសហរដ្ឋអាមេរិក។ នៅឆ្នាំ២០២៤ ទីក្រុងញូវដេលី បានចុះហត្ថលេខាលើកិច្ចព្រមព្រៀងមួយដែលមានតម្លៃប្រហែល ៣,៥ពាន់លានដុល្លារ ដើម្បីទិញយន្តហោះគ្មានមនុស្សបើក MQ-9B ចំនួន ៣១ គ្រឿង៕​

The post ឥណ្ឌា ចាយលុយជាង ២០០លានដុល្លារ ជួលយន្តហោះគ្មានមនុស្សបើក ២គ្រឿងរបស់សហរដ្ឋអាមេរិក appeared first on .

ទិន្នន័យ​បាន​បង្ហាញខាងលើបានបង្ហាញទៀត​ថា ការនាំចូល​ប្រេង​របស់​ឥណ្ឌា​ក្នុង​ខែកក្កដា ​បាន​កើនឡើង ៦២,៤% បើធៀបទៅនឹងរយៈពេលដូចគ្នា កាលពីឆ្នាំមុន ប៉ុន្តែ​បានធ្លាក់ចុះ ៤,៨% ពី​តួលេខ​នាំចូលបំបែកកំណត់ត្រាក្នុង​ខែមិថុនា​ ដែលមានចំនួន ២,៦ លាន​បារ៉ែល​ក្នុង​មួយថ្ងៃ។

គួរឲ្យដឹងថា ក្នុង​ខែមករា ក្រុមហ៊ុន​ចម្រាញ់​ប្រេង​របស់​ឥណ្ឌា​ បាន​ចាប់ផ្តើម​កាត់បន្ថយ​ការនាំចូល​ប្រេង​របស់​រុស្ស៊ី​ដើម្បី​ជៀសវាងការទទួលរង​ពន្ធ​ខ្ពស់​របស់​សហរដ្ឋអាមេរិក ខណៈ​ពេលដែល​ទីក្រុង​ញូវដេលី​កំពុង​ចរចា​កិច្ចព្រមព្រៀង​ពាណិជ្ជកម្ម​ជាមួយ​ទីក្រុង​វ៉ាស៊ីនតោន។

តែទោះជាយ៉ាងណាក៏ដោយ ការរំខាន​ដល់​ការផ្គត់ផ្គង់​នៅ​មជ្ឈិមបូព៌ា​ដែល​បង្កឡើង​ដោយ​សង្គ្រាម​អ៊ីរ៉ង់​បាន​បង្ខំ​ឱ្យ​ក្រុមហ៊ុន​ចម្រាញ់​ប្រេង​របស់​ឥណ្ឌា​ បន្ត​ទិញ​ប្រេង​របស់​រុស្ស៊ីឡើងវិញ។

មិនតែប៉ុណ្ណោះ យោងទិន្នន័យបានបង្ហាញទៀតថា ចំណែកនៃការនាំចូលប្រេងឆៅពីរុស្ស៊ីរបស់ឥណ្ឌា បានកើនឡើងដល់កម្រិតខ្ពស់បំផុត ៤៣,២៥% ក្នុងរយៈពេលបួនខែដំបូងនៃឆ្នាំហិរញ្ញវត្ថុដែលបានចាប់ផ្តើមនៅក្នុងខែមេសា ដែលមានមធ្យមជាង ២ លានបារ៉ែលក្នុងមួយថ្ងៃ ពោលគឺបានកើនឡើងពីប្រហែល ៣៧% កាលពីមួយឆ្នាំមុន៕​

The post ឥណ្ឌា នៅតែបន្តទិញចូលប្រេងរបស់រុស្ស៊ីដល់កម្រិតខ្ពស់បំផុត ក្នុងខែកក្កដា appeared first on .

ទន្ទឹមនឹងនេះ យោងតាមការចុះផ្សាយរបស់សារព័ត៌មានហិរញ្ញវត្ថុ Moneycontrol បានបង្ហាញថា លោក Mark បានសុំទោសចំពោះវត្តមាននៃខ្លឹមសារមិនសមរម្យ ក៏ដូចជាខ្លឹមសារ Deepfake និងកំហុសបច្ចេកទេសនៅលើវេទិកាសង្គមរបស់ Meta ដែលខ្លួនមិនអាចគ្រប់គ្រងបាន និងបានជះផលអវិជ្ជមាននៅក្នុងប្រទេសឥណ្ឌា។

យ៉ាងណាមិញ ការចុះផ្សាយនេះបានបន្ថែមទៀតថា ការសុំទោសរបស់លោក Mark នេះត្រូវបានធ្វើឡើងក្នុងអំឡុងពេលកិច្ចប្រជុំរវាងនាយកប្រតិបត្តិ Meta និងមន្ត្រីរដ្ឋាភិបាលឥណ្ឌាកាលពីថ្ងៃអង្គារ។ ក្រុមហ៊ុន Meta មានកម្មវិធីប្រព័ន្ធផ្សព្វផ្សាយសង្គមសំខាន់ៗរួមមាន Facebook និង Instagram ជាដើម។

គួរជម្រាបជូនផងដែរថា កាលពីខែកក្កដា រដ្ឋាភិបាលឥណ្ឌាបានបញ្ជាឱ្យ Meta លុបចោលការផ្សាយពាណិជ្ជកម្ម និងខ្លឹមសារដែលពាក់ព័ន្ធនឹងការរំលោភបំពានផ្លូវភេទកុមារនៅលើ Instagram។ រដ្ឋាភិបាលប្រទេសនេះ ក៏បានស្វែងរកការពន្យល់ពី Meta ក្នុងរយៈពេលប្រាំពីរថ្ងៃ អំពីរបៀបដែលការផ្សាយពាណិជ្ជកម្មដែលមានខ្លឹមសារបែបនេះ ត្រូវបានអនុញ្ញាតនៅលើវេទិកាប្រព័ន្ធផ្សព្វផ្សាយសង្គមរបស់ពួកគេផងដែរ៕

The post មហាសេដ្ឋី Mark Zuckerberg ចេញមុខសុំទោសរដ្ឋាភិបាលឥណ្ឌា ជុំវិញកំហុសបច្ចេកទេសរបស់ Meta appeared first on .

លោក Pradhan បានសរសេរនៅលើបណ្តាញសង្គមកាលពីថ្ងៃទី២៥ ខែកក្កដាថា ៖”ខ្ញុំបានដាក់លិខិតលាលែងពីតំណែងរបស់ខ្ញុំទៅកាន់នាយករដ្ឋមន្ត្រីរួចរាល់ហើយ”។ លោកបានបន្ថែមទៀតថា ការសម្រេចចិត្តនេះ ត្រូវបានធ្វើឡើងបន្ទាប់ពីមានការតវ៉ារបស់យុវជននៅតំបន់ Jantar Mantar ក្នុងទីក្រុង New Delhi និងទូទាំងប្រទេសប្រឆាំងនឹងរឿងអាស្រូវលេចធ្លាយវិញ្ញាសារប្រឡងចូលសាលាវេជ្ជសាស្ត្រជាតិរបស់ឥណ្ឌា កាលពីខែឧសភា។

គួរឲ្យដឹងថា ក្នុងអំឡុងពេលប្រឡងចូលសាលាវេជ្ជសាស្ត្រជាតិក្នុងខែឧសភា សំណួរប្រឡងត្រូវបានលេចធ្លាយ ដែលនាំឱ្យមានការលុបចោលលទ្ធផលចូលរៀន និងបទបញ្ជារបស់រដ្ឋាភិបាលសម្រាប់ការប្រឡងឡើងវិញ ដែលប៉ះពាល់ដល់បេក្ខជនប្រហែលពីរលាននាក់។ ការតវ៉ាក៏បានឆ្លុះបញ្ចាំងពីការមិនពេញចិត្តចំពោះកង្វះការងារ អំពើពុករលួយ និងការទទួលខុសត្រូវរបស់រដ្ឋាភិបាលផងដែរ។

ជម្រាបជូនថា លោក Pradhan គឺជារដ្ឋមន្ត្រីទីពីរដែលបានលាលែងពីតំណែងដោយសារតែរឿងអាស្រូវចាប់តាំងពីលោកនាយករដ្ឋមន្ត្រី Narendra Modi ឡើងកាន់អំណាចក្នុងឆ្នាំ២០១៤ មក។ ពីមុនលោក MJ Akbar ត្រូវលាលែងពីតំណែងពីទេសរដ្ឋមន្ត្រីនៅឆ្នាំ២០១៨ បន្ទាប់ពីត្រូវបានចោទប្រកាន់ពីបទយាយីផ្លូវភេទលើស្ត្រីមួយចំនួន៕​

The post រដ្ឋមន្ត្រីក្រសួងអប់រំឥណ្ឌា លាលែចេញពីតំណែងក្រោយបែកធ្លាយវិញ្ញាសារប្រឡងថ្នាក់ជាតិ appeared first on .

ជុំវិញការវិនិយោគថ្មីចុងក្រោយនេះ គឺជាការបន្ថែមទៅលើកញ្ចប់ថវិកាចំនួន ៣៥ពាន់លានដុល្លារដែលបានគ្រោងទុក និងត្រូវបានប្រកាសកាលពីឆ្នាំមុន ដែលនាំឱ្យការវិនិយោគរបស់ក្រុមហ៊ុនពាណិជ្ជកម្មអេឡិចត្រូនិកនៅក្នុងប្រទេសនេះ កើនដល់ ៤៨ពាន់លានដុល្លាររហូតដល់ឆ្នាំ២០៣០។

គួរឲ្យដឹងថា ការប្រកាសនេះត្រូវបានធ្វើឡើងបន្ទាប់ពីមានកិច្ចប្រជុំរវាងនាយកប្រតិបត្តិក្រុមហ៊ុន Amazon លោក Andy Jassy និងនាយករដ្ឋមន្ត្រីឥណ្ឌា លោក Narendra Modi កាលពីថ្ងៃព្រហស្បតិ៍ នៅទីក្រុងញូវដេលី។

លោក Jassy បាននិយាយនៅក្នុងការបង្ហោះមួយនៅលើវេទិកាប្រព័ន្ធផ្សព្វផ្សាយសង្គម X ថា ៖”យើងបានចែករំលែកថា យើងកំពុងវិនិយោគ ៤៨ពាន់លានដុល្លារក្នុងរយៈពេលប្រាំឆ្នាំខាងមុខ ដោយក្នុងនោះ ២១ពាន់លានដុល្លារនឹងត្រូវផ្តោតនៅក្នុងហេដ្ឋារចនាសម្ព័ន្ធ AI និង Cloud”។

គួរជម្រាបជូនផងដែរថា ក្នុងរយៈពេលចុងក្រោយនេះ ក្រុមហ៊ុនបច្ចេកវិទ្យាធំៗរបស់សហរដ្ឋអាមេរិក បានវិនិយោគរាប់ពាន់លានដុល្លារនៅក្នុងប្រទេសឥណ្ឌា ដែលបង្ហាញពីភាពលេចធ្លោរបស់ប្រទេសនេះ ក្នុងនាមជាមជ្ឈមណ្ឌលយុទ្ធសាស្ត្រសម្រាប់ការរីកចម្រើននៃ Cloud, AI និងបច្ចេកវិទ្យាស៊ីជ្រៅនាពេលអនាគតផ្សេងទៀត៕​

The post Amazon គ្រោងចាក់លុយវិនិយោគ ១៣ពាន់លានដុល្លារបន្ថែមនៅឥណ្ឌា លើប្រព័ន្ធ Cloud និង AI appeared first on .

យោងតាមទីភ្នាក់ងារធ្វើតេស្តថ្នាក់ជាតិរបស់ក្រសួងអប់រំ បានបង្ហាញឲ្យដឹងថា ជុំវិញការបិទជាបណ្តោះអាសន្ននេះ ត្រូវបានធ្វើឡើងដើម្បីជាការឆ្លើយតបទៅនឹងការប្រើប្រាស់វេទិកា Telegram ដើម្បីចែកចាយវិញ្ញាសារដល់បេក្ខជនដែលត្រៀមខ្លួនសម្រាប់ការប្រឡងវេជ្ជសាស្រ្តថ្នាក់ជាតិ។

យ៉ាងណាមិញ កាលពីខែមុន រដ្ឋាភិបាលឥណ្ឌា ក៏បានលុបចោលការប្រឡងចូលរៀនថ្នាក់បរិញ្ញាបត្រ NEET សម្រាប់មហាវិទ្យាល័យវេជ្ជសាស្ត្រផងដែរ បន្ទាប់ពីអាជ្ញាធរបាននិយាយថា ពួកគេកំពុងស៊ើបអង្កេតការចោទប្រកាន់ថាសំណួររបស់ខ្លួនត្រូវបានលេចធ្លាយ មុនពេលមានការប្រឡង។

គួរឲ្យដឹងផងដែរថា ជុំវិញបញ្ហានេះ បង្កឱ្យមានបាតុកម្មតវ៉ាយ៉ាងខ្លាំងក្លាពីនិស្សិតនៅទូទាំងប្រទេស រួមទាំងមានបាតុកម្មពីគណបក្សប្រឆាំង Cockroach Janta Party ដ៏ល្បីល្បាញផងដែរ ដើម្បីទាមទារឱ្យរដ្ឋមន្ត្រីក្រសួងអប់រំ លោក Dharmendra Pradhan ចុះចេញពីតំណែង។

ជម្រាបជូនថា រដ្ឋាភិបាលឥណ្ឌា សម្រេចកំណត់ថ្ងៃប្រឡងជាថ្មីដែលនឹងធ្វើឡើងនៅថ្ងៃទី ២១ ខែមិថុនា ខណៈ Telegram នឹងត្រូវបើកឱ្យដំណើរការជាធម្មតាវិញ នៅថ្ងៃទី២២ ខែមិថុនា៕​

The post ឥណ្ឌា បិទ Telegram បណ្តោះអាសន្ន ដើម្បីទប់ស្កាត់ការបែកធ្លាយវិញ្ញាសារប្រឡងថ្នាក់ជាតិ appeared first on .

យោងតាមសេចក្តីថ្លែងការណ៍នេះ ក្រុមហ៊ុន Reliance នឹងសាងសង់មជ្ឈមណ្ឌលផ្ទុកទិន្នន័យដែលមានសមត្ថភាព ១៦៨ MW នៅក្នុងខេត្ត Jamnagar ក្នុងរដ្ឋ Gujarat ភាគខាងលិចនៃប្រទេសឥណ្ឌា ដែលក្នុងនោះ Meta នឹងជួលបន្ត ជាមួយនឹងជម្រើសក្នុងការពង្រីកបន្ថែម។

ក្រុមហ៊ុន Meta ក៏បាននិយាយផងដែរថា មូលដ្ឋានអ្នកប្រើប្រាស់ដ៏ធំរបស់ប្រទេសឥណ្ឌា និងសេដ្ឋកិច្ចឌីជីថលដែលកំពុងរីកចម្រើនយ៉ាងឆាប់រហ័ស ធ្វើឱ្យប្រទសនេះក្លាយជាកន្លែងដ៏ល្អបំផុតសម្រាប់វិនិយោគ។

គួរជម្រាបជូនផងដែរថា កាលពីខែសីហា ឆ្នាំមុន ក្រុមហ៊ុន Meta និង Reliance បានបង្កើតក្រុមហ៊ុនរួមគ្នាមួយដើម្បីបង្កើតវេទិកា និងឧបករណ៍ AI សម្រាប់សហគ្រាសនៅក្នុងប្រទេសឥណ្ឌា ដោយប្រើប្រាស់គំរូភាសា Llama របស់ Meta។ ក្រុមហ៊ុន Reliance និង Meta បានប្តេជ្ញាចិត្តរួមគ្នាលើការវិនិយោគដំបូងចំនួន ៨,៥៥ពាន់លានរូពី (៨៩,៦លានដុល្លារ) ដោយបែងចែកភាគហ៊ុន ៧០% និង ៣០% រៀងៗខ្លួន៕​

The post Meta ចាប់ដៃសហការគ្នា​ជាមួយក្រុមហ៊ុនមហាសេដ្ឋីកំពូលឥណ្ឌា វិនិយោគលើមជ្ឈមណ្ឌលផ្ទុកទិន្ន័យ AI appeared first on .

គម្រោងនេះត្រូវបានប្រកាសនៅលើបណ្តាញសង្គម X ដោយលោក Devendra Fadnavis នាយករដ្ឋមន្រ្តីរដ្ឋMaharashtra បន្ទាប់ពីភាគីទាំងពីរបានចុះហត្ថលេខាលើលិខិតចេតនាសម្រាប់ការទិញដីនៅ Raigad ដែលជាស្រុកមួយនៅជាយក្រុងនៃមជ្ឈមណ្ឌលហិរញ្ញវត្ថុរបស់ប្រទេសឥណ្ឌាគឺ Mumbai។

លោក Fadnavis បាននិយាយនៅក្នុងប្រកាសរបស់ខ្លួនថា ៖”យើងបានផ្លាស់ប្តូរលិខិតចេតនាសម្រាប់ការបែងចែកដីនៅមជ្ឈមណ្ឌលលូតលាស់ Raigad Pen (Orange City) សម្រាប់មជ្ឈមណ្ឌលទិន្នន័យនាពេលខាងមុខរបស់ AirTrunk ជាមួយការវិនិយោគដ៏ធំសម្បើមចំនួន ២ពាន់ពាន់លានរូពីឥណ្ឌា ដែលមានសមត្ថភាព ៣ ជីហ្គាវ៉ាត់”។

គួរឲ្យដឹងថា ដោយមានមូលដ្ឋាននៅទីក្រុងស៊ីដនី ក្រុមហ៊ុន AirTrunk បាននិងកំពុងពង្រីកវត្តមានរបស់ខ្លួននៅទូទាំងតំបន់អាស៊ីប៉ាស៊ីហ្វិក ជាមួយនឹងប្រតិបត្តិការនៅក្នុងប្រទេសអូស្ត្រាលី ហុងកុង ឥណ្ឌា ជប៉ុន ម៉ាឡេស៊ី និងសិង្ហបុរី។ យោងតាម Forbes ក្រុមហ៊ុន AirTrunk ពីមុនក៏បានប្រកាសពីការវិនិយោគចំនួន ៣ពាន់លានដុល្លារនៅក្នុងមជ្ឈមណ្ឌលទិន្នន័យចំនួនពីរ នៅក្នុងប្រទេសម៉ាឡេស៊ីផងដែរ។

ជម្រាបជូនថា ក្រុមហ៊ុន AirTrunk បង្កើតឡើងដំបូងក្នុងឆ្នាំ២០១៥ ដោយលោក Robin Khuda ដែលមានដំណើតនៅក្នុងប្រទេសបង់ក្លាដែស បច្ចុប្បន្នលោក ត្រូវបាន Forbes ប៉ាន់ប្រមាណថាមានទ្រព្យសម្បត្តិសរុបប្រមាណ ២,១ពាន់លានដុល្លារ ដែលធ្វើឲ្យលោកស្ថិតក្នុងចំណោមអ្នកមានបំផុតរបស់ប្រទេសអូស្ត្រាលី៕​

The post មហាសេដ្ឋីលំដាប់កំពូលអូស្ត្រាលី គ្រោងចាយលុយ ២១ពាន់លានដុល្លារ សង់មជ្ឈមណ្ឌទិន្នន័យនៅឥណ្ឌា appeared first on .

យោងតាមការចុះផ្សាយពីសារព័ត៌មាន Reuters បានបង្ហាញឲ្យដឹងថា ក្រុមហ៊ុនចម្រាញ់ប្រេងនៅក្នុងប្រទេសដែលជាអ្នកនាំចូល និងប្រើប្រាស់ធំជាងគេទីបីរបស់ពិភពលោកមួយនេះ បានទិញប្រេងឆៅភាគច្រើនរបស់ពួកគេ ពីមជ្ឈិមបូព៌ា រហូតដល់សង្គ្រាមផ្ទុះឡើងនៅចុងខែកុម្ភៈ។

យ៉ាងណាមិញ បើតាមទិន្នន័យបឋមពី Kpler បង្ហាញថា នៅក្នុងខែមេសា និងឧសភា ក្រុមហ៊ុនចម្រាញ់ប្រេងឥណ្ឌា បានបង្កើនការនាំចូលពីប្រទេសវេណេស៊ុយអេឡា ប្រេស៊ីល អង់ហ្គោឡា និងនីហ្សេរីយ៉ា ដើម្បីបំពេញកង្វះខាត ក៏ដូចជាបន្តទិញប្រេងពីរុស្ស៊ី ផងដែរ។

ទិន្នន័យពីប្រភពដដែល បានបង្ហាញទៀតថា ទីក្រុងញូវដេលី បានកាត់បន្ថយការនាំចូលពីប្រទេសរុស្ស៊ីប្រហែល ២៩,៤% ពីខែមីនា មកត្រឹម ១,៦ លានបារ៉ែលក្នុងមួយថ្ងៃ។ តែទោះជាយ៉ាងណាក៏ដោយ នៅក្នុងខែឧសភានេះ ប្រទេសឥណ្ឌា បានបង្កើនការទិញប្រេងរុស្ស៊ីដល់ប្រហែល ១,៩ លានបារ៉ែលក្នុងមួយថ្ងៃ និងប្រេងអ៊ីរ៉ាក់ប្រហែល ៤១ ០០០ បារ៉ែលក្នុងមួយថ្ងៃ។

គួរជម្រាបជូនផងដែរថា រុស្ស៊ី នៅតែជាផ្គត់ផ្គង់ប្រេងកំពូលរបស់ឥណ្ឌា បន្ទាប់មកគឺអារ៉ាប់រួម និងអារ៉ាប៊ីសាអូឌីត។ ប្រេស៊ីលគឺជាអ្នកផ្គត់ផ្គង់ធំទីបួន ខណៈពេលដែលវេណេស៊ុយអេឡាជាប់ចំណាត់ថ្នាក់ទីប្រាំ។ ទិន្នន័យពី Kpler បានបង្ហាញថា វេណេស៊ុយអេឡាកំពុងស្ថិតនៅលើផ្លូវក្លាយជាអ្នកផ្គត់ផ្គង់ធំទីបួន របស់ឥណ្ឌា នៅក្នុងខែឧសភានេះ៕

The post ឥណ្ឌា ងាកទៅរកប្រេងរបស់អាមេរិកឡាទីន និងអាហ្រ្វិក បន្ទាប់ពីមានការរំខាននៅច្រកសមុទ្រ Hormuz appeared first on .

ប្រភពដដែលនេះ បានចុះផ្សាយដោយស្រង់ប្រភពចេញពីរដ្ឋាភិបាលឥណ្ឌាថា បច្ចុប្បន្នប្រទេសនេះ គ្មានគម្រោងដំឡើងពន្ធនាំចូលលើមាស និងប្រាក់នោះឡើយ ពោលគឺបន្ទាប់ពីនាយករដ្ឋមន្ត្រី លោក Narendra Modi បានជំរុញឲ្យពលរដ្ឋផ្អាកទិញមាសរយៈពេលមួយឆ្នាំ ដោយសារតែផលប៉ះពាល់នៃជម្លោះនៅមជ្ឈិមបូព៌ា។

គួរឲ្យដឹងថា ឥណ្ឌាគឺជាប្រទេសប្រើប្រាស់ប្រាក់ធំជាងគេបំផុតរបស់ពិភពលោក និងជាប្រទេសប្រើប្រាស់មាសធំបំផុតទីពីរផងដែរ។ ពីមុន ការអំពាវនវារបស់លោក Modi ឲ្យផ្អាកការទិញមាសនេះ បានជំរុញឲ្យមានការរំពឹងទុកថា រដ្ឋាភិបាលអាចនឹងដំឡើងពន្ធនាំចូលបន្ថែមទៀតលើលោហៈដ៏មាសតម្លៃនេះ។

គិតក្នុងពេលបច្ចុប្បន្ននេះ មាសដែលនាំចូលទៅក្នុងប្រទេសឥណ្ឌាត្រូវបង់ពន្ធផ្សេងៗ ដែលអាចកើនឡើងដល់ប្រហែល ៦% ក្នុងករណីជាច្រើន។

គួរជម្រាបជូនថា កាលពីថ្ងៃទី១០ ខែឧសភា នៅក្នុងព្រឹត្តិការណ៍មួយនៅទីក្រុងហៃដឺរ៉ាបាដ លោក Modi បានជំរុញឱ្យពលរដ្ឋផ្អាទិញមាស កាត់បន្ថយការធ្វើពិធីមង្គលការនៅបរទេស និងចៀសវាងការធ្វើដំណើរ ដើម្បីសន្សំសំចៃការចំណាយ។

វិធានការទាំងនេះត្រូវបានណែនាំក្នុងចំណោមបញ្ហាប្រឈមសំខាន់ៗផ្សេងទៀត ដែលសេដ្ឋកិច្ចឥណ្ឌាកំពុងជួបប្រទះដោយសារតែសង្គ្រាមអ៊ីរ៉ង់។ វិបត្តិថាមពលដែលបណ្តាលមកពីជម្លោះនៅមជ្ឈិមបូព៌ាកំពុងដាក់សម្ពាធយ៉ាងខ្លាំងលើទុនបម្រុងប្តូរប្រាក់បរទេស និងប្រាក់រូពីរបស់ប្រទេសនេះ៕​

​

The post ឥណ្ឌា គ្មានគម្រោងដំឡើងពន្ធបន្ថែមលើមាស និងប្រាក់ ដើម្បីទប់ទល់ការប្រើប្រាស់ក្នុងស្រុកឡើយ appeared first on .