កិច្ចប្រជុំនេះក៏មានការចូលរួមផងដែរពីសំណាក់ ឧកញ៉ា ងួន ម៉េងតិច​ អគ្គនាយកសភាពាណិជ្ជកម្មកម្ពុជា និងវត្តមានអនុសហប្រធានក្រុមការងារ “ឃ” តំណាងផ្នែកឯកជន​, តំណាងក្រុមការងារបច្ចេកទេសពន្ធដារផ្នែកឯកជន និងតំណាងក្រុមហ៊ុន សហគ្រាសឯកជនពាក់ព័ន្ធក្នុងវិស័យពន្ធដារជាច្រើនទៀត។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យនីតិកម្ម ពន្ធដារ និងអភិបាលកិច្ច ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងសេដ្ឋកិច្ច និងហិរញ្ញ​វត្ថុ នាពេលខាងមុខនេះ។ 

ជាលទ្ធផល កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមចាស់ដែលនៅសល់ និងបន្តលើកឡើងនូវបញ្ហាប្រឈមថ្មី របស់ផ្នែកឯកជនមួយចំនួនរួមមាន៖ ១. ការលក់នៅខាងក្រៅព្រំដែន , ២. បញ្ហាពន្ធលើការផ្ទេរភាគហ៊ុន ,​ ៣. ការអនុវត្តអាករលើតម្លៃបន្ថែមលើផលិតផលថ្នាំជក់នាំចូល, ៤. ពន្ធនាំចេញលើសារធាតុស្ពាន់,​ ៥. ការជួញដូរខុសច្បាប់លើផលិតផលបារី និងគ្រឿងស្រវឹង ,​៦. បញ្ហាទាក់ទងនឹងភេសជ្ជៈមានជាតិស្ករ, ៧. សំណើសុំអន្តរាគមន៍ដើម្បីដោះស្រាយសំណើរួមរបស់តំណាងភាគីនិយោជិត និងនិយោជក រួមនឹងបញ្ហាប្រឈមមួយចំនួន​ផ្សេងទៀតផងដែរ។

The post ឧកញ៉ា ងួន ម៉េងតិច ចូលរួមកិច្ចប្រជុំក្រុមការងារផ្នែកឯកជន “ផ្នែកនីតិកម្ម ពន្ធដារ និងអភិបាលកិច្ច” នៃវេទិការាជរដ្ឋាភិបាល-ផ្នែកឯកជន appeared first on .

បើតាមសភាពាណិជ្ជកម្មកម្ពុជា នាឱកាសនោះ លោកឧកញ៉ា អគ្គនាយក បានមានប្រសាសន៍ស្វាគមន៍យ៉ាងកក់ក្តៅចំពោះសមាជិក-សមាជិកាថ្មី និងបានបញ្ជាក់បន្ថែម អំពីប្រវត្តិ ក៏ដូចជាតួនាទី និងសកម្មភាពសំខាន់ៗរបស់សភាពាណិជ្ជកម្មកម្ពុជា ក្នុងការចូលរួមអភិវឌ្ឍវិស័យធុរកិច្ចឯកជន រាប់បញ្ចូលទាំងការដោះស្រាយបញ្ហាប្រឈម ការរៀបចំជំនួបពាណិជ្ជកម្ម ពិព័រណ៍ពាណិជ្ជកម្ម ក្នុងស្រុក និងក្រៅស្រុក និង ការរៀបចំព្រឹត្តិការណ៍ជំរុញធុរកិច្ចនិងវិនិយោគ ការផ្តល់នូវវគ្គបណ្តុះបណ្តាល  និងសិក្ខាសាលាផ្សេងៗ។

សូមជម្រាបថា ជាចុងបញ្ចប់នៃកម្មវិធី លោកឧកញ៉ា អគ្គនាយក បានអញ្ជើញប្រគល់លិខិតបញ្ជាក់សមាជិកភាពជាផ្លូវការ ជូនដល់សមាជិក-សមាជិកាថ្មី និងថតរូបទុកជាអនុស្សាវរីយ៍ផងដែរ៕

The post ឧកញ៉ា ងួន ម៉េងតិច ដឹកនាំរៀបចំពិធីស្វាគមន៍ និងសំណេះសំណាលជាមួយសមាជិក-សមាជិកាថ្មី របស់សភាពាណិជ្ជកម្មកម្ពុជា លើកទី៣៦ appeared first on .

ពិធីសម្ពោធនេះប្រព្រឹត្តទៅក្រោមអធិបតីភាព ឯកឧត្តម អ៊ុន គៀង រដ្ឋលេខាធិការក្រសួងការបរទេស និងសហ​ប្រតិបត្តិការអន្តរជាតិ និង លោកជំទាវ E.A.S. Wijayanthi Edirisinghe ឯកអគ្គរដ្ឋទូតស្រីលង្គាប្រចាំកម្ពុជា នៅសណ្ឋាគារ Raffle Hotel Le Royal រាជធានីភ្នំពេញ។

ក្នុងឱកាសនោះផងដែរ លោក ពីលី វង់ ត្រូវបានប្រកាសជាផ្លូវការតែងតាំងជា អគ្គកុងស៊ុលកិត្តិយសរបស់ស្រីលង្កា​ប្រចាំ​ព្រះរាជាណាចក្រកម្ពុជា។

សភា​ពាណិជ្ជកម្មកម្ពុជា បានគូសបញ្ជាក់ឱ្យដឹងថា ការបើកដំណើរការស្ថានកុងស៊ុលកិត្តិយសស្រីលង្កានៅកម្ពុជា​នេះ មានគោលបំណង ដើម្បីពង្រឹងទំនាក់ទំនងការទូត សេដ្ឋកិច្ច និងវប្បធម៌រវាងប្រទេសទាំងពីរ។ ទន្ទឹមនឹងនេះ​ការតែងតាំងអគ្គកុងស៊ុលកិត្តិយសថ្មីនាពេលនេះ ក៏នឹងដើរតួនាទីជាស្ពានភ្ជាប់ដ៏សំខាន់ក្នុងការជម្រុញ ពាណិជ្ជកម្ម ការវិនិយោគ ទេសចរណ៍ និងការផ្លាស់ប្តូររវាងប្រជាជននៃប្រទេសទាំងពីរ ព្រមទាំងផ្តល់សេវាកុងស៊ុលចាំបាច់​ដល់ពលរដ្ឋស្រីលង្កាដែលរស់នៅ ឬធ្វើដំណើរមកកម្ពុជា។

សូមជម្រាបថា ការបើកដំណើរការស្ថានកុងស៊ុលកិត្តិយសនេះ គឺជាជំហានថ្មីមួយ នៃកិច្ចសហប្រតិបត្តិការរវាង​ប្រទេស​ទាំងពីរ ដែលឆ្លុះបញ្ចាំងពីការបេ្តជ្ញាចិត្តរួមគ្នា ក្នុងការកសាងអនាគតប្រកបដោយវិបុលភាព​សម្រាប់​ប្រជាពលរដ្ឋនៃប្រទេសទាំងពីរ។

The post ឧកញ៉ា ងួន ម៉េងតិច តំណាងអ្នកឧកញ៉ា គិត ម៉េង ចូលរួមពិធីសម្ពោធ ស្ថានកុងស៊ុលកិត្តិយសស្រីលង្កា ប្រចាំព្រះរាជាណាចក្រកម្ពុជា appeared first on .

ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានសម្តែងនូវការស្វាគមន៍យ៉ាងកក់ក្តៅ និងបានផ្លាស់ប្តូរ​មតិយោបល់ និងពិភាក្សា លើកាលានុវត្តភាពធុរកិច្ច និងការវិនិយោគទ្វេភាគី ជាពិសេសផ្ដោតសំខាន់លើ វិស័យ កសិកម្ម និងកសិ-ឧស្សាហកម្ម ដែលជាវិស័យបង្គោលសេដ្ឋកិច្ចដ៏មានសក្តានុពលរបស់ប្រទេសទាំងពីរ កម្ពុជា-ម៉ាឡេស៊ី។ ទន្ទឹមនឹងនេះ ភាគីម៉ាឡេស៊ីបានបង្ហាញនូវចំណាប់អារម្មណ៍យ៉ាងខ្លាំងក្នុងការស្វែងរកដៃគូសហការ និងពង្រឹងខ្សែច្រវាក់ផ្គត់ផ្គង់កសិកម្ម និងបច្ចេកវិទ្យាកសិកម្មទំនើបៗ។

បន្ថែមពីលើនេះ គណៈប្រតិភូក៏បានគោរពអញ្ជើញសភាពាណិជ្ជកម្មកម្ពុជា ឱ្យដឹកនាំគណៈប្រតិភូធុរកិច្ចកម្ពុជា​ចូលរួមក្នុងព្រឹត្តិការណ៍ពិព័រណ៍កសិកម្ម វប្បកម្ម និងកសិទេសចរណ៍ម៉ាឡេស៊ី ឆ្នាំ២០២៦ (MAHA 2026 – Malaysia Agriculture, Horticulture and Agrotourism show) នាខែសីហានេះ ដែលជាព្រឹត្តិការណ៍កសិកម្ម​ដ៏ធំបំផុតមួយនៅក្នុងតំបន់ ដើម្បីបើកឱកាសឱ្យធុរជនកម្ពុជាបានជួបពិភាក្សា និងពង្រីកទីផ្សារដោយផ្ទាល់ជាមួយ​ដៃគូវិនិយោគអន្តរជាតិ។

ជាទីបញ្ចប់ ភាគីទាំងពីរបានប្តេជ្ញាចិត្តក្នុងការបន្តកិច្ចសហការ និងសម្របសម្រួលសកម្មភាពជំរុញពាណិជ្ជកម្មនានា ដើម្បីបង្កលក្ខណៈងាយស្រួលដល់ធុរជននៃប្រទេសទាំងពីរ ក្នុងការទាញយកផលប្រយោជន៍ជាអតិបរមា​ពីឱកាសទីផ្សារដែលមានស្រាប់ និងការបង្កើតភាពជាដៃគូយូរអង្វែង ផ្ដល់ផលប្រយោជន៍ទៅវិញទៅមក។

The post ឧកញ៉ា ងួន ម៉េងតិច តំណាងអ្នកឧកញ៉ា គិត ម៉េង ទទួលជួបពិភាក្សារវាងសភាពាណិជ្ជកម្មកម្ពុជា និង ទីប្រឹក្សាផ្នែកកសិកម្មនៃស្ថានទូតម៉ាឡេសុី appeared first on .

ក្នុងពិធីបើកសិក្ខាសាលានេះ ឧកញ៉ា ងួន ម៉េងតិច បានថ្លែងថា ការវិនិយោគលើការអប់រំអន្តរជាតិរបស់បុត្រធីតា គឺជា «ការវិនិយោគជាយុទ្ធសាស្ត្រ»។ តាមរយៈការសិក្សាក្នុងបរិយាកាសកម្រិតពិភពលោក ដូចជានៅប្រទេសអូស្ត្រាលី សិស្សានុសិស្សនឹងទទួលបាននូវផ្នត់គំនិត និងសមត្ថភាពអន្តរជាតិដែលចាំបាច់ ដើម្បីធ្វើទំនើបកម្មសហគ្រាសគ្រួសារ និងរួមចំណែកដល់គោលដៅអភិវឌ្ឍធនធានមនុស្ស ស្របតាមចក្ខុវិស័យកម្ពុជាក្លាយជាប្រទេសដែលមានចំណូលខ្ពស់នៅឆ្នាំ២០៥០។

លោកឧកញ៉ា ងួន ម៉េងតិច បានបន្ថែមថា សម្រាប់ម្ចាស់អាជីវកម្មគ្រប់រូប ការរក្សានិរន្តរភាពអាជីវកម្មឱ្យបានគង់វង្សតជំនាន់ គឺជាបំណងប្រាថ្នាដ៏ធំបំផុត។ ការបង្កើតអាជីវកម្មឱ្យជោគជ័យគឺជារឿងពិបាក ប៉ុន្តែការរក្សាអាជីវកម្មឱ្យមាននិរន្តរភាពទៅជំនាន់ក្រោយ គឺរឹតតែមានភាពប្រឈមខ្លាំងជាងនេះទៅទៀត។ មូលហេតុចម្បងដែលនាំឱ្យអាជីវកម្មគ្រួសារភាគច្រើនជួបហានិភ័យ គឺការខ្វះចន្លោះក្នុងការរៀបចំផែនការបន្តវេន ឬការខកខានក្នុងការបណ្តុះបណ្តាល “មរតកចំណេះដឹង” ឱ្យបានត្រឹមត្រូវ។ ដូច្នេះ ការវិនិយោគលើការសិក្សារបស់បុត្រធីតា គឺជាកត្តាចាំបាច់បំផុតដែលត្រូវគិតគូរឱ្យបានគ្រប់ជ្រុងជ្រោយ។

សូមជម្រាបថា សិក្ខាសាលាខាងលើនេះ បានជជែកពិភាក្សាលម្អិតអំពីការត្រៀមលក្ខណៈ និងមូលដ្ឋានគ្រឹះនានាដែលចាំបាច់សម្រាប់បណ្តុះបណ្តាល និងបញ្ជូនបុត្រធីតាទៅសិក្សានៅក្រៅប្រទេសជាពិសេសប្រទេសអូស្ត្រាលី និងវិធីសិក្សាមូលដ្ឋានគ្រឹះរយៈពេល ៦ខែ ព្រមទាំងបទពិសោធន៍ជោគជ័យនៅតាមបណ្តាប្រទេសនានាផងដែរ៕

The post ឧកញ៉ា ងួន ម៉េងតិច អញ្ជើញបើកសិក្ខាសាលាស្តីពីមាគ៌ាអប់រំសកល ដើម្បីគាំទ្រការរៀបចំអ្នកបន្តវេនអាជីវកម្ម និងអភិវឌ្ឍធនធានមនុស្សជំនាន់ក្រោយ appeared first on .

សភាពាណិជ្ជកម្មកម្ពុជា បានឱ្យដឹងថា កម្មវិធីនេះធ្វើឡើងក្នុងគោលបំណងដើម្បីផ្សព្វផ្សាយអំពីការធ្វើពាណិជ្ជកម្ម និងការវិនិយោគជាលក្ខណៈអន្តរជាតិ ព្រមទាំងជម្រុញកិច្ចសហប្រតិបត្តិការរវាងព្រះរាជាណាចក្រកម្ពុជា និង​ហុងកុង ឱ្យមានភាពប្រសើរឡើង ព្រមទាំងទទួលបាននូវឱកាសទីផ្សារល្អៗ និងយុទ្ធសាស្ត្រភាពជាដៃគូផងដែរ។

នៅក្នុងឱកាសនោះផងដែរ លោក Leung Kwan Ho នាយកតំបន់អាស៊ីអាគ្នេយ៍ និងអាស៊ីខាងត្បូងនៃ HKTDC បានមានប្រសាសន៍ថា “បេសកកម្មរបស់យើងគឺសាមញ្ញ៖ ដើម្បីលើកទឹកចិត្តធុរជនហុងកុង កាន់តែច្រើនឱ្យស្វែ​ងរក​ឱកាសនៅកម្ពុជា និងគាំទ្រក្រុមហ៊ុនកម្ពុជាក្នុងការពង្រីកទៅកាន់ទីក្រុងហុងកុង”។

​លោកបានបន្តថា ការបង្កើតការិយាល័យប្រឹក្សាយោបល់ HKTDC ថ្មីមួយនៅរាជធានីភ្នំពេញ ដឹកនាំដោយលោក Larry Ng Shuen Fai នឹងផ្តល់ការគាំទ្រសម្រាប់ការតភ្ជាប់អាជីវកម្ម ពិព័រណ៍ពាណិជ្ជកម្ម ការតាំងពិព័រណ៍ និង​ការណែនាំជាក់ស្តែងសម្រាប់ក្រុមហ៊ុនដែលកំពុងស្វែងរកឱកាសនៅក្រៅប្រទេស។

សូមបញ្ជាក់ថា វិនិយោគិនដែលបានចូលរួមក្នុងជំនួបនេះ មានឱកាសទទួលបានព័ត៌មានថ្មីៗ អំពីការអភិវឌ្ឍ​ទីផ្សារ​ក្នុងតំបន់ និងពិភពលោក ស្វែងរកឱកាសអាជីវកម្ម និងការវិនិយោគ តាមរយៈទីក្រុងហុងកុង, កសាងបណ្តាញ​ជាមួយអ្នកពាក់ព័ន្ធសំខាន់ៗ និងដៃគូដែលមានសក្តានុពល, ស្វែងយល់អំពីពិព័រណ៍ពាណិជ្ជកម្ម បេសកកម្ម និង​គំនិតផ្តួចផ្តើមអាជីវកម្មរបស់ HKTDC នាពេលខាងមុខផងដែរ៕

The post ឧកញ៉ា ងួន ម៉េងតិច ចូលរួមពិធីជំនួបពាណិជ្ជកម្ម ក្រោមប្រធានបទ បង្កើតឱកាសអាជីវកម្មសកលតាមរយៈ​ហុងកុង appeared first on .

ពិធីបើកសិក្ខាសាលានេះ បានប្រារព្វធ្វើឡើងក្រោមអធិបតីភាព លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងមានវត្តមានចូលរួមដោយលោក Milan Thomas សេដ្ឋវិទូជាន់ខ្ពស់ប្រចាំកម្ពុជារបស់ ADB និងលោក Paul Akiwumi នាយកផ្នែកកិច្ចការអាហ្រ្វិក និងកិច្ចការប្រទេសអភិវឌ្ឍន៍តិចតួច នៃអង្គការ UNCTAD ព្រមទាំង ឯកឧត្តម លោកជំទាវ តំណាងក្រសួង-ស្ថាប័ន និងតំណាងដៃគូអភិវឌ្ឍន៍ និងវិស័យឯកជនជាច្រើនរូបផងដែរ។

សភាពាណិជ្ជកម្មកម្ពុជា បានគូសបញ្ជាក់ថា សិក្ខាសាលានៃការសិក្សាស្រាជ្រាវនេះធ្វើឡើងក្នុងគោលបំណង ធ្វើការវិភាគលម្អិត និងផ្តល់អនុសាសន៍គោលនយោបាយពាណិជ្ជកម្ម ដើម្បីកម្ពុជាត្រៀមខ្លួនចាកចេញពីចំណាត់ថ្នាក់ជាប្រទេសអិភិវឌ្ឍន៍តិចតួច នៅក្នុងឆ្នាំ២០២៩ ខាងមុខ៕

The post ឧកញ៉ា ងួន ម៉េងតិច តំណាងអ្នកឧកញ៉ា គិត ម៉េង ចូលរួមសិក្ខាសាលាផ្តល់សុពលភាពលើការសិក្សាស្រាវជ្រាវរបស់ធនាគារ ADB និងអង្កការ UNCTAD ស្តីពី “ការត្រៀមខ្លួនចាកចេញពីចំណាត់ថ្នាក់ជាប្រទេសអភិវឌ្ឍន៍តិចតួចរបស់កម្ពុជា” appeared first on .

កិច្ចប្រជុំនេះដឹកនាំដោយ ឯកឧត្តម ហ៊ូ ស៊ីវយ៉ុង ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្កនាយក នៃអគ្គនាយកដ្ឋានសេវាពាណិជ្ជកម្ម និងជាប្រធានអនុក្រុមការងារ “ខ” ផ្នែករដ្ឋាភិបាល និង លោក រឿន ប៊ុនហេង ប្រធានអនុក្រុមការងារ “ខ” ផ្នែកឯកជន ព្រមទាំងមានការចូលរួមពី ឧកញ៉ា ងួន ម៉េងតិច សមាជិកអនុក្រុមការងារ “ខ”, មន្ត្រីពាក់ព័ន្ធនៃអគ្គនាយកដ្ឋានសេវាពាណិជ្ជកម្មនៃក្រសួងពាណិជ្ជកម្ម និងសមាជិក សមាជិកានៃអនុក្រុមការងារ “ខ” ផ្នែកឯកជនមួយចំនួនទៀតផងដែរ។

កិច្ចប្រជុំមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈម និងកង្វល់របស់ផ្នែកឯកជនពាក់ព័ន្ធនឹងសេវាពាណិជ្ជកម្ម ការចុះបញ្ជីពាណិជ្ជកម្ម និងកម្មសិទ្ធបញ្ញា ហើយបញ្ហាដែលមិនអាចដោះស្រាយបានក្នុងកម្រិតអនុក្រុមការងារនេះ និងត្រូវបញ្ជូនដោះស្រាយបន្តក្នុងក្រុមការងារ “ឆ” “ផ្នែកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម” ឆាប់ៗខាងមុខនេះ។

ជាលទ្ធផលកិច្ចប្រជុំបានដំណើរការពិនិត្យ ពិភាក្សា និងលើកឡើងនូវបញ្ហាប្រឈមចាស់ និងថ្មីមួយចំនួនរួមមាន៖ ១.ការចុះបញ្ជី បង្កើត វិសោធនកម្ម និងរំលាយសាខាក្រុមហ៊ុនក្នុងស្រុក , ២.ការស្នើសុំចុះបញ្ជីចំពោះការពង្រីកផលិតកម្មនៃក្រុមហ៊ុនដែលជាគម្រោងវិនិយោគមានលក្ខណៈសម្បត្តិគ្រប់គ្រាន់ , ៣.ការស្នើសុំសិទ្ធិគ្រប់គ្រងក្រុមហ៊ុន នៅក្នុងប្រព័ន្ធស្វ័យប្រវត្តិកម្ម , ៤.ការផ្តល់ដល់មន្ត្រីចុះបញ្ជីនូវឈ្មោះលេខាធិការរបស់ក្រុមហ៊ុន, ៥.ការចុះបញ្ជីទទួលស្គាល់អ្នកតំណាងស្របច្បាប់ជានិតិបុគ្គលក្នុងការស្នើសុំចុះបញ្ជីពាណិជ្ជកម្ម, ៦.ការកំណត់ចំនួនលក្ខន្តិកៈរបស់ក្រុមហ៊ុនដែលត្រូវតម្កល់ រួមទាំងបញ្ហាប្រឈមមួយចំនួនផ្សេងទៀត៕

The post ឧកញ៉ា ងួន ម៉េងតិច ចូលរួមកិច្ចប្រជុំអនុក្រុមការងារ “ខ” “ផ្នែកកិច្ចសម្រួលពាណិជ្ជកម្មលើសេវាពាណិជ្ជកម្ម ការចុះបញ្ជីពាណិជ្ជកម្ម និងកម្មសិទ្ធបញ្ញា” appeared first on .

កិច្ចប្រជុំនេះមានការចូលរួមផងដែរពីសំណាក់ អ្នកឧកញ៉ា ឡាវ កាង អនុសហប្រធានក្រុមការងារ “ឌ” ផ្នែកឯកជន និងវត្តមាន ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងជាសមាជិកក្រុមការងារចំពោះកិច្ចផ្នែកឯកជន។ ជាមួយគ្នានោះក៏មានវត្ដមានលោកឧកញ៉ា លោកជំទាវឧកញ៉ា និងតំណាងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា, តំណាងសមាគមធនាគារនៅកម្ពុជា, តំណាងសមាគមគ្រឹះស្ថានមីក្រូហិរញ្ញវត្ថុនៅកម្ពុជា, តំណាងក្រុមហ៊ុនឯកជនក្នុងវិស័យអចលនវត្ថុ និងសមាជិក សមាជិកានៃក្រុមការងារ “ឌ” ផ្នែកឯកជនមួយចំនួនទៀតផងដែរ។

តាមការបញ្ជាក់ឱ្យដដឹង កិច្ចប្រជុំនេះមានគោលបំណងដើម្បីពិគ្រោះ ពិនិត្យ ពិភាក្សា និងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យសំណង់ និងអចលនទ្រព្យ ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងរៀបចំដែនដី នគរូបនីយកម្ម និងសំណង់ នាពេលខាងមុខនេះ។

ជាលទ្ធផលកិច្ចប្រជុំបានដំណើរការពិនិត្យ ពិភាក្សាទៅលើបញ្ហាប្រឈមដែលមានស្រាប់ របស់ផ្នែកឯកជនរួមមាន÷ ១, ការវាយតម្លៃអចលនទ្រព្យពីសំណាក់ធនាគារ, ២, ការផ្តល់សេវាវាយតម្លៃអចលនទ្រព្យមិនស្របតាមប្រកាសរបស់អាជ្ញាធរ, ៣, ការវាយតម្លៃដែលមិនមានអាជ្ញាប័ណ្ណ, ៤, ការផ្តល់ចំនួនអាជ្ញាប័ណ្ណពី ន.អ.ប, ៥, ការផ្តល់កម្ចីមិនមានរបាយការណ៌វាយតម្លៃអចលនទ្រព្យ រួមនិងបញ្ហាប្រឈមមួយចំនួនទៀតផងដែរ៕

The post អ្នកឧកញ៉ា ឧកញ៉ា ច្រើនរូបចូលរួមកិច្ចប្រជុំក្រុមការងារផ្នែកឯកជន ក្រុម “ឌ” “ផ្នែកសំណង់ និងអចលនទ្រព្យ” appeared first on .

សិក្ខាសាលានេះ មានការអញ្ជើញចូលរួមពី ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិសហគ្រិនខ្មែរ, ឯកឧត្តម, លោក គី សុខគីម នាយកប្រតិបត្តិមូលនិធិអភិវឌ្ឍន៍ជំនាញ, លោក ភាព សុភ័ណ តំណាងមជ្ឈមណ្ឌលអភិវឌ្ឍធុរកិច្ច និងលោក ជា ថារក្ស ប្រធាននាយកដ្ឋានវិញ្ញាបនបត្រកម្ម នៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍ ព្រមទាំងមានការចូលរួមពីសមាជិក សមាជិកា ពាណិជ្ជករ អាជីវករ សិប្បករ និងសិស្ស-និស្សិត ប្រមាណ១២០នាក់។

ឯកឧត្តមបណ្ឌិត ឈៀង វណ្ណមុនិណ្ឌ បានលើកឡើងពីសារៈសំខាន់នៃស្លាកសញ្ញាស្តង់ដារ ក្នុងការកសាងទំនុកចិត្តរបស់អ្នកប្រើប្រាស់ និងធានាគុណភាពផលិតផល ជាពិសេសផលិតផលដែលមានបំណងនាំចេញ។ លោកបណ្ឌិត ក៏សង្កត់ធ្ងន់ទៅលើការរៀបចំប្រព័ន្ធផលិតកម្មឲ្យបានល្អ គឺសំខាន់ខ្លាំងណាស់សម្រាប់ភាពជោគជ័យរបស់អាជីវកម្ម ជាពិសេសក្នុងសហគ្រាសផលិតម្ហូបអាហារ ដោយបានលើកឡើងពីកត្តាសំខាន់ចំនួនបីនៅក្នុងដំណើរការគ្រប់គ្រងប្រព័ន្ធផលិតកម្ម គឺ៖ ១. ការគ្រប់គ្រងវត្ថុធាតុដើម ត្រូវធានាឱ្យបាននូវប្រភពគុណភាព ដំណើរការត្រឹមត្រូវ ការវេចខ្ចប់ ការស្តុកទុក និងការដឹកជញ្ជូន។ ២. ម្ចាស់អាជីវកម្មគួរតែវិនិយោគលើការគ្រប់គ្រងធនធានមនុស្ស រក្សាបុគ្គលិកដែលមានជំនាញ និងបន្តការអភិវឌ្ឍកម្លាំងពលកម្ម និង៣. ការគ្រប់គ្រងធនធានហិរញ្ញវត្ថុ ឲ្យបានត្រឹមត្រូវ ដើម្បីធានានិរន្តរភាព និងពង្រីកអាជីវកម្ម។

ក្នុងឱកាសនេះដែរ ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានវាយតម្លៃខ្ពស់ ចំពោះសិក្ខាសាលាក្នុងថ្ងៃនេះ ដែលទទួលបានការចូលរួមពីគ្រប់ភាគីពាក់ព័ន្ធយ៉ាងច្រើនកុះករ។ ឯកឧត្តមឧកញ៉ាអគ្គនាយក បានមានប្រសាសន៍ថា ប្រធានបទនៃអង្គសិក្ខាសាលាថ្ងៃនេះ ពិតជាបានផ្តល់នូវសារៈសំខាន់យ៉ាងចាំបាច់ជូនដល់អ្នកចូលរួម អាចឈ្វែងយល់កាន់តែស៊ីជម្រៅអំពីនិតីវិធី និងអត្ថប្រយោជន៍នៃការប្រើប្រាស់ស្លាកសញ្ញាស្ដង់ដារសម្រាប់ផលិតផល និងប្រព័ន្ធផលិតកម្ម ដែលបានពន្យល់យ៉ាងក្បោះក្បាយលម្អិតពីមន្រ្ដីជំនាញមកពីវិទ្យាស្ថានស្ដង់ដារ នៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍ ដែលនេះបង្ហាញពីការយកចិត្តទុកដាក់យ៉ាងខ្លាំងពីសំណាក់ស្ថាប័នសាធារណៈ នៅក្នុងការជួយគាំទ្រដល់វិស័យឯកជននៅកម្ពុជា។

សូមជម្រាបថា សិក្ខាសាលានេះ បានគូសបញ្ជាក់ពីការប្តេជ្ញាចិត្តរបស់សភាពាណិជ្ជកម្មកម្ពុជា ក្រោមការដឹកនាំរបស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ក្នុងការជួយលើកកម្ពស់ដល់ការធ្វើធុរកិច្ចរបស់សហគ្រិនកម្ពុជា ឱ្យយល់ដឹងកាន់តែប្រសើរឡើងនូវការប្រើប្រាស់ស្លាកសញ្ញាស្តង់ដារសម្រាប់ផលិតផល និងប្រព័ន្ធផលិតកម្ម ដើម្បីជំរុញការប្រកួតប្រជែងទាំងទីផ្សារក្នុងស្រុក និងអន្តរជាតិ៕

The post ឧកញ៉ា ងួន ម៉េងតិច រៀបចំសិក្ខាសាលាស្តីពី «អត្ថប្រយោជន៍នៃការប្រើប្រាស់ស្លាកសញ្ញាស្តង់ដារ សម្រាប់ផលិតផល និងប្រព័ន្ធផលិតកម្ម» appeared first on .