នាឱកាសដ៏ថ្លៃថ្លានេះយើងខ្ញុំទាំងអស់គ្នា សូមកោតសរសើរចំពោះសម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំ​រាជរដ្ឋាភិបាល​បម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូ​សេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ ក្នុងការអភិវឌ្ឍប្រទេសជាតិលើគ្រប់វិស័យ។

សម្តេចធិបតី គឺជាប្រមុខរាជរដ្ឋាភិបាលដែលបាន និងកំពុងដឹកនាំជោគវាសនាប្រទេសជាតិ ដោយទឹកចិត្ត បេះដូង និងការគិតគូរយ៉ាងម៉ត់ចត់ ពីប្រជាជាតិកម្ពុជា។ សម្តេចធិបតី ពិតជាបានខិតខំប្រឹងប្រែងដោយទឹកចិត្ត ស្មោះស្ម័គ្រ ក្នុងការថែរក្សាកេរមរតកចាស់ និងបង្កើតសមិទ្ធផលថ្មី ដើម្បីប្រជាជាតិ​ និងប្រជាជនកម្ពុជាច្រើនជំនាន់តទៅ។

ទន្ទឹមនេះក្នុងការរក្សាសន្តិភាព ការពារអធិបតេយ្យភាពជាតិ បូរណភាពទឹកដី និងសេចក្តីសុខចម្រើននៃជាតិ​ និងប្រជាជន សម្តេចធិបតីបានបង្ហាញភាពប៉ិនប្រសប់ ក្នុងទំនាក់ទំនងអន្តរជាតិ ភាពចាស់ទំនយោបាយ និងគតិ​បណ្ឌិតប្រតិបត្តិដោយឈរលើស្មារតីសន្តិសហវិជ្ជមាន ដើម្បីភាពសុខដុមរបស់មនុស្សជាតិ។ ក្រោមការដឹកនាំ​រាជរដ្ឋាភិបាលបន្តវេនរបស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់ នៅក្នុងក្របខ័ណ្ឌតំបន់ និងពិភពលោក។

យើងខ្ញុំសូមបួងសួងដល់ទេវតាថែរក្សាព្រះរាជាណាចក្រកម្ពុជា សូមតាមជួយបីបាច់ថែរក្សា ប្រោះព្រំនូវសព្ទ​សាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងសាច់ញាតិក្រុមគ្រួសារ សូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post ឧកញ៉ា ចាន់ សុឃាំង និងភរិយា ផ្ញើសារលិខិតជូនពរសម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ appeared first on .

ក្រុមហ៊ុន Heritage Group បានគូសបញ្ជាក់ឱ្យដឹងថា កិច្ចសហប្រតិបត្តិការនេះផ្តោតលើការបង្កើនតម្លៃបន្ថែមដល់កសិករ កាត់បន្ថយកាកសំណល់កសិកម្ម ជំរុញការអនុវត្តការកែច្នៃស្រូវបៃតង និងកាត់បន្ថយការបំភាយកាបូន តាមខ្សែសង្វាក់តម្លៃស្រូវ-អង្ករ។

សូមជម្រាបថា ក្រុមហ៊ុន Signature Rice & Heritage Group ជាក្រុមហ៊ុនផ្តោតលើវិស័យកសិកម្ម និងការនាំចេញអង្ករឈានមុខគេនៅកម្ពុជា។ ក្រុមហ៊ុនទាំងនេះកែច្នៃ និងនាំចេញអង្ករកម្ពុជាដែលមានគុណភាពខ្ពស់ ទាំងសរីរាង្គ (Organic) អង្ករធម្មតា អង្ករប្រណិតៗ ទៅកាន់ទីផ្សារអឺរ៉ុប អាហ្វ្រិក និងអាស៊ី។

ក្រុមហ៊ុន PT ESGIN Global Partners ជាក្រុមហ៊ុនបច្ចេកវិទ្យា និងអ្នកអភិវឌ្ឍន៍ហេដ្ឋារចនាសម្ព័ន្ធសេដ្ឋកិច្ចបៃតង (Green Project Investor) ឈរជើងនៅប្រទេសឥណ្ឌូនេស៊ី។ ក្រុមហ៊ុននេះប្រើប្រាស់បច្ចេកវិទ្យាបញ្ញាសិប្បនិម្មិត (AI) និង Blockchain (តាមរយៈ ESGIN Token) ដើម្បីបង្កើតប្រព័ន្ធវាស់វែង រាយការណ៍ និងផ្ទៀងផ្ទាត់លើការកាត់បន្ថយការកាបូន៕

The post ឧកញ៉ា ចាន់ សុឃាំង ចូលរួមពិធីចុះ MoU រវាងក្រុមហ៊ុន Signature Rice & Heritage Group និង PT ESGIN Global Partners appeared first on .

កម្មវិធីនេះ មានការអញ្ជើញចូលរួមពីថ្នាក់ដឹកនាំក្រសួងពាណិជ្ជកម្ម លោកស្រី Genina Marion Rafal លេខាទី៣ នៃស្ថានទូតសាធារណរដ្ឋហ្វីលីពីនប្រចាំព្រះរាជាណាចក្រកម្ពុជា សមាជិក សមាជិកាសហព័ន្ធស្រូវអង្ករកម្ពុជា ព្រមទាំងភ្ញៀវកិត្តិយសជាច្រើនរូប។

ក្នុងឱកាសនោះ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានលើកទឹកចិត្តដល់ក្រុមហ៊ុនទាំងពីរ ឱ្យបន្តអនុវត្តកិច្ចសន្យាឱ្យបានពេញលេញ ប្រកបដោយប្រសិទ្ធភាព វិជ្ជាជីវៈ ការទទួលខុសត្រូវ តម្លាភាព និងភាពស្មោះត្រង់ ព្រមទាំងធានាឱ្យបាននូវការទូទាត់ត្រឹមត្រូវ ការដឹកជញ្ជូនទាន់ពេលវេលា គុណភាព និងស្ថិរភាពនៃការផ្គត់ផ្គង់។

ជាមួយគ្នានេះ លោកជំទាវរដ្ឋមន្ត្រី បានជំរុញឱ្យតួអង្គពាក់ព័ន្ធក្នុងខ្សែច្រវាក់តម្លៃស្រូវអង្ករ ក៏ដូចជាសហព័ន្ធស្រូវអង្ករកម្ពុជា បន្តពង្រឹងគុណភាព និងសុវត្ថិភាពផលិតផល និងចូលរួមអនុវត្តឱ្យបានពេញលេញនូវ «យុទ្ធសាស្ត្រពង្រីក និងពិពិធកម្មទីផ្សារនាំចេញអង្ករកម្ពុជា ២០២៥-២០៣០» ដើម្បីបង្កើនភាពប្រកួតប្រជែង និងពង្រីកចំណែកទីផ្សារអង្ករកម្ពុជានៅលើទីផ្សារអន្តរជាតិ។

The post ឧកញ៉ា ៣រូប ចូលរួមពិធីចុះហត្ថលេខាលើកិច្ចសន្យាទិញ-លក់អង្ករកម្ពុជារវាងក្រុមហ៊ុន City Rice Import Export Co., Ltd. និងក្រុមហ៊ុន DILAI Trading Co. Pte. Ltd. សម្រាប់នាំចេញអង្ករទៅកាន់ប្រទេសហ្វីលីពីន appeared first on .

ជំនួបសម្តែងការគួរសម និងពិភាក្សាការងារនេះ ត្រូវបានរៀបចំឡើងក្រោមកិច្ចសម្របសម្រួលពីសំណាក់ ឧកញ៉ា ចាន់ សុខឃាំង ប្រធាន/នាយកប្រតិបត្តិក្រុមហ៊ុន Bayon Heritage Holding Group ព្រមទាំងជា សហស្ថាបនិក/​នាយកប្រតិបត្តិ ក្រុមហ៊ុន Signature Rice Co., Ltd. (Signature of Asia) ក្នុងគោលបំណងផ្តល់ឱកាស​ឱ្យដៃគូធុរកិច្ចអន្តរជាតិរបស់ខ្លួន បានស្វែងយល់បន្ថែមឱ្យបានលម្អិត និងស៊ីជម្រៅដោយផ្ទាល់ពីថ្នាក់ដឹកនាំ​ជាន់ខ្ពស់នៃ ក.អ.ក. អំពីកាលានុវត្តភាពវិនិយោគ គោលនយោបាយលើកទឹកចិត្ត និងកិច្ចសម្រួលនានា​របស់​រាជរដ្ឋាភិបាលកម្ពុជា ដើម្បីស្វែងរកឱកាសក្នុងការបណ្តាក់ទុនរួមគ្នាលើវិស័យសក្តានុពលសំខាន់ៗ ជាពិសេស​វិស័យកសិ-ឧស្សាហកម្ម, ឧស្សាហកម្មកែច្នៃចំណីអាហារ និងកសិផល (ដូចជាស្រូវ-អង្ករ និងគ្រាប់ស្វាយចន្ទី) សំដៅជំរុញការនាំចេញផលិតផលកម្ពុជាទៅកាន់ទីផ្សារតំបន់ និងខ្សែច្រវាក់ផ្គត់ផ្គង់សកល ព្រមទាំងការវិនិយោគ​លើការអភិវឌ្ឍហេដ្ឋារចនាសម្ព័ន្ធ និងប្រព័ន្ធភស្តុភារកម្ម។

តាមរយៈជំនួបនេះ តំណាងក្រុមហ៊ុនធំៗទាំងបី បានគោរពជម្រាបជូន ឯកឧត្តមឧបនាយករដ្ឋមន្ត្រី ក៏ដូចជាអង្គ​ប្រជុំទាំងមូលដោយសង្ខេបអំពី ជំនាញឯកទេស, ផលិតផល, ប្រតិបត្តិការអាជីវកម្ម, សាវតានៃការបោះទុន​នៅកម្ពុជា, ព្រមទាំងការចាប់ដៃសហការជាមួយក្រុមហ៊ុន Bayon Heritage Holding Group ក៏ដូចជាក្រុមហ៊ុន Signature Rice Co., Ltd និងការសម្លឹងមើលឱកាសពង្រីកវិសាលភាពវិនិយោគបន្ថែម។

សូមជម្រាបថា គណៈប្រតិភូធុរកិច្ចអន្តរជាតិដែលបានចូលរួមនាឱកាសនេះ រួមមាន៖

១. ក្រុមហ៊ុន Agro Ludens Inc. (ជប៉ុន) ដឹកនាំដោយ លោក Sugiyama Kiyotaka នាយកប្រតិបត្តិ, មាន ជំនាញឯកទេសលើវិស័យ កសិ-ពាណិជ្ជកម្ម និងកសិ-បច្ចេកវិទ្យា (Agri-tech) ដោយផ្តោតលើការអភិវឌ្ឍ​ខ្សែច្រវាក់ផ្គត់ផ្គង់ ការបង្កើនតម្លៃបន្ថែមដល់កសិផល និងការតភ្ជាប់ទីផ្សារកសិផលទៅសហគមន៍អន្តរជាតិ។ ក្រុមហ៊ុននេះបានជួបជាមួយថ្នាក់ដឹកនាំក្រុមហ៊ុន Signature Rice Co., Ltd. តាមរយៈការផ្គូរផ្គងធុរកិច្ច​នៅក្នុងឱកាសដែល ឯកឧត្តមឧបនាយករដ្ឋមន្ត្រី បានដឹកនាំគណៈប្រតិភូកម្ពុជាបំពេញបេសកកម្ម​គោះទ្វារ​ទាក់ទាញវិនិយោគនៅក្នុងប្រទេសជប៉ុន កាលពីខែមិថុនា កន្លងទៅ។

២. ក្រុមហ៊ុន Olam Food Ingredients (សិង្ហបុរី) ដឹកនាំដោយ លោក Dipen Joshi នាយកប្រតិបត្តិ, មានជំនាញឯកទេសលើឧស្សាហកម្មគ្រឿងផ្សំចំណីអាហារ និងភេសជ្ជៈធម្មជាតិកម្រិតសកល ជាពិសេសការកែច្នៃ និងនាំចេញគ្រាប់ស្វាយចន្ទី និងកាកាវធំមួយក្នុងពិភពលោក។

៣. ក្រុមហ៊ុន Meridian International Holding (ហុងកុង) ដឹកនាំដោយ លោក Ko Sek Yan ប្រធានក្រុម​ប្រឹក្សា​ភិបាលក្រុមហ៊ុន, មានជំនាញឯកទេសលើការវិនិយោគអចលនទ្រព្យ ការអភិវឌ្ឍហេដ្ឋារចនាសម្ព័ន្ធ និងការវិនិយោគពហុវិស័យ។ ក្រុមហ៊ុនមានបទពិសោធន៍បណ្តាក់ទុនយ៉ាងសកម្មនៅក្នុងតំបន់អាស៊ីអាគ្នេយ៍ ជាពិសេសនៅកម្ពុជាលើវិស័យអចលនទ្រព្យ និងសំណង់អគារពាណិជ្ជកម្មកម្រិតប្រណិតដូចជា Flatiron By Meridian ជាដើម។

The post ឧកញ៉ា ចាន់ សុខឃាំង ដឹកនាំគណៈប្រតិភូធុរកិច្ចអន្តរជាតិមកពីប្រទេសជប៉ុន សិង្ហបុរី និងហុងកុង ចូលជួបសម្តែងការគួរសម និងពិភាក្សាការងារជាមួយថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំដ៏សំខាន់នេះ ក៏មានវត្តមានរបស់សមាជិក សមាជិកាក្រុមប្រឹក្សា​ភិបាលសហព័ន្ធស្រូវអង្ករកម្ពុជា អញ្ជើញ​ចូលរួមដើម្បីជជែកពិភាក្សា ផ្លាស់ប្ដូរយោបល់ និងអនុម័តផងដែរ។ កិច្ចប្រជុំនេះ ត្រូវបានប្រព្រឹត្តទៅតាមរបៀបវារៈ​ដូចខាងក្រោម៖

១. ពិនិត្យមើលរបាយការណ៍កិច្ចប្រជុំក្រុមប្រឹក្សាភិបាលអាណត្តិទី៥ លើកទី២

២. ពិនិត្យមើលលើរបាយការណ៍វឌ្ឍនភាពឆមាសទី១ ឆ្នាំ២០២៦

៣ ពិនិត្យមើលការងារនៃគណៈកម្មាធិការនីមួយៗ

៤. ពិនិត្យ និងពិភាក្សាលើផែនការនៃការរៀបចំវេទិកាស្រូវអង្ករកម្ពុជាលើកទី៨។

ជាកិច្ចចាប់ផ្ដើម ឧកញ៉ា ចាន់ សុឃាំង ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានថ្លែងចំណាប់​អារម្មណ៍បើកកម្មវិធីប្រជុំ និងថ្លែងអំណរគុណទៅកាន់សមាជិកក្រុមប្រឹក្សាភិបាល ដែលបានចំណាយពេលវេលា​ដ៏មានតម្លៃ ក្នុងការចូលរួមនៅក្នុងកិច្ចប្រជុំក្រុមប្រឹក្សាភិបាលអាណត្តិទី៥ លើកទី៣។ លើសពីនេះ ឧកញ៉ា ប្រធានក្រុមប្រឹក្សាភិបាល បានបន្តទៀតថា តាមរយៈកិច្ចប្រជុំនាថ្ងៃនេះ សហព័ន្ធស្រូវអង្ករកម្ពុជា នឹងអាចប្រមូល​នូវធាតុចូលសំខាន់ៗ ដែលនឹងជួយឱ្យសហព័ន្ធស្រូវអង្ករកម្ពុជា អាចពង្រឹង និងកែលម្អការអនុវត្តផែនការ​ដែលបាន​រៀបចំឱ្យកាន់តែមានប្រសិទ្ធភាព។

ជាលទ្ធផល អង្គប្រជុំទាំងមូលបានសម្រេច និងអនុម័តទៅលើរបៀបវារៈទាំង ៤ ដោយទទួលបានសម្លេង​បោះឆ្នោត​មួយរយភាគរយ នៃវត្តមានរបស់សមាជិកក្រុមប្រឹក្សាភិបាលទាំងអស់ដែលបានអញ្ជើញចូលរួម។

ជាកិច្ចបញ្ចប់ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា បានថ្លែងបិទកម្មវិធីប្រជុំ និងថ្លែងអំណរគុណ​ទៅកាន់សមាជិកក្រុមប្រឹក្សាភិបាលទាំងអស់ដែលបានចូលរួមពិភាក្សា និងផ្ដល់ធាតុចូលមកកាន់កិច្ចប្រជុំនេះ។ លើសពីនេះ លោកឧកញ៉ា ប្រធានសហព័ន្ធស្រូវអង្ករកម្ពុជា ក៏បានបន្ថែមទៀតថា ការរួបរួមគ្នា និងការចូលរួម​របស់សមាជិកទាំងអស់ គឺជាកត្តាសំខាន់ក្នុងការជំរុញវិស័យស្រូវអង្ករកម្ពុជាឱ្យកាន់តែរីកចម្រើន និងឈានទៅ​សម្រេចបាននូវគោលដៅរួមរបស់សហព័ន្ធ។

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ដឹកនាំកិច្ចប្រជុំក្រុមប្រឹក្សា​ភិបាលសហព័ន្ធស្រូវអង្ករកម្ពុជា អាណត្តិទី៥ លើកទី៣ appeared first on .

ឧកញ៉ា ចាន់ សុឃាំង នាយកប្រតិបត្តិក្រុមហ៊ុន Signature Rice បានបញ្ជាក់លើបណ្តាញសង្គម នៅថ្ងៃទី២៨ ខែមិថុនា ឆ្នាំ២០២៦ ថាក្រុមហ៊ុន Signature Rice Co.,Ltd ក្លាយជារោងម៉ាស៊ីនកិនស្រូវបៃតងដំបូងគេនៅអាស៊ី ដោយដំណើរការផ្អែកលើគោលគំនិតនៃការរួមបញ្ចូល និងកំណើនប្រកបដោយចីរភាព។ លោកឧកញ៉ាបន្ថែម “យឺតបន្តិច តែនៅតែបន្តរដំណើរទៅរកគោលដៅមួយដែលច្បាស់លាស់”។

សូមជម្រាបថា Signature Rice គឺជាក្រុមហ៊ុននាំចេញអង្ករឈានមុខគេនៅកម្ពុជាដែលបង្កើតឡើងតាំងពីឆ្នាំ ២០០៧។ នៅឆ្នាំ២០១១ ក្រុមហ៊ុនបានចាប់ផ្តើមនាំចេញអង្ករកម្ពុជាទៅកាន់ទីផ្សារអឺរ៉ុបជាផ្លូវការ និងបានធ្វើ​សហគ្រាស​រួមគ្នាជាមួយក្រុមហ៊ុនអឺរ៉ុប ដើម្បីសាងសង់រោងម៉ាស៊ីនកិនស្រូវថ្មីមួយ។​ នៅឆ្នាំ២០១៦ ក្រុមហ៊ុនបាន​ពង្រីកផលិតភាព ដោយបន្ថែមអង្ករសរីរាង្គ និងទទួលបានការបញ្ជាក់ពីស្តង់ដារ EU និង NOPs ព្រមទាំងបាន​ចូលរួមជាមួយ SRP និង GAP ដើម្បីធានាថាអង្ករគ្មានសារធាតុគីមី។ នៅឆ្នាំ២០២១ ក្រុមហ៊ុន Signature Rice ត្រូវបានទទួលស្គាល់ដោយ Inclusive Business Cambodia ថាជាអាជីវកម្មបរិយាប័ន្ន​សម្រាប់ការទិញស្រូវ​ដោយផ្ទាល់។ Signature Rice ជាក្រុមហ៊ុននាំចេញអង្ករមួយ​ក្នុងចំណោមក្រុមហ៊ុនកំពូលទាំង១០ នៅកម្ពុជា។

The post ក្រុមហ៊ុន Signature Rice របស់ឧកញ៉ា ចាន់ សុឃាំង ជាប់ឈ្មោះជារោងម៉ាស៊ីនកិនស្រូវបៃតងដំបូងគេនៅអាស៊ី appeared first on .

ក្នុងឱកាសនៃកិច្ចពិភាក្សានេះ ឯកឧត្តមឧបនាយករដ្ឋមន្ត្រី បានលើកឡើងអំពីកាលានុវត្តភាព និងយន្តការ​យ៉ាងម៉ឺងម៉ាត់ផ្សេងៗរបស់រាជរដ្ឋាភិបាល ក្នុងការដោះស្រាយបញ្ហាប្រឈមរបស់វិនិយោគិន ព្រមទាំងបានស្នើឱ្យ KOTRA បន្តសហការរៀបចំទស្សនកិច្ចវិនិយោគ (Investment Roadshows) និងកម្មវិធីផ្គូផ្គងធុរកិច្ច (Business Matching) ឱ្យបានកាន់តែច្រើន ដើម្បីនាំយកក្រុមហ៊ុនមហាយក្សកូរ៉េក្នុងវិស័យ ដែលផ្តល់តម្លៃបន្ថែម​ខ្ពស់មកបោះទុននៅកម្ពុជា តាមរយៈការទាញយកអត្ថប្រយោជន៍ពី​កិច្ចព្រមព្រៀងពាណិជ្ជកម្ម​សេរីនានាដែល​មានស្រាប់។

ជាការឆ្លើយតប លោកប្រធាន KOTRA បានសម្តែងនូវការកោតសរសើរ និងវាយតម្លៃខ្ពស់បំផុតចំពោះសន្ទុះនៃ​ការអភិវឌ្ឍសេដ្ឋកិច្ច និងភាពទាក់ទាញនៃច្បាប់ស្តីពីវិនិយោគថ្មីរបស់កម្ពុជា ព្រមទាំងបានបញ្ជាក់ពីការប្តេជ្ញាចិត្តក្នុង​ការ​បន្តធ្វើការងារយ៉ាងជិតស្និទ្ធជាមួយ ក.អ.ក. និងស្ថានទូតកម្ពុជា ដើម្បីជំរុញទំនាក់ទំនងធុរកិច្ច និងពាណិជ្ជកម្ម​ទ្វេភាគីឱ្យកាន់តែប្រសើរឡើងថែមមួយកម្រិតទៀត។

The post ឧកញ៉ា ចាន់ សុឃាំង អមដំណើរ ឯកឧត្តម ស៊ុន ចាន់ថុល ចូលជួបសម្តែងការគួរសម និងពិភាក្សាការងារជាមួយ ប្រធានទីភ្នាក់ងារជំរុញ​ពាណិជ្ជកម្ម និងការវិនិយោគកូរ៉េ (KOTRA) appeared first on .

សហព័ន្ធស្រូវអង្ករកម្ពុជា បានឱ្យដឹងថា វគ្គបណ្ដុះបណ្ដាលនេះ ផ្ដោតសំខាន់ទៅលើប្រធានបទ ៤ រួមមាន៖

១ ទិដ្ឋភាពរួមក្នុងការតភ្ជាប់ពាណិជ្ជកម្ម និងការដឹកជញ្ជូន

២ លក្ខខណ្ឌពាណិជ្ជកម្មអន្តរជាតិ (Incoterms) និងវិធីសាស្ត្រនៃការអនុវត្ត

៣ នីតិវិធីនៃការនាំចេញអង្ករ

៤ ការអនុវត្តជាក់ស្តែងនៃការនាំចេញអង្ករទៅបរទេស។

ជាកិច្ចបញ្ចប់នៃវគ្គបណ្ដុះបណ្ដាល កញ្ញា សៅ ខេណ្ណារ័ត្ន  អនុប្រធានសហព័ន្ធស្រូវអង្ករកម្ពុជា និងលោកស្រី អ៊ូ សុភ័ក្រ អនុប្រធានសមាគមភស្តុភារកម្មកម្ពុជា បានអញ្ជើញជាកិត្តិយសក្នុងការប្រគល់ជូននូវវិញ្ញាបនបត្របញ្ជាក់ការចូលរួមទៅកាន់សិក្ខាកាមទាំងអស់ដែលបានចូលរួមផងដែរ៕

The post ឧកញ៉ា ចាន់ សុឃាំង និងឧកញ៉ា ហាក់ លាងហ៊ ដឹកនាំរៀបចំវគ្គបណ្ដុះបណ្ដាលស្ដីពី «ការគ្រប់គ្រងការដឹកជញ្ជូន និងលក្ខខណ្ឌពាណិជ្ជកម្មអន្តរជាតិ» appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំនេះក៏បានផ្ដោតពិភាក្សាទៅលើការគាំទ្រដល់ស្ថេរភាពថ្លៃកសិផល ជាពិសេសតម្លៃស្រូវ និងការចូលរួមអនុវត្តន៍កម្មវិធីរបស់រសហគមន៍កសិកម្មទំនើបផងដែរ។ ជាមួយគ្នានេះ កិច្ចប្រជុំក៏បានពិភាក្សា លើតួអង្គអ្នកទិញ និងគ្រប់តួអង្គពាក់ព័ន្ធ តាមរយៈយន្តការសម្របសម្រួលដូចជា ការគាំទ្រផ្នែកហិរញ្ញវត្ថុ ការប្រើប្រាស់បច្ចេកវិទ្យាដើម្បីធានាគុណភាព និងការរៀបចំផលិតកម្មតាមកិច្ចសន្យា ដើម្បីធានាទំនុកចិត្តនិងស្ថិរភាពតម្លៃ។

ក្នុងបរិបទវិបត្តិសកលនាពេលបច្ចុប្បន្ន ការតភ្ជាប់ខ្សែច្រវាក់តម្លៃជាកញ្ចប់បែបនេះ គឺផ្ដល់ភាពច្បាស់លាស់និង​ប្រាកដ​ប្រជា​សម្រាប់ការផលិតរបស់ប្រជាកសិករ និងការកែច្នៃរបស់វិស័យឯកជន សំដៅលើកកម្ពស់ប្រសិទ្ធភាព​សេដ្ឋកិច្ច និងសន្តិសុខស្បៀង៕

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ចូលរួមកិច្ចប្រជុំពិភាក្សាលើការគាំទ្រដល់ស្ថេរភាពថ្លៃកសិផល ជាពិសេសតម្លៃស្រូវ appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីពិនិត្យ និងពិភាក្សា​លើប្រសិទ្ធភាពនៃការដឹកជញ្ជូនកសិផលស្រូវ ដែលកំពុងនឹងប្រមូលផល ខណៈពេលដែលតម្លៃ​ប្រេងឥន្ធនៈ​កំពុង​កើនឡើង។

សូមជម្រាបថា ចាប់ពីមានសង្គ្រាមរវាង សហរដ្ឋអាមេរិក អុីស្រាអែល និងអ៊ីរ៉ង់ ដែលធ្វើឱ្យមានការបិទខ្ទប់​ច្រកសមុទ្រអកមូហ្ស ជាងមួយខែមកនេះ បានធ្វើឱ្យតម្លៃប្រេងឥន្ធនៈ ជាពិសេសឧស្ម័ន LPG ឬហ្គាសឡើងកប់​ពពក នៅគ្រប់ប្រទេសទូទាំងពិភពលោក ក្នុងនោះក៏មានកម្ពុជាផងដែរ។ ការកើនឡើងតម្លៃប្រេងឥន្ធនៈនេះ ក៏បាន​ជះឥទ្ធិពល និងប៉ះពាល់យ៉ាងខ្លាំងដល់ប្រជាកសិករខ្មែរ៕

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ចូលរួមកិច្ចប្រជុំពិភាក្សាលើការដឹកជញ្ជូនកសិផលស្រូវ ដែលកំពុងប្រឈមនឹងតម្លៃប្រេងឥន្ធនៈកំពុងកើនឡើង appeared first on .