កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួង ស្ថាប័នពាក់ព័ន្ធនៃរាជរដ្ឋាភិបាល, តំណាងគ្រឹះស្ថានអប់រំសិក្សាផ្នែកឯកជន សមាគម និងសមាជិក សមាជិកនៃក្រុមការងារ​ “ដ” ទាំងផ្នែករដ្ឋាភិបាល និងផ្នែកឯកជនជាច្រើនទៀតផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណង ដើម្បីធ្វើការពិនិត្យ ពិភាក្សា និងដោះស្រាយលើបញ្ហាប្រឈម ដែលស្នើឡើងដោយផ្នែកឯកជនពាក់ព័ន្ធនឹងវិស័យអប់រំបណ្តុះបណ្តាល ពីសំណាក់ក្រសួងអប់រំ យុវជន និងកីឡា។

កិច្ចប្រជុំបានដំណើរការពិនិត្យ ពិភាក្សា និងដោះស្រាយលើបញ្ហាប្រឈមរបស់ផ្នែកឯកជនរួមមាន៖  ១. រយៈពេលនៃការចេញអាជ្ញាប័ណ្ណសម្រាប់ការផ្លាស់ប្តូរទីតាំង , ២, បញ្ហាទាក់ទងនឹងការប្រឡង និងជ្រើសរើសនិសិត្សចូល និងបញ្ចប់ការសិក្សា , ៣, រយៈពេលនៃការបញ្ជាក់ភាពត្រឹមត្រូវលើសញ្ញាប័ត្រ, ៤.​ ការដោះស្រាយបញ្ហាប្រឈមរបស់ក្រុមការងារផ្នែកអប់រំផ្នែកឯកជន, ៥. បញ្ហានៃការចេញទម្រង់អាជ្ញាប័ណ្ណចំពោះថ្នាក់មតេយ្យ និងបឋម, និងទី ៦. ការប្រើប្រាស់ហត្ថពលកម្មបរទេស។

សូមបញ្ជាក់ជូនថា តាមរយៈយន្តការក្រុមការងារ នៃយន្តការវេទិការាជរដ្ឋាភិបាល-ផ្នែកឯកជន (G-PSF) យន្តការនេះនៅតែជាយន្តការស្នូលក្នុងការជំរុញកំណែទម្រង់ប្រកបដោយប្រសិទ្ធភាព ក្នុងគោលបំណងដោះស្រាយនូវបញ្ហាប្រឈមជូនធុរជន និងការកាត់បន្ថយថ្លៃធ្វើធុរកិច្ច សំដៅលើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ចជាតិ៕

The post ឧកញ៉ាបណ្ឌិត ហេង វ៉ាន់ដា ចូលរួមសហដឹកនាំកិច្ចប្រជុំក្រុមការងារ “ផ្នែកអប់រំ” នៃវេទិការាជរដ្ឋាភិបាល-ផ្នែកឯកជន appeared first on .

ពិធីប្រកាសជាផ្លូវការខាងលើនេះ មានការចូលរួមពីដៃគូសហការ បុគ្គលិក សាស្ត្រាចារ្យ និងសិស្សនិស្សិតជាច្រើនរូបផងដែរ។ ដោយឈរលើភាពទទួលខុសត្រូវខ្ពស់ក្នុងការបណ្តុះបណ្តាលនិស្សិតកម្រិតឧត្តមសិក្សា រយៈពេល ២៤ឆ្នាំកន្លងមក ដោយមានការអនុញ្ញាតពីក្រសួងអប់រំ យុវជន និងកីឡា, ការទទួលស្គាល់គុណភាពអប់រំពេញសិទ្ធិ ពីគណៈកម្មាធិការទទួលស្គាល់គុណភាពអប់រំនៅកម្ពុជា និងដៃគូសហការអន្តរជាតិ ជាពិសេសពីសំណាក់អាណាព្យាបាលនិស្សិត អ្នកសិក្សាគ្រប់កម្រិត វិទ្យាស្ថានវ៉ាន់ដា គណនេយ្យ បានធ្វើការបោះជំហានយ៉ាងធំ ក្នុងការលើកកម្ពស់គុណភាពអប់រំនៅកម្ពុជា ដោយប្រែក្លាយពី វិទ្យាស្ថានវ៉ាន់ដា គណនេយ្យ ទៅជាសាកលវិទ្យាល័យវ៉ានដា។

ឧកញ៉ា ហេង វ៉ាន់ដា បានថ្លែងថា៖ «សាកលវិទ្យាល័យវ៉ានដា ដែលពីមុនជា វិទ្យាស្ថានវ៉ាន់ដា គឺជាគ្រឹះស្ថានឧត្តមសិក្សាឯកជនមួយ ដែលបង្កើតឡើងនៅឆ្នាំ២០០០ ហើយបច្ចុប្បន្ននេះមានទីតាំង៣កន្លែងកំពុងដំណើរ ក្នុងនោះមួយកន្លែងនៅរាជធានីភ្នំពេញ និង២កន្លែងទៀតនៅខេត្តសៀមរាប និងខេត្តបាត់ដំបង។ ចាប់ពីឆ្នាំ២០០០ មកដល់ឆ្នាំ២០២៥នេះ សាកលវិទ្យាល័យវ៉ាន់ដា មានក្រុមប្រឹក្សាភិបាល គណៈគ្រប់គ្រង បុគ្គលិក និងសាស្ត្រាចារ្យ សរុបចំនួន ៩៧១នាក់ (ស្ត្រីចំនួន ៣៨១នាក់) និងមាននិស្សិតកំពុងសិក្សាសរុបចំនួន ១០,៨៧៦នាក់ ក្នុងនោះនារីចំនួន ៩,៨៣៥នាក់។ បើគិតចាប់ពីឆ្នាំ២០០០ មកដល់បច្ចុប្បន្ន និស្សិតបានបញ្ចប់ការសិក្សាមានចំនួនសរុប ៥៤,១០០នាក់ ក្នុងនោះនារីចំនួន ៤៨,០៥៩នាក់»។

សូមជម្រាបថា វិទ្យាស្ថានវ៉ាន់ដា ត្រូវបានបង្កើតឡើងក្នុងឆ្នាំ១៩៩៧ ដែលមានឈ្មោះថាមជ្ឈមណ្ឌលគណនេយ្យវ៉ាន់ដា។ មជ្ឈមណ្ឌលគណនេយ្យវ៉ាន់ដា ត្រូវបានផ្លាស់ប្ដូរឈ្មោះជាផ្លូវការ ទៅជាវិទ្យាស្ថានវ៉ាន់ដា នៅក្នុងឆ្នាំ២០០០។ សាកលវិទ្យាល័យវ៉ាន់ដា មានចក្ខុវិស័យក្លាយជាគ្រឹះស្ថានឧត្តមសិក្សាឈានមុខគេ ក្នុងវិស័យគណនេយ្យ សវនកម្ម ពន្ធដារ ជំនាញអាជីវកម្ម និងភាសាបរទេស នៅក្នុងព្រះរាជាណាចក្រកម្ពុជា៕

The post ឧកញ៉ា ហេង វ៉ាន់ដា រៀបចំពិធីប្រកាសជាផ្លូវការ ប្រែក្លាយវិទ្យាស្ថានវ៉ាន់ដា ទៅជាសាកលវិទ្យាល័យវ៉ាន់ដា appeared first on .

ក្នុងឱកាសនោះដែរ ប្រតិភូសមាគមគ្រឹះស្ថានឧត្តមសិក្សាកម្ពុជា បាននាំយកស័ង្កសី ចំនួន ៣,០០០សន្លឹក (1m x 7.70m) ស្មើនឹង ២៣,១០០ ម៉ែត្រការ៉េ គ្រឿងឧបភោគបរិភោគ (អង្ករផ្កាម្លិៈ ចំនួន ៥០បេ (២.៥តោន) មីជាតិ ចំនួន ៥០០កេស ត្រីខកំប៉ុង ចំនួន ៣០០យួរ ទឹកផ្លែឈើ ចំនួន ៥០កេស ទឹកសុទ្ធ ចំនួន ៣០០កេស) និងថវិកាចំនួន៥០០០ដុល្លារ ប្រគល់ជូនដល់កម្លាំង ប្រដាប់អាវុធដែលកំពុងឈរជើងតាមបណ្តោយព្រំដែនកម្ពុជា-ថៃ។

នាយឧត្ដមសេនីយ៍ កិត្តិសង្គហបណ្ឌិត ហុីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានកងអង្គរក្ស បានទទួលអំណោយទាំងនេះ ដើម្បីចែកជូនបន្តដល់ កងកម្លាំង ដែលកំពុងឈរជើងប្រចាំការនៅសមរភូមិជួរមុខ។

ការចូលរួមថវិកាដោយស្ម័គ្រចិត្ត ពីសមាជិកសមាគមគ្រឹះស្ថានឧត្តមសិក្សាកម្ពុជា ទោះតិចក្តី ច្រើនក្តី បានបង្ហាញអំពីស្មារតី ស្នេហាជាតិ សាមគ្គីភាពជាតិ ជាធ្លុងមួយដ៏រឹងមាំ ក៏ដូចជាការគាំទ្ររវាងកម្លាំងជួរក្រោយ ជាមួយកងទ័ពជួរមុខ ដ៏អង់អាចរបស់ជាតិយើង ដែលកំពុងឈរជើងការពារអធិបតេយ្យភាព បូរណភាពទឹកដី នៅតាមបណ្តោយព្រំដែនកម្ពុជា-ថៃ។ គួរបញ្ជាក់ថា អំណោយទាំងអស់នេះ ជាការចូលរួមឧបត្ថម្ភពី សាកលវិទ្យាល័យ វិទ្យាស្ថាន សាលារៀន និងគ្រឹះស្ថានអប់រំនានា នៅក្នុងប្រទេសកម្ពុជា៕

The post ឧកញ៉ា ហេង វ៉ាន់ដា និងឧកញ៉ា លី ឆេង ដឹកនាំសមាជិកសមាគមគ្រឹះស្ថានឧត្តមសិក្សាកម្ពុជា នាំយកថវិកា គ្រឿងឧបភោគបរិភោគ ជូនកងទ័ពឈរជើងនៅព្រំដែនកម្ពុជា-ថៃ appeared first on .

កិច្ចប្រជុំនេះ មានការចូលរួមពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងតំណាងសមាគមគ្រឹះស្ថានឧត្តមសិក្សាកម្ពុជា, តំណាងសហព័ន្ធសេវាអប់រំនៅកម្ពុជា, តំណាងសមាគមវិនិយោគិនកម្ពុជា, តំណាងគ្រឹះស្ថានអប់រំឯកជន និងសមាជិក សមាជិកនៃក្រុមការងារ “ដ” ជាច្រើនទៀត។

បើតាមសភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះធ្វើឡើងក្នុងគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមចាស់ ក៏ដូចជាបន្តលើកឡើងនូវបញ្ហាប្រឈមរបស់ផ្នែកឯកជនពាក់ព័ន្ធថ្មីៗបន្ថែមទៀត ទាក់ទងនឹងវិស័យអប់រំ ដើម្បីដាក់សំណើ និងបញ្ហាប្រឈមទាំងនោះស្នើសុំការឆ្លើយតប និងដោះស្រាយពីសំណាក់ដៃគូគឺ ក្រសួងអប់រំ យុវជន និងកីឡា នាពេលឆាប់ៗខាងមុខនេះ។

ជាលទ្ធផលកិច្ចប្រជុំបានដំណើរការពិនិត្យ ពិភាក្សា និងលើកឡើងនូវបញ្ហាប្រឈមចាស់ និងថ្មីមួយចំនួនរួមមាន៖ ១. រយៈពេលនៃការចេញអាជ្ញាប័ណ្ណសម្រាប់ការផ្លាស់ប្តូរទីតាំង , ២, ការប្រើប្រាស់ហត្ថពលកម្មបរទេស, ៣, បញ្ហាកុមារដែលគ្រប់អាយុចូលរៀន , ៤. រយៈពេលនៃការបញ្ជាក់ភាពត្រឹមត្រូវលើសញ្ញាប័ត្រ, ៥. ការប្រឡងសិស្សពូកែ, ៦. ការដោះស្រាយបញ្ហាប្រឈមរបស់ក្រុមការងារផ្នែកអប់រំផ្នែកឯកជន រួមនិងបញ្ហាប្រឈមមួយចំនួនផ្សេងទៀតផងដែរ៕

The post ឧកញ៉ាបណ្ឌិត ហេង វ៉ាន់ដា ដឹកនាំកិច្ចប្រជុំក្រុមការងារផ្នែកឯកជន ក្រុម “ដ” “ផ្នែកអប់រំ” នៃវេទិការាជរដ្ឋាភិបាល-ផ្នែកឯកជន appeared first on .

កិច្ចប្រជុំនេះក៏មានការចូលរួមពីសំណាក់ ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា, អនុសហប្រធានក្រុមការងារ “ដ” ផ្នែកឯកជន, តំណាងសមាគមគ្រឹះស្ថានឧត្តមសិក្សានៅកម្ពុជា, តំណាងសហព័ន្ធសេវាអប់រំនៅកម្ពុជា, តំណាងគ្រឹះស្ថានអប់រំ សិក្សាផ្នែកឯកជន, និងសមាជិក សមាជិកានៃក្រុមការងារ “ដ” ផ្នែកឯកជនជាច្រើនទៀត។

កិច្ចប្រជុំនេះដែរ ធ្វើឡើងក្នុងគោលបំណងដើម្បីពិគ្រោះ ពិនិត្យ ពិភាក្សា និងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យអប់រំផ្នែកឯកជន ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងអប់រំ យុវជន និងកីឡានាពេលខាងមុខនេះ។ កិច្ចប្រជុំក្រុមការងារផ្នែកឯកជននេះ គឺជាកិច្ចប្រជុំលើកដំបូងនៃដើមឆ្នាំ២០២៥នេះ។

ជាលទ្ធផលកិច្ចប្រជុំបានដំណើរការពិនិត្យ ពិភាក្សាទៅលើបញ្ហាប្រឈមរបស់ផ្នែកឯកជនរួមមាន៖ បញ្ហាក្នុងការស្នើសុំអាជ្ញាប័ណ្ណបើកសាលាថ្មី, បញ្ហាហត្ថពលកម្មបរទេស, ការពន្លឿនការចុះហត្ថលេខាលើសន្លឹកសញ្ញាប័ត្រ និងការបញ្ជាក់ពីភាពត្រឹមត្រូវចំពោះសញ្ញាប័ត្រ រួមនឹងបញ្ហាប្រឈមមួយចំនួនទៀតផងដែរ៕

The post ឧកញ៉ា ហេង វ៉ាន់ដា ដឹកនាំកិច្ចប្រជុំក្រុមការងារ “ផ្នែកអប់រំ” នៃវេទិការាជរដ្ឋាភិបាល-ផ្នែកឯកជន appeared first on .

កិច្ចប្រជុំ​ខាង​លើ​នេះ ធ្វើ​ឡើង​គោលបំណងដើម្បី ១.ពិនិត្យ និងពិភាក្សាលម្អិតទៅលើលទ្ធផលនៃជំនួបប្រជុំ​រវាងវិស័យអប់រំផ្នែកឯកជនជាមួយនឹងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជាកាលពីពេលកន្លងទៅ និង ២. ពិគ្រោះ ពិភាក្សាលើបញ្ហាប្រឈមចាស់ៗរបស់ផ្នែកឯកជន​ពាក់ព័ន្ធ​នឹង​វិស័យអប់រំ ក៏ដូចជាទទួលយកសំណើរ សំណូមពរថ្មីៗបន្ថែមទៀត ដើម្បីស្នើសុំដំណោះស្រាយពីសំណាក់ដៃគូ គឺក្រសួងអប់រំ យុវជន និងកីឡានាពេលខាងមុខនេះ។

គួររំឭកថា កាល​ថ្ងៃទី២៨ ខែឧសភា ឆ្នាំ២០២៤ ឧកញ៉ា ហេង វ៉ាន់ដា ប្រធានក្រុមប្រឹក្សាភិបាលសមាគម​គ្រឹះស្ថានឧត្តម​សិក្សាកម្ពុជា បានដឹកនាំប្រតិភូនៃសមាគម អញ្ជើញចូលជួបសំណេះសំណាលជាមួយ​សម្តេច​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅទីស្តីការគណៈរដ្ឋមន្ត្រី។

ក្នុងជំនួបនោះដែរ សម្តេចធិបតី បាន​ឱ្យដឹងថា រាជរដ្ឋាភិបាលតែងបានចាត់ទុកវិស័យអប់រំ​ជាអាទិភាព​បំផុតក្នុងចំណោមវិស័យនានា ជាក់ស្តែងការជួបសំណេះសំណាលជាមួយប្រតិភូ​នៃសមាគមគ្រឹះស្ថានឧត្តម​សិក្សាកម្ពុជា ក៏ជាផ្នែកមួយនៃការបន្តយកចិត្តទុកដាក់របស់រាជរដ្ឋាភិបាលអាណត្តិទី៧នេះ ដែល​បាន​បន្តពីអាណត្តិមុនៗ ក្នុងគោលដៅបានស្តាប់ និងស្វែងយល់ដោយផ្ទាល់ នូវវឌ្ឍនភាព ក៏ដូចជាបញ្ហាប្រឈមនានា នៃដំណើរការបណ្តុះបណ្តាលធនធានមនុស្សក្នុងក្របខ័ណ្ឌឧត្តមសិក្សា។

សូមជម្រាបថា ក្នុងអាណត្តិទី៧នេះ សម្តេចធិបតី ហ៊ុន ម៉ាណែត បាន​ចេញ​សេចក្តីសម្រេច​​បង្កើត​ក្រុមការងារ​ទាំង​១៤ ផ្នែក​ឯកជន​នៃ​វេទិការាជរដ្ឋាភិបាល-ផ្នែកជន កាលពីថ្ងៃទី១២ ខែតុលា ឆ្នាំ២០២៣។ សម្រាប់ក្រុម “ដ” “ផ្នែកអប់រំ” គឺ​មានលោក​បណ្ឌិត​សភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាសហប្រធាន​ក្រុមការងារ “ដ” តំណាងផ្នែករដ្ឋាភិបាល និងលោក​ឧកញ៉ា​ ហេង វ៉ាន់ដា ជា​សហប្រធានក្រុមការងារ “ដ” តំណាងផ្នែកឯកជន ព្រមទាំង​មាន​អនុប្រធាន និងសមាជិក សមាជិកា ជា​ច្រើន​រូប​ទៀត៕

The post ឧកញ៉ា ហេង វ៉ាន់ដា ដឹកនាំកិច្ចប្រជុំក្រុមការងារផ្នែកឯកជន “ផ្នែកអប់រំ” នៃវេទិការាជរដ្ឋាភិបាល-ផ្នែកឯកជន appeared first on .

តាមរយៈទំព័រហ្វេសប៊ុក​របស់​សម្តេចធិបតី បាន​ឱ្យដឹងថា រាជរដ្ឋាភិបាលតែងបានចាត់ទុកវិស័យអប់រំ​ជាអាទិភាព​បំផុតក្នុងចំណោមវិស័យនានា ជាក់ស្តែងការជួបសំណេះសំណាលជាមួយប្រតិភូ​នៃសមាគមគ្រឹះស្ថានឧត្តម​សិក្សាកម្ពុជានាថ្ងៃនេះ ក៏ជាផ្នែកមួយនៃការបន្តយកចិត្តទុកដាក់របស់រាជរដ្ឋាភិបាលអាណត្តិទី៧នេះ ដែល​បាន​បន្តពីអាណត្តិមុនៗ ក្នុងគោលដៅបានស្តាប់ និងស្វែងយល់ដោយផ្ទាល់ នូវវឌ្ឍនភាព ក៏ដូចជាបញ្ហាប្រឈមនានា នៃដំណើរការបណ្តុះបណ្តាលធនធានមនុស្សក្នុងក្របខ័ណ្ឌឧត្តមសិក្សា។

ថ្ងៃនេះគឺជាជំនួបលើកទី៨ របស់ប្រតិភូសមាគមគ្រឹះស្ថានឧត្តមសិក្សាកម្ពុជា ជាមួយ នាយករដ្ឋមន្ត្រី ដែលកន្លង​ទៅចំនួន៧លើកបានជួបជាមួយ សម្តេចតេជោ ហ៊ុន សែន អតីតនាយករដ្ឋមន្ត្រី។ សមាគមគ្រឹះស្ថាន​ឧត្តម​សិក្សាកម្ពុជា បានខិតខំបំពេញនូវបេសកកម្មរបស់ខ្លួន ក្នុងការលើកកម្ពស់គុណភាពសិក្សាដល់សិស្ស-និស្សិត និងពង្រឹងក្រមសីលធម៌វិជ្ជាជីវៈសាស្ត្រាចារ្យ លោកគ្រូ-អ្នកគ្រូគ្រប់កម្រិត និងបុគ្គលិកអប់រំ ដើម្បីឱ្យមាននិរន្តរភាព នៅតាមគ្រឹះស្ថានសិក្សានីមួយៗ ស្របតាមយុទ្ធសាស្ត្របញ្ចកោណ និងគោលនយោបាយ កែទម្រង់វិស័យអប់រំ របស់រាជរដ្ឋាភិបាលកម្ពុជា។

ក្នុងជំនួបខាងលើ​នេះ មានអ្នកឧកញ៉ា ឧកញ៉ា ជាម្ចាស់សាលាល្បីៗនៅកម្ពុជា​ជា​ច្រើន​​អញ្ជើញ​ចូលរួម​ផង​ដែរ ក្នុងនោះរួមមានដូចជា អ្នកឧកញ៉ា លី ឃុនថៃ ប្រធានក្រុមប្រឹក្សាភិបាលសាកលវិទ្យាល័យ​ អាស៊ី អឺរ៉ុប, ឧកញ៉ា លី ឆេង ប្រធានក្រុមប្រឹក្សាភិបាល​ សាលាប៊ែលធី អន្តរជាតិ, ឧកញ៉ា ទេព កុលាប សាកលវិទ្យាធិការ​នៃ​សាកលវិទ្យាល័យ​ភ្នំពេញ​អន្តរជាតិ, ឧកញ៉ា តែ ឡូរិន ប្រធានក្រុមប្រឹក្សាភិបាលសាកលវិទ្យាល័យ វេស្ទើន, ឧកញ៉ា ប៉ិច បូឡែន ​ប្រធានក្រុមប្រឹក្សាភិបាល​សាលា វេសឡាញ គ្រុប ព្រមទាំង​សមាជិក សមាជិកា នៃសមាគម​គ្រឹះស្ថានឧត្តមសិក្សាកម្ពុជា ជា​ច្រើន​រូប​ទៀត។

គួរបញ្ជាក់​ថា កាលថ្ងៃទី១២ ខែមករា ឆ្នាំ២០២៤ សមាគមគ្រឹះស្ថានឧត្តមសិក្សាកម្ពុជា រៀបចំបោះឆ្នោត​ជ្រើសរើស ប្រធានក្រុមប្រឹក្សាភិបាល និងប្រធានគណៈប្រតិបត្តិ សម្រាប់អាណត្តិទី៧ ដែលមានសមាជិក សមាជិកាជាង១០០នាក់។ ក្នុងនោះ ឧកញ៉ា ហេង វ៉ាន់ដា ប្រធានក្រុមប្រឹក្សាភិបាលវិទ្យាស្ថានវ៉ាន់ដាគណនេយ្យ បន្តជាប់ជាប្រធានក្រុមប្រឹក្សាភិបាលសមាគម និងឧកញ៉ា លី ឆេង បន្តជាប់ជាប្រធានគណៈប្រតិបត្តិ សម្រាប់អាណត្តិថ្មី ឆ្នាំ២០២៤-២០២៦៕

The post អ្នកឧកញ៉ា ឧកញ៉ា ម្ចាស់សាលាល្បីៗ អញ្ជើញចូលជួបសំណេះសំណាលជាមួយសម្តេចធិបតី ហ៊ុន ម៉ាណែត appeared first on .

​លោកឧកញ៉ា បាន​បង្ហោះសារ​លើ​ទំព័រហ្វេសប៊ុក​របស់​ខ្លួន នៅ​ព្រឹក​នេះ​​ លើ​ចំណុច​៤យ៉ាង​អំពី​ តម្លៃបន្ថែម(ValueAdded) មានដូចជា៖ ១)សហគ្រាស/ស្ថាប័ន/អង្គភាព ត្រូវតែរៀបចំប្រព័ន្ធគ្រប់គ្រងឱ្យ​ល្អរឹងមាំ ដើម្បីអនុវត្តតាមផែនការ​យុទ្ធសាស្ត្រ។ ២)បើសហគ្រាស/ស្ថាប័ន/អង្គភាព មានលក្ខណៈដូចខាងលើ រួចមានសវនករផ្ទៃក្នុងខ្លាំង អាចនឹងទទួលបាន​បន្ថែមនូវតម្លៃបន្ថែម(ValueAdded) ទៀត។ ៣)បើសហគ្រាស/ស្ថាប័ន/អង្គភាព មានលក្ខណៈដូចខាងលើ និងមាន​បន្ថែម​តម្លៃរួចហើយ​ដោយសវនកម្មផ្ទៃក្នុង ហើយបើចង់បន្ថែមទៀត អាចមានសវនករផ្ទៃក្រៅជួយបន្ថែមទៀតក៏បាន។ វា​អាច​នឹងជួយបន្ថែមទៀតនូវតម្លៃបន្ថែម។ ៤)នៅក្នុងពិភពលោក ស្ថាប័នដែលមានអភិបាលកិច្ចល្អ ចង់បានតម្លៃបន្ថែម គេ​គ្រាន់តែមានសវនករផ្ទៃក្នុងនិងក្រៅជាការស្រេច។

សូមជម្រាបថា ឧកញ៉ា ហេង វ៉ាន់ដា ជាស្ថាបនិក​វិទ្យាស្ថានវ៉ាន់ដាគណនេយ្យ ​និង​ជា​ប្រធាន​ក្រុមប្រឹក្សាភិបាល​​របស់​សមាគម​គ្រឹះស្ថានឧត្តមសិក្សាកម្ពុជា ចំនួន ៣អាណត្តិ ចាប់ពីឆ្នាំ២០១៨ បន្ទាប់ពី​​កាលខែមករា កន្លងទៅ​ថ្មីៗ​នេះ​ លោក​​បាន​បន្ត​ទទួល​បាន​សេចក្តីទុកចិត្ត​ពីសមាជិក សមាជិកា បោះឆ្នោតឱ្យ​លោក​ជាប់​​ជា​ប្រធាន​ក្រុមប្រឹក្សាភិបាល​​របស់​សមាគម​គ្រឹះស្ថានឧត្តម​សិក្សាកម្ពុជា សម្រាប់អាណត្តិថ្មី ឆ្នាំ២០២៤-២០២៦ ជាបន្ត​ទៀត​៕

The post ឧកញ៉ា ហេង វ៉ាន់ដា ប្រាប់ពីគន្លឹះទទួលបាន «តម្លៃបន្ថែម» សម្រាប់សហគ្រាស ស្ថាប័ន ឬអង្គភាព appeared first on .

តាមការឲ្យដឹងពីលោក អ៊ាង សុផល្លែត ជំនួយការសម្ដេចតេជោ បានឲ្យដឹងនៅក្រោយជំនួបថា ក្នុងឱកាសនោះ សម្ដេចតេជោ ហ៊ុន សែន បានវាយតម្លៃខ្ពស់ចំពោះវិធានការរបស់ក្រសួងអប់រំយុវជន និងកីឡា ក្នុងការជំរុញការសិក្សាតាមអនឡាញនៅក្នុងអំឡុងពេលនៃវិបត្តិកូវីដ១៩កន្លងទៅនេះ។

សម្ដេចតេជោនាយករដ្ឋមន្ត្រី ក៏បានថ្លែងអំណរគុណចំពោះគ្រឹះស្ថានឧត្ដមសិក្សាទាំងអស់ ដែលបានចូលរួមយ៉ាងសកម្មនៅក្នុងការបណ្ដុះបណ្ដាលធនធានមនុស្សរបស់កម្ពុជា ជាពិសេសនៅក្នុងកាលៈទេសៈ នៃការរាតត្បាតជំងឺកូវីដ១៩ ជាមួយគ្នានោះដែរ ក៏បានចូលរួមជួយដល់ប្រជាជនក្រីក្រ ជួយដល់កងកម្លាំងប្រដាប់អាវុធ ដែលនេះ គឺជាការចូលរួមទាំងអស់គ្នាសម្រាប់ភាពរីកលូតលាស់កម្ពុជា តទៅមុខទៀត។

ទាក់ទងនឹងការអភិវឌ្ឍន៍វិស័យអប់រំនេះដែល អ្នកឧកញ៉ា គួច ម៉េងលី ស្ថាបនិកក្រុមហ៊ុន ម៉េងលី ជេគួច អេឌ្យូខេសិន បានគូសបញ្ជាក់ថា ការវិវត្តន៍វិស័យអប់រំនៅកម្ពុជាមិនទាន់ចំទ្រនិចដែលថាវិស័យអប់រំគួរតែដើរទៅមុខនោះទេ ក្នុងន័យនេះអ្នកឧកញ៉ាក៏បានសម្តែងក្តីបារម្ភផងដែរក្នុងការវិវត្តន៍បែបនេះរបស់រដ្ឋាភិបាល។

អ្នកឧកញ៉ាថ្លែងថា «ទី១) គ្រូមិនទាន់បានប្រាក់ខែពេញលេញដើម្បីឲ្យគ្រូផ្តោតមកលើសិស្ស ពិសេសនោះសាលារដ្ឋតែម្តង តែសម្រាប់អ្នកឧកញ៉ាចង់បានឲ្យគ្រូទាំងសាលារដ្ឋ និងឯកជនទទួលបាន ១០០% ព្រោះនៅពេលដែលគ្រូបង្រៀនរដ្ឋផងឯកជន ដូច្នេះវាបាត់ឋាមពល នេះក៏ដោយសារតែកត្តាជីវភាពរបស់គ្រូដែលបង្ខំគាត់ឲ្យបង្រៀនច្រើនកន្លែង ហេតុនេះមិនបានផ្តោតអារម្មណ៍១០០%មកលើសិស្សនោះទេ។ ទី២) ខ្វះសម្ភារសិក្សា ដើម្បីតម្រូវការទៅតាមថ្នាក់នីមួួយៗ»។

បើតាមអ្នកឧកញ៉ាវេជ្ជបណ្ឌិត កម្ពុជាបច្ចុប្បន្នក៏កំពុងខ្វះបញ្ញវ័នពិតច្រើនផងដែរ។ ការណ៍នេះអ្នកឧកញ៉ាចង់សំដៅទៅដល់បញ្ញវ័នដែលហ៊ានចេញមកសរសេរពិត បង្ហាញពិត ព្រោះការដែលគ្មានបញ្ញវ័នពិតបែបនេះបានធ្វើឲ្យផ្នត់គំនិតកូនខ្មែរថមថយចុះបន្តិចម្តងៗ ដោយសារតែខ្វះការលើកទឹកចិត្ត។

«យើងអាចអង្គុយយកលេសថាប្រទេសយើងកំពុងអភិវឌ្ឍន៍…បើគិតតែពីអភិវឌ្ឍន៍ តែយើងអត់អភិវឌ្ឍន៍ទៅមុខអាហ្នឹងវាអត់ទៅមុខនោះទេ យើងត្រូវការយុទ្ធនាការទះស្គរឲ្យអស់ពីកម្លាំងកាយចិត្ត…»។ អ្នកឧកញ៉ា គួច ម៉េងលី បន្ថែម។

ជាមួយគ្នានេះ កន្លងមកក្រសួងអប់រំយុវជន និងកីឡា បានបន្តអនុវត្តកំណែទម្រង់សំខាន់មួយចំនួន តាំងពីឆ្នាំ២០១៣មក រួមមាន ទី១ កំណែទម្រង់ការប្រឡងសម្រាប់សិស្សថ្នាក់ទី១២ ទី២ ការពិនិត្យឡើងវិញទៅលើកម្មវិធីសិក្សារបស់សិស្សគ្រប់កម្រិត ទី៣ ការធ្វើអធិការកិច្ចតាមសាលារៀន ដោយផ្តោតលើគុណភាពអប់រំ សំណង់អគារ កិច្ចការសាលា។ល។ ទី៤ ការធ្វើរង្វាយតម្លៃការសិក្សារបស់សិស្ស ទី៥ កំណែទម្រង់ថ្នាក់ឧត្តមសិក្សា ទី៦ ការពង្រឹងជំនាញរបស់យុវជន ជាដើម។

ដោយសារតែរាជរដ្ឋាភិបាល តែងតែផ្តល់អាទិភាពទី១ លើការអភិវឌ្ឍធនធានមនុស្ស ដើម្បីលើកស្ទួយ និង អភិវឌ្ឍវិស័យអប់រំកម្ពុជា សម្តេចតេជោ ហ៊ុន សែន កាលពីឆ្នាំ២០២២កន្លងទៅ បានផ្តល់អនុសាសន៍សម្រាប់វិស័យអប់រំ យុវជន និងកីឡា ដើម្បីបន្តអនុវត្ត ទី១) បន្តពង្រឹងប្រព័ន្ធអប់រំឱ្យមានភាពធន់, ទី២) កសាងប្រព័ន្ធ និងអភិវឌ្ឍសមត្ថភាពប្រព័ន្ធអប់រំ តាមរយៈ ធានាភាពជាអ្នកដឹកនាំ និង ការគ្រប់គ្រងរបស់មន្ត្រីអប់រំគ្រប់លំដាប់ថ្នាក់ ទី៣) បន្តអភិវឌ្ឍ ការអប់រំឌីជីថល សម្រាប់ការបណ្តុះបណ្តាលធនធានមនុស្ស ក្នុងបរិការណ៍ បរិវត្តកម្មសង្គម និង សេដ្ឋកិច្ចឌីជីថល តាមរយៈការធ្វើសមាហរណកម្ម បច្ចេកវិទ្យាឌីជីថល ទៅក្នុងគ្រប់កម្រិតកម្មវិធីសិក្សា ទី៤) បន្តអនុវត្តឱ្យកាន់តែសកម្មលើការងារកាយរឹទ្ធ និងយុវជន ដោយប្រកាន់ខ្ជាប់នូវទង្វើវិជ្ជមាន ក្នុងសង្គម តាមរយៈការបំផុសចលនា កូនល្អ សិស្សល្អ មិត្តល្អ ពលរដ្ឋល្អ ទី៥) បន្តត្រៀមលក្ខណៈឱ្យបានពេញលេញ ដើម្បីធ្វើជាម្ចាស់ផ្ទះ ប្រកួតកីឡា ស៊ីហ្គេម ឆ្នាំ ២០២៣ ទី៦) បន្តលើកកម្ពស់សុខភាពអនាម័យ នៅតាមគ្រឹះស្ថានសិក្សា៕

The post សម្តេចតេជោ ហ៊ុន សែន ជួបពិភាក្សាជាមួយអ្នកឧកញ៉ា ឧកញ៉ា អ្នករស៊ីក្នុងវិស័យអប់រំ appeared first on .

ដោយសារស្ថានភាពជីវិតចេះតែលំបាកឡើងៗ អស់ជម្រើសលោកក៏សម្រេចទៅនៅវត្តហើយការស្នាក់នៅនោះគ្មានអាហារគ្រប់គ្រាន់ឡើយ សូម្បីសៀវភៅអានក៏បន្សល់ទុកពីអ្នករាមច្បងក្នុងវត្តតែប៉ុណ្ណោះ។

លោក វ៉ាន់ដា ធ្លាប់បានហែលឆ្លងកាត់របបខ្មែរក្រហម នឹងត្រូវបានរបបនេះជំលៀសឱ្យមករស់នៅស្រុកកោះធំ ខេត្តកណ្តាល នឹងចូលធ្វើជាកងចល័តស្រុក ដែលជាកងចល័ត ១៧មេសា។

ក្រោយឆ្នាំ១៩៨៣ លោកបានចូលបំរើការងារនៅក្រសួងហិរញ្ញវត្ថុ និងជាគ្រូបង្រៀនផ្នែកគណនេយ្យនៅសាកលវិទ្យាល័យ ន័រតុន ហើយក្រោយមកសាលានេះបានបណ្តេញលោកចេញឈប់លែងឱ្យបង្រៀន។

ក្រោយមក លោកក៏សម្រេចចិត្តបង្កើតមជ្ឈមណ្ឌលបណ្តុះបណ្តាលផ្នែកគណនេយ្យ ស្ថិតនៅផ្លូវម៉ៅសេទុង រាជធានីភ្នំពេញ ដោយទទួលបានសិស្សរៀនច្រើនលើសលប់រកតែកន្លែងអង្គុយគ្មានផង រហូតហៀដល់ផ្លូវឯណេះ។

បន្តិចម្ដងៗ កេរ្តិ៍ឈ្មោះរបស់លោកកាន់តែល្បីឡើងៗ ជាគ្រូបង្រៀនផ្នែកគណនេយ្យ។ នៅចុងឆ្នាំ២០០០ បន្ទាប់ពីសាលា ន័រតុន បណ្តេញលោកចេញ ឬអាចនិយាយបានថា ព្រោះតែតូចចិត្តគេដេញចេញទើបលោកបង្កើតវិទ្យាស្ថាន វ៉ាន់ដា គណនេយ្យ នេះឡើងរហូតមកដល់បច្ចុប្បន្ន។

ដោយនិស្ស័យពីកំណើត និងការតស៊ូបានធ្វើឱ្យជីវិតរបស់លោកទទួលជោគជ័យ ដែលចាប់ផ្ដើមជីវិតឡើងឃើញនឹងភ្នែកជួបប្រទះតែភាពក្រីក្រលំបាក កំព្រាឱពុក ចេញចោលផ្ទះមករស់នៅទីវត្តអារាមចោលម្តាយតស៊ូជាមួយឧបសគ្គទម្រាំរកឃើញនូវភាពជោគជ័យ។

បណ្ឌិត ហេង វ៉ាន់ដា ត្រូវបានព្រះមហាក្សត្រកម្ពុជា ត្រាស់បង្គាប់ផ្ដល់គោរមងារជា “ឧកញ៉ា” នៅថ្ងៃទី៣ ខែមករា ឆ្នាំ២០២២ តាមរយៈព្រះរាជក្រឹត្យលេខ នស/រកត/០១២២/០១០។ បច្ចុប្បន្នឧកញ៉ា ហេង វ៉ាន់ ជាប្រធានក្រុមប្រឹក្សាភិបាល នៃសមាគមគ្រឹះស្ថានឧត្តមសិក្សា និងជាប្រធានក្រុមប្រឹក្សាភិបាល នៃវិទ្យាស្ថានវ៉ាន់ដា។

លោកថ្លែងថា បទពិសោធន៍ជីវិតជាកូនអ្នកក្រគ្មានអ្វីក្រៅពីការខិតខំសិក្សារៀនសូត្រ តស៊ូអំណត់អត់ធ្មត់ឡើយ។ កូនអ្នកក្រដាច់ត្រូវតែរៀនសូត្រឱ្យខ្ពស់ ទោះបីជាមានស៊ីអត់ស៊ីក៏ដោយត្រូវតែតស៊ូ។

លោកបន្ថែមថា៖ រៀនហើយរៀនទៀត …កាន់តែរៀន កាន់តែដឹងថា នៅសល់ច្រើនទៀតដែលមិនបានដឹង។ ក្នុងន័យនេះលោកចង់រំឭកថា មានរឿងរ៉ាវជាច្រើនដែលយើងនៅមិនទាន់បានដឹង ហើយមានតែរៀនមួយមុខគត់ទើបអាចដឹងច្បាស់ នឹងបន្តរៀនឥតឈប់ឈរ៕

The post អតីតក្មេងវត្ត និងធ្លាប់គេបណ្តេញចេញពីសាលា តស៊ូវិវត្តន៍ខ្លួនក្លាយជាឧកញ៉ាថៅសាលាឯកជន appeared first on .