សហព័ន្ធស្រូវអង្ករកម្ពុជា បានឱ្យដឹងថា សម្រាប់ឆ្នាំ២០២៦ នេះ គឺជាការចូលរួមលើកទី៣ របស់សហព័ន្ធស្រូវ​អង្ករកម្ពុជា បន្ទាប់ពីការចូលរួមលើកទី១ នៅឆ្នាំ២០១៤ និងលើកទី២ នៅឆ្នាំ២០២៤។ ពិព័រណ៍ SIAL Paris គឺជាវេទិកាពាណិជ្ជកម្មអន្តរជាតិដ៏សំខាន់សម្រាប់ឧស្សាហកម្មម្ហូបអាហារពិភពលោក ដែលប្រមូលផ្តុំអ្នកផលិត អ្នកផ្គត់ផ្គង់ អ្នកទិញ និងអ្នកជំនាញមកពីបណ្តាប្រទេសនានា ដើម្បីបង្ហាញផលិតផល ចែករំលែកបទពិសោធន៍ ស្វែងយល់ពីនិន្នាការទីផ្សារ និងបង្កើតឱកាសសហប្រតិបត្តិការពាណិជ្ជកម្មថ្មីៗ។ ការចូលរួមក្នុងព្រឹត្តិការណ៍នេះ គឺជាឱកាសដ៏មានសារៈសំខាន់សម្រាប់កម្ពុជាក្នុងការផ្សព្វផ្សាយគុណភាព និងសក្តានុពលអង្ករកម្ពុជា ព្រមទាំង​បង្កើនភាពទាក់ទាញរបស់អង្ករកម្ពុជានៅលើទីផ្សារអន្តរជាតិ។

ការចូលរួមរបស់សហព័ន្ធស្រូវអង្ករកម្ពុជា និងក្រុមហ៊ុនសមាជិកក្នុងពិព័រណ៍នេះ ទទួលបានការគាំទ្រពី ក្រសួង​ពាណិជ្ជកម្ម ធនាគារអភិវឌ្ឍន៍ជនបទ និងកសិកម្ម និងសហគ្រិនខ្មែរ (Khmer Enterprise) នៃក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ ការគាំទ្រនេះបានរួមចំណែក​ជួយសម្រួលដល់ការផ្សព្វផ្សាយ​ផលិតផលអង្ករកម្ពុជា និងបង្កើតឱកាសសម្រាប់ក្រុមហ៊ុននាំចេញក្នុងការស្វែងរកដៃគូពាណិជ្ជកម្មថ្មីៗ ពង្រឹងទំនាក់​ទំនងជាមួយអ្នកទិញអន្តរជាតិ និងស្វែងយល់ពីតម្រូវការទីផ្សារនៅតំបន់អឺរ៉ុប និងទីផ្សារផ្សេងៗទៀត។

ក្រុមហ៊ុននាំចេញអង្ករទាំង ១២ ដែលបានចូលរួមតាំងបង្ហាញផលិតផលក្នុងពិព័រណ៍នេះ រួមមាន៖

១. ក្រុមហ៊ុន កំពង់ធំ រ៉ាយស៍ មីល លីមីធីត (D-017)

២. ក្រុមហ៊ុន  អៀង ហ៊ាង អុីមផត អិចផត ខូអិលធីឌី (D-015)

៣. ក្រុមហ៊ុន ឥណ្ឌូ ឆាយណា រ៉ាយស៍ មីល លីមីធីត (D-013)

៤. ក្រុមហ៊ុន  វង្ស ប៊ុនហេង អុីមផត អិចផត (D-011)

៥. ក្រុមហ៊ុន ស៊ីធី រ៉ាយស៍ អុីមផត អិចផត ខូអិលធីឌី (D-009)

៦. ក្រុមហ៊ុន ខ្មែរ ហ៊្វូត គ្រុប (D-007)

៧. ក្រុមហ៊ុន ហ្គោលដេន រ៉ាយស៍ (ខេមបូឌា) (C-008)

៨. ក្រុមហ៊ុន ហ្វេត រ៉ាយស៍ បាត់ដំបង អិលធីឌី (C-010)

៩. ក្រុមហ៊ុន ព្រីម្លិះ ខបភើរេសិន (C-012)

១០. ក្រុមហ៊ុន ឡ អៀកហេង សេកមាស រ៉ាយស៍ (C-014)

១១. ក្រុមហ៊ុន ប៊ីអអិម អាហ្រោ (C-016)

១២. ក្រុមហ៊ុន ដេលី ហ្រ្វេស ហ៊្វូដ (ខេមបូឌា) (C-020)

សូមជម្រាបថា ការចូលរួមរបស់ក្រុមហ៊ុននាំចេញទាំង ១២ នេះ មិនត្រឹមតែជាការបង្ហាញពីភាពសម្បូរបែប និងគុណភាព​នៃ​ផលិតផលអង្ករកម្ពុជាប៉ុណ្ណោះទេ ប៉ុន្តែថែមទាំងបង្ហាញពីសមត្ថភាព និងការត្រៀមខ្លួនរបស់វិស័យ​ស្រូវអង្ករកម្ពុជា​ក្នុងការប្រកួតប្រជែងលើទីផ្សារអន្តរជាតិ។ តាមរយៈវេទិកានេះ ក្រុមហ៊ុនសមាជិកមានឱកាស​បង្ហាញសក្តានុពល​ផលិតផល​របស់ខ្លួន បង្កើនការទទួលស្គាល់ម៉ាកយីហោ និងស្វែងរកលទ្ធភាពពង្រីកទីផ្សារ​នាំចេញ ដើម្បីរួមចំណែក​លើកកម្ពស់កេរ្តិ៍ឈ្មោះអង្ករកម្ពុជានៅលើឆាកអន្តរជាតិ។

The post ឧកញ៉ា ឡាយ ឈុនហួ ដឹកនាំក្រុមហ៊ុននាំចេញអង្ករកម្ពុជាចំនួន ១២ ចូលរួមតាំងបង្ហាញអង្ករ និងផលិតផលកែច្នៃ​ពីអង្កររបស់កម្ពុជា នៅក្នុងពិព័រណ៍ម្ហូបអាហារអន្តរជាតិលំដាប់ពិភពលោក នៅទីក្រុងប៉ារីស appeared first on .

ក្នុងដំណើរចុះពិនិត្យមើលរោងម៉ាស៊ីនកិនស្រូវ និងការប្រមូលទិញស្រូវពីកសិករនៅរោងម៉ាស៊ីនកិនស្រូវខាងលើ គឺ ក្នុងគោលបំណង តាមដានអំពីប្រសិទ្ធភាពនៃការប្រើប្រាស់ឥណទានរបស់ធនាគារអភិវឌ្ឍន៍ជនបទ និងកសិកម្ម (ARDB) ដែលជាធនាគារគោលនយោបាយរបស់រាជរដ្ឋាភិបាល ផ្តោតលើវិស័យកសិកម្ម និងអភិវឌ្ឍន៍ជនបទ។

រោងម៉ាស៊ីនកិនស្រូវទី១ ដែលឯកឧត្តមបណ្ឌិត កៅ ថាច ចុះពិនិត្យនោះគឺ រោងម៉ាស៊ីន BRM ស្ថិតនៅ ស្រុកសន្ទុក ទី២ រោងម៉ាស៊ីនកិនស្រូវអេមរុរ៉ាយស៍ (Amru Rice) ស្ថិតនៅស្រុកស្ទោង និង ទី៣ រោងម៉ាស៊ីនកិនស្រូវ ១៦៨៨ខេត្តកំពង់ធំ។

ក្នុងឱកាសនោះ ឯកឧត្តមបណ្ឌិត កៅ ថាច ក៏បានចុះផ្ទាល់ពិនិត្យ មើលសកម្មភាពច្រូតកាត់ប្រភេទស្រូវ ចំប៉ីស ដែលផលិតដោយ រោងម៉ាស៊ីនកិនស្រូវ BRM ក្នុងផ្ទៃដី ៣០០ ហិកតា ទិន្នផល ៤តោនក្នុង១ហិកតា។

បន្ទាប់មកទៀត ឯកឧត្តមបណ្ឌិត និងប្រធានសហព័ន្ធស្រូវអង្ករកម្ពុជា បានចុះពិនិត្យមើល សកម្មភាពប្រមូលទិញស្រូវរបស់រោងម៉ាស៊ីនអេមរុរ៉ាយស៍ ដែលកំពុងប្រមូលទិញស្រូវពីកសិករប្រភេទស្រូវសែនក្រអូប និង OM 5451 ចន្លោះ ៥០០ ទៅ៦០០តោនក្នុង មួយថ្ងៃ ហើយបានពិនិត្យមើលកន្លែងបន្សុទ្ធពូជស្រូវគំរូរបស់ក្រុមហ៊ុនអេមរុរ៉ាយស៍ មានស្រូវស្រង៉ែ និងសែនក្រអូប ដើម្បីបន្សុទ្ធត្រៀមចែកចាយដល់កសិករ បង្កើនទិន្នផល ធន់ទៅនឹងការប្រែប្រួលអាកាសធាតុផងដែរ។

ជាចុងក្រោយ ឯកឧត្តមបណ្ឌិតបានបន្តពិនិត្យមើលរោងម៉ាស៊ីនកិនស្រូវ ១៦៩៨ ក្នុងខេត្តកំពង់ធំ ដែលកំពុងប្រមូលទិញស្រូវពីកសិករយកមកស្តុកទុក និងកិនកែច្នៃ សម្រាប់ផ្គត់ផ្គង់ទៅផ្សារក្នុងស្រុក និងទីផ្សារអន្តរជាតិ។

បន្ថែមពីនេះ ដើម្បីចូលរួមលើកកម្ពស់តម្លៃស្រូវរបស់កសិករ និងរក្សាស្ថេរភាពតម្លៃ ឯកឧត្តមបណ្ឌិត កៅ ថាច ក្នុងនាមធនាគារគោលនយោបាយ បានជំរុញឲ្យរោងម៉ាស៊ីនក្នុងស្រុក បង្កើនការទិញស្រូវពីកសិករ នារដូវច្រូតកាត់ឆ្នាំនេះឲ្យអស់លទ្ធភាព និងមានតម្លៃសមរម្យដើម្បីយកស្តុកទុក សម្រាប់កិន និងកែច្នៃទៅជាអង្ករ បម្រើដល់ការនាំចេញផងដែរ៕

The post ឧកញ៉ា ឡាយ ឈុនហួ អមដំណើរ ឯកឧត្តមបណ្ឌិត កៅ ថាច ចុះពិនិត្យមើលប្រសិទ្ធភាពការប្រើប្រាស់ហិរញ្ញប្បទានរបស់ធនាគារ ARDB នៅរោងម៉ាស៊ីន​កិនស្រូវចំនួន៣ទីតាំង ក្នុងខេត្តកំពង់ធំ appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំដ៏សំខាន់នេះ ក៏មានវត្តមានរបស់សមាជិក សមាជិកាក្រុមប្រឹក្សា​ភិបាលសហព័ន្ធស្រូវអង្ករកម្ពុជា អញ្ជើញ​ចូលរួមដើម្បីជជែកពិភាក្សា ផ្លាស់ប្ដូរយោបល់ និងអនុម័តផងដែរ។ កិច្ចប្រជុំនេះ ត្រូវបានប្រព្រឹត្តទៅតាមរបៀបវារៈ​ដូចខាងក្រោម៖

១. ពិនិត្យមើលរបាយការណ៍កិច្ចប្រជុំក្រុមប្រឹក្សាភិបាលអាណត្តិទី៥ លើកទី២

២. ពិនិត្យមើលលើរបាយការណ៍វឌ្ឍនភាពឆមាសទី១ ឆ្នាំ២០២៦

៣ ពិនិត្យមើលការងារនៃគណៈកម្មាធិការនីមួយៗ

៤. ពិនិត្យ និងពិភាក្សាលើផែនការនៃការរៀបចំវេទិកាស្រូវអង្ករកម្ពុជាលើកទី៨។

ជាកិច្ចចាប់ផ្ដើម ឧកញ៉ា ចាន់ សុឃាំង ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានថ្លែងចំណាប់​អារម្មណ៍បើកកម្មវិធីប្រជុំ និងថ្លែងអំណរគុណទៅកាន់សមាជិកក្រុមប្រឹក្សាភិបាល ដែលបានចំណាយពេលវេលា​ដ៏មានតម្លៃ ក្នុងការចូលរួមនៅក្នុងកិច្ចប្រជុំក្រុមប្រឹក្សាភិបាលអាណត្តិទី៥ លើកទី៣។ លើសពីនេះ ឧកញ៉ា ប្រធានក្រុមប្រឹក្សាភិបាល បានបន្តទៀតថា តាមរយៈកិច្ចប្រជុំនាថ្ងៃនេះ សហព័ន្ធស្រូវអង្ករកម្ពុជា នឹងអាចប្រមូល​នូវធាតុចូលសំខាន់ៗ ដែលនឹងជួយឱ្យសហព័ន្ធស្រូវអង្ករកម្ពុជា អាចពង្រឹង និងកែលម្អការអនុវត្តផែនការ​ដែលបាន​រៀបចំឱ្យកាន់តែមានប្រសិទ្ធភាព។

ជាលទ្ធផល អង្គប្រជុំទាំងមូលបានសម្រេច និងអនុម័តទៅលើរបៀបវារៈទាំង ៤ ដោយទទួលបានសម្លេង​បោះឆ្នោត​មួយរយភាគរយ នៃវត្តមានរបស់សមាជិកក្រុមប្រឹក្សាភិបាលទាំងអស់ដែលបានអញ្ជើញចូលរួម។

ជាកិច្ចបញ្ចប់ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា បានថ្លែងបិទកម្មវិធីប្រជុំ និងថ្លែងអំណរគុណ​ទៅកាន់សមាជិកក្រុមប្រឹក្សាភិបាលទាំងអស់ដែលបានចូលរួមពិភាក្សា និងផ្ដល់ធាតុចូលមកកាន់កិច្ចប្រជុំនេះ។ លើសពីនេះ លោកឧកញ៉ា ប្រធានសហព័ន្ធស្រូវអង្ករកម្ពុជា ក៏បានបន្ថែមទៀតថា ការរួបរួមគ្នា និងការចូលរួម​របស់សមាជិកទាំងអស់ គឺជាកត្តាសំខាន់ក្នុងការជំរុញវិស័យស្រូវអង្ករកម្ពុជាឱ្យកាន់តែរីកចម្រើន និងឈានទៅ​សម្រេចបាននូវគោលដៅរួមរបស់សហព័ន្ធ។

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ដឹកនាំកិច្ចប្រជុំក្រុមប្រឹក្សា​ភិបាលសហព័ន្ធស្រូវអង្ករកម្ពុជា អាណត្តិទី៥ លើកទី៣ appeared first on .

ឯកឧត្តមរដ្ឋមន្ត្រី ឌិត ទីណា បានលើកឡើងថា ក្នុងឱកាសនៃការបំពេញទស្សនកិច្ចការងារនៅប្រទេសហ្វីលីពីន លោកនិងឯកឧត្តម Francisco P. Tiu Laurel Jr. រដ្ឋមន្ត្រីក្រសួងកសិកម្មហ្វីលីពីន បានរួមគ្នារៀបចំ «វេទិកាផ្សារភ្ជាប់ទំនាក់ទំនងរវាងរដ្ឋាភិបាល និងវិស័យឯកជន កម្ពុជា-ហ្វីលីពីន ក្នុងវិស័យកសិកម្ម»។

គោលដៅចម្បងនៃជំនួបនេះ គឺការបង្កើតស្ពានចម្លងទំនាក់ទំនងកាន់តែជិតស្និទ្ធវិស័យឯកជននៃប្រទេសទាំងពីរ ដើម្បីរុញច្រានទំហំពាណិជ្ជកម្មកសិកម្មឱ្យកាន់តែធំ និងធានានិរន្តរភាពសន្តិសុខស្បៀងជូនប្រជាជនយើងទាំងសងខាង។

ឯកឧត្តមរដ្ឋមន្ត្រី បានបន្តថា ក្នុងជំនួបនេះ តំណាងក្រុមហ៊ុនឯកជនកម្ពុជា និងហ្វីលីពីនប្រមាណ ៣៣ ក្រុមហ៊ុន បានជួបពិភាក្សាលើការបើកច្រកទីផ្សារបន្ថែមសម្រាប់បង្កើនការនាំចេញអង្ករ និងកសិផលសក្តានុពលផ្សេងទៀតរបស់កម្ពុជា រួមមានគ្រាប់ស្វាយចន្ទី និងផលិតផលបសុសត្វ មកកាន់ទីផ្សារហ្វីលីពីន។

គូសបញ្ជាក់ផងដែរថា ប្រទេសហ្វីលីពីន គឺជាទីផ្សារនាំចេញដែលមានសក្តានុពលមួយសម្រាប់អង្ករកម្ពុជា ហើយជាក់ស្ដែង ក្នុងរយៈពេល ៦ ខែ នៃឆ្នាំ២០២៦ នេះ កម្ពុជាបាននាំចេញអង្ករទៅប្រទេសហ្វីលីពីនចំនួនប្រមាណ ៧ មុឺនតោនផងដែរ។

The post ឧកញ៉ាៗថ្នាក់ដឹកនាំសហព័ន្ធស្រូវអង្ករកម្ពុជា ៣រូប អញ្ជើញអមដំណើរ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅប្រទេសហ្វីលីពីន appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំពិភាក្សាអំពីការផ្សារភ្ជាប់ទំនាក់ទំនងចាប់ដៃគូ និងការផ្គត់ផ្គង់​អង្គាមនេះ ត្រូវបានរៀបចំឡើងក្នុងគោលបំណង​ បង្កើតផលិតផលប្រេងកន្ទក់ និងផលិតផលផ្សេងៗ សម្រាប់​បំពេញ​តម្រូវការទីផ្សារកម្ពុជានាពេលបច្ចុប្បន្ន។

សូមជម្រាបថា ក្នុងបរិបទដែលពិភពលោកកំពុងជួបប្រទះវិបត្តិសកល ការតភ្ជាប់ខ្សែច្រវាក់តម្លៃជាកញ្ចប់ និងការផលិតនូវផលិតផលផ្សេងៗបែបនេះ គឺផ្ដល់ភាពច្បាស់លាស់និងប្រាកដប្រជាសម្រាប់ការផលិត​របស់​ប្រជាកសិករ និងការកែច្នៃរបស់វិស័យឯកជន សំដៅលើកកម្ពស់ប្រសិទ្ធភាពសេដ្ឋកិច្ចជាតិ ប្រកប​ដោយចីរភាព៕

The post ឧកញ៉ា​ ឡាយ ឈុនហួ ដឹកនាំសមាជិកសហព័ន្ធស្រូវអង្ករកម្ពុជា ចូលរួមកិច្ចប្រជុំពិភាក្សាអំពីការផ្សារភ្ជាប់ដៃគូ ការផ្គត់ផ្គង់កន្ទក់ និងអង្គាម ជាមួយក្រុមហ៊ុន វិរៈ ប៊ុនថាំ appeared first on .

សហព័ន្ធស្រូវអង្ករកម្ពុជា បានឱ្យដឹងថា កម្មវិធីនេះត្រូវបានរៀបចំឡើងក្នុងគោលបំណងពង្រឹងទំនាក់ទំនង និងបង្កើតឱកាសសហប្រតិបត្តិការពាណិជ្ជកម្មរវាងវិស័យស្រូវអង្ករកម្ពុជា ជាមួយអ្នកនាំចូល អ្នកចែកចាយ និងដៃគូអាជីវកម្មនៅសហរដ្ឋអាមេរិក ព្រមទាំងស្វែងយល់អំពីប្រព័ន្ធដឹកជញ្ជូន និងភស្តុភាររបស់កំពង់ផែ Long Beach ដែលជាច្រកទ្វារពាណិជ្ជកម្មដ៏សំខាន់មួយរវាងអាស៊ី និងសហរដ្ឋអាមេរិក។

ក្នុងឱកាសនេះ គណៈប្រតិភូកម្ពុជាទទួលបានការស្វាគមន៍ពីថ្នាក់ដឹកនាំកំពង់ផែ Long Beach រួមមាន លោក Noel Hacegaba នាយកប្រតិបត្តិផ្នែកពាណិជ្ជកម្មនៃកំពង់ផែ Long Beach, លោក Steven Neal អនុប្រធាន​គណៈកម្មការកំពង់ផែ Long Beach និង ឯកឧត្តម គឹម ឆាលហួត កុងស៊ុលកម្ពុជាប្រចាំទីក្រុង Long Beach។

លោកឧកញ៉ា ឡាយ ឈុនហួ បានលើកឡើងថា កម្មវិធីនេះមានសារៈសំខាន់ក្នុងការពង្រីកទីផ្សារ​អង្ករកម្ពុជា​នៅសហរដ្ឋអាមេរិក ជំរុញការភ្ជាប់ទំនាក់ទំនងដោយផ្ទាល់រវាងអ្នកនាំចេញកម្ពុជា និងអ្នកទិញអន្តរជាតិ ព្រមទាំង​ស្វែងរកដំណោះស្រាយដើម្បីបង្កើនប្រសិទ្ធភាពនៃការដឹកជញ្ជូន កាត់បន្ថយថ្លៃដើម និងពង្រឹងសមត្ថភាពប្រកួត​ប្រជែង​របស់អង្ករកម្ពុជានៅលើទីផ្សារពិភពលោក។

ជំនួប និងការផ្គូផ្គងពាណិជ្ជកម្មនេះ ក៏បានផ្តល់ឱកាសឱ្យក្រុមហ៊ុនសមាជិកទាំង ១០ ធ្វើការពិភាក្សាផ្ទាល់​ជាមួយ​ដៃគូអាជីវកម្ម អ្នកនាំចូល និងអ្នកចែកចាយ ចំនួនប្រមាណជាង ២០ ក្រុមហ៊ុន ដើម្បីបង្កើតទំនាក់ទំនងថ្មី និង​ពង្រីកកិច្ចសហប្រតិបត្តិការអាជីវកម្មនាពេលអនាគត ដែលនឹងរួមចំណែកលើកកម្ពស់ការនាំចេញ​អង្ករកម្ពុជា​ទៅកាន់ទីផ្សារសហរដ្ឋអាមេរិក និងទីផ្សារអន្តរជាតិ។

នៅក្នុងកម្មវិធីនេះដែរ លោកឧកញ៉ាប្រធានសហព័ន្ធ ក៏បានទទួលនូវកិត្តិយស នូវលិខិតសរសើរ ពី លោក Fiona Ma អគ្គរតនាគា របស់រដ្ឋ California ( California State Treasurer) និងកុងស៊ុល កិត្តិយសរបស់កម្ពុជា​ប្រចាំក្រុង ឡុងប៊ិច អំពីការរៀបចាំដឹកនាំសមាជិក លើការបង្កើតព្រឹត្តិការជំនួប និងផ្គូផ្គងពាណិជ្ជកម្មនេះផងដែរ៕

The post ឧកញ៉ា ឡាយ ឈុនហួ ដឹកនាំគណៈប្រតិភូ ១០ក្រុមហ៊ុន ចូលរួមកម្មវិធីជំនួបនិងផ្គូផ្គងពាណិជ្ជកម្ម នៅកំពង់ផែ ឡុងប៊ិច រដ្ឋកាលីហ្វ័រញ៉ា appeared first on .

ពិព័រណ៍ម្ហូប​អាហារ​ប្រចាំឆ្នាំនេះមានឈ្មោះថា Summer Fancy Food Show 2026 ហើយកម្មវិធីនេះរៀបចំ​ឡើងនៅក្នុង មជ្ឈមណ្ឌលពិព័រណ៍ Javits ក្នុងទីក្រុងញូវយ៉ក សហរដ្ឋអាមេរិក។ សហព័ន្ធស្រូវអង្ករកម្ពុជា បានឱ្យដឹងថា ពន្លាសហព័ន្ធស្រូវអង្ករកម្ពុជា ស្ថិតនៅ STAND No-3512-3521, HALL 1E។ សម្រាប់ក្រុមហ៊ុនទាំង១០នោះរួមមាន៖

១.ក្រុមហ៊ុន ហ្គោលដេន ស្ដារ រ៉ាយស៍ មីល អេន អ៊ីមផត អិចផត  (៣៥១២) (3512)

២.ក្រុមហ៊ុន ឡ អៀកហេង សេកមាស រ៉ាយស៍ (៣៥១4) (3514)

៣.ក្រុមហ៊ុន ស៊ីធី រ៉ាយស៍ អ៊ីមផត អិចផត ខូអិលធីឌី (៣៥១៥)  (3515)

៤.ក្រុមហ៊ុន ស៊ីកនេតឈ័រ រ៉ាយស៍ ឯ.ក (៣៥១៦)  (3516)

៥.ក្រុមហ៊ុន ដេលី ហ្រ្វេស ហ៊្វូដ (ខេមបូឌា) ឯ.ក (៣៥១៧)  (3517)

៦.ក្រុមហ៊ុន ហ្គោលដេន រ៉ាយស៍ (ខេមបូឌា) (៣៥១៨) (3518)

៧.ក្រុមហ៊ុន ព្រីម្លិះ ខបភើរេសិន អិលធីឌី  (៣៥១៩) (3519)

៨.ក្រុមហ៊ុន ខ្មែរ ហ៊ូត គ្រុប  (៣៥២០) (3520)

៩.ក្រុមហ៊ុន ឥណ្ឌូឆាយណា រ៉ាយស៍ មីល លីមីធីត  (៣៥២១) (3521)

១០. ក្រុមហ៊ុន អេមរុ រ៉ាយស៍ (ខេមបូឌា) (២៥៦៥) (សាល ៣)។

កម្មវិធីនេះត្រូវបានយកចិត្តទុកដាក់ពីរាជរដ្ឋាភិបាលកម្ពុជា ដែលមានក្រសួងពាណិជ្ជកម្ម ជាអាណាព្យាបាលបច្ចេកទេសរបស់សហព័ន្ធស្រូវអង្ករកម្ពុជា និង​ទទួលបានការចូលរួមឧបត្ថម្ភថវិកា​ពីធនាគារ​អភិវឌ្ឍន៍ជនបទ និងកសិកម្មដល់សហព័ន្ធស្រូវអង្ករកម្ពុជា ដែលផ្តល់លទ្ធភាពឱ្យក្រុមហ៊ុនដែលជាសមាជិកចូលរួម​តាំងពិពណ៌ចំណីអាហារនេះ ក្នុងគោលបំណង ដើម្បីផ្សព្វផ្សាយអង្ករដ៏មានគុណភាពរបស់កម្ពុជា និងធ្វើ​ពិពិធកម្មទីផ្សារក្នុងការបង្កើនឱកាស និងផ្សារភ្ជាប់ទំនាក់ទំនង ជាមួយអ្នកទិញអន្តរជាតិ ជាពិសេសអ្នកទិញ​នៅសហរដ្ឋអាម៉េរិក។ នេះគឺជាលើកដំបូងរបស់ប្រទេសកម្ពុជា ក្នុងការចូលរួមនៅក្នុងព្រឹត្តិការណ៍​ពិព័រណ៍ពាណិជ្ជកម្ម​ម្ហូបអាហារ Summer Fancy Food Show 2026 ដែលការចូលរួមនេះ មានការតាំងបង្ហាញនូវ​ផលិតផលរបស់វិស័យឯកជនរួមគ្នាជាក្រុម នៅក្រោមដំបូលនៃពន្លារួមនៃទង់ជាតិកម្ពុជា។

សូមជម្រាបថា Summer Fancy Food Show 2026 គឺជាព្រឹត្តិការណ៍ពិព័រណ៍ពាណិជ្ជកម្ម​ម្ហូបអាហារ​ដ៏ធំបំផុតមួយនៅសហរដ្ឋអាមេរិក ដែលផ្ដោតសំខាន់លើការបង្ហាញផលិតផលដែលមានគុណភាពខ្ពស់ និងការច្នៃប្រឌិតថ្មីៗ ដូចជាផលិតផលសរីរាង្គ និងផលិតផលប្រកបដោយនិរន្តរភាព ដែលធ្វើឱ្យព្រឹត្តិការណ៍នេះ​ក្លាយជាវេទិកាដ៏សំខាន់សម្រាប់ក្រុមហ៊ុនទាំងឡាយណាដែលចង់ពង្រីកទីផ្សារអន្តរជាតិ និងស្វែងរកកិច្ចសន្យាលក់​ក្នុងបរិមាណធំ។ Summer Fancy Food Show 2026  ត្រូវបានរៀបចំឡើងជារៀងរាល់ឆ្នាំ ហើយសម្រាប់ឆ្នាំនេះ ព្រឹត្តិការណ៍នេះ ត្រូវបានរៀបចំនៅមជ្ឈមណ្ឌល Javits ក្នុងទីក្រុងញូវយ៉ក ដែលមានក្រុមហ៊ុនផ្នែកម្ហូបអាហារចំនួន 2500 ក្រុមហ៊ុន មកពីបណ្តាលប្រទេសនានានៅជុំវិញពិភពលោក៕

The post ឧកញ៉ា ឡាយ ឈុនហួ ដឹកនាំក្រុមហ៊ុនចំនួន ១០ ចូលរួមតាំងពិព័រណ៍ម្ហូបអាហារ​ប្រចាំឆ្នាំ នៅទីក្រុងញូវយ៉ក​ សហរដ្ឋអាមេរិក appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំនេះក៏បានផ្ដោតពិភាក្សាទៅលើការគាំទ្រដល់ស្ថេរភាពថ្លៃកសិផល ជាពិសេសតម្លៃស្រូវ និងការចូលរួមអនុវត្តន៍កម្មវិធីរបស់រសហគមន៍កសិកម្មទំនើបផងដែរ។ ជាមួយគ្នានេះ កិច្ចប្រជុំក៏បានពិភាក្សា លើតួអង្គអ្នកទិញ និងគ្រប់តួអង្គពាក់ព័ន្ធ តាមរយៈយន្តការសម្របសម្រួលដូចជា ការគាំទ្រផ្នែកហិរញ្ញវត្ថុ ការប្រើប្រាស់បច្ចេកវិទ្យាដើម្បីធានាគុណភាព និងការរៀបចំផលិតកម្មតាមកិច្ចសន្យា ដើម្បីធានាទំនុកចិត្តនិងស្ថិរភាពតម្លៃ។

ក្នុងបរិបទវិបត្តិសកលនាពេលបច្ចុប្បន្ន ការតភ្ជាប់ខ្សែច្រវាក់តម្លៃជាកញ្ចប់បែបនេះ គឺផ្ដល់ភាពច្បាស់លាស់និង​ប្រាកដ​ប្រជា​សម្រាប់ការផលិតរបស់ប្រជាកសិករ និងការកែច្នៃរបស់វិស័យឯកជន សំដៅលើកកម្ពស់ប្រសិទ្ធភាព​សេដ្ឋកិច្ច និងសន្តិសុខស្បៀង៕

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ចូលរួមកិច្ចប្រជុំពិភាក្សាលើការគាំទ្រដល់ស្ថេរភាពថ្លៃកសិផល ជាពិសេសតម្លៃស្រូវ appeared first on .

ក្នុងកម្មវិធីទិវាកម្មសិទ្ធិបញ្ញាពិភពលោក ឆ្នាំ២០២៦ ក៏មានការរៀបចំនូវព្រឹត្តិការណ៍អមចំនួន​៤ ផងដែរ ដែលមាន​ដូចជា៖ ១.ពិធីសម្ពោធគម្រោងគ្លីនិកកម្មសិទ្ធិបញ្ញា ២.ការដាក់ឱ្យប្រើប្រាស់នូវទិន្នន័យ WIPO Publish Cloud សម្រាប់គ្រប់គ្រងនិងវិភាគព័ត៌មាន ចុះបញ្ជីម៉ាក និងប្រព័ន្ធស្រាវជ្រាវ តាមដាន និងការវិភាគម៉ាកសម្រាប់​សាធារណជន រួមទាំងម៉ាកសម្គាល់ភូមិសាស្រ្តទំនិញរបស់កម្ពុជា ៣.ពិធីសម្ពោធ ម៉ាកសម្គាល់ភូមិសាស្រ្តទំនិញ និង ៤.ពិធីប្រគល់ជូនវិញ្ញាបនបត្រចុះបញ្ជីម៉ាកសម្គាល់ភូមិសាស្ត្រទំនិញ។

សូមជម្រាបថា ទិវាកម្មសិទ្ធិបញ្ញាពិភពលោក ត្រូវបានរៀបចំឡើងជារៀងរាល់ឆ្នាំនៅថ្ងៃទី២៦ ខែមេសា ដើម្បីលើក​កម្ពស់ការយល់ដឹងសាធារណៈលើវិស័យកម្មសិទ្ធិបញ្ញាជាសកល ​និងជំរុញការច្នៃប្រឌិត និងនវានុវត្តន៍៕ ​

The post ឧកញ៉ា ឡាយ ឈុនហួ ចូលរួមទិវាកម្មសិទ្ធិបញ្ញាពិភពលោក ឆ្នាំ២០២៦ ក្រោមមូលបទ “កម្មសិទ្ធបញ្ញា និងកីឡា: ការត្រៀមរួចរាល់ ការកំណត់ និងច្នៃប្រឌិត” appeared first on .

សហព័ន្ធស្រូវអង្ករកម្ពុជា បានឱ្យដឹងថា កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីពិនិត្យ និងពិភាក្សា​លើប្រសិទ្ធភាពនៃការដឹកជញ្ជូនកសិផលស្រូវ ដែលកំពុងនឹងប្រមូលផល ខណៈពេលដែលតម្លៃ​ប្រេងឥន្ធនៈ​កំពុង​កើនឡើង។

សូមជម្រាបថា ចាប់ពីមានសង្គ្រាមរវាង សហរដ្ឋអាមេរិក អុីស្រាអែល និងអ៊ីរ៉ង់ ដែលធ្វើឱ្យមានការបិទខ្ទប់​ច្រកសមុទ្រអកមូហ្ស ជាងមួយខែមកនេះ បានធ្វើឱ្យតម្លៃប្រេងឥន្ធនៈ ជាពិសេសឧស្ម័ន LPG ឬហ្គាសឡើងកប់​ពពក នៅគ្រប់ប្រទេសទូទាំងពិភពលោក ក្នុងនោះក៏មានកម្ពុជាផងដែរ។ ការកើនឡើងតម្លៃប្រេងឥន្ធនៈនេះ ក៏បាន​ជះឥទ្ធិពល និងប៉ះពាល់យ៉ាងខ្លាំងដល់ប្រជាកសិករខ្មែរ៕

The post ឧកញ៉ា ចាន់ សុឃាំង និងឧកញ៉ា ឡាយ ឈុនហួ ចូលរួមកិច្ចប្រជុំពិភាក្សាលើការដឹកជញ្ជូនកសិផលស្រូវ ដែលកំពុងប្រឈមនឹងតម្លៃប្រេងឥន្ធនៈកំពុងកើនឡើង appeared first on .