នៅលើបណ្តាញសង្គមហ្វេសប៊ុក នារសៀលថ្ងៃទី៩ ខែឧសភានេះ ឯកឧត្តម ជា សុផារ៉ា បានបង្ហោះរូបភាពពាក់គ្រឿងឥស្សរិយយស អមជាមួយលោកជំទាវ កូនស្រី និងចៅៗមួយចំនួន ភ្ជាប់ជាមួយនឹងសារបែបនេះថា៖ “ព្រះបរមរាជវាំងប្រទេសជប៉ុន, តាមរយៈស្ថានទូតជប៉ុនប្រចាំនៅព្រះរាជាណាចក្រកម្ពុជា រដ្ឋាភិបាលជប៉ុនបានផ្តល់គ្រឿងឥស្សរិយយសថ្នាក់ Grand Cordon of the Order of the Rising Sun ដល់ខ្ញុំបាទ ដែលបានបំពាក់ដោយព្រះចៅអធិរាជជប៉ុន ក្នុងការចូលរួមពង្រឹងកិច្ចសហប្រតិបត្តិការទ្វេភាគីនិងលើកកម្ពស់ចំណងមិត្តភាពកម្ពុជា-ជប៉ុន”។

គួររំឭកថា កាលពីថ្ងៃទី២៩ ខែមេសា ឆ្នាំ២០២៥ ទីស្តីការគណៈរដ្ឋមន្រ្តីរដ្ឋាភិបាលជប៉ុន បានប្រកាសសម្រេចផ្ដល់គ្រឿងឥស្សរិយយសសម្រាប់និទាឃរដូវឆ្នាំ២០២៥ (The Grand Cordon of the Order of the Rising Sun) ជូនដល់ ឯកឧត្តម ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ ដែលបានចូលរួមចំណែកក្នុងកិច្ចការសាធារណៈ ឬជាតិ និងសមិទ្ធផលដ៏លេចធ្លោក្នុងវិស័យនានាក្នុងសង្គម។

សូមជម្រាបថា ឯកឧត្តម ជា សុផារ៉ា ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី កាលថ្ងៃទី១២ ខែតុលា ឆ្នាំ២០២៣។ ឯកឧត្តម ជាអតីតអភិបាលរាជធានីភ្នំពេញ ចន្លោះឆ្នាំ១៩៩៩-២០០៣, រដ្ឋមន្ត្រីក្រសួងអភិវឌ្ឍន៍ជនបទ ចន្លោះឆ្នាំ២០០៨-២០១៦ និងជាអតីតឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ចំនួន ២អាណត្តិ ចន្លោះឆ្នាំ២០១៦-២០២៣៕

The post ព្រះចៅអធិរាជជប៉ុន បំពាក់គ្រឿងឥស្សរិយយសជូន ឯកឧត្តម ជា សុផារ៉ា នៅព្រះបរមរាជវាំងប្រទេសជប៉ុន appeared first on .

បើតាមស្ថានទូតព្រះរាជាណាចក្រកម្ពុជាប្រចាំប្រទេសជប៉ុន បានឱ្យដឹងថា ក្នុងដំណើរអញ្ជើញទៅដល់របស់ ឯកឧត្តម ជា សុផារ៉ា មានការអញ្ជើញទៅទទួលដោយ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយមន្រ្តី និងបុគ្គលិកស្ថានទូតជាច្រើនរូប។

កាលពីថ្ងៃទី២៩ ខែមេសា ឆ្នាំ២០២៥ ទីស្តីការគណៈរដ្ឋមន្រ្តីរដ្ឋាភិបាលជប៉ុន បានប្រកាសសម្រេចផ្ដល់គ្រឿងឥស្សរិយយសសម្រាប់និទាឃរដូវឆ្នាំ២០២៥ (The Grand Cordon of the Order of the Rising Sun) ជូនដល់ ឯកឧត្តម ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ ដែលបានចូលរួមចំណែកក្នុងកិច្ចការសាធារណៈ ឬជាតិ និងសមិទ្ធផលដ៏លេចធ្លោក្នុងវិស័យនានាក្នុងសង្គម។

ឯកឧត្តម ជា សុផារ៉ា អតីតឧបនាយករដ្ឋមន្ត្រី និងរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ គឺជាបុគ្គលម្នាក់ក្នុងចំណោមបុគ្គលឆ្នើម ១០៧រូបជាជនបរទេស ដែលត្រូវទទួលគ្រឿងឥស្សរិយយស ហើយឯកឧត្តមទទួលបានគ្រឿងឥស្សរិយយសប្រភេទ The Grand Cordon of the Order of the Rising Sun ជាការទទួលស្គាល់នូវការចូលរួមចំណែករបស់ឯកឧត្តម ក្នុងការពង្រឹងទំនាក់ទំនង និងមិត្តភាពរវាងជប៉ុននិងកម្ពុជា។

សូមជម្រាបថា ឯកឧត្តម ជា សុផារ៉ា ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី កាលថ្ងៃទី១២ ខែតុលា ឆ្នាំ២០២៣។ ឯកឧត្តម ជាអតីតអភិបាលរាជធានីភ្នំពេញ (១៩៩៩-២០០៣), រដ្ឋមន្ត្រីក្រសួងអភិវឌ្ឍន៍ជនបទ (២០០៨-២០១៦) និងជាអតីតឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ (២០១៦-២០២៣)៕

The post ឯកឧត្តម ជា សុផារ៉ា អញ្ជើញទៅដល់ប្រទេសជប៉ុន ដើម្បីទទួលគ្រឿងឥស្សរិយយស «The Grand Cordon of the Order of the Rising Sun» appeared first on .

សេចក្តីប្រកាសព័ត៌មាន បានបញ្ជាក់ថា ឯកឧត្តម ជា សុផារ៉ា អតីតឧបនាយករដ្ឋមន្ត្រី និងរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ គឺជាបុគ្គលម្នាក់ក្នុងចំណោមបុគ្គលឆ្នើម ១០៧រូបជាជនបរទេស ដែលត្រូវទទួលគ្រឿងឥស្សរិយយស ហើយឯកឧត្តមទទួលបានគ្រឿងឥស្សរិយយសប្រភេទ The Grand Cordon of the Order of the Rising Sun ជាការទទួលស្គាល់នូវការចូលរួមចំណែករបស់ឯកឧត្តម ក្នុងការពង្រឹងទំនាក់ទំនង និងមិត្តភាពរវាងជប៉ុននិងកម្ពុជា។

សូមជម្រាបថា ឯកឧត្តម ជា សុផារ៉ា ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី កាលថ្ងៃទី១២ ខែតុលា ឆ្នាំ២០២៣។ ឯកឧត្តម ជាអតីតអភិបាលរាជធានីភ្នំពេញ (១៩៩៩-២០០៣), រដ្ឋមន្ត្រីក្រសួងអភិវឌ្ឍន៍ជនបទ (២០០៨-២០១៦) និងជាអតីតឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ (២០១៦-២០២៣)៕

The post រដ្ឋាភិបាលជប៉ុន ផ្ដល់គ្រឿងឥស្សរិយយសសម្រាប់និទាឃរដូវឆ្នាំ២០២៥ ជូនដល់ ឯកឧត្តម ជា សុផារ៉ា appeared first on .

ក្នុងពិធី​លា​និង​ជូនដំណើរ​​លោក ជា សុផារ៉ា ​កាលពី​ព្រឹកមិញ​នេះ ​លោកឧបនាយករដ្ឋមន្ត្រី សាយ សំអាល ​​រដ្ឋមន្ត្រី​ថ្មី នៃ​ក្រសួង​រៀបចំ​ដែនដី នគរូបនីយកម្ម និងសំណង់ ក៏​បាន​អញ្ជើញ​ចូលរួម​ផង​ដែរ។ ជាមួយ​គ្នា​នេះ គេ​ឃើញ​មាន​​វត្តមាន រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង ប្រធាននាយកដ្ឋាន និង​ប្រធាន​មន្ទីរ​គ្រប់​រាជធានី ខេត្ត រួម​ទាំង​មន្ត្រីរាជការក្រសួង​គ្រប់​លំដាប់​ថ្នាក់ ក៏​បាន​អញ្ជើញ​​ចូល​​រួម​អមដំណើរ ទះដៃ និង​លើក​ដៃ​ជម្រាប​លា ជូន​ដំណើរ​លោក ជា សុផារ៉ា ឡើង​​​រថយន្ត​ ធ្វើ​ដំណើរ​ចាក​ចេញ​ពី​ទីស្តីការ​ក្រសួង​​រៀបចំ​ដែនដី ដោយ​ក្តី​អាលោះអាល័យ​ផង​ដែរ។

​លោក ជា សុផារ៉ា អតីត​អភិបាលរាជធានីភ្នំពេញ ​​ធ្លាប់​​ជា​រដ្ឋមន្ត្រីក្រសួងអភិវឌ្ឍន៍​ជនបទ ចន្លោះឆ្នាំ២០០៨ ដល់ឆ្នាំ២០១៦។ នៅថ្ងៃទី០៤ ខែមេសា ឆ្នាំ២០១៦ ព្រះមហាក្សត្រ បាន​ចេញ​ព្រះរាជក្រឹត្យ កែសម្រួល​ភារកិច្ច​របស់​លោក ឱ្យ​កាន់​តួនាទី​ជា​ រដ្ឋមន្ត្រីក្រសួងរៀបចំដែនដី ជំនួសលោក អ៊ឹម ឈុនលឹម ដែល​ទៅ​កាន់​តួនាទី​ជា​ប្រធាន​ក្រុមប្រឹក្សាធម្មនុញ្ញ រហូត​មក​ដល់​​ចប់​អាណត្តិទី៦នេះ។

សូមជម្រាបថា ក្នុង​រយៈពេល​ជាង​៧​ឆ្នាំ ដែល​លោក ជា សុផារ៉ា អតីត​ឧបនាយករដ្ឋមន្ត្រី ដឹកនាំ​ក្រសួងរៀបចំ​ដែនដី លោក​បាន​បន្សល់​ទុកស្នាដៃធំៗ​ជា​ច្រើន​ដូចជា ការសាងសង់​អគារទីស្តីការថ្មីក្រសួងរៀបចំដែនដី​ដ៏​ធំ​ស្គឹមស្គៃ ការចូលរួម​សាងសង់​ផ្លូវ៣៨ខ្សែ និងការកែលម្អរ​ដងស្ទឹងសៀមរាប ការចូលរួម​សាងសង់​ផ្លូវថ្មី​ចំនួន​៣៤ខ្សែ​នៅ​ខេត្តព្រះសីហនុ ការកសាង​អាង​ប្រព្រឹត្តកម្ម​ទឹកកខ្វក់​ខេត្ត​ព្រះសីហនុ ការ​ចុះបញ្ជីដីធ្លី​ទូទាំងប្រទេស និង​ការ​ដោះស្រាយ​វិវាទដីធ្លី បាន​​​​​ជា​ច្រើន រួម​ទាំង​សមិទ្ធផល​ជា​ច្រើន​​ទៀត។ សម្រាប់​អាណត្តិទី៧​នេះ លោក ជា​ សុផារ៉ា គឺ​ជា​សមាជិក​រដ្ឋសភា ដែល​លោក​នឹង​ជួយ​​ការងារ​​ខាងស្ថាប័ន​​នីតិបញ្ញត្តិ ក្នុងការ​ត្រួតពិនិត្យ និង​អនុម័ត​ច្បាប់​នានា៕

The post លោក ជា សុផារ៉ា ឡើងឡានចាកចេញពីក្រសួងដែនដី ជាផ្លូវការ ក្រោយធ្វើជា រដ្ឋមន្ត្រីក្រសួងមួយនេះ រយៈពេល ៧ឆ្នាំ appeared first on .

ក្នុង​​ឱកាស​ចុះពិនិត្យដំណើរការសាងសង់កំពង់ផែ​​ពហុបំណង ​​និងសំណេះសំណាលជា​មួយ​បុគ្គ​លិក និងកម្មករ ជាង ៣០០​នាក់ ដែលកំពុងបម្រើការងារនៅទីនោះ លោក​ឧបនាយករដ្ឋមន្ត្រី ជា សុផារ៉ា បានចាត់ទុកការ​វិនិយោគនេះ ជាការ​រួមចំណែកធ្វើឱ្យ​ប្រសើរឡើងលើប្រព័ន្ធដឹកជញ្ជូនរបស់កម្ពុជា រួមចំណែកលើកម្ពស់​សេដ្ឋកិច្ច​ជាតិ ជួយ​ប្រជាពលរដ្ឋមានការងារធ្វើ និងមានជីវភាពល្អប្រសើរ។ លោក ជា សុផារ៉ា ក៏​បានកោតសរសើរ​ថ្នាក់​ដឹកនាំ​ក្រុម​ហ៊ុន KLP.T TRANSPORTATION Co.,Ltd ដែលមានឆន្ទៈច្បាស់លាស់​ក្នុង​​ការវិនិយោគ ហើយធ្វើឱ្យ​ហេដ្ឋារចនាសម្ព័ន្ធនានា លេចចេញជារូបរាងយ៉ាង​ឆាប់​​រហ័ស។

កំពង់ផែពហុបំណង និងមជ្ឈមណ្ឌលភស្តុភារកម្មស្ថិតនៅតំបន់​ភ្នំទេ​ពី ភូមិកែងតាសុខ ឃុំកំពង់ហាវ ស្រុក​កំពង់លែង ខេត្តកំពង់ឆ្នាំង ​​ស្ថិត​ក្រោម​ការ​វិនិយោគ​របស់​ក្រុមហ៊ុន KLP.T TRANSPORTATION Co.,Ltd របស់​អ្នកឧកញ៉ា ទ្រី ភាព ដែល​ទទួល​បាន​ការ​អនុញ្ញាត​ពី​រាជរដ្ឋាភិបាល កាលពី​ថ្ងៃទី១២ ខែមករា ឆ្នាំ២០២៣។ នេះជា​​គម្រោងវិនិយោគដ៏ធំជាលើកដំបូង​ សម្រាប់​ទឹក​ដី​ស្រុកកំពង់លែង ជាមួយទឹកប្រាក់រហូតដល់ទៅជាង ៣០០លានដុល្លារអាមេរិក។

លោក ប្រាក់ វុទ្ធី តំណាងក្រុមហ៊ុនខាងលើ បានឱ្យដឹងថា ផ្ទៃដីដែលរាជរដ្ឋាភិបាល​អនុ​ញ្ញាត​ឱ្យ​វិនិ​យោគ​មាន​ទំហំប្រមាន ១០០ហិកតា ហើយគម្រោង​វិនិ​យោគ​របស់ក្រុមហ៊ុន​នៅតំបន់នេះ រួមមាន កំពង់ផែដឹកជញ្ជូនទំនិញ បង្កើតមណ្ឌលសន្និធិ​ប្រេង បង្កើត​រម​ណី​យ​​​ដ្ឋាន​ទេសចរណ៍ និងតំបន់សេដ្ឋកិច្ចពិសេស (តំបន់ឧស្សាហកម្ម ទីផ្សារដោះដូរ​ទំនិញ ឃ្លាំង​សម្រាប់ជួលស្តុកទំនិញ និងចែកចាយទំនិញលក្ខណៈជាតិ និងអន្តរជាតិ)។

សូម​ជម្រាប​ថា បច្ចុប្បន្ននេះក្រុមហ៊ុន ​សម្រេចបានការសាងសង់នូវហេដ្ឋារចនាសម្ព័ន្ធជាច្រើន រួមមានការចាក់ដី​លើកកម្ពស់ទីធ្លាផែបញ្ចៀសទឹកលិចនារដូវវស្សា ចាក់ផ្លូវបេតុង​ពី​ផ្លូវ​ជាតិ ចូលទីតាំងផែ សាងសង់ស្ថានីយ៍​ជញ្ជីង​ថ្លឹង សាងសង់អគារ​រដ្ឋបាលផ្សេងៗទៀត ហើយ​ពេលនេះកំពង់ផែ ក៏អាចដំណើរការ​ដឹកជញ្ជូនបានផងដែរ៕

The post អ្នកឧកញ៉ា ទ្រី ភាព អមដំណើរលោក ជា សុផារ៉ា ចុះពិនិត្យដំណើរការសាងសង់កំពង់ផែ តម្លៃជាង ៣០០លានដុល្លារ appeared first on .

លោកស្រី ទូច គីមពៅ បច្ចុប្បន្ន​មាន​តួនាទី​ជា​សមាជិក​ខុទ្ទកាល័យ​ក្រសួងរៀបចំដែនដី នគរូបនីយកម្ម និងសំណង់ និង​ជា​នាយិកាពិធីការផ្ទាល់លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រី​ក្រសួងរៀបចំដែនដី នគរូបនីយកម្ម និងសំណង់។

សូម​ជម្រាប​ថា ក្រសួងរៀបចំដែនដី នគរូបនីយកម្ម និងសំណង់ ​​ត្រូវ​បាន​បង្កើត​ឡើង​នៅ​ឆ្នាំ១៩៩៩ ​​​ខណៈ​ដែល​បច្ចុប្បន្ន​មាន​អគ្គនាយកដ្ឋាន​ចំនួន​៥ គឺ អគ្គនាយកដ្ឋានរដ្ឋបាល អគ្គនាយកដ្ឋាន​រៀបចំដែនដី និង​នគរូបនីយកម្ម អគ្គនាយកដ្ឋាន​សំណង់ អគ្គនាយកដ្ឋាន​សុរិយោដី និងភូមិសាស្ត្រ និង​អគ្គនាយកដ្ឋាន​លំនៅឋាន ព្រមទាំងមាន​អគ្គាធិការដ្ឋាន​ចំនួនមួយ។

សម្រាប់​អគ្គនាយកដ្ឋានរដ្ឋបាល ​​​មាន​អគ្គនាយករង​ចំនួន​៥​រូប រួម​ទាំង​លោកស្រី ទូច គីមពៅ ដែល​ទើប​ទទួល​ការ​តែងតាំង​នេះ ​ហើយ​អគ្គនាយកដ្ឋាន​នេះ​កំពុង​​​​​​ដឹកនាំ​ដោយ​លោក​ សេង ឡូត អ្នកនាំពាក្យ​ក្រសួងរៀបចំដែនដី នគរូបនីយកម្ម និងសំណង់ ជា​អគ្គនាយក នៃអគ្គនាយកដ្ឋានរដ្ឋបាល៕

The post នាយិកាពិធីការផ្ទាល់លោក ជា សុផារ៉ា ទទួលការតែងតាំងជា «អគ្គនាយករងរដ្ឋបាល» ក្រសួងរៀបចំដែនដី appeared first on .

លោក ផារ៉ា មង្គល ឈ្មោះ​​​ដើម «ជា សុផាភាសា» ​​បច្ចុប្បន្ន​មាន​តួនាទី​ជា នាយករង​ខុទ្ទកាល័យ​ក្រសួងរៀបចំ​ដែនដី នគរូបនីយកម្ម និងសំណង់។ ​នៅ​មុន​ឆ្នាំ២០១៦ ​​លោក​ធ្លាប់​បម្រើការងារ​នៅ​ក្រសួង​អភិវឌ្ឍន៍ជនបទ ​​ក្នុង​តួនាទី​ជា អគ្គនាយករង​នៃ​អគ្គនាយកដ្ឋានរដ្ឋបាល និង​ហិរញ្ញវត្ថុ​ មុន​នឹង​ផ្ទេរ​ក្របខណ្ឌ​មក​កាន់ក្រសួងរៀបចំ​ដែនដី។

​​​សូម​ជម្រាប​ថា លោកឧបនាយករដ្ឋមន្ត្រី​ ជា សុផារ៉ា មាន​​កូន​ប្រុសស្រី​ចំនួន​៤នាក់ (ស្រី៣ ប្រុស១) ដែលរួមមាន លោកស្រី ជា សុផាម៉ាដែន លោកស្រី ជា សុផាកន្នី លោកស្រី ជា ជុតិម៉ា និង​កូនប្រុសពៅ ផារ៉ា មង្គល៕

The post កូនប្រុសលោក ជា សុផារ៉ា ទទួលការតែងតាំងជា «រដ្ឋលេខាធិការ» ក្រសួងរៀបចំដែនដី appeared first on .

កាល​រសៀល​​ថ្ងៃទី២៣ ខែមីនា ឆ្នាំ២០២៣ ក្រុមការងារចុះអនុវត្តការងារវាស់វែងដីរដ្ឋ ដីឯកជនរបស់​ប្រជាពលរដ្ឋ និងដីសហគមន៍ជនជាតិដើមភាគតិច នៅខេត្តមណ្ឌលគិរី ដឹកនាំដោយលោក​ សរ សុវណ្ណ រដ្ឋលេខាធិការក្រសួងរៀបចំដែនដី និងជាប្រធានក្រុមការងារ និងសហការី បានសហការជាមួយមន្រ្ដី​នៃមន្ទីរសុរិយោដី​រាជធានី​ភ្នំពេញ ចូលរួមប្រជុំពិភាក្សាអំពីកិច្ចសហការជំរុញការចុះបញ្ជីដីរដ្ឋ ដីឯកជនរបស់ប្រជាពលរដ្ឋ និងដីសហគមន៍​ជនជាតិដើមភាគតិច នៅខេត្តមណ្ឌលគីរី ដោយមានការចូលរួមពីលោក ថង សាវុន អភិបាលនៃ​គណៈ​អភិបាលខេត្តមណ្ឌលគិរី ប្រធានមន្ទីរពាក់ព័ន្ធ និង​អាជ្ញាធរ​មូលដ្ឋាន​ សរុបប្រមាណចំនួន ១៦៥ នាក់ ដើម្បី​​​បែង​ចែក​កម្លាំង​ជា​ក្រុមៗ ​​ចាប់​ផ្តើម​អនុវត្ត​ការងារ ចាប់ពី​ថ្ងៃទី​២៣ ខែមីនា ឆ្នាំ២០២៣ តទៅ​តែ​ម្តង។

បើ​តាម​មន្ទីរ​​សុរិយោដី​រាជធានីភ្នំពេញ បាន​ឱ្យ​ដឹង​ថា អនុវត្តតាមបទបញ្ជាដឹកនាំ​របស់​លោក​ ជា​​ សុផារ៉ា​ ឧបនាយករដ្ឋមន្ត្រី​ រដ្ឋមន្ត្រីក្រសួងរៀបចំដែនដី​ នគរូបនីយកម្ម​ និងសំណង់​ ក្រុមមន្ត្រីជំនាញរបស់មន្ទីរ​សុរិយោដី​​ រាជធានីភ្នំពេញ​ និងការិយាល័យភូមិបាលខណ្ឌ​ រួមទាំងមន្ត្រីកិច្ចសន្យា​ សរុបជាង២០០នាក់​ ត្រូវបានរៀបចំ​ជា​១២ក្រុម​ បានកំពុងចុះជួយគាំទ្រការចុះបញ្ជីដីរដ្ឋ​ ដីឯកជនរបស់ប្រជាពលរដ្ឋ​ និងដីសហគមន៍ជនជាតិដើម​ភាគតិច​ ក្នុងភូមិសាស្ត្រខេត្តមណ្ឌលគីរី។ ដូច្នេះ​បើ​​គិត​ទាំង​​ចំនួន​មន្ត្រី​ទាំង​មក​ពី​ក្រសួង (ថ្នាក់ជាតិ) និង​មន្ត្រី​មក​ពី​មន្ទីរ​ពាក់ព័ន្ធ រួម​ទាំង​អាជ្ញាធរ​នៅ​មូលដ្ឋាន​ទៀត គឺ​​​មាន​ចំនួន​សរុប​ជិត​ខ្ទង់​ពាន់​នាក់​ឯណោះ ដើម្បី​អនុវត្ត​យុទ្ធនាការ​នេះ​ ឱ្យ​​ចប់​បាន​​​លឿន។

គួរ​រំឭក​ថា ​​ក្នុង​ឱកាស​អញ្ជើញ​ជា​អធិបតី​ភាព​​​បិទសន្និបាត​​បូកសរុប​លទ្ធផលការងារ​ឆ្នាំ២០២២ និងលើកទិសដៅឆ្នាំ២០២៣ របស់​ក្រសួង​រៀបចំដែនដី កាលពី​ថ្ងៃទី​២៧ ខែធ្នូ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា ​​បាន​ផ្តល់​អនុសាសន៍​ដាក់​ចេញ​នូវ​ទិសដៅ​ការងារ​មួយ​ចំនួន​ សម្រាប់​ក្រសួង​រៀបចំដែនដី ​ត្រូវ​បន្ត​យកចិត្ត​ទុកដាក់​អនុវត្ត​សម្រាប់​ឆ្នាំ២០២៣ ​ក្នុង​នោះ​រួម​មាន​ទាំង​ បន្ត​អនុវត្ត​ផែនការ​ចុះបញ្ជីដី រួម​ទាំង​ការ​ចុះបញ្ជីដីរដ្ឋ ដីសាធារណៈ​របស់រដ្ឋ ដី​សម្បទានសេដ្ឋកិច្ច ដីរដ្ឋ​ជុំវិញ​បឹង​ទន្លេសាប និង​ដី​សហគមន៍​ជនជាតិ​ដើម​ភាគ​តិច ដើម្បី​ធានា​នូវ​សុវត្ថិភាព​នៃ​ការ​កាន់កាប់​ដីធ្លី ដែល​ជា​ទុន​ផ្តល់​ដោយ​រាជរដ្ឋាភិបាល​ជូន​ប្រជាពលរដ្ឋ សម្រាប់​រស់នៅ ដាំដុះ និង​វិនិយោគ បង្កើត​មុខរបរ និង​បង្កើន​ប្រាក់​ចំណូល។

ទទឹម​នឹង​នេះ នៅក្នុងពិធីបិទសន្និបាតបូកសរុបការងាររបស់​ក្រសួង​កសិកម្ម រុក្ខាប្រមាញ់ និងនេសាទ ឆ្នាំ២០២២ និងលើកទិសដៅឆ្នាំ២០២៣ នារសៀលថ្ងៃទី២៤ ខែមីនា ឆ្នាំ២០២៣​​ ប្រមុខរាជរដ្ឋាភិបាល សម្តេចតេជោ ហ៊ុន សែន ក៏​បានប្រកាសថា កម្ពុជានឹងអាចបង្កើតប៉ូលសេដ្ឋកិច្ចទី៥ នៅខេត្តភូមិភាគឦសាន លើផ្នែកកសិ-ឧស្សាហកម្ម​ជាស្នូល រួមមាន ខេត្តក្រចេះ ស្ទឹងត្រែង រតនគិរី និង​មណ្ឌលគិរី ដែលជាខេត្តមានសក្ដានុពល ផងដែរ៕

The post លោក ជា សុផារ៉ា បញ្ចេញកម្លាំងមន្ត្រីរាប់រយនាក់ពីរាជធានីភ្នំពេញ ទៅចុះបញ្ជីដីនៅខេត្តមណ្ឌលគិរី ឱ្យបានរួចរាល់ appeared first on .

«ថ្ងៃបាំងឆ័ត្រ» ជា​រមណីយដ្ឋាន​ដ៏​ប្រណីត​ ត្រូវ​បាន​​​​​រចនា​ប្លង់​សាងសង់​ឡើង​ដោយ​ស្ថាបត្យករ​ជនជាតិ​បារាំង Francoise Lavielle ​​ដែល​យក​លំនាំ​រំឭក​ដល់​ពេល​អតីតកាល ​នៃ​វីឡា​មួយ​កាល​ជំនាន់​អាណានិគម​​បារាំង។ ថ្ងៃបាំងឆ័ត្រ ជារមណីយដ្ឋាន ដែល​ត្រូវ​បាន​រចនា​ឡើង​យ៉ាង​ល្អ​ឥតខ្ចោះ ដែល​រួម​មាន​បន្ទប់​ស្នាក់នៅ អាង​ហែលទឹក ​​កន្លែង​មើល​ទេសភាព​ឃើញ​ឈូងសមុទ្រថៃ ម្ហូប​អាហារ​លំដាប់​ពិភពលោក អាហារ​ពេលល្ងាច អាហារ​ពេល​ព្រឹក​ ​​និង​សកម្មភាព​កម្សាន្ត​ជា​ច្រើន​ទៀត រួម​ទាំង​​ការ​ញ៉ាំ​កាហ្វេ​គយគន់​ទេសភាព និង​រលក​សមុទ្រ ដើម្បី​លំហែ​អារម្មណ៍​ឱ្យ​មាន​ភាព​ស្រស់ស្រាយ និង​ធូរស្បើយ​ពី​ភាព​នឿយហត់​ពីការងារ ជាដើម។ ជាពិសេស «ថ្ងៃបាំងឆ័ត្រ» ជារីស៊ត ដែលមាន​ក្លិប​ទូកក្តោង​ដំបូង​គេ​​ទៀត​ផង។

សូម​ជម្រាប​ជូន​ថា ស្ថាបនិក និង​ជា​ CEO របស់​រីស៊ត​ «ថ្ងៃបាំងឆ័ត្រ» គឺជា​បុរស​ជនជាតិ​បែលហ្សិកឈ្មោះ Jef Moons។ លោក Jef Moons បានធ្វើដំណើរ​​​​កម្សាន្ត​មក​កាន់​ប្រទេស​កម្ពុជា ជា​លើក​ដំបូង កាល​ឆ្នាំ២០០៣ ប៉ុន្តែ​ដោយសារ​​​​លោក​ជាប់​ចិត្ត​ស្រឡាញ់​ទឹកដី​ប្រទេសកម្ពុជា ប្រពៃណីទំនៀបទម្លាប់​របស់​ប្រជាជន​កម្ពុជា បាន​ធ្វើ​ឱ្យ​លោក និង​មិត្តភក្តិ​ម្នាក់​ទៀត ចូល​ហ៊ុន​គ្នា​វិនិយោគ​​លើ​គម្រោង​មួយ​ចំនួន​នៅ​ក្រុង​កែប ចាប់​តាំង​ពី​ឆ្នាំ២០០៥ មក​ទល់​បច្ចុប្បន្ន ​​រួម​ទាំង​រីស៊ត​ «ថ្ងៃបាំងឆ័ត្រ» នេះ​ផង​ដែរ៕ ​

The post ឧបនាយករដ្ឋមន្ត្រី ជា សុផារ៉ា ជិះរថយន្តជាង១ម៉ោង ទៅបើកសម្ពោធរីស៊ត «ថ្ងៃបាំងឆ័ត្រ» នៅក្រុងកែប appeared first on .

កូនស្រីបង្កើតលោក អ៊ាង សុផល្លែត ទីប្រឹក្សាផ្ទាល់សម្តេចតេជោនាយករដ្ឋមន្ត្រី ហ៊ុន សែន និងរដ្ឋលេខាធិការ​ក្រសួងបរិស្ថាន​រូប​នេះ ​​​​បាន​បញ្ចប់​ថ្នាក់​បរិញ្ញាបត្រ​ ជំនាញ​ច្បាប់ ពី​សាកលវិទ្យាល័យ​ Queen Mary University of London នៃ​ប្រទេស​អង់គ្លេស ​​និង​ទើប​បញ្ចប់​ថ្នាក់​បរិញ្ញាបត្រ​ជាន់ខ្ពស់ ​លើ​ជំនាញ​ច្បាប់​ពាណិជ្ជកម្ម​អន្តរជាតិ ពី​សាកលវិទ្យាល័យ​សេដ្ឋកិច្ច និង​វិទ្យាសាស្ត្រនយោបាយ​ទីក្រុងឡុងដ៍ ​​ប្រទេស​អង់គ្លេស កាល​ពី​ឆ្នាំ២០២២។

លោកស្រី អ៊ាង និធិជ្ជនី ដឺណេ កូនស្រីរបស់លោកស្រី ​ជា សុផាកន្នី បាន​ចូលរោងជ័យចាប់ដៃគ្នា​ជាប្តីប្រពន្ធ​នឹងលោក ប៉ែន សំអាត សុទ្ធចិត្ត ដែលស្គាល់ថាជាកូនប្រុសរបស់លោកស្រី ហាក់ ស្រីទូច និងលោក ប៉ែន សំអាត ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី និងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គនាយករងគយ និងរដ្ឋាករកម្ពុជា នៅមជ្ឈមណ្ឌលសន្និបាត និង​ពិព័រណ៍អន្តរជាតិជ្រោយចង្វារ (OCIC) កាលពីថ្ងៃទី៥ ខែធ្នូ ឆ្នាំ២០២២។

ក្រោយ​ចប់​ការ​សិក្សា​ថ្នាក់អនុបណ្ឌិត​មក​ពី​ប្រទេស​នៃ​តំបន់​អឺរ៉ុប លោកស្រី អ៊ាង និធិជ្ជនី ដឺណេ បាន​ចាប់​ផ្តើម​ប្រឡូក​ក្នុង​វិថីការងារ​លើ​ផ្នែក​សាធារណៈ​ ដោយ​បាន​សិក្សា​ស្វែង​យល់​ពី​​ក្រសួងរៀបចំដែនដី ស្ទើរ​តែ​គ្រប់​ផ្នែក​ទាំង​អស់។ ដោយឃើញពីភាពឧស្សាហ៍ព្យាយាម ការ​ខិតខំប្រឹងប្រែង និង​មាន​ចំណេះ​ដឹង​ខ្ពង់ខ្ពស់​ផង​នោះ លោកស្រី អ៊ាង និធិជ្ជនី ដឺណេ ​​ត្រូវ​បាន​លោក​ឧបនាយករដ្ឋមន្ត្រី​ ជា សុផារ៉ា ​​​សម្រេច​តែងតាំង​ជា​ សមាជិក​ខុទ្ទកាល័យ​ក្រសួង​រៀបចំដែនដី នគរូបនីយកម្ម និង​សំណង់ ​​កាលពី​ថ្ងៃទី​០៣ ខែមីនា ឆ្នាំ២០២៣៕

The post មកដឹងប្រវត្តិសិក្សាចៅស្រីឧបនាយករដ្ឋមន្ត្រី ជា សុផារ៉ា ដែលទើបទទួលការតែងតាំងជាសមាជិកខុទ្ទកាល័យ appeared first on .