នៅបញ្ជីឈ្មោះ “True Net Worth” ដែលចេញផ្សាយដោយសារព័ត៌មាន Forbes បានធ្វើការគណនាឡើងវិញនូវទ្រព្យសម្បត្តិរបស់មហាសេដ្ឋី ដោយបូករួមជាមួយនឹងទ្រព្យសម្បត្តិដែលបានបរិច្ចាគហើយ។

គួរឲ្យដឹងថាភាគហ៊ុនរបស់ក្រុមហ៊ុន Microsoft ចំនួន ៧៣១ លានហ៊ុនដែលលោក Bill Gates បានបរិច្ចាគ​​ គិតនៅក្នុងពេលបច្ចុប្បន្ននេះ អាចនឹងមានតម្លៃប្រហែល ២៨៧ពាន់លានដុល្លារ រួមជាមួយនឹងសាច់ប្រាក់ផ្សេងទៀត អាចមានចំនួនសរុបប្រហែល ៣៥៦ពាន់លានដុល្លារ។

ចាប់តាំងពីបង្កើតមូលនិធិ Gates Foundation ក្នុងឆ្នាំ២០០០ មក លោករួមជាមួយអតីតភរិយា លោកស្រី Melinda French Gates បានបរិច្ចាគប្រហែលទឹកប្រាក់ប្រហែល ៦០ពាន់លានដុល្លារ។ លោក Bill Gates ក៏បានផ្តល់ជំនួយចំនួន ១២,៥ពាន់លានដុល្លារដល់គំនិតផ្តួចផ្តើមផ្តល់អំណាចដល់ស្ត្រីដែលបង្កើតឡើងដោយ លោកស្រី Melinda ផងដែរ។

ជម្រាបជូនផងដែរថា គិតនៅត្រឹមថ្ងៃទី២២ ខែមេសា លោក Bill Gates ត្រូវបាន Forbes រាយការណ៍មានទ្រព្យសម្បត្តិសរុប ១០៣,៩ពាន់លានដុល្លារ៕​

The post Bill Gates នឹងគ្រងតំណែងជាអ្នកដាច់គេទី២ លើលោក បើសិនលោកមិនបរិច្ឆាគលុយជាង ៣៥០ពាន់លានដុល្លារទេនោះ appeared first on .

នៅក្នុងបទសម្ភាសន៍តាមទូរទស្សន៍លើកដំបូង ចាប់តាំងពីលាលែងពីតំណែងជានាយកប្រតិបត្តិក្រុមហ៊ុន Berkshire កាលពីខែមករា លោក Buffett បានបង្ហើបថាលោកមិនដែលនិយាយជាមួយលោក Bill Gates ទៀតនោះទេ ចាប់តាំងពីក្រសួងយុត្តិធម៌សហរដ្ឋអាមេរិកបានចេញផ្សាយឯកសារកាលពីខែកុម្ភៈ ដោយបង្ហាញថាស្ថាបនិកក្រុមហ៊ុន Microsoft និងលោក Epstein ធ្លាប់ជួបគ្នាម្តងហើយម្តងទៀត បន្ទាប់ពីលោក Epstein បានសារភាពកំហុសនៅក្នុងតុលាការរដ្ឋ Florida ពីបទរំលោភបំពានលើអនីតិជន។

គួរឲ្យដឹងថា លោក Buffett វ័យ ៩៥ឆ្នាំ ដែលបច្ចុប្បន្ននៅតែជាប្រធានក្រុមហ៊ុន Berkshire បានចាប់ផ្តើមបរិច្ចាគទ្រព្យសម្បត្តិរបស់លោក តាំងពីឆ្នាំ២០០៦ ហើយថែមទាំងបានបរិច្ចាគភាគហ៊ុនរបស់ក្រុមហ៊ុនប្រមាណជាង ៤៧ពាន់លានដុល្លារ ដល់មូលនិធិ Gates Foundation។

តែទោះជាយ៉ាងណាក៏ដោយ នៅពេលត្រូវបានគេសួថា តើការបរិច្ចាគទៅកាន់មូលនិធិរបស់លោក Bill Gates នៅតែបន្តទៀតឬយ៉ាងណា ភ្លាមនោះ លោក Buffett បានឆ្លើយតបថា ៖” ខ្ញុំនឹងរង់ចាំមើលថានឹងមានអ្វីកើតឡើងទៀត។ ខ្ញុំកំពុងតែរៀនពីអ្វីដែលខ្ញុំមិនដឹង”៕​

The post Warren Buffett ប្រកាសថានឹងមិនបរិច្ចាគលុយទៅមូលនិធិរបស់មហាសេដ្ឋី Bill Gates ទៀតឡើយ appeared first on .

លោក Buffett បាននិយាយនៅក្នុងបទសម្ភាសមួយថា ៖”ខ្ញុំមិនចង់ស្ថិតក្នុងស្ថានភាពដែលខ្ញុំដឹងអ្វីមួយ ហើយត្រូវតែចាត់ទុកថាជាសាក្សីនោះទេ”។ ការនិយាយរបស់លោក Buffett បែបនេះ គឺចង់សំដៅទៅលើទំនាក់ទំនងរវាងលោក Bill Gates និងមហាសេដ្ឋី Jeffrey Epstein ដែលត្រូវបានជាប់ចោទជាអ្នករំលោភបំពានលើកុមារជាច្រើន។

គួរឲ្យដឹងថាលោក Bill Gates បានជួបលោក Epstein ក្នុងឆ្នាំ២០១១ ពោលគឺបីឆ្នាំបន្ទាប់ពីលោក Epstein បានសារភាពកំហុសនៅក្នុងតុលាការរដ្ឋ Florida ពីបទរំលោភបំពានលើអនីតិជន។ អ៊ីមែល និងរូបភាពដែលបញ្ជាក់ពីទំនាក់ទំនងរវាងមហាសេដ្ឋីទាំងពីរ ត្រូវបានរួមបញ្ចូលនៅក្នុងឯកសារដែលចេញផ្សាយដោយក្រសួងយុត្តិធម៌ និងសភាសហរដ្ឋអាមេរិក ដែលបានចាប់ផ្តើមបើកការស៊ើបអង្កេត នៅចុងឆ្នាំ២០២៥ មក។

មិនតែប៉ុណ្ណោះ នៅក្នុងឯកសារទាំងនេះ ក៏មានព័ត៌មានអំពីការចូលរួមពាក់ព័ន្ធរបស់អ្នកនយោបាយលេចធ្លោមួយចំនួន សមាជិកនៃខ្សែរាជវង្ស និងអ្នកជំនួញដែលមានទ្រព្យសម្បត្តិច្រើន ផ្សេងទៀតផងដែរ។ លោក Epstein ត្រូវបានចាប់ខ្លួន និងធ្វើអត្តឃាតនៅក្នុងពន្ធនាគារក្នុងឆ្នាំ២០១៩ ខណៈពេលកំពុងរង់ចាំការកាត់ក្តីពីបទជួញដូរផ្លូវភេទ និងការរំលោភបំពានផ្លូវភេទលើកុមារ៕​

The post បិតាវិនិយោគ Warren Buffett ថាមិនដែលនិយាយជាមួយ Bill Gates ទៀតទេ តាំងពីផ្ទុះរឿងអាស្រូវ Epstein មក appeared first on .

ប្រភពដដែល បានប៉ាន់ប្រមាណថាទ្រព្យសម្បត្តិសរុបរបស់លោក Zhao ស្ថិតនៅកម្រិតខ្ពស់បំផុតដែលមិនធ្លាប់មានពីមុនមកឡើយ។ ចំនួននេះ គឺបានកើនឡើងពី ៤៧ពាន់លានដុល្លារ កាលពីឆ្នាំមុន។

ជាលទ្ធផល លោក Zhao បានចូលទៅក្នុងក្រុមអ្នកមានបំផុតទាំង២០ នៅលើពិភពលោក ដោយស្ថិតនៅចំណាត់ថ្នាក់ទី១៧ ខណៈពេលដែលលោក Bill Gates ស្ថិតនៅចំណាត់ថ្នាក់ទី១៩ មានទ្រព្យសម្បត្តិសរុបប្រមាណ ១០៨ពាន់លានដុល្លារ។ ទ្រព្យសម្បត្តិរបស់ស្ថាបនិកក្រុមហ៊ុន Microsoft រូបនេះ បានធ្លាក់ចុះយ៉ាងខ្លាំង បន្ទាប់ពីការបរិច្ចាគសប្បុរសធម៌យ៉ាងច្រើន និងក្រោយការលែងលះនៅឆ្នាំ២០២១។

នៅក្នុងចំណាត់ថ្នាក់របស់ Forbes នេះ លោក Zhao ក៏បានវ៉ាដាច់បុគ្គលល្បីឈ្មោះជាច្រើន ដូចជា Michael Bloomberg (មានទ្រព្យសម្បត្តិ ១០៩ពាន់លានដុល្លារ) លោក Jeff Yass (៦៧,៤ពាន់លានដុល្លារ) និងលោក Ken Griffin (៤៩,៨ពាន់លានដុល្លារ) ផងដែរ។​

ជម្រាបជូនថា បើទោះបីជាបានលាលែងពីតំណែងជានាយកប្រតិបត្តិរបស់ Binance តាំងពីឆ្នាំ២០២៣ មកហើយក៏ដោយ តែទ្រព្យសម្បត្តិស្នូលរបស់លោក Zhao នៅតែបានមកពីក្រុមហ៊ុនផ្លាស់ប្តូររូបិយប័ណ្ណឌីជីថលដ៏ធំបំផុតមួយនេះ។ នេះក៏ជាកត្តាមួយដែលរួមចំណែកដល់ការកើនឡើងគួរឲ្យកត់សម្គាល់នៃទ្រព្យសកម្មសរុបរបស់ CZ ផងដែរ៕​

The post ទ្រព្យសម្បត្តិរបស់ស្ថាបនិកក្រុមហ៊ុន Binance កើនច្រើនជាងមហាសេដ្ឋី Bill Gates appeared first on .

សហស្ថាបនិកក្រុមហ៊ុន Microsoft រូបនេះ បាននិយាយនៅក្នុងកិច្ចប្រជុំបុគ្គលិកមូលធិនិធិ Gates Foundation កាលពីថ្ងៃទី២៤ ខែកុម្ភៈថា ៖” ខ្ញុំធ្លាប់មានទំនាក់ទំនងសេ្នហាលួចលាក់ ម្តងជាមួយអ្នកលេងសន្លឹកបៀជនជាតិរុស្ស៊ីម្នាក់ដែលខ្ញុំបានជួបនៅក្នុងការប្រកួតមួយ និងម្តងទៀតជាមួយអ្នករូបវិទ្យានុយក្លេអ៊ែរជនជាតិរុស្ស៊ីម្នាក់ដែលខ្ញុំបានជួបតាមរយៈអាជីវកម្ម”។

យ៉ាងណាមិញជុំវិញការសារភាពនេះ គឺត្រូវបានកើតឡើងបន្ទាប់ពីលោក Bill Gates ត្រូវបានគេចោទប្រកាន់ថាមានការជាប់ពាក់ព័ន្ធទៅនឹងមហាសេដ្ឋី​ Jeffrey Epstein ដែលជាជនរំលោភបំពានផ្លូវភេទលើកុមារ។

ប៉ុន្តែទោះជាយ៉ាងណាក៏ដោយ លោក Bill Gates បានទទូចថាលោកមិនមានជាប់ពាក់ព័ន្ធទៅនឹងសកម្មភាពខុសច្បាប់របស់ Epstein នោះឡើយ ពោលគឺគ្រាន់តែជាអ្នករាប់អានស្គាល់គ្នាធម្មតាប៉ុណ្ណោះ។ ហើយក្នុងអំឡុងកិច្ចប្រជុំនោះ លោកក៏ទទួលស្គាល់ថាផងដែរថា ការរក្សាទំនាក់ទំនងជាមួយ Epstein គឺជាកំហុសដ៏ធំបំផុតមួយ៕​

The post មហាសេដ្ឋី Bill Gates ទទួលស្គាល់ថាលោកធ្លាប់មានទំនាក់ទំនងស្នេហាលួចលាក់ជាមួយស្ត្រីរុស្ស៊ីពីរនាក់ appeared first on .

តាមរយៈភាពជាដៃគូនេះ ត្រូវបានឲ្យឈ្មោះថា Horizon1000 ដែលមានគម្រោងធ្វើការជាមួយមដឹកនាំរបស់ប្រទេសនៅអាហ្រ្វិកជាច្រើន ដើម្បីកំណត់ពីរបៀបប្រើប្រាស់បច្ចេកវិទ្យា AI នេះឲ្យបានល្អបំផុត និងត្រូវចាប់ផ្តើមដំបូងគេជាមួយប្រទេស Rwanda។

មិនតែប៉ុណ្ណោះ លោក Bill Gates បាននិយាយនៅក្នុងសេចក្តីថ្លែងការណ៍មួយថា៖” នៅក្នុងប្រទេសក្រីក្រ ដែលមានកង្វះខាតបុគ្គលិកសុខាភិបាលយ៉ាងច្រើន និងខ្វះហេដ្ឋារចនាសម្ព័ន្ធប្រព័ន្ធសុខាភិបាល បញ្ញាសិប្បនិម្មិតអាចជាកត្តាផ្លាស់ប្តូរ ក្នុងការពង្រីកការទទួលបានការថែទាំងសុខភាពដែឡមានគុណភាពខ្ពស់”។

មិនតែប៉ុណ្ណោះ ស្ថាបនិកក្រុមហ៊ុន Microsoft រូបនេះថែមទាំងបាននិយាយទៀតថា គម្រោង Horizon1000 នេះ មានគោលបំណងទៅដល់គ្លីនិកសុខភាពបឋមចំនួន ១ ០០០ និងសហគមន៍ជុំវិញនៅទូទាំងប្រទេសជាច្រើននៅឆ្នាំ២០២៨៕​

The post មហាសេដ្ឋី Bill Gate ចាប់ដៃជាមួយ​ OpenAI វិនិយោគ ៥០លានដុល្លារ ជំរុញវិស័យសុខភាពនៅអាហ្រ្វិក appeared first on .

យោងតាមឯកសារពន្ធដែលទើបចេញផ្សាយថ្មី ហើយត្រូវបានពិនិត្យដោយកាសែត New York Times ក្នុងខែមករា ឆ្នាំ២០២៦ បានបង្ហាញឲ្យដឹងថា ការបរិច្ចាគនេះត្រូវបានធ្វើឡើង តាំងពីឆ្នាំ២០២៤ មកម្លេះ ដល់មូលនិធិ Pivotal Philanthropies ដែលជាអង្គការមិនស្វែងរកប្រាក់ចំណេញបង្កើតឡើងដោយលោកស្រី Melinda។

ហើយមិនតែប៉ុណ្ណោះ ចំពោះការបរិច្ចាគនេះផងដែរ ត្រូវបានធ្វើឡើង ដើម្បីជាការដោះស្រាយបណ្តឹងលែងលះ នៅក្នុងឆ្នាំ២០២១ របស់គូស្វាមីភរិយានេះ បន្ទាប់ពីការសម្រេចចិត្តរបស់ពួកគេក្នុងការបើកដំណើរការអង្គការសប្បុរសធម៌ឯករាជ្យ។

ជម្រាបជូនថា ការដោះស្រាយនេះ ក៏មានពាក់ព័ន្ធនឹងការបែងចែកទ្រព្យសម្បត្តិផ្ទាល់ខ្លួនយ៉ាងច្រើនផងដែរ រួមទាំងអចលនទ្រព្យដែលមានតម្លៃជាង ១៧០លានដុល្លារ ការប្រមូលស្នាដៃសិល្បៈចំនួន ១៣០លានដុល្លារ និងភាគហ៊ុនសំខាន់ៗរបស់ Microsoft។ បើយោងតាម Forbes បានប៉ាន់ប្រមាណថា ការផ្ទេរទាំងនេះបានធ្វើឱ្យលោកស្រី Melinda មានទ្រព្យសម្បត្តិសរុបប្រហែល ២៥ពាន់លានដុល្លារ៕​

The post លោក Bill Gates ផ្ទេរលុយជិត ៨ពាន់លានដុល្លារ ទៅអង្គការសប្បុរសធម៌ ដើម្បីដោះស្រាយបណ្តឹងលែងលះ appeared first on .

យ៉ាងណាមិញ បើតាមការចុះផ្សាយពីទស្សនាវដ្តី Forbes បានបង្ហាញឲ្យដឹងពីបុគ្គល ៧រូប ថយចុះទ្រព្យសម្បត្តិអស់ច្រើនបំផុតនៅឆ្នាំនេះ។

១. Bill Gates សហស្ថាបនិកក្រុមហ៊ុន Microsoft មានទ្រព្យសម្បត្តិសរុប ១១៨ពាន់លានដុល្លារ ថយចុះអស់ ៤០,៩ពាន់លានដុល្លារ

២. Dustin Moskovitz សហស្ថាបនិកក្រុមហ៊ុន Meta មានទ្រព្យសម្បត្តិសរុប ១២,២ពាន់លានដុល្លារ ថយចុះអស់ ១៦,១ពាន់លានដុល្លារ

៣. Manuel Villar ស្ថាបនិកក្រុមហ៊ុន Golden MV Holdings មានទ្រព្យសម្បត្តិសរុប ៩,៩៦ពាន់លានដុល្លារ ថយចុះអស់ ១២,៦ពាន់លានដុល្លារ

៤. Low Tuck Kwong ស្ថាបនិកក្រុមហ៊ុន Bayan Resources មានទ្រព្យសម្បត្តិសរុប ២១,៨ពាន់លានដុល្លារ ថយចុះអស់ ៦ពាន់លានដុល្លារ

៥. Jeffery Hildebrand ស្ថាបនិក និងនាយកប្រតិបត្តិក្រុមហ៊ុន Hilcorp Energy មានទ្រព្យសម្បត្តិសរុប ១២,៩ពាន់លានដុល្លារ ថយចុះអស់ ៥,៥ពាន់លានដុល្លារ

៦. Phil Knight ស្ថាបនិកក្រុមហ៊ុន Nike មានទ្រព្យសម្បត្តិសរុប ២៩,៣ពាន់លានដុល្លារ ថយចុះអស់ ៥ពាន់លានដុល្លារ

៧. Mikhail Fridman ម្ចាស់ភាគហ៊ុនធំក្រុមហ៊ុន Alfa Group មានទ្រព្យសម្បត្តិសរុប ១០,១ពាន់លានដុល្លារ ថយចុះអស់ ៤,៧ពាន់លានដុល្លារ៕​

The post កំពូលមហាសេដ្ឋីរូបណាខ្លះ របូតទ្រព្យសម្បត្តិអស់ច្រើនបំផុត ក្នុងឆ្នាំ២០២៥ នេះ? appeared first on .

ប្រភពដដែលបានបង្ហាញឲ្យដឹងទៀតថា បច្ចុប្បន្ននេះ លោក Bill Gates ដែលមានទ្រព្យសម្បត្តិសរុបប្រមាណ ១០៧ពាន់លានដុល្លារ កំពុងស្ថិតនៅចំណាត់ថ្នាក់ពីក្រោយសហស្ថាបនិក Bloomberg LP លោក Mike Bloomberg និងឈរលើចំណាត់ថ្នាក់របស់ទាយាទស្នងមរតកក្រុមហ៊ុន Walmart លោកស្រី Alice Walton ដែលជាស្ត្រីមានដាច់គេបំផុតលើពិភពលោក។

គួរឲ្យដឹងថា គិតចាប់តាំងពីឆ្នាំ ១៩៩១មក លោក Bill Gates ជាប់ចំណាត់ថ្នាក់លេខ១ ឬលេខ២ ជាប់លាប់ជានិច្ច ក្នុងបញ្ជី Forbes 400 អស់រយៈពេលជិត ៣ ​ទសវត្ស​ មុនពេលធ្លាក់ក្រោមតំណែងកំពូល Top2 ក្នុងឆ្នាំ២០២១។ ហើយឥឡូវនេះ​ វាជាលើកដំបូងហើយ ក្នុងរយៈពេល ៣៤ឆ្នាំចុងក្រោយ ដែលលោ Bill Gates ធ្លាក់ចេញពីបញ្ជីកំពូលទាំង១០ នោះ។

ជម្រាបជូនថា ការថយចុះយ៉ាងច្រើននៃទ្រព្យសម្បត្តិរបស់លោក Bill Gates នេះ បានកើតឡើងក្នុងពេលប៉ុន្មានឆ្នាំថ្មីៗនេះ។ ដោយលោកបានធ្លាក់មកនៅចំណាត់ថ្នាក់លេខ៤ ក្នុងឆ្នាំ២០០១ នៅពេលដែលលោក និងលោកស្រី​ Melinda French Gates បានប្រកាសចែកផ្លូវគ្នា បន្ទាប់ពីរៀបការបាន ២៧ឆ្នាំ។

លុះក្រោយមក នៅឆ្នាំ២០២៤ លោកបានបន្តធ្លាក់ចុះចំណាតក់ថ្នាក់បន្ថែមទៀតទៅកាន់លេខ៩ បន្ទាប់ពីលោកបានចាប់ផ្តើមធ្វើការបរិច្ចាគទឹកប្រាក់ដ៏ច្រើន ទៅកាន់អង្គការសប្បុរសរបស់ខ្លួន ៕​

The post លោក Bill Gates ខ្ទាតចេញពីបញ្ជីអ្នកមានដាច់គេបំផុតទាំង១០ ជាលើកដំបូងក្នុងពេលជាង ៣០ឆ្នាំ appeared first on .

យោងតាមការចុះផ្សាយពីសារព័ត៌មាន Korea JoongAnd daily បានបង្ហាញថា ក្រុមហ៊ុនផលិតកម្មវិធី CJ ENM បានប្រកាសពីការបង្ហាញវត្តមានរបស់លោក Bill Gates នៅក្នុងកម្មវិធីរបស់ខ្លួន នាពេលខាងមុខ ដោយថែមទាំងបាននិយាយទៀតថា ៖”​ យើងមានកិត្តិយសណាស់ដែលបានអញ្ជើញបុគ្គលដ៏ល្បីល្បាញ មកកាន់កម្មវិធីរបស់យើង ដោយរូបលោកបានភ្ជាប់ពិភពលោកតាមរយៈបច្ចេកវិទ្យា និងការផ្លាស់ប្តូរ តាមរយៈការបរិច្ចាគដ៏ច្រើនរបស់គាត់”។

យ៉ាងណាមិញ ជុំវិញវគ្គដែលមានវត្តមានរបស់លោក Bill Gates ត្រូវបានគេរំពឹងថានឹងចាក់ផ្សាយ នៅចុងខែនេះ បើទោះបីជាកាលបរិច្ចេទពិតប្រាកដនៅមិនទាន់បានប្រកាសជាផ្លូវការ ក៏ដោយ។

ទន្ទឹមនឹងនេះ សារព័ត៌មាន Korea Herald បានរាយការណ៍ថា “You Quiz on the Block” ដែលបានបើកដំណើរការក្នុងឆ្នាំ២០១៨ បានក្លាយជាកម្មវិធីជជែកដែលមានអ្នកមើលច្រើនបំផុតរបស់ប្រទេសកូរ៉េខាងត្បូង។ រៀបចំដោយតារាកំប្លែងដ៏ល្បី លោក Yoo Jae Suk រួមជាមួយនឹង លោក Jo Se Ho កម្មវិធីនេះរំលេចការសន្ទនាពិសេសៗ ជាមួយភ្ញៀវមកពីគ្រប់វិស័យ និងប្រវត្តិផ្សេងៗគ្នា។

ជម្រាបជូនផងដែរថា យោងតាមការចុះផ្សាយពី Forbes បានរាយការណ៍ថា នៅត្រឹមវ័យ ៦៩ឆ្នាំ លោក Bill Gates មានទ្រព្យសម្បត្តិសរុបចំនួន ១១៨ពាន់លានដុល្លារអាមេរិក ដែលធ្វើឱ្យរូបលោកក្លាយជាអ្នកមានបំផុតទី១៥ នៅលើពិភពលោក៕

The post ស្ងាត់ៗ មហាសេដ្ឋី Bill Gates នឹងបង្ហាញមុខក្នុងកម្មវិធីដ៏ល្បីល្បាញមួយរបស់កូរ៉េខាងត្បូង appeared first on .