យ៉ាងណាមិញ​ យោងតាមឯកសារដែលបានដាក់ជូនស្ថាប័ននិយតករ បានបង្ហាញឲ្យដឹងថា ការជួលនីមួយៗនឹងមានរយៈពេលជាង ៥ឆ្នាំ ដោយគិតចាប់ពីថ្ងៃដែលឧបករណ៍ទាំងនោះមកដល់។

គួរឲ្យដឹងផងដែរថា កិច្ចព្រមព្រៀងនេះ បានបង្ហាញឱ្យឃើញពីការចំណាយដ៏ច្រើនសន្ធឹកសន្ធាប់របស់ SpaceX ខណៈពេលដែលក្រុមហ៊ុននេះកំពុងព្យាយាមទាញយកប្រយោជន៍ពីតម្រូវការដ៏ខ្ពស់លើសមត្ថភាពគណនា (computing power) ដើម្បីជួយផ្តល់ហិរញ្ញប្បទានដល់មហិច្ឆតាក្នុងការធ្វើដំណើរទៅកាន់ឋានព្រះចន្ទ និងភពអង្គារ។

ជម្រាបជូនថា ក្រុមហ៊ុន SpaceX គ្រោងនឹងបញ្ចប់កិច្ចព្រមព្រៀងនេះឱ្យបានរួចរាល់នៅដំណាច់ឆ្នាំនេះ។ ហើយចំពោះការជួលនេះ ត្រូវបានរំពឹងថានឹងចាប់ផ្តើមនៅក្នុងឆមាសទីមួយនៃឆ្នាំ២០២៧ នៅពេលដែលបន្ទះឈីបទាំងនោះត្រូវបានដឹកជញ្ជូនមកដល់៕​

The post ក្រុមហ៊ុនកំពូលមហាសេដ្ឋី Elon Musk បញ្ចប់កិច្ចព្រមព្រៀងតម្លៃ ៤០ពាន់លានដុល្លារ ជាមួយ Apollo សម្រាប់បន្ទះឈីប AI appeared first on .

នៅក្នុងការបង្ហោះមួយនៅលើបណ្តាញសង្គម X លោក Musk បានលើកឡើងថា ភាពជោគជ័យក្នុងការរៃអង្គាសបំណុលនេះ គឺដោយសារតែក្រុមហ៊ុនមានចំណាត់ថ្នាក់ឥណទានល្អ (Investment-grade status) រួមទាំងមានប្រាក់ចំណូលពីសេវាអ៊ីនធឺណិតតាមផ្កាយរណប Starlink និងអាជីវកម្មបាញ់បង្ហោះផ្កាយរណបរបស់ខ្លួនផងដែរ។

មិនតែប៉ុណ្ណោះ នៅក្នុងការបង្ហោះដដែលនោះ​ មហាសេដ្ឋីកំពូលរូបនេះ បាននិយាយថា៖” នេះគឺជាបំណុលដែលភាគច្រើនអាចទូទាត់សងមុនកាលកំណត់បាន ដែលវាបង្កើតឡើងសម្រាប់ការទិញបន្ទះឈីបកម្លាំងខ្លាំង ដែលអាចនឹងមកដល់នៅក្នុងត្រីមាសទី១ និងទី២ ឆ្នាំក្រោយ”។

យ៉ាងណាមិញ​ បើយោងតាមលោក Bret Johnsen ប្រធានផ្នែកហិរញ្ញវត្ថុ (CFO) របស់ SpaceX បានឱ្យដឹងទៀតថា សម្រាប់ត្រីមាសទី៤ ឆ្នាំនេះ ក្រុមហ៊ុនរំពឹងថានឹងមានការចំណាយលើដើមទុន ចន្លោះពី ៣៥ពាន់លានទៅ ៤០ពាន់លានដុល្លារ ហើយការរៃអង្គាសនេះនឹងជាការជំរុញដ៏សំខាន់។

ជម្រាបជូនថា ការរៃអង្គាសនេះត្រូវបានធ្វើឡើង បន្ទាប់ពីក្រុមហ៊ុន SpaceX កំពុងពិភាក្សាជាមួយធនាគារ និងអ្នកគ្រប់គ្រងទ្រព្យសកម្ម ដើម្បីស្វែងរកទុនចំនួន ៤០ពាន់លានដុល្លារ សម្រាប់ទិញបន្ទះឈីបបញ្ញាសិប្បនិម្មិត (AI) ពីក្រុមហ៊ុន Nvidia ក្នុងការកសាងសមត្ថភាព AI របស់ខ្លួនបន្ថែមទៀត៕​

​

The post Elon Musk ថា SpaceX ទទួលបានលុយ ៤០ពាន់លានដុល្លារ ពីការរៃអង្គាស សម្រាប់ទិញបន្ទះឈីបរបស់ Nvidia appeared first on .

កាលពីថ្ងៃទី២០ ខែតុលា ក្រុមហ៊ុន SpaceX ដែលជាក្រុមហ៊ុនអវកាស និងបញ្ញាសប្បនិម្មិត (AI) របស់មហាសេដ្ឋី Elon Musk បានប្រកាសលទ្ធផលអាជីវកម្មត្រីមាសទី ៣ របស់ខ្លួន។ យោងតាមរបាយការណ៍នោះ ក្រុមហ៊ុន SpaceX សម្រេចបានប្រាក់ចំណូលរហូតដល់ ១៤,៥ពាន់លានដុល្លារ ដែលលើសពីការព្យាកររបស់អ្នកវិភាគ ចំនួន ១២,៧ពាន់លានដុល្លារ។

ក្នុងអំឡុងពេលប្រកាសនោះ លោក Musk ក៏បានបញ្ជាក់ផងដែរថា ក្រុមប្រឹក្សាភិបាលនៃក្រុមហ៊ុនទាំងពីរបានបង្កើតគណៈកម្មាធិការឯករាជ្យដើម្បីពិភាក្សាអំពីលទ្ធភាពនៃការច្របាច់បញ្ចូលគ្នា រវាង SpaceX និង Tesla ទៅជាក្រុមហ៊ុនតែមួយ។ លោកបានសង្កត់ធ្ងន់ថា គណៈកម្មាធិការទាំងនេះផ្សំឡើងដោយសមាជិកឯករាជ្យ ហើយរូបលោកផ្ទាល់មិនបានចូលរួមក្នុងកិច្ចពិភាក្សាទាំងនោះឡើយ ដោយសារតែបញ្ហាជម្លោះផលប្រយោជន៍។

លើសពីនេះ​ លោក Musk បានលើកឡើងថា៖ “ខ្ញុំគិតថាការច្របាច់បញ្ចូលគ្នានេះនឹងនាំមកនូវតម្លៃយ៉ាងច្រើន ព្រោះយើងស្ទើរតែឈានចូលដល់យុគសម័យនៃបញ្ញាសប្បនិម្មិតកម្រិតខ្ពស់ (Superintelligence) ហើយ”។

គួរជម្រាបជូនថា កន្លងមក ក្រុមហ៊ុនរបស់លោក Musk ធ្លាប់បានសហការគ្នាក្នុងគម្រោងជាច្រើន និងថែមទាំងបានប្រើប្រាស់បុគ្គលិករួមគ្នាទៀតផង។ វិនិយោគិន និងអ្នកវិភាគបានព្យាករជាយូរមកហើយអំពីលទ្ធភាពនៃការច្របាច់បញ្ចូលគ្នារវាង Tesla និង SpaceX ដែលប្រធានបទនេះត្រូវបានលើកឡើងញឹកញាប់ នៅពេលដែល SpaceX រៀបចំការបោះផ្សាយភាគហ៊ុនជាសាធារណៈលើកដំបូង (IPO) កាលពីខែមិថុនាមកម្លេះ៕​

The post ក្រុមហ៊ុនខ្នាតយក្សរបស់មហាសេដ្ឋី Elon Musk ទាំងពីរ SpaceX និង Tesla កំពុងសិក្សាលើការច្របាច់បញ្ចូលគ្នា appeared first on .

កាលពីពេលថ្មីៗនេះ ក្រុមហ៊ុន SpaceX កំពុងចរចាជាមួយធនាគារ និងមូលនិធិវិនិយោគនានា ដើម្បីរៃអង្គាសទឹកប្រាក់ចំនួន ៤០ពាន់លានដុល្លារ សម្រាប់ទិញបន្ទះឈីប AI របស់ក្រុមហ៊ុន Nvidia។ នៅក្នុងការរៃសង្គាសនោះដែរ ក្រុមហ៊ុនអវកាសនេះ មានផែនការខ្ចីលុយចំនួន ១០ពាន់លានដុល្លារពីធនាគារ និងបោះផ្សាយប័ណ្ណបំណុលចំនួន ៣០ពាន់លានដុល្លារ។

ទន្ទឹមនឹងនេះ បើយោងតាមសារព័ត៌មាន Financial Times បានបង្ហាញទៀតថា ក្រុមហ៊ុន Apollo Capital Management ត្រូវបានគេរំពឹងថានឹងធ្វើជាអ្នកសម្របសម្រួលកិច្ចព្រមព្រៀងរបស់ SpaceX និងគាំទ្រការបោះផ្សាយប័ណ្ណបំណុលសម្រាប់វិនិយោគិន។

គួរជម្រាបជូនថា ផែនការរៃអង្គាសប្រាក់របស់ SpaceX នេះ បានបង្ហាញឱ្យឃើញពីតម្រូវការដើមទុនដ៏ច្រើនសន្ធឹកសន្ធាប់នៅក្នុងរលកនៃបច្ចេកវិទ្យា AI ពិភពលោក។ ក្រុមហ៊ុនបច្ចេកវិទ្យានានាកំពុងប្រជែងគ្នាយ៉ាងខ្លាំងក្លា ដើម្បីទទួលបានការផ្គត់ផ្គង់បន្ទះឈីប និងហេដ្ឋារចនាសម្ព័ន្ធគណនាគ្រប់គ្រាន់សម្រាប់ការអភិវឌ្ឍ AI។

ក្រុមហ៊ុន Morgan Stanley ប៉ាន់ប្រមាណថា នៅត្រឹមឆ្នាំ២០២៨ ហេដ្ឋារចនាសម្ព័ន្ធ AI នឹងត្រូវការប្រភពដើមទុនពីខាងក្រៅរហូតដល់ ១,៥ទ្រីលានដុល្លារ បើទោះបីជាធនាគារ និងវិនិយោគិនចាប់ផ្តើមមានប្រុងប្រយ័ត្នជាងមុនចំពោះឧស្សាហកម្មប្រភេទនេះក៏ដោយ៕​

The post ក្រុមហ៊ុនមហាសេដ្ឋី Elon Musk ត្រៀមរៃសង្គាសលុយ ៤០ពាន់លានដុល្លារ ដើម្បីទិញបន្ទះឈីបពី​ Nvidia appeared first on .

ជុំវិញការប្រកាសនេះ ត្រូវបានធ្វើឡើង នៅពេលដែលលោក Musk បានឆ្លើយតបទៅកាន់អ្នកប្រើប្រាស់ម្នាក់នៅលើបណ្តាញសង្គម X ដែលបានសួរលោកអំពីលទ្ធភាពនៃការប្តូរឈ្មោះ SpaceXAI ទៅជា SpaceXSI វិញ ដោយលោកបាននិយាយថា ៖” ពិតមែនហើយ យើងនឹងធ្វើការផ្លាស់ប្តូរវាក្នុងពេលឆាប់ៗនេះ”។

ប៉ុន្តែទោះជាយ៉ាងនេះក្តី លោក Musk ហាក់នៅមិនទាន់បានផ្តល់ព័ត៌មានជាក់លាក់បន្ថែមទាក់ទងនឹងការប្តូរឈ្មោះនេះនៅឡើយទេ ហើយលោកក៏មិនបានផ្តល់កាលវិភាគច្បាស់លាស់ថាការផ្លាស់ប្តូរនេះនឹងកើតឡើងនៅពេលណានោះដែរ។

ជម្រាបជូនថា នៅក្នុងថ្លែងការណ៍មួយទៅកាន់មហាសន្និបាតអង្គការសហប្រជាជាតិកាលពីខែមុន លោក ត្រាំ បានប្រកាសថាចាប់ពីពេលនេះតទៅ រាល់ឯកសាររបស់សហរដ្ឋអាមេរិក ហើយរួមទាំងពិភពលោកទាំងមូលផងនោះ នឹងត្រូវផ្លាស់ប្តូរមកប្រើពាក្យ ‘Super’ ដែលជាពាក្យត្រឹមត្រូវជាង ពោលគឺផ្ទុយពីពាក្យ Artificial ដែលប្រើប្រាស់បច្ចុប្បន្ន។ ដូច្នេះគួរឈប់ប្រើពាក្យ AI ហើយប្តូរមកប្រើពាក្យ SI ជំនួសវិញ៕​

The post មហាសេដ្ឋី Elon Musk ថាលោកនឹងប្តូរឈ្មោះ SpaceXAI ទៅជា SpaceXSI វិញ តាមបញ្ជារបស់លោក ត្រាំ​ appeared first on .

យោងតាមឯកសារបង្ហាញពីហិរញ្ញវត្ថុដែលលោកបានចុះហត្ថលេខានៅថ្ងៃទី៨ ខែកញ្ញា បានឲ្យដឹងថា លោក ត្រាំ បានទិញភាគហ៊ុនដែលមានតម្លៃចន្លោះពី ១៥ ០០១ដុល្លារ ដល់ ៥០ ០០០ដុល្លារនៅក្នុងក្រុមហ៊ុន SpaceX កាលពីថ្ងៃទី១០ ខែកក្កដា។ មិនតែប៉ុណ្ណោះ លោកក៏បានលក់ភាគហ៊ុនដែលមានតម្លៃចន្លោះពី ១ ០០១ដុល្លារ ដល់ ១៥ ០០០ដុល្លារចេញវិញផងដែរនៅថ្ងៃទី១៧ ខែកក្កដា។

យ៉ាងណាមិញ ជុំវិញការជួញដូរចុងក្រោយនេះ បានបន្ថែមនូវទំនាក់ទំនងហិរញ្ញវត្ថុថ្មីមួយផ្សេងទៀតរវាងប្រធានាធិបតីអាមេរិក និងក្រុមហ៊ុនរ៉ុក្កែតរបស់លោក Musk នៅពេលដែលរដ្ឋបាលកំពុងធ្វើការសម្រេចចិត្តដែលអាចប៉ះពាល់ដល់ជោគវាសនារបស់ក្រុមហ៊ុននេះ។

គួរជម្រាបជូនថា ក្រុមហ៊ុន SpaceX បានបោះផ្សាយលក់ IPO ជាលើកដំបូងដ៏ធំបំផុតមិនធ្លាប់មានរបស់សហរដ្ឋអាមេរិក កាលពីថ្ងៃទី១២ ខែមិថុនា ដោយបានធ្វើឲ្យតម្លៃមូលធនរបស់ក្រុមហ៊ុនផ្តល់សេវាអវកាស ផ្កាយរណប និង AI មួយនេះ កើនដល់ ១,៧៧ទ្រីលានដុល្លារ។ ក្នុងនោះដែរទីភ្នាក់ងារសារព័ត៌មាន Reuters ធ្លាប់បានរាយការណ៍ថា លោក ត្រាំ ក៏បានទិញភាគហ៊ុននៅក្នុងក្រុមហ៊ុន SpaceX កាលពីខែមិថុនានោះផងដែរ៕​

The post លោក ត្រាំ ទិញលក់ភាគហ៊ុនតម្លៃរាប់ម៉ឺនដុល្លារនៅក្នុងក្រុមហ៊ុន SpaceX របស់មហាសេដ្ឋី Elon Musk ក្នុងខែកក្កដា appeared first on .

មជ្ឈមណ្ឌលបាញ់បង្ហោះដែលមានទំហំប្រហែល ៥០ ៥៨៥ ហិកតា នៅលើកោះ Pecan ដែលក្រុមហ៊ុន SpaceX ដាក់ឈ្មោះថា Starbase Louisiana នេះ គឺជាការប្រមូលផ្តុំពង្រីកប្រតិបត្តិការបាញ់បង្ហោះរបស់យាន Starship របស់ក្រុមហ៊ុន បន្ថែមលើទីតាំងដែលមានស្រាប់នៅភាគខាងត្បូងរដ្ឋ Texas និងទីតាំងដែលបានគ្រោងទុកនៅរដ្ឋ Florida ខណៈពេលដែលរ៉ុក្កែតជំនាន់ក្រោយនេះ កំពុងស្ថិតក្នុងការអភិវឌ្ឍដល់ដំណាក់កាលចុងក្រោយហើយ។

យ៉ាងណាមិញ បើតាមប្រធានក្រុមហ៊ុន SpaceX លោកស្រី Gwynne Shotwell បាននិយាយថា ទីតាំង Starbase ទីពីររបស់ក្រុមហ៊ុននេះ នឹងមានសមត្ថភាពបាញ់បង្ហោះយាន Starship បានរហូតដល់រាប់ពាន់ជើងក្នុងមួយឆ្នាំ ដោយលោកស្រីបានបញ្ជាក់ឡើងវិញពីគោលដៅដ៏ធំធេងនេះ ដែលអាស្រ័យលើការដោះស្រាយបញ្ហាប្រឈមផ្នែកវិស្វកម្មដ៏លំបាក និងរបាំងច្បាប់នានា។

ក្រុមហ៊ុន SpaceX បានបង្ហាញឱ្យដឹងថា ការសាងសង់នឹងចាប់ផ្តើមនៅឆ្នាំក្រោយ ហើយការបាញ់បង្ហោះរ៉ុក្កែត Starship លើកដំបូងនឹងធ្វើឡើងនៅឆ្នាំ២០២៩។ លោកស្រី Shotwell បានលម្អិតពីផែនការនេះនៅជិតទីតាំងដែលបានស្នើឡើង ក្នុងតំបន់ Vermilion Parish រដ្ឋ Louisiana ក្នុងព្រឹត្តិការណ៍មួយជាមួយអភិបាលរដ្ឋ Jeff Landry និងមន្ត្រីជាន់ខ្ពស់រដ្ឋផ្សេងទៀត។

គួរជម្រាបជូនថា SpaceX បានពង្រីកវត្តមានរបស់ខ្លួនយ៉ាងខ្លាំងនៅភាគខាងត្បូងសហរដ្ឋអាមេរិក ក្នុងពេលប៉ុន្មានឆ្នាំថ្មីៗនេះ ដោយបានសាងសង់មជ្ឈមណ្ឌលទិន្នន័យ Colossus AI នៅក្នុងរដ្ឋ Tennessee និង Mississippi និងទីតាំង Starlink នៅក្រុង Austin រដ្ឋ Texas។ លើសពីនេះ ក្រុមហ៊ុនក៏កំពុងរៀបចំផែនការសាងសង់រោងចក្រផលិតបន្ទះឈីបដ៏ធំបំផុត នៅភាគកណ្តាលរដ្ឋ Texas ផងដែរ៕​

The post SpaceX ត្រៀមបោះលុយវិនិយោគ ១០០ពាន់លានដុល្លារ សង់មជ្ឈមណ្ឌលរ៉ុក្កែត Starship ថ្មី នៅក្នុងរដ្ឋ Louisiana appeared first on .

យោងតាមរបាយការណ៍ហិរញ្ញវត្ថុដែលត្រូវបានចុះហត្ថលេខាដោយលោក ត្រាំ ផ្ទាល់កាលពីថ្ងៃទី១២ ខែសីហា និងត្រូវបានផ្សព្វផ្សាយជាសាធារណៈកាលពីថ្ងៃទី២២ ខែសីហា បានបង្ហាញថា ប្រធានាធីបតីរូបនេះ បានទិញភាគហ៊ុនក្នុងតម្លៃចន្លោះពី ១៥ ០០១ដុល្លារ ទៅ ៥០ ០០០ដុល្លារ កាលពីថ្ងៃទី២៣ ខែមិថុនា។ ការទិញនេះគឺជាផ្នែកមួយនៃប្រតិបត្តិការជួញដូរភាគហ៊ុនជាង ១ ០០០ លើក ដែលលោក ត្រាំ បានធ្វើឡើងក្នុងខែមិថុនា។

គួររំឮកផងដែរថា ជុំវិញការទិញនេះបានកើតឡើង បន្ទាប់ពីក្រុមហ៊ុន ក្រុមហ៊ុន SpaceX បានបោះផ្សាយលក់ភាគហ៊ុនជាសាធារណៈលើកដំបូង (IPO) ធំបំផុតមិនធ្លាប់មាននៅអាមេរិក កាលពីថ្ងៃទី១២ ខែមិថុនា ដោយបានធ្វើឲ្យតម្លៃមូលធនទីផ្សាររបស់ក្រុមហ៊ុនដែលផ្តល់សេវាកម្មអវកាស រណប និង AI មួយនេះ កើនឡើងដល់ ១,៧៧ទ្រីលានដុល្លារ។

យ៉ាងណាមិញ អ្នកនាំពាក្យសេតវិមាន លោក Davis Ingle បាននិយាយថា ការទិញភាគហ៊ុនៅក្នុង SpaceX របស់លោក ត្រាំនេះ ត្រូវបានធ្វើឡើង ដោយស្ថាប័នហិរញ្ញវត្ថុមួយដែលជាភាគីទីបី និងជាអ្នកគ្រប់គ្រងផលប័ត្រវិនិយោគរបស់លោក ត្រាំផ្ទាល់។ លោក Ingle បានថ្លែងក្នុងសេចក្តីថ្លែងការណ៍មួយថា៖ “ទាំងប្រធានាធិបតី ត្រាំ និងសមាជិកគ្រួសាររបស់លោក ពុំមានសមត្ថភាពក្នុងការចាត់ចែង ឥទ្ធិពល ឬផ្តល់មតិយោបល់ពាក់ព័ន្ធនឹងរបៀបដែលផលប័ត្រនេះត្រូវបានវិនិយោគ ឬពេលណាត្រូវទិញ ឬលក់នោះឡើយ”។

គួរជម្រាបជូនផងដែរថា SpaceX គឺជាក្រុមហ៊ុនម៉ៅការយោធារបស់អាមេរិក ហើយជារឿយៗតែងតែស្វែងរកការអនុម័តពីភ្នាក់ងារសហព័ន្ធ ក្នុងការវិនិយោគផ្សេងៗ។ កាលពីថ្ងៃព្រហស្បតិ៍សប្តាហ៍មុន លោក ត្រាំ បានណែនាំក្រុមការងាររបស់លោកឱ្យជួយបង្កើនចំនួននៃការបាញ់បង្ហោះរ៉ុក្កែតអវកាសពាណិជ្ជកម្មរបស់អាមេរិកក្នុងចំនួនដ៏ច្រើន។ ហើយក្នុងនោះក្រុមហ៊ុន SpaceX គឺជាអ្នកដើរតួសំខាន់ និងមានប្រៀបជាងគេនៅក្នុងវិស័យនោះ៕​

The post លោក ត្រាំ ទិញភាគហ៊ុនតម្លៃ ៥០ ០០០ដុល្លារ នៅក្នុងក្រុមហ៊ុន SpaceX របសមហាសេដ្ឋី Elon Musk appeared first on .

កាលពីពេលថ្មីៗនេះ​ក្រុមហ៊ុន Alphabet បានប្រកាសថា គិតត្រឹមចុងខែមិថុនា តម្លៃភាគហ៊ុន SpaceX របស់ខ្លួនមានចំនួនរហូតដល់ ៩៤ពាន់លានដុល្លារ។ ត្រលប់ទៅក្នុងឆ្នាំ២០១៥ វិញ ពួកគេបានវិនិយោគជាមួយចំនួនទឹកប្រាក់ប្រមាណ ៩០០លានដុល្លារនៅក្នុងក្រុមហ៊ុនអវកាសរបស់មហាសេដ្ឋី Elon Musk មួយនេះ។ ដូច្នេះ ក្នុងរយៈពេលជាង ១០ឆ្នាំប៉ុណ្ណោះ តម្លៃនៃការវិនិយោគនេះបានកើនឡើងដល់ ១០០ ដង។

យោងតាមការវិភាគរបស់ Reuters ក្រុមហ៊ុន Alphabet បច្ចុប្បន្នគឺជាអ្នកវិនិយោគស្ថាប័នធំជាងគេរបស់ SpaceX។ ថ្មីៗនេះ វិនិយោគិនសំខាន់ៗជាច្រើនទៀតក៏បានប្រកាសពីការកើនឡើងនៃតម្លៃភាគហ៊ុនរបស់ពួកគេផងដែរ។ ក្នុងនោះ Fidelity Investments មានភាគហ៊ុនចំនួនជាង ៣០០ លានហ៊ុន ដែលធ្វើបានធ្វើឲ្យពួកគេក្លាយជាវិនិយោគិនធំទីពីររបស់ SpaceX។

គួរជម្រាបជូនផងដែរថា ជុំវិញការកើនឡើងនេះ បានកើតឡើងបន្ទាប់ពីក្រុមហ៊ុន SpaceX បានប្រកាសលក់ IPO ជាដំបូង នៅឆ្នាំនេះ ដែលបានធ្វើឲ្យភាគហ៊ុនមានការហក់ឡើងយ៉ាងខ្លាំង និងថែមទាំងបានធ្វើឲ្យលោក Musk ដែលជាស្ថាបនិកក្រុមហ៊ុន ឡើងតំណែងជាមហាសេដ្ឋីលុយទ្រីលានដុល្លារដំបូងគេរបស់ពិភពលោក កាលពីពេលកន្លងទៅផងដែរ៕​

The post ក្រុមហ៊ុនមេ Google កើបលុយចំណេញជាង ៩០ពាន់លានដុល្លារ ពីការវិនិយោគក្នុង SpaceX ១០ឆ្នាំមុន appeared first on .

ក្រុមហ៊ុន VinSpace បាននិយាយនៅក្នុងសេចក្តីថ្លែងការណ៍មួយថា ផ្កាយរណបរបស់ VinSpace នឹងបាញ់បង្ហោះក្នុងបេសកកម្មរួមគ្នារបស់ផ្កាយរណប SpaceX គឺ Transporter ក្នុងឆ្នាំ២០២៧ ដោយចូលរួមជាមួយអតិថិជនជាច្រើនផ្សេងទៀតក្នុងការបាញ់បង្ហោះរួមគ្នាមួយ។

ក្រុមហ៊ុន VinSpace ដែលគ្រប់គ្រងលើការស្រាវជ្រាវ ការអភិវឌ្ឍ ការផលិត និងប្រតិបត្តិការក្នុងគន្លងផ្កាយរណបផ្ទាល់ខ្លួន បាននិយាយទៀតថា គម្រោងនេះគាំទ្រយុទ្ធសាស្ត្ររបស់ខ្លួនដែលមានគោលបំណងកសាងសមត្ថភាពនៅទូទាំងខ្សែសង្វាក់លំហអវកាស រួមទាំងការរចនា និងផលិតផ្កាយរណប ការផ្គុំ ការធ្វើសមាហរណកម្ម និងការធ្វើតេស្ត ការគ្រប់គ្រងការបាញ់បង្ហោះ ប្រតិបត្តិការ និងសេវាកម្មទិន្នន័យ ផងដែរ។

ក្រុមហ៊ុន VinSpace បាននិយាយថា បេសកកម្មទាំងនេះត្រូវបានគេរំពឹងថានឹងគាំទ្រដល់ការធ្វើតេស្តបច្ចេកវិទ្យាក្នុងគន្លងលំហអាកាស ការអភិវឌ្ឍសមត្ថភាពផ្កាយរណប កិច្ចសហការអន្តរជាតិ និងកម្មវិធីពាណិជ្ជកម្មនាពេលអនាគត។

ជម្រាបជូនថា ក្រុមហ៊ុន VinSpace ត្រូវបានបង្កើតឡើងកាលពីខែវិច្ឆិកា ឆ្នាំមុន ជាមួយនឹងដើមទុនដំបូងចំនួន ៣០០ពាន់លានដុង (១១,៤លានដុល្លារអាមេរិក)។ ស្ថាបនិកក្រុមហ៊ុន Vingroup លោក Pham Nhat Vuong កាន់កាប់ភាគហ៊ុនភាគច្រើននៅក្នុងក្រុមហ៊ុន VinSpace នេះ៕​

The post ក្រុមហ៊ុន VinSpace របស់វៀតណាម ចុះកិច្ចព្រមព្រៀងជាមួយ SpaceX សម្រាប់ការបាញ់បង្ហោះផ្កាយរណបរបស់ខ្លួន appeared first on .