សម្តេចធិបតីបានបង្ហាញសេចក្តីរីករាយ និងមានមោទនភាពនេះ ក្នុងពិធីចុះពិនិត្យការដ្ឋានសាងសង់អាកាសយានដ្ឋានអន្តរជាតិតេជោ ដំណាក់កាលទី១ ដែលធ្វើឡើងនៅព្រឹកថ្ងៃទី១២ ខែមីនា ឆ្នាំ២០២៤។ ក្នុងឱកាសនោះ សម្ដេចធិបតីបានបញ្ជាក់ថា៖ «ខ្ញុំហ៊ានអួត ព្រោះជារបស់ខ្មែរ កើតលើទឹកដីខ្មែរ ដែលមិនធ្លាប់មាននៅក្នុងប្រវត្តិសាស្ត្រ ហើយខ្ញុំសូមវាយតម្លៃខ្ពស់ចំពោះការសាងសងអាកាលយាន្តដ្ឋាននេះ គឺមានស្តង់ដារសុវត្ថិភាពខ្ពស់ ទាំងសំណង់នៅទីនេះ គឺមានការយកចិត្តទុកជាខ្លាំង ហេតុនេះសូមឱ្យបន្តកិច្ចការងារជាទីមោទនភាពរបស់យើងនេះបន្តទៀត»។

បន្ថែមពីនេះ សម្តេចធិបតី បានបង្ហាញក្តីរំពឹងដែរថា ព្រលានយន្តហោះអន្តរជាតិតេជោនេះ នឹងធ្វើឱ្យ មានការអភិវឌ្ឍនៅតំបន់ភាគខាងត្បូងភ្នំពេញ និងតំបន់ភាគនិរតីនៃប្រទេសផងដែរ។ ជាមួយគ្នានេះ សម្តេចធិបតី ក៏រំពឹងថា តាមរយៈព្រលានយន្តហោះនេះ ក៏ជាការបណ្តុះធនធានមនុស្សកម្ពុជារយៈពេលវែង លើការសាងសង់សមិទ្ធផលនានា ដែលចេញពីដៃកូនខ្មែរ។

គួរបញ្ជាក់ថា ការសាងសង់លើអាកាសយានដ្ឋានអន្តរជាតិតេជោ 4F បានចាប់ផ្តើមនៅថ្ងៃទី ១៦ ខែមិថុនា ឆ្នាំ ២០២០ ដែលលាតសន្ធឹងលើផ្ទៃដីទំហំ ២,៦០០ ហិកតា នៅទូទាំងស្រុកកណ្តាលស្ទឹង ខេត្តកណ្តាល និងស្រុកបាទី ខេត្តតាកែវ។

គិតត្រឹមថ្ងៃទី២១ ខែកុម្ភៈ ឆ្នាំ២០២៤ លោក ម៉ៅ ហាវណាល់ បានលាតត្រដាងថា ដំណាក់កាលទី១ នៃការសាងសង់អាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយ សម្រេចបានប្រមាណ ៦៦.១% ជាមួយនឹងការចំណាយសរុបចំនួន ៩៦១លានដុល្លារអាមេរិក ដែលបានបែងចែកសម្រាប់ការអភិវឌ្ឍន៍ហេដ្ឋារចនាសម្ព័ន្ធ លើសពីការគ្រោងទុកនៃការវិនិយោគសរុបចំនួន ១.៥ពាន់លានដុល្លារ។ តាមផែនការដែលបានគ្រោងទុក ដំណាក់កាលសម្ពោធអាកាសយានដ្ឋានអន្តរជាតិតេជោ ចាត់ថ្នាក់ជា 4F គ្រោងនឹងបើកដំណើរការនៅឆមាសទី១ ឆ្នាំ២០២៥៕ អត្ថបទ៖ រង្សី 

The post សម្តេចធិបតី ហ៊ុន ម៉ាណែត មានមោទនភាពចំពោះអាកាសយានដ្ឋានអន្តរជាតិតេជោដែលមានលើទឹកដីខ្មែរ appeared first on .

បើយោងតាមឯកអគ្គរាជទូតកម្ពុជាប្រចាំប្រទេសថៃ ក្រៅពីសម្តែងការគំាំទ្រចំពោះការបើកនៅក្រុមហ៊ុនដឹកជញ្ជូន «ស្រលាញ់អ្នក»​ លោកឃើញនៅវត្តមានរបស់វិនិយោគិនខ្មែរជាច្រើនផ្សេងទៀត ដែលមានលទ្ធភាពចូលរួមសហការជាមួយវិនិយោគិនថៃ បើកអាជីវកម្មនៅក្នុងប្រទេសថៃនេះ ពិសេសចង់ឃើញម្ចាស់អាជីវកម្មល្បីៗដូចជាហាងលក់ម្ហូបអាហារខ្មែរ និងហាងលក់កាហ្វេ ធ្វើការពង្រីកមុខរបរខ្លួនទៅក្នុងទីផ្សារថៃ។

លោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ បានលើកឡើងថា ពាក់ព័ន្ធទិន្នន័យក្រុមហ៊ុនខ្មែរដែលបានមករកស៊ីក៏ដូចជាសហការជាមួយវិនិយោគិនថៃដែលបានបើកក្រុមហ៊ុននៅប្រទេសថៃ មកដល់ពេលនេះមិនទាន់ដឹងថាមានចំនួនជាក់លាក់ប៉ុន្មាននោះទេ ប៉ុន្តែស្ថានទូតកម្ពុជាប្រចំានៅក្នុងប្រទេសថៃនេះ កំពុងសហការជាមួយនិងក្រសួងពាណិជ្ជកម្មថៃ ដើម្បីទទួលបានទិន្នន័យ។

លោកសង្កត់ធ្ងន់ថា «មកដល់ពេលនេះ ខ្ញុំអាចនិយាយបានថាក្រៅពីមានក្រុមហ៊ុនផ្តល់សេវាដឹកជញ្ជូនរបស់កូនខ្មែរសហការជាមួយវិនិយោគិនថៃ កន្លងទៅក៏មានក្រុមហ៊ុនកូនខ្មែរលើវិស័យដឹកជញ្ជូន និងផ្នែកភោជនីយដ្ឋានដែលលក់នៅមុខម្ហូបខ្មែរ ក្រុមហ៊ុននាំចេញ នាំចូលទំនិញផ្សេងទៀតផងដែរ។តែក្នុងឱកាសនេះ ខ្ញុំសូមលើកទឹកចិត្តដល់ប្រជាពលរដ្ឋខ្មែរ ពិសេសអ្នកដែលមានធនធាន ដែលមានលទ្ធភាពអាចចូលមកស្វែងរកឱកាសសហការជាមួយដៃគូជាជនជាតិថៃ ដើម្បីបើកដំណើរការអាជីវកម្មរបស់ខ្លួននៅក្នុងប្រទេសថៃ ហើយខ្ញុំគិតថាអាជីវកម្មដែលយើងកំពុងត្រូវការនៅទីនេះគឺចង់ឱ្យមានវត្តមាន ហាងលក់មុខម្ហូបខ្មែរយើង ដើម្បីបង្ហាញពីវប្បធម៌ខ្មែរ និងហាងលក់កាហ្វេជារបស់ខ្មែរល្បីៗ ដែលជនបរទេសរួមនិងជនជាតិថៃ ធ្លាប់ចូលទៅប្រទេសកម្ពុជា ពួកគាត់ចង់ឃើញវត្តនៅក្នុងប្រទេសថៃនេះ»។

លោក ហ៊ុន សារឿន មានប្រសាសន៍ដោយមានទំនុកចិត្តដូច្នេះថា៖ «ខ្ញុំគិតថានៅថ្ងៃក្រោយទៅអ្នកឧកញ៉ា ឡេង ប្រុស គាត់នឹងបង្កើតនៅអាជិវកម្មថ្មីៗរបស់ខ្មែរយើងថែមទៀតនៅក្នុងប្រទេសថៃ ដើម្បីរឹតចំណងមិត្តភាពរវាងប្រជាជនទំាងពីរប្រទេស ក្នុងការចូលរួមជំរុញកំណើនពាណិជ្ជកម្ម ការវិនិយោគ និងវិស័យទេសចរណ៍»៕ តាកែវ

The post មន្ត្រីទូតកម្ពុជាចង់ឃើញម្ចាស់អាជីវកម្មល្បីៗក្នុងស្រុកបោះជំហ៊ានចូលទៅក្នុងទីផ្សារថៃ appeared first on .

យោងតាមសេចក្តីថ្លែងការណ៍ពីសមាគមអ្នកចិញ្ចឹមសត្វកម្ពុជា កាលពីថ្ងៃទី៦ ខែធ្នូ ឆ្នាំ២០២៣ បានលើកឡើងថា អាជ្ញាធរជំនាញពេលថ្មីនេះ បានចុះត្រួតពិនិត្យទីតាំងស្តុកសាច់សត្វបង្កកមួយកន្លែងនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដោយបានរកសាច់បង្កកពុំមានឯកសារបញ្ជាក់ច្បាស់លាស់ចំនួនជិត៤០០តោន ដែលរួមមានចុងសា្លបមាន់ គូទមាន់ សាច់មាន់កិន កោះមាន់ ជើងមាន់ សាច់ជ្រូក( មកពីប្រទេសស៊ីល  អ៊ីតាលី អាឡឺម៉ង់) ត្រចៀកជ្រូក សាច់ក្របី កន្សោមដោះក្របី ស្បូនជ្រូកនិងស្បែកជ្រូក។

 អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែងនិងបង្ក្រាបការក្លែបន្លំ ហៅកាត់ថា(ក.ប.ប) នៃក្រសួងពាណិជ្ជកម្ម កន្លងមកក៏បានចុះត្រួតពិនិត្យតាមឃ្លាំជាប្រចាំ និងបានរកឃើញមានសាច់បង្កកជាច្រើនប្រភេទមានគុណភាពទាប និងមិនមានលក្ខណៈស្របច្បាប់ជាច្រើនតោន ដែលបាននាំចូលមកលក់នៅក្នុងប្រទេសកម្ពុជា។

ផ្អែកលើលទ្ធផលនៃកិច្ចខិតខំប្រឹងបែងរបស់មន្ត្រីជំនាញខាងលើ,សមាគមអ្នកចិញ្ចឹមសត្វកម្ពុជា មានសេចក្តីត្រេកអរជាពន់ពេក និងសូមថ្លែងអំណរគុណដ៏ជ្រាលជ្រៅ ហើយសូមប្រកាសគាំទ្រយ៉ាងពេញទំហឹងចំពោះចំណាត់ការដ៏មានសារសំខាន់ទាំងនោះ ពីព្រោះផលិតផលបង្កកភាគច្រើននៅប្រទេសដើមគេទុកសម្រាប់ផលិតចំណីសត្វតែប៉ុណ្ណោះ ហើយការនាំចូលមកលក់នៅក្នុងប្រទេសកម្ពុជា ដោយគ្មានឯកសារបញ្ជាក់ច្បាស់លាស់និងស្របតាមបទបញ្ញតិច្បាប់គឺពិតជាប្រឈមនឹងហានិភ័យខ្ពស់ដល់សុខភាពប្រជាពលរដ្ឋទូទៅ ការឆ្លងរាលដាលជំងឺសត្វ ជាពិសេសផលិតផលបង្កកទាំងនោះនឹងត្រូវដាក់លក់ក្នុងតម្លៃយ៉ាងថោកលើទីផ្សារដែលនិងបំផ្លាញទីផ្សារនិងផ្តួលទីផ្សារសាច់សត្វរស់នៅក្នុងស្រុកយ៉ាងធ្ងន់ធ្ងរទៀតផង។

តែទន្ទឹមនិងនេះ សមាគមអ្នកចិញ្ចឹមសត្វកម្ពុជា ក៏បានអំពាវនាវយ៉ាងទទួចដល់អាជីករនាំចូលសាច់បង្កកទាំងអស់ សូមគិតដល់សុខភាពសាធារណៈជាចម្បង និងសូមគិតដល់មោទនភាពជាតិដោយចូលរួមលើកកម្ពស់ ឬមិនបង្កបញ្ហាដល់វិស័យចិញ្ចឹមសត្វក្នុងស្រុក និងមានសំណូមពរដល់បងប្អូនជនរួមជាតិ មេត្តាពិចារណាឱ្យបានដឹតដល់មុននឹងសម្រេចចិត្តទិញសាច់បង្កកដែលអត់មានប្រភពមកបរិភោគក្នុងគ្រួសារ ឬនាំសមាជិកក្រុមគ្រួសារមិត្តភក្តិទៅបរិភោគនៅកន្លែងលក់នានាដែលមានតម្លៃថោក តាមរយៈការប្រើប្រាស់សាច់បង្កកមានភាគុណភាពទាបទំាងនោះ។

បើតាមសេចក្តីថ្លែងការណ៍របស់សមាគមអ្នកចិញ្ចឹមសត្វកម្ពុជា បានថ្លែងអំណរគុណដល់រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ និងរដ្ឋមន្ត្រីក្រសួងពាណិជ្ជកម្ម ដែលកំពុងដឹកនាំប្រកបដោយតម្លាភាពនិងមោទនភាពជាតិខ្ពស់ ណែនាំដល់មន្ត្រីជំនាញក្នុងក្រសួងឱ្យចូលរួមជំរុញ គាំពារ និងអភិវឌ្ឍន៍វិស័យកសិកម្ម និងទីផ្សារផលិតផលកសិកម្មក្នុងស្រុក ឱ្យមានភាពរឹងមាំ ស្ថិរភាព និងវឌ្ឍនភាព ក្នុងបរិបទទីផ្សារប្រកួតប្រជែង។ លើសពីនេះបានសម្តែងនូវការកោតសរសើរ ថ្លែងអំណរគុណ និងការដឹងគុណដ៏ជ្រាលជ្រៅបំផុតជូនដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលកំពុងដឹកនាំរាជរដ្ឋាភិបាលប្រកបដោយគិតិបណ្ឌិត ឈ្លាសវៃនិងមោទនភាពជាតិខ្ពស់ ជាពិសេសផ្តល់នូវអនុសាសន៍ដ៏មានតម្លៃនៅក្នុងវេទិការាជរដ្ឋាភិបាល ផ្នែកឯកជន ដែលមិនអនុញ្ញាតិឱ្យមាននាំចូលផលិតផលសាច់ដែលមានគុណភាពទាបមកក្នុងព្រះរាជាណាចក្រកម្ពុជា៕ តាកែវ

The post សមាគមអ្នកចិញ្ចឹមសត្វកម្ពុជាពេញចិត្តជាខ្លាំងចំពោះការរកឃើញសាច់បង្កកមានគុណភាពទាបយកមកដាក់លក់ក្នុងស្រុក appeared first on .

ពិធីចុះហត្ថលេខាផ្តល់ជំនួយឥតសំណងនេះ ត្រូវបានប្រគល់ដល់ស្ថាប័នទទួលជំនួយចំនួន៣ ក្រោមគ្រោងការណ៍ជំនួយឥតសំណង សម្រាប់គម្រោងទ្រង់ទ្រាយតូច សន្តិសុខមនុស្សជាតិ (ជំនួយឥតសំណងគូសាណូណិ)។ កម្មវិធីនេះ បានធ្វើឡើងនៅស្ថានទូតជប៉ុន ក្រោមអធិបតីភាពលោក អ៊ូអិណុ អាត់ស៊ូស៊ី ឯកអគ្គរដ្ឋទូតជប៉ុន ប្រចាំកម្ពុជា និងតំណាងមន្ទីរអប់រំ យុវជន និងកីឡាខេត្តកំពង់ស្ពឺ, ខេត្តកំពង់ធំ និងរដ្ឋាករទឹកមណ្ឌលគិរី កាលរសៀលថ្ងៃទី០៨ ខែវិច្ឆិកា ឆ្នាំ២០២៣។

គម្រោងដែលផ្ដល់ជំនួយដោយរដ្ឋាភិបាលជប៉ុននាពេលនេះ ដើម្បីអនុវត្តគម្រោងរួមមាន៖១៖ គម្រោងសាងសង់អគារសិក្សានៅសាលាបឋមសិក្សាស្រែកិន ក្នុងស្រុកឱរ៉ាល់ ខេត្តកំពង់ស្ពឺ (ថវិកាចំនួន៩២,៤២៥ដុល្លារអាមេរិក) សា្ថប័នទទួលជំនួយមន្ទីរអប់រំ យុវជន និងកីឡាខេត្តកំពង់ស្ពឺ។ ២៖ គម្រោងសាងសង់អគារសិក្សានៅសាលាបឋមសិក្សាឬស្សី ដូចក្នុងស្រុកប្រាសាទបល្ល័ង្ក ខេត្តកំពង់ធំ (ថវិកាចំនួន ១០០,៣៤៤ដុល្លារអាមេរិក) ស្ថាប័នទទួលជំនួយ៖ មន្ទីរអប់រំ យុវជន និងកីឡាខេត្តកំពង់ធំ។

និងទី៣៖ គម្រោងដំឡើងប្រព័ន្ធផ្គត់ផ្គង់ទឹកស្អាតក្នុងក្រុងសែនមនោរម្យ ខេត្តមណ្ឌលគិរី (ថវិកាចំនួន ១៥៦,១៥០ដុល្លារអាមេរិក) សា្ថប័នទទួលជំនួយរដ្ឋាករទឹកមណ្ឌលគិរី។ ក្នុងគម្រោងនេះ ប្រព័ន្ធផ្គត់ផ្គង់ទឹកស្អាតនឹងត្រូវបានសាងសង់ ហើយបណ្តាញចែកចាយទឹកស្អាតប្រមាណ ២៦គីឡូម៉ែត្រនឹងត្រូវបានដំឡើងនៅក្នុងក្រុងសែនមនោរម្យ ខេត្តមណ្ឌលគិរី។ តាមរយៈគម្រោងនេះ ប្រជាជនប្រមាណ ២,៥០០នាក់នឹងទទួលបានទឹកស្អាតដែលមានតម្លៃសមរម្យ និងអនាម័យគ្រប់គ្រាន់ដែលនឹងរួមចំណែកដល់ការកែលម្អកម្រិតជីវភាពរស់នៅរបស់ពួកគេ។

គួរបញ្ជាក់ដែរថា ជំនួយឥតសំណងគូសាណូណិរបស់ជប៉ុន បានចាប់ផ្ដើមនៅប្រទេសកម្ពុជា ក្នុងឆ្នាំ១៩៩១ ដើម្បីគាំទ្រដល់កិច្ចខិតខំប្រឹងប្រែងរបស់កម្ពុជាក្នុងការអភិវឌ្ឍ និងស្ថាបនាប្រទេសឡើងវិញនៅកម្រិតមូលដ្ឋាន។

ជំនួយឥតសំណងនេះ មានទិសដៅការពារជនងាយរងគ្រោះពីកត្តាមួយចំនួនដូចជា៖ ភាពក្រីក្រ និង/ឬ ភាពអកុសលនានា ដែលអាចគំរាមកំហែងដោយផ្ទាល់ដល់អាយុជីវិត ជីវភាពរស់នៅ និងសេចក្ដីថ្លៃថ្នូររបស់ពួកគេក៏ដូចជាជួយជំរុញនូវភាពម្ចាស់ការលើខ្លួនឯងរបស់ប្រជាសហគមន៍។ ចាប់តាំងពីឆ្នាំ១៩៩១ រដ្ឋាភិបាលជប៉ុន បានផ្ដល់ថវិកាជាង៦៨លានដុល្លារអាមេរិក ដល់អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអនុវត្តគម្រោងគូសាណូណិចំនួន ៦៨១គម្រោងនៅទូទាំងប្រទេសកម្ពុជា៕

The post ជប៉ុន ផ្តល់ជំនួយជិត៣៥ម៉ឺនដុល្លារ ជួយសាងសង់អគារសិក្សា និងប្រព័ន្ធផ្គត់ផ្គង់ទឹកស្អាតនៅកម្ពុជា appeared first on .

លោក Anatoly Borovik បានសម្តែងនូវការជឿជាក់ថា ចំណងមិត្តភាពរុស្សី-កម្ពុជា នឹងកាន់តែរីកចម្រើនរឹងមាំ បន្ថែមលើកិច្ចសហប្រតិបត្តិការល្អ ដែលមានស្រាប់ ក្នុងរយៈកាលនៃចំណងការទូតជាប្រវត្តិសាស្ត្រយូរលង់ប្រមាណ ៦៧ ឆ្នាំ កន្លងមកនេះ ។ ជាមួយគ្នានេះ លោកឯកអគ្គរដ្ឋទូត ក៏បានថ្លែងអំណរគុណដល់កម្ពុជា ដែលបានដើរតួនាទីក្នុងនាមជាប្រទេសសម្របសម្រួលអាស៊ាន-រុស្សី ដើម្បីលើកស្ទួយទំនាក់ទំនងកិច្ចសន្ទនាអាស៊ាន-រុស្សី បន្ថែមមួយកម្រិតទៀត។

បន្ថែមពីនេះ លោកថា ចំពោះកិច្ចសហប្រតិបត្តិការនៅក្នុងវិស័យពាណិជ្ជកម្ម និងវិនិយោគ, រុស្ស៊ីក៏បានបញ្ជាក់អំពីការប្តេជ្ញាចិត្តក្នុងការជំរុញក្រុមហ៊ុនវិនិយោគរុស្ស៊ី ឱ្យមកកម្ពុជាបន្ថែមទៀត ជាពិសេសនៅក្នុងផ្នែកឧស្សាហកម្មរថយន្ត និងគ្រឿងចក្រ គ្រឿងយន្តកសិកម្ម បរិក្ខារសុខាភិបាល និងបច្ចេកវិទ្យាព័ត៌មាន ។ 

ជាការឆ្លើយតប សម្តេចធិបតី ហ៊ុន ម៉ាណែត ក៏បានស្វាគមន៍ចំពោះវត្តមានរបស់ឯកអគ្គរដ្ឋទូតរុស្ស៊ី ដែលជាឱកាសសម្រាប់ការពិភាក្សាអំពីទំនាក់ទំនងទ្វេភាគីកម្ពុជា-រុស្ស៊ី ខណៈសម្តេចធិបតី ក៏បញ្ជាក់ថា គោលនយោបាយការបរទេសរបស់កម្ពុជា មិនមានការប្រែប្រួលឡើយ ជាពិសេសនៅក្នុងទំនាក់ទំនងទ្វេភាគីរវាងកម្ពុជា-រុស្ស៊ី ។

សូមបញ្ជាក់ដែរថា តាមរយៈជំនួបខាងលើ ក្រៅពីកិច្ចសហប្រតិបត្តិលើវិស័យដែលមានស្រាប់កម្ពុជា-រុស្សី ក៏បានប្តេជ្ញាចិត្តរួមគ្នាក្នុងការពង្រឹង និងពង្រីកបន្ថែមទៀតនូវកិច្ចសហប្រតិបត្តិការក្នុងវិស័យទេសចរណ៍ និងអប់រំ ក៏ដូចជាបញ្ហាផ្សេងៗមួយចំនួនទៀត ដែលជាផលប្រយោជន៍រួមសម្រាប់ប្រទេស និងប្រជាជន ទាំងពីរថែមទៀត៕ អត្ថបទ៖ រង្សី 

The post ទូតរុស្ស៊ី នឹងជំរុញក្រុមហ៊ុនពីប្រទេសខ្លួនមកបោះទុនវិនិយោគលើផ្នែកឧស្សាហកម្មរថយន្តនៅកម្ពុជា appeared first on .

អគ្គនាយកដ្ឋានកៅស៊ូ បានបញ្ជាក់តាមរបាយការណ៍ដដែលថា«ចំណូលពីការនាំចេញជ័រកៅស៊ូ រយៈពេល៩ខែនេះ មានចំនួន៣២០ ៦១៩ ៣៤៦ដុល្លារ ចំណែកការនាំចេញឈើកៅស៊ូមានចំនួន១ ៣០៥ ៩៨១ដុល្លារ»។

អគ្គនាយកដ្ឋានកៅស៊ូ បានបញ្ជាក់ដែរថា ក្នុងរយៈពេល៩ខែឆ្នាំនេះដែរ ជ័រកៅស៊ូមានតម្លៃ ១ ៣២៣ដុល្លារ ក្នុង១តោន ថយចុះ១៩៦ដុល្លារ ក្នុងមួយតោន ស្មើនឹង១៣ភាគរយ បើធៀបនឹងរយៈពេលដូចគ្នា ក្នុងឆ្នាំ២០២២។ ចំណែកតម្លៃ នៃការនាំចេញឈើកៅស៊ូ គិតជាមធ្យម ក្នុងខែកញ្ញា ឆ្នាំ២០២៣ មានតម្លៃ២១១ដុល្លារ ក្នុងមួយម៉ែត្រគីប។

សូមរម្លឹកដែរថា កាលពីឆ្នាំ២០២២ កន្លងទៅនេះ កម្ពុជារកចំណូលបានជាង ៥៣១លានដុល្លារ ពីការនាំចេញជ័រកៅស៊ូ និងឈើកៅស៊ូ។ ក្នុងនោះ ចំណូលពីការនាំចេញជ័រកៅស៊ូ ចំនួន ៥២៧ ៧៧៤ ៥៦៩ដុល្លារ និងចំណូលពីការនាំចេញឈើកៅស៊ូ ចំនួន ៤ ០៨៩ ២៧៣ដុល្លារ។

គិតមកដល់បច្ចុប្បន្ន កម្ពុជាមានផ្ទៃដីកៅស៊ូសរុបមានចំនួន ៤០៤ ៥៧៨ហិកតា ក្នុងនោះ ផ្ទៃដីចៀរជ័រមានចំនួន ៣១៥ ៣៣២ហិកតា ស្មើនឹង៧៨% និងផ្ទៃដីថែទាំមានចំនួន ៨៩,២៤៦ហិកតា ស្មើនឹង២២%។ ដោយឡែក ចំពោះទីផ្សារសំខាន់ៗ ក្នុងការនាំចេញកៅស៊ូរបស់កម្ពុជា មានដូចជា៖ ប្រទេសម៉ាឡេស៊ី វៀតណាម ចិន ឥណ្ឌូណេស៊ី និងសហគមអឺរ៉ុប ជាដើម៕​ អត្ថបទ៖ ពិសី

The post កម្ពុជា រកចំណូលបានជាង ៣២១លានដុល្លារពីការនាំចេញកៅស៊ូ ទៅទីផ្សារអន្តរជាតិត្រឹម៩ខែនេះ appeared first on .

លោកឧកញ៉ា វង្ស ប៊ុនហេង បានចែកទស្សនៈក្នុងវិស័យស្រូវអង្ករលើបណ្តាញសង្គមហ្វេសប៊ុកផ្ទាល់ខ្លួននារសៀលថ្ងៃទី១១កញ្ញានេះ ដោយបានលើកឡើងថា​​ កាលពី ៨ឆ្នាំមុន កម្ពុជាចាប់ផ្ដើមនាំអង្ករចេញ ធ្វើឱ្យប្រទេសថៃ ខ្វាយខ្វល់ខ្លាចបាត់ទីផ្សារ ក៏ប្រជែងទម្លាក់ថ្លៃអង្ករផ្កាម្លិះ ពីតម្លៃប្រហែល ១០៥០ដុល្លារ ចុះបន្តបន្ទាប់រហូត ដល់តម្លៃ ៧៥០ដុល្លារក្នុងមួយតោន។ ដែលធ្វើឲ្យការនាំចេញអង្ករផ្កាម្លិះរបស់ថៃ ដែលមានបរិមាណប្រហែល ៥លានតោនក្នុងមួយឆ្នាំ ខាតបង់តម្លៃអស់ប្រហែល ១៥០០លានដុល្លារ (5,000,000 t ×300 $= 1,5000,000,000 $) ប៉ុន្តែ ប្រសិនបើពេលនោះថៃសុខចិត្តទិញអង្ករផ្កាម្លិះខ្មែរ ដែលមានបរិមាណសម្រាប់នាំចេញប្រហែលតែ ២០ម៉ឺនតោនតែប៉ុណ្ណោះ។ ហើយលក់ក្នុងតម្លៃដដែល ឬ លក់ដំឡើងថ្លៃ នោះប្រទេសថៃ ចំណេញមហាសាល។

ជាការកត់សម្គាល់លោកឧកញ៉ាថា ដោយចំណាយលុយទិញអង្ករ ផ្កាម្លិះ ខ្មែរ ទាំងអស់, អស់តែចំនួន ២១០លានតែប៉ុណ្ណោះ( 200,000 t ×1050 $=210,000,000 $) មានន័យថា ប្រទេសថៃអាចចំណេញលុយបានរហូតដល់ ១.៥០០លានដុល្លារក្នុងមួយឆ្នាំ ហើយរក្សាទីផ្សារនៅដដែលទៀត។

បើតាមលោកឧកញ៉ា វង្ស ប៊ុនហេង ការប្រជែងដោយបញ្ចុះតម្លៃរបៀបនេះ ធ្វើឲ្យថៃក៏ខាតខ្មែរក៏ខាតដូចគ្នា។ គិតមើលតើថៃនិងខ្មែរខាតអស់ប៉ុណ្ណាក្នុងរយៈពេល ៨ឆ្នាំកន្លងមកនេះ និងតទៅមុខទៀត។

ផ្ទុយមកវិញ វៀតណាមយល់ឃើញថា កម្ពុជា ចាប់ផ្ដើមនាំអង្ករចេញទៅក្រៅប្រទេស និងមានការអនុគ្រោះពន្ធ EBA GSP ទៀត ប្រើយុទ្ធសាស្ត្រទិញស្រូវខ្មែរ ដែលសល់លើសតម្រូវការអោយជិតអស់ ដើម្បីកុំឲ្យស្រូវនៅស្រុកខ្មែរថោក( ដែលជាហេតុនាំឲ្យអង្ករសនៅស្រុកខ្មែរថោក) ធ្វើឱ្យវៀតណាមអាចលក់អង្ករសក្នុងបរិមាណដ៏ច្រើន នៅក្នុងប្រទេសវៀតណាមបានតម្លៃថ្លៃ។ ជាលទ្ធផល គឺធ្វើឲ្យស្រូវ ប្រភេទស្រូវប្រាំង សម្រាប់ផលិតអង្ករស ទាំងនៅប្រទេសកម្ពុជា និងនៅប្រទេសវៀតណាម បានថ្លៃទាំងអស់គ្នា។ នយោបាយឈ្នះឈ្នះ។

នៅលើទំព័រហ្វេសប៊ុកដដែល ឧកញ៉ា វង្ស ប៊ុនហេង បានគូសបញ្ជាក់ថា ឆ្នាំនេះស្រូវឡើងថ្លៃជាប្រវត្តិសាស្រ្ត មួយលានឆ្នាំមានម្ដង បានធ្វើឲ្យកសិករកម្ពុជា ទូទាំងប្រទេសសប្បាយរីករាយឥតឧបមា។ លោកឧកញ៉ាសរសេរក្នុងន័យដើមយ៉ាងដូច្នេះថា៖ «គាត់អាចចំណេញដើម្បីសងបំណុលគេ ទិញម៉ូតូថ្មី ជួសជុលផ្ទះ និងទិញឧបករណ៍ផ្សេងៗសម្រាប់ធ្វើស្រែបន្តទៅទៀត។ បើតាមអ្នកជំនាញ ផ្នែកស្បៀងអាហារនៅលើពិភពលោក បានទស្សន៍ទាយថា ស្បៀងអាហារ នឹង មានតម្លៃថ្លៃ ក្នុងរយៈពេលប្រហែល ៣ឆ្នាំបន្តទៅទៀត។ ដូច្នេះសូមកសិកទាំងឡាយខំប្រឹងធ្វើស្រែបន្តទៅទៀតពី ព្រោះស្រូវនៅតែបន្តថ្លៃនៅឡើយទេ»៕

The post ឧកញ៉ា វង្ស ប៊ុនហេង ចែករំលែកពីរបៀបទិញស្រូវអង្កររវាងកម្ពុជា-ថៃ និងវៀតណាម appeared first on .

លោក សូរ វ៉ិចទ័រ រដ្ឋលេខាធិការ ក្រសួងសាធារណការ​ និងដឹកជញ្ជូន បានឱ្យដឹងថា សកម្មភាពចុះពិនិត្យ គឺដើម្បីធ្វើការតាមដានការសាងសង់ ដើម្បីធានាថា ក្រុមហ៊ុនអនុវត្តបានត្រឹមត្រូវតាមបទដ្ឋានបច្ចេកទេសដែលបានកំណត់ សំដៅឱ្យខ្សែផ្លូវមានគុណភាព អាចប្រើប្រាស់បានយូរអង្វែង។

បើតាមក្រសួងសារធារណៈការ បានឱ្យដឹងថា គិតត្រឹមថ្ងៃទី៣១ ខែសីហា នេះ ផ្លូវជាតិលេខ៤៨ សម្រេចការសាងសង់បាន ជាង៣៥% ហើយ។ តួលេខនេះបង្ហាញឱ្យឃើញថា គម្រោងកំពុងមានវឌ្ឍនភាព បើទោះជាមានភាពយឺតយ៉ាវជាងផែនការបន្តិចក៏ដោយ។ ភាពយឺតយ៉ាវនេះបណ្តាលមកពីកត្តាភូមិសាស្រ្ត កត្តាអាកាសធាតុ បញ្ហាកូវីដ១៩ និងការប្រែប្រួលបន្ថែមទំហំការងារមួយចំនួន។ ជាការឆ្លើយតប ទៅលើភាពយឺតយ៉ាវ ក្រុមហ៊ុនអនុវត្តការសាងសង់បានស្នើសុំពន្យាពេលចំនួន ១០ខែ ដោយគ្រោងបញ្ចប់នៅខែមេសា ឆ្នាំ២០២៥ខាងមុខ។

នាឱកាសនោះ លោករដ្ឋលេខាធិការ ក្រសួងសារធារណៈ ក៏បានក្រើនរលឹកដល់ក្រុមហ៊ុនសាងសង់ និងក្រុមហ៊ុនទីប្រឹក្សាបច្ចេកទេស ត្រូវអនុវត្តការងារសាងសង់គម្រោងឱ្យបានចប់រួចរាល់ តាមផែនការដែលបានស្នើសុំ។

គួរបញ្ជាក់ថា ផ្លូវជាតិលេខ៤៨ មានប្រវែងសរុប ១៤៨គីឡូម៉ែត្រ ចាប់ផ្តើមពីចំណុចប្រសព្វជាមួយផ្លូវជាតិលេខ៤ ត្រង់ស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង។ គម្រោងត្រូវបានបើកការដ្ឋានសាងសង់ជាផ្លូវការហើយ នៅថ្ងៃទី៣ ខែមករា ឆ្នាំ២០២២ នេះ។

ផ្លូវនេះ សាងសង់ដោយក្រុមហ៊ុនកូរ៉េ ILSUNG & HANIL Joint Venture និងត្រួតពិនិត្យបច្ចេកទេសដោយក្រុមហ៊ុន KCI & KECC Joint Venture គ្រោងចំណាយ ថវិកាសរុបប្រមាណ ៦៥.១៤លានដុល្លារ ក្រោមឥណទានសម្បទានពីរដ្ឋាភិបាលសាធារណរដ្ឋកូរ៉េ៕ អត្ថបទ៖ពិសី

The post ផ្លូវជាតិលេខ៤៨ តម្លៃជាង ៦៥ លានដុល្លារ សាងសង់បានជាង ៣៥% គិតត្រឹមចុងខែសីហា appeared first on .

យោងតាមក្រសួងការងារនិងបណ្តុះបណ្តាលវិជ្ជាជីវៈបានបង្ហាញថា ក្រុមប្រឹក្សាជាតិប្រាក់ឈ្នួលអប្បបរមា កាលនៅថ្ងៃទី២៨ខែសីហា ឆ្នំា២០២៣បានបន្តពិភាក្សាកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតផលស្បែកជើង និងផលិតផលធ្វើដំណើរនិងកាបូបសម្រាប់ឆ្នំា២០២៤។ ប៉ុន្តែលទ្ធផល ភាគីតំណាងកម្មករនិយោជិត និងភាគីតំណាងនិយោជកបានលើកហេតុផល និងបង្ហាញនៅគោលជំហរផ្ទៃក្នុងរបស់ខ្លួនទៅវិញទៅមក ហើយអង្គប្រជុំបានឯកភាពគ្នាតំណត់កិច្ចពិភាក្សាបន្តទៀតនៅថ្ងៃទី៤ខែកញ្ញាឆ្នំា២០២៣។

លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាបានឱ្យដឹងថា សម្រាប់ប្រាក់ឈ្នួលអប្បបរមាសម្រាប់ឆ្នំា២០២៤ ខាងនិយោជកគេចង់តម្លើងប្រាក់ឈ្នួលឱ្យកម្មករតិចតួច តែខាងយើងទាមទារចង់បានច្រើន ខណៈការប្រជុំផ្ទៃក្នុងសហជីបលើកមុន បានស្នើរទៅខាងនិយោជកពី១២ទៅដល់២០ដុល្លារអាមេរិក។

លោក អាត់ ធន់ មានប្រសាសន៍ថា «ការកំណត់ប្រាក់ឈ្នួលអប្បបរមាសម្រាប់ឆ្នំា២០២៤ ខ្ញុំគិតថារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈថ្មី ក៏ដូចជានាយករដ្ឋមន្ត្រីថ្មីច្បាស់ជាចង់បញ្ចេញស្នាដៃហើយ ដើម្បីផ្តល់ប្រាក់ឈ្នួលអប្បរមាដល់កម្មករមានលក្ខណៈសមរម្យ និងមានការសប្បាយចិត្តផង»។

លោកសង្កត់ធ្ងន់ថា «សម្រាប់ឆ្នំាំ២០២៤ ប្រាក់ឈ្នួលអប្បបរមាអាចនិងឡើងបានច្រើនជាងឆ្នំាំមុនៗ ហើយខាងរាជរដ្ឋាភិបាលក៏មានការលើកទឹកចិត្តដល់និយោជកច្រើន បើតាមខ្ញុំស្តាប់រដ្ឋមន្ត្រីក្រសួងការងារថ្មីបានបង្ហាញថា រាជរដ្ឋាភិបាលថ្មីចង់ប្រើឱកាសនេះជួយដល់និយោជក ដើម្បីកាត់បន្ថយការចំណាយ ដោយធ្វើយ៉ាងម៉េចត្រូវតម្លើងប្រាក់ឈ្នួលជូនដល់កម្មករឱ្យបានសមរម្យ»។

លោក អន សាខន អនុប្រធានសសហព័ន្ធសហជីពសម្លេងយុវជនខ្មែរ បានបង្ហាញនៅមោទនភាពថា
ប្រាក់ឈ្នួលអប្បបរមាសម្រាប់ឆ្នំា២០២៤និងមានការតម្លើងគ្រាន់តែតិចឬច្រើនត្រូវតែឡើង ដោយសារកន្លង រាជរដ្ឋាភិបាលនីតិកាលទី៧ នៃរដ្ឋសភា មកមានការប្តេជ្ញាចិត្តខ្ពស់ថានៅពេលដែលលោកបានឡើងកាន់តំណែងជានាយករដ្ឋមន្ត្រី និងធ្វើការយកចិត្តទុកដាក់ចំពោះកម្មករនិយោជិតទំាងក្នុងនិងក្រៅប្រព័ន្ធ។

លោក អន សាខន មានប្រសាសន៍ថា«ខ្ញុំមានជំនឿជឿជាក់ថា ប្រាក់ឈ្នួលអប្បបរមារបស់កម្មករនិយោជិត នៅឆ្នំា២០២៤នឹងអាចកើនឡើងលើសពី២០០ដុល្លារអាមេរកក្នុងមួយខែ។បើតាមទស្សនៈយល់ឃើញរបស់ខ្ញុំយ៉ាងហោចណាស់ក៏បាន១០ដុល្លារអាមេរិកដែរ»៕អត្ថបទ៖សារេត

The post សហជីពមានក្តីសង្ឃឹមខ្ពស់ថាកម្មករនិយោជិតនិងទទួលបានការតម្លើងប្រាក់ឈ្នួលសម្រាប់ឆ្នំា២០២៤ខ្ពស់ជាងឆ្នំាមុនៗ appeared first on .

ជាក់ស្ដែងថ្ងៃនេះ ក្រុមហ៊ុន អ៊សខ្មែរ ក៏បានធ្វើការចុះហត្ថលេខាលើកិច្ចព្រមព្រៀងជាមួយក្រុមហ៊ុន GIBON ដើម្បីក្លាយជាដៃគូសហការក្នុងការនាំចូលនូវសាច់គោកូរ៉េ ហាន អ៊ូ (Hanwoo) ដែលមាន គុណភាពខ្ពស់បំផុត និងជាប់លំដាប់ថ្នាក់លេខ 1 នៅប្រទេសកូរ៉េ។ ដោយមានការចូលរួមក្រោម អធិបតីភាព ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ និងនេសាទ, ឯកឧត្តម ជុង ហាំង ហ្គឹន (CHUNG Hwang-geun) រដ្ឋមន្ត្រីក្រសួងកសិកម្ម ស្បៀងអាហារ និងកិច្ចការជនបទនៃ ប្រទេសកូរ៉េ, ឯកឧត្តម ផាក ជុង អ៊ុក (PARK Jung-wook) ឯកអគ្គរដ្ឋទូតកូរ៉េប្រចាំប្រទេសកម្ពុជា, អ្នកឧកញ៉ា សៀ ឬទ្ធី ប្រធានក្រុមហ៊ុន វើលដ៏ប្រ៊ីដគ្រុប និងលោក សម្បត្តិ សុធា នាយកប្រតិបតិ្ត ក្រុមហ៊ុន អ៊សខ្មែរ ព្រមទាំងភ្ញៀវកិត្តិយសជាតិ និងអន្តរជាតិ និងអ្នកសារព័ត៌មានជាច្រើននាក់ផង ដែរ។

ស្របពេលគ្នានេះដែរ ពីកម្មវិធីដ៏រំភើបរីករាយមួយនេះ ក៏បានអញ្ជើញភ្ញៀវកិត្តិយសទាំងអស់ភ្លក់នូវ រសជាតិសាច់គោកូរ៉េ ហាន អ៊ូ (Hanwoo) ដ៏ឈ្ងុយឆ្ងាញ់ ដោយមានការអត្ថាធិប្បាយពីខាងចុងភៅដ៏ ជំនាញជនជាតិកូរ៉េ។

លោក សម្បត្តិ សុធា នាយកប្រតិបតិ្ត ក្រុមហ៊ុន អ៊សខ្មែរ ក៏បានបញ្ជាក់យ៉ាងច្បាស់ដែរថា “សាច់គោ កូរ៉េ ហាន អ៊ូ (Hanwoo) ដែលបាននាំចូលមកពីប្រទេសកូរ៉េនេះ គឺត្រូវបានត្រួតពិនិត្យគុណភាព យ៉ាងត្រឹមត្រូវ ដោយមានការវាយតម្លៃកម្រិតគុណភាព, បញ្ជាក់ពីគុណភាព, និងត្រាទទួលស្គាល់ នូវគុណភាព ជាពិសេសសាច់គោកូរ៉េ ហាន អ៊ូ (Hanwoo) បានផលិតក្រោមលក្ខខណ្ឌធានា សុវត្ថិភាពអនាម័យ ដោយប្រើប្រព័ន្ធ HACCP ដែលផ្ដល់នូវទំនុកចិត្តខ្ពស់ដល់អ្នកបរិភោគ។”

រីឯ លោក លី ជនហូ (LEE Jun-ho) នាយកប្រតិបត្តិក្រុមហ៊ុន ឃីប៊ន (GIBON) ក៏បានបន្ថែមទៀតថា “សាច់គោកូរ៉េ ហាន អ៊ូ (Hanwoo) គឺជាសាច់គោដែលមានគុណភាពខ្ពស់ និងមានរសជាតិ ឆ្ងាញ់។ សាច់គោកូរ៉េ ហាន អ៊ូ (Hanwoo) គឺត្រូវបានយកចិត្តទុកដាក់យ៉ាងខ្លាំងពីកសិដ្ឋានចិញ្ចឹមគោ របស់​ហាន អ៊ូ (Hanwoo) គោត្រូវបានចិញ្ចឹមនៅលើវាលស្មៅ ផ្ដល់ចំណីជាគ្រាប់ធញ្ញជាតិដែលធ្វើឱ្យ គោមានសុខភាពល្អ អាចផលិតបានសរសៃខ្លាញ់ដែលល្អបំផុត និងសម្បូរដោយប្រូតេអ៊ីនច្រើន ជាងសាច់គោធម្មតា។”

សូមបញ្ជាក់ផងដែរថា អតិថិជនអាចស្វែងរកទិញប្រភេទសាច់គោកូរ៉េ ហានអ៊ូ (Hanwoo) គុណភាព លំដាប់នេះ មានតែនៅក្រុមហ៊ុន អ៊សខ្មែរ តែមួយគត់៕

The post ក្រុមហ៊ុន អ៊សខ្មែរ បានរួមសហការជាមួយក្រុមហ៊ុន GIBON ធ្វើការនាំចូលនូវសាច់គោកូរ៉េ Hanwoo លេខ ១ មកកាន់ទីផ្សារកម្ពុជា appeared first on .