ព្រះអង្គម្ចាស់ Harald ទី៥ ដែលជាព្រះមហាក្សត្រគ្រងរាជ្រចំណាស់ជាងគេទ្វីបអឺរ៉ុប ត្រូវបានបញ្ជូនទៅកាន់មន្ទីរពេទ្យ នៅថ្ងៃទី១៧ ខែសីហា ដោយសារតែជម្ងឺឈាមកក ដែលជាស្ថានភាពមួយធ្វើឲ្យកោសិកាគ្រាប់ឈាមក្រហមត្រូវបានបំផ្លាញក្នុងអត្រាលឿនខុសប្រក្រតី និងបណ្តាលឱ្យអស់កម្លាំង រួមទាំងមានដង្ហើមខ្លី ផងដែរ។

គួរឲ្យដឹងថា ស្តេច Harald V បានឡើងគ្រងរាជ្យចាប់តាំងពីនៅឆ្នាំ១៩៩១ មក ហើយបានជួបប្រទះបញ្ហាសុខភាពជាច្រើនក្នុងរយៈពេលប៉ុន្មានឆ្នាំចុងក្រោយនេះ ដែលបង្ខំឱ្យទ្រង់ដាក់ឧបករណ៍បង្កើនល្បឿនចង្វាក់បេះដូង និងកាត់បន្ថយកាលវិភាគផ្លូវការរបស់ទ្រង់។

តែទោះជាយ៉ាងណាក៏ដោយ ទ្រង់តែងតែបដិសេធលទ្ធភាពនៃការដាក់រាជ្យ ដោយអះអាងថា ទ្រង់បានស្បថនៅចំពោះមុខសភាន័រវែសដើម្បីបម្រើការអស់មួយជីវិត។

គួរជម្រាបជូនផងដែរថា ព្រះអង្គម្ចាស់ Haakon ដែលជាបុត្រច្បងរបស់ស្តេច​ Harald V នឹងឡើងគ្រងរាជ្យសម្បត្តិបន្តពីព្រះបិតារបស់ទ្រង់។

The post ស្តេចនៃប្រទេសន័រវែស យាងចូលទិវង្គត ក្រោយសម្រាកព្យាបាលនៅមន្ទីរពេទ្យអស់ ១០ថ្ងៃ appeared first on .

យោងតាមទិន្នន័យរបស់ Forbes បានបង្ហាញឲ្យដឹងថា អ្នកដែលទទួលបានប្រាក់ចំណេញច្រើនជាងគេគឺលោក Low Tuck Kwong ដែលមានតំណែងជាអ្នកមានបំផុត នៅក្នុងប្រទេសផងដែរ។ ទ្រព្យសម្បត្តិរបស់លោកបានកើនឡើង ៤ពាន់លានដុល្លារបន្ថែមទៀត ធ្វើឲ្យចំនួនសរុបកើនឡើងដល់ ២០,៧ពាន់លានដុល្លារ ក្នុងរយៈពេលត្រឹមតែមួយខែ។

ទន្ទឹមនឹងនេះ លោក Prajogo Pangestu ដែលជាអ្នកមានបំផុតទីពីរនៅក្នុងប្រទេសឥណ្ឌូនេស៊ី និងជាប្រធានក្រុមហ៊ុន Barito Pacific ទទួលបានប្រាក់ចំណេញជិត ១ពាន់លានដុល្លារ ដែលធ្វើឲ្យចំនួនទ្រព្យសម្បត្តិសរុបរបស់លោក កើនឡើងដល់ ១៦,៧ពាន់លានដុល្លារ។

ដោយឡែក លោក Robert Budi Hartono ដែលជាមហាសេដ្ឋីមានបំផុតលំដាប់ទីបី និងជាម្ចាស់ភាគហ៊ុនធំរបស់ធនាគារ Bank Central Asia បានបន្ថែមលុយចំនួន ៧០០លានដុល្លារ ទៅក្នុងទ្រព្យសម្បត្តិសរុបរបស់លោកដែលមានចំនួន ១៦,៣ពាន់លានដុល្លារ ផងដែរ។

ចុងក្រោយគឺមហាសេដ្ឋី Anthoni Salim ម្ចាស់ក្រុមហ៊ុន Indofood Sukses Makmurនិងជាអ្នកមានបំផុតទីបួនរបស់ឥណ្ឌូណេស៊ី ឥឡូវនេះមានទ្រព្យសម្បត្តិសរុបចំនួន ១១ពាន់លានដុល្លារ ពោលគឺបានកើនឡើង ៧០០លានដុល្លារ គិតចាប់ពីចុងខែកក្កដាមក៕​

​

The post ត្រឹមមួយខែ មហាសេដ្ឋីកំពូលៗរបស់ឥណ្ឌូណេស៊ី កើបលុយបានជាង ៦ពាន់លានដុល្លារបន្ថែម appeared first on .

យោងតាម Forbes បានបង្ហាញថា លោក Huang បានបន្ថែមលុយចំនួន ១៥,៦ពាន់លានដុល្លារ ដែលធ្វើឲ្យចំនួនទ្រព្យសម្បត្តិសរុបរបស់លោក កើនឡើងដល់ ១៩៦,៨ពាន់លានដុល្លារ និងបានវ៉ាដាច់លោក Mark Zuckerberg មេធំរបស់ក្រុមហ៊ុន Meta និងសហស្ថាបនិកក្រុមហ៊ុន Oracle លោក Larry Ellison ផងដែរ។

យ៉ាងណាមិញ ជុំវិញការហក់ឡើងនៃទ្រព្យសម្បត្តិរបស់លោក Huang នេះ បានកើតឡើង បន្ទាប់ពីតម្លៃមូលធនទីផ្សាររបស់ Nvidia កើនឡើងជាង ៤០០ពាន់លានដុល្លារបន្ថែមទៀត ដែលធ្វើឲ្យចំនួនសរុបកើនដល់ ៥,៥២ទ្រីលានដុល្លារ។

មិនតែប៉ុណ្ណោះ នាយកផ្នែកហិរញ្ញវត្ថុ Nvidia លោកស្រី Colette Kress បានបង្ហាញក្តីរំពឹងថាប្រាក់ចំណូលរបស់ក្រុមហ៊ុននឹងកើនឡើង ៧០% នៅក្នុងឆ្នាំសារពើពន្ធ២០២៨ ខាងមុខ ខណៈពេលដែលនាយកប្រតិបត្តិក្រុមហ៊ុន លោក Jensen Huang ក៏បានអះអាងបន្ថែមថា តម្រូវការក្រុមហ៊ុនអាចបន្តកើនឡើងដល់ខ្ពស់ជាង ៧០% ផងដែរ៕​

The post មេធំ Nvidia វ៉ាដាច់លោក Mark Zuckerberg និង Ellison ឡើងតំណែងអ្នកមានបំផុតទី៦ លើលោក appeared first on .

ជុំវិញព័ត៌មាននេះត្រូវបានផ្តល់ដោយលោក Roh Tae Moon នាយកប្រតិបត្តិក្រុមហ៊ុន Samsung Electronics ក្នុងអំឡុងពេលជួបជាមួយនាយករដ្ឋមន្ត្រីវៀតណាម លោក Le Minh Hung កាលពីថ្ងៃទី២៧ ខែសីហា។

យោងតាមលោក Roh រោងចក្រផលិតស្មាតហ្វូនចំនួនពីររបស់ Samsung នៅ Bac Ninh និង Thai Nguyen បានឈានដល់ដំណាក់កាលនាំចេញសរុបចំនួន ៥០០ពាន់លានដុល្លារ នៅចុងខែមិថុនា។ ដំណាក់កាលនេះត្រូវបានសម្រេច ១៧ឆ្នាំបន្ទាប់ពីក្រុមហ៊ុនបានចាប់ផ្តើមផលិតទូរស័ព្ទនៅក្នុងប្រទេសវៀតណាមជាលើកដំបូង ក្នុងខែមេសា ឆ្នាំ២០០៩។

បច្ចុប្បន្ន Samsung គឺជាវិនិយោគិនបរទេសធំជាងគេមួយនៅក្នុងប្រទេសវៀតណាម។ សកម្មភាពវិនិយោគរបស់ Samsung នៅក្នុងប្រទេសវៀតណាមកំពុងបង្ហាញពីនិន្នាការកំណើនស្ថិរភាពយ៉ាងរឹងមាំ ដោយកាលចុងឆ្នាំមុន ការវិនិយោគសរុបរបស់ Samsung នៅក្នុងប្រទេសវៀតណាម បានឈានដល់ ២៤ពាន់លានដុល្លារ។

មិនតែប៉ុណ្ណោះ ក្នុងអំឡុងពេលនៃកិច្ចប្រជុំនោះ នាយករដ្ឋមន្ត្រីវៀតណាម Le Minh Hung បានស្នើឱ្យ Samsung ប្រែក្លាយវៀតណាមពី “មូលដ្ឋានផលិតកម្ម” ទៅជា “មូលដ្ឋានបច្ចេកវិទ្យា ការស្រាវជ្រាវ និងការអភិវឌ្ឍ (R&D)” ផងដែរ។

ទន្ទឹមនឹងនេះ​ លោក Roh Tae Moon បានអះអាងថា Samsung ចាត់ទុកវៀតណាមជាដៃគូយុទ្ធសាស្ត្រ និងបន្តពង្រីកការវិនិយោគលើការស្រាវជ្រាវ ការបណ្តុះបណ្តាលធនធានមនុស្សបច្ចេកវិទ្យាខ្ពស់ និងការគាំទ្រអាជីវកម្មក្នុងស្រុកឱ្យចូលរួមក្នុងខ្សែច្រវាក់ផ្គត់ផ្គង់សកលបន្ថែមទៀតផងដែរ៕

The post ក្រុមហ៊ុន Samsung នាំចេញស្មាតហ្វូនមានតម្លៃ ៥០០ពាន់លានដុល្លារ ពីវៀតណាម ក្នុងប្រតិបត្តិការ ១៧ឆ្នាំ appeared first on .

ជុំវិញហក់ឡើងនេះ បានកើតឡើងបន្ទាប់ពីនាយកផ្នែកហិរញ្ញវត្ថុលោកស្រី Colette Kress បានបង្ហាញក្តីរំពឹងថាប្រាក់ចំណូលរបស់ក្រុមហ៊ុននឹងកើនឡើង ៧០% នៅក្នុងឆ្នាំសារពើពន្ធ២០២៨ ខណៈពេលដែលនាយកប្រតិបត្តិក្រុមហ៊ុន គឺលោក Jensen Huang ក៏បានអះអាងបន្ថែមថា តម្រូវការក្រុមហ៊ុនអាចបន្តកើនឡើងដល់ខ្ពស់ជាង ៧០% ផងដែរ។

គួរឲ្យដឹងថា ប្រាក់ចំណូលប្រចាំត្រីមាសទី២ របស់ក្រុមហ៊ុន Nvidia បានកើនឡើងជាង ២ដងបើធៀបទៅនឹងរយៈពេលដូចគ្នាកាលពីឆ្នាំមុន ដោយកើនឡើងដល់ ៩៦,២ពាន់លានដុល្លារ ពោលគឺបានលើសពីការរំពឹងទុកចំនួន ៩២,១ពាន់លានដុល្លារ។

ជម្រាបជូនផងដែរថា បើទោះបីជាមានការលូតលាស់ខ្លាំងក៏ដោយ ប៉ុន្តែក្រុមហ៊ុនផលិតបន្ទះឈីបដ៏កំពូលរបស់អាមេរិកមួយនេះ នោតែប្រឈមមុខទៅនឹងកង្វះខាតការផ្គត់ផ្គង់ផលិតផល ដោយសារតែក្រុមហ៊ុនផលិតបន្ទះឈីប TSMC របស់តៃវ៉ាន់ និងទីផ្សារបន្ទះឈីបអង្គចងចាំរបស់ពិភពលោក កំពុងជួបប្រទះទៅនឹងការខ្វះខាតធ្ងន់ធ្ងរ៕​

The post តម្លៃមូលធនទីផ្សារ Nvidia កើនឡើងជាង ៤០០ពាន់លានដុល្លារបន្ថែម ត្រឹមតែការជួញដូរម្តង appeared first on .

សង្គ្រាមនៅមជ្ឈិមបូព៌ាកំពុងប៉ះពាល់យ៉ាងខ្លាំងដល់សមត្ថភាពនាំចេញប្រេងរបស់តំបន់នេះ ព្រមទាំងបង្កការខូចខាតដល់ហេដ្ឋារចនាសម្ព័ន្ធថាមពលនៃបណ្តាប្រទេសមួយចំនួនដែលជាសមាជិកអង្គការនៃប្រទេសនាំចេញប្រេង (OPEC) ផងដែរ។ សង្គ្រាមនេះបានកាត់បន្ថយទីផ្សាររបស់ក្រុមនេះ និងធ្វើឱ្យសមត្ថភាពរបស់ពួកគេក្នុងការជះឥទ្ធិពលលើតម្លៃប្រេងធ្លាក់ចុះយ៉ាងខ្លាំង។ នាពេលនេះ ការប្រកាស និងការសម្រេចចិត្តគោលនយោបាយរបស់ OPEC និងសម័្ពន្ធមិត្ត (OPEC+) ស្ទើរតែមិនអាចធ្វើឱ្យទីផ្សារប្រេងមានការប្រែប្រួលទៀតនោះឡើយ។

ផ្ទុយទៅវិញ ការកាត់បន្ថយការនាំចូលប្រេងឆៅរបស់ប្រទេសចិន បានក្លាយជាកត្តាមួយក្នុងចំណោមកត្តាដ៏សំខាន់បំផុតដើម្បីកំណត់ទីផ្សារប្រេងឆៅពិភពលោក នៅក្នុងឆ្នាំ២០២៦ នេះ។ សកម្មភាពនេះបានរួមចំណែកដល់ការរក្សាតុល្យភាពទីផ្សារប្រេង ក្នុងអំឡុងពេលមានការរំខានដល់ការផ្គត់ផ្គង់ដ៏ធ្ងន់ធ្ងរបំផុតក្នុងប្រវត្តិសាស្ត្រដែលបណ្តាលមកពីការបិទច្រកសមុទ្រ Hormuz ។

យ៉ាងណាមិញ យោងតាមការគណនារបស់ទីភ្នាក់ងារសារព័ត៌មាន Reuters ដោយផ្អែកលើទិន្នន័យពីទីភ្នាក់ងារថាមពលអន្តរជាតិ (IEA) បានឱ្យដឹងថា OPEC+ បានរួមចំណែក ៤០% ប៉ុណ្ណោះនៃផលិតកម្មប្រេងសរុបសកល ក្នុងខែកក្កដា។ តួលេខនេះបានថយចុះពីជាង ៤៨% មុនពេលសង្គ្រាមផ្ទុះឡើងនៅចុងខែកុម្ភៈ។ តែទោះជាយ៉ាងណាក៏ដោយ ប្រហែល ៤% ទៅ ៥% នៃកម្រិតធ្លាក់ចុះនេះ គឺដោយសារតែការដកខ្លួនរបស់ប្រទេសអារ៉ាប់រួម (UAE) ចេញពីអង្គការ OPEC កាលពីខែឧសភា។

គួរឲ្យដឹងថា ប្រទេសស្នូលចំនួន ៧ នៅក្នុង OPEC+ រួមទាំងអារ៉ាប៊ីសាអ៊ូឌីត និងរុស្ស៊ី បានរួមចំណែកត្រឹមតែ ២៥% នៃផលិតកម្មប្រេងពិភពលោក ក្នុងខែកក្កដា។ សង្គ្រាមបានកាត់បន្ថយសមត្ថភាពក្នុងការដំឡើង ឬកាត់បន្ថយការផ្គត់ផ្គង់យ៉ាងឆាប់រហ័សរបស់ OPEC+ នៅពេលដែលច្រកសមុទ្រ Hormuz ត្រូវបានបិទ។ ច្រកនេះគឺជាផ្លូវនាំចេញដ៏សំខាន់សម្រាប់អារ៉ាប៊ីសាអ៊ូឌីត ដែលជាប្រទេសផលិតធំបំផុតរបស់ OPEC ក៏ដូចជាសមាជិកផ្សេងទៀតដូចជា អ៊ីរ៉ាក់ និងកុវ៉ែតជាដើម។

ជម្រាបជូនថា ចាប់តាំងពីខែមីនាមក OPEC+ បានប្រកាសពីការបង្កើនផលិតកម្មប្រេងរបស់ខ្លួនដល់ទៅ ៦ លើក។ តែទោះជាយ៉ាងណាក៏ដោយ ដោយសារតែការបិទច្រកសមុទ្រ Hormuz ការបង្កើននៃចំនួននេះ គឺមានតែនៅលើក្រដាសប៉ុណ្ណោះ។ ការសម្រេចចិត្តទាំងនោះស្ទើរតែមិនមានផលប៉ះពាល់ដល់តម្លៃប្រេងទៀតនោះឡើយ លើកលែងតែការសម្រេចចិត្តក្នុងខែកក្កដា នៅពេលដែលអាមេរិក និងអ៊ីរ៉ង់កំពុងស្ថិតក្នុងកិច្ចព្រមព្រៀងបទឈប់បាញ់៕​

The post OPEC+ កាន់តែបាត់បង់អំណាចរបស់ខ្លួន នៅក្នុងទីផ្សារប្រេងរបស់ពិភពលោក ក្រោយសង្គ្រាមអ៊ីរ៉ង់ appeared first on .

លោក ត្រាំ បាននិយាយប្រាប់ទៅកាន់អ្នកសារព័ត៌មាននៅសេតវិមានកាលពីថ្ងៃទី២៧ ខែសីហា ដោយលើកឡើងពីទំនាក់ទំនងជាមួយប្រធានាធិបតី លោក វ៉្លាឌីមៀ ពូទីនថា ៖” ខ្ញុំមានកិច្ចសន្ទនាល្អៗជាមួយគាត់។ ហើយរុស្ស៊ីនឹងមិនវាយប្រហារលើដែនដីរបស់ NATO នោះឡើយ”។

គួរឲ្យដឹងថាកិច្ចសន្ទនាតាមទូរស័ព្ទជាសាធារណៈចុងក្រោយបង្អស់រវាងមេដឹកនាំអាមេរិក និងរុស្ស៊ី បានប្រព្រឹត្តទៅកាលពីខែមិថុនា។ ចំណែកការជួបគ្នាផ្ទាល់លើកចុងក្រោយរវាងប្រធានាធិបតីទាំងពីរ គឺនៅក្នុងកិច្ចប្រជុំកំពូលនៅរដ្ឋ Alaska កាលពីខែសីហា ឆ្នាំ២០២៥។

យ៉ាងណាមិញ យោងតាមកាសែត Wall Street Journal និង CBS News កាលពីពេលមុននេះ​ បានរាយការណ៍ថា លោក John Ratcliffe នាយកទីភ្នាក់ងារស៊ើបការណ៍សម្ងាត់កណ្តាលអាមេរិក (CIA) បានធ្វើដំណើរទៅកាន់ទីក្រុងម៉ូស្គូដោយមិនបានប្រកាសមុន កាលពីថ្ងៃទី២៥ សីហា ដើម្បីបញ្ចុះបញ្ចូលរុស្ស៊ីកុំឱ្យវាយប្រហារលើ NATO បន្ទាប់ពីការវាយតម្លៃរបស់ស៊ើបការណ៍អាមេរិកបង្ហាញថា រុស្ស៊ីអាចនឹងប្រឈមមុខជាមួយ NATO ក្នុងរយៈពេលប៉ុន្មានឆ្នាំខាងមុខ។

ប៉ុន្តែទោះជាយ៉ាងណាក៏ដោយ លោក ត្រាំ បានឆ្លើយតបជុំវិញបញ្ហានេះវិញថា ៖”ខ្ញុំមិនចង់ធ្វើអត្ថាធិប្បាយលើរឿងនេះនោះទេ ប៉ុន្តែខ្ញុំប្រាកដចិត្តថារុស្ស៊ីនឹងមិនវាយប្រហារ NATO ឡើយ”។

មិនតែប៉ុណ្ណោះ មេដឹកនាំអាមេរិករូបនេះ ក៏បានឱ្យដឹងកាលពីថ្ងៃទី២៦ សីហាថា ដំណើរទស្សនកិច្ចរបស់នាយក CIA មានលក្ខណៈពាក់កណ្តាលផ្លូវការ ឬ (semi-routine) ដោយបញ្ជាក់ថា សកម្មភាពនេះគ្រាន់តែជាផ្នែកមួយនៃកិច្ចខិតខំប្រឹងប្រែងដើម្បីបព្ចាប់ជម្លោះនៅអ៊ុយក្រែនប៉ុណ្ណោះ៕​

The post ប្រធានាធិបតីអាមេរិក លោក ត្រាំ អះអាងថារុស្ស៊ី នឹងមិនវាយប្រហារមកលើដែនដីរបស់ NATO ឡើយ appeared first on .

នៅក្នុងបទសម្ភាសជាមួយប៉ុស្តិ៍ទូរទស្សន៍ Al Manar របស់លីបង់ ដែលបានចាក់ផ្សាយនៅថ្ងៃទី២៧ ខែសីហា លោកឧត្តមសេនីយ៍ Mohsen Rezaei អគ្គលេខាធិការក្រុមប្រឹក្សាសន្តិសុខជាតិកំពូលអ៊ីរ៉ង់ ត្រូវបានគេស្នើសុំឱ្យធ្វើការអត្ថាធិប្បាយលើព័ត៌មានដែលថាសហរដ្ឋអាមេរិកសង្ស័យថា អ៊ីរ៉ង់បានដាក់ Barron Trump នៅក្នុងគោលដៅវាយប្រហារ។

តែទោះជាយ៉ាងណាក៏ដោយ ទីប្រឹក្សាជាន់ខ្ពស់រូបនេះបានបដិសេធការចោទប្រកាន់នេះ ដោយបានទម្លាក់កំហុសទៅលើនាយករដ្ឋមន្ត្រីអ៊ីស្រាអែល លោក Benjamin Netanyahu ជំនួសវិញ។

លោកឧត្តមសេនីយ៍ Rezaei បានមានប្រសាសន៍ថា៖ “នេះជាការភូតភរដ៏អាក្រក់ដែលលោក Netanyahu ប្រើដើម្បីបោកប្រាស់លោក ត្រាំ។ ប្រសិនបើពួកយើងសម្រេចចិត្តធ្វើសកម្មភាព គឺគ្មាននរណាម្នាក់អាចរារាំងពួកយើងបានឡើយ។ ការភូតភរទាំងនេះត្រូវបានបង្កើតឡើងដោយលោក Netanyahu សុទ្ធសាធ”។

ជុំវិញការលើកឡើងរបស់លោក Rezaei នេះ​ បានធ្វើឡើងបន្ទាប់ពីទូរទស្សន៍រដ្ឋអ៊ីរ៉ង់ និងបណ្តាញសារព័ត៌មានដែលពាក់ព័ន្ធនឹងកងឆ្មាំបដិវត្តន៍ឥស្លាម (IRGC) កាលពីចុងសប្តាហ៍មុន បានចាកផ្សាយវីដេអូមានប្រវែងជិត ៣នាទីអំពីគម្រោងធ្វើឃាត Barron Trump។

តែទោះបីជាបានបដិសេធការចោទប្រកាន់អំពីផែនការធ្វើឃាត Barron Trump ក៏ដោយ លោកឧត្តមសេនីយ៍ Rezaei មិនបានធ្វើការអត្ថាធិប្បាយលើវីដេអូដែលប្រព័ន្ធផ្សព្វផ្សាយរបស់ប្រទេសខ្លួនបានចុះផ្សាយនោះ នៅឡើយទេ៕​

The post អ៊ីរ៉ង់ ចេញមុខបដិសេធជុំវិញការប៉ុនប៉ងធ្វើឃាតកូនប្រុសពៅសំណព្វរបស់លោក ត្រាំ appeared first on .

គួរឲ្យដឹងថា Nvidia ស្ថិតនៅក្នុងចំណោមអ្នកវិនិយោគធំៗ រួមជាមួយក្រុមហ៊ុន Salesforce និងក្រុមហ៊ុន Google របស់ Alphabet ដែលបានគាំទ្រ Hugging Face ក្នុងអំឡូងពេលមានការរៃអង្គាសទឹកប្រាក់បានចំនួន ២៣៥លានដុល្លារ កាលពីឆ្នាំ២០២៣ ដែលកាលនោះបានធ្វើឲ្យតម្លៃមូលធនទីផ្សាររបស់ក្រុមហ៊ុននេះ កើនឡើងដល់ ៤,៥ពាន់លានដុល្លារ។  

យ៉ាងណាមិញ ជុំវិញការទិញនេះ បានឡើងបន្ទាប់ពីក្រុមហ៊ុន Nvidia កាលពីថ្ងៃពុធ បានព្យាករពីការកើនឡើង ៧០% នៃប្រាក់ចំណូលសម្រាប់ឆ្នាំសារពើពន្ធបន្ទាប់របស់ខ្លួន ដែលបង្ហាញពីតម្រូវការឥតឈប់ឈរសម្រាប់ការគណនាផ្នែក AI។ Nvidia ក៏បាននិយាយផងដែរថា ខ្លួនមានថវិកាចំនួន ១៨ពាន់លានដុល្លារផ្សេងទៀត សម្រាប់ការវិនិយោគលើភាគហ៊ុន នៅឆ្នាំសារពើពន្ធ២០២៧។  

ជម្រាបជូនថា កាលពីខែកក្កដា ហេដ្ឋារចនាសម្ព័ន្ធរបស់ក្រុមហ៊ុន Hugging Face ដែលមានមូលដ្ឋាននៅទីក្រុងញូវយ៉ក ត្រូវបានរងការគំរាមកំហែងនៅពេលដែលម៉ូឌែល OpenAI មួយចំនួនបានដំណើរការខុសប្រក្រតី (gone rogue) ក្នុងអំឡុងពេលនៃការធ្វើតេស្តសន្តិសុខ ហើយបានបង្កឱ្យមានការវាយប្រហារតាមប្រព័ន្ធអ៊ីនធឺណិតទ្រង់ទ្រាយធំបំផុតមិនធ្លាប់មាន៕​

The post Nvidia យល់ព្រមទិញយកក្រុមហ៊ុន AI Hugging Face ក្នុងតម្លៃ ១២,៩ពាន់លានដុល្លារ appeared first on .

យោងតាម Forbes បានបង្ហាញឲ្យដឹងថា ទ្រព្យសម្បត្តិសរុបរបស់លោកស្រី Pham Thu Huong បានឈានដល់ ៤,១ពាន់លានដុល្លារ ដោយបានឡើងជំនួសតំណែងលោកស្រី Nguyen Thi Phuong Thao ដែលបច្ចុប្បន្នមានទ្រព្យសម្បត្តិ ៤ពាន់លានដុល្លារ និងបានកាន់តំណែងជាអ្នកមានបំផុតទីពីររបស់ប្រទេសវៀតណាមអស់រយៈពេលជាច្រើនឆ្នាំមកហើយ។

គួរឲ្យដឹងថា លោកស្រី​ Huong ជាស្ថាបនិកម្នាក់នៃក្រុមហ៊ុន Vingroup ដែលបច្ចុប្បន្នកំពុងបម្រើការជាអនុប្រធានក្រុមហ៊ុនផងដែរ។ លើសពីនេះ លោកស្រីក៏ជាប្រធានក្រុមហ៊ុន Green SM ដែលជាក្រុមហ៊ុនហៅឡានតាក់ស៉ី បង្កើតឡើងដោយមហាសេដ្ឋី Pham Nhat Vuong ដែលជាស្វាមីរបស់លោកស្រីផងដែរ។

ជម្រាបជូនថា បច្ចុប្បន្ន លោក Pham Nhat Vuong នៅតែជាអ្នកមានបំផុតនៅក្នុងប្រទេសវៀតណាម ដោយមានទ្រព្យសម្បត្តិសរុបចំនួន ៣៦,៥ពាន់លានដុល្លារ។ ប្រធានក្រុមហ៊ុន Vingroup រូបនេះជាប់ចំណាត់ថ្នាក់ទី៦០ ក្នុងបញ្ជីមហាសេដ្ឋីពិភពលោក និងជាអ្នកមានដាច់គេរបស់អាស៊ីអាគ្នេយ៍ផងដែរ៕​

The post ភរិយាថៅកែក្រុមហ៊ុន Vingroup ឡើងតំណែងជាអ្នកដាច់គេទីពីររបស់ប្រទេសវៀតណាម appeared first on .