ចាប់តាំងពីលោក Lee Kun-hee ទទួលមរណភាពក្នុងឆ្នាំ២០២០ មក អ្នកស្នងមរតករួមមាន អ្នកស្រី Hong Ra-hee ដែលជាភរិយា និងកូនៗ គឺលោក Lee Jae-yong, លោកស្រី Lee Boo-jin និងលោកស្រី Lee Seo-hyun បានក្លាយជាអ្នករ៉ាប់រងបង់ពន្ធមរតកដ៏ច្រើនមហាសាល ដែលចាប់ផ្តើមទូទាត់ចាប់តាំងពីឆ្នាំ២០២១ មក។

គួរឲ្យផងដែរថា លោក Lee Kun-hee មានទ្រព្យសម្បត្តិតម្លៃប្រហែល ២៦ពាន់ពាន់លានវ៉ុន ក្នុងនោះរួមមានផលប័ត្រដ៏ធំនៃភាគហ៊ុនក្រុមហ៊ុន Samsung អចលនទ្រព្យ និងការប្រមូលស្នាដៃសិល្បៈឯកជនជាច្រើនទៀត។ ក្នុងចំណោមនោះលោកស្រី Hong ទទួលបានចំណែកពន្ធពីទ្រព្យសម្បត្តិទាំងនេះច្រើនជាងគេ ប្រហែល ៣,១ពាន់ពាន់លានវ៉ុន បន្ទាប់មកគឺកូនៗរបស់ពួកគេ។

ជម្រាបជូនផងដែរថា ក្រុមគ្រួសារមហាសេដ្ឋីលំដាប់កំ​ពូលរបស់កូរ៉េខាងត្បូងនេះ​ បានសម្រេចជ្រើសរើសយកការបង់ពន្ធមរតកជា ៦ដំណាក់កាល ក្នុងរយៈពេល ៥ឆ្នាំកន្លងមកនេះ ហើយវានឹងត្រូវបញ្ចប់នៅត្រឹមខែមេសា ឆ្នាំ២០២៦ នេះ៕​

The post គ្រួសារម្ចាស់ក្រុមហ៊ុន Samsung គ្រោងនឹងបញ្ចប់ការបង់ពន្ធមរតកចំនួនជិត ៨ពាន់លានដុល្លារ នៅខែនេះ appeared first on .

សភានឹងធ្វើការពិចារណាលើសំណើថវិការបស់សេតវិមាន នៅចុងខែនេះ ខណៈពេលដែលសមាជិកសភា មានគោលបំណងឈានដល់កិច្ចព្រមព្រៀងសម្រាប់ការអនុម័តថវិកាថ្មី មុនពេលឆ្នាំសារពើពន្ធបញ្ចប់ នៅថ្ងៃទី៣០ ខែកញ្ញាខាងមុខ។ ក្នុងនោះដែរសមាជិកសភាបក្សសាធារណរដ្ឋមួយចំនួន បានជំរុញឲ្យមានការធ្វើឯកជនភាវូបនីយកម្មទៅលើ TSA ទាំងស្រុង។

គួរឲ្យដឹងផងដែរថា កាលពីសប្តាហ៍មុន ប្រធានាធិបតីអាមេរិក លោក ដូណាល់ ត្រាំ បានស្នើឲ្យអាកាសយានដ្ឋានតូចៗប្រើប្រាស់សន្តិសុខឯកជនជំនួសឲ្យបុគ្គលិក TSA បណ្តោះអាសន្នសិន ដែលជាជំហានដំបូងឆ្ពោះទៅរកការធ្វើឯកជនភាវូបនីយកម្មទីភ្នាក់ងារដែលមើលការខុសត្រូវចំពោះសន្តិសុខនៅតាមអាកាសយានដ្ឋាននេះ។

ជម្រាបជូនផងដែរថា បុគ្កលិក TSA ដែលមានចំនួនសរុបប្រមាណ ៦០ ០០០ នាក់ បានធ្វើការងាររបស់ពួកគេដោយគ្មានប្រាក់ឈ្នួលអស់រយៈពេលជាច្រើនខែមកហើយ ដោយសារតែមានការបិទនូវផ្នែកខ្លះនៃក្រសួងសន្តិសុខមាតុភូមិ ដោយសារតែខ្វះថវិកាពីសភា៕​

The post លោក ត្រាំ ស្នើកាត់បន្ថយថវិកាជាង ១,៥ពាន់លានដុល្លារ និងបណ្តេញបុគ្គលិក TSA ជាង ៩ ៤០០ នាក់ appeared first on .

យោងតាមទិន្នន័យផ្លូវការពីនាយកដ្ឋានស្ថិតិសិង្ហបុរី បានបង្ហាញថា ការបិទអាជីវកម្មកាលពីឆ្នាំមុន បានកើនឡើង ៩,២៧% ដល់កម្រិតខ្ពស់បំផុត គិតចាប់តាំងពីឆ្នាំ២០១៦ មក នៅពេលដែលអាជីវកម្មចំនួន ៦០ ៧៤៦ ត្រូវបានបិទ។

គួរឲ្យដឹងថា ដោយផ្អែកតាមឧស្សាហកម្ម ពាណិជ្ជកម្មលក់ដុំមានចំនួនបិទច្រើនជាងគេគឺចំនួន ៩ ៩៨០ បន្ទាប់មកគឺសេវាកម្មវិជ្ជាជីវៈដែលមានចំនួន ៩ ៦១៦ និងព័ត៌មាន និងទំនាក់ទំនងដែលមានចំនួន ៧ ៥៥០។

ដោយឡែក ចំពោះការបង្កើតអាជីវកម្មៗ បានកើនឡើង ៩% ផងដែរ កាលពីឆ្នាំមុន ដោយឈានដល់ចំនួនកំណត់ត្រា ៧៨ ១៤៦ កន្លែង ក្នុងនោះសេវាកម្មវិជ្ជាជីវៈមានចំនួនច្រើនជាងគេ ដោយមានក្រុមហ៊ុនថ្មីៗ ចំនួន ១៣ ៤០៩ បន្ទាប់មកគឺពាណិជ្ជកម្មលក់ដុំ មានចំនួន ១២ ០៤៨ និងព័ត៌មាន និងទំនាក់ទំនង មានចំនួន ៩ ៩៩១ កន្លែង៕​

The post ចំនួនបិទអាជីវកម្មនៅសិង្ហបុរី កើនឡើងដល់កម្រិតខ្ពស់បំផុត ក្នុងពេល ៨ឆ្នាំចុងក្រោយ appeared first on .

នៅក្នុងលិខិតប្រចាំឆ្នាំរបស់លោក Dimon ដែលចេញដោយម្ចាស់ភាគហ៊ុន ចុះនៅថ្ងៃទី៦ ខែមេសា បានព្យាករពីទស្សនវិស័យសម្រាប់សេដ្ឋកិច្ចសហរដ្ឋអាមេរិក នៅឆ្នាំនេះ ដោយបង្ហាញថា សេដ្ឋកិច្ចសហរដ្ឋអាមេរិកឥឡូវនេះមានភាពរឹងមាំជាងឆ្នាំមុនៗ ដែលអាចជួយជ្រោមជ្រែអបានក្នុងកម្រិតខ្លះ ដើម្បីទប់ទល់នឹងហានិភ័យសកលដែលកំពុងលេចចេញឡើង ជាពិសេសពីជម្លោះនៅមជ្ឈិមបូព៌ា។

តែទោះជាយ៉ាងណាក៏ដោយ លោក Dimon បានអះអាងទៀតថា នោះមិនមែនមានន័យថាហានិភ័យនៃវិបត្តិសេដ្ឋកិច្ចរបស់សហរដ្ឋអាមេរិក អាចនឹងបាត់ទៅវិញនោះឡើយ។

គួរឲ្យដឹងថា នៅក្នុងជម្លោះជាមួយអ៊ីរ៉ង់ដែលមានរយៈពេលជាងមួយខែកន្លងមកនេះ បានបង្កើនហានិភ័យនៃការប៉ះទង្គិចដ៏ធំដល់តម្លៃប្រេង និងទំនិញ។ ទាំងនេះក៏អាចរំខានដល់ខ្សែសង្វាក់ផ្គត់ផ្គង់សកលផងដែរ ពោលគឺស្រដៀងគ្នាទៅនឹងអ្វីដែលបានកើតឡើង បន្ទាប់ពីជំងឺរាតត្បាតកូវីដ-១៩។

មេដឹកនាំក្រុមហ៊ុន JPMorgan រូបនេះ​ ក៏បានសង្កត់ធ្ងន់ទៀតថា ជម្លោះនេះ នឹងធ្វើឲ្យអតិផរណា និងអត្រាការប្រាក់កើនឡើង ដែលជាហេតុធ្វើឲ្យទីផ្សារភាគហ៊ុនធ្លាក់ចុះ នៅឆ្នាំនេះ។ លោក ព្រមានថាសេដ្ឋកិច្ចសហរដ្ឋអាមេរិក គឺពឹងផ្អែកខ្លាំងទៅលើកំណើន និងទីផ្សារភាគហ៊ុនដើម្បីរក្សាសន្ទុះ ហើយប្រសិនបើបញ្ហានេះកើតឡើង នោះវិបត្តិសេដ្ឋកិច្ចរបស់ប្រទេស អាចនឹងកើតមានឆាប់ៗ៕​

The post មេធំ​ JPMorgan ចេញសារព្រមានអំពីហានិភ័យនៃវិបត្តិសេដ្ឋកិច្ចអាមេរិក ដោយសារជម្លោះអ៊ីរ៉ង់ appeared first on .

លោក ត្រាំ បាននិយាយប្រាប់ទៅកាន់អ្នកយកព័ត៌មាន នៅថ្ងៃទី៦ ខែមេសាថា៖ “ប្រសិនបើមនុស្សចង់ដឹងការពិត គឺរឿងទាំងអស់បានចាប់ផ្តើមនៅ Greenland។ យើងចង់បាន Greenland ប៉ុន្តែ NATO មិនចង់ផ្តល់វាឲ្យមកយើងនោះឡើយ។ ដូច្នេះខ្ញុំគិតថាយើងដល់ពេលត្រូវលាហើយ”។

គួរឲ្យដឹងថា Greenland គឺជាទឹកដីស្វយ័តរបស់ប្រទេសដាណឺម៉ាក ដែលជារដ្ឋសមាជិកមួយរបស់អង្គការ NATO។ លោក ត្រាំ បានបង្ហាញជាយូរមកហើយនូវមហិច្ឆតារបស់ខ្លួន ក្នុងការបញ្ចូល Greenland ជាទឹកដីរបស់សហរដ្ឋអាមេរិក ដែលជាចលនាមួយប្រឈមមុខទៅនឹងការប្រឆាំងតវ៉ាយ៉ាងខ្លាំងពីសំណាក់សម្ព័ន្ធភាពនេះ។

ជម្រាបជូនផងដែរថា កន្លងមកលោក ត្រាំ ក៏បានរិះគន់ខ្លាំងៗ និងបានហៅ NATO ថាជាខ្លាក្រដាសផងដែរ ដោយសារតែពួកគេមិនគាំទ្រសហរដ្ឋអាមេរិក នៅក្នុងជម្លោះដែលកំពុងបន្តនៅមជ្ឈិមបូព៌ា៕​

The post លោក ត្រាំ បញ្ជាក់ថា Greenland គឺជាមូលហេតុដែលសហរដ្ឋអាមេរិកចង់ចេញពី NATO appeared first on .

លោក ត្រាំ បានថ្លែងនៅក្នុងសន្និសីទសារព័ត៌មានមួយ នៅថ្ងៃទី៦ ខែមេសាថា ៖”យើងមានផែនការមួយ ដោយផ្អែកលើអំណាចយោធាអាមេរិក ដែលថាស្ពានទាំងអស់នៅក្នុងប្រទេសអ៊ីរ៉ង់នឹងត្រូវបំផ្លាញមុនម៉ោង ១២យប់ស្អែក។ រោងចក្រថាមពលទាំងអស់នៅក្នុងប្រទេសអ៊ីរ៉ង់នឹងត្រូវបិទ ឆេះ ផ្ទុះ ហើយមិនអាចដំណើរការបានទៀតទេ។ ខ្ញុំចង់មានន័យថា វានឹងត្រូវបានបំផ្លាញទាំងស្រុង នៅមុនម៉ោង ១២យប់។ យើងអាចធ្វើវាបានក្នុងរយៈពេលត្រឹមតែបួនម៉ោងប៉ុណ្ណោះ ប្រសិនបើយើងចង់”។

មេដឹកនាំសហរដ្ឋអាមេរិក ក៏បានព្រមានអំពីការបំផ្លាញទាំងស្រុងទៅលើប្រទេសអ៊ីរ៉ង់ ផងដែរ ប្រសិនបើពួកគេមិនបានបំពេញតាមកាលកំណត់ដែលលោក បានប្រកាសឲ្យមានការបើកច្រកសមុទ្រ Hormuz ឡើងវិញ នៅក្នុងរយៈពេល ៤៨ម៉ោងទេនោះ។

តែទោះជាយ៉ាងណាក៏ដោយ បញ្ជាការកណ្តាល Khatam al-Anbiya ដែលជា ទីស្នាក់ការកណ្តាលកំពូលនៃកងកម្លាំងប្រដាប់អាវុធអ៊ីរ៉ង់ បានប្រកាសនៅថ្ងៃដដែលនោះថា ការគំរាមកំហែងដែលគ្មានមូលដ្ឋានរបស់លោក ត្រាំ នឹងមិនប៉ះពាល់ដល់ទឹកចិត្ត ឬប្រតិបត្តិការរបស់ទាហានខ្លួននោះឡើយ។ ហើយអ៊ីរ៉ង់ នឹងបន្តបើកប្រតិបត្តិការវាយលុកដ៏លើសលប់របស់ខ្លួនប្រឆាំងនឹងសត្រូវ ដូចជាសហរដ្ឋអាមេរិក និងអ៊ីស្រាអែល។

ជម្រាបជូនថា អ៊ីរ៉ង់ស្ទើរតែបានបិទច្រកសមុទ្រ Hormuz ដែលជាសរសៃឈាមសមុទ្រដ៏សំខាន់មួយដែលដឹកជញ្ជូនប្រេង ២០% នៃការផ្គត់ផ្គង់ប្រេងរបស់ពិភពលោក ចាប់តាំងពីសហរដ្ឋអាមេរិក និងអ៊ីស្រាអែលបានចាប់ផ្តើមការវាយប្រហាររបស់ពួកគេ នៅថ្ងៃទី២៨ ខែកុម្ភៈមក៕

The post លោក ត្រាំ ថាអាមេរិកអាចកម្ទេចស្ពាន និងរោងចក្រថាមពលអ៊ីរ៉ង់ទាំងអស់ ដោយប្រើពេលត្រឹម ៤ម៉ោង appeared first on .

ជុំវិញការប្រកាសនេះ ត្រូវបានធ្វើឡើង បន្ទាប់ពីមានកិច្ចប្រជុំ នៅថ្ងៃទី៥ ខែមេសា របស់បណ្តាប្រទេសនាំចេញប្រេងធំៗ OPEC និងសម្ព័ន្ធមិត្តិរបស់ខ្លួន ដែលហៅថា OPEC+ ដែលកំពុងបង្ហាញពីក្តីបារម្ភចំពោះស្ថានភាពទីផ្សារសកល។

គួរឲ្យដឹងផងដែរថា ក្នុងចំណោមសមាជិកទាំងនោះរួមមានប្រទេស អារ៉ាប៊ីសាអូឌីត អារ៉ាប់រួម គុយវ៉ែត និងអ៊ីរ៉ាក់ បានទទួលរងផលប៉ះពាល់ខ្លាំងបំផុត ដោយសារតែជម្លោះដែលបាននាំឲ្យមានការបិទច្រកសមុទ្រ Hormuz ស្ទើតែទាំងស្រុង គិតចាប់តាំងពីចុងខែកុម្ភៈមក។

ជម្រាបជូនថា អ៊ីរ៉ង់គឺជាសមាជិកមួយក្នុងចំណោមសមាជិកទាំង ២២ របស់ OPEC+។ អង្គការនេះបានចាប់ផ្តើមកាត់បន្ថយផលិតកម្មនៅឆ្នាំ២០២២ ដើម្បីការពារការផ្គត់ផ្គង់លើសកម្រិត និងតម្លៃទាប។ ហើយចាប់ពីខែមេសា ឆ្នាំ២០២៥ មក ផលិតកម្មរបស់ក្រុមនេះបានកើនឡើងបន្តិចម្តងៗ ដើម្បីទទួលបានចំណែកទីផ្សារឡើងវិញពីគូប្រជែងដូចជាសហរដ្ឋអាមេរិក។ រហូតមកដល់បច្ចុប្បន្ន ពួកគេបានបង្កើនផលិតកម្មបន្ថែមចំនួន ២,៩ លានបារ៉ែលក្នុងមួយថ្ងៃ៕​

The post បណ្តាប្រទេសរបស់អង្គការ OPEC+ នឹងបន្តបង្កើនផលិតកម្មប្រេង នៅក្នុងខែឧសភា​ appeared first on .

លោក Israel Katz រដ្ឋមន្ត្រីក្រសួងការពារជាតិអ៊ីស្រាអែលបានមានប្រសាសន៍នៅថ្ងៃទី៦ ខែមេសាថា ៖”កងកម្លាំងការពារអ៊ីស្រាអែល (IDF) ទើបតែបើកការវាយប្រហារយ៉ាងខ្លាំងក្លាទៅលើរោងចក្រគីមីឥន្ធនៈធំបំផុតរបស់អ៊ីរ៉ង់នៅ Asaluyeh ដែលផលិត ៥០% នៃទិន្នផលគីមីឥន្ធនៈរបស់ប្រទេសនេះ”។

មិនតែប៉ុណ្ណោះ លោក Katz បានបញ្ជាក់ទៀតថា អ៊ីស្រាអែលក៏បានវាយប្រហាររោងចក្រគីមីឥន្ធនៈធំទីពីររបស់អ៊ីរ៉ង់កាលពីសប្តាហ៍មុនផងដែរ។ ហើយចំពោះការវាយប្រហាររបស់អ៊ីស្រាអែលទៅលើរោងចក្រទាំងពីរនេះ បានធ្វើឲ្យសមត្ថភាពនាំចេញរបស់អ៊ីរ៉ង់ថយចុះអស់ ៨៥% នៅក្នុងវិស័យនេះ។

គួរឲ្យដឹងថា នេះគឺជាការវាយប្រហារផ្នែកសេដ្ឋកិច្ចយ៉ាងធ្ងន់ធ្ងរ ដែលមានតម្លៃស្មើនឹងរាប់សិបពាន់លានដុល្លារ របស់អ៊ីរ៉ង់ ខណៈកងកម្លាំងយោធាអ៊ីស្រាអែល IDF ត្រូវបានបញ្ជាឲ្យបន្តវាយប្រហារទ្រង់ទ្រាយធំលើហេដ្ឋារចនាសម្ព័ន្ធរបស់សត្រូវបន្ថែមទៀត។

ជម្រាបជូនផងដែរថា យោងតាមរដ្ឋមន្ត្រីក្រសួងការពារជាតិអ៊ីស្រាអែល បានចោទប្រកាន់ឧស្សាហកម្មគីមីឥន្ធនៈរបស់អ៊ីរ៉ង់ថាជា ម៉ាស៊ីនដ៏សំខាន់ក្នុងការផ្តល់ធនធានហិរញ្ញវត្ថុ សម្រាប់ប្រតិបត្តិការរបស់កងឆ្មាំបដិវត្តន៍អ៊ីស្លាមអ៊ីរ៉ង់ និងយោធារបស់ពួកគេ៕​

The post អ៊ីស្រាអែល បើកការវាយប្រហារលើរោងចក្រគីមីឥន្ធនៈធំបំផុតរបស់អ៊ីរ៉ង់ appeared first on .

យោងតាមសមាគមអ្នកនាំចូល និងអ្នកចែកចាយរថយន្តកូរ៉េ (KAIDA) បានរាយការណ៍ឲ្យដឹងថា ក្រុមហ៊ុន Tesla កូរ៉េខាងត្បូង បានលក់រថយន្តសរុបចំនួន ១១ ១៣០ គ្រឿងនៅក្នុងស្រុកកាលពីខែមុន ដែលជាការលក់ប្រចាំខែលើសពីចំនួន ១០ ០០០ គ្រឿងជាលើកដំបូងបំផុត។

ជម្រាបជូនថាចំពោះការលក់រថយន្តសរុបរបស់កូរ៉េខាងត្បូង ចាប់ពីខែមករាដល់ខែមីនាឆ្នាំនេះ បានឈានដល់ ២០ ៩៦៤ គ្រឿង ដោយក្នុងនោះរថយន្ត Tesla Model Y នាំមុខគេជាមួយនឹងការលក់ចំនួន ៦ ៧៤៩ គ្រឿង បន្ទាប់មកគឺ Tesla Model 3 ដែលមានចំនួន ៣ ៧០២ គ្រឿង ខណៈ Mercedes-Benz E-Class មានចំនួន ២ ៣២៣ គ្រឿង និង BMW 5 Series មានចំនួន ១ ៩០០ គ្រឿង៕​

The post Tesla លក់រថយន្តក្នុងចំនួនបំបែកកំណត់ត្រា នៅក្នុងប្រទេសកូរ៉េខាងត្បូង appeared first on .

ឥណ្ឌា ដែលជាប្រទេសនាំចូល និងប្រើប្រាស់ប្រេងធំជាងគេទីបីរបស់ពិភពលោក មិនបានទិញប្រេងពីទីក្រុងតេអេរ៉ង់សោះឡើយ គិតចាប់តាំងពីខែឧសភា ឆ្នាំ២០១៩ មក បន្ទាប់ពីមានការដាក់ទណ្ឌកម្មទ្រង់ទ្រាយធំលើប្រេងរបស់អ៊ីរ៉ង់។

ប៉ុន្តែទោះជាយ៉ាងណាក៏ដោយ ជម្លោះដែលកំពុងបន្តនៅអ៊ីរ៉ង់ បន្ទាប់ពីមានការវាយប្រហាររបស់សហរដ្ឋអាមេរិក និងអ៊ីស្រាអែលមក បានធ្វើឲ្យប្រទេសឥណ្ឌា រងផលប៉ះពាល់យ៉ាងខ្លាំងទៅលើការផ្គត់ផ្គង់ប្រេងរបស់ខ្លួន។

ជុវិញបញ្ហានេះ ក្រសួងប្រេងឥណ្ឌា បាននិយាយនៅលើបណ្តាញសង្គម X ថា ៖”ក្នុងចំណោមការរំខានដល់ការផ្គត់ផ្គង់នៅមជ្ឈិមបូព៌ា ក្រុមហ៊ុនចម្រាញ់ប្រេងឥណ្ឌា បានធានានូវតម្រូវការប្រេងឆៅរបស់ពួកគេពីកន្លែងផ្សេងៗជាច្រើន រួមទាំងពីអ៊ីរ៉ង់ផងដែរ។ ហើយមិនមានឧបសគ្គណាមួយ ក្នុងការទូទាត់សម្រាប់ការនាំចូលប្រេងឆៅពីអ៊ីរ៉ង់នោះទេ”។

ជម្រាបជូនថា កាលពីខែមុន សហរដ្ឋអាមេរិក បានសម្រេចលុបចោលទណ្ឌកម្មជាបណ្តោះអាសន្នលើប្រេង និងផលិតផលប្រេងចម្រាញ់របស់អ៊ីរ៉ង់ ដើម្បីបន្ធូរបន្ថយកង្វះខាតការផ្គត់ផ្គង់ជាសកល៕​

The post ឥណ្ឌា ទិញប្រេងពីអ៊ីរ៉ង់ជាលើកដំបូង ក្នុងរយៈពេលប្រាំពីរឆ្នាំចុងក្រោយ appeared first on .