ប្រធានគ្រប់គ្រងមូលនិធិរូបិយវត្ថុអន្តរជាតិ លោកស្រី Kristalina Georgieva នឹងបំពេញទស្សនកិច្ចទៅកាន់ប្រទេសចិន ចាប់ពីថ្ងៃទី៣០ ខែសីហា ដើម្បីជួបជាមួយថ្នាក់ដឹកនាំកំពូលៗ មុនបន្តដំណើរចូលរួមកិច្ចប្រជុំកំពូលអាស៊ាននៅឥណ្ឌូណេស៊ី និងកិច្ចប្រជុំកំពូល G20 នៅឥណ្ឌា។ នេះបើតាមការចុះផ្សាយពីសារព័ត៌មាន CNA។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ជាមួយគ្នានោះ អ្នកនាំពាក្យ IMF បានបញ្ជាក់ច្បាស់ៗថា៖ អំឡុងពេលពីថ្ងៃទី៣០ ខែសីហា ដល់ថ្ងៃទី០៣ ខែកញ្ញា ប្រធានគ្រប់គ្រងនឹងបំពេញទស្សនកិច្ចទៅចិន ដើម្បីចូលរួមកិច្ចប្រជុំទ្វេភាគី ជាមួយក្រុមថ្នាក់ដឹកនាំជាន់ខ្ពស់របស់ប្រទេសចិន។
បន្ទាប់ពីបញ្ចប់ភារកិច្ចនៅចិន លោកស្រី Georgieva នឹងបន្តដំណើរទៅកាន់ទីក្រុងហ្សាកាតា ដើម្បីចូលរួមកិច្ចប្រជុំកំពូលអាស៊ានពីថ្ងៃទី០៤ ដល់ថ្ងៃទី០៧ ខែកញ្ញា មុនបន្តដំណើរចូលរួមកិច្ចប្រជុំកំពូល G20 នៅទីក្រុងញូវដេលី ពីថ្ងៃទី០៨ ដល់ថ្ងៃទី១០ ខែកញ្ញាខាងមុខ៕
