យោងទៅតាមសម្ដីរបស់មន្ត្រីការពារជាតិជាន់ខ្ពស់អាមេរិកម្នាក់បានទម្លាយប្រាប់បណ្ដាញសារព័ត៌មានទាក់ទងនឹងព្រឹត្តិការណ៍កំពុងក្ដៅគគុករវាងរុស្ស៊ី និងអ៊ុយក្រែន ដោយលោកបានអះអាងថា ទង្វើដែលរុស្ស៊ីបានធ្វើគឺមិនធ្លាប់មានទាល់តែសោះ តាំងពីសង្គ្រាមលោកលើកទី ២។
![](https://www.oknha.news/wp-content/uploads/2022/02/Ukraine-1024x538.jpg)
បន្ថែមពីនោះ មន្ត្រីម្នាក់នេះព្រមានទៀតថា ស្ថានការណ៍នឹងកាន់តែអាក្រក់ទៅៗ បើសិនជាគ្មានដំណោះស្រាយណាមួយក្នុងពេលឆាប់ៗ ដ្បិតសង្គ្រាមមួយនេះគឺអាចបង្កហានិភ័យខ្លាំងដល់មនុស្សជាតិទូទាំងតំបន់អឺរ៉ុបគ្រប់ពេលវេលា ជាពិសេសគឺប៉ះពាល់ខ្លាំងដល់ផ្នែកសេដ្ឋកិច្ច។
![](https://www.oknha.news/wp-content/uploads/2022/02/Ukraine-1-1024x683.jpg)
“សង្គ្រាមមួយនេះគឺកើតឡើង ១០០% ដោយសារតែ Putin សម្រេចចិត្តប្រកាសសង្គ្រាមជាមួយនឹងហេតុផលគ្មានក្បាលគ្មានកន្ទុយរបស់គេ”។ នេះបើតាមសម្ដីរបស់មន្ត្រីរូបនោះបានប្រាប់ទៅបណ្ដាញសារព័ត៌មាន។
![](https://www.oknha.news/wp-content/uploads/2022/02/A-man-takes-part-in-a-protest-against-Russia-s-actions-in-Ukraine-during-a-rally-at-Shibuya-district-in-Tokyo-on-February-24-2022-Photo-by-Philip-FONG-AFP-1.jpg)
បញ្ជាក់ដែរថា មកទល់នឹងពេលនេះ អង្គការ NATO បានអះអាងថា នឹងការពារប្រទេសដែលជាសមាជិករបស់ពួកគេ និងបានស្នើសុំប្រទេសដទៃទៀតក្នុងការជួយអ៊ុយក្រែន ទប់ទល់នឹងរុស្ស៊ីផងដែរ៕
ប្រភព: CNN