បន្ទាប់ពីការវះកាត់រយៈពេល ២ម៉ោង ៣០នាទី និងសម្រាក ៣ថ្ងៃ នៅមន្ទីរពេទ្យ FV, អ្នកជំងឺស្រ្តី ប៊ុត វ៉ន អាយុ ៦៦ ឆ្នាំ (ជនជាតិកម្ពុជាអាចងើបឡើងវិញ, ស្វែងរកឱកាសដើរទៅមកបាន ហើយលែងមានការឈឺចាប់ទៀតហើយ។
មុននេះ លោកស្រី តែងតែរងនូវការឈឺចាប់យ៉ាងខ្លាំង ដែលបណ្ដាលមកពីរលាកសន្លាក់ជង្គង់ រហូតក្លាយជាពិការភាពនៅផ្នែកជង្គង់ស្ដាំ។
លោកស្រីចែករំលែកថា៖ «ពិតជាអស្ចារ្យណាស់! ខ្ញុំមិននឹកស្មានសោះថាខ្ញុំអាចដើរទៅមកឡើងវិញ។ ដោយសារតែក្រុមគ្រូពេទ្យនៃមន្ទីរពេទ្យ FV បានព្យាបាលដោយការយកចិត្តទុកដាក់ ទើបអាយុវ័យចំណាស់របស់ខ្ញុំ លែងទៅជាអង្រែកធ្ងន់ធ្ងរដល់កូនចៅ”។
ជាង១០ឆ្នាំហើយ ដែលខ្ញុំខាំធ្មេញសង្កត់ចិត្ត
បើតាមការរៀបរាប់របស់លោកស្រី ប៊ុត វ៉ន ។ លោកស្រីបាន “តស៊ូប្រយុទ្ធ” ដើម្បីបំបាត់ការខូចក្បាលជង្គង់តាំងពីជាង១០ឆ្នាំមកម្លេះ។ រហូតដល់ ឆ្នាំ២០២១, លោកស្រីបានសម្រេចចិត្តធ្វើការវះកាត់ក្បាលជង្គង់ស្តាំ ហើយលែងត្រូវទ្រាំទ្រនឹងការឈឺចាប់រ៉ាំរ៉ៃទៀតហើយ។ ប៉ុន្តែស្នាមវះកាត់ឡើងក្លាយប្រែប្រួលសណ្ឋាន បានជាលោកស្ត្រីត្រូវធ្វើការវះកាត់២លើកទៀតដើម្បីកែលំអស្ថានការណ៍។ ក្រោយវះកាត់៣ដង, ក្បាលជង្គង់មានស្នាមស្អេកស្កះ, ប៉ុន្តែគួរឱ្យសោកស្ដាយគឺលោកស្រីលែងប្រើប្រាស់ក្បាលជង្គង់បានតទៅទៀត។ អ្នកជំងឺបានត្រឹមតែអង្គុយ ឬធ្វើចលនាទៅមកដោយរទេះរុញជាមួយសកម្មភាពជីវភាពធម្មតាបំផុតដូចជា៖ ទៅបត់ដៃជើង, ងូតទឹក, លាងខ្លួន … គឺសុទ្ធតែត្រូវការមានមនុស្សមកជួយ។
នៅពេលដែលលោកស្រីកំពុងអស់សង្ឃឹម និងសង្ស័យថា៖ ខ្លួននឹងក្លាយជាមនុស្សពិការអស់មួយជីវិត ។ លោកស្រី ប៊ុត វ៉ន ត្រូវបានណែនាំឱ្យទៅរកមន្ទីរពេទ្យ FV ដែលជាកន្លែង ដែលអ្នកជំងឺកម្ពុជាជាច្រើននាក់បានមកព្យាបាល។ នៅក្នុងខែសីហា ឆ្នាំ២០២២ លោកស្រីរួមនិងស្វាមីបានមករកមន្ទីរពេទ្យ FV ដោយមានគោលបំណង គឺចង់ផ្លាស់ប្តូរសន្លាក់ក្បាលជង្គង់ថ្មី។
វេជ្ជបណ្ឌិត ត្រឿង ហ្អាង វិញ ឃៀម ផ្នែក Orthopedics និង Traumatology (ខាងរបួសនិងវះកាត់ឆ្អឹង) នៅមន្ទីរពេទ្យ FV បានឱ្យដឹងថា៖ នៅពេលលោកស្រី ប៊ុត វ៉ន បានមកដល់ពេទ្យ គឺស្ថិតក្នុងស្ថានភាពរឹងនៃសន្លាក់ក្បាលជង្គង់ស្តាំ, គឺអាចបត់ក្នុងកំរិតប្រមាណ ៧០ ដឺក្រ បានជាមិនអាចធ្វើចលនាទៅមកបាន ។ អ្នកជំងឺត្រូវអង្គុយរទេះរុញជាប់ ក្នុងសភាពពិបាកទៅមក និងជាញឹកញាប់មានការឈឺចាប់។
លោកវេជ្ជបណ្ឌិត ឃៀម បានឱ្យអ្នកជំងឺទៅថតកាំរស្មីអ៊ិច ដើម្បីពិនិត្យឡើងវិញបច្ចេកទេសវះកាត់ ក៏ដូចរកមើលទីតាំងរៀបចំកែតម្រូវក្បាលជង្គង់ជាថ្មី។ ក្នុងពេលជាមួយគ្នានោះ សន្លាក់ជង្គង់ត្រូវបានគេបូមយកសំណាកជាលិកាដើម្បីស្វែងរកបាក់តេរី។ ជាលទ្ធផលតេស្តបានឱ្យដឹងថា៖ បច្ចេកទេសវះកាត់គឺបានល្អ, ស្នាមវះកាត់មិនធ្វើឱ្យរលាកឬផ្តុំមេរោគ។ ប៉ុន្តែដោយសារឆ្លងកាត់ការវះកាត់ច្រើនដង និងសន្លាក់ជង្គង់របស់លោកស្រីបានបង្កើតបានជាដុំសាច់រឹងនិងមានស្នាមជាច្រើន។ លើសពីនេះ, អ្នកជំងឺមិនបានទទួលការណែនាំឱ្យធ្វើលំហាត់ព្យាបាលចលនារាងកាយនិងខ្វះកាំគាំទ្រស្តារមុខងារក្រោយវះកាត់។ ទាំងនេះជាមូលហេតុ, សរសៃដែលនៅជុំវិញក្បាលជង្គង់ពី១ថ្ងៃទៅ១ថ្ងៃកាន់តែរួញរួម និងរឹងមកវិញ, បង្កការលំបាកក្នុងសកម្មភាពជីវភាពរស់នៅប្រចាំថ្ងៃរបស់អ្នកជំងឺ។
គ្មានអារម្មណ៍ឈឺចាប់ទៀតទេ បន្ទាប់ពីការវះកាត់ ២ម៉ោង ៣០នាទី
ក្នុងករណីរបស់លោកស្រី ប៊ុត វ៉ន, វេជ្ជបណ្ឌិត ឃៀម បានកំណត់ថា៖ មិនចាំបាច់ត្រូវវះកាត់ប្ដូរសន្លាក់ថ្មីទេគឺគ្រាន់តែត្រូវការវះកាត់ដើម្បីយកសរសៃ ដុំសាច់រឹង និងស្លាកស្នាមនៅជុំវិញសន្លាក់ជង្គង់ និងបន្ធូរ១ផ្នែកសរសៃពួរដែលបានកន្ត្រាក់រួញរួម។ ការវះកាត់ដ៏លំបាកនេះចំណាយពេលជាង ២ម៉ោង ៣០នាទី បើប្រៀបធៀបទៅនឹងការវះកាត់ប្តូរជង្គង់ថ្មី ដែលជាធម្មតាត្រូវចំណាយពេលជាង១ម៉ោង ជាមួយនឹងនីតិវិធីបច្ចេកទេសវេជ្ជសាស្រ្តខ្ពស់បំផុត មិនអាចធ្វេសប្រហែសខុសបច្ចេកទេស សូម្បីតែមួយមីលីម៉ែត្រឡើយ។
ក្រោយពីព្យាបាលរួច អ្នកជំងឺបានឱ្យដឹងថា៖ គាត់នឹងមិនមានអារម្មណ៍ឈឺចាប់។ លោកស្រីបានទទួលការព្យាបាលដោយចលនារាងកាយនៅថ្ងៃតែមួយ ហើយត្រូវបានអនុញ្ញាតឱ្យចេញពីមន្ទីរពេទ្យ ៣ថ្ងៃក្រោយមក ជាមួយនឹងការណែនាំអំពីការធ្វើលំហាត់ប្រាណ (ចលនារាងកាយ) ពីវេជ្ជបណ្ឌិត។
ថ្មីៗនេះ, ពេលត្រឡប់មកវៀតណាមពិនិត្យឡើងវិញក្រោយ៣ខែ, លោកស្រីអាចងើបឈរខ្លួនឯងឡើងវិញ, ដើរទៅមកគួរសម្យ និងស្ថេរភាពដោយមានការគាំទ្រពីឈើច្រត់ ។ បច្ចុប្បន្ននេះ អ្នកជំងឺសប្បាយចិត្តខ្លាំងណាស់ ព្រោះគាត់ស្ទើរតែអាចរស់នៅដូចមនុស្សធម្មតាទៅហើយ។ វឌ្ឍនភាពនៃការជាសះស្បើយរបស់អ្នកជំងឺត្រូវបានវាយតម្លៃយ៉ាងល្អដោយវេជ្ជបណ្ឌិត។ អ្នកស្រី ប៊ុត វ៉ន អាចត្រឡប់មកធ្វើសកម្មភាពធម្មតាឡើងវិញក្នុងរយៈពេលដ៏ខ្លី។
ការប្តូរសន្លាក់សិប្បនិម្មិត៖ ដំណោះស្រាយសម្រាប់អ្នកដែលមានជំងឺរលាកសន្លាក់ជង្គង់
បើតាមលោកវេជ្ជបណ្ឌិត ឃៀម ៖ ការវះកាត់ជំនួសសន្លាក់សិប្បនិម្មិតគឺជាការវះកាត់ដែលមានបច្ចេកវិទ្យាខ្ពស់ បានបង្ហាញសម្រាប់អ្នក ដែលមានសន្លាក់ជង្គង់ខូច រលាកសន្លាក់ជង្គង់ ដំណាក់កាលចុងក្រោយ – ផ្ទៃឆ្អឹងខ្ចីត្រូវបានបំផ្លាញទាំងស្រុង, ឬនៅពេលដែលការព្យាបាលបែបរក្សាទុក ដូចជាប្រើថ្នាំ ការព្យាបាលដោយចលនារាងកាយ បំបាត់ការឈឺចាប់ជាដើម … លែងមានប្រសិទ្ធភាពក្នុងការធ្វើអោយប្រសើរឡើងនូវគុណភាពជីវិតរបស់អ្នកជំងឺ។ បន្ថែមពីលើជំនាញរបស់គ្រូពេទ្យវះកាត់, កត្តាមួយក្នុងចំណោមកត្តា ដែលកំណត់ជោគជ័យនៃការជំនួស ឬប្តូរសន្លាក់គឺបរិយាកាសបំបាត់មេរោគ (សំលាប់មេរោគ)។
បន្ទប់វះកាត់ស្តង់ដារអន្តរជាតិ JCI រួមចំណែកដល់ភាពជោគជ័យនៃការវះកាត់ជំនួស/ប្តូរសន្លាក់ជង្គង់នៅមន្ទីរពេទ្យ FV ។
នៅមន្ទីរពេទ្យ FV ការវះកាត់ជំនួសសន្លាក់សិប្បនិម្មិតគឺជាសេវាកម្មសំខាន់មួយ, ដែលមានចំនួនករណីពី ៧០ ទៅ ១០០ ករណីវះកាត់។ អ្នកជំងឺ ដែលបានមកប្តូរសន្លាក់ (ជង្គង់) រួចអាចធាក់កង់, ហែលទឹក,និងបើកបរឡានបានធម្មតាឡើងវិញ។
ទំនាក់ទំនង៖ (+855) 023 211 777 ឬ តេលេក្រាមលេខ (+855) 089 999 345 ដើម្បីធ្វើការណាត់ជួបនៅផ្នែក Orthopedics និង Traumatology (ខាងរបួសនិងវះកាត់ឆ្អឹង) ឆ្អឹងនៃមន្ទីរពេទ្យ FV ៕
