ក្នុងវិស័យសន្ដិសុខ ឧបនាយករដ្ឋមន្រ្ដី ស សុខា បានរំលេចអំពីលទ្ធផលនៃកិច្ចសហប្រតិបត្ដិការកន្លងមក និងបានបំផុសភាគីកាណាដាពិចារណាពង្រីកកិច្ចសហប្រតិបត្ដិការបន្ថែមទៀត ដោយផ្ដោតលើការងារបណ្ដុះបណ្ដាលជំនាញសន្ដិសុខបច្ចេកវិទ្យា ដល់មន្រ្ដីនគរបាលជាតិកម្ពុជា ជាពិសេសការពង្រឹងសមត្ថភាពស្រាវជ្រាវ បង្ការ ទប់ស្កាត់ និងបង្រ្កាបបទល្មើសឆបោកតាមប្រព័ន្ធបច្ចេកវិទ្យា។

ដោយឡែកនៅក្នុងវិស័យរដ្ឋបាលសាធារណៈ ឯកឧត្តមអភិសន្តិបណ្ឌិត ស សុខា បានបង្ហាញចំណាប់អារម្មណ៍ខ្ពស់ចំពោះប្រព័ន្ធគ្រប់គ្រងរដ្ឋបាលដែនដីនៅប្រទេសកាណាដាដោយបន្ថែមទៀតថា ក្នុងនាមក្រសួងមហាផ្ទៃនៃរាជរដ្ឋាភិបាលកម្ពុជា, ឯកឧត្ដមមានបំណងជំរុញ និងស្នើឱ្យភាគីទាំងពីរបង្កលក្ខណៈឈានទៅចាប់ផ្ដើមកិច្ចពីភាក្សាលម្អិត រកលទ្ធភាពជំរុញការផ្លាស់ប្ដូរបទពិសោធក្នុងវិស័យគ្រប់គ្រងរដ្ឋបាលដែនដី។

ឆ្លើយតបនឹងបញ្ហានេះ ឯកឧត្តម CHRISTIAN DESROCHES បានប្រកាសស្វាគមន៍ និងបានបញ្ជាក់ពីការត្រៀមខ្លួនក្នុងការជំរុញការងារនេះឱ្យទទួលបានលទ្ធផលជាផ្លែផ្កា។ ឯកឧត្ដម ថែមទាំងបានបញ្ជាក់ទៀតថា ប្រទេសកាណាដាមានការប្ដេជ្ញាចិត្ដខ្ពស់ដើម្បីពង្រីក និងជំរុញកិច្ចសហប្រតិបត្ដិការថ្មីៗបន្ថែមទៀតជាមួយប្រទេសកម្ពុជា៕

The post រដ្ឋម​ន្រ្ដីក្រសួងមហាផ្ទៃ និងឯកអគ្គរដ្ឋទូតកាណាដា ឯកភាពពង្រីកកិច្ចសហប្រតិបត្តិការបណ្ដុះបណ្ដាលជំនាញសន្ដិសុខបច្ចេកវិទ្យា appeared first on .

នៅលើបណ្ដាញសង្គមផ្លូវការ កាលពីថ្ងៃទី២១ ខែឧសភា ឆ្នាំ២០២៦ ឧបនាយករដ្ឋមន្រ្ដី ហ៊ុន ម៉ានី បានឱ្យដឹងបន្ថែមថា នៅក្នុងជំនួបនេះ ឯកឧត្ដម និងឯកឧត្តមឯកអគ្គរដ្ឋទូត ក៏បានចែករំលែកបទពិសោធទៅវិញទៅមកក្នុងវិស័យរដ្ឋបាលសាធារណៈ ជាពិសេសពាក់ព័ន្ធនឹងការកែទម្រង់ដ៏មុតស្រួចរបស់រាជរដ្ឋាភិបាលកម្ពុជានីតិកាលទី៧ ព្រមទាំងបានពិគ្រោះយោបល់ការជំរុញការផ្លាស់ប្តូររវាងប្រជាជន និងប្រជាជន ដើម្បីបន្តពង្រឹងចំណងមិត្តភាព និងទំនាក់ទំនងរវាងប្រទេសទាំងពីរ ឱ្យកាន់តែជិតស្និទ្ធ។

មុនបញ្ចប់ជំនួប ឧបនាយករដ្ឋមន្រ្ដី ហ៊ុន ម៉ានី ក៏បានជូនពរ ឯកឧត្តមឯកអគ្គរដ្ឋទូត ទទួលបានជោគជ័យក្នុងបេសកកម្មការទូតប្រចាំព្រះរាជាណាចក្រកម្ពុជា ហើយឯកឧត្ដមឧបនាយករដ្ឋមន្រ្ដីជឿជាក់ថា ទំនាក់ទំនងមិត្តភាព និងកិច្ចសហប្រតិបត្តិការទ្វេភាគីកម្ពុជា–កាណាដា នឹងបន្តរីកចម្រើន និងឈានទៅកាន់កម្រិតថ្មីបន្ថែមទៀតនាពេលអនាគត៕

The post កម្ពុជា-កាណាដា ជួបពិភាក្សាពិគ្រោះយោបល់លើកិច្ចការមួយចំនួន ពង្រឹងចំណងមិត្ដភាព និងទំនាក់ទំនងរវាងប្រទេសទាំងពីរ appeared first on .

ក្នុងជំនួបនោះ ឯកអគ្គរដ្ឋទូតកាណាដា បានវាយតម្លៃខ្ពស់ចំពោះចំណងការទូតដ៏យូរអង្វែងរវាងកម្ពុជា និងកាណាដា និងបានគូសបញ្ជាក់អំពីភាពរីកចម្រើននៃទំនាក់ទំនង រវាងប្រទេសទាំងពីរ ជាពិសេស ពាណិជ្ជកម្ម និងការវិនិយោគរបស់កាណាដា នៅកម្ពុជា។ ឯកអគ្គរដ្ឋទូតបានសង្កត់ធ្ងន់អំពីការប្ដេជ្ញាចិត្តរបស់កាណាដា ក្នុងការពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ រវាងប្រទេសទាំងពីរ ជាពិសេសក្នុងវិស័យពាណិជ្ជកម្ម និងសេដ្ឋកិច្ច។

ទន្ទឹមនេះ ឯកអគ្គរដ្ឋទូត បានគូសបញ្ជាក់ពីការប្ដេជ្ញាចិត្តរបស់កាណាដា ក្នុងការជួយគាំទ្រការរៀបចំរបស់កម្ពុជា ដែលជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីលើកទី២០ នាពេលខាងមុខនេះ ឱ្យទទួលបានជោគជ័យ ព្រមទាំងបានបញ្ជាក់ថា គណៈប្រតិភូជាន់ខ្ពស់របស់កាណាដា នឹងអញ្ជើញចូលរួមក្នុងកិច្ចប្រជុំកំពូលនេះផងដែរ។

ជាការឆ្លើយតប សម្ដេចធិបតី បានវាយតម្លៃខ្ពស់អំពីការរីកចម្រើននៃទំនាក់ទំនងរវាងប្រទេសទាំងពីរ និងសក្កានុពលក្នុងការពង្រឹងនិងពង្រីកកិច្ចសហប្រតិបត្តិការទ្វេភាគី ព្រមទាំងបានរំលេចអំពីតួនាទី និងបំណងរបស់សហគមន៍ខ្មែរនៅប្រទេសកាណាដា ក្នុងការជួយជំរុញ និងតភ្ជាប់ទំនាក់ទំនងកម្ពុជា-កាណាដា ជាពិសេសវិស័យពាណិជ្ជកម្ម និងសេដ្ឋកិច្ច។

សូមជម្រាប់ដែរថា នៅក្នុងជំនួបខាងលើ សម្ដេចធិបតី និងឯកអគ្គរដ្ឋទូតកាណាដា ក៏បានពិភាក្សាគ្នាលើការជំរុញកិច្ចសហប្រតិបត្តិការលើវិស័យសំខាន់ៗមួយចំនួន រួមមាន៖ ពាណិជ្ជកម្ម ការវិនិយោគ និងសេដ្ឋកិច្ច ការពារជាតិ និងសន្តិសុខក៏ដូចជាការប្រយុទ្ធប្រឆាំងនឹងឧក្រិដ្ឋកម្មឆ្លងដែនផងដែរ៕អត្ថបទ៖ហ្សាលីន

The post ទូតកាណាដា ប្ដេជ្ញាពង្រីកទំនាក់ទំនងជាមួយកម្ពុជាឱ្យកាន់តែស៊ីជម្រៅ ជាពិសេសក្នុងវិស័យចំនួន២ appeared first on .

ជំនួបពិភាក្សាការងារ រវាងសម្តេចធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា និងលោក Christian DesRoches ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសកាណាដា ប្រចាំព្រះរាជាណាចក្រកម្ពុជា បានធ្វើឡើងនៅព្រឹកថ្ងៃចន្ទ ទី២០ ខែមេសា ឆ្នាំ២០២៦។

សូមរម្លឹកដែរថា កាលពីពាក់កណ្តាលខែមករា ឆ្នាំ២០២៦ លោក Christian DesRoches ឯកអគ្គរដ្ឋទូតប្រទេសកាណាដាប្រចាំកម្ពុជា​ ក៏ធ្លាប់បានជួបពិភាក្សាការងារជាមួយលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុផងដែរ។នៅក្នុងជំនួបពិភាក្សាននោះ ក៏ធ្លាប់បានបញ្ជាក់ថា ក្នុងឆ្នាំ២០២៥ កន្លងទៅនេះ កម្ពុជា-កាណាដា សម្រេចទំហំពាណិជ្ជកម្មរួមគ្នាបានចំនួន ១ ៣៣៤លានដុល្លារ។ ក្នុងនោះ ការនាំចេញរបស់កម្ពូជាទៅកាណាដាមាន ១ ២៧១លានដុល្លារ កើន១៤,៦ភាគរយ ខណៈនាំចូលពីកាណាដាវិញមាន ៦៣លានដុល្លារ កើន៣,១ភាគយ ធៀបនឹងឆ្នាំ២០២៤៕អត្ថបទ៖ហ្សាលីន ​​

The post ឯកអគ្គរដ្ឋទូតកាណាដា ចូលជួបពិភាក្សាការងារជាមួយនាយករដ្ឋមន្រ្តីសម្តេចធិបតី ហ៊ុន ម៉ាណែត appeared first on .

នេះបើតាមជំនួបពិភាក្សារវាងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈប្រតិភូកម្ពុជា ជាមួយ លោក Maninder Sidhu រដ្ឋមន្ត្រីពាណិជ្ជកម្មអន្តរជាតិនៃប្រទេសកាណាដា កាលពីចុងសប្តាហ៍។

នៅក្នុងជំនួបពិភាក្សានេះ ភាគីទាំងពីរបានពិភាក្សាអំពីទំនាក់ទំនងពាណិជ្ជកម្មទ្វេភាគីរវាងកម្ពុជា និងកាណាដា និងការចរចាកិច្ចព្រមព្រៀងពាណិជ្ជកម្មសេរីអាស៊ាន–កាណាដា (ACFTA) ដែលភាគីទាំងពីររំពឹងថា គ្រោងនឹងបញ្ចប់នៅក្នុងឆ្នាំ២០២៦ នេះ។

តាមរយៈជំនួបពិភាក្សាខាងលើ ភាគីទាំងពីរ ក៏បានផ្លាស់ប្តូរទស្សនៈគ្នាអំពីលទ្ធផលរំពឹងទុកនៃសន្និសីទរដ្ឋមន្ត្រីលើកទី១៤ (MC14) ជាពិសេសលើប្រធានបទពាក់ព័ន្ធនឹងពាណិជ្ជកម្មអេឡិចត្រូនិក, កំណែទម្រង់អង្គការពាណិជ្ជកម្មពិភពលោក, ពាណិជ្ជកម្មនិងការអភិវឌ្ឍ ជាដើម។

សូមជម្រាបថា ក្រសួងសេដ្ឋកិច្ចធ្លាប់បានឱ្យដឹងថា ក្នុងរយៈពេល៥ឆ្នាំចុងក្រោយនេះ, ទំហំពាណិជ្ជកម្មទ្វេភាគីកម្ពុជា-កាណាដា បានកើនឡើងជាលំដាប់ ដោយក្នុងឆ្នាំ២០២៥ បានកើនឡើងដល់ជាង ១ប៊ីលានដុល្លារអាម៉េរិក គឺកើនឡើងប្រមាណ ១៥%ធៀបនឹងឆ្នាំមុន។ រាជរដ្ឋាភិបាលកម្ពុជា ក៏កំពុងយកចិត្តទុកដាក់ និងជំរុញលើកទឹកចិត្តបន្ថែមទៀត ដល់វិនិយោគិនកាណាដា មកដាក់ទុកវិនិយោគនៅកម្ពុជាផងដែរ៕ អត្ថបទ៖ហ្សាលីន

The post កម្ពុជា-កាណាដា គ្រោងនឹងបញ្ចប់ការចរចាកិច្ចព្រមព្រៀងពាណិជ្ជកម្មទ្វេភាគី នៅឆ្នាំ២០២៦នេះ appeared first on .

នាឱកាសនោះ ឧបនាយករដ្ឋមន្ត្រី បានសម្តែងនូវការកោតសរសើរចំពោះការកើនឡើងគូរឱ្យកត់សម្គាល់នៃទំហំពាណិជ្ជកម្មរវាងកម្ពុជា និងកាណាដា។ ជាមួយគ្នានេះ ឯកឧត្តមបានគូសបញ្ជាក់ពីលទ្ធផលដ៏ត្រចះត្រចង់ នៃបេសកកម្មទាក់ទាញនិងជំរុញវិនិយោគ ដែលគណៈប្រតិភូកម្ពុជាបានបំពេញនៅប្រទេសកាណាដាកន្លងមក។

ឯកឧត្តមថា ភាពជោគជ័យនេះ មិនត្រឹមតែបានផ្សព្វផ្សាយពីសក្តានុពលវិនិយោគរបស់កម្ពុជាប៉ុណ្ណោះទេ ប៉ុន្តែក៏បានកសាងស្ពានតភ្ជាប់ផ្ទាល់រវាងសហគមន៍ធុរកិច្ចនៃប្រទេសទាំងពីរផងដែរ។ បន្ថែមពីលើនេះ ឯកឧត្តមឧបនាយករដ្ឋមន្ត្រី បានសម្តែងនូវអំណរគុណយ៉ាងជ្រាលជ្រៅចំពោះកិច្ចសម្របសម្រួល និងការគាំទ្ររបស់ស្ថានទូតកាណាដា និងភាគីកាណាដា ដែលជាកត្តាសំខាន់ក្នុងការធានាបាននូវភាពជោគជ័យនៃបេសកកម្មខាងលើ។

ឯកឧត្តម បានយកឱកាសនេះសង្កត់ធ្ងន់លើលក្ខណៈពិសេសរបស់កម្ពុជា ដែលជាប្រទេសទីមួយ ដែលបានចុះកិច្ចព្រមព្រៀងពាណិជ្ជកម្មបដិការ ជាមួយសហរដ្ឋអាម៉េរិក។ ឯកឧត្តមថា កិច្ចព្រមព្រៀងនេះបានផ្តល់គុណប្រយោជន៍ជាយុទ្ធសាស្ត្រ ក្នុងការបង្កើនទំនុកចិត្ត និងភាពច្បាស់លាស់ដល់វិនិយោគិនអន្តរជាតិក្នុងការមកបណ្តាក់ទុនវិនិយោគនៅកម្ពុជ។

ជាការឆ្លើយតប លោក Alan Bowman បានបង្ហាញពីការប្តេជ្ញាចិត្តដ៏មុតមាំ ក្នុងការចូលរួមយ៉ាងសកម្មលើកកម្ពស់រូបភាព និងមុខមាត់របស់កម្ពុជាក្នុងវេទិកាសកល ជាពិសេសនៅក្នុងកិច្ចការពាក់ព័ន្ធនឹងបរិយាកាសទូទៅនៃសង្គម និងឧត្តមភាពនៃការវិនិយោគរបស់កម្ពុជា សំដៅធានាថាអ្នកវិនិយោគកាណាដា និងអន្តរជាតិជ្រួតជ្រាបយ៉ាងច្បាស់ និងទូលំទូលាយអំពីការរីកចម្រើនរបស់កម្ពុជា។ មន្រ្តីជាន់ខ្ពស់កាណាដារូបនេះ ក៏បានកោតសរសើរ ចំពោះការរីកចម្រើនគួរឱ្យកត់សម្គាល់របស់កម្ពុជាលើវិស័យភស្តុភារកម្មផងដែរ៕អត្ថបទ៖ ហ្សាលីន

The post មន្រ្តីជាន់ខ្ពស់កាណាដា ប្តេជ្ញាចូលរួមយ៉ាងសកម្មលើការលើកកម្ពស់ឧត្តមភាពនៃការវិនិយោគរបស់កម្ពុជា appeared first on .

នេះបើតាមរយៈជំនួបសម្តែងការគួរសម និងពិភាក្សាការងារ លើការជំរុញកិច្ចសហប្រតិបត្តិទេសចរណ៍ទ្វេភាគី និងការរៀបចំព្រឹត្តការណ៍អមក្នុងកិច្ចប្រជុំកំពូលហ្រ្វង់កូហ្វូនីលើកទី២០ ឆ្នាំ២០២៦ នៅខេត្តសៀមរាប រវាង លោក ហួត ហាក់ រដ្ឋមន្រ្តីក្រសួងទេសចរណ៍ និង លោក Christian DesRoches ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសកាណាដា កាលពីថ្ងៃទី១៤ ខែមករា ឆ្នាំ២០២៥ ។

លោកឯកអគ្គរដ្ឋទូត បានលើកឡើងថាកិច្ចសហប្រតិ្តការរវាងកម្ពុជានិងកាណាដាមានភាពល្អលើគ្រប់វិស័យកន្លងមក និងការវិនិយោគធំៗ គួរជាទីមោទនៈរបស់វិនិយោគិនកាណាដានៅកម្ពុជា ដូចជាធនាគារវឌ្ឍនៈអាស៊ី ឬស្គាល់ជាទូទៅថា ABA ដែលបានសម្រេចបណ្តាក់ទុនវិនិយោគ ផ្អែកលើសក្តានុពលវិនិយោគ និងទេសចរណ៍ ក៏ដូចជាថាមវន្តនៃប្រជាជនកម្ពុជា។​ លោកក៏បានគូសបញ្ជាក់ពីជំហរគាំទ្រដល់ក្រសួងទេសចរណ៍ក្នុងការរៀបចំ “ភូមិហ្រ្វង់កូហ្វូន – Village Francophone” ដែលជាព្រឹត្តការណ៍អមដ៏សំខាន់ក្នុងកិច្ចប្រជុំកំពូលហ្រ្វង់កូហ្វូនីលើកទី២០ ឆ្នាំ២០២៦ នៅខេត្តសៀមរាបផងដែរ។

ជាការឆ្លើយតប លោក ហួត ហាក់ បានថ្លែងអំណរគុណដល់រដ្ឋាភិបាល និងប្រជាជនកាណាដា ដែលជានិច្ចជាកាលតែងតែជួយឧបត្តម្តគាំទ្រកម្ពុជាលើគ្រប់វិស័យ ជាពិសេសលើវិស័យទេសចរណ៍ ស្តែងតាមរយៈ កំណើនភ្ញៀវទេសចរកាណាដាមកទស្សនាកម្ពុជាដែលចេះតែកើនឡើងមិនឈប់ឈរជារៀងរាល់ឆ្នាំ រួមទាំងការបណ្តាក់ទុនដោយផ្ទាល់របស់ធនាគារជាតិកាណាដា (National Bank of Canada) នៅកម្ពុជាដែលបានផ្តល់ភាពងាយស្រួលក្នុងការផ្តល់នូវសេវាកម្មទូទាត់ដល់ភ្ញៀវទេសចរ និងពាណិជ្ជករកាណាដាធ្វើដំណើរមកកម្សាន្តនៅកម្ពុជា។​

លោករដ្ឋមន្រ្តីក៏បានបញ្ជាក់ពីការត្រៀមលក្ខណៈជាស្រេចរបស់ក្រសួងទេសចរណ៍ ស្ថាប័នមានសមត្ថកិច្ច និងវិស័យឯកជនរបស់កម្ពុជា ដើម្បីទាក់ទាញ និងឆើ្លយតបនឹងកំណើនភ្ញៀវទេសចរកាណាដា ដែលរំពឹងនឹងកើនឡើងបន្ថែមទៀតនាឆ្នាំ២០២៦ លើចំនួនជិត ៤៥.០០០នាក់ នាឆ្នាំ២០២៥ កន្លងទៅនេះ តាមរយៈការពង្រឹងកិច្ចសហការជាមួយស្ថានទូតលើការផ្សព្វផ្សាយសក្តានុពលទេសចរណ៍ និងវិនិយោគរបស់កម្ពុជាឱ្យកាន់តែទូលំទូលាយ កតា្តសុខសុវត្ថភាព និងការតភ្ជាប់ហេដ្ឋារចនាសម្ព័ន្ធឱ្យកាន់តែមានល្អប្រសើរ ព្រឹត្តការណ៍ជំរុញទេសចរណ៍និងពង្រឹងគុណភាពសេវាកម្មទេសចរណ៍ និងបដិសណ្ឋារកិច្ច។

សូមបញ្ជាក់ថា រយៈពេល១១ខែ ឆ្នាំ២០២៥ ពោលគិតចាប់ពីខែមករា ដល់ដំណាច់ខែវិច្ឆិកា កម្ពុជាទទួលបានភ្ញៀវទេសចរបរទេស​ ចំនួន​៥,១៧លាននាក់ ធ្លាក់ចុះ​ប្រមាណ១៣,៨ភាគរយ បើធៀបនឹង​រយៈពេលដូចគ្នាកាលពីឆ្នាំ ២០២៤​កន្លងទៅ​៕

The post កម្ពុជា រំពឹងថានឹងទទួលបានទេសចរកាណាដាបន្ថែមទៀតនាឆ្នាំ២០២៦នេះ appeared first on .

នេះបើយោងតាមជំនួបពិភាក្សារវាងសម្តេចតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា ជាមួយលោក Christian DesRoches ឯកអគ្គរដ្ឋទូត កាណាដាប្រចាំកម្ពុជា កាលថ្ងៃទី២ ខែធ្នូ ឆ្នាំ២០២៥។

នាឱកាសនោះ លោកអគ្គរដ្ឋទូតកាណាដា បានបានបង្ហាញនូវភាពរីកចម្រើននៃទំនាក់ទំនងកម្ពុជា និងកាណាដា ខណៈលោកសង្ឃឹមថា វត្តមានរបស់លោកនៅក្នុងប្រទេសកម្ពុជា នឹងធ្វើឱ្យទំនាក់ទំនងរវាងកម្ពុជា និងកាណាដា ជាពិសេសឯកឧត្តមនឹងធ្វើយ៉ាងណាឱ្យទំនាក់ទំនងនៅក្នុងវិស័យពាណិជ្ជកម្មរវាងកម្ពុជា និងកាណាដាកាន់តែមានភាពសកម្ម។

លោកក៏បានលើកឡើងពីពាណិជ្ជកម្មរវាងប្រទេសទាំងពីរដែលក្នុងរយៈពេលចុងក្រោយនេះគឺមានភាពរីកចម្រើនគួរឱ្យកត់សម្គាល់ ដែលស្របជាមួយគ្នាទៅនឹងទំនាក់ទំនងទ្វេភាគីផ្នែកនយោបាយ និងការទូតរវាងកាណាដា និងកម្ពុជា។

ជាមួយគ្នានេះ សម្តេចតេជោ បានសម្ដែងនូវក្តីរីករាយចំពោះការវិលត្រឡប់របស់កាណាដាសាជាថ្មីក្នុងការដាក់និវេសនដ្ឋានស្ថានទូតប្រចាំកម្ពុជា ដែលនេះបង្ហាញយ៉ាងច្បាស់អំពីការយកចិត្តទុកដាក់របស់កាណាដាចំពោះទំនាក់ទំនងជាមួយនឹងប្រទេសកម្ពុជា។

សម្ដេចតេជោសង្ឃឹមថា កម្ពុជា និងកាណាដា នឹងរួមសហការគ្នាបន្ថែមទៀតដើម្បីពូនជ្រុំនូវទំនាក់ទំនងរវាងប្រទេសទាំងពីរ ដែលជាទំនាក់ទំនងប្រវត្តិសាស្ត្រយូរមកហើយ ដែលមកដល់ពេលនេះនៅតែរក្សាបាននូវទំនាក់ទំនងដ៏ល្អ និងជាផ្នែកនៃការរុញច្រាននៃទំនាក់ទំនងដទៃទៀត ទាំងផ្នែកពាណិជ្ជកម្ម និងវិនិយោគ ពិសេសនៅក្នុងផ្នែកវិនិយោគនៅព្រះរាជាណាចក្រកម្ពុជាបន្ថែមទៀត។

សូមជម្រាបថា តាមរយៈជំនួបខាងលើ ទំនាក់ទំនងពាណិជ្ជកម្មរវាងកម្ពុជា និងកាណាដា គឺការកើនឡើងដល់ជាង១ពាន់លានដុល្លារ ខណៈកម្ពុជាបានចាត់ទុកទំនាក់ទំនងពាណិជ្ជកម្មដែលមានប្រមាណជាង ១ពាន់លានដុល្លារនេះ គឺមិនមែនជារឿងសាមញ្ញទេ ដែលប្រទេសនៅឆ្ងាយពីគ្នាក៏ប៉ុន្តែអាចធ្វើពាណិជ្ជកម្មក្នុងរង្វង់ជាង១ពាន់លានដុល្លារជាមួយគ្នា គឺកើតឡើងពីការប្ដេជ្ញាចិត្ត និងការខិតខំប្រឹងប្រែងរវាងភាគីទាំងពីរ។ទូតកាណាដា ក៏បានសន្យាថា នឹងជំរុញបន្ថែមទៀត ឱ្យអ្នកវិនិយោគកាណាដាមកកម្ពុជាផងដែរ៕អត្ថបទ៖ហ្សាលីន

The post ទំនាក់ទំនងពាណិជ្ជកម្មកម្ពុជា-កាណាដា កើនឡើងដល់ជាង១ពាន់លានដុល្លារ appeared first on .

លោក ស៊ុន ចាន់ថុល បានឱ្យដឹងថា សិក្ខាសាលានេះធ្វើឡើងក្នុងគោលបំណងពង្រីកទំនាក់ទំនងសេដ្ឋកិច្ច-ពាណិជ្ជកម្ម និងបង្កើនរំហូរវិនិយោគពីប្រទេសកាណាដា មកកាន់ព្រះរាជាណាចក្រកម្ពុជា ដោយមានការចូលរួមពីសំណាក់ ថ្នាក់ដឹកនាំ និងតំណាងក្រុមហ៊ុន/សហគ្រាសកាណាដាយ៉ាងច្រើនកុះករ ដែលជាសមាជិកដ៏សំខាន់នៃបេសកកម្មពាណិជ្ជកម្មក្រុមការងារកាណាដាឆ្នាំ២០២៥ (2025 Team Canada Trade Mission – TCTM) បានប្រព្រឹត្តទៅកាលពីខែឧសភា ឆ្នាំ២០២៥ នៅរាជធានីភ្នំពេញ។ ក្រៅពីនេះ ក៏មានវត្តមានចូលរួមពីសំណាក់ក្រុមហ៊ុនកាណាដាផ្សេងទៀត ដែលកំពុងបង្ហាញការចាប់អារម្មណ៍ខ្ពស់លើទីផ្សារអាស៊ាន ជាពិសេសកម្ពុជា។

ក្នុងឱកាសនោះ លោកឧបនាយករដ្ឋមន្ត្រី ក៏បានថ្លែងបទបង្ហាញយ៉ាងក្បោះក្បាយ ដោយគូសបញ្ជាក់អំពីកំណែទម្រង់ច្បាប់វិនិយោគថ្មីរបស់កម្ពុជា ដែលផ្តល់នូវកញ្ចប់លើកទឹកចិត្តជាអតិបរមា មានភាពងាយស្រួល តម្លាភាព និងទំនុកចិត្តខ្ពស់ដល់វិនិយោគិនបរទេស ព្រមទាំងរំលេចអំពី សក្តានុពលទីតាំងភូមិសាស្ត្ររបស់កម្ពុជា ដែលជាចំនុចតភ្ជាប់នៃអាស៊ាន និងការរីកចម្រើននៃវិស័យសំខាន់ៗដូចជា កសិ-ឧស្សាហកម្ម ថាមពលកកើតឡើងវិញ និងបច្ចេកវិទ្យា សមស្របតាមចំណាប់អារម្មណ៍របស់ TCTM។

បន្ថែមពីនោះ លោកឧបនាយករដ្ឋមន្ត្រី ក៏បានបង្ហាញពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការគាំទ្រដល់ក្រុមហ៊ុនកាណាដា ឱ្យអាចអនុវត្តគម្រោងវិនិយោគរបស់ខ្លួនប្រកបដោយជោគជ័យ ដែលឆ្លុះបញ្ចាំងយ៉ាងប្រត្យក្សអំពីការលើកកម្ពស់ភាពជាដៃគូ កម្ពុជា-កាណាដា ផងដែរ។

គូសបញ្ជាក់ថា សិក្ខាសាលានេះបានប្រព្រឹត្តិទៅដោយរលូន ប្រកបដោយលទ្ធផលជាផ្លែផ្កា និងបានដើរតួជាវេទិកាមួយសម្រាប់ក្រុមហ៊ុនកាណាដា ដែលបានស្វែងយល់ពីកម្ពុជារួចហើយ អាចធ្វើការសម្រេចចិត្តវិនិយោគជាក់ស្តែង និងពង្រីកប្រតិបត្តិការរបស់ខ្លួននៅក្នុងទីផ្សារអាស៊ីអាគ្នេយ៍ តាមរយៈការប្រើប្រាស់កម្ពុជាជាមូលដ្ឋានផលិតកម្ម និងនាំចេញ៕

The post លោក ស៊ុន ចាន់ថុល បានគូសបញ្ជាក់ពីកំណែទម្រង់ច្បាប់វិនិយោគថ្មីកម្ពុជា ការផ្តល់កញ្ចប់លើកទឹកចិត្តដល់វិនិយោគិនកាណាដា appeared first on .

នេះបើតាមជំនួបពិភាក្សារវាងលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ជាមួយ លោក Khawar Nasim នាយកប្រតិបត្តិនៃស្ថាប័ន Invest Ontario ទទួលបន្ទុកទាក់ទាញការវិនិយោគមកកាន់ខេត្តអុនតារីយ៉ូ និងលោក Bernie Derible ជំនួយការអនុរដ្ឋមន្ត្រីផ្នែកកសិកម្ម អ្នកប្រឹក្សាយោបល់ពិសេស និងជាភ្នាក់ងារទូទៅរបស់ខេត្តអុនតារីយ៉ូ សម្រាប់អាស៊ាន កាលពីថ្ងៃទី២៩ ខែតុលា ឆ្នាំ២០២៥។

ក្នុងជំនួបពិភាក្សានេះ បានធ្វើឡើងក្នុងគោលបំណងដើម្បីពង្រឹងកិច្ចសហប្រតិបត្តិការសេដ្ឋកិច្ច ការវិនិយោគ និងកសិកម្មរវាងកម្ពុជា និងខេត្តអុនតារីយ៉ូ ដែលជាខេត្តមានសក្តានុពលសេដ្ឋកិច្ចធំជាងគេនៅកាណាដា។

នាឱកាសនោះ ចំពោះផ្នែកវិនិយោគ និងពាណិជ្ជកម្ម លោក ស៊ុន ចាន់ថុល បានជម្រាបពីច្បាប់វិនិយោគថ្មីរបស់កម្ពុជា ក៏ដូចជាកិច្ចខិតខំប្រឹងប្រែងរបស់រាជរដ្ឋាភិបាលក្នុងការកែទម្រង់បរិយាកាសធុរកិច្ច និងហេដ្ឋារចនាសម្ព័ន្ធដឹកជញ្ជូន។ លោក បានលើកទឹកចិត្តស្ថាប័ន Invest Ontario ឱ្យជំរុញអ្នកវិនិយោគកាណាដាមកស្វែងយល់បន្ថែមអំពីសក្តានុពលវិនិយោគនៅកម្ពុជា ពិសេស ក្នុងវិស័យកសិ-ឧស្សហកម្ម, ឧស្សហកម្មកែច្នៃចំណីអាហារ ,ឧស្សាហកម្មបច្ចេកវិទ្យា, ឧស្សាហកម្មយានយន្ត, និងការអភិវឌ្ឍន៍ហេដ្ឋារចនាសម្ព័ន្ធ ជាដើម។

ជាការឆ្លើយតប លោក Khawar Nasim បានបង្ហាញការចាប់អារម្មណ៍យ៉ាងខ្លាំងចំពោះសក្តានុពលរីកចម្រើនរបស់កម្ពុជា និងបានចែករំលែកបទពិសោធន៍របស់ស្ថាប័ន Invest Ontario ក្នុងការផ្តល់ការគាំទ្រដល់ក្រុមហ៊ុនវិនិយោគអន្តរជាតិ។ដោយឡែក ចំពោះផ្នែកកសិកម្ម និងទំនាក់ទំនងនៅក្នុងសហគមន៍ អាស៊ាន (ASEAN) លោក ក៏បានគូសបញ្ជាក់ពីតួនាទីរបស់ខេត្តអុនតារីយ៉ូក្នុងការលើកកម្ពស់ស្តង់ដារកសិកម្ម និងសុវត្ថិភាពចំណីអាហារ និងបានពិភាក្សាអំពីលទ្ធភាពនៃកិច្ចសហប្រតិបត្តិការបច្ចេកទេសលើវិស័យកសិកម្ម ការចិញ្ចឹមសត្វ និងការកែច្នៃលទ្ធផលកសិកម្ម ព្រមទាំងការសម្របសម្រួលពាណិជ្ជកម្មរវាងកម្ពុជា និងទីផ្សារកាណាដា/អាស៊ាន ផងដែរ។

សូមជម្រាបថា តាមរយៈជំនួបពិភាក្សាខាងលើនេះដែរ គឺបានប្រព្រឹត្តទៅដោយជោគជ័យ និងបានបង្កើតជាមូលដ្ឋានគ្រឹះដ៏ល្អសម្រាប់ការពង្រីកទំនាក់ទំនងសេដ្ឋកិច្ច និងវិនិយោគរវាងកម្ពុជា និងខេត្តអុនតារីយ៉ូ។ ភាគីទាំងពីរ ក៏បានប្តេជ្ញាបន្តការទំនាក់ទំនង និងសម្របសម្រួល ដើម្បីប្រែក្លាយឱកាសសក្តានុពលទៅជាគម្រោងវិនិយោគជាក់ស្តែងនាពេលអនាគតថែមទៀត៕ អត្ថបទ៖ហ្សាលីន

The post កាណាដា ចង់ពង្រីកសហប្រតិបត្តិការបច្ចេកទេសលើវិស័យកសិកម្ម និងការកែច្នៃផលកសិកម្មនៅកម្ពុជា appeared first on .