ពិធីនេះមានការអញ្ជើញចូលរួមពីលោក សរ សុពុត្រា អភិបាលខេត្តស្ទឹងត្រែង ឯកអគ្គរដ្ឋទូតនៃប្រទេសទាំងពីរ ព្រមទាំងតំណាងក្រសួង ស្ថាប័នពាក់ព័ន្ធ និងវិស័យឯកជនប្រមាណ ២០០នាក់។

ថ្លែងក្នុងឱកាសនោះ លោករដ្ឋមន្ត្រីក្រសួងទេសចរណ៍កម្ពុជា បានគូសបញ្ជាក់ពីសារៈសំខាន់នៃការសម្រួលការធ្វើដំណើរឆ្លងដែន ការផ្តល់ព័ត៌មាននីតិវិធីច្បាស់លាស់ ពង្រឹងការតភ្ជាប់មធ្យោបាយដឹកជញ្ជូន និងលើកកម្ពស់សេវាកម្មបដិសណ្ឋារកិច្ចឱ្យកាន់តែងាយស្រួល មានសុវត្ថិភាព និងទុកចិត្តបាន។

ការសហការគ្នាយ៉ាងជិតស្និទ្ធរវាងក្រសួងទេសចរណ៍ អាជ្ញាធរព្រំដែន អាជ្ញាធរដឹកជញ្ជូន និងរដ្ឋបាលខេត្តនៃប្រទេសទាំងពីរ នឹងជួយដោះស្រាយបញ្ហាប្រឈមជាក់ស្តែង សំដៅជំរុញកំណើនលំហូរភ្ញៀវទេសចរឱ្យធ្វើដំណើរកម្សាន្តឆ្លងកាត់ប្រទេសទាំងពីរក្នុងដំណើរតែមួយ។

ទន្ទឹមនឹងនេះ លោករដ្ឋមន្ត្រី ក៏បានអំពាវនាវដល់ស្ថាប័នរដ្ឋ និងវិស័យឯកជន បន្តពង្រឹងកិច្ចសហការលើការផ្សព្វផ្សាយរួម ការផ្គូផ្គងធុរកិច្ច និងការវិនិយោគលើផលិតផលទេសចរណ៍ប្រកបដោយចីរភាព។

ជាពិសេស លោក ហួត ហាក់ បានលើកទឹកចិត្តឱ្យមានការបង្កើតកញ្ចប់ទស្សនកិច្ចទេសចរណ៍រួម តភ្ជាប់គោលដៅសំខាន់ៗរវាងកម្ពុជា និងភាគខាងត្បូងនៃប្រទេសឡាវ ចម្បងគឺខេត្តស្ទឹងត្រែង និងខេត្តចំប៉ាសាក់ ដោយផ្សារភ្ជាប់សម្បត្តិបេតិកភណ្ឌវប្បធម៌ពិភពលោក រួមមានប្រាសាទអង្គរ និងប្រាសាទវត្តភូ ព្រមទាំងតំបន់ទេសភាពធម្មជាតិ និងសហគមន៍តាមដងទន្លេមេគង្គ ដើម្បីផ្តល់ផលប្រយោជន៍ជាក់ស្តែងដល់ប្រជាជននៃប្រទេសទាំងពីរ៕

The post កម្ពុជា-ឡាវ រួមគ្នារុញច្រានទេសចរណ៍ឆ្លងដែន និងកញ្ចប់ទស្សនកិច្ចរួម appeared first on .

នៅក្នុងជំនួបនោះ លោក ថងលី ស៊ីសូលីត បានរាយការណ៍ជូនសម្ដេចតេជោអំពីលទ្ធផលនៃដំណើរទស្សនកិចរបស់លោកនៅក្នុងប្រទេសកម្ពុជា បន្ទាប់ពីបានជួបជាមួយនឹងថ្នាក់ដឹកនាំជាន់ខ្ពស់របស់កម្ពុជាជាបន្តបន្ទាប់ ជាពិសេសជួបជាមួយនឹងសម្ដេចធិបតី ហ៊ុន ម៉ាណែត និងលោក ហ៊ុន ម៉ានី ជាដើម ដែលបានជជែកពីការផ្លាស់ប្ដូរយោបល់គ្នាក្នុងការពង្រឹងនូវកិច្ចការរវាងយុវជននៃប្រទេសទាំងពីឱ្យកាន់តែផុសផុលបន្ថែមទៀត។លោក ចង់ឃើញយុវជនកម្ពុជា និងយុវជនឡាវ កាន់តែបន្តនូវកិច្ចការគ្រប់វិស័យទាំងនៅក្នុងក្របខណ្ឌវប្បធម៌ នយោបាយនិងវិស័យដទៃទៀតឱ្យកាន់តែមានភាពរីកចម្រើន។

សម្ដេចតេជោ បានចាត់ទុកដំណើរទស្សនកិច្ចនេះ ក៏ជាផ្នែកមួយនៃជំរុញទំនាក់ទំនងរវាងកម្ពុជា និងឡាវឱ្យកាន់តែរីកចម្រើន ហើយនៅឆ្នាំនេះ ទំនាក់ទំនងរវាងប្រទេសទាំងពីរ បានឈានដល់ខួប៧០ឆ្នាំហើយដែរ។ សម្ដេចបានបញ្ជាក់ថាប្រទេសកម្ពុជា និងឡាវ មានទំនាក់ទំនង មិនត្រឹមតែជាអ្នកជិតខាងគ្នាប៉ុណ្ណោះទេ ប៉ុន្តែជាទំនាក់ទំនងបងប្អូនល្អជាមួយគ្នាថែមទៀតផង។ សម្ដេចតេជោបានសម្ដែងនូវការពេញចិត្តចំពោះការលើកឡើងរបស់លោក ថងលី ស៊ីសូលីត ខណៈសម្ដេចសង្ឃឹមថា យុវជនកម្ពុជា និងយុវជនឡាវនឹងរួមសាមគ្គីគ្នា និងបន្តនូវការចែករំលែកផ្លាស់ប្ដូរយោបល់ និងទស្សនៈគ្នាទៅវិញទៅមក ក្នុងក្របខណ្ឌនៃយុវជនទាំងគណបក្ស និងរដ្ឋាភិបាល នៃប្រទេសទាំងពីរ។

សូមជម្រាបដែរថា តាមរយៈជំនួប លោក ថងលី ស៊ីសូលីត ក៏បានថ្លែងអរគុណចំពោះការចែករំលែកដ៏មានអត្ថន័យរបស់សម្ដេចតេជោ ហើយលោកបានលើកឡើងថា វាជាកិត្តិយសបំផុតសម្រាប់លោក ដែលបានស្ដាប់នូវការចែករំលែកដ៏មានតម្លៃរបស់សម្ដេច លោកក៏បានលើកឡើងថា ដំបូន្មាន ពាក្យពេចន៍ដ៏មានតម្លៃរបស់សម្ដេចតេជោ នឹងក្លាយទៅជាមេរៀនមួយដ៏សំខាន់របស់ឯកឧត្តមនៅក្នុងការអនុវត្តក្នុងពេលខាងមុខ៕អត្ថបទ៖ហ្សាលីន  

The post សម្ដេចតេជោ ហ៊ុន សែន ថា ទំនាក់ទំនងកម្ពុជា និងឡាវ ជាទំនាក់ទំនងបងប្អូនល្អជាមួយគ្នា appeared first on .

នាឱកានោះ លោក ថងលុន ស៊ីសុលី ប្រធានរដ្ឋសភា បានអរគុណជាទីបំផុតជូនសម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលបានផ្ញើសាររំលែកទុក្ខជូនបក្ស រដ្ឋ និងប្រជាជនឡាវនៅក្នុងឱកាសដ៏ក្រៀមក្រំនេះ។ សមានចិត្តដ៏ស្មោះសរ មនោសញ្ចេតនាជ្រាលជ្រៅ រវាងថ្នាក់ដឹកនាំនិងប្រជាជននៃប្រទេសទាំងពីរ បានចាក់ឫសយ៉ាងជ្រៅនៅក្នុងក្រអៅបេះដូងនៃថ្នាក់ដឹកនាំ និងប្រជាជននៃប្រទេសទាំងពីរជាយូរលង់ណាស់មកហើយ។ ប្រទេសនិងប្រជាជននៃប្រទេសទាំងពីរ តែងតែជួយគ្នានៅគ្រាលំបាកនិងមានទុក្ខគ្រប់កាលៈទេសៈ។

ឆ្លៀតនៅក្នុងឱកាសនោះ តាមរយៈសម្តេចប្រធានរដ្ឋសភា ឯកឧត្តមប្រធានរដ្ឋ ក៏បានផ្តាំផ្ញើនូវការក្រាបថ្វាយបង្គំនូវការសាកសួរសុខទុក្ខ ថ្វាយ ព្រះករុណា សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងផ្តាំផ្ញើការសាកសួរសុខទុក្ខនិងក្តីនឹករលឹក ជូនសម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ផងដែរ។

តាមរយៈជំនួបពិភាក្សានោះ ភាគីទាំងពីរ ក៏បានប្តេជ្ញាបន្តពង្រឹងពង្រីកចំណងមិត្តភាព កិច្ចសហប្រតិបត្តិការគ្រប់វិស័យ រវាងប្រទេសទាំងពីរឱ្យកាន់តែខ្លាំងក្លាបន្ថែមទៀត ពិសេសការជំរុញទំនាក់ទំនងរវាងប្រជាជននិងប្រជាជន ដែលនឹងនាំមកនូវឧត្តមប្រយោជន៍កាន់តែច្រើនថែមទៀត សម្រាប់ប្រជាជនទាំងសងខាង៕អត្ថបទ៖ហ្សាលីន

The post ប្រធានរដ្ឋឡាវថា កម្ពុជា-ឡាវ តែងតែជួយគ្នានៅគ្រាលំបាកនិងមានទុក្ខគ្រប់កាលៈទេសៈ appeared first on .

ក្នុងជំនួបនោះ ភាគីទាំងពីរ បានផ្លាស់ប្តូរយោបល់អំពីការបន្តពង្រឹង និងពង្រីកទំនាក់ទំនងមិត្តភាពជាប្រពៃណី សាមគ្គីភាព និងកិច្ចសហប្រតិបត្តិការដ៏ល្អប្រពៃរវាងកម្ពុជា និងឡាវ។ ទន្ទឹមនឹងនេះ ភាគីទាំងពីរក៏បានផ្តោតការពិភាក្សាលើការលើកកម្ពស់កិច្ចសហប្រតិបត្តិការរវាងរដ្ឋសភានៃប្រទេសទាំងពីរ តាមរយៈការផ្លាស់ប្តូរបទពិសោធន៍ការងារ និងដំណើរទស្សនកិច្ចរវាងថ្នាក់ដឹកនាំ និងមន្ត្រីជំនាញ។

កិច្ចពិភាក្សាក៏បានលើកឡើងអំពីវិស័យអាទិភាពសំខាន់ៗ រួមមាន៖ ការជំរុញពាណិជ្ជកម្ម និងវិនិយោគ ការពង្រឹងសេដ្ឋកិច្ចតាមព្រំដែន ការតភ្ជាប់ហេដ្ឋារចនាសម្ព័ន្ធផ្លូវគោក និងផ្លូវដែក ដើម្បីសម្រួលដល់ការដឹកជញ្ជូនទំនិញ និងការធ្វើដំណើរទេសចរណ៍ ព្រមទាំងការលើកកម្ពស់ការផ្លាស់ប្តូរវប្បធម៌ និងកិច្ចសហប្រតិបត្តិការប្រជាជននៅតាមបណ្តោយព្រំដែន ដើម្បីកសាងព្រំដែនសន្តិភាព មិត្តភាព និងអភិវឌ្ឍរួម។

ថ្លែងក្នុងកិច្ចប្រជុំនោះ លោក សួស យ៉ារ៉ា បានស្វាគមន៍ឯកអគ្គរាជទូតឡាវ ហើយបញ្ជាក់ពីការប្តេជ្ញាចិត្តរបស់រដ្ឋសភាកម្ពុជា ក្នុងការបន្តសហការយ៉ាងជិតស្និទ្ធជាមួយរដ្ឋសភាឡាវ ដើម្បីលើកកម្ពស់ទំនាក់ទំនងទ្វេភាគីឱ្យកាន់តែរឹងមាំ និងមានប្រសិទ្ធភាព។

ជាការឆ្លើយតប លោក សុនសៃ វណ្ណាសៃ បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅពីសំណាក់ឯកឧត្តម សួស យ៉ារ៉ា និងបានវាយតម្លៃខ្ពស់ចំពោះទំនាក់ទំនងដ៏ជិតស្និទ្ធរវាងប្រទេសទាំងពីរ។ ឯកឧត្តមក៏បានបង្ហាញឆន្ទៈក្នុងការបន្តសហការយ៉ាងសកម្មជាមួយភាគីកម្ពុជា ដើម្បីពង្រឹង និងពង្រីកកិច្ចសហប្រតិបត្តិការទ្វេភាគីលើគ្រប់វិស័យ ឱ្យកាន់តែរីកចម្រើនបន្ថែមទៀត៕អត្ថបទ៖ហ្សាលីន

The post កម្ពុជា ឡាវ ប្តេជ្ញាពង្រឹងកិច្ចសហប្រតិបត្តិការជំរុញពាណិជ្ជកម្ម វិនិយោគ និងសេដ្ឋកិច្ចតាមព្រំដែន appeared first on .

ជំនួបពិភាក្សានេះ ធ្វើឡើងក្នុងគោលបំណងពង្រឹងនិងពង្រីកទំនាក់ទំនងកិច្ចសហប្រតិបត្តិការទ្វេភាគី ឱ្យកាន់តែរីកចម្រើនទ្វេឡើងថែមទៀត ជាពិសេសលើវិស័យពាណិជ្ជកម្ម, វិនិយោគ,​ ការតភ្ជាប់ហេដ្ឋារចនាសម្ព័ន្ធ, ថាមពល និងទេសចរណ៍។

នៅក្នុងជំនួបនោះ លោកឧបនាយករដ្ឋមន្ត្រី និងឯកអគ្គរដ្ឋទូតឡាវ បានពិភាក្សាលើវិស័យតភ្ជាប់ហេដ្ឋារចនាសម្ព័ន្ធ និងភស្តុភារកម្ម ដោយ ភាគីទាំងពីរបានបង្ហាញឆន្ទៈរួមក្នុងការពិនិត្យលទ្ធភាពជំរុញ និងពន្លឿនការតភ្ជាប់ប្រព័ន្ធហេដ្ឋារចនាសម្ព័ន្ធរូបវន្ត រួមមាន ផ្លូវថ្នល់ ផ្លូវដែក និងបណ្តាញផ្លូវទឹក ដែលជាសរសៃឈាមសេដ្ឋកិច្ចដ៏សំខាន់ ដោយបានសង្កត់ធ្ងន់លើការសម្របសម្រួល និងការធ្វើសាមញ្ញកម្មនៃនីតិវិធីដឹកជញ្ជូនឆ្លងកាត់ព្រំដែន ដើម្បីកាត់បន្ថយពេលវេលា និងថ្លៃដើមភស្តុភារកម្ម ដែលជាកត្តាជំរុញដ៏មានឥទ្ធិពលដល់លំហូរពាណិជ្ជកម្មទ្វេភាគី វិស័យទេសចរណ៍ និងការធ្វើដំណើរទៅមកដោយរលូនរបស់ប្រជាជននៃប្រទេសទាំងពីរ។

សូមជម្រាបដែរថា តាមរយៈជំនួបខាងលើ ភាគីទាំងពីរ ក៏បានលើកកម្ពស់ទំហំពាណិជ្ជកម្ម និងការវិនិយោគទ្វេភាគី ដោយភាគីទាំងពីរបានពិភាក្សាគ្នាយ៉ាងស៊ីជម្រៅ និងផ្តល់តម្លៃខ្ពស់លើការស្វែងរកកិច្ចសហការរួមគ្នា ដើម្បីបើកទំព័រថ្មីមួយទៀតក្នុងការជំរុញទំហំពាណិជ្ជកម្ម និងលំហូរវិនិយោគទ្វេភាគីឱ្យស្របតាមសក្តានុពលជាក់ស្តែងនៃប្រទេសទាំងពីរ។ ក្នុងន័យនេះ ភាគីទាំងពីរបានបង្ហាញឆន្ទៈរួមក្នុងការបង្កលក្ខណៈងាយស្រួលដល់ធុរជន វិនិយោគិន និងសហគ្រាសនៃប្រទេសទាំងពីរ ក្នុងការស្វែងរកឱកាសវិនិយោគ បង្កើតដៃគូយុទ្ធសាស្ត្រ និងការបង្កើតបណ្តាញទំនាក់ទំនងធុរកិច្ច៕អត្ថបទ៖ហ្សាលីន

The post កម្ពុជា-ឡាវ ពិនិត្យលទ្ធភាពពន្លឿនការតភ្ជាប់ប្រព័ន្ធហេដ្ឋារចនាសម្ព័ន្ធរូបវន្ត ផ្លូវថ្នល់ ផ្លូវដែក និងផ្លូវទឹក appeared first on .

ការស្នើសុំនេះ បានធ្វើឡើងក្នុងជំនួបពិភាក្សាការងារ នៅទីស្ដីការក្រសួងមហាផ្ទៃ នារសៀលថ្ងៃទី២៩ ខែមិថុនា ឆ្នាំ២០២៦ ក្នុងឱកាសនៃដំណើរបំពេញទស្សនកិច្ចចូលរួមកិច្ចប្រជុំថ្នាក់រដ្ឋមន្ត្រីលើកទី២ កម្ពុជា-ឡាវ-វៀតណាម ដែលក្រសួងមហាផ្ទៃរៀបចំធ្វើជាម្ចាស់ផ្ទះ។

ឯកឧត្តមអភិសន្តិបណ្ឌិត ស សុខា បានមានប្រសាសន៍ឯកភាព និងគាំទ្រពេញទំហឹងចំពោះសំណើនេះ ដ្បិតក្រសួងមហាផ្ទៃកម្ពុជា ក៏មានបំណងឈានទៅបង្កើតយន្តការសហប្រតិបត្តិការប្រចាំការមួយ ក្នុងក្របខណ្ឌមន្ត្រីជំនាញអនុវត្តច្បាប់កម្ពុជា ឡាវ និងវៀតណាម ដើម្បីផ្លាស់ប្ដូរព័ត៌មាន និងចែករំលែកបទពិសោធ ពាក់ព័ន្ធការបង្ការ ទប់ស្កាត់ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា ដែលជាបទល្មើសមានការប្រទាក់ក្រឡា ទាំងជាមួយប្រទេសក្បែរខាង និងនៅលើពិភពលោក។

ឯកឧត្តមឧត្តមសេនីយ៍ឯក រដ្ឋមន្ត្រីក្រសួងសន្តិសុខសាធារណៈឡាវ បានលើកទឹកចិត្ត ប្រកបដោយអំណរសាទរ ជូនរាជរដ្ឋាភិបាលកម្ពុជា រួមទាំងក្រសួងមហាផ្ទៃ ក្នុងនាមសេនាធិការស្នូល ដែលបាននិងកំពុងបន្តបោសសម្អាតបទល្មើសមួយនេះ យ៉ាងសកម្ម និងទទួលបានលទ្ធផលគួរឱ្យកត់សម្គាល់។ ឯកឧត្តមក៏បានចែករំលែកព័ត៌មានបន្ថែមថា នៅប្រទេសឡាវបច្ចុប្បន្ន ឧក្រិដ្ឋជនឆបោកតាមប្រព័ន្ធបច្ចេកវិទ្យា បានព្យាយាមពួនសម្ងំប្រព្រឹត្តបទល្មើសនៅតាមទីតាំងតូចៗក្នុងសហគមន៍មូលដ្ឋានរបស់ប្រជាពលរដ្ឋ។

ឯកឧត្តមអភិសន្តិបណ្ឌិត ស សុខា មានប្រសាសន៍ថា បន្ទាប់ពីប្រតិបត្តិការទ្រង់ទ្រាយធំបានធ្វើឡើងយ៉ាងក្ដៅគគុកនោះ ពេលនេះនៅកម្ពុជា ពួកឧក្រិដ្ឋជននៅសេសសល់ ក៏កំពុងព្យាយាមប្រើវិធីសាស្រ្តថ្មីៗដើម្បីប្រព្រឹត្តបទល្មើសដែរ ដោយខ្លះជួលទីតាំងតូចៗ ដូចជាផ្ទះសំណាក់ និងផ្ទះធម្មតារបស់ប្រជាពលរដ្ឋ សម្ងំប្រព្រឹត្តបទល្មើសជាដើម។ បែបនេះក្ដី ឯកឧត្តមបានគូសបញ្ជាក់ថា សមត្ថកិច្ចកម្ពុជាគ្រប់មូលដ្ឋាន បានកំពុងម្ចាស់ការស្រាវជ្រាវ និងបោសសម្អាតទីតាំងតូចតាចនោះជាបន្តបន្ទាប់ ដោយមានកិច្ចសហការផ្ដល់ព័ត៌មានពីប្រជាពលរដ្ឋក្នុងមូលដ្ឋានផ្ទាល់។

ឯកឧត្តមអភិសន្តិបណ្ឌិត ស សុខា ក៏បានជម្រាបជូនឯកឧត្តម សមភាគីឡាវដែរថារហូតមកដល់ពេលនេះ មានជនបរទេសប្រមាណជាជាង៣៦ម៉ឺននាក់ហើយ ត្រូវបានបណ្ដេញចេញពីប្រទេសកម្ពុជា រួមទាំងអ្នកស្ម័គ្រចិត្តវិលត្រឡប់ទៅប្រទេសកំណើតវិញដោយខ្លួនឯង បន្ទាប់ពីការចុះបង្ក្រាប និងរកឃើញពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា និងបទល្មើសចូលមកស្នាក់នៅ និងធ្វើការក្នុងប្រទេសកម្ពុជា ដោយខុសច្បាប់៕

The post រដ្ឋមន្រ្តីឡាវ ស្នើរដ្ឋមន្រ្ដីក្រសួងមហាផ្ទៃកម្ពុជា ចែករំលែកបទពិសោធបង្ក្រាបបទល្មើសឆបោកតាមប្រព័ន្ធបច្ចេកវិទ្យា appeared first on .

នៅក្នុងលិខិតនោះ ប្រធានរដ្ឋសភាឡាវ បានបញ្ជាក់ថា ក្នុងឱកាសដ៏មហានក្ខត្តឫក្សនៃខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូត រវាងសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជា (១៥ មិថុនា ១៩៥៦ -១៥ មិថុនា ២០២៦) តាងនាមរដ្ឋសភាឡាវ ប្រជាជនឡាវ និងក្នុងនាមខ្លួនខ្ញុំផ្ទាល់ ខ្ញុំសូមសម្តែងនូវការអបអរសាទរបំផុតជូនចំពោះ សម្តេចតេជោ និងសមាជិការដ្ឋសភាទាំងអស់នៃព្រះរាជាណាចក្រកម្ពុជា។

លោកមានសេចក្តីសោមនស្សរីករាយយ៉ាងក្រៃលែង ដោយសង្កេតឃើញថា ក្នុងរយៈពេល៧០ឆ្នាំ កន្លងមកនេះ ចំណងមិត្តភាពជាប្រពៃណីរវាងប្រជាជាតិយើងទាំងពីរគឺ ឡាវ និងកម្ពុជា ត្រូវបានពូនជ្រំ និងពង្រឹងជាបន្តបន្ទាប់ ដោយបាននាំមកនូវផលប្រយោជន៍ជាក់ស្តែងសម្រាប់ប្រជាជនប្រទេសយើងទាំងពីរ។

លោក មានការប្តេជ្ញាចិត្តយ៉ាងមុតមាំ ក្នុងការធ្វើការងារយ៉ាងជិតស្និទ្ធជាមួយ សម្តេចតេជោ ដើម្បីបន្តជំរុញ មិត្តភាពជាប្រពៃណី និងកិច្ចសហប្រតិបត្តិការដ៏ល្អប្រសើរនេះ ក៏ដូចជាភាពជាដៃគូយុទ្ធសាស្ត្រគ្រប់ជ្រុង ជ្រោយ និងយូរអង្វែង រវាងប្រទេសទាំងពីរ ឱ្យកាន់តែរីកចម្រើនទៅមុខថែមទៀត ដើម្បីផលប្រយោជន៍ ទៅវិញទៅមកនៃប្រជាជាតិយើងទាំងពីរ។

ជាមួយគ្នានេះ រដ្ឋសភាឡាវ ក៏បានជូនពរឱ្យចំណងមិត្តភាពជាប្រពៃណី សាមគ្គីភាព ភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង រវាងសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជា ក៏ដូចជា រវាងស្ថាប័ននីតិប្បញ្ញត្តិទាំងពីរបន្តរីកចម្រើន និងផ្តល់សមិទ្ធផលកាន់តែធំធេងថែមទៀត៕អត្ថបទ៖ហ្សាលីន

The post ឡាវ ប្តេជ្ញាជំរុញមិត្តភាពជាប្រពៃណី និងកិច្ចសហប្រតិបត្តិការដ៏ល្អ និងគ្រប់ជ្រុងជ្រោយជាមួយកម្ពុជា appeared first on .

កិច្ចពិភាក្សាខាងលើនេះ បានធ្វើឡើងរវាងលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ​ ជាមួយលោកសនសៃ ស៊ីផាន់ដន (Sonexay Siphandone) នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ ក្នុងក្នុងក្របខណ្ឌនៃដំណើរទស្សនកិច្ចផ្លូវការនៅសាធារណរដ្ឋប្រជាធិបតេយ្យប្រជាមានិតឡាវ កាលពីថ្ងៃទី ២៣ ខែមិថុនា ឆ្នាំ២០២៦។

ក្នុងឱកាសជំនួបនោះ កម្ពុជា-ឡាវ បានបើកកិច្ចពិភាក្សាយ៉ាងស៊ីជម្រៅលើលទ្ធផលនៃកិច្ចប្រជុំទ្វេភាគីរវាងក្រសួងកសិកម្មនៃប្រទេសទាំងពីរ ជាពិសេសផ្តោតលើចំណុចអាទិភាពសំខាន់ៗ ចំនួន៣រួមមាន៖-ការបង្កើនទំហំកសិ-ពាណិជ្ជកម្ម និងការផ្គូផ្គងក្នុងវិស័យឯកជន។-កិច្ចសហប្រតិបត្តិការលើការនាំចេញ កសិផលទៅកាន់ទីផ្សារប្រទេសចិន ដោយដឹកជញ្ជូនឆ្លងកាត់ប្រទេសឡាវ។ និង-ការតភ្ជាប់ការផ្គត់ផ្គង់ធាតុចូល សម្រាប់ផលិតកម្មជីកសិកម្មពីឡាវមកកម្ពុជា។

ជាមួយគ្នានេះ ក្នុងឱកាសជំនួបនោះដែរ លោក ឌិត ទីណា បានពាំនាំនូវការផ្តាំផ្ញើសួរសុខទុក្ខដ៏កក់ក្តៅបំផុតពី សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជូនដល់លោកនាយករដ្ឋមន្ត្រីឡាវ ផងដែរ។

ជាការឆ្លើយតប លោកនាយករដ្ឋមន្ត្រីឡាវ បានសម្តែងនូវការអរគុណយ៉ាងជ្រាលជ្រៅចំពោះសារសួរសុខទុក្ខពី សម្តេចធិបតី នាយករដ្ឋមន្ត្រីកម្ពុជា និងបានវាយតម្លៃខ្ពស់ចំពោះទំនាក់ទំនងដ៏ល្អរវាងប្រទេសទាំងពីរ។ បន្ថែមពីនេះ លោកក៏បានលើកទឹកចិត្តឱ្យក្រសួងកសិកម្មទាំងពីរ ពង្រឹងកិច្ចសហប្រតិបត្តិការបន្ថែមលើការអនុវត្តគម្រោងអភិរក្សរួមគ្នា ដើម្បីធានានិរន្តរភាពព្រៃឈើ និងសត្វព្រៃ។

ដំណើរទស្សនកិច្ចផ្លូវការនាពេលនេះ កម្ពុជា-ឡាវ បានចាត់ទុកថា នេះគឺជាជំហានដ៏សំខាន់ក្នុងការបើកច្រកសេដ្ឋកិច្ចកសិកម្មថ្មីៗ ជំរុញការនាំចេញកសិផលសក្តានុពលរបស់កម្ពុជាទៅកាន់ទីផ្សារអន្តរជាតិ និងការការពារធនធានធម្មជាតិសម្រាប់ជំនាន់ក្រោយ៕​ អត្ថបទ៖ហ្សាលីន

The post កម្ពុជា-ឡាវ បើកកិច្ចពិភាក្សាស៊ីជម្រៅ ដើម្បីជំរុញកិច្ចសហប្រតិបត្តិការលើចំនុចអាទិភាពចំនួន៣ appeared first on .

លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា សមិទ្ធផលដ៏ធំធេងនេះ គឺកើតចេញពីកិច្ចខិតខំប្រឹងប្រែង និងការចរចាយ៉ាងសកម្មកន្លងមកនេះ ពីសំណាក់ថ្នាក់ដឹកនាំ និងមន្ត្រីជំនាញនៃក្រសួងកសិកម្ម រុក្ខាប្រមាញ់ និងនេសាទ ជាមួយនិងក្រសួងកសិកម្មនិងបរិស្ថានឡាវ ដើម្បីបើកផ្លូវ និងសម្របសម្រួលនីតិវិធីនានា ក្នុងការបើកច្រកថ្មីសម្រាប់ការដឹកជញ្ជូនឆ្លងកាត់កសិផលខ្មែរចំនួន ៦ មុខទៅកាន់ទីផ្សារចិន ដែលរួមមានចេក ស្វាយ អង្ករ មៀនប៉ៃលិន ម្សៅដំឡូងមី និងទុរេន។

លោកបន្តថា នេះជាសញ្ញាណវិជ្ជមាន និងជាកាលានុវត្តភាពថ្មីស្រឡាងសម្រាប់បងប្អូនកសិករ ក៏ដូចជាម្ចាស់អាជីវកម្មក្នុងវិស័យកសិកម្មនៅកម្ពុជា ក្នុងការចាប់យកឱកាស និងពង្រីកសក្តានុពលកសិផលខ្មែរនៅលើទីផ្សារអន្តរជាតិ។

សូមបញ្ជាក់ថា ច្រកថ្មីសម្រាប់កម្ពុជានេះនឹងធ្វើឱ្យកម្ពុជាចំណេញទៅលើរយៈពេលនៃកការដឹកជញ្ជូន (ជាធម្មតាត្រូវប្រើពេលចន្លោះពី១៥ទៅ២០ថ្ងៃ មកត្រឹម១សប្តាហ៍ប៉ុណ្ណោះ) និងធ្វើ​ឱ្យកសិផលខ្មែរចំនួនទៀតអាចនឹងនាំចេញបានដោយជោគជ័យក្នុងរយៈពេលខ្លីផងដែរ៕

The post ច្រកថ្មី! កម្ពុជា-ឡាវ បើកការដឹកជញ្ជូនឆ្លងកាត់សម្រាប់នាំចេញផ្លែទុរេនកម្ពុជាទៅកាន់ប្រទេសចិន appeared first on .

ការលើកឡើងនេះ បានធ្វើឡើងនៅក្នុងជំនួបពិភាក្សារវាង លោកឧបនាយករដ្ឋមន្ត្រីប្រចាំការ វង្សី វិស្សុត ជាមួយលោក Sonexay Vannaxay ឯកអគ្គរដ្ឋទូតឡាវថ្មីប្រចាំកម្ពុជា កាលថ្ងៃទី៨ ខែមិថុនា ឆ្នាំ២០២៦។

នាឱកាសនោះ លោក Sonexay Vannaxay បានប្តេជ្ញាបន្តពង្រឹង និងពង្រីកកិច្ចសហប្រតិបត្តិការជាមួយកម្ពុជា លើវិស័យពាណិជ្ជកម្ម វិនិយោគ ថាមពល បរិវត្តកម្មឌីជីថល និងការអភិវឌ្ឍធនធានមនុស្ស។ លោកបន្តប្តេជ្ញាថា នឹងជំរុញឱ្យប្រជាជនឡាវមកទស្សនាកម្ពុជាឱ្យបានច្រើន ពិសេសខេត្តសៀមរាប តាមច្រកផ្លូវគោកដោយរថយន្ត នៅក្នុងអាណត្តិការងារការទូតរបស់លោកផ្ទាល់។

ជាមួយគ្នានេះ លោក វង្សី វិស្សុត បានសង្កត់ធ្ងន់លើការពង្រឹងការតភ្ជាប់ក្នុងអនុតំបន់មេគង្គ ជាពិសេសការតភ្ជាប់រវាង ចិន-ឡាវ-កម្ពុជា តាមរយៈហេដ្ឋារចនាសម្ព័ន្ធដឹកជញ្ជូនផ្លូវគោក ផ្លូវដែក និងផ្លូវទឹក ដើម្បីជំរុញពាណិជ្ជកម្ម ការវិនិយោគ និងខ្សែច្រវាក់ផ្គត់ផ្គង់ក្នុងតំបន់។លោកថា កម្ពុជា និងឡាវ គួរបន្តសហការយ៉ាងជិតស្និទ្ធ ដើម្បីទាញយកប្រយោជន៍ពីទីតាំងភូមិសាស្ត្រ និងសក្តានុពលសេដ្ឋកិច្ចរបស់ប្រទេសទាំងពីរ ស្របតាមនិន្នាការនៃការអភិវឌ្ឍក្នុងតំបន់។ ជាមួយគ្នានេះ លោកបញ្ជាក់ថា កម្ពុជាស្វាគមន៍ការប្រើប្រាស់កំពង់ផែសមុទ្រកម្ពុជាជាច្រកនាំចេញរបស់ឡាវទៅកាន់ទីផ្សារអន្តរជាតិ ពិសេសការប្រើប្រាស់ព្រែកជីកហ្វូណនតេជោតែម្តង។

តាមរយៈជំនួបនោះ ភាគីទាំងពីរ ក៏បានពិភាក្សាអំពីការពង្រឹងកិច្ចសហប្រតិបត្តិការលើវិស័យទេសចរណ៍ និងការផ្លាស់ប្តូរប្រជាជននិងប្រជាជន ព្រមទាំងលទ្ធភាពនៃការចងសម្ព័ន្ធមេត្រីភាពរវាងខេត្តកំពង់ធំរបស់កម្ពុជា ជាមួយនឹងខេត្តចំប៉ាសាក់របស់ឡាវ សម្រាប់ជាឧត្តមប្រយោជន៍នៃប្រទេសទាំងពីរ៕ អត្ថបទ៖ហ្សាលីន 

The post កម្ពុជា ស្វាគមន៍ការប្រើប្រាស់កំពង់ផែសមុទ្រកម្ពុជាជាច្រកនាំចេញរបស់ឡាវទៅកាន់ទីផ្សារអន្តរជាតិ appeared first on .