ការព្រមព្រៀងនេះ បានធ្វើឡើងនាឱកាសសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បំពេញទស្សនកិច្ចផ្លូវការ និងទស្សនកិច្ចការងារនៅសាធារណរដ្ឋអាស៊ែបៃហ្សង់ សាធារណរដ្ឋតួកគីយ៉េ និងសាធារណរដ្ឋកាហ្សាក់ស្ថាន ព្រមទាំងចូលរួមកិច្ចប្រជុំកំពូលលើកទី៧ នៃសន្និសីទស្តីពីអន្តរសកម្ម និងវិធានការកសាងទំនុកចិត្តនៅអាស៊ី និងដោយទទួលបានការអនុញ្ញាតឱ្យលោក ហួត ហាក់ រដ្ឋមន្រ្តីក្រសួងទេសចរណ៍ បានឆ្លៀតឱកាសជួបពិភាក្សាការងារ និងការបង្កើតកិច្ចសហប្រតិបត្តិការទេសចរណ៍ជាមួយលោក Goydaniz Gahramanov ប្រធានសមាគមទេសចរណ៍នៃសាធារណរដ្ឋអាស៊ែបៃហ្សង់ (Association of Travel Agencies of Republic of Azerbaijan-ATAA) ដែលមានសមាជិកជាង៣០០ក្រុមហ៊ុនទេសចរណ៍នាំមុខ និងសហការីជាន់ខ្ពស់។

សូមជម្រាបដែរថា តាមរយៈកិច្ចពិភាក្សារវាងរដ្ឋមន្រ្តីក្រសួងទេសចរណ៍ ជាមួយប្រធានសមាគមទេសចរណ៍នៃសាធារណរដ្ឋអាស៊ែបៃហ្សង់ គឺភាគីទាំងពីរ បានព្រមព្រៀងលើការរៀបចំទស្សនកិច្ចស្វែងយល់ពីសក្តានុពលទេសចរណ៍ និងកាលានុវត្តភាពវិនិយោគរបស់កម្ពុជា (FAM Trip) និងការសម្របសម្រួលរបស់ក្រសួងទេសចរណ៍ភា្ជប់ទំនាក់ទំនងជាមួយសមាគម និងប្រតិបត្តិករទេសចរណ៍កម្ពុជា។

ការព្រមព្រៀងនេះ គឺដើម្បីឱ្យសមាគមទេសចរណ៍ទេសចរណ៍នៃសាធារណរដ្ឋអាស៊ែបៃហ្សង់ បានជួបពិភាក្សា ឈានដល់ការបង្កើតកញ្ចប់ទស្សនកិច្ចមកកម្ពុជា ដើម្បីបង្កើនចំនួនភ្ញៀវទេសចរ អ្នកធ្វើដំណើរ​ និងវិនិយោគិននៃប្រទេសទាំងពីរ៕អត្ថបទ៖ហ្សាលីន ​

The post កម្ពុជា-អាស៊ែបៃហ្សង់ ព្រមព្រៀងគ្នារៀបចំទស្សនកិច្ចស្វែងយល់ពីសក្តានុពលទេសចរណ៍ទ្វេភាគី appeared first on .

តាមរយៈការប្រកាសលទ្ធផលជាផ្លូវការ រាជធានីភ្នំពេញរបស់កម្ពុជាបានឈរនៅលើកំពូលតារាងលំដាប់ថ្នាក់ខ្ពស់គួរឱ្យកត់សម្គាល់ ដោយដេញតាមពីក្រោយតែទីក្រុងសេអ៊ូល (កូរ៉េខាងត្បូង) ដែលស្ថិតនៅចំណាត់ថ្នាក់លេខ១ និងទីក្រុងតូក្យូ (ជប៉ុន) នៅចំណាត់ថ្នាក់លេខ២ ប៉ុណ្ណោះ។ អ្វីដែលកាន់តែអស្ចារ្យនោះ គឺភ្នំពេញបាននាំមុខទីក្រុងធំៗ និងទំនើបៗល្បីៗជាច្រើនទៀត ដូចជា សៀងហៃ ស៊ីដនី ម៉ុងរេអាល់ ប៉ារីស និងសិង្ហបុរី ជាដើម។

ខាងក្រោមនេះជាចំណាត់ថ្នាក់ទីក្រុងធំៗល្អបំផុតទាំង១០ នៅលើពិភពលោក ឆ្នាំ២០២៦៖

១.សេអ៊ូល (Seoul) – កូរ៉េខាងត្បូង

២.តូក្យូ (Tokyo) – ជប៉ុន

៣.ភ្នំពេញ (Phnom Penh) – កម្ពុជា

៤.សៀងហៃ (Shanghai) – ចិន

៥.ស៊ីដនី (Sydney) – អូស្ត្រាលី

៦.ម៉ុងរេអាល់ (Montreal) – កាណាដា

៧.ប៉ារីស (Paris) – បារាំង

៨.ខេបថោន (Cape Town) – អាហ្វ្រិកខាងត្បូង

៩.សិង្ហបុរី (Singapore) – សិង្ហបុរី

១០.ក្យូតូ (Kyoto) – ជប៉ុន

The post មិនមែនសៀងហៃ មិនមែនប៉ារីស តែរាជធានីភ្នំពេញ បានជាប់ចំណាត់ថ្នាក់លេខ៣ ជាទីក្រុងធំៗល្អបំផុតនៅលើពិភពលោកប្រចាំឆ្នាំ២០២៦ បន្ទាប់ពីសេអ៊ូល និងតូក្យូ appeared first on .

ក្រសួងទេសចរណ៍ ក៏បានទទួលស្គាល់អំពីការថយចុះនៃចំនួនភ្ញៀវទេសចរអន្តរជាតិ  ក៏ដូចជាការលំបាកដែលប្រតិបត្តិករទេសចរណ៍ អាជីវករ និងប្រជាពលរដ្ឋដែលពឹងផ្អែកលើវិស័យនេះបាននិងកំពុងជួបប្រទះនាពេលបច្ចុប្បន្ន។

ដើម្បីឆ្លើយតបនឹងបញ្ហាប្រឈមខាងលើ រាជរដ្ឋាភិបាលបានដាក់ចេញនូវកម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ ក្នុងនោះរួមមានកម្មវិធីជំរុញការស្ដារឡើងវិញវិស័យទេសចរណ៍ក្នុងខេត្តសៀមរាប វិធានការអន្តរាគមន៍ជាបន្តបន្ទាប់ និងការលើកទឹកចិត្តផ្នែកពន្ធមួយចំនួន។ ទន្ទឹមនឹងនេះ ក្រសួងទេសចរណ៍និងមហាគ្រួសារវិស័យ​ទេសចរណ៍ទាំងមូល បានដាក់ចេញ និងកំពុងអនុវត្តយ៉ាងសកម្មនូវយុទ្ធសាស្ត្រគន្លឹះទាំង៦ និងការអនុវត្តយុទ្ធនាការទស្សនាកម្ពុជានៅរដូវកាលបៃតង ដើម្បីជំរុញចរន្តទេសចរណ៍ក្នុងស្រុកនិងការធ្វើពិពិធកម្មទីផ្សារទេសចរណ៍អន្តរជាតិ។

ក្នុងន័យនេះ ក្រសួងទេសចរណ៍​តែងតែប្រកាន់ខ្ជាប់នូវគោលការណ៍ផ្ដល់កិច្ចសហការល្អ សម្របសម្រួល និងលើកទឹកចិត្តដល់គ្រប់ភាគីពាក់ព័ន្ធទាំងអស់ក្នុងគោលដៅរួមដើម្បីលើកស្ទួយ និងអភិវឌ្ឍន៍វិស័យទេសចរណ៍នៅកម្ពុជា។​ ជាមួយគ្នានេះដែរ ក្រសួងអះអាងថានឹងបន្តផ្សព្វផ្សាយព័ត៌មានអំពីស្ថានភាពវិស័យទេសចរណ៍ វិធានការដែលបានអនុវត្ត និងលទ្ធផលការងារដែលអាចផ្ទៀងផ្ទាត់បាន ដើម្បីឱ្យសាធារណជនមានមូលដ្ឋានគ្រប់គ្រាន់ក្នុងការវាយតម្លៃ។

ក្រសួងទេសចរណ៍ បន្តបើកចំហទទួលយកមតិយោបល់ និងសំណូមពរពីអ្នកជំនាញ ប្រតិបត្តិករទេសចរណ៍ អ្នកបង្កើតមាតិកាព័ត៌មាន និងប្រជាពលរដ្ឋពីគ្រប់មជ្ឈដ្ឋាន។ ក្រសួងចាត់ទុកការលើកឡើងពីបញ្ហាជាក់ស្តែង គឺជាធាតុចូលដ៏មានតម្លៃ និង ជាឱកាសសម្រាប់រួមគ្នាបង្កើនកិច្ចសហប្រតិបត្តិការឱ្យកាន់តែប្រសើរឡើងថែមទៀត ស្របតាមស្មារតី «ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍!»។

The post ក្រសួងទេសចរណ៍ ទទួលស្គាល់បញ្ហាប្រឈម និងជំរុញការអនុវត្តដំណោះស្រាយជាក់ស្តែង ក្រោយមានការលើកឡើងពីការថយចុះនៃចំនួនភ្ញៀវទេសចរ appeared first on .

កម្មវិធីកីឡានេះ គឺជាផ្នែកមួយនៃព្រឹត្តិការណ៍ទេសចរណ៍រដូវកាលបៃតងតំបន់ឆ្នេរ ឆ្នាំ២០២៦ ដែលរៀបចំឡើងរយៈពេល ៣ថ្ងៃ (២-៤ តុលា) ដោយក្រសួងទេសចរណ៍ សហការជាមួយរដ្ឋបាលខេត្តកំពត ព្រមទាំងមានការចូលរួមពីបណ្តាខេត្តតំបន់ឆ្នេរសមុទ្រទាំង៤ រួមមាន កំពត កែប ព្រះសីហនុ និងកោះកុង តាមរយៈសកម្មភាពចម្រុះដូចជា ការប្រកួតស្នាដៃចម្អិនម្ហូបអាហារ និងការតាំងពិព័រណ៍ផលិតផលក្នុងស្រុក។

ថ្លែងក្នុងឱកាសនោះ លោក ហួត ហាក់ បានគូសបញ្ជាក់ថា ព្រឹត្តិការណ៍នេះធ្វើឡើងក្នុងគោលបំណងចម្បង ដើម្បីផ្សព្វផ្សាយសក្ដានុពលទេសចរណ៍បៃតង ទេសចរណ៍កីឡា និងភាពសម្បូរបែបនៃតំបន់ឆ្នេរសមុទ្រកម្ពុជាទៅកាន់ពិភពលោក ព្រមទាំងជួយលើកកម្ពស់ជីវភាពប្រជាពលរដ្ឋមូលដ្ឋាន។

លោករដ្ឋមន្ត្រីបានសង្កត់ធ្ងន់ថា កំណើនភ្ញៀវទេសចរ និងការអភិវឌ្ឍវិស័យទេសចរណ៍យ៉ាងឆាប់រហ័សនេះ គឺកើតចេញពីផ្លែផ្កានៃសុខសន្តិភាព ស្ថិរភាពនយោបាយ និងការដឹកនាំប្រកបដោយចក្ខុវិស័យវែងឆ្ងាយរបស់រាជរដ្ឋាភិបាល ព្រមទាំងបានកោតសរសើរដល់រដ្ឋបាលខេត្តកំពត ដែលបានច្នៃប្រឌិតបង្កើតផលិតផលទេសចរណ៍ថ្មីៗប្រកបដោយភាពទាក់ទាញខ្ពស់៕

The post កក្រើកខ្នងភ្នំបូកគោ! អ្នករត់ជាង ២ពាន់នាក់មកពី ២៦ប្រទេស ចូលរួមរត់ឆ្លងឧបសគ្គដើម្បីទេសចរណ៍បៃតងតំបន់ឆ្នេរ appeared first on .

កិច្ចជួបពិភាក្សានេះ មានការអញ្ជើញចូលរួមពី ឯកឧត្តម មហាំម៉ាត់ យូណេះ អនុរដ្ឋលេខាធិការក្រសួងទេសចរណ៍ និងជាប្រធានលេខាធិការដ្ឋានទស្សនាកម្ពុជារដូវកាលបៃតង, លោក ឡាង សុលីណា អគ្គនាយករង និងជាសមាជិកលេខាធិការដ្ឋានក្រុមការងារជំរុញយុទ្ធនាការទេសចរណ៍រដូវបៃតង (GREEN SEASON), លោក Han Haoyin អ្នកជំនាញផ្នែកប្រព័ន្ធផ្សព្វផ្សាយ នាយកផ្នែកមាតិកានៃ សារព័ត៌មានត្នោត (TNAOT NEWS), លោក ឆេង សុភ័ក្ត្រ អ្នកបង្កើតមាតិកា អ្នកថតរូប និងសម្របសម្រួលកម្មវិធីផតខាស រួមទាំងបេក្ខជនទាំង ១០រូប (Top 10) ព្រមទាំងអ្នកសារព័ត៌មាន និងភាគីពាក់ព័ន្ធ។

ថ្លែងក្នុងឱកាសជួបពិភាក្សាជាមួយបេក្ខជនទាំង ១០រូបនេះ ឯកឧត្តម មហាំម៉ាត់ យូណេះ បញ្ជាក់ថា ថ្ងៃនេះជាប្រវត្តិសាស្រ្តមួយដែលក្រសួងទេសចរណ៍ សហការជាមួយវិស័យឯកជនលើកទឹកចិត្តដល់អ្នកផលិតមាតិកា និងទទួលស្គាល់តម្លៃនៃស្នាដៃ ក្នុងការលះបង់ ពេលវេលា ដែលអាចនិយាយបានថា អ្នកផលិតវីដេអូ១០រូបដែលបានចូលរួមទាំងអស់ចាប់ពីថ្ងៃនេះនឹងត្រូវបានយកមកជជែក ពិនិត្យ វាយតម្លៃ និងផ្សព្វផ្សាយ។

ឯកឧត្តមអនុរដ្ឋលេខាធិការក៏បានមានប្រសាសន៍បន្តទៀតថា ការប្រកួតវីដេអូទេសចរណ៍«ទស្សនាកម្ពុជាក្នុងរដូវកាលបៃតង ឆ្នាំ២០២៦» នេះ ទទួលបានការគាំទ្រយ៉ាងខ្លាំងក្លា និងចង្អុលបង្ហាញយ៉ាងមោះមុតពីឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ដោយធ្វើឡើងគឺស្របទៅតាមយុត្តិសាស្រ្តនៃយុទ្ធនាការ «រដូវកាលបៃតង (Green Season)» ដែលគឺជាការផ្តល់នូវគោលការណ៍ដ៏ខ្ពង់ខ្ពស់ពីសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ធ្វើយ៉ាងណាប្រែក្លាយពីរដូវកាលភ្ញៀវតិច មកជារដូវកាលបៃតង ដើម្បីលើកស្ទួយវិស័យទេសចរណ៍អោយមានកំណើនក្នុងរដូវកាលនេះ។

ការប្រកួតវីដេអូទេសចរណ៍«ទស្សនាកម្ពុជាក្នុងរដូវកាលបៃតង ឆ្នាំ២០២៦» នៅក្នុងជុំផ្តាច់ព្រ័ត្រនេះ បានផ្តោតទៅលើ ប្រធានបទទាំង ៦គួរ ដែលជាយុទ្ធសាស្រ្តគន្លឹះនៃយុទ្ធនាការ «ទស្សនាកម្ពុជានៅរដូវកាលបៃតង» (Green Season) របស់ក្រសួងទេសចរណ៍ ចាប់ពីខែឧសភា ដល់ខែតុលា គឺ៖

១). គួរចង់ឃើញ៖ គយគន់សម្រស់ធម្មជាតិ ព្រៃឈើ និងភ្នំខៀវស្រងាត់ដ៏ស្រស់ស្អាត。

២). គួរស្នាក់នៅ៖ រីករាយនឹងការសម្រាកលំហែកាយនៅតាមរមណីយដ្ឋាន និងផ្ទះសំណាក់ដែលមានបរិយាកាសបរិសុទ្ធ。

៣). គួរភ្លក្ស៖ ភ្លក្សរសជាតិម្ហូបអាហារ និងផលដំណាំស្រស់ៗប្រចាំតំបន់。

៤). គួរទស្សនា៖ ទស្សនារមណីយដ្ឋានវប្បធម៌ ធម្មជាតិ និងទិដ្ឋភាពជីវភាពរស់នៅជនបទ。

៥). គួរសាកល្បង៖ បទពិសោធថ្មីៗ ដូចជាការដើរព្រៃ ផ្សងព្រេង និងការរុករកតំបន់ទេសចរណ៍យុទ្ធសាស្ត្រថ្មី。

៦). គួរទិញ៖ គាំទ្រផលិតផលក្នុងស្រុក ហត្ថកម្ម និងវត្ថុអនុស្សាវរីយ៍ប្រជាជនមូលដ្ឋាន។

ក្នុងឱកាសនោះដែរ លោក ឡាង សុលីណា ដែលជាគណៈកម្មាការដាក់ពិន្ទុស្នាដៃវីដេអូរបស់បេក្ខជនបានកោតសសើរចំពោះស្នាដៃផលិតវីដេអូរបស់បេក្ខជនទាំង ១០នាក់ ដែលជាការបញ្ជាក់ពីសមត្ថភាពពិតរបស់បេក្ខជន ជាពិសេសគុណតម្លៃដ៏ធំធេងដែលបានចូលរួមផ្សព្វផ្សាយពីទេសចរណ៍ក្នុងប្រទេសកម្ពុជា។ ហើយការប្រកួតនេះគឺបានបង្ហាញពីការជំរុញយុទ្ធនាការ «ទស្សនាកម្ពុជានៅរដូវកាលបៃតង ផងដែរ តាមរយៈស្នាដៃវីដេអូប្រកួតនេះ។

គួរឱ្យដឹងដែរថា ក្រសួងទេសចរណ៍ និងសារព័ត៌មាន Tnaot News បានរៀបចំកម្មវិធីប្រកួតប្រជែងផលិតវីដេអូផ្សព្វផ្សាយពីសក្តានុពលទេសចរណ៍កម្ពុជា ក្រោមប្រធានបទ «ទស្សនាកម្ពុជាក្នុងរដូវកាលបៃតង ឆ្នាំ២០២៦» ចាប់ពីថ្ងៃទី១ ខែកញ្ញា ដល់ថ្ងៃទី៣០ ខែតុលា ឆ្នាំ២០២៦ ក្នុងគោលបំណងបំផុសស្មារតីនៃការចូលរួមផ្សព្វផ្សាយអំពីសក្តានុពលទេសចរណ៍កម្ពុជានៅរដូវកាលបៃតង តាមរយៈការផលិតវីដេអូខ្លីដែលមានភាពច្នៃប្រឌិត និងមានភាពទាក់ទាញទៅតាមតំបន់សក្តានុពលទេសចរណ៍នៅក្នុងព្រះរាជាណាចក្រកម្ពុជា ស្របតាមពាក្យស្លោកចំនួន៣៖

១- ទាំងអស់គ្នាដើម្បីទេសចរណ៍ ទេសចរណ៍ដើម្បីទាំងអស់គ្នា

២- ទេសចរណ៍រីកលូតលាស់ក្នុងសន្តិភាព

៣-បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់។

កម្មវិធីប្រកួតវីដេអូទេសចរណ៍«ទស្សនាកម្ពុជាក្នុងរដូវកាលបៃតង ឆ្នាំ២០២៦» អាចសម្រេចទៅបានដោយមានម្ចាស់ឧបត្ថម្ភដែលប្តេជ្ញាចិត្តគាំទ្រវិស័យទេសចរណ៍ក្នុងស្រុក និងសិល្បៈនៃការបង្កើតស្នាដៃ រួមមាន៖ អាកាសចរណ៍ជាតិកម្ពុជា (AIR CAMBODIA) ក្នុងនាមជាដៃគូអាកាសចរណ៍ផ្តាច់មុខ, AirLee Beauty Center, ធនាគារ ខេ ប៊ី ប្រាសាក់, ក្រុមហ៊ុន E-Gets, ក្រុមហ៊ុន Gold Zone Media, សណ្ឋាគារ ហ័ន ហៃ, Tui Blue Angkor Grace, Kospet Cambodia និង Pathfinder Travel៕

The post កិច្ចពិភាក្សាសំណេះសំណាល និងផ្តល់យុទ្ធសាស្រ្តដល់បេក្ខភាពដែលជាប់ក្នុងការប្រកួតវីដេអូទេសចរណ៍«ទស្សនាកម្ពុជាក្នុងរដូវកាលបៃតង ឆ្នាំ២០២៦» appeared first on .

បើតាមក្រសួងទេសចរណ៍ នៅព្រឹកថ្ងៃទី៣០ ខែកញ្ញានេះ បានបញ្ជាក់ថា ពានរង្វាន់ «គោលដៅទេសចរណ៍សម្រាប់យុវជនឈានមុខគេនៅអាស៊ី ប្រចាំឆ្នាំ២០២៦» (Asia’s Leading Youth Travel Destination 2026) នេះ ត្រូវបានប្រកាស ក្នុងកម្មវិធីប្រគល់ពានរង្វាន់ទេសចរណ៍ពិភពលោក (World Travel Awards) លើកទី៣៣ ដែលបានរៀបចំឡើង កាលពីថ្ងៃទី២៧ ខែកញ្ញា ឆ្នាំ២០២៦ កន្លងទៅ នៅ CROSSROADS Maldives ស្របពេលនឹងការប្រារព្ធទិវាទេសចរណ៍ពិភពលោក ផងដែរ។

គូសបញ្ជាក់ដែរថា ការទទួលស្គាល់នេះ គឺជាសមិទ្ធផលដ៏គួរឱ្យកត់សម្គាល់ របស់កម្ពុជា ដែលបានឈ្នះពានរង្វាន់ «គោលដៅទេសចរណ៍សម្រាប់យុវជនឈានមុខគេនៅអាស៊ី» រយៈពេល ៥ឆ្នាំជាប់ៗគ្នា ដែលស្តែងចេញពី សក្តានុពលទេសចរណ៍ដ៏សម្បូរបែប របស់កម្ពុជា បដិសណ្ឋារកិច្ចក៏កក់ក្តៅ សន្តិសុខនិងសុវត្ថិភាព និងវប្បធម៌ដ៏ផូផង់ ដែលភាគច្រើនបានទាក់ចិត្តភ្ញៀវបរទេស មកចង់កម្សាន្ត និងស្វែងយល់៕

The post មោទនភាពជាតិ! កម្ពុជាឈ្នះពានរង្វាន់ គោលដៅទេសចរណ៍សម្រាប់យុវជនឈានមុខគេនៅអាស៊ី ប្រចាំឆ្នាំ២០២៦ appeared first on .

អនុស្សរណៈនៃការយោគយល់គ្នា (MoU)នេះ ត្រូវបានធ្វើឡើងកាលថ្ងៃទី២៧ ខែកញ្ញា ឆ្នាំ២០២៦ ដោយលោក ហួត ហាក់ រដ្ឋមន្ត្រីក្រសួងទេសចរណ៍ ជាមួយក្រសួងទេសចរណ៍នៃសាធារណរដ្ឋគុយបា តំណាងដោយលោកស្រី Milena Caridad Zaldívar Piedra ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋគុយបាប្រចាំព្រះរាជាណាចក្រកម្ពុជា នៅខេត្តសៀមរាប។

បើតាមក្រសួងទេចរណ៍ អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការនេះ គឺជាជំហានសំខាន់ក្នុងការបង្កើតក្របខណ្ឌកិច្ចសហប្រតិបត្តិការរវាងក្រសួងទេសចរណ៍នៃប្រទេសទាំងពីរ ដើម្បីជំរុញការអភិវឌ្ឍវិស័យទេសចរណ៍ និងការផ្លាស់ប្តូរបទពិសោធន៍ទៅវិញទៅមក ការធ្វើពិពិធកម្មទីផ្សារទេសចរណ៍កម្ពុជាទៅដល់ទ្វីបអាមេរិកឡាទីន ដោយឈរលើមូលដ្ឋានសមភាព និងផលប្រយោជន៍រួម។

សូមបញ្ជាក់ជូនដែរថា កម្ពុជា និងគុយបា គឺជាមួយប្រទេសដែលមានទំនាក់ទំនងការទូតចាប់តាំងពីឆ្នាំ១៩៦០ ដោយគិតត្រឹមឆ្នាំ២០២៦ នេះ ពោលគិតដល់ពេលនេះ គឺមានរយៈពេល៦៦ឆ្នាំ មកហើយ៕ អត្ថបទ៖ហ្សាលីន

The post កម្ពុជា-គុយបា ចុះ MoU រួមគ្នាពង្រីកកិច្ចសហប្រតិបត្តិការលើវិស័យទេសចរណ៍ទ្វេភាគីបន្ថែមទៀត appeared first on .

លោក ហួត ហាក់ រដ្ឋមន្រ្តីក្រសួងទេសចរណ៍ រួមជាមួយ លោក អ៊ុន ចាន់ដា អភិបាលខេត្តកំពង់ចាម កាលពីថ្ងៃទី១៦ ខែកញ្ញា ក៏បានប្រកាសផ្សព្វផ្សាយដាក់ឱ្យអនុ​វត្ត «ផែនការអភិវឌ្ឍន៍ទេសចរណ៍ខេត្ត​កំពង់ចាម ឆ្នាំ២០២៦-២០៣០​»។ ផែនការនេះ គឺជាលទ្ធផ​ល​នៃកិច្ចខិតខំប្រឹងប្រែងរួមគ្នា និងជាការបង្ហាញឱ្យឃើញនូវឆន្ទៈរបស់ខេត្តក្នុងការប្រែក្លាយសក្តានុពលដែលមានស្រាប់ ឱ្យទៅជាផលិត​ផ​ល​ និងបទពិសោធទេសចរណ៍ដែលមានតម្លៃបន្ថែមខ្ពស់។

លោក ហួត ហាក់ បានឱ្យដឹងថា សមិទ្ធផលរឹង និងទន់ទាំងនេះ មិនត្រឹមតែបានលើកកម្ពស់ជីវភាព និងសម្រួលដល់​ការធ្វើដំណើររបស់ប្រជាពលរដ្ឋប៉ុណ្ណោះទេ ប៉ុន្តែថែមទាំង​បានពង្រឹង និងពង្រីកការតភ្ជាប់ទៅកាន់គោលដៅទេសចរណ៍ និងតំបន់សេដ្ឋកិច្ចសំ​ខាន់​ៗ បង្កើតបរិយាកាសកាន់តែអំណោយផល​សម្រាប់ការធ្វើធុរកិច្ច ការវិនិយោគ និងការអភិវឌ្ឍវិស័យ​ទេសចរណ៍​ប្រកបដោយចីរភាពផងដែរ។

លោកបន្ថែមថា រដ្ឋបាលខេត្ត និងប្រជាពលរដ្ឋខេត្តកំពង់ចាម បាននិងកំពុងយកចិត្តទុកដាក់ជំរុញការអភិវឌ្ឍលើគ្រប់វិស័យ ជាពិសេ​ស​វិស័យទេសចរណ៍ តាមរយៈការពង្រឹងគុណភាពសេវាកម្ម បដិសណ្ឋារកិច្ច អនាម័យ សោភ័ណភាព និងសុវត្ថិភាពទេសចរណ៍ សំដៅបង្កើនភាពទាក់ទាញ និងផ្តល់ភាពកក់ក្តៅជូនភ្ញៀវទេសចរជាតិ និងអន្តរជាតិ។ វឌ្ឍនភាពដ៏ឆាប់រហ័សនេះ បានរួមចំណែកធ្វើឱ្យខេត្តកំពង់ចាម មិនត្រឹមតែក្លាយជាគោលដៅទេសចរណ៍ដ៏ទាក់ទាញប៉ុណ្ណោះទេ ប៉ុន្តែថែមទាំងជាច្រកត​ភ្ជាប់យុទ្ធសាស្ត្ររវាងរាជធានីភ្នំពេញ និងបណ្ដាខេត្តភូមិភាគឦ​សា​នផងដែរ។

លោកក៏បានកត់សម្គាល់ និងកោតសរសើរចំពោះគំនិតផ្តួចផ្តើម និងគម្រោងអភិវឌ្ឍន៍សំខាន់ៗរបស់ខេត្តកំពង់ចាម ដែលនឹងលេចរូបរាងឡើងនៅពេលឆាប់ៗខាងមុខនេះ ដែលនឹងចូលរួមទាក់ទាញភ្ញៀវទេសចរជាតិ និងអន្តរជាតិបានកាន់តែច្រើនឡើងបន្ថែមទៀត រួមមាន៖ កំពង់ផែទេសចរណ៍ដែកបណ្ដែតទឹក, មជ្ឈមណ្ឌលបដិសណ្ឋារកិច្ចទេសចរណ៍, ការជួសជុលកែលម្អច្រាំងទន្លេ និងការរៀបចំសួនតេជោធិបតី ព្រមទាំងការរៀបចំផ្លូវថ្មើរជើងផងដែរដែលជំរុញសកម្មភាពទេសចរណ៍នាពេលរាត្រី។ ការកែលម្អហេដ្ឋារចនាសម្ព័ន្ធរូបវ័ន្ត និងសម្បទាគាំទ្រដែលមានភាពច្នៃប្រតិដ្ឋ ព្រមទាំងគម្រោងសាងសង់រូបសំណាកដែលជាអត្តសញ្ញាណខេត្ត គឺជាផលិតទេសចរណ៍ដែលមានភាពទាក់ទាញ និងមានតម្លៃបន្ថែមខ្ពស់សម្រាប់វិស័យទេសចរណ៍។

The post «ផែនការអភិវឌ្ឍន៍ទេសចរណ៍ខេត្ត​កំពង់ចាម ឆ្នាំ២០២៦-២០៣០​» ប្រែក្លាយសក្តានុពលដែលមានស្រាប់ ឱ្យទៅជាផលិត​ផ​ល​ និងបទពិសោធទេសចរណ៍ដែលមានតម្លៃបន្ថែមខ្ពស់ appeared first on .

ក្នុងឱកាសនោះ លោករដ្ឋមន្ត្រី បានអញ្ជើញពិនិត្យ និងស្វែងយល់យ៉ាងយកចិត្តទុកដាក់អំពីផលិតផល និងសេវាកម្មទេសចរណ៍ កញ្ចប់ទស្សនកិច្ច ព្រមទាំងផលិតផលកែច្នៃក្នុងស្រុកជាច្រើនប្រភេទ។ លោកក៏បានជួបសំណេះសំណាល និងផ្តល់ការលើកទឹកចិត្តយ៉ាងកក់ក្តៅដល់ប្រតិបត្តិករទេសចរណ៍ សហគ្រិន និងម្ចាស់អាជីវកម្មក្នុងស្រុកដែលបាននាំយកផលិតផលមកដាក់តាំងបង្ហាញក្នុងព្រឹត្តិការណ៍នេះ។

ទន្ទឹមនឹងនោះលោករដ្ឋមន្ត្រី បានវាយតម្លៃខ្ពស់ចំពោះការរៀបចំព្រឹត្តិការណ៍ដ៏មានសារៈសំខាន់នេះ ដែលមិនត្រឹមតែចូលរួមផ្សព្វផ្សាយពីសក្ដានុពលទេសចរណ៍ និងអត្តសញ្ញាណវប្បធម៌ខ្មែរប៉ុណ្ណោះទេ ប៉ុន្តែថែមទាំងជាកម្លាំងចលករយ៉ាងសំខាន់ក្នុងការគាំទ្រអាជីវកម្មក្នុងស្រុក និងបង្កើតឱកាសពង្រីកបណ្ដាញធុរកិច្ច ព្រមទាំងភាពជាដៃគូរវាងភាគីពាក់ព័ន្ធទាំងអស់ក្នុងវិស័យទេសចរណ៍។

សូមបញ្ជាក់ជូនថា ព្រឹត្តិការណ៍ «ពិព័រណ៍ទេសចរណ៍កម្ពុជា លើកទី១» នេះ ត្រូវបានរៀបចំឡើងរយៈពេល ៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែកញ្ញា ឆ្នាំ២០២៦ ដោយមានស្តង់ចូលរួមសរុបចំនួន ៥២ស្តង់។ លើសពីនេះ ក្នុងកម្មវិធីក៏មានការសម្ដែងទម្រង់វប្បធម៌ និងសកម្មភាពកម្សាន្តប្លែកៗជាច្រើន ដើម្បីទាក់ទាញភ្ញៀវទេសចរ ជំរុញចលនាទេសចរណ៍ក្នុងស្រុក លើកកម្ពស់មោទនភាពជាតិ និងរួមចំណែកដល់ការអភិវឌ្ឍវិស័យទេសចរណ៍កម្ពុជាប្រកបដោយចីរភាព៕

The post ស្តង់៥២ជួបជុំគ្នា! ពិព័រណ៍ទេសចរណ៍កម្ពុជា លើកទី១ បង្កើតឱកាសថ្មី សម្រាប់អាជីវកម្មក្នុងស្រុក appeared first on .

ក្នុងឱកាសនោះ លោក ហួត ហាក់ រដ្ឋមន្រ្តីក្រសួងទេសចរណ៍ បានបញ្ជាក់ថា CTM 2026 Mini-Series បានក្លាយជាវេទិកាពាណិជ្ជកម្មទេសចរណ៍ដ៏សំខាន់មួយស្របតាមគោលនយោបាយអាទិភាពរបស់រាជរដ្ឋាភិបាល ក្នុងការអភិវឌ្ឍវិស័យទេសចរណ៍ ដោយផ្តោតលើការពង្រឹងភាពជាដៃគូរវាងវិស័យសាធារណៈ និងវិស័យឯកជន បង្កើនការចូលដល់ទីផ្សារទេសចរណ៍អន្តរជាតិ និងជំរុញការអភិវឌ្ឍវិស័យទេសចរណ៍កម្ពុជាប្រកបដោយចីរភាព ការបង្កើតជាវេទិកាភ្ជាប់អ្នកទិញអន្តរជាតិជាមួយអ្នកផ្គត់ផ្គង់សេវាទេសចរណ៍កម្ពុជាជាក់ស្តែង និងប្រកបដោយលទ្ធផលខ្ពស់ ដើម្បីពង្រីកបណ្តាញធុរកិច្ច ផ្លាស់ប្តូរបទពិសោធន៍ និងចែករំលែកព័ត៌មានថ្មីៗ អំពីការអភិវឌ្ឍវិស័យទេសចរណ៍នៅថ្នាក់តំបន់ និងពិភពលោក ដែលជួយបង្កើនភាពប្រកួតប្រជែងរបស់កម្ពុជានៅលើទីផ្សារទេសចរណ៍អន្តរជាតិ ពង្រីកវត្តមានរបស់កម្ពុជាក្នុងទីផ្សារថ្មីៗ និងគាំទ្រដល់សហគ្រាសធុនតូច និងមធ្យម (SMEs) និងប្រតិបត្តិករទេសចរណ៍ក្នុងតំបន់ឱ្យមានឱកាសចូលដល់ទីផ្សារអន្តរជាតិ។

លោកក៏បានអញ្ជើញភ្ញៀវទេសចរ អ្នកទស្សនា និងវិនិយោគិនអន្តរជាតិ មកទស្សនា និងស្វែងយល់ពីសក្តានុពលដ៏សម្បូរបែបរបស់កម្ពុជា ដោយភាពជឿជាក់ និងពុំមានកង្វល់ណាមួយ ព្រមទាំងទទួលបានបទពិសោធន៍នៃបដិសណ្ឋារកិច្ចដ៏កក់ក្តៅ ដែលល្បីថា «ស្នាមញញឹមកម្ពុជា» និងភាពរួសរាយរាក់ទាក់របស់ប្រជាជនកម្ពុជា ដែលជាអត្តសញ្ញាណពិសេសរបស់កម្ពុជា។

គូសបញ្ជាក់ផងដែរថា ជំនួបផ្លាស់ប្តូរពាណិជ្ជកម្មទេសចរណ៍កម្ពុជាឆ្នាំ២០២៦ (CTM 2026 Mini-Series) ត្រូវបានអនុវត្តក្រោមកិច្ចសហការដ៏ជិតស្និទ្ធរវាងក្រសួងទេសចរណ៍ សហព័ន្ធទេសចរណ៍កម្ពុជា (CTF) និងសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជា (PATA Cambodia Chapter) ក្នុងនាមជាអ្នករៀបចំកម្មវិធី (Lead Organizer) ដែលជាយុទ្ធនាការទីផ្សារគោលដៅជាយុទ្ធសាស្ត្រពេញមួយឆ្នាំ ក្រោមប្រធានបទ «កម្ពុជាទៅកាន់ពិភពលោក» ដើម្បីបង្កើតវេទិកាធុរកិច្ចរវាងអ្នកទិញអន្តរជាតិ និងអ្នកផ្គត់ផ្គង់កម្ពុជា ពង្រីកទីផ្សារ ទាក់ទាញភ្ញៀវទេសចរ និងការវិនិយោគ និងលើកកម្ពស់កម្ពុជាជាគោលដៅទេសចរណ៍ប្រកបដោយពិពិធកម្ម និងភាពប្រកួតប្រជែងនៅលើទីផ្សារទេសចរណ៍ពិភពលោក។

The post ជំនួបផ្លាស់ប្តូរពាណិជ្ជកម្មទេសចរណ៍កម្ពុជា ឆ្នាំ២០២៦ ទាក់ទាញប្រតិភូក្រុមហ៊ុនធំៗ មកពី៣ប្រទេស ជួបពិភាក្សាបង្កើតកិច្ចសហការទេសចរណ៍រូមគ្នាជាច្រើន appeared first on .