តាមរយៈបណ្តាញសង្គមហ្វេសប៊ុក នៅថ្ងៃទី៨ ខែមករា ឆ្នាំ២០២៦ អ្នកឧកញ៉ាអគ្គនាយក បានបង្ហើបឱ្យដឹងពី​គម្រោងបង្កើតរោងចក្រផលិតម្ហូបអាហារ ក្នុងពេលឆាប់ៗនេះ បន្ទាប់ពីចំណាយពេលសិក្សាអស់រយៈពេល​ប្រមាណ​ជិត ១ឆ្នាំ។

អ្នកជំនួញពហុវិស័យរូបនេះ បានគូសបញ្ជាក់បែបនេះថា៖ “ឈប់ប្រើប្រាស់ទំនិញពីប្រទេសចោរ (សៀម) ទៀត​ទៅ! បន្ទាប់ពីចំណាយពេលវេលាជិត ១ឆ្នាំ ឥឡូវនេះរោងចក្រផលិតម្ហូបអាហារចម្រុះ វីរ:ប៊ុនថាំ ហ្វូត (Vireak Buntham Food Processing Factory) នឹងចូលខ្លួនបម្រើជូនប្រជាពលរដ្ឋកម្ពុជា ជំនួសការនាំចូល នៅមុន​ចូលឆ្នាំ​ខ្មែរនេះ ជាមួយការផលិតស្តង់ដាអន្តរជាតិ ដើម្បីត្រៀមខ្លួននាំចេញទៅក្រៅប្រទេស និងដើម្បីនាំ​លំហូរសាច់ប្រាក់ចូលក្នុងប្រទេសកម្ពុជា”។

អ្នកឧកញ៉ា សួរ វីរៈ ក៏បានបង្ហើបឱ្យដឹងតាមរយៈសារបន្ថែមទៀតផងដែរថា រោងចក្រផលិតម្ហូបអាហារចម្រុះ វីរ:ប៊ុនថាំ ហ្វូត (Vireak Buntham Food Processing Factory) នឹងមានផលិតម្ហូបអាហារ និងគ្រឿងទេស​ចម្រុះ​ដូចជា មី ត្រីខ ប្រេងឆា ទឹកប្រេងខ្យង ម្សៅស៊ុប ប៊ីចេង ទឹកម្ទេស កាហ្វេ និងគ្រឿងទេសជាច្រើនផ្សេងទៀត៕

The post អ្នកឧកញ៉ា សួរ វីរៈ ប្រកាសបើករោងចក្រផលិតម្ហូបអាហារ​ចម្រុះនៅកម្ពុជា ក្នុងពេលឆាប់ៗនេះ appeared first on .

ទស្សនាកម្រងរូបភាពខាងក្រោម៖

The post ស្មារតី ខ្មែរជួយខ្មែរ! លោកជំទាវ ប៊ុន ចន្ធូ ភរិយា ឯកឧត្ដម អ្នកឧកញ៉ា សួរ វីរៈ ដឹកនាំមហាគ្រួសារ វិរៈ ប៊ុនថាំ វេចខ្ចប់ស្បៀងចាំបាច់ ជូនវីរៈកងទ័ពការពារព្រំដែន និងបងប្អូនខ្មែរកំពុងភៀសសឹក appeared first on .

យោងតាមរបាយការណ៍របស់ធនាគារអភិវឌ្ឍន៍អាស៊ី (ADB) នៅថ្ងៃទី៣០ ខែកញ្ញា ឆ្នាំ២០២៥ បានឱ្យដឹងថា កំណើនសេដ្ឋកិច្ចសម្រាប់កម្ពុជា រក្សាបានកំណើនប្រមាណជិត ៥% ក្នុងឆ្នាំ២០២៥នេះ។ លោកស្រី Jyotsana Varma នាយិកា ADB ប្រចាំប្រទេសកម្ពុជា បានបញ្ជាក់ថា នាពេលខាងមុខ សេដ្ឋកិច្ចកម្ពុជាមានឱកាសសម្រាប់ការបន្តងើបឡើងវិញនៃវិស័យសំណង់ និងទេសចរណ៍ ជាមួយនឹងកំណើនជាបន្តបន្ទាប់នៃវិស័យកសិកម្ម ដែលទាំងនេះបង្ហាញពីកំណើនប្រកបដោយតុល្យភាព និងនិរន្តរភាព។

តាមរយៈបណ្តាញសង្គមហ្វេសប៊ុក នាព្រឹកថ្ងៃទី១ ខែតុលា ឆ្នាំ២០២៥នេះ អ្នកឧកញ៉ា សួរ វីរៈ ក៏បានបង្ហាញការយល់ឃើញថាសេដ្ឋកិច្ចកម្ពុជាមានកំណើនផងដែរ។ អ្នកឧកញ៉ាអគ្គនាយក បានលើកឡើងបែបនេះថា៖ “កំណើនសេដ្ឋកិច្ចនៅកម្ពុជាមានសន្ទុះកើនឡើង បន្ទាប់ពីមានការគាំទ្រផលិតផល និងសេវាកម្មក្នុងស្រុកសូមបងប្អូនចូលរួមបន្តទៀត”។

សូមជម្រាបថា ក្រុមហ៊ុន វិរៈ ប៊ុនថាំ អេចប្រេស ជាក្រុមហ៊ុនខ្មែរ បានបង្កើតឡើងក្នុងឆ្នាំ២០០៤ ហើយបច្ចុប្បន្នបានក្លាយជា ក្រុមហ៊ុនដឹកអ្នកដំណើរ និងបញ្ញើរឆាប់រហ័សឈានមុខគេប្រចាំប្រទេសកម្ពុជា ក៏ដូចជាភ្ជាប់ទៅកាន់ប្រទេសជិតខាងមួយចំនួន។ ក្រៅពីសេវាកម្មទាំងនេះ ក្រុមហ៊ុន វិរៈ ប៊ុនថាំ គ្រុប មានក្រុមហ៊ុនជាបុត្រសម្ព័ន្ធ និងសេវាកម្មផ្សេងៗជាច្រើនទៀត រួមមាន៖ សេវាកម្មសណ្ឋាគារ និងរីសត រថយន្តសម្រាប់ដឹកទំនិញ រថយន្តជួលប្រណិត រថយន្តគ្រែគេងយប់ប្រណិត រថយន្តក្រុងប្រណិត AirBus និង ទូកល្បឿនលឿន Buva Sea ផងដែរ៕

The post អ្នកឧកញ៉ា សួរ វីរៈ ៖ កំណើនសេដ្ឋកិច្ចកម្ពុជាមានសន្ទុះកើនឡើង បន្ទាប់ពីមានការគាំទ្រផលិតផល និងសេវាកម្មក្នុងស្រុក appeared first on .

កិច្ចប្រជុំនេះ មានគោលបំណងផ្តល់នូវការយល់ដឹងកាន់តែច្រើនអំពីអត្ថប្រយោជន៍នៃការប្រើប្រាស់ជីសរីរាង្គ ក៏ដូចជាការផ្លាស់ប្តូរការយល់ដឹងអំពីតម្រូវការរបស់អតិថិជន និងតម្រូវការទីផ្សារនាពេលបច្ចុប្បន្ន។ គំនិតផ្តួចផ្តើមនេះ គឺជាផ្នែកមួយនៃការប្តេជ្ញាចិត្តរបស់ក្រុមហ៊ុនក្នុងការអភិវឌ្ឍន៍ និងពង្រីកការផ្គត់ផ្គង់ជីកសិកម្មសរីរាង្គទៅទូទាំងប្រទេស នាពេលឆាប់ៗនេះ។

អ្នកឧកញ៉ា សួរ វីរៈ បានលើកឡើង កាលពីពេលថ្មីៗនេះថា ក្នុងដំណើរអាជីវកម្មជាង២១ឆ្នាំមកនេះ ក្រុមហ៊ុន វិរៈ ប៊ុនថាំ បាននិងកំពុងបន្តរួមចំណែកលើកកម្ពស់ស្ទើរគ្រប់វិស័យចម្បងៗនៅកម្ពុជា រួមមានដូចជា វិស័យដឹកជញ្ជូនអ្នកដំណើរផ្លូវគោក ផ្លូវទឹក រួមទាំងផ្លូវអាកាសក្នុងពេលឆាប់ៗនេះ វិស័យបញ្ញើទំនិញក្នុង និងក្រៅប្រទេស និងទៅកាន់បណ្តាប្រទេសនានាទូទាំងពិភពលោកក្នុងពេលខាងមុខនេះ ហើយក៏មានវិស័យបដិសណ្ឋារកិច្ច ការវិនិយោគលើវិស័យអចលនទ្រព្យ និងវិស័យកសិកម្ម។

សូមជម្រាបថា ក្រុមហ៊ុន វិរៈ ប៊ុនថាំ បានបង្កើនក្រុមហ៊ុនថ្មីជាច្រើន ដើម្បីផ្តល់ភាពងាយស្រួល និងជំរុញក្នុងការនាំចេញកសិផលកម្ពុជាទៅកាន់ទីផ្សារក្នុងស្រុក និងទូទាំងពិភពលោក។ ជាមួយគ្នានេះ ក្រុមហ៊ុន ក៏បានវិនិយោគលើរោងចក្រផលិតជីកសិកម្ម ដែលមានសមត្ថភាពផលិត ជីសរីរាង្គ ជីជន្លេន និងជីគីមីផ្សេងៗទៀតប្រកបដោយគុណភាពខ្ពស់ក្នុងតម្លៃទាប ក្នុងគោលបំណងដើម្បីផ្តល់ភាពងាយស្រួលដល់កសិករក្នុងការស្វែងរកជីទាំង ១២៥០ សាខា ទូទាំងប្រទេសកម្ពុជា សម្រាប់ធ្វើកសិកម្ម និងជួយកាត់បន្ថយការចំណាយថ្លៃដើមដល់ប្រជាកសិករ ហើយក៏បានចូលរួមក្នុងការគាំទ្រផលិតផលក្នុងស្រុក ដែលនឹងជួយជំរុញដល់សេដ្ឋកិច្ចជាតិផងដែរ៕

The post អ្នកឧកញ៉ា សួរ វីរៈ បើកកិច្ចប្រជុំសំណេះសំណាលជួបពិភាក្សាជាមួយដៃគូសហការចែកចាយ ក្រុមហ៊ុន ជីកសិកម្ម វិរៈ ប៊ុនថាំ appeared first on .

ពិធីប្រគល់ថវិកាឧបត្ថម្ភជូនដល់កងទ័ពនេះ បានធ្វើឡើងក្រោមអធិបតីភាព ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ព្រមជាមួយ ឯកឧត្តម លឹម ហួរ និងឯកឧត្តម ហួន គីមខៃ ជាតំណាងឯកឧត្តម អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ។ ថវិកាទាំងនេះ នឹងប្រើប្រាស់ ដើម្បីចាត់ចែងបន្តចូលរួមឧបត្ថម្ភគាំទ្រដល់វរកងទ័ពនៅជួរមុខ កំពុងបំពេញភារកិច្ចដ៏ឧត្តុង្គឧត្តមការពារបូរណភាពទឹកដី។

ឯកឧត្តម ឧត្តមសេនីយ៍ឯក ជួន ណារិន្ទ បានថ្លែងកោតសរសើរខ្ពស់ ចំពោះទឹកចិត្តចូលរួមចំណែករបស់ក្រុមហ៊ុន វិរៈ ប៊ុនថាំ តាមរយៈ ឯកឧត្តម លឹម ហួរ និងឯកឧត្តម ហួន គីមខៃ តំណាងអ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ ដោយចាត់ទុកថាកាយវិការ និងទឹកចិត្តដ៏សប្បុរសជាសកម្មភាពចូលរួមចំណែកយ៉ាងសំខាន់ជាមួយរាជរដ្ឋាភិបាលកម្ពុជា និងបានបង្ហាញឱ្យឃើញថាខ្មែរបានរួបរួមសាមគ្គីគ្នាយ៉ាងរឹងមាំក្នុងការការពារបូរណភាពទឹកដី និងប្រឆាំងដាច់ខាតចំពោះសត្រូវឈ្លានពានទឹកដី។

សូមជម្រាបថា ចាប់តាំងពីមានភាពតានតឹងបញ្ហាព្រំដែនកម្ពុជា-ថៃ អ្នកឧកញ៉ា សួរ វីរៈ និងលោកជំទាវ ប៊ុន ចន្ធូ បានជួយលើការងារសប្បុរធម៌ជាច្រើនដូចជា៖ ការបញ្ចេញរថយន្តទៅជួយទិញផ្លែល្ពៅពីកសិករខេត្តព្រះវិហារជិត ៣០០តោន, ការបញ្ចេញរថយន្តត្រជាក់ដឹកបន្លែពីសហគមន៍ទំនើបបន្លែផ្ទះសំណាញ់ត្រាំកក់ ចំនួន ១៥តោន ទៅកាន់តំបន់មុំបី និងការបញ្ចេញរថយន្តរាប់សិបគ្រឿង ដើម្បីដឹកជញ្ជូនស្បៀង ដឹកជំនួយជូនកងទ័ព និងដឹកជញ្ជូនពលករខ្មែរត្រឡប់មកពីប្រទេសថៃ ដោយឥតគិតថ្លៃ, ការនាំយកអំណោយទឹកដោះគោចំនួន ៥០០កេស និងអាហារខ្ចប់ចំនួនជាង ២៧០០ប្រអប់ ជូនដល់កងទ័ពជួរមុខកម្ពុជា និងជនភៀសសឹក នៅខេត្តព្រះវិហារ ផងដែរ៕

The post ក្រុមហ៊ុន វិរៈ ប៊ុនថាំ អ្នកឧកញ៉ា សួរ វីរៈ ឧបត្ថម្ភថវិកា ២០លានរៀល ដល់កងទ័ពជួរមុខ តាមរយៈឯកឧត្តម ឧត្តមសេនីយ៍ឯក ជួន ណារិន្ទ appeared first on .

ការលើកឡើងរបស់អ្នកឧកញ៉ា សួរ វីរៈ ខាងលើនេះ គឺបន្ទាប់ពីមានមតិមួយចំនួនលើបណ្តាញសង្គម បានចោទប្រកាន់ថា ក្រុមហ៊ុន វិរៈ ប៊ុនថាំ គឺជាក្រុមហ៊ុនដែលបានដឹកជញ្ជូនទំនិញពីប្រទេសថៃ ពីច្រកព្រំដែនឡាវ ចូលមកប្រទេសកម្ពុជា តាមខេត្តស្ទឹងត្រែង។

ចំពោះបញ្ហានេះ អ្នកឧកញ៉ា សួរ វីរៈ បានថ្លែងប្រាប់ ឧកញ៉ាញូស៍ នៅថ្ងៃពុធនេះដូច្នេះថា៖ “ទំនិញដែលឆ្លងពីខេត្តស្ទឹងត្រែង ដូចគ្រប់គ្នាបានដឹងហើយថា ក្រុមហ៊ុន វិរៈ ប៊ុនថាំ មានរថយន្តដឹកទំនិញពីកម្ពុជា ទៅប្រទេសចិន និងពីចិនមកកម្ពុជា ដោយឆ្លងកាត់ប្រទេសឡាវ មកកាន់ខេត្តស្ទឹងត្រែង។ អ្វីដែលបងប្អូនបានឃើញរថយន្តមួយរយៈក្រោយនេះ គឺរថយន្តដឹកទំនិញពីប្រទេសចិន ឆ្លងកាត់ប្រទេសឡាវ មកកាន់ខេត្តស្ទឹងត្រែងកម្ពុជាយើងទេ”។

អ្នកឧកញ៉ាអគ្គនាយក បានបន្ថែមទៀត ទោះយ៉ាងណា មុននឹងព្រំដែនកម្ពុជា-ថៃ បានបិទ ទំនិញដែលក្រុមហ៊ុនបានទទួលរួចមកហើយ គឺក្រុមហ៊ុននាំយកតែមួយជើងពីរជើងចេញទៅតាមខេត្តស្ទឹងត្រែងនេះទេ។ មកដល់ពេលនេះ វិរៈ ប៊ុនថាំ ក៏មិនមានទំនិញណាខ្នាតធំនៅប្រទេសថៃទៀតដែរ។ កន្លងមក ក្រុមហ៊ុន វិរៈ ប៊ុនថាំ ទទួលទំនិញបញ្ញើពីថៃ ភាគច្រើនជាទំនិញលក់អនឡាញ ជាទំនិញតូចៗ ហើយក្រុមហ៊ុនមិនមានរថយន្តកុងតឺណឺណាដឹកឆ្លងមកទេ។ បច្ចុប្បន្ននេះ មានការគាំទ្រផលិតផលខ្មែរច្រើន និងពុំមានការទិញទំនិញអនឡាញថៃច្រើនទៀតនោះទេ ដូច្នេះគ្មានហេតុផលណា ដែលក្រុមហ៊ុន វិរៈ ប៊ុនថាំ ត្រូវដឹកទំនិញនាំចូលពីប្រទេសថៃទៀតនោះទេ។

សូមជម្រាបថា បន្ទាប់មានបញ្ហាជម្លោះព្រំដែនកម្ពុជា-ថៃ រាជរដ្ឋាភិបាលកម្ពុជា បានសម្រេចផ្អាកការនាំចូលបន្លែ ផ្លែឈើ អគ្គិសនី ប្រេងឥន្ទនៈ និងឧស្ម័នពីប្រទេសថៃ។ លើសពីនេះ ក្រោយសភាពការណ៍កាន់តែធ្ងន់ធ្ងរ ឈានដល់ផ្ទុះអាវុធខ្លាំងក្លានៅតាមព្រំដែន កម្ពុជា-ថៃ ក៏បានបិទច្រកព្រំដែនគោកទាំងស្រុង រហូតមកទល់បច្ចុប្បន្ននេះ៕

The post អ្នកឧកញ៉ា សួរ វីរៈ បញ្ជាក់ថា ទំនិញដែលក្រុមហ៊ុន វិរៈ ប៊ុនថាំ ដឹកឆ្លងតាមខេត្តស្ទឹងត្រែង មិនមែនជាទំនិញរបស់ថៃ នោះទេ appeared first on .

តាមរយៈទំព័រហ្វេសប៊ុក នាថ្ងៃទី០៦ ខែសីហា ឆ្នាំ២០២៥នេះ ក្រុមហ៊ុនវិរៈ ប៊ុនថាំ អេចប្រេស ខូអិលធីឌី បានបង្ហាញជូនអត្ថន័យនិមិត្តសញ្ញារបស់ក្រុមហ៊ុន ដូចខាងក្រោម៖

១.អត្ថន័យនៃពណ៌៖ ពណ៌ស តំណាងឱ្យ ភាពបរិសុទ្ធ និងភាពស្មោះត្រង់ ធ្វើអាជីវកម្មដោយភាពស្មោះត្រង់មិនកឹបកេងប្រយោជន៍បុគ្គលិកអតិថិជន និងភាគីពាក់ព័ន្ធ។ ពណ៌ខៀវ បង្ហាញពីឧត្តមគតិ ឆន្ទៈ ការអំណត់ព្យាយាម និងការទទួលខុសត្រូវខ្ពស់ចំពោះការដឹកនាំអាជីវកម្មនិងសង្គម។ ពណ៌ទឹកក្រូច កម្លាំងចិត្ត ថាមពល ភាពឆ្នៃប្រឌិត និងភាពសប្បាយរីករាយ។

២.អត្ថន័យនៃកាំជណ្ដើរ៣៖ ជណ្តើរទី១ ចាប់ផ្តើមកសាងគ្រឹះនៃអាជីវកម្ម, ជណ្តើរទី២ អភិវឌ្ឍន៍អាជីវកម្ម និងជណ្តើរទី៣ ពង្រឹង និងពង្រីកអាជីវកម្ម។

៣.អត្ថន័យនៃសសរ២ដើម៖ សសរទី១ ស្ថិរភាពហិរញ្ញវត្ថុ, សសរទី២ កំលាំងធនធានមនុស្ស។

៤.អត្ថន័យនៃអក្សរឡាតាំង (VET)៖ V: VIREAK BUNTHAM, E: EXPRESS, T: TRANSPORTS។

សូមជម្រាបថា ក្រុមហ៊ុន វិរៈ ប៊ុនថាំ អេចប្រេស ជាក្រុមហ៊ុនខ្មែរ បានបង្កើតឡើងក្នុងឆ្នាំ២០០៤ ហើយបច្ចុប្បន្នបានក្លាយជា ក្រុមហ៊ុនដឹកអ្នកដំណើរ និងបញ្ញើរឆាប់រហ័សឈានមុខគេប្រចាំប្រទេសកម្ពុជា ក៏ដូចជាភ្ជាប់ទៅកាន់ប្រទេសជិតខាងមួយចំនួន។ ក្រៅពីសេវាកម្មទាំងនេះ ក្រុមហ៊ុន វិរៈ ប៊ុនថាំ គ្រុប មានក្រុមហ៊ុនជាបុត្រសម្ព័ន្ធ និងសេវាកម្មផ្សេងៗជាច្រើនទៀត រួមមាន៖ សេវាកម្មសណ្ឋាគារ និងរីសត រថយន្តសម្រាប់ដឹកទំនិញ រថយន្តជួលប្រណិត រថយន្តគ្រែគេងយប់ប្រណិត រថយន្តក្រុងប្រណិត AirBus និង ទូកល្បឿនលឿន Buva Sea ផងដែរ៕

The post មកដឹងពីអត្ថន័យនិមិត្តសញ្ញាក្រុមហ៊ុនវិរៈ ប៊ុនថាំ អេចប្រេស ខូអិលធីឌី របស់អ្នកឧកញ៉ា សួរ វីរៈ appeared first on .

យោងតាមសេចក្តីសម្រេចលេខ ៦៣៣/០៧២៥/សស.គក របស់គណៈកម្មាធិការកណ្តាលគណបក្សប្រជាជនកម្ពុជា បានសម្រេចចាត់តាំងបន្ថែមសមាសភាពក្រុមការងារចលនាកសាងសមាជិកគណបក្សនៅមូលដ្ឋានរាជធានី ខេត្តចំនួន ៨រូប រួមមាន៖ ១.ឯកឧត្តម ផេង គឹមស៊្រុន អនុប្រធាន, ២.ឯកឧត្តម អ៊ុក គឹមសាន, ៣.ឯកឧត្តម ឆាយ ជោតនា, ៤.ឯកឧត្តម ហ៊ុន សុខា, ៥.ឯកឧត្តម ឃន ជឺ, ៦.ឯកឧត្តម អែម ប៊ុនធឿន, ៧.អ្នកឧកញ៉ា សួរ វីរៈ និង ៨.អ្នកឧកញ៉ា ឡាញ់ ភារ៉ា ជាសមាជិក។

សូមជម្រាបថា អ្នកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស ត្រូវបានតែងតាំង ជាទីប្រឹក្សាសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា កាលថ្ងៃទី៦ ខែធ្នូ ឆ្នាំ២០២៤។ អ្នកឧកញ៉ា សួរ វីរៈ ជាម្ចាស់ក្រុមហ៊ុន វិរៈប៊ុនថាំ គ្រុប ដែលជាក្រុមហ៊ុនដឹកជញ្ជូនបញ្ញើឆាប់រហ័សឈានមុខគេនៅកម្ពុជា។ បច្ចុប្បន្ន វិរៈប៊ុនថាំ គ្រុប មានក្រុមហ៊ុនបុត្រសម្ព័ន្ធដូចជា៖ រថយន្តជួលប្រណិត, រថយន្តក្រុងប្រណិត និង Air Bus, រថយន្តគ្រែគេងយប់ប្រណិត, រថយន្តសម្រាប់ដឹកទំនិញ, ទូកល្បឿនលឿន Buva Sea, សណ្ឋាគារ រីសតជាង១០កន្លែង ព្រមទាំងមានគម្រោងដាក់បម្រើសេវាកម្មយន្តហោះដឹកភ្ញៀវទេសចរក្នុងស្រុក នាពេលខាងមុខទៀតផងដែរ៕

The post សម្តេចតេជោ ហ៊ុន សែន ចាត់តាំង អ្នកឧកញ៉ា សួរ វីរៈ ជាសមាជិកក្រុមការងារចលនាកសាងសមាជិកគណបក្សនៅមូលដ្ឋានរាជធានី ខេត្ត appeared first on .

ប្លែកពីរាល់ដងស្លៀកពាក់សាមញ្ញធម្មតា ឬសម្លៀកបំពាក់អាវធំ ក្នុងនាមជាអគ្គនាយកក្រុមហ៊ុន ប៉ុន្តែម្សិលមិញនេះ អ្នកឧកញ៉ាបានពាក់ឯកសណ្ឋានជាអ្នកដឹកជញ្ជូន ដោយបានបង្ហោះលើបណ្តាញសង្គមហ្វេសប៊ុក ភ្ជាប់ជាមួយសារបែបលេងសើចបន្តិចបែបនេះថា៖ “ថ្ងៃដំបូងទទួលបានឯកសណ្ឋានក្នុងតួនាទីជាអ្នកដឹកជញ្ជូនបញ្ញើឆាប់រហ័ស បើជួបតាមផ្លូវសួរនាំ ហើយសុំរាប់អានផង បញ្ញើអីក៏បាន ដកតែបញ្ញើបេះដូងចេញទេ ប្រាប់ទីតាំងភ្លាម ទៅដល់ភ្លាម”។

សូមជម្រាបថា អ្នកឧកញ៉ា សួរ វីរៈ ជាម្ចាស់ក្រុមហ៊ុន វិរៈប៊ុនថាំ គ្រុប ដែលជាក្រុមហ៊ុនដឹកជញ្ជូនបញ្ញើឆាប់រហ័សឈានមុខគេនៅកម្ពុជា។ បច្ចុប្បន្ន វិរៈប៊ុនថាំ គ្រុប មានក្រុមហ៊ុនបុត្រសម្ព័ន្ធដូចជា៖ រថយន្តជួលប្រណិត, រថយន្តក្រុងប្រណិត និង Air Bus, រថយន្តគ្រែគេងយប់ប្រណិត, រថយន្តសម្រាប់ដឹកទំនិញ, ទូកល្បឿនលឿន Buva Sea, សណ្ឋាគារ រីសតជាង១០កន្លែង ព្រមទាំងមានគម្រោងដាក់បម្រើសេវាកម្មយន្តហោះដឹកភ្ញៀវទេសចរក្នុងស្រុក នាពេលខាងមុខទៀតផងដែរ៕

The post អ្នកឧកញ៉ា សួរ វីរៈ គ្រងឯកសណ្ឋានក្នុងតួនាទីជាអ្នកដឹកជញ្ជូនបញ្ញើឆាប់រហ័ស appeared first on .

សេវាកម្មដឹកជញ្ជូនភ្ញៀវទេសចរតាមរយៈយន្តហោះអគ្គីសនីនេះ ត្រូវបានគេរំពឹងថា នឹងធ្វើឱ្យការតភ្ជាប់ប៉ូលទេសចរណ៍នៅក្នុងស្រុកកាន់តែប្រសើរពីតំបន់បឹងទន្លេសាប តំបន់សមុទ្រ តំបន់ឥសាន និងរាជធានីភ្នំពេញ។ យន្តហោះអគ្គីសនី ម៉ាក NOEMI មានតម្លៃសរុប ៥០លានដុល្លារអាមេរិក ហើយនឹងត្រូវដាក់ឱ្យដំណើរការក្រោមឈ្មោះរបស់អាកាសចរណ៍កម្ពុជា VETAirways ដែលជាបុត្រសម្ព័ន្ធរបស់ក្រុមហ៊ុន វិរៈ ប៊ុនថាំ។

អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ អេចប្រេស បានឱ្យដឹងថា យន្តហោះអគ្គីសនីនេះ មួយគ្រឿងអាចផ្ទុកអ្នកទេសចរបានចំនួន ២០នាក់ ហើយវានឹងមកដល់ប្រទេសកម្ពុជា ក្នុងរង្វង់ប្រហែល ៤ឬ៥ឆ្នាំក្រោយ។

«ដោយសារជាយន្តហោះថ្មី ដូច្នេះការចំណាយពេលបញ្ជារទិញ គឺមានរយៈពេលយូរ ហើយចំនួនកៅអីយន្តហោះ៥គ្រឿងហ្នឹង មួយគ្រឿងមានចំនួន ២០កៅអី អាចផ្ទុកអ្នកដំណើរបាន ២០នាក់»។ អ្នកឧកញ៉ា បានបន្ថែម។

អ្នកឧកញ៉ា សួរ វីរៈ បានបញ្ជាក់ទៀតថា យន្តហោះអគ្គីសនី នឹងត្រូវដឹកនាំភ្ញៀវទេសចរពីខេត្តសៀមរាប និងរាជធានីភ្នំពេញ ទៅកាន់កោះរ៉ុង ខេត្តព្រះសីហនុ និងតំបន់តារាសាគរ ខេត្តកោះកុង ព្រមទាំងពីរាជធានីភ្នំពេញ ទៅកាន់ខេត្តមណ្ឌលគិរី និងខេត្តរតនគិរី ជាដើម។ ក្នុងអំឡុងពេលរង់ចាំយន្តហោះអគ្គីសនី ក្រុមហ៊ុន VETAirways ក៏នឹងសាកល្បងយន្តហោះលើទឹក ជាប្រភេទយន្តហោះខ្នាតតូចចាប់ពី ៤កៅអី ទៅ៨កៅអី ដែលក្រុមហ៊ុនមានស្រាប់ចំនួន ៥គ្រឿង ក្នុងរយៈពេល ៣ខែ ខាងមុខនេះផងដែរ៕

The post ក្រុមហ៊ុន វិរៈ ប៊ុនថាំ អ្នកឧកញ៉ា សួរ វីរៈ ទិញយន្តហោះអគ្គីសនី ៥គ្រឿង តម្លៃ៥០លានដុល្លារ បម្រើសេវាកម្មដឹកទេសចរក្នុងស្រុក appeared first on .