ជុំវិញចំណាត់ការនេះ បានបង្ហាញពីការបង្កើនល្បឿនរបស់ BOJ ក្នុងវដ្តនៃការធ្វើឱ្យគោលនយោបាយរូបិយវត្ថុមានភាពប្រក្រតីឡើងវិញ ដែលកើតឡើងត្រឹមតែ ៣ខែប៉ុណ្ណោះបន្ទាប់ពីការកែសម្រួលលើកមុន។ កាលពីមុន ធនាគារកណ្តាលនេះ បានរង់ចាំរហូតដល់ ៦ខែ ទើបចាត់វិធានការ។

យ៉ាងណាមិញ ការសម្រេចចិត្តរបស់ BOJ នេះ ធ្វើឡើងត្រឹមតែ ២ថ្ងៃប៉ុណ្ណោះ បន្ទាប់ពីធនាគារកណ្តាលអាមេរិក (Fed) បានដំឡើងអត្រាការប្រាក់ផងដែរ។ ធនាគារកណ្តាលជប៉ុនបានថ្លែងថា ខ្លួនចង់រក្សាអតិផរណាឱ្យមានស្ថេរភាព ស្ថិតនៅកម្រិតជុំវិញ ២%។

គួរឲ្យឹងថា ការដំឡើងអត្រាការប្រាក់នេះកើតឡើងចំពេលដែលអតិផរណាកំពុងកើនឡើង ហើយប្រាក់យេនជប៉ុនបានចុះថយតម្លៃយ៉ាងខ្លាំង។ អតិផរណានៅទីក្រុងតូក្យូកាលពីខែសីហាគឺស្ថិតនៅកម្រិត ១,៩%។ ជុំវិញបញ្ហានេះ មន្ត្រីអាមេរិកកាលពីពេលថ្មីៗនេះ ត្រូវធ្វើការសម្របសម្រួលជាមួយជប៉ុន ដើម្បីអន្តរាគមន៍ និងរុញតម្លៃប្រាក់យេនឱ្យឡើងថ្លៃវិញផងដែរ។

ជម្រាបជូនថា សហរដ្ឋអាមេរិកបានតម្រូវឱ្យជប៉ុនរឹតបន្តឹងគោលនយោបាយរបស់ខ្លួនជាច្រើនលើក ដោយដាក់សម្ពាធលើគោលនយោបាយរូបិយវត្ថុ និងសារពើពន្ធធូររលុងរបស់នាយករដ្ឋមន្ត្រី លោកស្រី Sanae Takaichi។ កាលពីដើមខែនេះ រដ្ឋមន្ត្រីក្រសួងហិរញ្ញវត្ថុអាមេរិក លោក Scott Bessent បានជំរុញឱ្យទេសាភិបាល BOJ លោក Kazuo Ueda ចាត់វិធានការម៉ឺងម៉ាត់លើបញ្ហារូបិយវត្ថុ និងទីផ្សារនៅក្នុងកិច្ចប្រជុំមេដឹកនាំហិរញ្ញវត្ថុ G20 ថែមទៀតផង៕​

The post ជប៉ុន ដំឡើងអត្រាការប្រាក់ដល់កម្រិតខ្ពស់បំផុតមិនធ្លាប់មានរយៈពេលជាង ៣០ឆ្នាំចុងក្រោយ appeared first on .

រោងចក្រថ្មីមួយដែលបានស្នើឡើងនេះ តម្រូវឱ្យមានការវិនិយោគចន្លោះពី ២ទ្រីលានយ៉េន ទៅ ៣ទ្រីលានយ៉េន (ឬប្រហែល ១២,៨៥ពាន់លានដុល្លារ ទៅ ១៩,២៧ពាន់លានដុល្លារ) ដែលស្ថិតនៅលើទឹកដីអាមេរិកផ្ទាល់។

មិនតែប៉ុណ្ណោះរោងចក្រនេះ ត្រូវបានគេរាយការណ៍ថានឹងផ្តោតលើការផលិត logic semiconductors ហើយត្រូវបានរំពឹងទៀតថានឹងប្រតិបត្តិការដោយក្រុមហ៊ុនផលិតបន្ទះឈីបអាមេរិក GlobalFoundries។

គួរជម្រាបជូនថា ការពិភាក្សានេះត្រូវបានធ្វើឡើង ខណៈពេលដែលប្រទេសទាំងពីរស្វែងរកការពឹងផ្អែកលើការពង្រឹងខ្សែសង្វាក់ផ្គត់ផ្គង់ semiconductor និងពង្រីកសមត្ថភាពផលិតបន្ទះឈីប ដើម្បីឆ្លើយតបទៅនឹងតម្រូវការកើនឡើងនៃបច្ចេកវិទ្យាប្រព័ន្ធកុំព្យូទ័រកម្រិតខ្ពស់ និងបញ្ញាសិប្បនិម្មិត (AI)៕​

The post ជប៉ុន និងអាមេរិក កំពុងចរចាលើគម្រោងសង់រោងចក្រផលិតបន្ទះឈីបតម្លៃ ១៩ពាន់លានដុល្លារ appeared first on .

យ៉ាងណាមិញ​ ជុំវិញការកើនឡើងនេះមានកម្រិតស្មើគ្នានឹងការកើនឡើងកាលពីឆ្នាំមុន ដែលជាការកើនឡើងធំបំផុតចាប់តាំងពីការកើនឡើង ៣,១% កាលពីឆ្នាំ១៩៩១ នៅពេលដែលតម្លៃអចលនទ្រព្យ និងសេដ្ឋកិច្ចចាប់ផ្តើមថយចុះកម្ដៅ បន្ទាប់ពីបានកើនឡើងយ៉ាងក្តៅគគុកអស់រយៈពេលជាច្រើនឆ្នាំ។

មិនតែប៉ុណ្ណោះ យោងតាមទិន្នន័យបានបង្ហាញទៀតថា ទីផ្សារដីធ្លីរបស់ជប៉ុននៅតែទទួលបានការគាំទ្រពីការងើបឡើងវិញជាបណ្តើរៗនៃសេដ្ឋកិច្ច ដោយតម្លៃអចលនទ្រព្យសម្រាប់លំនៅដ្ឋាន និងពាណិជ្ជកម្មបន្តកើនឡើងនៅទូទាំងប្រទេស។

ជម្រាបជូនថា ជាមធ្យមតម្លៃដីធ្លីនៅតំបន់ទីក្រុងធំៗដូចជា តូក្យូ , អូសាកា និងណាហ្គូយ៉ា (Nagoya) បានកើនឡើង ៤,៤% បើធៀបនឹងឆ្នាំមុន។ ចំណែកឯនៅតំបន់ទេសចរណ៍នានានៅតែបន្តទទួលបានផលប្រយោជន៍ពីការកើនឡើងយ៉ាងខ្លាំងនៃភ្ញៀវទេសចរបរទេស។ តំបន់ ហាកូបា (Hakuba) ដែលស្ថិតនៅក្នុងខេត្ត ណាហ្គាណូ (Nagano) បានមើលឃើញតម្លៃដីពាណិជ្ជកម្មស្ទុះងើបឡើងដល់ ៣៥,៦% ដែលឆ្លុះបញ្ចាំងពីតម្រូវការយ៉ាងខ្លាំងក្លានៅក្នុងតំបន់ទេសចរណ៍ដ៏ពេញនិយមបំផុតមួយនេះ៕​

The post តម្លៃដីធ្លីនៅក្នុងប្រទេសជប៉ុនបន្តហក់ឡើងសម្រាប់ឆ្នាំទី៤ ជាប់ៗគ្នា appeared first on .

គិតនៅត្រឹមព្រឹកថ្ងៃទី៣ ខែសីហា តម្លៃប្រាក់យ៉េនជប៉ុនបានកើនឡើង ១% ធៀបនឹងប្រាក់ដុល្លារអាមេរិក ដោយនៅចំណុចមួយជាមួយអត្រាប្តូរប្រាក់ ១ដុល្លារអាមេរិកស្មើនឹង ១៥៥,២យ៉េនជប៉ុន។ នេះគឺជាកម្រិតខ្ពស់បំផុតមិនធ្លាប់មានសម្រាប់ប្រាក់យ៉េនក្នុងរយៈពេលបីខែកន្លងមក។

គួរឲ្យដឹងថា ប្រាក់យ៉េនក៏បានកើនឡើងធៀបនឹងរូបិយប័ណ្ណផ្សេងទៀតដូចជាប្រាក់អឺរ៉ូ និងប្រាក់ផោនអង់គ្លេស ផងដែរ។ ការវិវត្តនេះបានជំរុញឱ្យមានការរំពឹងទុកថាអាជ្ញាធរជប៉ុនប្រហែលជាបានបន្តធ្វើអន្តរាគមន៍នៅក្នុងទីផ្សារបន្ថែមទៀត។

កាលពីចុងសប្តាហ៍មុន តម្លៃប្រាក់យ៉េនបានកើនឡើងជាង ៣% ធៀបនឹងប្រាក់ដុល្លារអាមេរិកក្នុងរយៈពេលនៃការជួញដូរត្រឹមតែពីរវគ្គប៉ុណ្ណោះ។ ជុំវិញការកើនឡើងនេះ បន្ទាប់ពីក្រសួងហិរញ្ញវត្ថុជប៉ុនបានបញ្ជាក់នៅថ្ងៃទី៣១ ខែកក្កដាថា ខ្លួនបានចូលរួមជាមួយសហរដ្ឋអាមេរិកក្នុងការទិញប្រាក់យ៉េននៅលើទីផ្សារ។ ទិន្នន័យពីធនាគារជប៉ុន (BOJ) បានបង្ហាញថា លុយប្រហែល ៥៨,៩ពាន់លានយ៉េនត្រូវបានទិញ គិតនៅថ្ងៃទី៣០ ខែកក្កដា។

លើកចុងក្រោយដែលសហរដ្ឋអាមេរិកបានគាំទ្រដោយផ្ទាល់ដល់ប្រាក់យ៉េន គឺនៅឆ្នាំ២០១១ ដោយសម្របសម្រួលជាមួយក្រុមប្រទេស G7 ផ្សេងទៀតដើម្បីធ្វើឱ្យទីផ្សារមានស្ថេរភាពបន្ទាប់ពីគ្រោះមហន្តរាយពីរដងនៃការរញ្ជួយដី និងរលកយក្សស៊ូណាមិនៅប្រទេសជប៉ុន។

ជម្រាបជូនថា ប្រាក់យ៉េនស្ថិតនៅក្រោមសម្ពាធអស់រយៈពេលជាច្រើនឆ្នាំដោយសារតែល្បឿនយឺតនៃគោលនយោបាយរូបិយវត្ថុតឹងរ៉ឹងខ្លាំងរបស់ធនាគារជប៉ុន។ កត្តានេះបាននាំឱ្យមានភាពខុសគ្នាយ៉ាងខ្លាំងនៃអត្រាការប្រាក់រវាងប្រទេសជប៉ុន និងប្រទេសដទៃទៀត។ អត្រាការប្រាក់របស់សហរដ្ឋអាមេរិកបច្ចុប្បន្នមានប្រហែល ៣,៥-៣,៧៥% ខណៈពេលដែលតួលេខនៅប្រទេសជប៉ុនគឺ ១%៕​

The post តម្លៃប្រាក់យ៉េនជប៉ុន ហក់ឡើងដល់កម្រិតខ្ពស់បំផុត ក្នុងរយៈពេល ៣ខែចុងក្រោយ appeared first on .

គិតត្រឹមថ្ងៃទី១ ខែមករា ចំនួនប្រជាជនជប៉ុននៅក្នុងប្រទេសជប៉ុនមានចំនួន ១១៩,៧៤ លាននាក់ ពោលគឺបានធ្លាក់ចុះ ០,៧៦% ពីឆ្នាំមុន។ នេះបើយោងតាមក្រសួងកិច្ចការផ្ទៃក្នុង និងទំនាក់ទំនងបានបង្ហាញ។

គួរឲ្យដឹងផងដែរថា ចំនួនប្រជាជនជប៉ុនបានធ្លាក់ចុះអស់រយៈពេល ១៧ឆ្នាំជាប់ៗគ្នារួចមកហើយ គិតចាប់តាំងពីឡើងដល់កំពូលក្នុងឆ្នាំ២០០៩ មក។តែទោះជាយ៉ាងណាក៏ដោយ ចំនួនប្រជាជនបរទេសដែលរស់នៅក្នុងប្រទេសជប៉ុនបានឈានដល់កម្រិតខ្ពស់បំផុត។

មិនតែប៉ុណ្ណោះ ទិន្នន័យនៅក្នុងខែមិថុនាបានបង្ហាញថាអត្រាមានកូនរបស់ប្រទេសជប៉ុនបានធ្លាក់ចុះម្តងទៀតកាលពីឆ្នាំមុនដល់កម្រិតទាបបំផុតថ្មីមួយ ដែលបង្ហាញពីវិបត្តិប្រជាសាស្ត្រដែលកំពុងវាយប្រហារលើប្រទេសដែលមានសេដ្ឋកិច្ចធំទីបួនរបស់ពិភពលោកមួយនេះ។ ភាពអាសន្នដែលកំពុងឆាបឆេះយឺតៗនេះ កំពុងនាំឱ្យមានកង្វះខាតកម្លាំងពលកម្ម វិក្កយបត្រសន្តិសុខសង្គមកើនឡើង និងមូលដ្ឋានពន្ធថយចុះ។

គួរជម្រាបជូនថា ដោយមានប្រជាជនអាយុជាមធ្យម ៤៩,៩ឆ្នាំ ប្រទេសជប៉ុនមានចំនួនប្រជាជនចំណាស់ជាងគេបំផុតទីពីរនៅលើពិភពលោក បន្ទាប់ពីប្រទេសម៉ូណាកូ។ នេះបើយោងតាមរបាយការណ៍ពីធនាគារពិភពលោក World Bank៕​

The post ជប៉ុន កត់ត្រាចំនួនប្រជាជនថយចុះតិចជាង ១២០ លាននាក់ជាលើកដំបូង អស់រយៈពេលជាច្រើនទសវត្ស appeared first on .

នាយករដ្ឋមន្ត្រីជប៉ុន លោកស្រី Sanae Takaichi បាននិយាយនៅថ្ងៃពុធនេះ ដោយធ្វើបច្ចុប្បន្នភាពអំពីផលវិបាកនៃគ្រោះរញ្ជួយដីកម្រិតធ្ងន់ធ្ងរ ៧.១ រ៉ិចទ័រដែលបានវាយប្រហារខេត្ត Kumamoto កាលពីមួយថ្ងៃមុន ថា មនុស្ស ១៣ នាក់បានស្លាប់ដោយសារគ្រោះរញ្ជួយដីនេះ។ ហើយចំនួនអាចកើនឡើងបន្ថែមទៀត ខណៈពេលដែលក្រុមជួយសង្គ្រោះជប៉ុនប្រណាំងប្រជែងនឹងពេលវេលាដើម្បីស្វែងរកជនរងគ្រោះនៅក្រោមគំនរបាក់បែក។

ទន្ទឹមនឹងនេះ​ សារព័ត៌មានក្នុងស្រុក Kyodo News បានរាយការណ៍ផងដែរថា សំណងអគារ និងផ្ទះសម្បែងជាច្រើនខ្នង នៅក្នុងទីក្រុង Kashima ខេត្ត Kumamoto បានរងនូវការខាតខាតយ៉ាងធ្ងន់ធ្ងរ។

មិនតែប៉ុណ្ណោះ ផលប៉ះពាល់នៃគ្រោះរញ្ជួយដីនេះ ក៏បានធ្វើឱ្យគ្រួសារជិត ៣៧ ០០០ គ្រួសារនៅក្នុងខេត្ត Kumamoto គ្មានអគ្គិសនីប្រើប្រាស់ផងដែរ គិតត្រឹមព្រឹកថ្ងៃទី២៩ ខែកក្កដា។ Kumamoto ពីមុនបានរងការរញ្ជួយដីធ្ងន់ធ្ងរពីរលើករួចមកហើយ ក្នុងរយៈពេលពីរថ្ងៃជាប់ៗគ្នា ក្នុងឆ្នាំ២០១៦ ដែលបានសម្លាប់មនុស្សប្រមាណ ២៧៣ នាក់។

ជម្រាបជូនថា ជប៉ុនគឺជាប្រទេសមួយក្នុងចំណោមប្រទេសដែលមានសកម្មភាពរញ្ជួយដីច្រើនបំផុតនៅលើពិភពលោក ដែលមានទីតាំងនៅលើព្រំដែននៃបន្ទះតិចតូនិចសំខាន់ៗចំនួនបួនតាមបណ្តោយខ្សែក្រវាត់ភ្លើងប៉ាស៊ីហ្វិក។ ប្រទេសដីកោះនេះ ដែលមានប្រជាជនសរុបប្រហែល ១២៥ លាននាក់ ហើយបានជួបប្រទះនឹងការរញ្ជួយដីរាប់រយដងជារៀងរាល់ឆ្នាំ ដែលមានចំនួនប្រហែល ១៨% នៃការរញ្ជួយដីទាំងអស់នៅទូទាំងពិភពលោក៕​

The post មនុស្សយ៉ាងហោចណាស់ ១៣ នាក់បានបាត់បង់ជីវិតក្នុងគ្រោះរញ្ជួយដីធ្ងន់ធ្ងរនៅជប៉ុន appeared first on .

យោងតាមក្រសួងហិរញ្ញវត្ថុជប៉ុន បាននិយាយនៅក្នុងសារមួយបង្ហោះលើបណ្តាញសង្គម X ថា ៖” ប្រសិនបើការមានការផ្តល់កម្ចីពីធនាគារបរទេសកើតឡើងពិតមែន នោះវាគួរតែជួយសម្រួលបន្ថែមទៀតដល់ការផ្តត់ផ្គង់មូលនិធិរូបិយប័ណ្ណបរទេសដែលត្រូវការ ដើម្បីអនុវត្តគំនិតផ្តួចផ្តើមវិនិយោគថ្មីៗ”។

ទន្ទឹមនឹងនេះ​ យោងតាមទីភ្នាក់ងារសារព័ត៌មាន Reuters បានរាយការណ៍កាលពីសប្តាហ៍មុនថា ធនាគារ JPMorgan និងធនាគារអាមេរិកផ្សេងទៀតកំពុងខិតជិតឈានដល់ការព្រមព្រៀងផ្តល់កម្ចីក្រោមក្របខ័ណ្ឌវិនិយោគ ដែលប្រទេសជប៉ុន និងសហរដ្ឋអាមេរិកបានព្រមព្រៀងគ្នាជាផ្នែកមួយនៃកិច្ចព្រមព្រៀងដើម្បីកាត់បន្ថយពន្ធរបស់សហរដ្ឋអាមេរិកលើទំនិញរបស់ជប៉ុន កាលពីពេលកន្លងទៅ។

ប៉ុន្តែទោះជាយ៉ាងណាក៏ដោយ ក្រសួងហិរញ្ញវត្ថុជប៉ុន មិនបានកំណត់អត្តសញ្ញាណអ្នកផ្តល់ប្រាក់កម្ចីបរទេសដែលពាក់ព័ន្ធនៅឡើយនោះទេ ប៉ុន្តែបាននិយាយថា ការផ្តល់កម្ចីនឹងត្រូវបានផ្តល់ជូនរួមជាមួយនឹងប្រាក់កម្ចីពីធនាគារជប៉ុន សម្រាប់កិច្ចសហប្រតិបត្តិការអន្តរជាតិ (JBIC) ដែលគាំទ្រដោយរដ្ឋ។

ក្រសួង​បានក៏បានបន្ថែម​ឲ្យ​ដឹងទៀត​ថា ធនាគារ​បរទេសទាំងនោះ ​ត្រៀម​ជួយ​ផ្តល់កម្ចី​ដល់​គម្រោង​សាងសង់​រោងចក្រ​ថាមពល​ដើរ​ដោយ​ឧស្ម័ន​ធម្មជាតិ​ នៅ​រដ្ឋ Pennsylvania និង Texas ដែល​មាន​តម្លៃ​សរុប​ប្រហែល ៣៣ពាន់​លាន​ដុល្លារ៕​

The post ជប៉ុន កំពុងពិចារណាខ្ចីប្រាក់ពីបរទេស សម្រាប់គម្រោងថាមពលតម្លៃ ៣៣ពាន់លានដុល្លារ នៅអាមេរិក appeared first on .

លោកស្រី Takaichi បានបង្ហោះសារមួយនៅលើបណ្តាញសង្គម នៅក្នុងសប្តាហ៍នេះថា ក្នុងអំឡុងពេលវិស្សមកាលបីថ្ងៃ ចាប់ពីថ្ងៃទី១៨ ដល់ថ្ងៃទី២០ ខែកក្កដា លោកស្រីអាចគេងបានដល់ ៥ម៉ោងក្នុងមួួយថ្ងៃ ជាលើកដំបូង ក្រោយខកខានអស់រយៈពេលជាយូរ។

នាយករដ្ឋមន្ត្រីជប៉ុនរូបនេះ​ បាននិយាយទៀតថា ក្នុងអំឡុងពេលវិស្សមកាលនោះ លោកស្រីក៏បានឆ្លៀតពេលដោះស្រាយការងារស្អេកស្កាស់មួយចំនួយផងដែរ ដែលលោកស្រីបានពន្យារពេលទុកចោលអស់ជាយូរ។ ហើយលោកស្រីចាត់ទុករយៈពេលវិស្សមកាលខ្លីនេះថាជាពេលវេលាដើម្បីបញ្ចូលថាមពលឡើងវិញ។

មិនតែប៉ុណ្ណោះ លោកស្រី Takaichi ក៏បានសង្កត់ធ្ងន់លើកាលវិភាគដ៏មមាញឹករបស់លោកស្រី ដោយកត់សម្គាល់ថា ក្រៅពីការងារនៅក្នុងជួររដ្ឋាភិបាល លោកស្រីក៏នៅតែធ្វើការងារផ្ទះដូចជាបោកគក់ ផងដែរ។ បន្ទាប់មក លោកស្រីសិក្សាឯកសារយ៉ាងយកចិត្តទុកដាក់រហូតដល់យប់ជ្រៅ និងងើបពីព្រឹកព្រលឹមនៅថ្ងៃធ្វើការ សូម្បីតែបន្ទាប់ពីត្រឡប់ទៅនៅលំនៅដ្ឋានរបស់លោកស្រីវិញ ក៏លោកស្រីរក្សាទំលាប់បែបនេះផងដែរ។

គួរជម្រាបជូនថា ចាប់តាំងពីចូលកាន់តំណែងក្នុងខែតុលា ឆ្នាំ២០២៥ មក នាយករដ្ឋមន្ត្រីស្ត្រីដំបូងរបស់ប្រទេសជប៉ុន បានរក្សាការសន្យាក្នុងយុទ្ធនាការឃោសនាបោះឆ្នោតរបស់ខ្លួនថា នឹងខិតខំធ្វើការយ៉ាងលំបាក ហើយក៏បានលើកទឹកចិត្តសមាជិកគណបក្សរបស់លោកស្រីឱ្យធ្វើការយ៉ាងលំបាកដូចគ្នានេះផងដែរ៕

The post នាយករដ្ឋមន្ត្រីជប៉ុន បង្ហើបថាលោកស្រីគេងបានតិចជាងបីម៉ោងក្នុងមួយថ្ងៃ ដោយសារការងារច្រើន appeared first on .

កាលពីថ្ងៃទី៧ ខែកក្កដា រដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន លោក Ryosei Akazawa បានប្រកាសថា ជប៉ុនកំពុងសម្របសម្រួលជាមួយសមាជិកនៃក្រុម G7 និងប្រទេសដទៃទៀត ដើម្បីហាមឃាត់ការនាំចេញរបស់របរជាច្រើនក្រោមទណ្ឌកម្មប្រឆាំងនឹងប្រទេសរុស្ស៊ី រួមទាំងប្រេងឥន្ធនៈយន្តហោះផងដែរ។

លោក Akazawa បានថ្លែងថា ការហាមឃាត់នេះអនុវត្តចំពោះការនាំចេញប្រេងឥន្ធនៈយន្តហោះទៅកាន់ប្រទេសរុស្ស៊ីតាមរយៈប្រទេសទីបី ក៏ដូចជាការផ្ទេរពីកប៉ាល់មួយទៅកប៉ាល់មួយទៀតនៅលើសមុទ្រ។ លោកបានមានប្រសាសន៍ទៀតថា ៖”យើងនឹងបន្តគ្រប់គ្រងការនាំចេញយ៉ាងតឹងរ៉ឹងនៅពេលសហការជាមួយប្រទេសដទៃទៀត ខណៈពេលដែលកំពុងពិចារណាលើស្ថានភាពអន្តរជាតិនាពេលបច្ចុប្បន្ននេះផងដែរ”។

យ៉ាងណាមិញ លោក Akazawa បានធ្វើសេចក្តីថ្លែងការណ៍បែបនេះ បន្ទាប់ពីទីភ្នាក់ងារសារព័ត៌មាន Reuters បានរាយការណ៍នៅថ្ងៃទី៣ ខែកក្កដា ថាយ៉ាងហោចណាស់ប្រេងឥន្ធនៈយន្តហោះចំនួន ២០០ ០០០ បារ៉ែលត្រូវបានគេរំពឹងថានឹងដឹកទៅផ្ទុកនៅកំពង់ផែ Chiba ប្រទេសជប៉ុន នៅពាក់កណ្តាលខែកក្កដានេះ ហើយនឹងត្រូវបន្តដឹកជញ្ជូនទៅកាន់ប្រទេសកូរ៉េខាងត្បូង។ ការដឹកជញ្ជូននេះនឹងត្រូវបានផ្ទេរទៅនាវាមួយផ្សេងទៀត មុនពេលបញ្ជូនទៅដល់ប្រទេសរុស្ស៊ី។

គួរជម្រាបជូនថា រុស្ស៊ីកំពុងប្រឈមមុខនឹងការកង្វះខាតប្រេងឥន្ធនៈធ្ងន់ធ្ងរ បន្ទាប់ពីអ៊ុយក្រែនបានវាយប្រហាររោងចក្រចម្រាញ់ប្រេង និងកន្លែងផ្ទុកប្រេងធំៗរបស់ខ្លួន៕ ​

The post ជប៉ុន ប្រកាសហាមឃាត់ការនាំចេញប្រេងឥន្ធនៈយន្តហោះទៅកាន់រុស្ស៊ី appeared first on .

គិតនៅត្រឹមព្រឹកថ្ងៃទី៣០ ខែមិថុនា មួយដុល្លារអាមេរិកមានតម្លៃ ១៦២,២៧យ៉េនជប៉ុន។ នេះគឺជាកម្រិតខ្សោយបំផុតសម្រាប់ប្រាក់យ៉េន ក្នុងរយៈពេល ៤០ឆ្នាំចុងក្រោយ។

សរុបមក តម្លៃប្រាក់យ៉េនបានធ្លាក់ចុះជិត ២% ធៀបនឹងប្រាក់ដុល្លារអាមេរិក ក្នុងត្រីមាសទីពីរ។ នេះគឺជាត្រីមាសទីបួនជាប់ៗគ្នាហើយនៃការចុះខ្សោយសម្រាប់រូបិយប័ណ្ណជាតិនៃប្រទេសដែលមានសេដ្ឋកិច្ចដ៏ធំបំផុតមួយរបស់ពិភពលោកនេះ។ នៅឆ្នាំ២០២២ ប្រាក់យ៉េនបានកត់ត្រាការធ្លាក់ចុះអស់ប្រាំពីរត្រីមាសជាប់ៗគ្នា ដោយសារតែភាពខុសគ្នានៃអត្រាការប្រាក់កាន់តែធំជាមួយសហរដ្ឋអាមេរិក។

គួរឲ្យដឹងថា ប្រាក់យ៉េនថ្មីៗនេះបានធ្លាក់ចុះដោយសារតែតម្លៃប្រេងកើនឡើង ដែលធ្វើឱ្យប្រទេសនេះត្រូវការប្រាក់ដុល្លារអាមេរិកបន្ថែមទៀតដើម្បីនាំចូលប្រេងឥន្ធនៈ។ ហេតុផលមួយទៀតគឺភាពខុសគ្នានៃអត្រាការប្រាក់រវាងសហរដ្ឋអាមេរិក និងជប៉ុន។ អត្រាការប្រាក់របស់សហរដ្ឋអាមេរិកបច្ចុប្បន្នគឺនៅចន្លោះ ៣,៥-៣,៧៥% ខណៈពេលដែលអត្រាការប្រាក់នៅប្រទេសជប៉ុនគឺ ១%។

ជម្រាបជូនថា រូបិយប័ណ្ណក្នុងស្រុកចុះខ្សោយនឹងនាំឲ្យមានអតិផរណាខ្ពស់ និងការចំណាយលើការរស់នៅកាន់តែច្រើននៅក្នុងប្រទេសជប៉ុន។ ក្រុមមន្ត្រីក៏បញ្ជាក់ផងដែរថា ផលប៉ះពាល់សេដ្ឋកិច្ចអវិជ្ជមានដែលបណ្តាលមកពីការចុះខ្សោយនៃរូបិយប័ណ្ណនេះ គឺជៀសមិនរួចឡើយ៕

The post តម្លៃប្រាក់យ៉េនធ្លាក់ចុះដល់កម្រិតទាបបំផុតមិនធ្លាប់មានរយៈពេល ៤០ឆ្នាំចុងក្រោយ appeared first on .