ទន្ទឹមនឹងការប្រែប្រួលនៃវិបិត្តវិស័យអចលនទ្រព្យនៅកម្ពុជា អ្នកជំនាញសេដ្ឋកិច្ចនៅកម្ពុជា បានជំរុញឱ្យមានការការរៀបចំគោលនយោបាយដីធ្លីនគរូបនីយកម្មនៅកម្ពុជាឱ្យបានច្បាស់លាស់ ដើម្បីដោះស្រាយវិបិត្តវិស័យអចលនទ្រព្យនៅកម្ពុជា។

ថ្លែងក្នុងកិច្ចពិភាក្សាតុមូលស្ដីពីស្ថានភាពទីផ្សារអចលនទ្រព្យនៅកម្ពុជា ដែលរៀបចំឡើងដោយរាជបណ្ឌិត្យ​សភាកម្ពុជា នៅថ្ងៃទី២៣ ខែមិថុនា ឆ្នាំ២០២៣ លោក គី សេរី​វឌ្ឍន៍ អ្នកស្រាវជ្រាវ​សេដ្ឋកិច្ច និង​ជា​ប្រធាន​មជ្ឈមណ្ឌល​សិក្សា​ចិន នៃ​រាជបណ្ឌិត្យ​សភាកម្ពុជា បានលើកឡើងថា នៅឆ្នាំ២០២៣ នេះ វិស័យអចលនទ្រព្យនៅកម្ពុជា មានជួបបញ្ហាប្រឈមមួយចំនួន ដូចជា៖ ប្រព័ន្ធនៃការអនុវត្តន៍ច្បាប់ពីសំណាក់ម្ចាស់អាជីវកម្មអចលនទ្រព្យ និងការអនុវត្តពីមន្រ្តីពាក់ព័ន្ធនៅមិនទាន់បានគ្រប់ជ្រុងជ្រោយ,កង្វះពីការបង់ព័ន្ធលើអចលនទ្រព្យ និងដីធ្លីបានច្បាស់លាស់, ការផ្គត់ផ្គង់លើសតម្រូវការ(​តម្រូវការទិញផ្ទះដើម្បីយកលក់បន្តមានច្រើនលើសលប់),និងបញ្ហាដីឡូតិ៍ភាគច្រើនជាប្រភេទដីកសិកម្ម។

ទន្ទឹមគ្នានេះ លោកថា ដើម្បីដោះស្រាយបញ្ហាប្រឈមខាងលើនេះ លោកថា ក្រសួងពាក់ព័ន្ធ ពិសេសក្រសួងរៀបចំដែនដី គួរមានការបង្កើតច្បាប់ ឬការរៀបចំគោលនយោបាយ និងផែនការដីធ្លីនគរូបនីយកម្មឱ្យបានច្បាស់លាស់ ​ព្រោះគោលនយោបាយនេះ នឹងក្លាយជាបន្ទាន់រួមសម្រាប់ការអនុវត្តន៍រួម។

ដោយលោក បានបញ្ជាក់ថា៖ « ការរៀបចំគោលនយោបាយ និងផែនការដីធ្លីនគរូបនីយកម្ម គឺដើម្បីងាយស្រាយក្នុងការប្រើប្រាស់ប្រភេទដីធ្លីនីមួយៗឱ្យបានត្រឹមត្រូវ ពិសេសឱ្យប្រជាពលរដ្ឋបានច្បាស់ថាដីណា ជាដីអភិវឌ្ឍន៍ និងដីណាជាប្រភេទកសិកម្ម ជៀសវាងការធ្វើអាជីវកម្មណាមួយលើដីទាំងនោះទាំងប្រថុយប្រថាន និងប៉ះពាល់ដល់ការអភិវឌ្ឍន៍វិស័យអចលនទ្រព្យ»។

គួរបញ្ជាក់ថា រយៈពេលឆ្នាំ៣ហើយ ដែលវិស័យអចលទ្រព្យនៅកម្ពុជា បានរងផលប៉ះពាល់ រាប់ចាប់តាំងពី​ឆ្នាំ​២០២០មក ដែលបានជះឥទ្ធិពលមកដល់សេដ្ឋកិច្ចកម្ពុជា ​ធ្វើឱ្យកម្លាំងទិញ​ថមថយ ហើយរហូតមកដល់ពាក់កណ្តាលឆ្នាំ២០២៣នេះ សន្ទុះនៃការទិញអចលទ្រព្យគ្រប់ប្រភេទ មិនមានផុសផុលនៅឡើយទេ បើទោះបីជាសេដ្ឋកិច្ចចាប់ផ្តើមរើបឡើងវិញ ជាបណ្តើរៗក៏ដោយ។យ៉ាងណាមិញ អ្នកជំនាញសេដ្ឋកិច្ចនៅកម្ពុជា បានសង្កត់ធ្ងន់ទៀតថា ការរៀបចំគោលនយោបាយដីធ្លីនគរូបនីយកម្មបានច្បាស់លាស់ នឹងរួមចំណែកកាត់បន្ថយវិបត្តិអចលនទ្រព្យ ពិសេសជួយជាគ្រឹះរឹងមាំការពារវិស័យនេះផងដែរ៕

អត្ថបទ៖ ពិសី

The post បណ្ឌិត គី សេរី​វឌ្ឍន៍៖ កម្ពុជា គួរមានការ​រៀបចំគោលនយោបាយដីធ្លីនគរូបនីយកម្មឱ្យបានច្បាស់លាស់ appeared first on .

បើយោងតាមអ្នកជំនាញខាងសេដ្ឋកិច្ច មើលឃើញថា កម្ពុជានឹងទទួលបានផលចំណេញធំៗ២យ៉ាង ខណៈអ្នកជំនាញខាងពាណិជ្ជកម្មថា ក្រៅពីសកលលោកស្គាល់កម្ពុជាកាន់តែច្បាស់ សម្រាប់អ្នកវិនិយោគបានមើលឃើញទឹកចិត្តថ្នាក់ដឹកនំារបស់ប្រទេសកម្ពុជា មានភាពទូលំទូលាយ។

លោកបណ្ឌិត គី សេរីវឌ្ឍន៍ មានប្រសាសន៍ថា ចំពោះការរៀបចំព្រឹត្តិការណ៍ស៊ីហ្គេមនេះ សម្រាប់កម្ពុជាទទួលបានផលចំណេញជាច្រើន៖១)- ផលចំណេញអំពីការផ្សាយពាណិជ្ជកម្មរបស់កម្ពុជា អស់រយៈពេលយូរណាស់ហើយមិនបានធ្វើជាម្ចាស់ផ្ទះ ទើបតែនៅឆ្នំា២០២៣នេះ ដែលយើងមានស្តាតមរតកតេជោ លក្ខណៈអន្តរជាតិ ដើម្បីទទួលរៀបចំការប្រកួតកីឡាគ្រប់សណ្ឋានបាន អ៊ីចឹងកម្ពុជានឹងត្រូវបានគេស្គាល់ជាច្រើន តាមរយៈការប្រកួតកីឡា ហើយធ្វើឱ្យពិភពលោកបានស្គាល់ប្រទេសកម្ពុជា សម្រាប់អនាគតរបស់យើង គឺការទាក់ទាញអ្នកវិនិយោគ និងការទាក់ទាញភ្ញៀវទេសចរ មកកាន់កម្ពុជាថែមទៀត។ ២)-ផលចំណេញអំពីការគ្រប់គ្រងរបស់សម្តេចតេជោហ៊ុនសែន ដែលរៀបចំធ្វើជាម្ចាស់ផ្ទះប្រកបដោយភាពជោគជ័យ នៅក្នុងការប្រកួតកីឡានេះ ដោយមានការទទួលបដិសណ្ឋារកិច្ច ភ្ញៀវ និងកីឡាករជាច្រើន ព្រមទំាងមិនយកថ្លៃសំបុត្រចូលទស្សនា ដែលបណ្តាប្រទេសផ្សេងៗនៅលើសកលលោកយកថ្លៃសំបុត្រ តែកម្ពុជាមិនយក ហើយនេះគឺជាកេរ្តិ៍ឈ្មោះដ៏ប្រសើរ ដែលកម្ពុជាជាប្រទេសតូចតែបេះដូងធំ។

លោកបណ្ឌិត សង្កត់ធ្ងន់ថា «ចំពោះការមិនយកថ្លៃសំបុត្រចូលទស្សនានេះ រដ្ឋចំណាយថវិកាជាច្រើនលានដុល្លារអាមេរិកនេះ វានឹងអាចផ្តល់ឱ្យកម្ពុជានៅក្នុងពេលអនាគតច្រើនជាងនេះ រហូតដល់១០ដងឬច្រើនជាងនេះ ដោយសារតែកេរ្តិ៍ឈ្មោះ និងភាពល្បីរន្ទឺរបស់កម្ពុជា ហើយនេះគឺជាប្រវិត្តិសាស្ត្រមួយនៅក្នុងវិស័យកីឡាដែលប្រទេសដទៃផ្សេងទៀតមិនអាចប្រកួតកីឡាបាន ដោយមិនយកថ្លៃសំបុត្រចូលទស្សនាដូចនិងប្រទេសកម្ពុជាអ៊ីចឹងទេ ម្លោះហើយភាពល្បីល្បាញនេះ នឹងជួយកិត្តិសព្ទ័កម្ពុជាកាន់តែល្បីថែមទៀត»។

លោក ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា ព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះនៅឆ្នំា២០២៣ មិនយកថ្លៃសំបុត្រចូលទស្សនា ខ្ញុំគិតថា នេះជារឿងមួយដ៏ល្អហើយក៏សំខាន់សម្រាប់កម្ពុជា ដែលមិនបានធ្វើជាម្ចាស់ផ្ទះជាង៦០ឆ្នំានេះ នឹងធ្វើឱ្យសកលលោក ក៏ដូចជាអ្នកចូលរួមមានការភ្ញាក់ផ្អើលនិងបានស្គាល់កម្ពុជាកាន់តែច្បាស់។

លោកឧកញ៉ា បន្តថា« ពិសេសធ្វើឱ្យអ្នកវិនិយោគ ឬអ្នករកស៊ី ពួកគាត់យល់ឃើញថា ទឹកចិត្តថ្នាក់ដឹកនំារបស់ប្រទេសកម្ពុជា មានភាពទូលំទូលាយណាស់ ដែលធ្វើឱ្យពួកគាត់មានចិត្តស្ទាក់ស្ទើរ ក្នុងការចូលមកបណ្តាក់ទុនវិនិយោគនៅកម្ពុជាទេ ព្រោះគាត់យល់ថា មនោសញ្ចេតនានិងមានការដោះស្រាយជាច្រើនសម្រាប់អ្នកវិនិយោគ ដោយមិនគិតតែទៅលើផលប្រយោជន៍។នេះជាភាពទាក់ទាញសម្រាប់អ្នកវិនិយោគ»។

បើតាម លោកឧកញ៉ា លឹម ហេង កម្ពុជាជាប្រទេសតូច តែមានទឹកចិត្តសប្បុរសធម៌ធំទូលាយ ហើយវាធ្វើឱ្យកូនខ្មែរនៅជំនាន់ក្រោយ ត្រូវរៀនសូត្រតាមថ្នាក់ដឹកនាំសព្វថ្ងៃ ហើយនេះជាគំរូវីរៈភាពមួយដែលមិនអាចកាត់ថ្លៃបាន។លើសពីនេះលោកឧកញ៉ាបានអំពាវនាវដល់ប្រជាពលរដ្ឋ យកកីឡានេះធ្វើជាការទាក់ទាញ និងផ្សព្វផ្សាយក្នុងការបង្កើតកិត្តិយសជាតិ។ស្នើសុំឱ្យមានការសាមគ្គីជាអន្តរជាតិ ចៀសវាងការយកកីឡាមកប្រកួតប្រជែងផ្នែកពូជសាសន៍ និងនយោបាយផ្សេងៗ។

ថ្មីៗនេះ បើយោងតាមសម្តេចតេជោ ហ៊ុនសែន នាយករដ្ឋមន្ត្រី មានប្រសាសន៍បញ្ជាក់ថា ព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះរៀបចំ ហើយមិនយកប្រាក់នេះ ក្នុងគោលបំណងដើម្បីទាញយកមនុស្សទំាងឡាយចូលមកស្គាល់កម្ពុជា។

សម្តេចតេជោ ហ៊ុនសែន គូសបញ្ជាក់ថា «លុយចំនួន៧លានដុល្លារអាមេរិក យើងនឹងចាយថែមដើម្បីចិញ្ចឹមកីឡាករ កីឡាការិនី ហើយខ្ញុំជឿជាក់ថា ពេលព្រឹត្តិការណ៍ស៊ីហ្គេមនៅប្រទេសដទៃទទួលរៀបចំ គេក៏អត់យកលុយពីកម្ពុជាវិញដែរ។ប៉ុន្តែអ្វីដែលកម្ពុជាចង់បាន គឺចង់បង្ហាញទឹកចិត្តមួយដូចដែលកម្ពុជាធ្លាប់ធ្វើទៅលើនាវាវេស្ទើរដាម នៅខេត្តព្រះសីហនុ»។

បើយោងតាមប្រសាសាន៍របស់សម្តេចតេជោ សម្រាប់រាជរដ្ឋាភិបាលមិនយកថ្លៃសំបុត្រចូលទស្សនាក្នុងព្រឹត្តិការណ៍ស៊ីហ្គេមក្នុងមនុស្សម្នាក់៥០ដុល្លារអាមេរិកនេះ វាមិនធ្វើឱ្យកម្ពុជាក្លាយជាអ្នកមានបានដែរ៕

អត្ថបទ៖សារេត

The post ព្រឹត្តិការណ៍ស៊ីហ្គេមលើកទី៣២ នឹងផ្តល់ផលចំណេញឱ្យកម្ពុជានៅអ្វីខ្លះ នាពេលខាងមុខ? appeared first on .

បើយោងតាមអ្នកជំនាញខាងសេដ្ឋកិច្ចមានទស្សនៈយល់ឃើញគម្រោងខាងលើថា ជាការត្រៀមខ្លួនរបស់រាជរដ្ឋាភិបាលដើម្បីស្រូបទាញសម្រាប់វិស័យទេសចរណ៍នៅពេលដែលសេដ្ឋកិច្ចត្រូវបានបើកចំហរឡើងវិញ។ លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាមានទស្សនៈយល់ឃើញថា គម្រោងសាងសង់ផ្លូវល្បឿនលឿនភ្នំពេញ-សៀមរាបនេះរាជរដ្ឋាភិបាលមានបំណងសម្រាប់ជំរុញវិស័យទេសចរណ៍ និងការចរាចរមនុស្សចេញពីក្រុងភ្នំពេញទៅក្រុងសៀមរាបហើយនៅក្នុងនោះយើងដឹងថាជាឆ្លើយតបទៅនិងការកសាងនៅព្រលានយន្តអន្តរជាតិភ្នំពេញថ្មីនិងព្រលាយន្តហោះអន្តរជាតិសៀមរាបដែលជាព្រលានយន្តហោះធំ ហើយក៏ជាការត្រៀមខ្លួនហេដ្ឋារចនាសម្ព័ន្ធដើម្បីផ្សព្វផ្សាយវិស័យទេសចរណ៍របស់កម្ពុជា។

បើសិនជាព្រលានយន្តទាំងពីរខាងលើនៅថ្ងៃខាងមុខត្រូវបានដាក់ឱ្យដំណើរហោះហើរជាផ្លូវការ តើវិស័យទេសចរណ៍របស់កម្ពុជាអាចនិងមានភាពរឹងមៃនិងមានភាពទាក់ទាញកម្រិតណា?

លោកបណ្ឌិត សង្កត់ធ្ងន់ថា​ «យើងមិនទាន់ឆ្លើយថាវាមានភាពរឹងមំាបាននៅឡើយទេវាគ្រាន់ជាការត្រៀមខ្លួនរបស់រាជរដ្ឋាភិបាលដើម្បីស្រូបទាញវិស័យទេសចរណ៍នៅពេលដែលសេដ្ឋកិច្ចត្រូវបានបើកចំហរឡើងវិញ»។

ដោយឡែក លោកឧកញ៉ា លឹម ហេង អ្នកជំនាញផ្នែកពាណិជ្ជកម្មនិងជាអនុប្រធានសភាពាណិជ្ជកម្មកម្ពុជាបានឱ្យដឹងថា ក្នុងវិស័យសេដ្ឋកិច្ចត្រូវការ ការដឹកជញ្ជូន បើកម្ពុជាផលិតទំនិញហើយអត់មានច្រកនាំចេញឬផ្លូវដឹកជញ្ជូ វាធ្វើឱ្យការផលិតវាមានមិនច្រើននោះទេ។ ដូចនេះមិនថាផ្លូវទឹក ផ្លូវគោកនិងផ្លូវអាកាសនោះទេវាគឺជាសរសៃឈាមសេដ្ឋកិច្ចរបស់ជាតិមួយហើយប្រទេសជាតិណាមួយ មានការអភិវឌ្ឍទំាងផ្លូវការអាកាស ផ្លូវគោកនិងផ្លូវទឹកវានឹងជំរុញកំណើនសេដ្ឋកិច្ចទំាងផ្ទៃក្នុងនិងការនាំចេញ។

លោកឧកញ៉ា លឹម ហេង មានប្រសាសន៍ថា «សព្វថ្ងៃនេះយើងមានផ្លូវល្បឿនលឿនភ្នំពេញ-ក្រុងព្រះសីហនុមួយហើយនៅពេលខាងមុខយើងនឹងមានផ្លូវល្បឿនលឿនភ្នំពេញ-ស្វាយរៀង ហើយយើងប្រហែលនិងមានផ្លូវល្បឿនលឿនភ្នំពេញ-ប៉ោយប៉ែតមួយទៀតសម្រាប់ជាការតភ្ជាប់សហគមន៍សេដ្ឋកិច្ចអាស៊ាន។ដូចនេះបើយើងមានផ្លូវល្បឿនលឿនភ្នំពេញ-សៀមរាបនិងធ្វើឱ្យអ្ននវិនិយោគសម្លឹងឃើញកម្ពុជាមានការចាប់អារម្មណ៍កាន់តែខ្លំាង ស្របពេលកម្ពុជាមានច្បាប់វិនិយោគថ្មីមាការលើកទឹកចិត្តដល់វិនិយោគិន។បើកម្ពុជាមានផ្លូវល្បឿនលឿនដូចទៅនិងការលើកឡើងខាងលើនេះវានឹងជួយជំរុញកំណើនសេដ្ឋកិច្ចរបស់កម្ពុជាកាន់ខ្លំាង»។

លោកឧកញ៉ាបន្តថា ទន្ទឹមនិងគម្រោងផ្លូវល្បឿនលឿនភ្នំពេញ-សៀមរាបត្រៀមធ្វើការសិក្សា។ព្រលានយន្តខេត្តសៀមរាបនៅពេលបើកដំណើរការហើយទទួលបានភ្ញៀវទេសចរនិងមានកាន់តែច្រើននិងជួយជំរុញកំណើនសេដ្ឋកិច្ច ជួយទាក់ទាញអ្នកវិនិយោគបរទេសមកកាន់កម្ពុជាច្រើន គួបផ្សំជាមួយកម្ពុជាមានផ្លូវល្បឿនថែមទៀតនោះវាធ្វើឱ្យកម្ពុជាមានភាពទាក់ទាញកាន់តែប្រសើរ។

លោកឧកញ៉ាសង្កត់ធ្ងន់ថា «គម្រោងព្រលានយន្តហោះទំាង២កន្លែងដែលមួយកំពុងត្រៀមដាក់ឱ្យដំណើរការសាកល្បងនិងមួយទៀតសម្រេចបានការសាងសង់ជាង៤៤%នឹងក្លាយជាកន្លែងផ្គត់ផ្គង់សម្រាប់ឆ្លើយតបទៅតាមតម្រូវការដែលយើងកម្ពុជាចង់បាននៅក្នុងវិស័យទេសចនិងសេដ្ឋកិច្ច»។

ស្រដៀងគ្នាទៅនិងអ្នកជំនាញសេដ្ឋកិច្ចនិងពាណិជ្ជកម្ម សម្រាប់អ្នកជំនាញខាងវិស័យទេសចរណ៍បានចាត់ទុកថាគម្រោងផ្លូវល្បឿនលឿនភ្នំពេញ-សៀមរាបក៏ដូចជាគម្រោងព្រលានយន្តហោះសៀមរាបនិងព្រលានយន្តហោះអន្តរជាតិថ្មីភ្នំពេញនេះនឹងជះឥទ្ធិពលវិជ្ជសំខាន់ៗជាច្រើនដល់សេដ្ឋកិច្ចនិងទេសចរណ៍កម្ពុជានៅថ្ងៃខាងមុខ។

ប្រធានសមាគមទីភ្នាក់ងារទេសចរណ៍កម្ពុជា លោកជំទាវ ឆាយ ស៊ីវលីន មានប្រសាសន៍ថា «ជុំវិញគម្រោងសិក្សាផ្លូវលឿនលឿនពីភ្នំពេញ-សៀមរាបដែលក្រសួងនិងក្រុមហ៊ុនដៃគូត្រៀមចុះធ្វើការសិក្សានៅពេលមុខនេះ បើទទួលបានជោគជ័យដូចទៅនិងគម្រោងផ្លូវល្បឿនលឿនភ្នំពេញ-ក្រុងព្រះសីហនុវានិងជះឥទ្ធិពលវិជ្ជមានសំខាន់ៗមួយចំនួនជាច្រើនដល់សេដ្ឋកិច្ចរបស់កម្ពុជា វាធ្វើឱ្យការដឹកជញ្ជូនទំនិញបានកាន់តែលឿនទាន់ពេលវេលាទំនិញមានគុណភាពនៅល្អទាក់ទងចំណីអាហារវាមិនមានការប្រែប្រួលរសជាតិ ហើយការធ្វើដំណើររបស់ភ្ញៀវទេសចរអាចធ្វើដំណើរកម្សាន្តបានច្រើនកន្លែងក្នុងពេលតែមួយ មានន័យថាទេសចរយើងអាចដាក់ខ្សែទស្សនៈកិច្ចនៅតំបន់ជុំវិញខេត្តសៀមរាបនេះបានច្រើនទីតំាង ធ្វើឱ្យចំណេញដល់សេដ្ឋកិច្ចនៅមូលដ្ឋាននៅតាមគោលដៅទេសចរ»។

លោកជំទាវបន្តថា ទាក់ទងព្រលានយន្តថ្មីចំនួន២ដែលនិងលេចចេញជារូបរាងនៅពេលខាងមុខច្បាស់ណាស់វានិងធ្វើឱ្យវិស័យទេសចរណ៍កម្ពុជាឈានដល់កម្រិតមានសមត្ថភាពរឹងមំា មានសក្តានុពលទាក់ទាញជើងហោះហើរត្រង់មកពីប្រទេសធំៗបានច្រើនដែលផ្ទុកអ្នកដំណើរចូលមកទស្សនានៅកម្ពុជាបានច្រើន អ៊ីចឹងយើងរំពឹងថាដល់ពេលនេះចំនួនភ្ញៀវទេសចរនឹងមានការកើនឡើង។

បើយោងតាមអ្នកជំនាញផ្នែកទេសចរកម្ពុជា ដើម្បីទទួលបានការវិនិយោគបន្ថែមនៅក្នុងវិស័យទេចរណ៍កម្ពុជាគួរតែលើកទឹកចិត្តទៅដល់ការវិនិយោគផលិតផលទេសចរទំាងអស់ ដោយធ្វើយ៉ាងណាឱ្យអ្នកវិនិយោគមានទឹកចិត្តក្នុងការវិនិយោគ តាមរយៈការលើកលែងណាមួយនៅពេលបើកដំបូងៗ។លើសពីនេះច្បាប់ទម្លាប់ត្រូវមានការលើកទឹកចិត្ត ទើបធ្វើឱ្យវិនិយោគិនចង់បណ្តាក់ទុនរកស៊ីនៅក្នុងវិស័យទេសចរណ៍បន្ថែមទៀតនៅកម្ពុជា៕ អត្ថបទ៖សារេត

The post គម្រោងផ្លូវល្បឿនលឿនភ្នំពេញ-សៀមរាប និងព្រលានយន្តហោះថ្មីទំាង២ ជះឥទ្ធិពលវិជ្ជមានយ៉ាងណាខ្លះដល់សេដ្ឋកិច្ចនិងទេសចរណ៍? appeared first on .

លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា មានប្រសាសន៍ថា ចំពោះបញ្ហាដួលរលំធនាគារធំៗរបស់សហរដ្ឋអាមេរិកគឺជាការដួលរំលំនៃវិស័យធនាគារឯកជនផ្ទាល់ខ្លួនវាមិនមែនប្រព័ន្ធហិរញ្ញវត្ថុរបស់សហរដ្ឋអាមេរិកនោះទេ។

លោកបណ្ឌិត មានប្រសាសន៍ថា៖ «យើងឃើញថា នៅពេលបច្ចុប្បន្ននេះ ធនាគារកណ្តាលរបស់សហរដ្ឋអាមេរិក មិនទាន់ធ្វើអន្តរាគមន៍ណាមួយចូលទៅជួយធនាគារ ដែលបានដួលរលំនៅឡើយទេ។ គេកំពុងតែធ្វើការស៊ើបអង្កេត ហើយមូលហេតុធនាគារទាំងនេះដួលរលំ ព្រោះតែវិបត្តិនៃ Cryptocurrency វាឡើងដល់កម្រិតខ្ពស់ពេកហើយវាជាប់គាំង ។ អុីចឹង កត្តានេះគឺជាមូលហេតុមួយធ្វើឱ្យដួលរលំធនាគារឯកជន វាមិនជាប់ពាក់ព័ន្ធទៅ នឹងប្រព័ន្ធហិរញ្ញវត្ថុរបស់ធនាគារធំៗផ្សេងទៀតនោះទេ ។ ម្លោះហើយ បញ្ហាដែលកើតឡើងដោយសារវិបត្តិនៃ Cryptocurrencyវាមិនមានផលប៉ះពាល់មកដល់ប្រព័ន្ធធនាគារនៅកម្ពុជាទេ ខណៈនៅកម្ពុជាយើងមិនបានប្រើប្រាស់ Cryptocurrency»។

ផ្ដល់បទសម្ភាសន៍ជាមួយ Oknha News ផ្ទាល់ លោកបណ្ឌិត អុិន ចាន់នី ប្រធាននាយកប្រតិបត្តិនៃធនាគារអេស៊ីលីដា មានប្រសាសន៍ថា បញ្ហាធនាគារមួយចំនួនដួលរលំនៅសហរដ្ឋអាមេរិកនេះ គ្មានពាក់ព័ន្ធទាល់តែសោះ និងប្រព័ន្ធធនាគារនៅកម្ពុជា ព្រោះធនាគារនៅកម្ពុជា ស្ថិតនៅក្រោមច្បាប់និយ័តកម្មស្តីពីការគ្រប់គ្រងធនាគារនិងហិរញ្ញវត្ថុនៅកម្ពុជា ដែលមានស្ថាប័នធនាគារជាតិនៃកម្ពុជា ជាអាណាព្យាបាល។ យើងមានបទប្បញ្ញត្តិប្រុងប្រយ័ត្នតឹងរឹង និងរឹងមាំ ដែលធនាគារ និងគ្រឹះស្ថានមីក្រូហិរញ្ញវត្ថុទាំងអស់ បានអនុវត្តយ៉ាងខ្ជាប់ខ្ជួន ទៅតាមប្បញ្ញត្តិច្បាប់នៃធនាគារជាតិនៃកម្ពុជា។

លោកបណ្ឌិត បញ្ជាក់ថា៖ «អុីចឹងសូមបញ្ជាក់ម្តងទៀតថា ការដួលរលំធនាគារមួយចំនួននៅសហរដ្ឋអាមេរិកនេះ គឺគ្មានពាក់ព័ន្ធជាមួយកម្ពុជាទេ ព្រោះសេវាកម្មធនាគារដែលផ្តល់ជូនពលរដ្ឋនៅពេលសព្វថ្ងៃនេះដូចជា ការប្រមូលប្រាក់បញ្ញើសន្សំ,ប្រាក់កម្ចី និងផ្តល់មធ្យោបាយទូទាត់ ទាំងនេះ ធ្វើនៅតែនៅកម្ពុជាទេ។ អុីចឹង មិនមែនធនាគារនៅក្នុងស្រុកប្រមូលប្រាក់បញ្ញើសន្សំពីក្នុងស្រុកយកទៅធ្វើអាជីវកម្មនៅបរទេស គ្មានទាល់តែសោះ គឺសម្រាប់តែផ្តល់សេវាកម្មនៅកម្ពុជា»។

លោកបណ្ឌិតលើកឡើងថា សម្តេចតេជោហ៊ុនសែន នាយករដ្ឋមន្ត្រី លោកក៏ទើបតែបានអំពាវនាវដល់ប្រជាពលរដ្ឋកម្ពុជាកាលថ្មីៗនេះ ពិតជាមានសារៈសំខាន់ណាស់ គឺជាសេចក្តីអំពាវនាវដ៏ថ្លៃថ្លា ពិសេសអតិថិជនរបស់គ្រឹះស្ថានធនាគារ និងហិរញ្ញវត្ថុ ត្រូវតោងគិតថា អ្វីដែលយើងកំពុងតែប្រើប្រាស់សេវាហិរញ្ញវត្ថុនៅកម្ពុជា គឺមានសុវត្ថិភាពខ្ពស់ ស្ថិតនៅក្រោមច្បាប់ដែលគ្រប់គ្រងដោយធនាគារជាតិនៃកម្ពុជា ហើយមូលនិធិដែលវិស័យធនាគារ និងហិរញ្ញវត្ថុបានប្រមូលបាន គឺវិនិយោគនៅក្នុងស្រុក មិនបានយកទៅវិនិយោគនៅខាងក្រៅប្រទេសនោះទេ។ ដូចនេះ មិនគួរគម្បីប្រជាពលរដ្ឋ ក៏ដូចជាអតិថិជនរបស់ធនាគារមានការភ័យព្រួយ។

ជុំវិញការបកស្រាយពីអ្នកជំនាញក្នុងវិស័យធនាគារ និងហិរញ្ញវត្ថុ ដែលកំពុងក្លាយជាប្រធានបទរសើបនេះដែរ អ្នកនាំពាក្យរបស់សមាគមមីក្រូហិរញ្ញវត្ថុកម្ពុជា ក៏បានថ្លែងអណរគុណទៅប្រមុខរាជរដ្ឋាភិបាលកម្ពុជា ដែលបានចេញមុខមកបកស្រាយ និងបង្ហាញអំពីស្ថានភាពពិតជាក់ស្តែងរបស់វិស័យហិរញ្ញវត្ថុនៅកម្ពុជា។

លោក កាំង តុងងី អ្នកនាំពាក្យរបស់សមាគមមីក្រូហិរញ្ញវត្ថុកម្ពុជាបានឱ្យដឹងថា នៅប៉ុន្មានថ្លៃកន្លងមកនេះយើងឃើញថាសាធារណជនទទួលបានព័ត៌មាន ពីបណ្តាញផ្សព្វផ្សាយនានានៅក្នុងសង្គម ហើយមានប្រជាពលរដ្ឋខ្លះ មានការបារម្ភ ថាតើការដួលរលំធនាគារនៅសហរដ្ឋអាមេរិកនេះ វាអាចដូចទៅនិងឆ្នាំ២០០៨ ដែលវារាលដាលទៅជាវិបត្តិសកលដែរ ឬក៏ទេ?

លោកលើកឡើងថា ការចេញមុខមកធានារបស់សម្តេចតេជោហ៊ុនសែន វាមានតួនាទីសំខាន់ណាស់ដើម្បីសាងនៅទំនុកចិត្តនិងកសាងនៅស្ថិរភាពរបស់វិស័យយើង ពីព្រោះនៅប្រទេសណាក៏ដូចគ្នាទេវិស័យធនាគារ និងហិរញញវត្ថុយើងពឹងច្រើនទៅលើការដាក់បញ្ញើរបស់ប្រជាពលរដ្ឋ អុីចឹងកាលណាប្រជាពលរដ្ឋអត់មានទំនុកចិត្ត ហើយពេលខ្លះគាត់មានការភ័យស្លន់ស្លោរនៅពេលរឿងការពិតវាមិនអាចកើតឡើង វាក៏អាចធ្វើឱ្យប៉ះពាល់អវិជ្ជមានមកលើវិស័យហិរញ្ញវត្ថុដែរ ។ ដូចយើងបានដឹងហើយថា វិស័យហិរញ្ញវត្ថុកាលណាវាប៉ះពាល់ វានឹងរាលដាលទៅដល់វិស័យផ្សេងទៀតដែរ។

លោក កាំង តុងងី បញ្ជាក់ថា៖ «បើយើងមើលឱ្យលម្អិតវិបត្តិនៃការដួលរំលំធនាគារនៅសហរដ្ឋអាមេរិកនេះមិនអាចជះឥទ្ធិពលមកលើវិស័យហិរញ្ញវត្ថុនៅកម្ពុជាបានទេ ដោយសារធនារគារនៅសហរដ្ឋអាមេរិក២ឬ៣ បានដួលរលំនេះ សុទ្ធតែជាប់ពាក់ព័ន្ធជាមួយនិងCryptocurrency ពាក់ព័ន្ធ និងការវិនិយោគស្តុក និងបច្ចេកវិទ្យាជាដើម។ ចំណែកនៅកម្ពុជាCryptocurrency មិនត្រូវបានទទួលស្គាល់ទេ គឺយើងចាត់ទុកថាវាខុសច្បាប់ ហើយដោយឡែកនៅកម្ពុជា ធនាគារអត់អាចវិនិយោគដូចនៅសហរដ្ឋអាមេរិកបានទេ»។

គួររំឭកដែរថា កាលពីព្រឹកថ្ងៃទី១៦ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់បងប្អូនប្រជាពលរដ្ឋ ដែលបានដាក់ប្រាក់បញ្ញើតាមប្រព័ន្ធធនាគារនៅកម្ពុជា កុំមានការភ័យស្លន់ស្លោ រឿងធនាគារពាណិជ្ជចំនួន ២របស់អាមេរិកដួលរលំ ព្រោះមិនប៉ះពាល់ប្រព័ន្ធធនាគារកម្ពុជាទេ។

សម្តេចតេជោបញ្ជាក់ថា៖ «ការភ័យស្លន់ស្លោរត់ទៅដក ប្រាក់ចេញពីប្រព័ន្ធធនាគារមុនកាលកំណត់ គឺជាការខាងបង់ប្រយោជន៍ របស់បងប្អូនទៅវិញ ព្រោះតែខាតបង់ការប្រាក់ ដែលព្រមព្រៀងជាមួយធនាគារ។»

ជាមួយគ្នានេះ សម្តេចតេជោ ហ៊ុន សែន បានអំពាវនាវដល់បងប្អូនប្រជាពលរដ្ឋ ជឿទុកចិត្តសមត្ថភាពគ្រប់គ្រងរបស់រាជរដ្ឋាភិបាល លើវិស័យហិរញ្ញវត្ថុ និងធនាគារនៅកម្ពុជា មានភាពរឹងមាំ មិនមានផលប៉ះពាល់អ្វីនោះឡើយ។ អត្ថបទ៖សារេត

The post អ្នកជំនាញ៖ បញ្ហាធនាគារមួយចំនួនដួលរលំនៅសហរដ្ឋអាមេរិកនេះ គ្មានពាក់ព័ន្ធទាល់តែសោះ ជាមួយប្រព័ន្ធធនាគារនៅកម្ពុជា appeared first on .

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មានប្រសាសន៍ថា បច្ចុប្បន្ននេះការឡាយលក់ឥវ៉ាន់តាមអនឡាញសម្រាប់អាជីវកម្មខ្នាតតូចៗ មានការរអាក់រអួល និងអ៊ីនធឺណិតមិនសូវមានគុណភាពក្នុងការបញ្ហាញផលិតផល។ចំពោះអាជីវកម្មធំៗគេមានប្រព័ន្ធលីសឡាញ គេយកមកប្រើហាក់មិសូវប៉ះពាល់ ប៉ុន្តែចំណាយខ្ពស់ទៅលើអ៊ីនធឺណិត នៅក្នុងប្រទេសរបស់យើងបើប្រៀបធៀបទៅនិងបណ្តាប្រទេសផ្សេងៗ។

លោកបណ្ឌិតសង្កត់ធ្ងន់ថា «អ្នកដែលរងផលប៉ះពាល់ធ្ងន់ជាងគេនោះគឺការបណ្តុះធនធានមនុស្សនៅក្នុងប្រទេសកម្ពុជា ដែលយើងត្រូវការប្រើប្រាស់ប្រព័ន្ធ អ៊ីនធឺណិត សម្រាប់រៀន សម្រាប់អភិវឌ្ឍន៍ សម្រាប់ការស្វាវជ្រាវ បែរជាអ៊ីនធឺណិត ប្រើមានភាពរអាក់រអួល ដែលជាកក្តាមួយរារាំង ឬបង្អាក់ទឹកចិត្តដល់អ្នករៀនសូត្ររៀនមិនសូវបានល្អ»។

លោកបណ្ឌិតលើកឡើងថា ដូច្នេះបើការតភ្ជាប់បណ្តាញអ៊ីនធឺណិត ធំពីប្រទេសចិនមកកម្ពុជា បើសិនជារាជរដ្ឋាភិបាលពិតជាធ្វើបានពិតជាមានសារសំខាន់នៅក្នុងការជួយជំរុញដល់ការបណ្តុះបណ្តាលធនធានមនុស្ស និងធ្វើការសិក្សាស្រាវជ្រាវរបស់យើងកាន់តែរឹងមំា។លើសពីនេះទៀតបើសិនជាប្រទេសចិន អាចជួយរៀបកម្ពុជានៅចំ Big Data បាន ដើម្បីគ្រប់គ្រងបានទូទំាងប្រទេសនោះ ខ្ញុំយល់ថាពិតជាមានសារសំខាន់បំផុត។

លោក វង្ស៊ី វិស្សុត រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ធ្លាប់មានប្រសាសន៍ថា «បញ្ហាគុណភាព អ៊ីនធឺណិត នេះគឺជារឿងក្តៅគគុក កុំថាដល់5G ត្រឹមតែ4G ឱ្យតែមានសេវ៉ានៅគ្រប់កន្លែងសិន វាជាសមិទ្ធផលមហាធំធេង។ឥឡូនេះទាំងខ្ញុំ ទំាងគេរអូហើយលោកជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍កំពុងឈឺក្បាល។ យើងក៏មានដំណោះស្រាយតែដោះស្រាយភា្លមវាអត់ចេញ ព្រោះវាមានរឿងច្រើន»។

បើតាម លោកវង្ស៊ីវិស្សុតថា យើងត្រូវមានគោលនយោបាយជាកញ្ចប់ ត្រូវមានការវិនិយោគជាកញ្ចប់ដើម្បីដោះស្រាយបញ្ហានេះ។នៅជំហានដំបូងនេះយើងត្រូវយ៉ាងណាឱ្យវាដើរសិន ឬមានប្រតិត្តិការពេញលេញសិន ចំាគិត5G ។ឥឡូវនេះ4Gដើរមិនស្រួលផងទៅគិត5G ធ្វើអី៕ អត្ថបទ៖សារេត

The post គម្រោងតបណ្តាញខ្សែកាបអុបទិកក្រោមបាតសមុទ្រពីចិនមកកម្ពុជា និងបញ្ចប់ក្នុងឆ្នាំក្រោយ appeared first on .

ក្នុងកិច្ចប្រជុំពិភាក្សាជាមួយអ្នកសារព័ត៌មាន ដើម្បីពន្យល់ពីលទ្ធភាពដែលកម្ពុជាអាចចូលជាសមាជិកប្រព័ន្ធទូទាត់អន្តរធនាគារចិន (CIPS) និង អត្ថប្រយោជន៍ដែលទទួលពីភាពជាសមាជិករបស់ប្រព័ន្ធ CIPS នេះកាលថ្ងៃទី១៣ខែកុម្ភៈឆ្នំា២០២៣នេះថាលោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា មានប្រសាសន៍ថា ការចូលជាសមាជិក CIPS នឹងផ្តល់អត្ថប្រយោជន៍ ជាច្រើនដល់កម្ពុជាដូចជា៖១)- ផ្តល់ជាជម្រើសបន្ថែមក្នុងការទូទាត់ទៅកាន់ពិភពលោកនិងតំបន់,២)-សម្រួលនិងជំរុញពាណិជ្ជកម្មការវិនិយោគនិងទេសចរណ៍ជាពិសេសពាណិជ្ជកម្មទ្វេភាគីជាមួយ ប្រទេសចិននិងប្រទេសទទួលការទូទាត់ជាប្រាក់យ៉ន់ និងសម្រួលការវិនិយោគទុនបម្រុងអន្តរជាតិ របស់កម្ពុជាជាប្រាក់យ៉ន់ចិន។  

លោកស្រី ជា សិរី បានមានប្រសាសន៍ថា«មិនប្រកដថារាល់ប្រតិបត្តិការតាម CIPS មានតម្លៃទាបជាង SWIFT ហើយក៏មិនប្រាកដថារាល់ប្រតិបត្តិការតាម SWIFT មានតម្លៃទាបជាង CIPS ទេ។ ដូច្នេះកាលណាមានពីរជម្រើស យើងចំណេញ។ អ៊ីចឹងខាងណាចំណាយទាបជាង ខាងណាអាចឱ្យយើងចំណេញជាង យើងទូទាត់តាមខាងនោះ»។

ពាក់ព័ន្ធនិងការចូលជាសមាជិកប្រព័ន្ធទូទាត់អន្តរធនាគារចិនឬហៅថា CIPS បើតាមលោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាបានឱ្យដឹង CIPSគឺជាប្រព័ន្ធមួយសម្រាប់ធ្វើការទូទាត់ប្រាក់យ៉ន់ចិន អន្តរជាតិហើយនៅក្នុងនេះដោយសារតែប្រាក់យ៉ន់ចិននេះត្រូវបានអនុញ្ញាតឱ្យទៅជាទុនបម្រុងនិងជាមធ្យោបាយទូទាត់អន្តរជាតិដូចទៅនិងប្រាក់ដុល្លារអាមេរិកដែរ។

លោកបណ្ឌិតលើកឡើងថា ចិនបានបង្កើតប្រព័ន្ធនេះឡើងដើម្បីផ្តល់ភាពងាយស្រួលក្នុងការបង្កើនចរន្តនៃការទូទាត់ចៀងវាងការដាក់សំពាធបិទប្រព័ន្ធទូទាត់អន្តរជាតិតាមរយៈសហរដ្ឋអាមេរិក។ដូច្នេះប្រព័ន្ធទូទាត់ប្រាក់យ៉ន់នេះអាចជួយសេដ្ឋកិច្ចបើកឡើងវិញហើយជួយមិនឱ្យជាប់គំាងប្រព័ន្ធទូទាត់អន្តរជាតិដែលយើងប្រើប្រាស់ជាប្រាក់ដុល្លារអាមេរិក ដែលមានធនាគារកណ្តាលជាច្រើនធ្វើការទូទាត់តាមប្រព័ន្ធធនាគារអាមេរិក។

លោកបណ្ឌិតមានប្រសាសន៍ថា «នៅពេលដែលកម្ពុជាអាចចូលទៅក្នុងប្រព័ន្ធទូទាត់នេះបាន មានន័យថាយើងមានច្រកពីរ។កម្ពុជាអាចទូទាត់ប្រាក់ដុល្លារអាមេរិកជាមួយសហរដ្ឋអាមេរិកនិងជាមួយបណ្តាប្រទេសផ្សេងៗហើយកម្ពុជាក៏អាចទូទាត់ប្រាក់យ៉ន់ចិនដើម្បីធ្វើឱ្យមានភាពងាយស្រួលនៅក្នុងការធ្វើពាណិជ្ជកម្មជាចិននិងជាមួយប្រទេសផ្សេងទៀតដែលប្រើប្រាស់ប្រាក់យ៉ន់ដូចគ្នា។ត្រង់កន្លែងនេះវាជួយបើកឱ្យមានពិពិធកម្មនៃការទូទាត់កាន់តែទូលាយសម្រាប់ប្រទេសកម្ពុជា ដែលជាផលប្រយោជន៍សំខាន់សម្រាប់ប្រទេសកម្ពុជាដែលអាចធ្វើបានក្នុងទិសជាច្រើន។នេះគឺជាសក្តានុពលដែលកម្ពុជាមានក្នុងទំនាក់ទំនងការបរទេសជាមួយបណ្តាប្រទេសនានានៅលើសកលលោកដែលជាគោលនយោបាយផ្កាចម្រុះពណ៌របស់រាជរដ្ឋាភិបាលដែលមិនចូលបក្សសម្ព័ន្ធមិនប្រកាន់ពូជសាស្ត្រ ទស្សនៈ និន្នាការរបស់ពិភពលោក»។

ចំណែកលោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាមានប្រសាសន៍ថា ការចូលទៅក្នុងប្រព័ន្ធទូទាត់ជាអន្តរធនាគារចិនក្នុងប្រាក់យ៉ន់ចិននេះជាជម្រើសល្អមួយផ្សេងទៀតសម្រាប់វិស័យឯកជនអ្នករកស៊ីទំាងអស់ ព្រោះការអនុវត្តកិច្ចព្រមព្រៀងពាណិជ្ជកម្មសេរីទ្វេភាគីជាមួយចិន យើងជឿថានិងមានផលិតផលជាច្រើនដែលយើងនាំចេញពីកម្ពុជាទៅចិន។ ដូច្នេះយើងត្រូវការទូទាត់ជាសាច់ប្រាក់យ៉ន់។បើយើងមានប្រព័ន្ធនេះនឹងជួយឱការទូទាត់ងាយស្រួលនិងឆាប់រហ័សហើយមិនខាតបង់អត្រាប្តូរប្រាក់ពីប្រាក់យ៉ន់ទៅប្រាក់ដុល្លារ ហើយពីដុល្លារអាមេរិកទៅប្រាក់យ៉ន់ចិនសម្រាប់អ្នករកស៊ី។

លោកឧកញ៉ាលឹមហេងមានប្រសាសន៍ថា«ក្នុងនាមវិស័យឯកជនពិសេសសភាពាណិជ្ជកម្មកម្ពុជាគាំទ្រក្នុងការចូលប្រព័ន្ធទូទាត់អន្តរធនាគារចិន។ យើងមានហើយជាប្រព័ន្ធប្រាក់ដុល្លារអាមេរិកបានទូទាត់កន្លងមក ហើយជឿថានឹងមានប្រព័ន្ធទូទាត់ប្រាក់យ៉ន់ចិន ឬ ប្រព័ន្ធទូទាត់នៅតាមប្រទេសផ្សេងទៀត មានកាន់តែច្រើនគឺកាន់តែល្អសម្រាប់អ្នករកស៊ី។ដូច្នេះបើយើងមានជម្រើសរើសផ្សេងទៀតយើងនឹងមានការទូទាត់ឆ្លងដែនកាន់តែមានភាពងាយស្រួលជាលក្ខណៈអន្តរជាតិនេះ»៕ អត្ថបទ៖សារេត

The post ធនាគារជាតិនៃកម្ពុជាមានសុទិដ្ឋិនិយមថានឹងក្លាយជាសមាជិកប្រព័ន្ធទូទាត់អន្តរធនាគារចិននៅចុងឆ្នាំ២០២៣ appeared first on .

ថ្លែងក្នុងពិធីចែកពូជស្រូវដល់ប្រជាកសិករនៅក្នុងឃុំសំបួរ និងឃុំស្រង៉ែ ស្ថិតនៅក្នុងខេត្តតាកែវ កាលថ្ងៃទី២កុម្ភៈកន្លងទៅនេះ លោកតូច ប៊ុនហួរ បានឱ្យថា យើងមានមោទនភាពបំផុតសម្រាប់ខេត្តតាកែវនេះគឺជាច្រកសំខាន់នាំស្រូវចេញទៅប្រទេសវៀតណាម ទោះបីយើងមិនមានកែច្នៃដោយខ្លួនឯងក៏ដោយក៏អាចនាំស្រូវរបស់យើងចេញបានដែរ ដោយសារក្នុងរយៈពេល១០ឆ្នាំ​ចុងក្រោយនេះយើងសល់ស្រូវច្រើន។

បើតាមលោករដ្ឋលេខាធិការក្រសួងកសិកម្ម ការនាំចេញស្រូវទៅវៀតណាម កាលឆ្នាំ២០២២កន្លងទៅតាមរយៈខេត្តតាកែវមានជាង១,១លានតោន។ តែទោះជាយ៉ាងនេះក្តីលោកហាក់មានការព្រួយបារម្ភខ្លាចខាងភាគីវៀតណាមបិទច្រកព្រំដែលមិនឱ្យមានការនាំចូលនៅពេលចៃដន្យណាមួយ។

លោកមានប្រសាសន៍ថា«អ្វីដែលខ្ញុំបារម្ភបំផុតនោះបើសិនជាខាងភាគីវៀតណាមបិទមិនឱ្យនាំចូលតើយើងត្រូវយ៉ាងដូចម្តេច? ទីផ្សារស្រូវយើងសង្ឃឹមតែបងប្អូនយើងនៅខាងកើត។ប្រសិនជាចៃដន្យគាត់ខឹងតែរឿងអីបិទមិនឱ្យនាំចូលវានិងទៅជាយ៉ាងណា។ ដូចនេះគួរមានការពិចារណា បែរមកផលិតស្រូវសេរីរាង្គខ្លះវិញដើម្បីគិតគូរទៅដល់ទីផ្សារនាំចេញទៅក្រៅប្រទេសជាអង្ករវិញ»។

«ខ្ញុំមើលឃើញប្រជាពលរដ្ឋនៅខាងខេត្តតាកែវនេះអត់មានផលិតស្រូវសេរីរាង្គទេ មានការផលិតស្រូវដោយប្រើថ្នាំនិងជីគីមីច្រើន។បច្ចុប្បន្ននេះក្រសួងកសិកម្មបានជ្រើសរើសយកខេត្តព្រះវិហារមួយធ្វើជាខេត្តគំរូផលិតស្រូវសេរីរាង្គ»។ លោកបន្ថែម។

លោកអះអាងថា អង្ករដែលជាប់ចំណាត់ថ្នាក់លេខ១ថ្មីៗដែលប្រកួតប្រជែងនៅក្នុងប្រទេសថៃគឺអង្ករផ្ការំដួលដែលចេញពីខេត្តព្រះវិហារនេះគឺយើងស្ទូងសំណាបមិនមែនយើងព្រោះទេ ហើយអត់ប្រើជីនិងអត់ប្រើថ្នាំគីមីទេ តែទិន្នផលទាបដោយក្នុងមួយហិកតាបានស្រូវ២ទៅ៣តោន។ប៉ុន្តែតម្លៃស្រូវប្រភេទនេះថ្លៃ១៣០០ទៅ១៥០០រៀលក្នុងមួយគីឡូក្រាម។

លោកលើកឡើងថា បើកសិករធ្វើស្រូវធម្មតាប្រើជីនិងថ្នាំគីមីក្នុងមួយហិកតាទទួលបានទិន្នផល៦ឬ៧តោន ប៉ុន្តែក្នុងមួយគីឡូក្រាមបានថ្លៃតែ៨០០ឬ៩០០រៀលតែបើធ្វើស្រូវសេរីរាង្គវាមានទីផ្សារជាង ដូចនេះប្រជាពលរដ្ឋគួរពិចារណា។

លោក បណ្ឌិត គីសេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មើលឃើញថា ចំពោះការលើកឡើងរបស់ក្រសួងកសិកម្មនេះ ខ្ញុំនៅតែយល់ថាវាមិនអាចទៅរួចប្រសិនបើមិនមានកិច្ចសន្យាកសិកម្មឬContract Farming ព្រោះកសិករគាត់មិនអាចជឿទុកចិត្តទៅលើការធ្វើដំណាំសេរីរាង្គហើយយើងយកទៅលក់បានថ្លៃនោះវាអាស្រ័យលើទីផ្សារ។ អីចឹងកសិករតែងតែរាង។នេះយើងនិយាយអំពីអ្វីដែលយើងបានមើលឃើញនៅពេលកន្លងមក។

លោកបណ្ឌិតសង្កត់ធ្ងន់ថា«ដូចនេះក្រសួងកសិកម្មឬរាជរដ្ឋាភិបាលគួរតែមានសកម្មភាពអ្វីបន្ថែមដើម្បីគាំទ្រទៅដល់ការលើកគំនិតនេះឡើង។ ខ្ញុំមិនមែនមានន័យថា គំនិតនេះខុសទេ ប៉ុន្តែខ្ញុំគ្រាន់តែថាអាចនិងមានហានិភ័យនៅពេលប្រជាពលរដ្ឋមិនចូលរួមជាមួយយើងក៏ថាបាន។ ដូច្នេះហើយគួរតែមានសកម្មភាពណាមួយបន្ថែមដើម្បីធានាថាស្រូវគាត់អាចនិងលក់បានថ្លៃមែនហើយមានការទទួលទិញពិតប្រាកដមែន ទើបអាចជួយឱ្យកសិករនឹងយកចិត្តទុកដាក់ដាំដុះ។ បើសិនបានជួយឱ្យទីផ្សារនិងថ្លៃខ្ពស់ពិតមែននោះមិនចាំបាច់ជំរុញទេកសិករនិងងាកមកដំាដោយខ្លួនឯង»។

សម្រាប់ តូច ប៊ុនហួរ បានសង្កត់ធ្ងន់ថា«ខ្ញុំគិតថាបើសិនជាអាចប្រជាកសិករក្នុងខេត្តតាកែវគួរតែបង្វែរពីការផលិតស្រូវធម្មតាមកផលិតស្រូវសេរីរាង្គវិញ ដោយសារក្រសួងមានគោលនយោបាយកាត់បន្ថយថ្លៃដើមផលិត រក្សាតម្លៃទីផ្សារនិងមាននិរន្តរភាព ហើយ៣ចំណុចនេះយើងកំពុងយកចិត្តទុកដាក់បំផុតសម្រាប់ឆ្នំានេះក៏ដូចជានៅឆ្នំាបន្ទាប់ទៀត»៕ អត្ថបទ៖សារេត

The post មន្ត្រីកសិកម្មជំរុញកសិករផលិតស្រូវសេរីរាង្គខណៈក្តីបារម្ភខ្លាចវៀតណាមបិទមិនឱ្យនាំចូលពេលណាមួយ! appeared first on .

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា បានឱ្យដឹងថា យើងដឹងថាការធ្វើព្រែកជីកនេះគឺជាផ្លូវទឹកមួយ ហើយជាផ្លូវកាត់ថែមទៀត។ ការធ្វើផ្លូវទឹកតាមនេះសម្រាប់លំហូរទំនិញតាមកំង់ផែរបស់យើងទៅតាមផ្លូវទឹកទន្លេមេគង្គ ចូលទន្លេបាសាក់ហើយទៅកាន់កំពង់ផែរបស់យើងនៅឯសមុទ្រ។ ប្រសិនបើយើងបង្ហូរទំនិញចូលទៅតាមច្រកក្អមសំណរដើម្បីទៅដល់សមុទ្រយើងត្រូវឆ្លងកាត់ប្រទេសវៀតណាម អីចឹងនៅត្រង់ចំណុចនេះគឹជាយុទ្ធសាស្ត្រនៃការបង្កើនផលិតភាពនៃការដឹកជញ្ជូនរបស់យើងកាន់តែប្រសើរជាងពេលមុន ហើយរួមចំណែកកាត់បន្ថយថ្លៃដើម។ យើងដឹងហើយថាផ្លូវទឹកជាប្រព័ន្ធដឹកជញ្ជូនមួយដែលមានថ្លៃដើមទាបបំផុត ដោយយើងគ្រាន់តែយើងបង្ហូរតាមបណ្តោយទឹកក៏យើងអាចទទួលបានផលចំណេញដែរ។

លោកបណ្ឌិតសង្កត់ធ្ងន់ថា«ដូច្នេះហើយការធ្វើព្រែកជីកនេះពិតជាមានសារសំខាន់ រួមចំណែកកាត់ថ្លៃដើមក្នុងការដឹកជញ្ជូននិងធ្វើឱ្យយើចំណេញពេលវេលាដែលធ្វើឱ្យយើងបង្កើនឧត្តមភាពក្នុងការប្រកួតប្រជែងជាមួយនិងប្រទេសជិតខាងក៏ដូចជាប្រទេសដទៃទៀត»។

បើសិនគម្រោងជីកព្រែតភ្ជាប់ទន្លេបាសាក់ទទួលបានជោគជ័យហើយការដឹកជញ្ជូនទំនិញនៅតាមព្រែកជីកដំណើរការ តើកម្ពុជានឹងមានការចាប់អារម្មណ៍បែបណាទៀតពីសំណាក់បណ្តាប្រទេសនៅក្នុងតំបន់?

លោកបណ្ឌិត គី សេរីវឌ្ឍន៍ មានប្រសាសន៍ថា«ចំពោះបញ្ហានេះយើងរំពឹងថានិងមានការកើនឡើងនៃការវិនិយោគតាមរយៈការមានឧត្តមភាពប្រកួតប្រជែងសម្រាប់នាំចេញ។ ដូចនេះយើងអាចនិយាយបានថាជាការបង្វែរទិសដែលពីមុនគេធ្វើការវិនិយោគនៅប្រទេសចិនអាចនិងងាកមករកប្រទេសយើង។ ការបង្វែរទិសទៅប្រទេសវៀតណាមនៅផលិតកម្មមួយចំនួនអាចមកកាន់ប្រទេសយើងផងដែរ អីចឹងហើយនេះគឺជាឱកាសមួយសម្រាប់កម្ពុជា។ មានន័យថា រាជរដ្ឋាភិបាលគឺជាអ្នកបង្កើតឱកាសដើម្បីជំរុញកំណើន ដល់ពេលនេះគ្រឿងអេឡិចត្រូនិក ការតម្លើងរថយន្ត ផលិតគ្រឿងបង្គុំរថយន្តនិងអាចជាសក្តានុពលឧស្សាហកម្មសម្រាប់ចិញ្ចឹមដល់សេដ្ឋកិច្ចកម្ពុជា»។

ពាក់ព័ន្ធនិងគម្រោងការជីកព្រែកតភ្ជាប់ទន្លេបាសាក់ ទៅកាន់កំពង់ផែសមុទ្រនៃខេត្តកំពត ដើម្បីសម្រួលដល់ការដឹកជញ្ជូនទំនិញតាមផ្លូវទឹក ឱ្យកាន់តែមានភាពងាយស្រួល ចំណេញពេលវេលា និងកាត់បន្ថយការចំណាយ។ លោកទេសរដ្ឋមន្ត្រី ស៊ុន ចាន់ថុលរដ្ឋមន្ត្រីក្រសួងសាធារណការនិងដឹកជញ្ជូន ពេលថ្មីៗកន្លងទៅ បានសង្កត់ធ្ងន់ថា «គ្រមោងនេះត្រូវបានសិក្សាលម្អិតរួចរាល់ទាំងផ្នែកបច្ចេកទេស និងផ្លូវច្បាប់ ដែលមិនមានអ្វីជាការប៉ះពាល់ឡើយ បើសិនជាយើងរកបានដៃគូអភិវឌ្ឍន៍ ហើយធ្វើឱ្យលេចចេញជារូបរាង នោះវានឹងក្លាយជាគម្រោងប្រវត្តិសាស្ត្រ ដែលនឹងផ្លាស់ប្តូរមុខមាត់កម្ពុជាទាំងមូល ក្នុងវិស័យនាវាចរណ៍នេះ»៕ អត្ថបទ៖សារេត

The post អ្នកវិភាគសេដ្ឋកិច្ច៖ ការជីកព្រែកតភ្ជាប់ទន្លេបាសាក់ទៅកាន់កំពង់ផែសមុទ្រក្នុងខេត្តកំពតធ្វើឱ្យមានការបង្វែរទិសវិនិយោគពីប្រទេសក្នុងតំបន់ងាកមករកកម្ពុជា appeared first on .

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មានប្រសាសន៍«ថាចំពោះផ្នត់គំនិតរបស់ប្រជាពលរដ្ឋខ្មែរក្នុងការគាំទ្រផលិតផលក្នុងស្រុកនេះខ្ញុំគិតថាមានច្រើន។ ពលរដ្ឋខ្មែរនៅតែរងចាំគាំ​ទ្រផលិតផលនៅក្នុងស្រុកទេ តែអ្វីដែលគាត់មានការព្រួយបារម្ភនិងមានការយកចិត្តទុកដាក់លើផលិតផលក្នុងស្រុកដែលគាត់ទៅទិញផលិតផលពីខាងក្រៅប្រទេសច្រើនជាងនោះគឺដោយសារតែ គាត់មិនអាចទទួលបានផលិតផលក្នុងស្រុកណាមួយសមស្របសម្រាប់គាត់។ ខ្ញុំចង់សំដៅទៅលើការបញ្ជាក់ពីគុណភាពនៃផលិតផលក្នុងស្រុក ពីព្រោះកាលណាសេដ្ឋកិច្ចមានការរីកចម្រើនមនុស្សមានការយកចិត្តទុកដាក់ទៅលើសុខភាព»។ 

លោកបណ្ឌិតបន្តថា ដូច្នេះហើយនៅពេលផលិតផលរបស់បរទេសមានលក់នៅលើទីផ្សារមានច្រើន ហើយការវេចខ្ចប់មើលទៅសមរម្យមានលក្ខណៈត្រឹមត្រូវ ធ្វើឱ្យប្រជាពលរដ្ឋដែលជាអ្នកប្រើប្រាស់តែងតែទៅទិញទំនិញដែលមានការវេចខ្ចប់បានល្អនិងមានគុណភាពខ្ពស់ ខណៈការវេចខ្ចប់ផលិតតផលក្នុងស្រុកនៅមានកម្រិត មិនមានការបញ្ជាក់ពីស្តង់ដាច្បាស់លាស់ ឬកម្រិតជឿជាក់ ទោះជាក្រសួងឧស្សាហកម្មបានផ្តល់ការបញ្ជាក់ស្តង់ដាជូនក៏ដោយ ប៉ុន្តែស្តង់ដារបស់យើងនេះ អាចពលរដ្ឋយល់ថាបានដោយការបង់លុយដោយមិនបានធ្វើការពិនិត្យឱ្យបានត្រឹមត្រូវ អីចឹងវាគឺជាកំសោយភាពនៃស្តង់ដារបស់យើង កំសោយភាពការងាររបស់យើងធ្វើឱ្យបាត់បង់តម្លៃនៃជំនឿក្នុងស្រុក។

លោកបណ្ឌិត គី សេរីវឌ្ឍន៍ សង្កត់ធ្ងន់ថា«បើសិនជាយើងគិតទៅលើអតចរិតរបស់ប្រជាពលរដ្ឋខ្មែរដែលជាអ្នកប្រើប្រាស់វិញគេនៅតែចាំគាំទ្រនិងប្រើប្រាស់ផលិតផលនៅក្នុងស្រុកទេ ប៉ុន្តែផលិតផលក្នុងស្រុកត្រូវតែមានស្តង់ដាដែលធ្វើឱ្យគេទុកចិត្តបាននោះគេឈប់ប្រើផលិតផលនាំចូលពីបរទេស គេនិងងាកមកទិញផលិតផលក្នុងស្រុកវិញហើយ»។

ពាក់ព័ន្ធនិងផលិតផលក្នុងស្រុកនេះបើតាមប្រធានសមាគមសហគ្រិនស្ត្រីកម្ពុជា មើលឃើញថា ទំនិញរបស់ថៃ វៀតណាមនិងចិន ពលរដ្ឋរបស់ប្រទេសគេមានការគាំទ្រនិងប្រើប្រាស់ផលិតផលរបស់ជាតិគេច្រើន។ សម្រាប់ពលរដ្ឋខ្មែរក៏មានការគា​ំទ្រនិងប្រើប្រាស់ផលិតផលនៅក្នុងស្រុកដែរ តែដោយសារការហូរចូលនៅផលិតមកពីខាងក្រៅវាមានច្រើនពេក និងម្យ៉ាងទៀតអ្នកផលិតនៅក្នុងស្រុក ធ្វើការចែកចាយនិងការផ្សព្វផ្សាយអំពីផលិតផលរបស់ពួកគាត់នៅមានកម្រិតនិងនៅមានបញ្ហាធ្វើឱ្យការផ្សព្វផ្សាយមិនបានទៅដល់ប្រជាពលរដ្ឋ ហើយប្រជាពលរដ្ឋក៏មិនបានដឹងថាសហគ្រាសផលិតនៅក្នុងស្រុកផលិតបានអ្វីខ្លះ ហើយបើគាត់ចង់ទិញឬគាំទ្រមិនដឹងថាទៅរកទិញនៅកន្លែង។

លោកស្រីឧកញ៉ា កែវ មុំ មានប្រសាសន៍ថា «សមាគមសហគ្រិនស្ត្រីកម្ពុជា នៅក្នុងប្រទេសកម្ពុជាយើងសង្កេតឃើញថាសហគ្រាសក្នុងស្រុកផលិតបាននៅផលិតជាច្រើន មានគុណភាពនិងមានអនាម័យល្អ តែការចែកចាយផលិតផលនៅមានកម្រិត ថ្លៃដើមផលិតខ្ពស់ធ្វើឱ្យពិបាកក្នុងការប្រកួតប្រជែង។ ប៉ុន្តែបើការនាំចូលផលិតផលមកពីខាងក្រៅស្របច្បាប់និងមានស្តង់ដាត្រឹមត្រូវជាក់លាក់ខ្ញុំសង្ឃឹមថាការនាំចូលអាចនិងមានការកាត់បន្ថយ ធ្វើឱ្យតម្រូវការប្រើប្រាស់នៅក្នុងប្រទេសនឹងមានការកើនឡើងហើយវាជំរុញឱ្យសហគ្រាសក្នុងស្រុកផលិតបានច្រើនហើយថ្លៃដើមផលិតមានការធ្លាក់ចុះធ្វើឱ្យការចែកចាយផលិតផលមានលក្ខណៈទូលំទូលាយ» ៕ អត្ថបទ៖សារេត

The post អ្នកសេដ្ឋកិច្ច៖ ពលរដ្ឋខ្មែរនៅរង់ចាំគាំទ្រនិងប្រើផលិតផលក្នុងស្រុកតែមិនទាន់ទុកចិត្តលើគុណភាព appeared first on .

ថ្លែងក្នុងជំនួបជាមួយអ្នកសារព័ត៌មានកាលថ្មីៗនេះ សម្តេចតេជោ ហ៊ុនសែន មានប្រសាសន៍ថាសម្តេចនឹងធ្វើទស្សនៈកិច្ចទៅប្រទេសចិននៅថ្ងៃទី១២ខែកុម្ភៈខាងមុខនេះហើយនៅក្នុងដំណើរទស្សនៈកិច្ចនៅដើមឆ្នំា២០២៣នេះនិងស្នើឱ្យមិត្តចិនជួយកសាងផ្លូវដែលរបស់កម្ពុជា។

សម្តេចតេជោ មានប្រសាសន៍ថា«ខ្ញុំសង្ឃឹមថាទស្សនៈកិច្ចរបស់ខ្ញុំនាពេលខាងមុខមានគម្រោងថ្មីៗថែមទៀតដែលយើងត្រូវពឹងពាក់ពីមិត្តចិនដើម្បីអភិវឌ្ឍន៍កម្ពុជា ហើយក្នុងហ្នឹងប្រហែលជាយើងត្រូវរៀបចំអំពីគម្រោងទាក់ទងនិងផ្លូវរថភ្លើងល្បឿនលឿន ដោយសារយើងមានផ្លូវរថភ្លើងរួចហើយតែមិនទាន់អាចប្រើប្រាស់បានទាន់ពេលវេលាប្រហែលជាយើងមានគម្រោងនេះ ដើម្បីនឹងស្នើរឱ្យមិត្តចិនជួយនៅក្នុងការកសាងផ្លូវដែករបស់កម្ពុជា រួមនិងគម្រោងនិងកិច្ចសហប្រតិបត្តិដ៏ទៃទៀត»។

ទាក់ទងនិងផ្លូវរថភ្លើងនៅកម្ពុជានៅពេលកន្លងមកក៏ដូចនៅពេលបច្ចុប្បន្នគេមើលឃើញថាការដឹកជញ្ជូនតាមផ្លូវដែកមួយនៅគឺមានកម្រិត។ លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាសង្កេតឃើញថា«បើនិយោប្រពន្ធដឹកជញ្ជូនតាមផ្លូវដែក(រថភ្លើង)នៅក្នុងប្រទេសកម្ពុជាគឺនៅមានកម្រិតនៅឡើយ ដោយសារយើងនៅប្រើប្រាស់ផ្លូវរថភ្លើងសល់ពីជំនាន់បារាំងយកមកកែសម្រួលជាមួយទូរថភ្លើងចាស់ៗ។ តែទោះជាយ៉ាងណាវាជាមធ្យោបាយមួយសម្រាប់ធ្វើការដឹកជញ្ជូនទំនិញដែលមានថ្លៃដើមទាប»។

បើតាមអ្នកសេដ្ឋកិច្ចរូបនេះថា ចំពោះស្ថានភាពនៃការដឹកជញ្ជូននៅកម្ពុជាឃើញថាការប្រើប្រាស់រថយន្តកុងតេន័រធំៗសម្រាប់ដឹកទំនិញជាមធ្យោបាយល្អបំផុត។ ប៉ុន្តែការដឹកជញ្ជូនតាមរថយន្តនេះបានបរិមាណតិច មានភាពប្រថុយប្រថាននិងគ្រោះថ្នាក់ព្រមទាំងជួបនិងវិបត្តិចំណាយថ្លៃដើមខ្ពស់។

លោកបណ្ឌិតបន្តថា«ដូច្នេះហើយដើម្បីបង្កើនឧត្តមភាពប្រកួតប្រជែងរាជរដ្ឋាភិបាលគួរថែមឬអភិវឌ្ឍន៍ឱ្យបានខ្លាំងក្លាទៅលើវិស័យដឹកជញ្ជូនទៅតាមផ្លូវដែកឬតាមផ្លូវទឹក»៕ អត្ថបទ៖ សារេត

The post កម្ពុជាអាចនឹងមានផ្លូវរថភ្លើងល្បឿនលឿនកើតឡើងតាមរយៈទំនាក់ទំនងមិត្តភាពរវាងកម្ពុជា-ចិន appeared first on .