លោក វ៉ាង វិនពីន ឯកអគ្គរដ្ឋទូតចិនប្រចាំកម្ពុជា ក៏បានប្រកាសអបអរសាទរដល់ប្រទេសកម្ពុជា ដែលការនាំចេញអង្ករបានកើនឡើងលើសពី ១ លានតោនលើកទីមួយ! លោកលើកឡើងថា ប្រទេសចិននៅតែជាទីផ្សារនាំចេញដ៏សំខាន់សម្រាប់អង្ករកម្ពុជា បើគិតត្រឹមថ្ងៃទី ១៩ ខែតុលា មានទំហំ ១៩.៥% នៃការនាំចេញសរុប។

បើតាមលោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នេះគឺជាការបំបែកកំណត់ត្រាឆ្នាំចាស់បានយ៉ាងជោគជ័យ និងជាសមិទ្ធផលដ៏ត្រចះត្រចង់សម្រាប់ជាតិ និងវិស័យកសិកម្មទាំងមូល។

គួរឱ្យដឹងថា ការនាំចេញអង្ករចាប់ពីឆ្នាំ២០១៥ ដល់ឆ្នាំ២០២៦ មានកំណើនយ៉ាងលេចធ្លោ ដោយកាលពីឆ្នាំ២០២៥ ការនាំចេញមានចំនួន ៩៤០,០០០តោន ប៉ុន្តែនៅក្នុងឆ្នាំ២០២៦ ត្រឹមរយៈពេលចាប់ពីថ្ងៃទី១ ខែមករា ដល់ថ្ងៃទី១៩ ខែតុលាប៉ុណ្ណោះ កម្ពុជាបានស្ទុះហក់ឡើងរហូតដល់លើស ១លានតោន ជាលើកដំបូង។

សមិទ្ធផលត្រចះត្រចង់នេះ បានស្តែងឱ្យឃើញពីកិច្ចខិតខំប្រឹងប្រែងរួមគ្នារវាងរាជរដ្ឋាភិបាល ក្រសួងស្ថាប័នពាក់ព័ន្ធ ប្រជាកសិករ និងវិស័យឯកជន ក្នុងការលើកកម្ពស់គុណភាព និងការពង្រីកទីផ្សារអង្ករកម្ពុជាលើឆាកអន្តរជាតិ៕

The post លោក វ៉ាង វិនពីន៖ ប្រទេសចិននៅតែជាទីផ្សារនាំចេញដ៏សំខាន់សម្រាប់អង្ករកម្ពុជា appeared first on .

ឯកអគ្គរដ្ឋទូតចិនប្រចាំកម្ពុជា លោក Wang Wenbin បានចេញមុខបញ្ជាក់តាមបណ្ដាញសង្គមនៅថ្ងៃទី២០ ខែសីហា បន្ទាប់ពីមានសារព័ត៌មានមួយចំនួនរាយការណ៍ថា មន្ត្រីស្ថានទូតចិនបានអមម្ចាស់សណ្ឋាគារ Heng Fang ទៅកាន់តំបន់ព្រំដែនថ្មដា។

លោកបានសរសេរថា៖ «ស្ថានទូតចិនប្រចាំកម្ពុជាសូមប្រកាសថា សេចក្ដីរាយការណ៍ខាងលើមិនពិតទេ ហើយនាពេលថ្មីៗនេះ ស្ថានទូតមិនបានបញ្ជូនបុគ្គលិកណាម្នាក់ទៅកាន់តំបន់ព្រំដែនកម្ពុជា-ថៃដែលបានរៀបរាប់ខាងលើឡើយ»។

លោកក៏បានអំពាវនាវឱ្យស្ថាប័នសារព័ត៌មាន និងសាធារណជនផ្ទៀងផ្ទាត់ប្រភពព័ត៌មានដោយប្រុងប្រយ័ត្ន មុននឹងជឿ ឬចែកចាយព័ត៌មានដែលមិនទាន់បានបញ្ជាក់។

សូមជម្រាបដែរថា ការបំភ្លឺនេះធ្វើឡើងចំពេលមានការចាប់អារម្មណ៍លើករណីសណ្ឋាគារ Heng Fang និងម្ចាស់ជនជាតិចិនរបស់សណ្ឋាគារនេះ ដែលបានចោទថា កងទ័ពថៃបានចូលកាន់កាប់អចលនទ្រព្យរបស់ខ្លួននៅលើទឹកដីកម្ពុជា ក្នុងតំបន់ថ្មដា៕ អត្ថបទ៖ហ្សាលីន

The post ទូតចិនថា មិនបានបញ្ជូនមន្ត្រីខ្លួនអមម្ចាស់សណ្ឋាគារ Heng Fang ទៅតំបន់ថ្មដាឡើយ appeared first on .

នៅលើទំព័រហ្វេសប៊ុក របស់ស្ថានទូតចិនប្រចាំកម្ពុជា បានបង្ហោះនៅថ្ងៃទី២៨ ខែឧសភា ឆ្នាំ២០២៦ថា៖យោងតាមស្ថិតិរបស់ធនាគារពិភពលោក បានបង្ហាញថា ក្នុងរយៈពេល ៣០ឆ្នាំ គឺឆ្នាំ១៩៩៤ ដល់ឆ្នាំ២០២៤កន្លងមកនេះ ទំហំសេដ្ឋកិច្ចសរុបរបស់កម្ពុជាបានកើនឡើង ១៥,៦ដង ហើយអត្រាកំណើនសេដ្ឋកិច្ចគឺស្ថិតក្នុងចំណាត់ថ្នាក់លេខ៣ ក្នុងចំណោមបណ្តាប្រទេសអាស៊ាន ដែលនេះជាសមិទ្ធផលអភិវឌ្ឍន៍ដ៏គួរឱ្យកត់សម្គាល់បំផុត»។

ទន្ទឹមគ្នានឹងរបាយការណ៍នេះដែរ លោក វ៉ាង វិនពីន (Wang Wenbin) ក៏បានបង្ហាញការជឿជាក់ថា ក្រោមព្រះម្លប់ដ៏ត្រជាក់នៃព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងក្រោមការដឹកនាំរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត នាយករដ្ឋមន្ត្រី ប្រជាជនកម្ពុជាពិតជាមានប្រាជ្ញាស្មារតី និងមានសមត្ថភាពគ្រប់គ្រាន់ក្នុងការជម្នះរាល់ការលំបាកទាំងឡាយ ដើម្បីបន្តសរសេរទំព័រប្រវត្តិសាស្ត្រថ្មី នៃការស្តារឡើងវិញដ៏រុងរឿងនៃប្រជាជាតិខ្មែរ៕អត្ថបទ៖ហ្សាលីន

The post ទូតចិន៖ ក្នុងរយៈពេល ៣០ឆ្នាំ ទំហំសេដ្ឋកិច្ចសរុបរបស់កម្ពុជាបានកើនឡើង ១៥,៦ដង appeared first on .

ឯកអគ្គរាជទូត វិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន បានបញ្ជាក់ថា យោងតាមទិ្នន័យសហព័ន្ធស្រូវអង្ករកម្ពុជាបានឱ្យដឹងថា ដើម៣ខែនៃឆ្នាំ២០២៦ កម្ពុជាបាននាំចេញអង្ករចំនួន ៨.៩ម៉ឺនតោន ទៅកាន់ប្រទេសចិន កើនឡើង ១៤១% បើធៀបនឹងរយៈពេលដូចគ្នាកាលពីឆ្នាំមុន តម្លៃនាំចេញលើសពី ៥៦.៣៨ លានដុល្លារ ភាគីចិនរីករាយក្នុងការនាំចូលផលិតផលកសិកម្មដែលមានគុណភាពខ្ពស់បន្ថែមទៀតពីប្រទេសកម្ពុជា។

សូមរម្លឹកថា ក្នុងឆ្នាំ២០២៥ កន្លងទៅនេះ ប្រទេសចិននៅតែជាដៃគូពាណិជ្ជកម្មលំដាប់ទី១របស់កម្ពុជា ដែលទំហំពាណិជ្ជកម្មកម្ពុជា ចិន សម្រេចបានក្នុងទឹកប្រាក់ប្រមាណ ១៩,៧ ពាន់លានដុល្លារ កើនឡើងជិត ៣០% បើធៀបរយៈពេលដូចគ្នាក្នុងឆ្នាំ២០២៤។ នេះបើតាមរបាយការណ៍របស់ក្រសួងពាណិជ្ជកម្ម។

បើតាមរបាយការណ៍ ក្នុងឆ្នាំ២០២៥កន្លងទៅនេះ កម្ពុជាបានសម្រេចការនាំចេញទៅចិនក្នុងទឹកប្រាក់ប្រមាណ ១,៦ ពាន់លានដុល្លារ ធ្លាក់ចុះ ៣.៦៤% បើធៀបរយៈពេលដូចគ្នាក្នុងឆ្នាំ២០២៤ ខណៈនាំចូលមកវិញក្នុងទឹកប្រាក់ប្រមាណ ១៨ ពាន់លានដុល្លារ កើនឡើង ៣៤.២៩% បើធៀបរយៈពេលដូចគ្នាក្នុងឆ្នាំ២០២៤៕ អត្ថបទ៖ហ្សាលីន

The post ឯកអគ្គរាជទូតចិន៖ ៣ខែ ដើមឆ្នាំនេះ កម្ពុជាបាននាំចេញអង្ករទៅកាន់ប្រទេសចិន កើនឡើង ១៤១% appeared first on .

លោកបន្តថាស្ពាននេះនឹងក្លាយជាស្ពានដ៏សំខាន់មួយដែលតភ្ជាប់ផ្លូវជាតិលេខ ៦ និង ៧ ដើរតួនាទីយ៉ាងសំខាន់ក្នុងការជំរុញការអភិវឌ្ឍសេដ្ឋកិច្ចនៅតំបន់ភាគឦសាន និងភាគកណ្តាល-ខាងលិចនៃប្រទេសកម្ពុជា។

លោកឯកអគ្គរដ្ឋទូត ក៏បានបន្ថែមថា ស្ពាន និងផ្លូវថ្នល់ដែលសាងសង់ឡើងដោយប្រទេសចិននៅកម្ពុជានៅតែបន្តពង្រីកឥតឈប់ឈរ។ ការអភិវឌ្ឍរបស់ប្រទេសកម្ពុជានៅតែបន្តឆ្ពោះទៅមុខឥតឈប់ឈរ។ ស៊ូៗ កម្ពុជា!

សូមបញ្ជាក់ថា គិតត្រឹមដើមខែមីនា ការងារសាងសង់តួស្ពានមិត្តភាពកម្ពុជា-ចិន មេគង្គក្រចេះ សម្រេចបានប្រមាណ ៩៩,៨% ខណៈដែលវឌ្ឍនភាពគម្រោងទាំងមូល រួមទាំងការសាងសង់ផ្លូវតភ្ជាប់ សម្រេចបានប្រមាណ ៩៧%។ តាមការប៉ាន់ស្មាន គម្រោងនេះគ្រោងនឹងបញ្ចប់ជាស្ថាពរនៅចុងខែមិថុនា ឆ្នាំ២០២៦ ខាងមុខនេះ។

ស្ពានមិត្តភាពកម្ពុជា-ចិន មេគង្គក្រចេះ ជាស្ពានយុទ្ធសាស្ត្រតភ្ជាប់ការធ្វើដំណើរដ៏សំខាន់ពីស្រុកចិត្របុរី នៅត្រើយខាងកើត ភ្ជាប់នឹងស្រុកព្រែកប្រសព្វ នៅត្រើយខាងលិច។ ស្ពាននេះ ក៏នឹងលើកកម្ពស់ដល់ប្រសិទ្ធភាពនៃវិស័យដឹកជញ្ជូន ពិសេស ការដឹកជញ្ជូនទិន្នផលកសិ-ឧស្សាហកម្ម រួមទាំងការតភ្ជាប់វិស័យទេសចរណ៍ពីខេត្តកំពង់ធំ ទៅកាន់ភូមិភាគឦសានបានកាន់តែងាយស្រួលបន្ថែមទៀត៕

The post លោក វ៉ាង វិនពីន៖ ស្ពានមិត្តភាពកម្ពុជា-ចិន មេគង្គក្រចេះ ជាស្ពានវែងបំផុតដែលសាងសង់ឡើងដោយប្រទេសចិននៅកម្ពុជា appeared first on .

លោក វ៉ាង វិនពីន ឯកអគ្គរដ្ឋទូតចិនប្រចាំកម្ពុជា បានឱ្យដឹងថា ជំនួយនេះបានមកភ្នំពេញ កាលពីថ្ងៃទី ៨ ខែមករា ឆ្នាំ២០២៦។ លោកថា ជំនួយមនុស្សធម៌ផ្នែកទី២របស់រដ្ឋាភិបាលចិនមកកាន់ប្រទេសកម្ពុជាលើកនេះ នឹងត្រូវបានប្រើប្រាស់ជាពិសេសដល់ជនភៀសសឹកនៅតាមតំបន់ព្រំដែន ជួយកាត់បន្ថយភាពលំបាកក្នុងជីវភាពរស់នៅរបស់ពួកគាត់ដែលកំពុងរងផលប៉ះពាល់។

សូមបញ្ជាក់ថា ជំនួយមនុស្សធម៌លើកដំបូងដែលរដ្ឋាភិបាលចិនបានផ្តល់ដល់កម្ពុជា កាលពីថ្ងៃទី ២៨ ខែធ្នូ ឆ្នាំ២០២៥ ។ដែលសម្ភារៈជំនួយដំបូងទាំងនោះ រួមមានដូចជា តង់ ភួយ និង អាហារ ជាដើម ក្នុងទឹកប្រាក់ចំនួន២០លានយ័នចិន៕

The post ចិន ផ្តល់ជំនួយមនុស្សធម៌លើកទី២ដល់កម្ពុជា ប្រើប្រាស់ជាពិសេសដល់ជនភៀសសឹកនៅតាមតំបន់ព្រំដែន appeared first on .

លោក វ៉ាង វិនពីន បានឱ្យដឹងថា សម្ភារៈជំនួយដំបូងត្រូវបានដឹកមកដល់កម្ពុជា កាលពីថ្ងៃទី២៨ ខែធ្នូ ឆ្នាំ២០២៥ រួមមានតង់ ភួយ និង អាហារ។ លោកជឿជាក់ថា សម្ភារៈទាំងនេះនឹងដើរតួនាទីយ៉ាងសំខាន់ក្នុងការជួយប្រជាជនកម្ពុជាដែលរងផលប៉ះពាល់ដោយជម្លោះ លើកកំពស់ជីវភាពរស់នៅនិងដើរចេញពីការលំបាកនាពេលបច្ចុប្បន្ន។

សូមបញ្ជាក់ថា កម្ពុជា និង ថៃ បានឯកភាពអនុវត្តបទ «ឈប់បាញ់ភ្លាម នៅនឹងកន្លែង» ដែលបានចូលជាធរមានចាប់ពីម៉ោង ១២:០០ ថ្ងៃត្រង់, ថ្ងៃទី ២៧ ខែ ធ្នូ ឆ្នាំ ២០២៥ តទៅ ។ក្នុងស្មារតីនេះ​រាជរដ្ឋាភិបាលកម្ពុជា តែងតែប្រកាន់ជំហរដោះស្រាយបញ្ហាដោយសន្តិវិធី និង នៅតែបន្តព្យាយាមចរចាតាមគ្រប់រូបភាពទាំងអស់ ដើម្បីបញ្ចប់ការប្រឈមមុខគ្នាដោយអាវុធ  និងវិលត្រឡប់ទៅដោះស្រាយបញ្ហាព្រំដែន តាមយន្តការបច្ចេកទេស និង ក្របខណ្ឌច្បាប់ ដែលមានជាធរមាន។

រាជរដ្ឋាភិបាល បានសម្រេចចិត្តប្រកាន់យកការចរចាបញ្ចប់ការប្រយុទ្ធគ្នា មុនពេលវាកាន់តែរីកធំជាងនេះទៅទៀត ដើម្បីកាត់បន្ថយការឈឺចាប់ និងទុក្ខសោករបស់បងប្អូនជនរួមជាតិជាអតិបរមា ហើយក៏ដើម្បីបញ្ឈប់នូវការពលី និង ការរងរបួសរបស់បងប្អូនវីរកងទ័ព, វីរនគរបាល ក៏ដូចជាប្រជាពលរដ្ឋស្លូតត្រង់ ដែលមកទល់នឹងពេលនេះ មានប្រជាជនស៊ីវិល ៣២ នាក់ បានបាត់បង់ជីវិត និង ៩៣ នាក់ បានរងរបួស ខណៈមានជនភៀសសឹកជាងកន្លះលាននាក់៕

The post ចិន បានផ្តល់ជំនួយមនុស្សធម៌ដល់កម្ពុជា ចំនួន២០លានយ័ន ដើម្បីជួយជនភៀសសឹក appeared first on .

ក្រុមហ៊ុនវិភាគទិន្នន័យអាកាសចរណ៍មួយនេះ បានឱ្យដឹងទៀតថា កៅអីសម្រាប់អ្នកដំណើរដែលអាចប្រើបាន（Available guest seats）នឹងឡើងដល់ ៥,១៨២,៨៦៤ កន្លែង កើនឡើង ១៤.៧% បើធៀបនឹងរយ:ពេលដូចគ្នាកាលពីឆ្នាំទៅ។

លោក វ៉ាង វិនពិន ឯកអគ្គរដ្ឋទូតចិនបានគូសបញ្ជាក់ថា តួលេខកំណើនជើងហោះហើរ និងកៅអីដ៏រឹងមាំនេះ បានបញ្ជាក់អំពីភាពរីកចម្រើនរបស់កម្ពុជាក្លាយជាគោលដៅទេសចរណ៍មួយចំណោមគោលដៅដទៃទៀតដែលប្រកបដោយកម្លាំងរស់រវើក និងសំទុះអភិវឌ្ឍន៍ខ្លាំងបំផុតនៅអាស៊ី។

គួរបញ្ជាក់ថា ក្នុងឆ្នាំ២០២៤ កម្ពុជាមានជើងហោះហើរសរុបចំនួន ៥៨ ៣៥៤ ជើង ដែលមានកំណើន១៤% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ សរុបចំនួន ៥១ ១៤៩ ជើង។ ចំណែកជើងហោះហើររំលងមានសរុបចំនួន ៧១ ៦១៣ ជើង មានកំណើន ១៤% បើប្រៀប ធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលទទួលបានជើងហោះហើរសរុបចំនួន ៦៣ ០៨៧ ជើង៕

គិតក្នុងត្រីមាសទី១ ឆ្នាំ២០២៥ ប្រទេសកម្ពុជាទទួលបានអ្នកដំណើរតាមផ្លូវអាកាសសរុបចំនួន ១.៩៦ លាននាក់ កើនឡើង ១៩ ភាគរយ ធៀបនឹងរយៈពេលមួយឆ្នាំ។ អាកាសយានដ្ឋានរបស់ប្រទេសកម្ពុជាក៏បានកត់ត្រាការកើនឡើង ១០ ភាគរយនៃបរិមាណទំនិញតាមផ្លូវអាកាសដល់ ១៧,១៤៧ តោនផងដែរ។

រដ្ឋលេខាធិការដ្ឋានអាកាសចរស៊ីវិល បានព្យាករថា កម្ពុជានឹងទទួលបានអ្នកដំណើរតាមផ្លូវអាកាសចំនួន ៧,៥ លាននាក់ក្នុងឆ្នាំ ២០២៥ ដែលនឹងកើនឡើង ២០ ភាគរយពី ៦,២៤ លាននាក់ក្នុងឆ្នាំ២០២៤៕

The post ទិន្នន័យ Cirium៖ ឆ្នាំ២០២៥ កម្ពុជានឹងស្វាគមន៍ជើងហោះហើរជាង ៣ម៉ឺនលើក កើនឡើងជាង ១៤% appeared first on .

លោក វ៉ាង វិនពីន បានគូសបញ្ជាក់ថា នេះគឺជាសមិទ្ធផលថ្មីមួយទៀតនៃកិច្ចសហប្រតិបត្តិការរវាងចិននិងកម្ពុជាដែលកំពុងពង្រឹងក្នុងវិស័យកសិកម្មនិងពាណិជ្ជកម្ម។

សូមបញ្ជាក់ថា បច្ចុប្បន្ន កម្ពុជាមានកសិផលចំនួន ១៦ មុខដែលត្រូវបានអនុញ្ញាតឱ្យនាំចេញទៅកាន់ប្រទេសចិន ដែលរួមមាន អង្ករ ដំឡូងមីស្ងួត ពោត ចេក ស្វាយ មៀន ដូង ម្រេច គ្រាប់ស្វាយចន្ទី ល្ង គ្រាប់ជី កៅស៊ូ ជលផលធម្មជាតិ ជលផលចិញ្ចឹម មច្ឆា និងទុរេន។

កាលពីពេលថ្មីៗនេះ កម្ពុជាក៏បាននាំចេញផ្លែទុរេនស្រស់ផ្ទាល់ ទៅកាន់ប្រទេសចិនផងដែរ។ ការនាំចេញទាំងនេះបានបង្ហាញពីសន្ទុះដ៏រឹងមាំ និងសមិទ្ធផលផ្លែផ្កាគួរកត់សម្គាល់នៃកិច្ចសហប្រតិបត្តិការរវាងប្រទេសទាំងពីរ។ កាលពីដើមខែកញ្ញាកន្លងទៅ កម្ពុជា-ចិន ក៏បានពិភាក្សាអំពីកិច្ចសហប្រតិបត្តិការទ្វេភាគី និងការត្រៀមបើកទីផ្សារនាំចូលកសិផលកម្ពុជាទៅទីផ្សារប្រទេសចិនបន្ថែមទៀតផងដែរ៕

The post ក្រុមហ៊ុនមួយរបស់ចិន មានផែនការនាំចេញបន្លែនិងផ្លែឈើកម្ពុជា ក្នុងទំហំទឹកប្រាក់ចំនួន៣០លានដុល្លារ ទៅកាន់ប្រទេសខ្លួន appeared first on .

លើកឡើងតាមរយៈសំណេរលើទំព័រហ្វេសប៊ុក លោក វ៉ាង វិនពីន បានបញ្ជាក់ថា ប្រទេសចិនគឺជាប្រទេសដំបូងគេដែលផ្តល់ជំនួយដល់កម្ពុជាបន្ទាប់កាលពីមានជម្លោះព្រំដែនរវាងកម្ពុជា-ថៃ ក៏ជាប្រទេសដែលបានផ្តល់ជំនួយច្រើនជាងគេផងដែរ។

ឯកអគ្គរដ្ឋទូតចិនរូបនេះ ធ្លាប់បានគូសបញ្ជាក់ថា ប្រទេសកម្ពុជាជាមិត្តល្អ មិត្តភក្តិពិតប្រាកដរបស់ចិន ហើយចិននឹងបន្តជួយកម្ពុជាបន្ថែមទៀតដើម្បីជំរុញឱ្យទំនាក់ទំនងប្រទេសទាំងពីរកាន់តែរឹងមាំមួយកម្រិតថែមទៀត។

បន្ទាប់ពីមានជម្លោះព្រំដែនរវាងកម្ពុជា-ថៃ ប្រទេសចិនក៏បានប្រកាសផ្តល់ជំនួយដល់កម្ពុជាផងដែរ ជាក់ស្តែងកាលបីពេលថ្មីៗនេះ នៅក្នុងជំនួបជាមួយសម្តេច ហ៊ុន ម៉ាណែត នាយករដ្ឋមន្រ្តីកម្ពុជា នៅក្រៅកិច្ចប្រជុំកំពូលអង្គការកិច្ចសហប្រតិបត្តិការសៀងហៃ (SCO)​ នៅថ្ងៃទី៣០ ខែសីហា លោក ស៊ី ជិនភីង ប្រធានាធិបតីចិន ក៏បានប្រកាសផ្តលជំនួយមនុស្សធម៌ដល់កម្ពុជា ចំនួន ២០លានយ៉ន់ ដើម្បីជួយស្តារឡើងវិញនូវការខូចខាត និងជួយសម្រួលដល់ទុក្ខលំបាករបស់ប្រជាពលរដ្ឋកម្ពុជា ដែលរងគ្រោះពីការប៉ះទង្គិចប្រដាប់អាវុធក្នុងជម្លោះព្រំដែនរវាងកងទ័ពកម្ពុជា និងថៃ កាលចុងខែកក្កដា ឆ្នាំ២០២៥ កន្លងទៅ។

គួរឱ្យដឹងថា ទំនាក់ទំនងជាប្រពៃណី កម្ពុជា-ចិន បានបន្តការពង្រឹងពីមិត្តភាពដែកថែប ធ្វើឱ្យកាន់តែស៊ីជម្រៅកិច្ចសហប្រតិបត្តិការត្បូងពេជ្រ ដើម្បីរួមចំណែកកសាងសហគមន៍វាសនារួមកម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្ដង់ដារខ្ពស់។

ថ្នាក់ដឹកនាំកម្ពុជា និងចិន ក៏បានឯកភាពគ្នាក្នុងការបន្តពង្រឹងពង្រីកកិច្ចសហប្រតិបត្តិការឱ្យកាន់តែស៊ីជម្រៅលើវិស័យអាទិភាពនានា ដែលរួមមានវិស័យនយោបាយ ការទូត សេដ្ឋកិច្ច ពាណិជ្ជកម្ម ការអភិវឌ្ឍហេដ្ឋារចនាសម្ព័ន្ធ និងវិស័យសន្តិសុខ និងវិស័យការពារជាតិជាដើម៕

The post លោក វ៉ាង វិនពីន៖ ប្រទេសចិនគឺជាដៃគូដែលអាចទុកចិត្តបានរបស់កម្ពុជា appeared first on .