យោងទៅតាមទិន្នន័យពីនាយកដ្ឋានគយ បានបង្ហាញថា ត្បូង និងលោហធាតុមានតម្លៃទាំងនេះ គឺជាទំនិញដែលមានការរីកចម្រើនលឿនបំផុត ក្នុងចំណោមទំនិញសំខាន់ៗផ្សេងទៀតរបស់ប្រទេសវៀតណាម។

ទន្ទឹមនឹងនេះ អាជីវកម្ម និងសមាគមឧស្សាហកម្មមាស បានអំពាវនាវឱ្យរដ្ឋាភិបាលបន្ធូរបន្ថយបទប្បញ្ញត្តិលើការនាំចូលមាសឆៅ ដោយនិយាយថា ប្រភពក្នុងស្រុកមិនគ្រប់គ្រាន់ ដើម្បីអាចបំពេញតម្រូវការគ្រឿងអលង្ការនោះទេ។

មិនតែប៉ុណ្នោះ សមាគមពាណិជ្ជករមាសវៀតណាម បានស្នើឱ្យអាជីវកម្មធំៗនាំចូលមាសចំនួន ៥០ តោនជារៀងរាល់ឆ្នាំដោយគ្មានពន្ធ ដើម្បីជំរុញការផលិតគ្រឿងអលង្ការសម្រាប់នាំចេញទៅវិញ។

យ៉ាងណាមិញ ការនាំចូលទំនិញសរុបរបស់វៀតណាម បានកើនឡើងជិត ៣១% ធៀបទៅនឹងឆ្នាំមុន ដល់ ២២៩,៥ពាន់លានដុល្លារ ដោយក្នុងនោះ កុំព្យូទ័រ ផលិតផលអេឡិចត្រូនិច និងគ្រឿងបន្លាស់ មានចំនួនច្រើនជាងគេ ដោយកើនឡើង ៥៧,១% ដល់ ៨៨,២ពាន់លានដុល្លារ៕​

The post វៀតណាម ចាយលុយជិត ១,៥ពាន់លានដុល្លារ នាំចូលត្បូង និងលោហធាតុមានតម្លៃ កើនឡើងជិត ៣០០% appeared first on .

យោងតាមក្រសួងមហាផ្ទៃវៀតណាម បានបង្ហាញឲ្យដឹងថា ប្រទេសជប៉ុននៅតែជាគោលដៅកំពូល ដោយទទួលយកកម្មករវៀតណាមចំនួន ២៤ ០៣០ នាក់ រួមទាំងស្ត្រីចំនួន ១០ ៧៥០ នាក់។

បន្ទាប់មកគឺតៃវ៉ាន់ដែលមានកម្មករវៀតណាមចំនួន ២១ ១០៤ នាក់ ក្នុងនោះមានស្ត្រីចំនួន ៦ ៧៥២ នាក់។ កូរ៉េខាងត្បូងទទួលបាន ៣ ២១៧ នាក់ ចិន ១ ៤៩៨នាក់ សិង្ហបុរី ៧០៤ នាក់ ក្រិក ៤៤១ នាក់ និងរុស្ស៊ី ៣៤៤ នាក់។

គួរឲ្យដឹងថា នៅក្នុងខែឧសភាតែមួយ កម្មករវៀតណាមចំនួន ១១ ៩៤៨ នាក់ បានចាកចេញពីប្រទេសក្រោមកិច្ចសន្យាការងារ ដែលក្នុងនោះមានស្ត្រីចំនួន ៣ ៩៣០ នាក់។ តៃវ៉ាន់នាំមុខគេដោយមានកម្មករសរុបចំនួន ៥ ៧៦៤ នាក់ រួមទាំងស្ត្រីចំនួន ១ ៦៦៤ នាក់ នាំមុខជប៉ុនដែលមានកម្មករចំនួន ៤ ៦០៨នាក់ ដែលរួមមានស្ត្រីចំនួន ២ ០៩៦នាក់។

ទន្ទឹមនឹងនេះ ក្រសួងមហាផ្ទៃ បានរាយការណ៍ថា កម្លាំងពលកម្មរបស់ប្រទេសវៀតណាមដែលមានអាយុចាប់ពី ១៥ឆ្នាំឡើងទៅ ត្រូវបានប៉ាន់ប្រមាណថាមានចំនួន ៥៣,៦ លាននាក់ ជាមួយនឹងអត្រាចូលធ្វើការ ៦៨,៣%៕​

​

The post វៀតណាម បញ្ជូនកម្មករជាង ៥៣ ០០០ នាក់ទៅធ្វើការក្រៅប្រទេស ក្នុងរយៈពេល ៥ខែដំបូង appeared first on .

ដើម្បីបង្កើនប្រសិទ្ធភាពរចនាសម្ព័ន្ធវិនិយោគនៅក្រៅប្រទេសរបស់ខ្លួន ក្រុមហ៊ុន Vingroup នឹងទិញភាគហ៊ុន ឬដើមទុននៅក្នុងក្រុមហ៊ុន Vinmotion USA ដែលជាក្រុមហ៊ុនបុត្រសម្ព័ន្ធមួយរបស់ខ្លួនមានមូលដ្ឋាននៅសហរដ្ឋអាមេរិក។

ជុំវិញគោលបំណងសំខាន់នៃគម្រោងនេះ គឺដើម្បីស្រាវជ្រាវ និងអភិវឌ្ឍផលិតផលមនុស្សយន្តដែលមានរាងដូចមនុស្ស និងដំណោះស្រាយបច្ចេកវិទ្យា។ ក្នុងពេលជាមួយគ្នានេះ ក្រុមហ៊ុន Vingroup មានគម្រោងសាងសង់មជ្ឈមណ្ឌលស្រាវជ្រាវ និងអភិវឌ្ឍ (R&D) នៅសហរដ្ឋអាមេរិក ដើម្បីទាក់ទាញអ្នកមានទេពកោសល្យទូទាំងពិភពលោក។

ក្រុមហ៊ុន Vingroup បានប្រកាសជាលើកដំបូងអំពីការចូលប្រឡូកក្នុងវិស័យផលិតមនុស្សយន្ត នៅឆ្នាំ២០២៤។ ហើយមុនពេលគម្រោងវិនិយោគនៅ Vinmotion USA នេះ ក្រុមហ៊ុនដែលគ្រប់គ្រងដោយមហាសេដ្ឋីមានដាច់គេរបស់ប្រទេស លោក Pham Nhat Vuong ក៏បានវិនិយោគនៅក្នុងក្រុមហ៊ុនមនុស្សយន្តចំនួនបីផ្សេងទៀត ដូចជា VinDynamics, VinRobotics និង VinMotion ផងដែរ។

គួរជម្រាបជូនថា Vingroup គឺជាសម្ព័ន្ធក្រុមហ៊ុនចម្រុះដែលដំណើរការក្នុងវិស័យផ្សេងៗដូចជាការផលិតរថយន្តអគ្គិសនី បច្ចេកវិទ្យា អចលនទ្រព្យ ហេដ្ឋារចនាសម្ព័ន្ធ ថាមពល និងដែកថែប។ ក្រុមហ៊ុននេះត្រូវបានបង្កើតឡើងដំបូងក្នុងឆ្នាំ១៩៩៣ នៅប្រទេសអ៊ុយក្រែន ដោយមហាសេដ្ឋី Pham Nhat Vuong ៕​

The post ក្រុមហ៊ុនខ្នាតយក្សវៀតណាម Vingroup វិនិយោគជិត ១៣លានដុល្លារ លើគម្រោងមនុស្សយន្តនៅអាមេរិក appeared first on .

លោក Viet វ័យ ៣៤ឆ្នាំ បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយក្រុមហ៊ុន Vingroup ថា៖”V-Film មានគោលបំណងកសាងប្រព័ន្ធអេកូឡូស៊ីភាពយន្តរបស់វៀតណាម ដោយសង្ឃឹមថានឹងអាចផលិតភាពយន្តដ៏លេចធ្លោបំផុត ដើម្បីចែកចាយទៅដល់ទស្សនកិច្ចទូទាំងពិភពលោក តាមរយៈជម្រៅនៃវប្បធម៌ និងស្មារតីជាតិ”។

លោក Viet បានបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងពហុមេឌាពីសាកលវិទ្យាល័យ Cameron នៅសហរដ្ឋអាមេរិក មុនពេលត្រឡប់ទៅប្រទេសវៀតណាមវិញដើម្បីធ្វើវីដេអូ Vlog បង្ហោះនៅលើ YouTube។ លោក ក៏ជាអ្នកបង្កើមាតិកាវៀតណាមដំបូងគេដែលទទួលបានពានរង្វាន់ Gold Play Button របស់ YouTube ផងដែរ។

គួរជម្រាបជូនផងដែរក្រុមហ៊ុន Vingroup របស់លោក Vuong បានពង្រីកខ្លួនទៅកាន់វិស័យថ្មីៗបន្ថែមទៀត ជាមួយនឹងការបង្កើតក្រុមហ៊ុនកម្សាន្តធំៗចំនួនបី ក្នុងនោះរួមមាន V-Film Cinema Development Jsc និងក្រុមហ៊ុនផ្តោតលើការថតរូប ការថតសំឡេង និងការបោះពុម្ពផ្សាយតន្ត្រីផងដែរ៕​

The post ថៅកែក្រុមហ៊ុន Vingroup ជួល Youtuber ល្បីវៀតណាមម្នាក់ ឲ្យកាន់តំណែងជា CEO ក្រុមហ៊ុនថ្មីរបស់ខ្លួន appeared first on .

តួលេខនេះបានកើនឡើង ៤% បើធៀបទៅនឹងរយៈពេលដូចគ្នា កាលពីឆ្នាំមុន និងបានជំរុញឲ្យប្រទេសនៅក្នុងតំបន់អាស៊ីអាគ្នេយ៍មួយនេះ នាំមុខទៅលើអ៊ីតាលី នៅក្នុងចំណាត់ថ្នាក់ប្រទេសផលិតដែកថែបធំបំផុតនេះ។ នេះបើតាមការទិន្នន័យពីសមាគមដែកថែបពិភពលោក។

សម្រាប់រយៈពេល ៤ខែដំបូងឆ្នាំនេះ វៀតណាម បានផលិតដែកថែបឆៅសរុបចំនួន ៨,៥ លានតោន ដែលជាការកើនឡើង ៨,៤% ធៀបទៅនឹងឆ្នាំមុន។ វិស័យដែកថែបរបស់វៀតណាម បានពង្រីកខ្លួនយ៉ាងឆាប់រហ័សទាំងទំហំ និងចំនួននៃការផលិត។

គួរជម្រាបជូនផងដែរថា ទិន្នផលដែកថែបឆៅរបស់ប្រទេសវៀតណាមបានកើនឡើងពី ២០ លានតោនក្នុងឆ្នាំ២០២៣ ដល់ ២៤,៦ លានតោនកាលពីឆ្នាំមុន នៅពេលដែលប្រទេសនេះជាប់ចំណាត់ថ្នាក់លេខមួយនៅអាស៊ីអាគ្នេយ៍ និងលេខ ១១ ទូទាំងពិភពលោក៕​

The post វៀតណាម ឡើងតំណែងក្លាយជាប្រទេសផលិតដែកថែបធំជាងគេទាំង១០ របស់ពិភពលោកជាលើកដំបូង appeared first on .

ប្រទេសចិន សហរដ្ឋអាមេរិក និងកូរ៉េខាងត្បូងនៅតែជាទីផ្សារនាំចេញធំជាងគេ របស់វៀតណាម សម្រាប់ទំនិញប្រភេទនេះ ខណៈពេលដែលការដឹកជញ្ជូនទៅកាន់ទីផ្សារដូចជាប្រទេសហូឡង់ អាល្លឺម៉ង់ និងម៉ាឡេស៊ីបាន ក៏បានមើលឃើញពីកំណើនយ៉ាងខ្លាំង ផងដែរ។

ក្នុងនោះដែរ ការនាំចេញផ្លែទុរេនមានតម្លៃជិត ២២២លានដុល្លារនៅក្នុងត្រីមាសទីមួយ ពោលគឺបានកើនឡើង ១២៧,៨% ធៀបទៅនឹងឆ្នាំមុន។ ដោយឡែក ការនាំចេញផ្លែស្រកានាគ ចេក ស្វាយ និងដូងនៅតែមានស្ថេរភាព។ ជាពិសេសដូងត្រូវបានកំណត់ថាជាផលិតផលនាំចេញជាយុទ្ធសាស្ត្រក្នុងរយៈពេលខាងមុខផងដែរ។

គួរជម្រាបជូនផងដែរថា ក្នុងរយៈពេលប៉ុន្មានខែខាងមុខនេះ ការនាំចេញផ្លែឈើ និងបន្លែរបស់ប្រទេសវៀតណាម ត្រូវបានគេរំពឹងថានឹងបន្តពង្រីក ដោយសារការផ្គត់ផ្គង់ដ៏ច្រើន ខណៈពេលដែលផលិតផលសំខាន់ៗ បានឈានចូលដល់រដូវប្រមូលផលកំពូល និងការកែលម្អគួរឱ្យកត់សម្គាល់នៃគុណភាព និងការតាមដាននៃម៉ាកសញ្ញា៕​

The post ត្រឹម ៥ខែដំបូង វៀតណាម កើបលុយបានជិត ៣ពាន់លានដុល្លារ ពីការនាំចេញបន្លែ ផ្លែឈើ appeared first on .

យោងតាមសេចក្តីថ្លែងការណ៍មួយចេញផ្សាយកាលពីថ្ងៃទី២១ ឧសភា បានបង្ហាញថា ក្រុមហ៊ុន VinFast បានបោះបង់ចោលការងារនៅលើទីតាំងទំហំ ៧១២ ហិកតា ដែលស្ថិតនៅតំបន់ Chatham County អស់រយៈពេលជាងមួយឆ្នាំមកហើយ។

សេចក្តីថ្លែងការណ៍ដដែល បាននិយាយទៀតថា VinFast ពីមុនត្រូវបានផ្តល់អាជ្ញាប័ណ្ណឲ្យសាងសង់រោងចក្រនេះ ជាមួយនឹងការប្តេជ្ញាចិត្ត ក្នុងការបង្កើតការងារថ្មីៗចំនួន ៧ ៥០០ កន្លែង និងវិនិយោគទឹកប្រាក់ជាង ៣ពាន់លានដុល្លារ នៅក្នុងរដ្ឋ North Carolina ។

នៅឆ្នាំ២០២២ ក្រុមហ៊ុន VinFast ក៏បាននិយាយផងដែរថា រោងចក្រនេះនឹងមានសមត្ថភាបផលិតរថយន្តប្រចាំឆ្នាមរបស់ខ្លួនបានចំនួន ១៥០ ០០០ គ្រឿង។ ប៉ុន្តែរហូតដល់ឆ្នាំ២០២៤ ក្រុមហ៊ុននេះ បានប្រកាសជាថ្មីថាខ្លួននឹងពន្យារពេលការបើកដំណើរការរោងចក្រនេះ ទៅឆ្នាំ២០២៨ វិញ ដោយសារតែភាពមិនច្បាស់លាស់នៃទីផ្សារ។

សូមជម្រាបជូនថា ក្រុមហ៊ុន VinFast កាលពីសប្តាហ៍មុន បានប្រកាសថា នឹងលក់រោងចក្រផលិតរថយន្តនៅវៀតណាមរបស់ខ្លួនក្នុងតម្លៃ ១៣,៣ពាន់ពាន់លានដុង (៥០៦លានដុល្លារ) ទៅឱ្យក្រុមវិនិយោគិន ដើម្បីដោះស្រាយបំណុល ដែលកំពុងកើនឡើងដល់ជិត ៧ពាន់លានដុល្លារ៕​

The post រដ្ឋធំមួយនៅអាមេរិក ប្តឹងក្រុមហ៊ុនវៀតណាម VinFast ពីបទពន្យារពេលគម្រោងសង់រោងចក្ររថយន្តអគ្គិសនី appeared first on .

យោងតាមក្រសួងកសិកម្ម និងបរិស្ថាន បានបង្ហាញថា ក្នុងរយៈពេលបួនខែដំបូងនៃឆ្នាំនេះ វៀតណាមបាននាំចូលស្រូវសាលីជិត ៤ លានតោន ដែលមានតម្លៃជាង ១ពាន់លានដុល្លារ កើនឡើង ៦៦% នៃបរិមាណ និង ៦០% នៃតម្លៃបើប្រៀបធៀបទៅនឹងរយៈពេលដូចគ្នាកាលពីឆ្នាំមុន។

ទន្ទឹមនឹងនេះ ពោតក៏ត្រូវបាននាំចូលក្នុងបរិមាណច្រើនផងដែរ ដោយឈានដល់ ៤,៤ លានតោន ដែលមានតម្លៃជាង ១,១ពាន់លានដុល្លារ កើនឡើង ៤៩% នៃបរិមាណ និង ៤៣% នៃតម្លៃ។ ចំណែកឯការនាំចូលសណ្តែកសៀងបានឈានដល់ ១,១ លានតោន ដែលមានតម្លៃ ៥៤២លានដុល្លារ កើនឡើង ៦១% នៃបរិមាណ និង ៧០% នៃតម្លៃ។

បើតាមក្រសួង បានបង្ហាញឲ្យដឹងទៀតថា ជុំវិញការកើនឡើងនៃការនាំចូលគ្រាប់ធញ្ញជាតិសំខាន់ៗទាំងនេះ គឺដោយសារតែតម្រូវការវត្ថុធាតុដើមសម្រាប់ការចិញ្ចឹមសត្វ និងកែច្នៃអាហារហក់ឡើងខ្ពស់។

គួរជម្រាបជូនផងដែរថា ប្រេស៊ីល និងអាហ្សង់ទីន បច្ចុប្បន្នគឺជាអ្នកផ្គត់ផ្គង់ពោតធំជាងគេបំផុត ទៅកាន់ប្រទេសវៀតណាម ដែលមានចំនួនជិត ៨០% នៃចំណែកទីផ្សារ។ ចំពោះសណ្តែកសៀង សហរដ្ឋអាមេរិក និងប្រេស៊ីលមានចំនួនជិត ៩០% នៃតម្លៃនាំចូល។ ទន្ទឹមនឹងនេះ ប្រទេសអូស្ត្រាលី ប្រេស៊ីល និងកាណាដា គឺជាអ្នកផ្គត់ផ្គង់ស្រូវសាលីសំខាន់ៗ របស់វៀតណាម ផងដែរ៕​

The post បួនខែដំបូងឆ្នាំនេះ វៀតណាម ចំណាយលុយជាង ២,៦ពាន់លានដុល្លារ ក្នុងការនាំចូលពោត ស្រូវសាលី និងសណ្តែកសៀង appeared first on .

យោងតាមរបាយការណ៍ចុងក្រោយបំផុតពីក្រសួងកសិកម្ម និងបរិស្ថាន ក្នុងខែមេសា វៀតណាមបាននាំចូលគ្រាប់ស្វាយចន្ទីប្រហែល ៥៤៣ ១០០ តោនដែលមានតម្លៃជិត ៩៤៣លានដុល្លារ។ នេះគឺជាកម្រិតនាំចូលដ៏ធំបំផុតដែលមិនធ្លាប់មានក្នុងរយៈពេលត្រឹមតែមួយខែ។

គួរឲ្យដឹងថា ក្នុងរយៈពេលបួនខែដំបូងនៃឆ្នាំ២០២៦ នេះអាជីវកម្មក្នុងស្រុកបានចំណាយទឹកប្រាក់ជិត ២,២ពាន់លានដុល្លារ ដើម្បីនាំចូលគ្រាប់ស្វាយចន្ទីចំនួន ១,៣ លានតោន ដែលកើនឡើង ២៣% នៃបរិមាណ និង ៣២% នៃតម្លៃ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ តម្លៃនាំចូលជាមធ្យមបានឈានដល់ជិត ១ ៧០៤ដុល្លារក្នុងមួយតោន ដែលកើនឡើង ៧,៦%។

ផ្ទុយទៅវិញ ការនាំចេញគ្រាប់ស្វាយចន្ទីរបស់វៀតណាម ហាក់កំពុងបង្ហាញសញ្ញានៃការថយចុះ ដោយក្នុងនៅក្នុងខែមេសាតែមួយ ប្រទេសនេះ បាននាំចេញគ្រាប់ស្វាយចន្ទីប្រមាណ ៦១ ១០០ តោន រកចំណូលបាន ៤៣៣លានដុល្លារ។ ហើយសម្រាប់រយៈពេលបួនខែដំបូងនៃឆ្នាំនេះ ចំណូលនាំចេញបានឈានដល់ ១,៣ពាន់លានដុល្លារ ជាមួយនឹងបរិមាណប្រហែល ១៨៦ ៦០០ តោន។

យោងតាមសមាគមគ្រាប់ស្វាយចន្ទីវៀតណាម (Vinacas) បច្ចុប្បន្នប្រទេសវៀតណាម មានចំនួនប្រហែល ៨០% នៃការនាំចេញគ្រាប់ស្វាយចន្ទីទូទាំងពិភពលោក។ តែទោះជាយ៉ាងណាក៏ដោយ ឧស្សាហកម្មគ្រាប់ស្វាយចន្ទីក្នុងស្រុកភាគច្រើនមានភាពរឹងមាំតែក្នុងការកែច្នៃប៉ុណ្ណោះ ខណៈពេលដែលប្រភពវត្ថុធាតុដើមក្នុងស្រុកបំពេញតម្រូវការផលិតកម្មបានត្រឹមតែផ្នែកតូចមួយ។

គួរជម្រាបជូនថា យោងតាមក្រសួងកសិកម្ម និងបរិស្ថាន កម្ពុជានៅតែជាអ្នកផ្គត់ផ្គង់គ្រាប់ស្វាយចន្ទីធំជាងគេទៅកាន់ប្រទេសវៀតណាម ដែលមានចំនួន ៥១,៧% នៃតម្លៃនាំចូលសរុប។ បន្ទាប់មកគឺប្រទេសតង់ហ្សានី ដែលមាន ១៩,៩% ​​ប្រទេសកូតឌីវ័រ ដែលមាន ១១,៩% និងប្រទេសនីហ្សេរីយ៉ា មាន ១,៩%៕​

The post ត្រឹម ១ខែ វៀតណាមចាយលុយជិត ១ពាន់លានដុល្លារ លើការនាំចូលគ្រាប់ស្វាយចន្ទី appeared first on .

យោងតាមការព្យាករណ៍ថ្មីៗរបស់ក្រុមហ៊ុនប្រឹក្សាយោបល់អចលនទ្រព្យ Knight Frank ដែលមានមូលដ្ឋាននៅទីក្រុងឡុងដ៍ បានបង្ហាញថាប្រទេសវៀតណាម មានបុគ្គលចំនួន ១ ២៣៣ នាក់ដែលមានទ្រព្យសម្បត្តិយ៉ាងហោចណាស់ ៣០លានដុល្លារ ហើយតួលេខនេះត្រូវបានគេរំពឹងថានឹងកើនឡើងដល់ ១ ៩៦០ នាក់នៅឆ្នាំ២០៣១។

យ៉ាងណាមិញ ឥណ្ឌូណេស៊ី ត្រូវបានចាត់ទុកថាជាប្រទេសមានចំនួនបុគ្គលមានទ្រព្យសម្បត្តិច្រើន កើនឡើងលឿនជាងគេបំផុត នៅទូទាំងពិភពលោក ជាមួយនឹងងអត្រា ៨២%។ គេរំពឹងថាប្រទេសនេះ និងមានបុគ្គលមានទ្រព្យសម្បត្តិយ៉ាងហោចណាស់ ៣០លានដុល្លារ ចំនួន ៦ ៩៦៦ នាក់ នៅឆ្នាំ២០៣១ បើធៀបទៅនឹងចំនួន ៣ ៨៣៣ នាក់ ក្នុងពេលបច្ចុប្បន្ន។

គួរជម្រាបជូនផងដែរថា ប្រទេសអារ៉ាប៊ីសាអូឌីត និងប៉ូឡូញ ស្ថិតនៅចំណាត់ថ្នាក់លេខ២ និងលេខ៣ រៀងៗគ្នា ជាមួយអត្រាកើនឡើង ៦៣% ដោយក្នុងនោះ អារ៉ាប៊ីសាអូឌីត នឹងចំនួន ៧ ១៦២ នាក់ ខណៈប៉ូឡូញមានចំនួន ៤ ៩០៦ នាក់ នៅក្នុងឆ្នាំ២០៣១ ខាងមុខ៕​

The post វៀតណាម ជាប់ជាប្រទេសមានពលរដ្ឋមានទ្រព្យសម្បត្តិយ៉ាងហោចណាស់ ៣០លានដុល្លារ កើនឡើងលឿនបំផុត appeared first on .