ប្រទេសចិននៅតែជាទីផ្សារធំជាងគេបំផុត ជាមួយនឹងការទិញបង្គាពីវៀតណាម នៅក្នុងទំហំទឹកប្រាក់សរុបជិត ១,២ពាន់លានដុល្លារ (ឬស្មើនឹង ៣៣% នៃការនាំចេញសរុប) កើនឡើង ៣៧%។ បើគួបផ្សំជាមួយទីផ្សារហុងកុង ការនាំចេញបានកើនឡើងដល់ ១,៣ពាន់លានដុល្លារ។

ប៉ុន្តែទោះជាយ៉ាងណា សម្រាប់ទីផ្សារសហរដ្ឋអាមេរិក បានធ្លាក់ចុះ ១៥% មកនៅត្រឹម ៤៩៨លានដុល្លារ (ដោយសាររងសម្ពាធពន្ធគយ និងកាតព្វកិច្ចប្រឆាំងការលក់បង្ខូចថ្លៃ) ខណៈការនាំចេញទៅកាន់ សហភាពអឺរ៉ុប (EU) បានធ្លាក់ចុះ ៤,៩% មកនៅត្រឹម ៤០៦,៤លានដុល្លារ។

ទន្ទឹមនឹងនេះ​ ការនាំចេញទៅកាន់ប្រទេសជប៉ុន អូស្ត្រាលី កាណាដា និងបណ្តាប្រទេសកិច្ចព្រមព្រៀង CPTPP មានកំណើនល្អប្រសើរ ដែលជួយទូទាត់ការធ្លាក់ចុះនៅទីផ្សារអាមេរិក និងអឺរ៉ុប។

គួរជម្រាបជូនផងដែរថា ប្រសិនបើការនាំចេញប្រចាំខែក្នុងត្រីមាសទី៤ នៅតែរក្សាបានកម្រិត ៤៧០ ដល់ ៤៨០លានដុល្លារនោះ តួលេខនាំចេញសរុបពេញមួយឆ្នាំអាចនឹងឈានដល់ ៥,១ ដល់ ៥,២ពាន់លានដុល្លារ៕​

The post គ្រាន់តែការនាំចេញបង្គា វៀតណាម កើបចំណូលបានជិត ៤ពាន់លានដុល្លារ ត្រឹម ៩ខែដំបូង appeared first on .

នៅក្នុងសន្និសីទសារព័ត៌មានមួយកាលពីថ្ងៃទី២០ ខែតុលា លោក Aimy Zairin Mohamed តំណាងក្រុមហ៊ុន Petronas ប្រចាំនៅវៀតណាម បានថ្លែងថា ក្រុមហ៊ុនកំពុងផ្តោតលើគម្រោង VMS (វៀតណាម – ម៉ាឡេស៊ី – សិង្ហបុរី) ដោយមានគោលបំណងតភ្ជាប់ប្រភពថាមពលស្អាតរបស់វៀតណាម ទៅកាន់ទីផ្សារនានាក្នុងតំបន់។ គម្រោងនេះត្រូវបានរំពឹងថានឹងក្លាយជាគំរូត្រួសត្រាយផ្លូវឆ្ពោះទៅរកគំនិតផ្តួចផ្តើមបណ្តាញអគ្គិសនីអាស៊ាន (ASEAN Power Grid)។

ទន្ទឹមនឹងនេះ ក្រុមហ៊ុន Petronas ជឿជាក់ថា វៀតណាមមានសក្តានុពលថាមពលខ្យល់ដ៏ធំធេង ដោយធនធានខ្យល់តែមួយមុខអាចមានកម្លាំងលើសពី ៤០០ ជីហ្គាវ៉ាត់ (GW)។ លោក Aimy បានវាយតម្លៃទៀតថា នេះគឺជាធនធានថាមពលខ្យល់ដ៏សំខាន់បំផុតមួយនៅលើពិភពលោក។

យោងតាមផែនការដែលកំពុងស្ថិតក្រោមការសិក្សានៅពេលនេះ ថាមពលខ្យល់នៅតាមឆ្នេរសមុទ្ររបស់វៀតណាម នឹងត្រូវបញ្ជូនតាមរយៈប្រព័ន្ធខ្សែកាបក្រោមទឹកទៅកាន់ប្រទេសម៉ាឡេស៊ី ដោយតភ្ជាប់ទៅក្នុងបណ្តាញអគ្គិសនីរបស់ប្រទេសនោះសម្រាប់ការប្រើប្រាស់ ហើយបន្ទាប់មកនឹងបន្តបញ្ជូនទៅកាន់ប្រទេសសិង្ហបុរីទៀត។

ក្រៅពីថាមពលខ្យល់ Petronas ក៏បានបញ្ជាក់ថា ខ្លួននឹងបន្តសហការជាមួយសាជីវកម្មឧស្សាហកម្មថាមពលជាតិវៀតណាម (PetroVietnam) ដើម្បីបំពេញតម្រូវការថាមពលដែលកំពុងកើនឡើងជំរុញដោយការអភិវឌ្ឍសេដ្ឋកិច្ច។ ការផ្ដោតសំខាន់គឺការរួមបញ្ចូលគ្នារវាងការរុករកប្រេង និងឧស្ម័នក្នុងស្រុក ការនាំចូលឧស្ម័នធម្មជាតិរាវ (LNG) និងការអភិវឌ្ឍថាមពលកកើតឡើងវិញ។

ជម្រាបជូនថា Petronas បានវត្តមាននៅវៀតណាមអស់រយៈពេល ៣៥ ឆ្នាំមកហើយ បច្ចុប្បន្ន ក្រុមការងារនេះមានវត្តមានក្នុងវិស័យជាច្រើននៃច្រវាក់តម្លៃថាមពល និងមានវត្តមាននៅក្នុងប្រទេសជាង ១០០ រួមទាំងកម្ពុជាផងដែរ៕​

The post ក្រុមហ៊ុនខ្នាតយក្ស Petronas ចង់នាំយកថាមពលខ្យល់ពីវៀតណាម ទៅកាន់ប្រទេសម៉ាឡេស៊ី និងសិង្ហបុរី appeared first on .

យ៉ាងណាមិញ តួលេខនេះត្រូវបានដកស្រង់នៅក្នុងវេទិការៀបចំផែនការហិរញ្ញវត្ថុបុគ្គលឆ្នាំ២០២៦ ដែលរៀបចំធ្វើឡើងនៅទីក្រុងហូជីមិញ កាលពីថ្ងៃទី៣ ខែតុលា ដោយលោក Chi Huynh អនុប្រធាននាយកដ្ឋានធនាគារ Asia Commercial Bank។

បើតាមរបាយការណ៍ទ្រព្យសម្បត្តិឆ្នាំ២០២៦ (Wealth Report 2026) របស់ Knight Frank បានព្យាករថា ប្រជាជនដែលមានទ្រព្យសម្បត្តិស្តុកស្តម្ភខ្លាំង (Ultra-High-Net-Worth) របស់វៀតណាមនឹងកើនឡើងដល់ ១ ៩៦០ នាក់នៅត្រឹមឆ្នាំ២០៣១។ ចំនួនដ៏ខ្ពស់នេះ គឺមានតែប្រទេសឥណ្ឌូណេស៊ី អារ៉ាប៊ីសាអ៊ូឌីត និងប៉ូឡូញប៉ុណ្ណោះ ដែលត្រូវបានរំពឹងថានឹងមានកំណើនលឿនជាងនេះ។

គួរឲ្យដឹងថា បច្ចុប្បន្ន ប្រទេសវៀតណាមឈរនៅចំណាត់ថ្នាក់ទី៣៩ លើពិភពលោក ផ្អែកលើចំនួនប្រជាជនដែលមានទ្រព្យសម្បត្តិសរុបយ៉ាងហោចណាស់ ៣០លានដុល្លារ។ នេះបើយោងតាមទិន្នន័យពី Visual Capitalist។

ការពង្រីកនេះឆ្លុះបញ្ចាំងពីការកើនឡើងយ៉ាងទូលំទូលាយនៃទ្រព្យសម្បត្តិហិរញ្ញវត្ថុ។ ក្រុមហ៊ុន Boston Consulting Group រំពឹងថា ទ្រព្យសម្បត្តិហិរញ្ញវត្ថុរបស់វៀតណាមនឹងកើនឡើងលើសពី ៩% ក្នុងមួយឆ្នាំរហូតដល់ឆ្នាំ២០៣០ ដែលជាអត្រាលឿនបំផុតមួយក្នុងចំណោមទីផ្សារកំពុងអភិវឌ្ឍនធំៗផ្សេងទៀត៕​

The post វៀតណាម កើនចំនួនសេដ្ឋីៗដែលមានទ្រព្យសម្បត្តិចាប់ពី ៣០លានដុល្លារ ដល់ជាង ១ ២០០ នាក់ appeared first on .

រដ្ឋាភិបាលទីក្រុងហាណូយ បាននិយាយក្នុងថ្លែងការណ៍មួយនៅថ្ងៃទី១ ខែតុលាថា ការពន្យារពេលកញ្ចប់ថវិកានេះនឹងជួយធានាសន្តិសុខថាមពល ស្ថិរភាពសេដ្ឋកិច្ច ទប់ស្កាត់អតិផរណា និងគាំទ្រសកម្មភាពអាជីវកម្ម ព្រមទាំងអនុញ្ញាតឱ្យក្រុមហ៊ុននានាធ្វើពិពិធកម្មប្រភពនាំចូលប្រេងឥន្ធនៈ និងកាត់បន្ថយការពឹងផ្អែកលើអ្នកផ្គត់ផ្គង់បែបប្រពៃណីផងដែរ។

មិនតែប៉ុណ្ណោះ យោងតាមសេចក្តីសម្រេចដែលបានចុះហត្ថលេខានៅថ្ងៃទី៣០ ខែកញ្ញា ការកាត់បន្ថយពន្ធនាំចូលលើប្រេងសាំង ប្រេងម៉ាស៊ូត ប្រេងឥន្ធនៈ ប្រេងយន្តហោះ និងវត្ថុធាតុដើមសំខាន់ៗសម្រាប់រោងចក្រចម្រាញ់ ត្រូវបានពន្យារពេលរហូតដល់ថ្ងៃទី៣១ ខែធ្នូ។

គួរជម្រាបជូនផងដែរថា ចំពោះវិធានការកាត់បន្ថយពន្ធនាំចូលនេះ រួមមានការកាត់បន្ថយពន្ធនាំចូលអនុគ្រោះលើប្រេងសាំងមកត្រឹម ០% ពី ១០%។ ពន្ធលើប្រេងម៉ាស៊ូត ប្រេងឥន្ធនៈ ប្រេងកាត និងប្រេងយន្តហោះ នៅតែរក្សានៅត្រឹម ០% ជំនួសឱ្យកម្រិត ៧% ពីមុន ខណៈពន្ធលើវត្ថុធាតុដើមគីមីឥន្ធនៈមួយចំនួនទៀតក៏ត្រូវបានកាត់បន្ថយមកត្រឹមសូន្យផងដែរ៕​

The post វៀតណាម បន្តពន្យារពេលវិធានការសម្រួលពន្ធលើប្រេងឥន្ធនៈរហូតដល់ចុងឆ្នាំ២០២៦ appeared first on .

ក្រុមហ៊ុន VOG ដែលមានទីស្នាក់ការនៅទីក្រុងហាណូយ មានដើមទុនចុះបញ្ជីដំបូងចំនួន ១ទ្រីលានដុង (ប្រហែល ៣៨,៥លានដុល្លារ) ដោយក្នុងនោះ Vingroup កាន់កាប់ភាគហ៊ុនចំនួន ៥១% ។ Vingroup ដែលជាក្រុមហ៊ុនចុះបញ្ជីធំបំផុតរបស់វៀតណាម គឺគ្រប់គ្រងដោយលោក Pham Nhat Vuong ដែលជាបុគ្គលមានបំផុតនៅអាស៊ីអាគ្នេយ៍ ជាមួយនឹងទ្រព្យសម្បត្តិសរុបជិត ៣៦ពាន់លានដុល្លារ។

គួរឲ្យដឹងផងដែរថា ចំពោះសកម្មភាពអាជីវកម្មចម្បងរបស់ក្រុមហ៊ុនថ្មីនេះ គឺការវិនិយោគ និងការជួញដូរប្រេងកាត និងឧស្ម័ន។ តែទោះជាយ៉ាងណាក៏ដោយ វានៅមិនទាន់មានព័ត៌មានលម្អិតបន្ថែមត្រូវបានទម្លាយឱ្យដឹងអំពីផ្នែក ឬគម្រោងជាក់លាក់ដែល VOG នឹងផ្តោតលើនៅឡើយនោះទេ។

ជម្រាបជូនផងដែរថា ជុំវិញការបង្កើតក្រុមហ៊ុន VOG នេះ ធ្វើឡើងក្នុងពេលដែល Vingroup បាននិងកំពុងពង្រីកសកម្មភាពរបស់ខ្លួនទៅកាន់វិស័យដែលពាក់ព័ន្ធនឹងហេដ្ឋារចនាសម្ព័ន្ធ និងថាមពល៕​

The post អ្នកមានដាច់គេនៅអាស៊ីអាគ្នេយ៍ ចាប់ផ្តើមបោះទុនរកស៊ីលើវិស័យប្រេងជាមួយក្រុមហ៊ុនទើបបង្កើតថ្មី appeared first on .

ជុំវិញការកើនឡើងយ៉ាងឆាប់រហ័សនេះ បានធ្វើឱ្យវៀតណាមនាំមុខប្រទេសថៃ និងឥណ្ឌូណេស៊ី ដែលបង្ហាញពីល្បឿននៃការរីកចម្រើនយ៉ាងលឿននៃរថយន្ត EV នៅក្នុងទីផ្សារដែលស្ទើរតែគ្មានសោះ កាលពីឆ្នាំ២០២០។

នៅក្នុងរបាយការណ៍ Global EV Outlook 2026 អង្គការ IEA បានឱ្យដឹងទៀតថា ការលក់រថយន្តអគ្គិសនីនៅអាស៊ីអាគ្នេយ៍បានកើនឡើងជាងទ្វេដងក្នុងឆ្នាំ២០២៥ ដោយមានចំនួនលើសពី ៥០០ ០០០ គ្រឿង ដែលធ្វើឱ្យរថយន្ត EV ដើរតួជិត ១ ក្នុងចំណោមរថយន្តថ្មី ៥ គ្រឿងដែលបានលក់ចេញ។

IEA បានបន្ថែមទៀតថា ប្រទេសវៀតណាម ឥណ្ឌូណេស៊ី និងថៃ គឺជាអ្នកដឹកនាំការកើនឡើងក្នុងតំបន់នេះ ដោយទទួលបានការគាំទ្រពីគោលនយោបាយលើកទឹកចិត្ត ការពង្រីកការផលិតក្នុងស្រុក និងការនាំចូល ជាពិសេសពីប្រទេសចិន។

នៅវៀតណាម ការលក់រថយន្តអគ្គិសនីបានកើនឡើងជាងទ្វេដងក្នុងឆ្នាំ២០២៥ ដោយដំឡើងចំណែកទីផ្សារនៃការលក់រថយន្ត EV ថ្មីៗ ដល់ប្រហែល ៤០% ដែលជាកម្រិតខ្ពស់ជាងបណ្តាប្រទេសភាគច្រើននៅអឺរ៉ុបទៅទៀត។

ជម្រាបជូនផងដែរថា ប្រទេសចិន នៅតែជាទីផ្សារ EV ធំជាងគេលើពិភពលោក ដោយមានការលក់រថយន្តអគ្គិសនីលើសពី ១៣ លានគ្រឿង និងមានចំណែកទីផ្សារជិត ៥៥%។ ចំណែកឯទ្វីបអឺរ៉ុបកត់ត្រាការលក់បាន ៤,២ លានគ្រឿង (ស្មើនឹង ២៨% នៃការលក់រថយន្តថ្មីៗ) ខណៈពេលដែលសហរដ្ឋអាមេរិកនៅតែមានកម្រិតប្រហែល ១០%៕​

The post វៀតណាម ក្លាយជាទីផ្សាររថយន្តអគ្គិសនីដ៏ធំបំផុតនៅក្នុងតំបន់អាស៊ីអាគ្នេយ៍ appeared first on .

ក្រុមហ៊ុន Tesla Motors Vietnam បានបបញ្ជាក់នៅក្នុងសេចក្តីថ្លែងការណ៍មួយរបស់ខ្លួនផងដែរថា ការផ្លាស់ប្តូរចុងក្រោយនេះ​បានបង្ហាញពីការចូលខ្លួនជាផ្លូវការរបស់ Tesla ទៅក្នុងទីផ្សាររថយន្តអគ្គិសនីមួយ ក្នុងចំណោមទីផ្សារដែលមានកំណើនលឿនបំផុតនៅលើពិភពលោក។

យ៉ាងណាមិញ តាមរយៈការចុះបញ្ជីនោះ Tesla Motors Vietnam មានសកម្មភាពអាជីវកម្មចម្បងគឺលក់រថយន្ត។ លើសពីនេះ ក្រុមហ៊ុនក៏បានបន្ថែមលេខកូដអាជីវកម្មសម្រាប់ការលក់គ្រឿងបន្លាស់ និងគ្រឿងបង្គុំសម្រាប់រថយន្តរបស់ខ្លួនផងដែរ។

ជម្រាបជូនថា ដូចគ្នានឹងក្រុមហ៊ុនបរទេសជាច្រើនផ្សេងទៀតដែលទើបតែចូលមកកាន់ទីផ្សារប្រទេសវៀតណាមដែរ ដើមទុនចុះបញ្ជីដំបូងរបស់ Tesla Motors Vietnam គឺមិនទាន់ធំដុំនៅឡើយទេ។ នេះអាចចាត់ទុកថាជា “ដើមទុនផ្លូវច្បាប់” ដើម្បីឱ្យក្រុមហ៊ុនបំពេញនីតិវិធីវិនិយោគ និងស្នើសុំអាជ្ញាប័ណ្ណប្រតិបត្តិការ ដោយមិនបានឆ្លុះបញ្ចាំងទាំងស្រុងអំពីទំហំហិរញ្ញវត្ថុ ឬការប្តេជ្ញាចិត្តរយៈពេលវែងរបស់ក្រុមហ៊ុនមេនោះទេ។ ជាក់ស្តែង ធនធានប្រតិបត្តិការរបស់ក្រុមហ៊ុនទាំងនេះនឹងត្រូវបានបន្ថែមបន្តិចម្តងៗតាមរយៈកម្ចីផ្ទៃក្នុង កិច្ចសន្យាសេវាកម្ម ឬការបង្កើនដើមទុនតាមដំណាក់កាល អាស្រ័យលើផែនការអាជីវកម្ម និងកម្រិតនៃការពង្រីកទីផ្សារ៕​

The post Tesla របស់មហាសេដ្ឋីមានដាច់គេលើលោក Elon Musk បង្កើតក្រុមហ៊ុនបុត្រសម្ព័ន្ធថ្មីមួយនៅវៀតណាម appeared first on .

តែទោះជាយ៉ាងណាក៏ដោយ ពាក់ព័ន្ធជាមួយតម្លៃនាំចេញវិញបានធ្លាក់ចុះ ១១,២% ដោយសារតែតម្លៃចុះទាប។ នេះបើយោងតាមសមាគមកាកាវកាហ្វេវៀតណាម។

សហភាពអឺរ៉ុប និងសហរដ្ឋអាមេរិកនៅតែជាទីផ្សារនាំចេញសំខាន់សម្រាប់កាហ្វេវៀតណាម។ ទន្ទឹមនឹងនេះ ទីផ្សារអាស៊ីជាច្រើន ជាពិសេសប្រទេសចិន កំពុងលេចចេញជាកម្លាំងចលករថ្មីសម្រាប់កំណើននៅក្នុងឧស្សាហកម្មនេះ។

យ៉ាងណាមិញ ទាក់ទងនឹងតម្លៃកាហ្វេនេះ ត្រូវបានគេព្យាករថាបានកើតឡើងដោយសារតែកត្តាជាច្រើន រួមទាំងការប្រែប្រួលអាកាសធាតុ និងភ្លៀងធ្លាក់ខ្លាំងដែលបានពន្យារពេលការប្រមូលផលនៅប្រេស៊ីល ខណៈពេលដែលបាតុភូតអាកាសធាតុ El Nino រលកកំដៅ និងគ្រោះរាំងស្ងួតត្រូវបានគេរំពឹងថានឹងប៉ះពាល់ដល់តំបន់អាស៊ី នៅចុងឆ្នាំ២០២៦ និង២០២៧ ដែលអាចប៉ះពាល់ដល់ការផលិត និងការផ្គត់ផ្គង់កាហ្វេ។

ប៉ុន្តែទោះជាយ៉ាងណាក៏ដោយ លោក Nguyen Nam Hai ប្រធានសមាគមកាហ្វេវៀតណាម បាននិយាយថា កាហ្វេវៀតណាមមានឱកាសជាច្រើនដើម្បីពន្លឿនកំណើនទាំងបរិមាណ និងតម្លៃនៅក្នុងខែចុងក្រោយនៃឆ្នាំនេះ៕​

The post ត្រឹមរយៈពេល ៨ខែ វៀតណាមកើបចំណូលលើសពី ៦ពាន់លានដុល្លារ ពីការនាំចេញកាហ្វេ appeared first on .

នៅក្នុងរបាយការណ៍ហិរញ្ញវត្ថុប្រចាំឆមាស ឆ្នាំនេះ ក្រុមហ៊ុន Samsung Electronics បានទម្លាយពីប្រាក់ចំណូលរបស់រោងចក្រធំៗទាំង ៤ របស់ខ្លួននៅវៀតណាម រួមមាន Samsung Thai Nguyen, Samsung Electronics Vietnam Bac Ninh, Samsung Display Vietnam Bac Ninh និង Samsung Electronics HCMC CE Complex នៅទីក្រុងហូជីមិញផងដែរ។

យោងតាមរបាយការណ៍ដដែល រោងចក្រទាំង ៤ នេះ បានបង្កើតបានប្រាក់ចំណូលសរុប ៥២,២៥ទ្រីលានវ៉ុន (ប្រហែល ៣៥,២ពាន់លានដុល្លារ) ដែលកើនឡើង ២១% ធៀបនឹងលទ្ធផលឆ្នាំមុន។ ចំពោះប្រាក់ចំណេញវិញ បានកើនឡើងដល់ប្រហែល ៣,៤២៨ទ្រីលានវ៉ុន (ឬប្រហែល ២,៣១ពាន់លានដុល្លារ) ពោលគឺកើនឡើង ២៣,៥% ធៀបនឹងឆមាសទីមួយនៃឆ្នាំ២០២៥។

យ៉ាងណាមិញ ដូចបណ្តាឆ្នាំមុនៗដែរ រោងចក្រ Samsung Thai Nguyen (SEVT) ដែលជាកន្លែងផលិតទូរស័ព្ទដៃ និងឧបករណ៍ទូរគមនាគមន៍ អាចរកបានប្រាក់ចំណូល និងប្រាក់ចំណេញច្រើនជាងគេបំផុតជូនក្រុមហ៊ុនមេនៅវៀតណាម ដោយទទួលបានប្រាក់ចំណូល ១៦,២ពាន់លានដុល្លារ និងប្រាក់ចំណេញ ១,០៨ពាន់លានដុល្លារ។

ទន្ទឹមនឹងនេះ ទាក់ទងនឹងផ្នែកប្រាក់ចំណូល រោងចក្រ Samsung Electronics Vietnam (SEV) នៅខេត្ត Bac Ninh ជាប់លេខ២ ដោយរកបាន ៩,១ពាន់លានដុល្លារ (កើនឡើង ១៥,៤%) ខណៈប្រាក់ចំណេញសម្រេចបាន ៦៧០លានដុល្លារ៕​

The post រោងចក្រ Samsung ធំៗចំនួន៤ នៅវៀតណាម កើបប្រាក់ចំណេញសរុបជាង ២ពាន់លានដុល្លារ appeared first on .

ជុំវិញព័ត៌មាននេះត្រូវបានផ្តល់ដោយលោក Roh Tae Moon នាយកប្រតិបត្តិក្រុមហ៊ុន Samsung Electronics ក្នុងអំឡុងពេលជួបជាមួយនាយករដ្ឋមន្ត្រីវៀតណាម លោក Le Minh Hung កាលពីថ្ងៃទី២៧ ខែសីហា។

យោងតាមលោក Roh រោងចក្រផលិតស្មាតហ្វូនចំនួនពីររបស់ Samsung នៅ Bac Ninh និង Thai Nguyen បានឈានដល់ដំណាក់កាលនាំចេញសរុបចំនួន ៥០០ពាន់លានដុល្លារ នៅចុងខែមិថុនា។ ដំណាក់កាលនេះត្រូវបានសម្រេច ១៧ឆ្នាំបន្ទាប់ពីក្រុមហ៊ុនបានចាប់ផ្តើមផលិតទូរស័ព្ទនៅក្នុងប្រទេសវៀតណាមជាលើកដំបូង ក្នុងខែមេសា ឆ្នាំ២០០៩។

បច្ចុប្បន្ន Samsung គឺជាវិនិយោគិនបរទេសធំជាងគេមួយនៅក្នុងប្រទេសវៀតណាម។ សកម្មភាពវិនិយោគរបស់ Samsung នៅក្នុងប្រទេសវៀតណាមកំពុងបង្ហាញពីនិន្នាការកំណើនស្ថិរភាពយ៉ាងរឹងមាំ ដោយកាលចុងឆ្នាំមុន ការវិនិយោគសរុបរបស់ Samsung នៅក្នុងប្រទេសវៀតណាម បានឈានដល់ ២៤ពាន់លានដុល្លារ។

មិនតែប៉ុណ្ណោះ ក្នុងអំឡុងពេលនៃកិច្ចប្រជុំនោះ នាយករដ្ឋមន្ត្រីវៀតណាម Le Minh Hung បានស្នើឱ្យ Samsung ប្រែក្លាយវៀតណាមពី “មូលដ្ឋានផលិតកម្ម” ទៅជា “មូលដ្ឋានបច្ចេកវិទ្យា ការស្រាវជ្រាវ និងការអភិវឌ្ឍ (R&D)” ផងដែរ។

ទន្ទឹមនឹងនេះ​ លោក Roh Tae Moon បានអះអាងថា Samsung ចាត់ទុកវៀតណាមជាដៃគូយុទ្ធសាស្ត្រ និងបន្តពង្រីកការវិនិយោគលើការស្រាវជ្រាវ ការបណ្តុះបណ្តាលធនធានមនុស្សបច្ចេកវិទ្យាខ្ពស់ និងការគាំទ្រអាជីវកម្មក្នុងស្រុកឱ្យចូលរួមក្នុងខ្សែច្រវាក់ផ្គត់ផ្គង់សកលបន្ថែមទៀតផងដែរ៕

The post ក្រុមហ៊ុន Samsung នាំចេញស្មាតហ្វូនមានតម្លៃ ៥០០ពាន់លានដុល្លារ ពីវៀតណាម ក្នុងប្រតិបត្តិការ ១៧ឆ្នាំ appeared first on .