ក្នុងនោះក្រុមហ៊ុនបច្ចេកវិទ្យាខ្នាតយក្ស Apple បាននាំមុខគេ ជាមួយចំណែកទីផ្សាររហូតដល់ទៅ ២០%​ ដែលជាចំនួនដ៏ច្រើនបំផុតក្នុងចំណោមម៉ាកយីហោស្មាតហ្វូនល្បីៗទាំងប្រាំ ដែលត្រូវបានគាំទ្រដោយតម្រូវការរឹងមាំ នៅក្នុងទីផ្សារកំពុងរីកចម្រើន និងមធ្យម និងការលក់ដ៏រឹងមាំនៃទូរស័ព្ទស៊េរី iPhone 17 ។

យ៉ាងណាមិញ​ ក្រុមហ៊ុនយក្សកូរ៉េខាងត្បូង Samsung ជាប់នៅចំណាត់ថ្នាក់លេខ២ ជាមួយចំណែកទីផ្សារ ១៩% លើកកំណើននៃការលក់មធ្យម ខណៈពេលដែលក្រុមហ៊ុន Xiaomi ជាប់ចំណាត់ថ្នាក់លេខបី ជាមួយចំណែកទីផ្សារសរុប ១៣% ដែលគាំទ្រដោយតម្រូវការស្ថិរភាពនៅក្នុងទីផ្សារដែលកំពុងរីកចម្រើន។

ប៉ុន្តែទោះជាយ៉ាងណាក៏ដោយ បើតាមលោក Tarun Pathak នាយកផ្នែកស្រាវជ្រាវរបស់ Counterpoint បាននិយាយថា ទីផ្សារស្មាតហ្វូនសកលត្រូវបានគេរំពឹងថាអាចនឹងធ្លាក់ចុះវិញ​ នៅឆ្នាំ២០២៦ ដោយសារកង្វះខាតបន្ទះឈីប និងការកើនឡើងនៃថ្លៃដើមគ្រឿងបន្លាស់ ខណៈដែលក្រុមហ៊ុនផលិតបន្ទះឈីបផ្តល់អាទិភាពដល់មជ្ឈមណ្ឌលទិន្នន័យ AI ជាជាងទូរស័ព្ទដៃ៕​

The post ក្រុមហ៊ុន Apple ដណ្តើមចំណែកទីផ្សារស្មាតហ្វូនសកលធំជាងគេ នៅក្នុងឆ្នាំ២០២៥ appeared first on .

យោងតាមទិន្នន័យដែលចេញផ្សាយដោយបណ្ឌិតសភាបច្ចេកវិទ្យាព័ត៌មាន និងទំនាក់ទំនងចិន (CAICT) បានបង្ហាញថា ក្នុងអំឡុងខែមិថុនា ឆ្នាំ២០២៥ ការលក់ស្មាតហ្វូនម៉ាកយីហោបរទេសនៅក្នុងប្រទសចិន បានថយចុះមកនៅត្រឹម ១,៩៧ លានគ្រឿង បើធៀបទៅនឹងចំនួន ២,៨៦ លានគ្រឿង ក្នុងពេលដូចគ្នា កាលពីឆ្នាំមុន។

យ៉ាងណាមិញ ក្នុងចំណោមនោះ ក្រុមហ៊ុនបច្ចេកវិទ្យាខ្នាតយក្សរបស់អាមេរិក Apple ត្រូវបានគេមើលឃើញថាកំពុងមានការប្រកួតប្រជែងកាន់តែខ្លាំងឡើង​ ពីសំណាក់គូប្រជែងក្នុងស្រុក ដូចជាក្រុមហ៊ុន Huawei និង Vivo ជាដើម នៅក្នុងទីផ្សារស្មាតហ្វូនរបស់ចិន។

គួរជម្រាបជូនផងដែរថា ការលក់ស្មាតហ្វូនសរុបនៅក្នុងប្រទេសចិន បានធ្លាក់ចុះអស់ ៩,៣% មកនៅត្រឹមចំនួន ២២,៥៩ លានគ្រឿង នៅក្នុងខែមិថុនា នេះបើតាមទិន្នន័យពី CAICT៕​

The post ការលក់ទូរស័ព្ទម៉ាកបរទេស រួមទាំង iPhone នៅចិន ធ្លាក់ចុះជាង ៣០% ក្នុងខែមិថុនា appeared first on .

ប្រភពដដែលនេះ​ បានរាយការណ៍ទៀតថា ការលក់ស្មាតហ្វូននៅចិន របស់ Apple បានធ្លាក់ចុះ ១,៦% ក្នុងត្រីមាសទី២ ឆ្នាំនេះ ខណ:ពេលដែលការលក់របស់ក្រុមហ៊ុន Huawei ដែលជាក្រុមហ៊ុនស្មាតហ្វូនធំជាងគេនៅក្នុងប្រទេស បានកើនឡើង ១៧,៦% ។

ទន្ទឹមនឹងនេះដែរ ក្នុងត្រីមាសទី២ ក្រុមហ៊ុន Huawei មានចំណែកទីផ្សារសរុប ១៨,១% តាមពីក្រោយដោយក្រុមហ៊ុន Vivo, Oppo និង Xiaomi ។

យ៉ាងណាមិញ ជុំវិញការធ្លាក់ចុះនៃការលក់ស្មាតហ្វូននៅក្នុងប្រទេសចិនទាំងមូល បានកើតឡើង បន្ទាប់ពីការលក់មានការកើនឡើង ៥% នៅក្នុុងត្រីមាសទី១ ដែលបានបង្ហាញថាការជំរុញដំបូងពីកម្មវិធីឧបត្ថម្ភធនរបស់រដ្ឋាភិបាលទីក្រុងប៉េកាំងលើស្មាតហ្វូន ឥឡូវនេះ​ចាប់ផ្តើមអស់សុពលភាពហើយ។

ជម្រាបជូនផងដែរថា ការចំណាយលើការលក់រាយរបស់ចិនជារួម ត្រូវបានគេមើលឃើញថាមានការយឺតយ៉ាវ ក្នុងត្រីមាសទី២ ដែលជំរុញឲ្យមានការរំពឹងទុកសម្រាប់វិធានការជំរុញសេដ្ឋកិច្ចបន្ថែមទៀត ពីរដ្ឋាភិបាល៕​

The post ការលក់ស្មាតហ្វូនរបស់ប្រទេសចិន ថយចុះអស់ ២,៤% នៅក្នុងត្រីមាសទី២ appeared first on .

ជុំវិញការប្រកាសនេះ ត្រូវបានធ្វើឡើង ចំពេលដែលផលិតកម្មអេឡិចត្រូនិករបស់ប្រទេសឥណ្ឌា បានកើនឡើងទ្វេដងក្នុងរយៈពេល ៦ឆ្នាំចុងក្រោយនេះ ដល់ចំនួនទឹកប្រាក់ប្រមាណ ១១៥ពាន់លានដុល្លារ គិតនៅក្នុងឆ្នាំ២០២៤ កន្លងទៅ ខណ:ចំនួននេះ បានធ្វើឲ្យឥណ្ឌា ឥឡូវនេះក្លាយជាកន្លែងផលិតទូរសព្ទធំជាងគេបំផុតទីពីររបស់ពិភពលោក ផងដែរ។

យោងតាមក្រុមហ៊ុនស្រាវជ្រាវ Counterpoint បានឲ្យដឹងថា ក្រុមហ៊ុន Apple បាននាំមុខទីផ្សារស្មាតហ្វូនរបស់ប្រទេសឥណ្ឌា ជាមួយនឹងចំណែក ២៣% នៅក្នុងប្រាក់ចំណូលសរុបក្នុងកំឡុងឆ្នាំ២០២៤ និងតាមពីក្រោយដោយក្រុមហ៊ុន Samsung ដែលមានចំណែកទីផ្សារ ២២% ។

យ៉ាងណាមិញ​ជុំវិញការកាត់បន្ថយពន្ធនេះត្រូវបានគេរំពឹងទុកថា នឹងជួយឲ្យប្រទេសឥណ្ឌា អាចទប់ទល់នឹងការរំខានដ៏មានសក្តានុពលនៃសង្គ្រាមពាណិជ្ជកម្មពិភពលោក ដោយសារតែមានការគម្រាមកំហែងលើផ្នែកពន្ធគយដែលត្រូវបានដាក់ចេញដោយប្រធានាធិបតីអាមេរិក លោក ដូណាល់ ត្រាំ។

ជម្រាបជូនផងដែរថា ការដកពន្ធលើការនាំចូលនេះ នឹងរួមបញ្ចូលទាំងសមាសធាតុសម្រាប់ដំឡើងទូរសព្ទចល័តដូចជា ការផ្គុំបន្ទះសៀគ្វី ផ្នែកនៃម៉ូឌុលកាមេរ៉ា និងខ្សែ USB ដែលពីមុនតម្រូវឲ្យបង់ពន្ធប្រមាណ២,៥%។ ជាមួយគ្នានេះ លោកស្រី Sitharaman ធ្លាប់បានប្រកាសនៅក្នុងកម្មវិធីដាក់ចេញកញ្ចប់ថវិកាសម្រាប់ឆ្នាំ២០២៤ កន្លងទៅថា រដ្ឋាភិបាលឥណ្ឌា នឹងពិនិត្យឡើងវិញនៃរចនាសម្ព័ន្ធអត្រាពន្ធគយរបស់ប្រទេសខ្លួន ដើម្បីធ្វើឲ្យមានហេតុផល និងសម្រួលពន្ធសម្រាប់ភាពងាយស្រួលនៃពាណិជ្ជកម្ម៕

The post ឥណ្ឌា ដកពន្ធលើការនាំចូលគ្រឿងបន្លាស់ស្មាតហ្វូនមួយចំនួន ដើម្បី​ជំរុញ​កំណើន Apple និង Xiaomi appeared first on .

ផ្នែកតាមទិន្នន័យទទួលបានពីបណ្ឌិតសភាបច្ចេកវិទ្យាព័ត៌មាន និងទំនាក់ទំនងចិន (CAICT) បានបង្ហាញថា ការលក់ស្មាតហ្វូនបរទេស នៅក្នុងប្រទេសចិន បានថយចុះមកត្រឹមចំនួន ៦,២២ លានគ្រឿងកាលពីខែមុន បើធៀបនឹងចំនួនលក់បាន ១១,១ លានគ្រឿង ក្នុងរយ:ពេលដូចគ្នាកាលពីឆ្នាំមុន។

គួរឲ្យដឹងថា Apple គឺជាក្រុមហ៊ុនផលិតស្មាតហ្វូនបរទេសធំជាងគេ នៅក្នុងទីផ្សារប្រទេសចិន ប៉ុន្តែទោះជាយ៉ាងណា ក្រុមហ៊ុនដែលមានមូលដ្ឋាននៅទីក្រុង Cupertino រដ្ឋកាលីហ្វ័រញ៉ានេះ កំពុងប្រឈមមុខនឹងការប្រកួតប្រជែងខ្លាំងជាមួយនឹងក្រុមហ៊ុនក្នុងស្រុក ខណ:ពេលដែលខ្លួនមិនទាន់បានបើកឲ្យដំណើរការបច្ចេកវិទ្យាបញ្ញាសប្បនិម្មិត Apple Intelligence នៅចិននៅឡើយទេ។

ជម្រាបជូនថា បើយោងតាមទិន្នន័យរបស់ CAICT បានបង្ហាញឲ្យដឹងទៀតថា ការលក់ស្មាតហ្វូនសរុបនៅក្នុងប្រទេសចិន បានកើនឡើង ១.៨% ដល់ចំនួនសរុប ២៩,៦ លានគ្រឿង ក្នុងខែតុលា៕

The post ការលក់ស្មាតហ្វូនបរទេសនៅក្នុងប្រទេសចិន ធ្លាក់ចុះជិត ៥០% ក្នុងខែតុលា appeared first on .

បច្ចុប្បន្នក្រុមហ៊ុន Apple ជាប់ចំណាត់ថ្នាក់ទី៦ ជាមួយនឹងចំណែកទីផ្សារសរុប ១៤% នៅក្នុងប្រទេសចិន ពោលគឺបានធ្លាក់ចុះ ២% បើធៀបទៅនឹងឆ្នាំមុន។ នេះបើយោងតាមទិន្នន័យទទួលបានពីក្រុមហ៊ុនស្រាវជ្រាវទីផ្សារ Canalys ដែលមានទីស្នាក់ការកណ្តាលនៅក្នុងប្រទេសសិង្ហបុរី ។

ប្រភពដដែលនេះ បានបន្ថែមឲ្យដឹងទៀតថា ក្រុមហ៊ុន Vivo នៅតែបន្តកាន់កាប់តំណែងកំពូល ជាមួយនឹងចំណែកទីផ្សារសរុប ១៩% និងតាមពីក្រោយដោយក្រុមហ៊ុន Oppo , Honor , Huawei និង Xiaomi។

ទន្ទឹមនឹងនេះ លោក Lucas Zhong អ្នកវិភាគស្រាវជ្រាវប្រចាំនៅក្រុមហ៊ុន Canalys បាននិយាយថា ៖”វាគឺជាត្រីមាសដំបូងហើយនៅក្នុងប្រវត្តិសាស្ត្រដែលក្រុមហ៊ុនស្មាតហ្វូនក្នុងស្រុក គ្រប់គ្រងលើមុខតំណែងកំពូលទាំងប្រាំ”។

ជម្រាបជូនថា បើតាមទិន្នន័យរបស់ Canalys បានបង្ហាញឲ្យថាទីផ្សារស្មាតហ្វូនរបស់ប្រទេសចិន បានកើនឡើង ១០% ធៀបទៅនឹងឆ្នាំមុន ជាមួយនឹងចំនួននៃការលក់ឡើងដល់ ៧០ លានគ្រឿង នៅក្នុងត្រីមាសទីពីរ ឆ្នាំ២០២៤នេះ៕

The post Apple របូតតំណែងជាក្រុមហ៊ុនស្មាតហ្វូនលក់ដាច់បំផុតទាំង៥ នៅក្នុងប្រទេសចិន ជាលើកដំបូង appeared first on .

គួរឲ្យដឹងថា ការនាំចេញស្មាតហ្វូនទូទាំងពិភពលោកបានកើនឡើង ៧,៨% ដល់ចំនួនសរុប ២៨៩,៤លានគ្រឿង ក្នុងអំឡុងខែមករាដល់ខែមីនា ខណ:ទិន្នន័យទទួលបានពីក្រុមហ៊ុនស្រាវជ្រាវ IDC បានបង្ហាញថាក្រុមហ៊ុន Samsung ដណ្តើមបានចំណែកទីផ្សារដល់ទៅ ២០,៨% ស្របពេលក្រុមហ៊ុន Apple ដណ្តើមបានចំណែកទីផ្សារត្រឹម ១៧,៣%។

ទន្ទឹមនឹងនេ Xiaomi ដែលជាក្រុមហ៊ុនផលិតស្មាតហ្វូនកំពូលមួយរបស់ប្រទេសចិន បានកាន់កាប់តំណែងទីបី ជាមួយនឹងចំណែកទីផ្សារសរុប ១៤,១% គិតក្នុងត្រីមាសទីមួយ ឆ្នាំនេះ។

ជម្រាបជូនផងដែរថា ការកើនឡើងនៃការលក់របស់ក្រុមហ៊ុន Samsung បានកើតឡើង នៅពេលដែលខ្លួនបានដាក់បង្ហាញត្រកូលស្មាតហ្វូនជំនាន់ចុងក្រោយបំផុតរបស់ខ្លួន គឺស៊េរី Galaxy S24 កាលពីដើមឆ្នាំនេះ ជាមួយនឹងការនាំចេញសរុបជាង ៦០ លានគ្រឿងឯណោះ៕

The post Samsung ដណ្តើម​តំណែង​របស់ Apple នាមជាក្រុមហ៊ុនលក់ស្មាតហ្វូនច្រើនបំផុតលើលោក appeared first on .

អគ្គនាយកដ្ឋានគយវៀតណាមបានលើកឡើងថា តម្លៃនៃការនាំចេញទូរសព្ទ និងគ្រឿងបន្លាស់គ្រប់ប្រភេទរបស់វៀតណាមទៅកាន់ទីផ្សារពិភពលោក នៅក្នុងខែមករា ឆ្នាំ២០២៤ បានឈានដល់ចំនួន ៥,៥ពាន់លានដុល្លារកើនឡើង៥០,៤% បើធៀបនឹងខែធ្នូ ឆ្នាំ២០២៣ ហើយស្មើនឹងការកើនឡើង១១,៤% ពីមួយឆ្នាំទៅមួយឆ្នាំ។

ក្នុងនោះផងដែរ សហរដ្ឋ​អាមេរិក និង​ចិន​បាន​ក្លាយ​ជា​អតិថិជន​ដែល​ប្រើ​ប្រាស់ទូរសព្ទ ក៏ដូចជា​គ្រឿង​បន្លាស់ដ៏ធំជាងគេបំផុតរបស់វៀតណាម តួយ៉ាងការនាំចេញរបស់វៀតណាមទៅកាន់សហរដ្ឋអាមេរិកក្នុងខែមករាសម្រេចបានចំនួន ១,៣៩ពាន់លានដុល្លារដែលស្មើនឹង២៥% ស្របពេលដែលការនាំចេញទៅកាន់ប្រទេសចិនវិញមានចំនួន ៧៣៤លានដុល្លារឬស្មើនឹង១៣% ។

ម្យ៉ាងវិញទៀត បើសិនជាសរុបទំហំនៃការនាំចេញទូរសព្ទ និងគ្រឿងបន្លាស់ទៅក្រៅប្រទេសក្នុងឆ្នាំ២០២៣ វិញមានចំនួន ៥២,៣ពាន់លានដុល្លារ តែយ៉ាងណាវាបានធ្លាក់ចុះ៩,៧% បើធៀបនឹងឆ្នាំ២០២២ ដោយក្នុងនោះផលិតផលទូរស័ព្ទ និងគ្រឿងបន្លាស់ទទួលបានការនាំចេញច្រើនជាងគេលំដាប់ទីពីរ បន្ទាប់ពីផលិតផលកុំព្យូទ័រ ក៏ដូចជាគ្រឿងអេឡិចត្រូនិក។

អគ្គនាយកដ្ឋានគយក៏បានបង្ហាញទៀតថា កាលពីក្នុងឆ្នាំ២០១០ ការនាំចេញគ្រឿងបន្លាស់ទូរសព្ទមានត្រឹមតែ៣,២% ប៉ុណ្ណោះនៃតម្លៃនាំចេញសរុបរបស់ជាតិ ប៉ុន្តែក្នុងអំឡុងឆ្នាំ២០១១ ដល់ឆ្នាំ២០២១ ផលិតផលអេឡិចត្រូនិកទទួលបានអត្រាកំណើនប្រចាំឆ្នាំជាមធ្យមរហូតដល់ទៅ៣៤% នៃតម្លៃនាំចេញ។

លើសពីនោះ វៀតណាមនាពេលបច្ចុបន្នជាទិសដៅដ៏ទាក់ទាញមួយ សម្រាប់ក្រុមហ៊ុនធំៗនៅក្នុងឧស្សាហកម្មទូរសព្ទ និងគ្រឿងបន្លាស់ពិភពលោក ដោយរាប់ទាំងក្រុមហ៊ុន Apple ផងដែរ ដ្បិតអីនាពេលបច្ចុប្បន្ន អ្នកផ្គត់ផ្គង់របស់ក្រុមហ៊ុន Apple ប្រហែល២៥ បាននិងកំពុងកំណត់ទីតាំងរោងចក្ររបស់ពួកគេក្នុងប្រទេសវៀតណាម៕

The post វៀតណាមនៅតែជាប្រទេសនាំចេញស្មាតហ្វូនធំជាងគេទីពីររបស់ពិភពលោក appeared first on .

បើយោងតាមការចុះផ្សាយពីសារព័ត៌មាន Reuters បានបង្ហាញឱ្យដឹងទៀតថា ស្មាតហ្វូនដែលត្រូវបានលក់ចេញ មានចំនួនត្រឹម ២៨៦ លានគ្រឿងប៉ុណ្ណោះ នៅក្នុងឆ្នាំ ២០២២ ដែលធ្លាក់ចុះពីចំនួន ៣២៩ លានគ្រឿង នៅក្នុងឆ្នាំ ២០២១ ។

លើសពីនេះ IDC បាននិយាយនៅក្នុងរបាយការណ៍មួយរបស់ខ្លួនថា បរិមាណលក់ស្មានហ្វូនសរុបរបស់ចិន កាលពី​ឆ្នាំមុន គឺជាកម្រិតលក់ទាបបំផុត ចាប់តាំងពីឆ្នាំ ២០១៣ មក ដោយសារតែអ្នកប្រើប្រាស់ មិនសូវជាហ៊ានចំណាយច្រើនទៅលើការទិញស្មាតហ្វូនថ្មីៗ ព្រោះការរីករាលដាលនៃកូវីដ-១៩។ ហើយនេះក៏ជាលើកទីមួយផងដែរ ក្នុងរយ:ពេលមួយទសវត្សរ៍ចុងក្រោយ ដែលការលក់ស្មានហ្វូនប្រចាំឆ្នាំរបស់ចិន បានធ្លាក់ចុះដល់ក្រោម ៣០០ លានគ្រឿង ។

គួរឱ្យដឹងថា ក្រុមហ៊ុនផលិតស្មាតហ្វូន Vivo ដែលជាប្រែនលក់ដាច់បំផុត នៅក្នុងប្រទេសចិន នៅក្នុងឆ្នាំនេះ ដោយមានចំណែកទីផ្សាររហូតដល់ ១៨,៦% នោះ ប៉ុន្តែការនាំចេញរបស់ពួកគេ បានធ្លាក់ចុះ ២៥,១% ស្របពេលជាមួយគ្នានោះ ក្រុមហ៊ុន Honor ដែលជាប់ចំណាត់ថ្នាក់ជាប្រែនលក់ដាច់ជាងគេទី ២ មានការនាំចេញ កើនឡើងជាង ២៤% ។

ទន្ទឹមនេះ ក្រុមហ៊ុន Apple ដែលលក់ដាច់បំផុតទីបីនៅប្រទេសចិន ក្នុងឆ្នាំ ២០២២ រួមជាមួយក្រុមហ៊ុន Oppo នោះ ការលក់សរុបរបស់ក្រុមហ៊ុនខ្នាតយក្សអាមេរិកមួយនេះ បានធ្លាក់ចុះ ៤,៤% ខណ:ក្រុមអ្នកស្រាវជ្រាវ បានបង្ហាញថា ការធ្លាក់ចុះនេះ គឺបណ្តាលមកពីភាពចលាចលរបស់កម្មករនៅក្នុងរោងចក្រផ្គត់ផ្គង់ Foxconn អំឡុងការផ្ទុះឡើងនៃជំងឺកូវីដ-១៩ ។

ជម្រាបជូនផងដែរថា ការធ្លាក់ចុះខ្លាំង នៃការលក់ស្មាតហ្វូន នៅប្រទេសចិន បានឆ្លុះបញ្ចាំងពីដំណើររបស់វិស័យនេះ នៅទូទាំងពិភពលោក ខណ:ក្នុងឆ្នាំ ២០២២ ទាំងមូល ការនាំចេញស្មាតហ្វូនទូទាំងពិភពលោក មានចំនួន ១,២ ពាន់លានគ្រឿង ដែលជាចំនួនទាបបំផុត ចាប់តាំងពីឆ្នាំ ២០១៣ មក និងមានការធ្លាក់ចុះច្រើនជាង ១១% ធៀបទៅនឹងឆ្នាំ ២០២១ ៕

The post ក្នុងឆ្នាំ ២០២២ ការលក់ស្មាតហ្វូនរបស់ចិន ធ្លាក់ចុះទាបបំផុតមិនធ្លាប់មានរយ:ពេល ១០ ឆ្នាំចុងក្រោយ appeared first on .