ចំណាត់ថ្នាក់ទី១ គឺលោកស្រី Marina Budiman ដែលជាស្ត្រីមានទ្រព្យសម្បត្តិច្រើនជាងគេបំផុតនៅក្នុងតំបន់ ជាមួយនឹងទ្រព្យសម្បត្តិសរុប ៦ពាន់លានដុល្លារ។ ស្ត្រីវ័យ ៦៤ឆ្នាំរូបនេះ គឺជាស្ថាបនិក និងជាប្រធានគណៈកម្មាធិការប្រតិបត្តិនៃក្រុមហ៊ុនមជ្ឈមណ្ឌលទិន្នន័យ DCI Indonesia ដែលបានបង្កើតឡើងក្នុងឆ្នាំ២០១១។

ចំណាត់ថ្នាក់ទី២ គឺលោកស្រី Somurai Jaruphnit ដែលមានទ្រព្យសម្បត្តិសរុប ៤,៤ពាន់លានដុល្លារ។ ទ្រព្យសម្បត្តិរបស់លោកស្រីបានមកពីភាគហ៊ុន ៨,៤២% នៅក្នុងក្រុមហ៊ុនមេ Charoen Pokphand Group (CP Group) ដែលជាក្រុមហ៊ុនផលិតចំណីសត្វ និងបសុសត្វធំជាងគេមួយក្នុងពិភពលោក។

ទី៣ គឺលោកស្រី Pham Thu Huong ជាមួយនឹងទ្រព្យសរុប ៤,៤ពាន់លានដុល្លារ ស្មើនឹងលោកស្រី Jaruphnit ដែរ ប៉ុន្តែមានចំណាត់ថ្នាក់លើសកលលោកទាបជាងបន្តិច។ លោកស្រី គឺជាភរិយារបស់លោក Pham Nhat Vuong ដែលជាស្ថាបនិកក្រុមហ៊ុនខ្នាតយក្សវៀតណាម Vingoup។

ទី៤ លោកស្រី Vanessa Hartono មានទ្រព្យសម្បត្តិសរុប ៤,១ពាន់លានដុល្លារ។ ទ្រព្យសម្បត្តិដែលភាគច្រើនរបស់លោកស្រី​គឺបានមកពីការបន្តមរតកពីឪពុក គឺលោក Michael Hartono ដែលជាមហាសេដ្ឋីលំដាប់កំពូលរបស់ឥណ្ឌូណេស៊ី និងជាម្ចាស់ភាគហ៊ុនធំនៅ Bank Central Asia ។

ចំណាត់ថ្នាក់ចុងក្រោយ គឺបានលើលោកស្រី Nguyen Thị Phuong Thao ជាម្ចាស់ក្រុមហ៊ុនអាកាសចរណ៍ធំបំផុតរបស់វៀតណាម Vietjet Air ។ លោកស្រីមានទ្រព្យសម្បត្តិសរុបប្រមាណ ៤ពាន់លានដុល្លារ៕​

The post មកស្គាល់កំពូលស្ត្រីមានបំផុតទាំង៥ នៅអាស៊ីអាគ្នេយ៍ មានទ្រព្យសម្បត្តិរួមគ្នាសរុបជាង ២២ពាន់លានដុល្លារ appeared first on .

យោងតាម Forbes បានបង្ហាញឲ្យដឹងថាចំនួនទ្រព្យសម្បត្តិសរុបរបស់លោក Vuong បានកើនឡើងដល់ ៣៦,៥ពាន់លានដុល្លារ និងជាប់តំណែងជាអ្នកមានបំផុតរបស់តំបន់នេះ។

យ៉ាងណាមិញ ចំពោះតំណែងទីពីរគឺធ្លាក់លើមហាសេដ្ឋីកំពង់ផែហ្វីលីពីន លោក Enrique Razon Jr. ដែលមានទ្រព្យសម្បត្តិសរុបប្រមាណ ២០ពាន់លានដុល្លារ។ លោក Razon អាយុ ៦៦ ឆ្នាំ បានក្លាយជាអ្នកមានបំផុតរបស់ប្រទេសហ្វីលីពីននៅឆ្នាំនេះជាលើកដំបូងចាប់តាំងពីបានបង្ហាញខ្លួនជាលើកដំបូងនៅក្នុងបញ្ជីអ្នកមានបំផុតរបស់ប្រទេសក្នុងឆ្នាំ២០០៧ មក។

ទន្ទឹមនឹងនេះ លោក Low Tuck Kwong ប្រធានក្រុមហ៊ុនធ្យូងថ្ម Bayan Resources និងជាមហាសេដ្ឋីកំពូលរបស់ប្រទេសឥណ្ឌូណេស៊ី បច្ចុប្បន្នជាប់ចំណាត់ថ្នាក់លេខបីនៅអាស៊ីអាគ្នេយ៍ ដោយមានទ្រព្យសម្បត្តិប្រហែល ១៩,៣ពាន់លានដុល្លារ។

ដោយឡែកចំពោះតំណែងលេខ៤ និងលេខ៥ បច្ចុប្បន្នកាន់កាប់ដោយមហាសេដ្ឋីថៃ គឺលោក Dhanin Chearavanont ប្រធានក្រុមហ៊ុន CP Group ជាមួយទ្រព្យសម្បត្តិសរុបប្រមាណ ១៧,៦ពាន់លានដុល្លារ និងលោក Sarath Ratanavadi មហាសេដ្ឋីថាមពលថៃ ដែលជាស្ថាបនិក និងជានាយកប្រតិបត្តិក្រុមហ៊ុន Gulf Development មានទ្រព្យសម្បត្តិប្រមាណ ១៧,៣ពាន់លានដុល្លារ៕

The post ទ្រព្យសម្បត្តិមហាសេដ្ឋីកំពូលៗទាំង៥ នៅអាស៊ីអាគ្នេយ៍រួមបញ្ចូលគ្នា កើនឡើងដល់ជាង ១១០ពាន់លានដុល្លារ appeared first on .

យោងតាម Forbes ថៅកែក្រុមហ៊ុន Vingroup ជនជាតិវៀតណាម លោក Pham Nhat Vuong នៅតែជាអ្នកមានដាច់គេបំផុតក្នុងតំបន់ជាមួយទ្រព្យសម្បត្តិសរុប ៣៣,៦ពាន់លានដុល្លារ កើនឡើង ១៩% បើធៀបទៅនឹងដើមឆ្នាំនេះ។

ទន្ទឹមនឹងនេះ មហាសេដ្ឋីហ្វីលីពីន លោក Enrique Razon Jr ជាប់តំណែងលេខពីរ ជាមួយទ្រព្យសម្បត្តិសរុបប្រមាណ ២១,៦ពាន់លានដុល្លារ។ លោកជាប្រធានក្រុមហ៊ុន International Container Terminal Services Inc ដែលជាប្រតិបត្តិករកំពង់ផែធំជាងគេបំផុតរបស់ប្រទេសនេះ។

អ្នកមានរបស់ថៃ លោក Sarath Ratanavadi គឺជាបុគ្គលដែលមានជាងគេទីបីនៅអាស៊ីអាគ្នេយ៍ ដែលមានទ្រព្យសម្បត្តិសរុបចំនួន ១៧,៧ពាន់លានដុល្លារ កើនឡើងពី ៥,៦ពាន់លានដុល្លារកាលពីឆ្នាំមុន។ ខណៈលោក Dhanin Chearavanont ដែលជាមហាសេដ្ឋីថៃផងដែរនោះ ជាប់លេខ៤ មានទ្រព្យសម្បត្តិសរុប ១៧,៦ពាន់លានដុល្លារ ជាម្ចាស់ក្រុមហ៊ុន CP Group។

ដោយឡែកសម្រាប់ចំណាត់ថ្នាក់ចុងក្រោយ គឺលោក Jason Chang ដែលជាបុរសមានបំផុតនៅសិង្ហបុរី មានទ្រព្យសម្បត្តិសុទ្ធសរុបចំនួន ១៧,៤ពាន់លានដុល្លារ។ លោកគឺជាម្ចាស់ក្រុមហ៊ុន ASE Technology Holding ដែលជាក្រុមហ៊ុនបន្ទះឈីប semiconductor ចុះបញ្ជីនៅតៃវ៉ាន់៕​

The post គិតត្រឹមបច្ចុប្បន្ន នរណាខ្លះជាប់ឈ្មោះជាមហាសេដ្ឋីមានបំផុតនៅក្នុងតំបន់អាស៊ីអាគ្នេយ៍? appeared first on .

នៅថ្ងៃទី៩ ខែកក្កដា ADB បានធ្វើបច្ចុប្បន្នភាពនៃការព្យាករកំណើនសេដ្ឋកិច្ចរបស់ខ្លួនសម្រាប់តំបន់អាស៊ីប៉ាស៊ីហ្វិក ដោយបន្ថយការរំពឹងទុកចំពោះកំណើនសម្រាប់តំបន់ និងអនុតំបន់ភាគច្រើន។

យ៉ាងណាមិញ ក្នុងចំណោមជម្លោះដែលកំពុងបន្ត ធនាគារអភិវឌ្ឍអាស៊ី (ADB) បានបន្ថយការព្យាករកំណើនសេដ្ឋកិច្ចរបស់ខ្លួនសម្រាប់តំបន់អាស៊ីអាគ្នេយ៍មកត្រឹម ៤.៥% ដែលជាការថយចុះ ០.១% បើប្រៀបធៀបទៅនឹងរបាយការណ៍របស់ខ្លួនកាលពីបីខែមុន។ ក្នុងពេលជាមួយគ្នានេះ អតិផរណានៅក្នុងតំបន់ត្រូវបានគេរំពឹងថានឹងកើនឡើងដល់ ៣.៨% ពោលគឺបានកើនឡើង ០.៧% បន្ថែមទៀត។

ទន្ទឹមនឹងនេះ អ្នកជំនាញមកពី ADB ជឿជាក់ថា ការរំខានថាមពលយូរអង្វែងដោយសារតែជម្លោះនៅមជ្ឈិមបូព៌ាកំពុងមានផលប៉ះពាល់ធ្ងន់ធ្ងរជាងការរំពឹងទុកទៅលើសេដ្ឋកិច្ចរបស់តំបន់នេះ។ មិនតែប៉ុណ្ណោះ ផលប៉ះពាល់ទាំងនេះក៏កំពុងរីករាលដាលពីវិស័យថាមពលរហូតដល់ជី ទំនិញផ្សេងៗទៀត និងខ្សែសង្វាក់ផ្គត់ផ្គង់ទាំងមូលផងដែរ។

គួរជម្រាបជូនថា នៅក្នុងតំបន់អាស៊ីអាគ្នេយ៍ ប្រទេសហ្វីលីពីន និងកម្ពុជាបានឃើញការធ្លាក់ចុះធំបំផុតនៃការព្យាករនៃកំណើនសេដ្ឋកិច្ច។ កំណើនសេដ្ឋកិច្ចរបស់ប្រទេសហ្វីលីពីនឥឡូវនេះត្រូវបានព្យាករថានឹងមានចំនួន ៣,៨% និងប្រទេសកម្ពុជាមានចំនួន ៤,១% ពោលគឺបានធ្លាក់ចុះ ០,៦% និង ០,៥% រៀងៗខ្លួនពីការព្យាករពីមុន។ ចំណែកឯវៀតណាមនៅតែជាប្រទេសដែលមានកំណើនសេដ្ឋកិច្ចលឿនបំផុតនៅក្នុងតំបន់ ដោយកំណើនផលិតផលក្នុងស្រុកសរុប (GDP) ត្រូវបានព្យាករថានឹងនៅតែមាន ៧,២% ក្នុងឆ្នាំ២០២៦ និង ៧% ក្នុងឆ្នាំបន្ទាប់៕​

The post ADB កាត់បន្ថយអត្រាកំណើនសេដ្ឋកិច្ចរបស់អាស៊ីអាគ្នេយ៍ ដោយសារវិបត្តិថាមពលសកល appeared first on .

យ៉ាងណាមិញ ខាងក្រោមនេះ គឺជាប្រទេសក្នុងតំបន់អាស៊ីអាគ្នេយ៍មួយចំនួន ដែលបានអនុវត្តច្បាប់កាតព្វកិច្ចយោធារបស់ខ្លួន៖

វៀតណាម

វៀតណាមបានរក្សាបាននូវប្រព័ន្ធចូលបម្រើកងទ័ពដែលមានអាយុកាលយូរបំផុតមួយនៅក្នុងតំបន់។ ការចូលបម្រើកងទ័ព គឺជាកាតព្វកិច្ចសម្រាប់បុរសសម្រាប់រយៈពេលកំណត់មួយ ដែលជាធម្មតាមានរយៈពេលចាប់ពី ១៨ ទៅ ២៤ខែ ដោយអាស្រ័យទៅលើសាខាយោធា។ គោលនយោបាយនេះ គឺបានគូសបញ្ជាក់ពីការសង្កត់ធ្ងន់របស់ប្រទេស លើការការពារជាតិ និងកាតព្វកិច្ចស៊ីវិល។

ថៃ

ការចូលបម្រើកងទ័ពរបស់ប្រទេសថៃគឺមានលក្ខណៈប្លែកពីគេ ដែលវាពាក់ព័ន្ធនឹងប្រព័ន្ធឆ្នោត។ រាល់បុរសថៃទាំងអស់ដែលមានអាយុ ២១ឆ្នាំ ត្រូវបានតម្រូវឱ្យរាយការណ៍សម្រាប់ការជ្រើសរើសចូលបម្រើកងទ័ព។ អ្នកខ្លះត្រូវបានលើកលែង ខណៈពេលដែលអ្នកខ្លះទៀតត្រូវបានជ្រើសរើសដោយផ្អែកលើការចាប់ឆ្នោតក្រហម ឬខ្មៅ។ ដំណើរការនេះបានក្លាយជាប្រធានបទនៃការជជែកវែកញែកជាសាធារណៈជាយូរមកហើយ។

សិង្ហបុរី

សិង្ហបុរីអនុវត្តប្រព័ន្ធចូលបម្រើកងទ័ពដែលមានរចនាសម្ព័ន្ធច្រើនបំផុតមួយនៅអាស៊ីអាគ្នេយ៍។ ពលរដ្ឋប្រុស និងអ្នករស់នៅអចិន្ត្រៃយ៍ទាំងអស់ត្រូវតែបំពេញកាតព្វកិច្ចបម្រើជាតិរយៈពេលពីរឆ្នាំ នៅពេលឈានដល់អាយុ ១៨ឆ្នាំ។ នេះរួមបញ្ចូលទាំងការបម្រើក្នុងជួរកងទ័ព ប៉ូលីស ឬកងកម្លាំងការពារជនស៊ីវិល បន្ទាប់មកដោយកាតព្វកិច្ចបម្រុងជាច្រើនឆ្នាំ។

មីយ៉ាន់ម៉ា

នៅដើមឆ្នាំ២០២៤ មីយ៉ាន់ម៉ាបានធ្វើឱ្យច្បាប់ចូលបម្រើកងទ័ពដែលអសកម្មយូរអង្វែងហើយរបស់ខ្លួន សកម្មឡើងវិញ ក្នុងអំឡុងពេលជម្លោះផ្ទៃក្នុងដែលកំពុងបន្ត។ ច្បាប់នេះតម្រូវឱ្យបុរសដែលមានអាយុពី ១៨-៣៥ឆ្នាំ និងស្ត្រីដែលមានអាយុពី ១៨-២៧ ឆ្នាំចូលបម្រើកងទ័ព។ តែទោះជាយ៉ាងណាក៏ដោយ គោលនយោបាយនេះ បានបង្កើនការព្រួយបារម្ភពីអ្នកសង្កេតការណ៍សិទ្ធិមនុស្សដោយសារតែអស្ថិរភាពនយោបាយរបស់ប្រទេស។

កម្ពុជា

កម្ពុជា ទើបតែសម្រេចអនុម័ត សេចក្តីព្រាងច្បាប់ស្តីពី កាតព្វកិច្ចយោធា នៅក្នុងកិច្ចប្រជុំវិសាមញ្ញមួយរបស់រដ្ឋសភា កាលពីថ្ងៃទី១២ ខែឧសភាកន្លងទៅនេះ។ សេចក្តីព្រាងច្បាប់នេះ បានកំណត់ចំពោះពលរដ្ឋខែ្មរគ្រប់រូបដែលមានអាយុចាប់ពី ១៨ឆ្នាំ ដល់២៥ ឆ្នាំ ត្រូវតែបំពេញកាតព្វកិច្ចយោធា។ ហើយចំពោះស្ត្រីវិញ ត្រូវផ្អែកតាមគោលការណ៍ស្ម័គ្រចិត្ត។

គួរជម្រាបផងដែរថា កាលពីឆ្នាំ២០០៦ កម្ពុជាធ្លាប់មានច្បាប់ស្ដីពីកាតព្វកិច្ចយោធារួចហើយ ប៉ុន្តែពុំទាន់គ្របដណ្តប់គ្រប់ជ្រុងជ្រោយ សម្រាប់ស្ថានភាពបច្ចុប្បន្ននោះឡើយ​៕​

The post ប្រទេសនៅក្នុងតំបន់អាស៊ីអាគ្នេយ៍ណាខ្លះមានច្បាប់កាតព្វកិច្ចចូលបម្រើយោធា? appeared first on .

លោកស្រី Sanae Takaichi នាយករដ្ឋមន្ត្រីនៃប្រទេសជប៉ុន បានប្រកាសពីគំនិតផ្តួចផ្តើមនេះ នៅឯវេទិកាក្នុងមួយតំបន់មួយ ដែលមានការចូលរួមពីបណ្តាលប្រទេសមានសេដ្ឋកិច្ចធំៗ នៅអាស៊ីអាគ្នេយ៍មួយចំនួន។

យ៉ាងណាមិញ ជុំវិញការសន្យានេះ​ ត្រូវបានធ្វើឡើង ខណៈពេលដែលតំបន់អាស៊ីភាគច្រើនកំពុងទទួលរងផលប៉ះពាល់ដោយសារតែការរំខានដល់ការផ្គត់ផ្គង់ប្រេង ដែលបណ្តាលមកពីសង្គ្រាមនៅមជ្ឈិមបូព៌ា។ ហើយសម្រាប់ប្រទេសជប៉ុន ជំនួយនេះ គឺជាចលនាដ៏សំខាន់មួយដើម្បីពង្រឹងឧស្សាហកម្ម និងខ្សែសង្វាក់ផ្គត់ផ្គង់របស់ខ្លួន។

គួរឲ្យដឹងថា តំបន់អាស៊ីអាគ្នេយ៍ ត្រូវបានវាយប្រហារយ៉ងាខ្លាំង ដោយការធ្លាក់ចុះនៃការផ្គត់ផ្គង់ប្រេងទូទាំងពិភពលោក។ តំបន់នេះ ត្រូវបានចាត់ទុកថាជាកន្លែងផលិតឧបករណ៍ដ៏សំខាន់មួយ ដែលមានប្រភពមកពីប្រេង ដែលមានសារៈសំខាន់ក្នុងការផលិតអ្វីៗគ្រប់យ៉ាង រាប់ចាប់ពីផ្លាស្ទិច រហូតដល់សម្លៀកបំពាក់។ លោកស្រី Takaichi ក៏បានសង្កត់ធ្ងន់ថា ជំនួយហិរញ្ញវត្ថុនេះ នឹងអាចជួយជំរុញរោងចក្រនានា នៅក្នុងតំបន់អាស៊ីអាគ្នេយ៍។

មិនតែប៉ុណ្ណោះ នាយករដ្ឋមន្ត្រីជប៉ុនរូបនេះ បាននិយាយបន្ថែមទៀតថា ប្រទេសជប៉ុននឹងមិនគ្រាន់តែផ្តល់ប្រេងដល់ប្រទេសដែលកំពុងជួបការលំបាកដោយសារតែស្ថានភាពនៅមជ្ឈិមបូព៌ានោះទេ ប៉ុន្តែនឹងធ្វើការរួមគ្នាជាមួយប្រទេសអាស៊ី ដើម្បីកសាងខ្សែសង្វាក់ផ្គត់ផ្គង់ថាមពលបន្ថែមទៀតផងដែរ៕​

The post ជប៉ុន គ្រោងផ្តល់ជំនួយ ១០ពាន់លានដុល្លារ ដល់តំបន់អាស៊ីអាគ្នេយ៍ ដើម្បីទប់ទល់នឹងតម្លៃប្រេងកើនឡើង appeared first on .

យោងតាមក្រុមប្រឹក្សាមាសពិភពលោក បានបង្ហាញឲ្យដឹងទៀតថា ការជួញដូរមាសរបស់ប្រទេសវៀតណាម បានធ្លាក់ចុះសម្រាប់ត្រីមាសទី៦ ជាប់ៗគ្នា គិតនៅត្រឹមត្រីមាសចុងក្រោយនៃឆ្នាំ២០២៥ ដោយបានធ្លាក់ចុះដល់កម្រិតទាបបំផុតមិនធ្លាប់មាន ក្នុងរយៈពេលជិត ៥ឆ្នាំចុងក្រោយ។ កង្វះខាតនៃការផ្គត់ផ្គង់ត្រូវបានលើកឡើងថាជាកត្តាចម្បងនៅពីក្រោយការធ្លាក់ចុះនេះ។

ក្រុមប្រឹក្សាមាសពិភពលោក បានបន្ថែមទៀតថា តម្រូវការសម្រាប់មាសដុំ និងកាក់នៅក្នុងប្រទេសសមាជិកអាស៊ានភាគច្រើនបានហក់ឡើងដល់កម្រិតខ្ពស់បំផុតមិនធ្លាប់មាន ក្នុងរយៈពេលច្រើនឆ្នាំ។ ប្រទេសថៃបាននាំមុខគេក្នុងតំបន់ក្នុងការទិញមាសដុំ និងកាក់មាសចំនួន ៥១,៤ តោន ដែលកើនឡើង ២៩% បន្ទាប់មកគឺប្រទេសឥណ្ឌូណេស៊ី កើនឡើង ២៩% ម៉ាឡេស៊ី កើនឡើង ៣៧% និងសិង្ហបុរី កើនឡើង ៤៨%។

ជម្រាបជូនថា ធនាគាររដ្ឋវៀតណាមបាននិយាយនៅពេលថ្មីៗនេះថា ប្រទេសវៀតណាមមិនមែនជាប្រទេសផលិតមាសទេ ហើយពឹងផ្អែកជាចម្បងលើការនាំចូល ដែលនាំឱ្យមានការផ្គត់ផ្គង់មានកម្រិត ដោយសាររូបិយប័ណ្ណបរទេសត្រូវបានផ្តល់អាទិភាពសម្រាប់តម្រូវការចាំបាច់ជាង៕​

The post វៀតណាមជាប្រទេសតែមួយគត់នៅអាស៊ីអាគ្នេយ៍ដែលឃើញការលក់មាសធ្លាក់ចុះ នៅឆ្នាំ២០២៥ appeared first on .

ជុំវិញការសម្រេចចិត្តយកពន្ធលើការនាំចូលផលិតផលបន្ទះសូឡានេះ ត្រូវបានចាត់ទុកថាជាផ្នែកមួយនៃផែនការរបស់នាយកដ្ឋានពាណិជ្ជកម្មរបស់ប្រធានាធិបតី ចូ បៃដិន ក្នុងគោលបំណងការពារផលប្រយោជន៍របស់ក្រុមហ៊ុនផលិតបន្ទះសូឡាខ្នាតធំ និងអ្នកផលិតតូចៗជាច្រើន នៅសហរដ្ឋអាមេរិក។

​គួរឲ្យដឹងផងដែរថា កន្លងមកគណៈកម្មាធិការ​ពាណិជ្ជកម្ម​នៃ​សម្ព័ន្ធ​អាមេរិក​សម្រាប់​ការ​ផលិត​បន្ទះសូឡា​ បាន​ចោទប្រកាន់ទៅលើ​ក្រុមហ៊ុន​ផលិត​បន្ទះ​សូឡា​ធំៗ​​របស់​ចិនដែលមានរោងចក្រក្នុងប្រទេសតំបន់អាស៊ាន ដូចជាម៉ាឡេស៊ី កម្ពុជា វៀតណាម និង​ថៃ​ ថា​បាន​ធ្វើ​ឲ្យ​តម្លៃ​បន្ទះសូឡាសកល​ធ្លាក់​ចុះ​ ជាមួយនឹងនាំចេញផលិតរបស់ខ្លួនច្រើនលើសលប់ពេក ដែលបានធ្វើឲ្យខូតដល់ការប្រកួតប្រជែងដោយយុត្តិធម៌។

យោងតាមសេចក្តីសម្រេចបឋមដែលបានបង្ហោះនៅលើគេហទំព័រផ្លូវការរបស់ក្រសួងពាណិជ្ជកម្មសហរដ្ឋអាមេរិក កាលពីថ្ងៃសុក្រ ទីភ្នាក់ងារនេះបានគណនាពន្ធគយបន្ថែមលើការនាំចូលបន្ទះសូឡា ក្នុងចន្លោះពី ២១,៣% ទៅ ២៧១,២% ពីប្រទេសកម្ពុជា ម៉ាឡេស៊ី ថៃ និងវៀតណាម។

ជម្រាបជូនផងដែរថា បន្ទះសូឡាដែលបានដំឡើងនៅសហរដ្ឋអាមេរិក ភាគច្រើនត្រូវបានផលិតនៅក្រៅប្រទេស ហើយការនាំចូលសរុបប្រហែល ៨០% គឺមកពីប្រទេសក្នុងតំបន់អាស៊ានចំនួនបួនខាងលើ៕

The post អាមេរិក ចាប់ផ្តើមយកពន្ធគយលើបន្ទះសូឡា ដែលនាំចូលពីប្រទេសអាស៊ីអាគេ្នយ៍ចំនួនបួន រួមទាំងកម្ពុជា appeared first on .

ប្រទេសអាស៊ានទាំង៤ នេះ បានចូលរួមជាមួយប្រទេសចំនួន ៩ ផ្សេងទៀត ដែលត្រូវបានប្រកាសថាជាប្រទេសដៃគូថ្មីរបស់ BRICS រួមជាមួយ អាល់ហ្សេរី បេឡារុស្ស បូលីវី គុយបា កាហ្សាក់ស្ថាន នីហ្សេរីយ៉ា តួកគី អ៊ូហ្គង់ដា និងអ៊ូសបេគីស្ថាន ក្នុងអំឡុងកិច្ចប្រជុំកំពូលមួយ ដែលរៀបចំធ្វើឡើងនៅទីក្រុង Kazan ប្រទេសរុស្ស៊ី។

រដ្ឋមន្ត្រីការបរទេសម៉ាឡេស៊ី លោក Mohamad Hasan បានបង្ហាញក្តីសង្ឃឹមថា ឥឡូវនេះប្រទេសរបស់ខ្លួន អាចទទួលបានឱកាសពាណិជ្ជកម្មកាន់តែប្រសើរឡើង ខណៈដែលប្លុកសេដ្ឋកិច្ចដ៏ធំនេះ មានប្រជាជនសរុបចំនួនជាង ៣ ពាន់លាននាក់។

ទន្ទឹមនឹងនោះ រដ្ឋមន្ត្រីការបរទេសដែលទើបតែងតាំងថ្មីរបស់ប្រទេសឥណ្ឌូណេស៊ី លោក Sugiono ក៏បានប្តេជ្ញាចិត្តថា ខ្លួនជំរុញឲ្យមានសន្តិភាព និងសាមគ្គីភាព ក្នុងចំណោមប្រទេសកំពុងអភិវឌ្ឍន៍ នៅក្នុងកិច្ចប្រជុំកំពូលនេះ។

ដោយឡែក ប្រទេសថៃ ដែលតំណាងដោយរដ្ឋមន្ត្រីការបរទេស លោក Maris Sangiamposa ខណ:វៀតណាម តំណាងដោយនាយករដ្ឋមន្ត្រី លោក Pham Minh Chinh ដែលបានទៅចូលកិច្ចប្រជុំកំពូលនេះ ក៏បង្ហាញពីការបេ្តជ្ញាចិត្តចូលរួមជាមួយក្រុម BRICS ដើម្បីជំរុញកិច្ចសហប្រតិបត្តិការ និងការអភិវឌ្ឍ បន្ថែមទៀតផងដែរ។

ជម្រាបជូនផងដែរថា ក្រុម BRICS ត្រូវបានបង្កើតឡើងដំបូងក្នុង​ឆ្នាំ២០០៦ ដោយ​ប្រទេស​ប្រេស៊ីល រុស្ស៊ី ឥណ្ឌា និង​ចិន។ អាហ្រ្វិកខាងត្បូង បានប្រកាសចូលរួមនៅឆ្នាំ២០១០ ខណៈអេហ្ស៊ីប អេត្យូពី អ៊ីរ៉ង់ និងអារ៉ាប់រួម (UAE) បានក្លាយជាសមាជិក BRICS ថ្មី នៅឆ្នាំ២០២៤ នេះ។ BRICS តំណាងឲ្យសេដ្ឋកិច្ចសរុបជាង ២៨ទ្រីលានដុល្លារអាមេរិក ឬស្មើប្រហែល ២៨% នៃសេដ្ឋកិច្ចពិភពលោក៕

The post ប្រទេសសមាជិកអាស៊ានចំនួនបួន ប្រកាសក្លាយជាប្រទេសដៃគូជាមួយក្រុម BRICS appeared first on .

ជុំវិញការស្នើសុំនេះ ត្រូវបានធ្វើឡើង អំឡុងពេលលោក Yunus បានជួបពិភាក្សាគ្នាជាមួយស្នងការជាន់ខ្ពស់ម៉ាឡេស៊ី ប្រចាំនៅប្រទេសបង់ក្លាដែស លោកស្រី Haznah Md Hashim នៅក្នុងទីក្រុង Dhaka កាលពីថ្ងៃពុធ ទី២៨ ខែសីហាកន្លងទៅ។

មិនតែប៉ុណ្ណោះ ប្រមុខរដ្ឋាភិបាលបណ្តោះអាសន្នរូបនេះ បាននិយាយទៀតថា ប្រទេស​បង់ក្លាដែស​អាច​ជា​ស្ពាន​មួយ​រវាង​អាស៊ាន ​និង​ សមាគម​អាស៊ី​ខាង​ត្បូង​សម្រាប់​កិច្ច​សហប្រតិបត្តិការ​ក្នុង​តំបន់ (SAARC) ប្រសិនបើពួកគេអាចចូលរួមជាសមាជិកថ្មីរបស់អាស៊ាននោះ។

ជាការឆ្លើយតប ស្នងការជាន់ខ្ពស់ម៉ាឡេស៊ី លោកស្រី Haznah ដែលជិតចាកចេញពីប្រទេសបង់ក្លាដែស នៅពេលបញ្ចប់អាណត្តិរយៈពេល ៤ឆ្នាំរបស់លោកស្រី បានបញ្ជាក់ថា ម៉ាឡេស៊ី ដែលគ្រោងធ្វើជាប្រធានអាស៊ានប្តូរវេននៅឆ្នាំ២០២៥ នឹងបញ្ជូនសំណើរបស់លោក Yunus ទៅកាន់អាជ្ញាធរពាក់ព័ន្ធ។ ហើយលោកស្រី​ក៏​បាន​បង្ហាញ​ពី​ឆន្ទៈ​របស់​ម៉ាឡេស៊ី ​ក្នុង​ការ​សហការ​ជាមួយ​រដ្ឋាភិបាល​បណ្ដោះអាសន្ន​ដែលដឹកនាំ​ដោយ​លោក Yunus ផងដែរ។

ប្រធានទីប្រឹក្សារដ្ឋាភិបាលបណ្តោះអាសន្ន លោកYunus ដែលមានតួនាទីស្មើនឹងនាយករដ្ឋមន្ត្រី បានគូសបញ្ជាក់អំពីទំនាក់ទំនងជិតស្និទ្ធរវាងបង់ក្លាដែស និងម៉ាឡេស៊ី ហើយបាននិងកំពុងស្វែងរកកិច្ចសហប្រតិបត្តិការសេដ្ឋកិច្ចជាមួយគ្នាបន្ថែមទៀត។

ទន្ទឹមនឹងនេះ លោកស្រី Haznah បាននិយាយទៀតថាក្រុមហ៊ុនម៉ាឡេស៊ី បានវិនិយោគក្នុងចំនួនទឹកប្រាក់ ៥ពាន់លានដុល្លារ នៅបង់ក្លាដែស ហើយពួកគេនឹងបន្តបោះទុនវិនិយោគបន្ថែមទៀត។ នេះបើយោងតាមរបាយការណ៍ពីសារព័ត៌មាន Sangbad Sangstha ៕

The post បង់ក្លាដែស កំពុងស្វែងរកការគាំទ្រពីរដ្ឋាភិបាលម៉ាឡេស៊ី ដើម្បីចូលរួមជាសមាជិកថ្មីរបស់អាស៊ាន appeared first on .