តាមរយៈសេចក្តីជូនដំណឹង នៅថ្ងៃទី២១ ខែមីនា ឆ្នាំ២០២៦ ក្រុមហ៊ុនបានគូសបញ្ជាក់ថា មូលហេតុដែលក្រុមហ៊ុនសម្រេចផ្អាកផ្គត់ផ្គង់ឧស្ម័ន LPG គឺដោយសារស្ថានភាពសង្គ្រាម និងការអូសបន្លាយពេលវេលានៅតំបន់មជ្ឈិមបូព៌ា ដែលបន្តរហូតដល់បច្ចុប្បន្ននេះ បានប៉ះពាល់យ៉ាងធ្ងន់ធ្ងរដល់ការដឹកជញ្ជូនប្រេងឥន្ធនៈ និងឧស្ម័ន LPG ទូទាំង​ពិភពលោក ក្នុងនោះប្រទេសកម្ពុជាក៏ទទួលរងផលប៉ះពាល់ដូចគ្នា។ ក្នុងស្ថានភាពនេះ ក្រុមហ៊ុនសូគីម៉ិច មិនអាចនាំចូលឧស្ម័ននេះតាំងពីដើមខែមីនា ឆ្នាំ២០២៦ មក ដូច្នេះក្រុមហ៊ុនមិនអាចបន្តផ្គត់ផ្គង់ឧស្ម័ន LPG ដល់អតិថិជន​តាមតម្រូវការទីផ្សារបានទៀតនោះទេ។

សូមជម្រាបថា នៅថ្ងៃទី២៣ ខែមីនានេះ ឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពល បានចេញវីដេអូបញ្ជាក់​ផងដែរថា ក្រុមហ៊ុនប្រេងឥន្ធនៈ សូគីម៉ិច ជាក្រុមហ៊ុនមួយក្នុងចំណោមក្រុមហ៊ុនចំនួន៧ ហើយក្រុមហ៊ុនសូគីម៉ិច ផ្គត់ផ្គង់ឧស្ម័ន LPG ប្រមាណតែ ៣% ប៉ុណ្ណោះក្នុងទីផ្សារកម្ពុជា។ ដូច្នេះបើសិនជាក្រុមហ៊ុនសូគីម៉ិច នៅបន្តមិនអាច​រកប្រភពនាំចូលឧស្ម័ន LPG បាន កម្ពុជាក៏នៅមានក្រុមហ៊ុនប្រេងឥន្ធនៈផ្សេងៗទៀត ដែលនៅអាចបន្តការផ្គត់ផ្គង់​លើទីផ្សារជូនអតិថិជនបាន។ ទោះយ៉ាងណា ឯកឧត្តមរដ្ឋមន្ត្រីក៏សូមអំពាវនាវដល់ប្រជាពលរដ្ឋខ្មែរទាំងអស់ សូមជួយ​សន្សំសំចៃប្រេងឥន្ធនៈគ្រប់ប្រភេទ ពិសេសគឺឧស្ម័ន LPG នេះតែម្តង ដែលប្រើប្រាស់សម្រាប់ការចម្អិនអាហារ ឬជាឥន្ធនៈសម្រាប់ចាក់លើរថយន្តតាក់ស៊ី និងរ៉ឺម៉កកង់បី (PassApp) ជាដើម៕

The post ក្រុមហ៊ុនសូគីម៉ិច របស់អ្នកឧកញ៉ា សុខ គង់ ប្រកាសផ្អាកផ្គត់ផ្គង់ឧស្ម័ន LPG ឬហ្គាស ចាប់ពីថ្ងៃទី០១ ខែមេសា តទៅ appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ ក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា សុខ គង់ និងអ្នកឧកញ៉ា គឹម ឡេង ដែលបានឧបត្ថម្ភថវិកា ៣ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជាសូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា សុខ គង់ និងអ្នកឧកញ៉ា គឹម ឡេង ឧបត្ថម្ភថវិកា ៣ម៉ឺនដុល្លារ ជូនកាកបាទក្រហមកម្ពុជា appeared first on .

នៅថ្ងៃអង្គារនេះ ក្រុមហ៊ុនបានបង្ហាញឱ្យដឹងលើបណ្តាញសង្គមបែបនេះថា៖ “ព្រះពុទ្ធប្បដិមាកម្ពស់ ១០៨ ម៉ែត្រ នឹងលេចរូបរាងយ៉ាងស្កឹមស្គៃលើភ្នំបូកគោក្នុងពេលឆាប់ៗ។ បច្ចុប្បន្ន ការសាងសង់បានឈានដល់ផ្នែកព្រះកាយរបស់ព្រះអង្គហើយ។ ដូចដែលបងប្អូនបានឃើញក្នុងរូបភាព ផ្នែកព្រះភ្នែន របស់ព្រះអង្គបានលេចរូបរាងឡើងយ៉ាងច្បាស់ ដែលគ្រាន់តែ កម្ពស់ព្រះភ្នែននេះគឺមានទំហំដល់ទៅ ១៦,២ ម៉ែត្រទៅហើយ! មិនយូរទៀតទេ យើងនឹងបានឃើញរូបសំណាក់ពេញលេញនៃព្រះពុទ្ធប្បដិមាដ៏ខ្ពស់ និងធំបំផុតនេះ បង្ហាញវត្តមានយ៉ាងស្កឹមស្គៃលើខ្នងភ្នំបូកគោ”។

កាលចុងឆ្នាំ២០២៥ ក្រុមហ៊ុនបានបញ្ចប់ការសាងសង់ខឿននិងបល្ល័ង្កព្រះអង្គ ដែលមានកម្ពស់សរុប ២៧ម៉ែត្រ ហើយបន្ទាប់មក ក្រុមហ៊ុនក៏បានចាប់ផ្ដើមបន្តតម្លើងពុម្ព ដើម្បីកសាងរូបព្រះអង្គ។ នៅចុងខែកុម្ភៈ ឆ្នាំ២០២៦ ក្រុមហ៊ុន បានបញ្ជាក់ប្រាប់ Oknha News ឱ្យដឹងថា ការដ្ឋានសាងសង់ព្រះពុទ្ធប្បដិមាកម្ពស់ ១០៨ ម៉ែត្រ នៅលើខ្នងភ្នំបូកគោ បានបញ្ចប់ការសាងសង់បល្ល័ង្កផ្កាឈូកហើយ និងកំពុងបន្តដំណើរការយ៉ាងសកម្មនៃការសាងសង់ព្រះពុទ្ធប្បដិមាផ្ចាញ់មារអង្គធំ។ 

សូមជម្រាបថា អ្នកឧកញ៉ា សុខ គង់ ប្រធានក្រុមហ៊ុន សូគីម៉ិច អុិនវេសមេន គ្រុប បាននឹងកំពុងដឹកនាំដំណើរការ​សាងសង់​ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃ នៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធ​ជាព្រះបរមគ្រូ ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌​សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តម​របស់បងប្អូនពុទ្ធសាសនិកជនទាំងអស់គ្នា គោរព​ប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារៀងរហូត៕

The post តើក្រុមហ៊ុនអ្នកឧកញ៉ា សុខ គង់ សាងសង់ព្រះពុទ្ធប្បដិមាកម្ពស់ ១០៨ ម៉ែត្រ ដល់ផ្នែកណាហើយ? appeared first on .

សេចក្តីជូនដំណឹងអំពីការឈប់ផ្តល់អំណោយនេះ គឺក្នុងគោលបំណង ដើម្បីទប់ស្កាត់ និងចៀសវាងប្រជាពលរដ្ឋ​ដែលមាន ជីវភាពខ្វះខាតទៅប្រជ្រៀតគ្នាយកអាំងប៉ាវ ដែលធ្លាប់បានជួបហេតុការណ៍ជាន់គ្នាស្លាប់កាលពីឆ្នាំមុន។ កាលថ្ងៃទី២៣ ខែមករា ឆ្នាំ២០២៥ មានហេតុការណ៍ប្រជ្រៀតគ្នាទៅទទួលអាំងប៉ាវ ធ្វើឱ្យមានអ្ន​កស្លាប់៤នាក់ និងរបួស៥នាក់។ ក្រោយជួបហេតុការណ៍មិននឹកស្មានដល់ និងគួរឱ្យសោកស្តាយនេះ អ្នកឧកញ៉ា សុខ គង់ ក៏បានឧបត្ថម្ភ​ថវិកាដល់ក្រុមគ្រួសារអ្នកស្លាប់ម្នាក់ចំនួន៦ពាន់ដុល្លារ និងអ្ន​ករបួសម្នាក់ៗ៤លានរៀល​ផងដែរ។

សូមជម្រាបថា ស្ទើរតែរៀងរាល់ឆ្នាំ នៅមុនពេលចូលឆ្នាំថ្មីប្រពៃណីចិន មហាសេដ្ឋីអចលនទ្រព្យ និងជាស្ថាបនិក​ក្រុមហ៊ុនប្រេងឥន្ទនៈសូគីម៉ិច អ្នកឧកញ៉ា សុខ គង់ និងក្រុមគ្រួសារ តែងតែ​រៀបចំពិធីចែកអំណោយ (អាំងប៉ាវ) នៅភូមិគ្រឹះរបស់លោក។ ជាក់ស្តែងឆ្នាំ២០២៤ មានប្រជាជន​ប្រមាណជា ៥០០០នាក់ បានទទួលអំណោយ​សប្បុរធម៍នេះ៕

The post អ្នកឧកញ៉ា សុខ គង់ ពុំមានការចែកអាំងប៉ាវ ជូនប្រជាពលរដ្ឋទៀតនោះទេ ក្នុងឱកាសចូលឆ្នាំចិនឆ្នាំនេះ appeared first on .

ការចូលរួមឧបត្ថម្ភថវិការបស់ អ្នកឧកញ៉ា សុខ គង់ គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន ថ្លែងអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នា ជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា សុខ គង់ និងអ្នកឧកញ៉ា គឹម ឡេង ប្រកាសចូលរួមឧបត្ថម្ភថវិកា ២៥ម៉ឺនដុល្លារ ជួយដល់កងទ័ពជួរមុខកម្ពុជា និងជនភៀសសឹក តាមរយៈសម្តេចតេជោ ហ៊ុន សែន appeared first on .

នៅថ្ងៃទី១៨ ខែវិច្ឆិកា ឆ្នាំ២០២៥នេះ ក្រុមហ៊ុនបានបង្ហាញពីវឌ្ឍនភាពនៃការសាងសង់ ដែលបច្ចុប្បន្ននេះ ខឿននិងបល្ល័ង្កព្រះអង្គ មានកម្ពស់សរុប ២៧ម៉ែត្រ នឹងបញ្ចប់ការងារសាងសង់ក្នុងពេលឆាប់ៗ ហើយបន្ទាប់ពីនេះ នឹងចាប់ផ្ដើមបន្តតម្លើងពុម្ព ដើម្បីកសាងរូបព្រះអង្គ។ ក្រុមហ៊ុន បានបញ្ជាក់ថា ដូច្នេះក្នុងពេលឆាប់ៗនេះ ព្រះពុទ្ធ​ប្បដិមាកម្ពស់១០៨ ម៉ែត្រ នឹងលេចរូបរាងឡើងបន្តិចម្តងៗ។

សូមជម្រាបថា អ្នកឧកញ៉ា សុខ គង់ ប្រធានក្រុមហ៊ុន សូគីម៉ិច អុិនវេសមេន គ្រុប បាននឹងកំពុងដឹកនាំដំណើរការ​សាងសង់​ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃ នៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធ​ជាព្រះបរមគ្រូ ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌​សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តម​របស់បងប្អូនពុទ្ធសាសនិកជនទាំងអស់គ្នា គោរព​ប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារៀងរហូត៕

The post ឧកញ៉ា សុខ ចន្ធី ទទួលបដិសណ្ឋារកិច្ចស្វាគមន៍ សម្ដេចព្រះឧត្ដមវង្សា គូ សុភាព និមន្តទស្សនាការដ្ឋានសាងសង់ ព្រះពុទ្ធប្បដិមាកម្ពស់ ១០៨ម៉ែត្រ appeared first on .

ក្នុងឱកាសអញ្ជើញចុះពិនិត្យការដ្ឋានសាងសង់ព្រះពុទ្ធប្បដិមាដ៏ធំនេះដែរ ក្រុមហ៊ុនបានបង្ហាញពីវឌ្ឍនភាពនៃការសាងសង់ ដែលបច្ចុប្បន្ននេះ ខឿននិងបល្ល័ង្កព្រះអង្គ មានកម្ពស់សរុប២៧ម៉ែត្រនឹងបញ្ចប់ការងារសាងសង់ក្នុងពេលឆាប់ៗ ហើយបន្ទាប់ពីនេះ នឹងចាប់ផ្ដើមបន្តតម្លើងពុម្ព ដើម្បីកសាងរូបព្រះអង្គ។ ក្រុមហ៊ុន បានបញ្ជាក់ថា ដូច្នេះក្នុងពេលឆាប់ៗនេះ ព្រះពុទ្ធប្បដិមាកម្ពស់១០៨ ម៉ែត្រនឹងលេចរូបរាងឡើងបន្តិចម្តងៗ។

ជាមួយគ្នានេះ ស្របពេលដែលការសាងសង់វត្តព្រះអង្គធំភ្នំបូកគោ កំពុងដំណើរការយ៉ាងសស្រាក់សស្រាំ ផ្លូវចូលទៅកាន់ទីតាំងវត្តព្រះអង្គធំភ្នំបូកគោ ក៏កំពុងដំណើរការចាក់បេតុងផងដែរ។

សូមជម្រាបថា អ្នកឧកញ៉ា សុខ គង់ បាននឹងកំពុងដំណើរការសាងសង់ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃ នៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធជាព្រះបរមគ្រូ ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តមរបស់បងប្អូនពុទ្ធសាសនិកជនទាំងអស់គ្នាគោរពប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារហូតតរៀងទៅ៕

The post អ្នកឧកញ៉ា សុខ គង់ ចុះពិនិត្យការដ្ឋានសាងសង់ព្រះពុទ្ធប្បដិមាកម្ពស់ ១០៨ម៉ែត្រ និងបង្ហាញពីវឌ្ឍនភាពនៃការសាងសង់ appeared first on .

ក្រុមហ៊ុន WATG ជាក្រុមហ៊ុនរចនាពហុវិស័យមានកេរ្តិ៍ឈ្មោះល្បីល្បាញនៅលើសកលលោក ដែលត្រូវបានបង្កើតឡើងនៅទីក្រុងហូណូលូលូ សហរដ្ឋអាមេរិក ឆ្នាំ ១៩៤៥ ហើយមានឯកទេសខ្ពស់ក្នុងវិស័យសណ្ឋាគារ កម្សាន្ត អភិវឌ្ឍន៍ទីក្រុង និងគម្រោងលំនៅដ្ឋានប្រណីត។

ក្រុមហ៊ុនសូគីមុិច អុិនវេសមេន គ្រុប បានឱ្យដឹងទៀតថា កិច្ចសហប្រតិបត្តិការនេះ គឺជាគន្លឹះសំខាន់ក្នុងការអភិវឌ្ឍន៍រយៈពេលវែងនៃឧទ្យានជាតិព្រះមុនីវង្សបូគោ នៅខេត្តកំពត ក្នុងព្រះរាជាណាចក្រកម្ពុជា។ ផែនការគោលដៅសំខាន់ផ្តោតលើការ ការពារបរិស្ថាន អភិវឌ្ឍន៍លំនៅដ្ឋាន ពាណិជ្ជកម្ម វិស័យអប់រំ ស្ថាប័នផ្សេងៗទៀត ដើម្បីធានាអភិវឌ្ឍន៍ប្រកបដោយចីរភាព។

ក្រុមហ៊ុនអ្នកឧកញ៉ា សុខ គង់ បានបន្ថែមថា ដោយមានគោលនយោបាយគាំទ្រពីរាជរដ្ឋាភិបាល សន្តិភាព ស្ថិរភាពនយោបាយប្រកបដោយចីរភាព ក្រុមហ៊ុននឹងបន្តពង្រឹងការវិនិយោគ ដោយចូលរួមដ៏សំខាន់ក្នុងការលើកកម្ពស់សេដ្ឋកិច្ចទាំងក្នុងតំបន់ និងសេដ្ឋកិច្ចជាតិ។

សូមជម្រាបថា អ្នកឧកញ៉ា សុខ គង់ បានទទួលសិទ្ធិវិនិយោគ អភិវឌ្ឍន៍ ឧទ្យានជាតិព្រះមុនីវង្ស (បូកគោ) ពីរាជរដ្ឋាភិបាលលើផ្ទៃដីមួយផ្នែកធំ ក្នុងរយៈពេលវែង ចាប់ពីឆ្នាំ២០០៩ ក្នុងគោលបំណងធ្វើការអភិវឌ្ឍន៍តំបន់នេះឱ្យក្លាយជាតំបន់ពាណិជ្ជកម្ម និងរមណីយដ្ឋានទេសចរណ៍ ស្របតាមស្តង់ដាអន្តរជាតិ ដែលអាចទាក់ទាញភ្ញៀវទេសចរ និងការវិនិយោគ។ ថ្មីៗនេះ អ្នកឧកញ៉ា សុខ គង់ បានបង្ហើបឱ្យដឹងផងដែរថា រហូតមកទល់នឹងពេលនេះ ក្រុមហ៊ុនបានចំណាយទុនអស់ពី ៧០០ទៅ ៨០០លានដុល្លារហើយ ទៅលើការវិនិយោគអភិវឌ្ឍន៍ ហេដ្ឋារចនាសម្ព័ន្ធផ្លូវ ភ្លើង ទឹក សណ្ឋាគារលំដាប់ផ្កាយ៥ គម្រោងសង់លំនៅឋានប្រណិត និងសំណង់អគារផ្សេងៗទៀត ដែលបម្រើឱ្យវិស័យទេសចរណ៍៕

The post អ្នកឧកញ៉ា សុខ គង់ ជ្រើសរើសក្រុមហ៊ុន WATG របស់អាមេរិក ដើម្បីសិក្សាទៅលើគម្រោងអភិវឌ្ឍន៍ក្រុងបូកគោ appeared first on .

ក្រុមហ៊ុន សូគីមុិច អុិនវេសមេន គ្រុប កាលពីថ្ងៃទី៣១ ខែកក្កដា ឆ្នាំ២០២៤ បានចាត់វិធានការពង្រីកបន្ថែមនូវធនធានទឹក ដោយសារប្រជាជន និងតម្រូវការទឹកកំពុងកើនឡើងនៅលើភ្នំបូកគោ។ បច្ចុប្បន្ននេះ ការសាងសង់កំពុងមានវឌ្ឍនភាពជាបន្តបន្ទាប់ និងស្ទើរបញ្ចប់រួចរាល់ទាំងស្រុងហើយ។ រីឯបឹងធម្មជាតិលើភ្នំត្រូវបានប្រើប្រាស់ដើម្បីផលិតជាទឹកពិសាឋានសួគ៌បូកគោ។

ក្រុមហ៊ុន ធ្លាប់បានបញ្ជាក់ថា ការពង្រីកទំនប់ទឹកថ្មីនេះបង្ហាញពីការប្តេជ្ញាចិត្តរបស់ក្រុមហ៊ុន ចំពោះការអភិវឌ្ឍហេដ្ឋារចនាសម្ព័ន្ធនិងការគ្រប់គ្រងរយៈពេលវែងនៅលើភ្នំបូកគោ។ ដោយការព្យាករណ៍តម្រូវការទឹកនាពេលអនាគត ក្រុមហ៊ុនកំពុងធ្វើការ ដើម្បីរក្សាការផ្គត់ផ្គង់ទឹកដែលអាចជឿទុកចិត្តបាន សម្រាប់ទាំងប្រជាពលរដ្ឋ និងអាជីវកម្មនៅក្នុងតំបន់។

គួរបញ្ជាក់ថា ឧទ្យានជាតិព្រះមុនីវង្ស «ភ្នំបូកគោ» ជាតំបន់ដែលមានសក្តានុពលបែបធនធានធម្មជាតិ និងប្រវត្តិសាស្ត្រ។ នៅលើភ្នំនេះ មានអំណោយផលល្អសម្រាប់វិស័យទេសចរណ៍ កសិកម្ម អចលនទ្រព្យ និងការវិនិយោគនានា។ យ៉ាងណាមិញ នៅលើភ្នំបូកគោ ក៏មានបឹងធម្មជាតិដ៏ធំមួយផងដែរ មានកម្ពស់ ១០៧៥ម៉ែត្រ ពីនីវ៉ូទឹកសមុទ្រ ដែលអាចស្តុកទឹកបានយ៉ាងច្រើនម៉ែត្រគូប។ ទោះយ៉ាងណា បឹងធម្មជាតិលើភ្នំបូកគោ បច្ចុប្បន្នត្រូវបានប្រើប្រាស់មួយភាគធំក្នុងការផលិតទឹកពិសាបរិសុទ្ធ “ឋានសួគ៌បូកគោ” ដែលទាមទារឱ្យមានប្រភពទឹកបន្ថែម៕

The post អ្នកឧកញ៉ា សុខ គង់ ចុះពិនិត្យទីតាំងទំនប់ទឹកថ្មីលើខ្នងភ្នំបូកគោ ដែលអាចស្តុកទឹកបានជាង ១លានម៉ែត្រគូប appeared first on .

លោកជំទាវឧកញ៉ា សុខ ចន្ថា កាលថ្ងៃទី១៣ ខែសីហា ឆ្នាំ២០២៥ បានដឹកនាំក្រុមការងារនាំយកជំនួយទាំងអស់នេះ ដែលសរុបជាទឹកប្រាក់ប្រមាណ ៣ម៉ឺនដុល្លារ ហើយត្រូវបែងចែកយ៉ាងយកចិត្តទុកដាក់ ដើម្បីជាចំណែកជួយសម្រួលបន្ទុក របស់សមាជិកគ្រួសាររបស់វីរៈកងទ័ពដែលបានពលីជីវិត ដើម្បីបូរណភាពទឹកដីទាំង ៦គ្រួសារ រួមទាំងបងប្អូនប្រជាពលរដ្ឋកំពុងភៀសសឹកប្រមាណ ៧០០គ្រួសារ នៅវត្តភ្នំថ្មកំបូល ស្រុកក្រសាំង ខេត្តឧត្តរមានជ័យ ដើម្បីជាការដឹងគុណ ក៏ដូចជាចូលរួមរំលែកនូវទុក្ខលំបាករបស់ប្រជាពលរដ្ឋកម្ពុជា។

ក្នុងឱកាសនោះដែរ ក្រុមគ្រួសារវីរៈកងទ័ពពលី ទទួលបាន ថវិកាចំនួន ៤,០០០,០០០រៀល ក្នុងមួយគ្រួសារ ព្រមទាំង អង្ករ ១៥០គីឡូ មី៤កេស ទឹកក្រូច ២កេស ទឹកពិសារ ១០កេស ព្រមទាំងទឹកត្រី/ទឹកស៊ីអ៊ីវ ២០យួរ។ ចំណែកឯបងប្អូនភៀសសឹកទាំង ៧០០គ្រួសារ ក្នុងមួយគ្រួសារ ទទួលបាននូវ ថវិកា ៣០,០០០រៀល ទឹកពិសា ១កេស និងកញ្ចប់គ្រឿងបរិភោគ មួយកញ្ចប់។

សូមជម្រាបថា ក្នុងជម្លោះព្រំដែនរវាងកម្ពុជា-ថៃ បើទោះបីបច្ចុប្បន្នមានការអនុវត្តនូវ “បទឈប់បាញ់” ក៏ពិតមែន ប៉ុន្តែបងប្អូនជនភៀសសឹកមួយចំនួននៅតែមិនទាន់អាចត្រឡប់ទៅកាន់ទីលំនៅឋានដ៏កក់ក្ដៅរបស់ខ្លួនពេញលេញវិញនៅឡើយទេ។ រីឯបងប្អូនពលរដ្ឋមួយចំនួន បានត្រឡប់ទៅលំនៅឋានវិញហើយ ប៉ុន្តែត្រូវភៀសខ្លួនសារជាថ្មីទៀត ខណៈដែលកងទ័ពថៃ នៅតែបង្ហាញសកម្មភាពគម្រាមកំហែងនៅឡើយ។ ដូច្នេះអំណោយសប្បុរសធម៌ ពិតជាមានសារសំខាន់ណាស់ សម្រាប់បងប្អូនជនភៀសសឹក នៅតាមព្រំដែន៕

The post អ្នកឧកញ៉ា សុខ គង់ ផ្តល់អំណោយសរុបទឹកប្រាក់ ៣ម៉ឺនដុល្លារ ជូនដល់គ្រួសារវីរៈកងទ័ពដែលបានពលីជីវិត និងប្រជាជនភៀសសឹក ៧០០គ្រួសារ នៅខេត្តឧត្តរមានជ័យ appeared first on .