តាមរយៈសារលើបណ្តាញសង្គម លោកជំទាវឧកញ៉ា ហ៊ុន ស៊ីណាត បានលើកឡើងថា៖ “សូមចូលរួមអបអរសាទរជាមួយបងប្អូនកូនក្មួយដែលបានទទួលបណ្ណកម្មសិទ្ធិដីពី ឯកឧត្តម សាយ​ សំអាល់​ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី​ ក្នុងភូមិសាស្ត្ររាជធានីភ្នំពេញ ប្រមាណជាង ៤ពាន់បណ្ណ”។

“នាងខ្ញុំសូមកោតសរសើរក្មួយ​ សាយ​ សំអាល់​ ព្រមទាំងថ្នាក់ដឹកនាំ​ មន្ត្រីនៃក្រសួងដែនដី។​ នេះជាសមិ្ធផលដ៏ធំធេងរបស់ជាតិ​ និងប្រជាជន​ ក្នុង​វិស័យដីធ្លី​ ក្រោមការដឹកនាំរ​បស់​ក្មួយ​ សាយ​ សំអាល់​ ដែលទទួលបទបញ្ជាផ្ទាល់ពីសម្តេចតេជោ​ និងសម្តេចធិបតី​ បម្រើ​ ការពារ​ ប្រជាពលរដ្ឋបានល្អ​ ដឹកនាំ​ សម្របសម្រួល​ វះកាត់បញ្ហាដីធ្លី​ ឈានទៅដល់ការបញ្ចប់វិវាទទូទាំងប្រទេស។​ ជាពិសេសវិបត្តិបុរីដីឡូត៍នេះតែម្តង​ រាស្ត្រស្រែករាល់ថ្ងៃ​ តែមកដល់ដៃក្មួយ​ សាយ​ សំអាល់​ ពលរដ្ឋមានស្នាមញញឹម​ យល់គ្នា​ និងសាមគ្គីភាព​ ជឿជាក់រដ្ឋាភិបាល។ តទៅនេះ​ សូមឲ្យបងប្អូនកូនក្មួយ​ ជឿជាក់លើសម្ដេចទាំងទ្វេ​ និងឧបនាយករដ្ឋមន្ត្រី​ សាយ​ សំអាល់​។ រដ្ឋមន្ត្រីក្រសួងដែនដី បាននឹងកំពុងបន្តដោះស្រាយបញ្ហាដីធ្លីនេះជូនបងប្អូនហើយ​”។ លោកជំទាវឧកញ៉ា បានបន្ថែម។

ជាមួយគ្នានេះ លោកជំទាវឧកញ៉ា ក៏សូមអំពាវនាវដល់បងប្អូនកូនក្មួយ​ ពលរដ្ឋដែលកំពុងទទួលបានការដោះស្រាយ​នៅក្រសួង​ដែនដី​ សូមកុំមានការតវ៉ា ដង្ហែរបាតុកម្ម បិទផ្លូវ​ បិទក្រសួង​ បិទតុលាការអី។​ សូមរក្សាភាពស្ងៀមស្ងាត់សិន​ ចាត់តំណាង​ ចាត់ក្រុមការងារមកដោះស្រាយសហការជាមួយក្រសួង​ នឹងទទួលបានលទ្ធផលជាបន្តបន្ទាប់​ រក្សាផលប្រយោជន៍បងប្អូនកូនក្មួយ​។ ជាពិសេស​ ម្ចាស់បំណុល​ ម្ចាស់ដីដែលពាក់ព័ន្ធប្រជាជន​ មេត្តាដកថយមួយជំហ៊ាន​ ចងការប្រាក់​ខុសច្បាប់​ ស៊ីទឹកស៊ីការលើសលុបជាមួយម្ចាសបុរីមួយៗច្រើនមកហើយ ល្មមដល់ពេលប្រគល់ដីទ្រព្យឱ្យមកក្រសួងដោះស្រាយជូនពលរដ្ឋទិញលក់ស្របច្បាប់វិញ កុំចង់ឈ្នះចង់ចាញ់​ជាមួយម្ចាស់បុរី​​ កុំដោយសារយើងម្នាក់​ ឱ្យពលរដ្ឋរងទុក្ខរាប់ពាន់ម៉ឺនគ្រួសារអី​។ ស្របពេលយើងមានបញ្ហាព្រំដែនជាមួយថៃ​  បរទេសមើលងាយខ្មែរ​ ឆ្លៀតឱកាសវាយប្រហារខ្មែរ ប្រសិនយើងមិនយល់គ្នា​ មិនជឿជាក់​ មិនសាមគ្គីគ្នានោះ៕

The post លោកជំទាវឧកញ៉ា ហ៊ុន ស៊ីណាត កោតសរសើរឧបនាយករដ្ឋមន្ត្រី សាយ សំអាល់ ដែលដឹកនាំសម្របសម្រួលវិបត្តិបុរីនិងដីឡូត៍ ជូនប្រជាពលរដ្ឋបានយ៉ាងល្អ appeared first on .

ស្នងការដ្ឋាននគរបាលរាជធានីភ្នំពេញ បានឱ្យដឹងថា ថ្មីៗនេះ ក្រោយពីឃើញមានការបង្ហោះផ្សព្វផ្សាយ​ព័ត៌មាន​តាមបណ្តាញសង្គមថាមានវីរៈកងទ័ពជួរមុខម្នាក់ឈ្មោៈ មាស ប្រឹក្សា អាយុ៣១ឆ្នាំ ជាប់ដៃប្រយុទ្ធការពារ​បូរណភាពទឹកដីកម្ពុជានៅសមរភូមិមុខ ហើ​យបានបញ្ចាំម៉ូតូ៣ខែមិនបានមកបង់ប្រាក់ នៅហាងទទួលបញ្ចាំ​ម៉ូតូមួយកន្លែង ស្ថិតនៅសង្កាត់ទឹកល្អក់ទី៣ ខណ្ឌទួលគោក។

ក្រោយទទួលបានព័ត៌មាននោះភ្លាម ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការ​នគរបាលរាជធានីភ្នំពេញ តាមរយៈការជួយជ្រោមជ្រែងពីលោកជំទាវឧកញ៉ា ហ៊ុន ស៊ីណាត ផងដែរ ឯកឧត្តម​ស្នងការ ក៏បានបញ្ជារទៅលោកវរសេនីយ៍ឯក ស៊ឹម ពិសិដ្ឋ អធិការដ្ឋាននគរបាលខណ្ឌទួលគោក ដឹកនាំកម្លាំងចុះ​ទៅដល់ហាងបញ្ចាំម៉ូតូខាងលើ ដើម្បីសួរនាំ។ បន្ទាប់ពីជួបម្ចាស់ហាង ទើបបានដឹងច្បាស់ថា​ម៉ូតូនោះពិតជា​ម៉ូតូវីរៈកងទ័ពពិតប្រាកដមែន ដោយម្ចាស់ហាងបញ្ចាំក៏បានជូនម៉ូតូនោះ​ទៅវីរៈកងទ័ពវិញ និងមិនគិតទាំងការប្រាក់​និងប្រាក់ដើមទៀតផង។

ជាមួយគ្នានោះ ឯកឧត្តមស្នងការ និងលោកជំទាវឧកញ៉ា ហ៊ុន ស៊ីណាត ក៏បានឧបត្ថម្ភថវិកា និងសម្ភារមួយចំនួន​ជូនដល់វីរៈកងទ័ពនិងក្រុមគ្រួសារបន្ថែមទៀតផងដែរ៕

The post លោកជំទាវឧកញ៉ា ហ៊ុន ស៊ីណាត ជួយសម្របសម្រួលជាមួយម្ចាស់ហាងបញ្ចាំ ប្រគល់ម៉ូតូ ១គ្រឿង ជូនដល់វីរៈកងទ័ពវិញ appeared first on .

ពិធីភ្ជាប់ពាក្យនេះ កូនប្រុសនាម ឃួន ផុនរតនៈ និងកូនស្រីនាម ម៉ៅ នរនាថ ជាកូនស្រីរបស់ឯកឧត្តម ម៉ៅ ធនិន អភិបាលខេត្តកំពត និងលោកជំទាវ ហ៊ុន ចាន់ធី។ កញ្ញា ម៉ៅ នរនាថ ជាកូនស្រីច្បងរបស់ ឯកឧត្តម ម៉ៅ ធនិន ដែលបានបញ្ចប់ការសិក្សាថ្នាក់អនុបណ្ឌិត ផ្នែកទំនាក់ទំនងអន្តរជាតិ ពីសាកលវិទ្យាល័យ REGENT’S LONDON នៅប្រទេសអង់គ្លេស កាលឆ្នាំ២០២៤។

សិរីសួស្តីពិធីភ្ជាប់ពាក្យ ធ្វើឡើងក្រោមវត្តមានលោកមេប៉ាតូចធំត្រកូលរាមច្បងទាំងសងខាងយ៉ាងឱឡារិកតាមទំនៀមទម្លាប់ខ្មែរ ដោយរៀបចំគ្រឿងភស្តុភាបណ្ណាការ (ជំនូន) ព្រមទាំងការផ្កាភ្ញីស្រស់ៗជាច្រើនរយទងរំលេចដោយពណ៌ក្រហមស្រស់។ ពិសេសនោះ ពិធីភ្ជាប់កូនប្រុសស្រីលោកមេបាទាំងសងខាង ក៏បានរៀបចំក្នុងភូមិគ្រឹះបែបខ្មែរបុរាណលើទំហំផ្ទៃដីជាច្រើនហិកតា ជាមួយនឹងទិដ្ឋភាពដ៏ស្រស់ត្រកាល។

ជាមួយគ្នានេះដែរ ដើម្បីអបអរសាទរពិធីភ្ជាប់ពាក្យកូនប្រុសស្រីរបស់ឯកឧត្តម ម៉ៅ ធនិន ក៏មានការអញ្ជើញចូលរួមជាកិត្តិយសពីអ្នកមុខអ្នកការជាច្រើនរូប ព្រមទាំងមានវត្តមាន លោកជំទាវឧកញ៉ា ហ៊ុន ស៊ីណាត ផងដែរ។

សូមជម្រាបថា កូនកំលោះ ឃួន ផុនរតនៈ ជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងទើបត្រូវបានព្រះមហាក្សត្រចេញព្រះរាជក្រឹត្យតែងតាំងជា ឯកអគ្គរាជទូតនៃព្រះរាជាណាចក្រកម្ពុជា ប្រចាំសាធារណរដ្ឋកូរ៉េ កាលពីថ្ងៃទី២៣ ខែឧសភា ឆ្នាំ២០២៥៕

រូបភាព៖ The Ring

The post មកមើលទិដ្ឋភាពសិរីមង្គលពិធីភ្ជាប់ពាក្យ កូនស្រីឯកឧត្តម ម៉ៅ ធនិន អភិបាលខេត្តកំពត ក្នុងភូមិគ្រឹះរចនាបថខ្មែរបុរាណ appeared first on .

ពិធីក្រុងពាលីជួសជុលប្រាង្គចេតិយ៍ដែលមានអាយុកាល២៨ ឆ្នាំនេះធ្វើឡើងនៅថ្ងៃសុក្រ ទី ១៧ ខែវិច្ឆិកា ឆ្នាំ២០២៣ ស្ថិតនៅវត្តព្រះបារមីវង្កតបុរី (វត្ត ទួលក្រសាំង)ក្នុងសង្កាត់ទឹកថ្លាខណ្ឌសែនសុខ រាជធានីភ្នំពេញ។

សូមជម្រាបជូនថា កាលពីខែតុលាកន្លងទៅ អ្នកឧកញ៉ា ហ៊ុន តូ កូនប្រុសសម្តេចឧត្តមទេពញាណ ហ៊ុន ណេង បានចូលរួមក្នុងកិច្ចប្រជុំពិនិត្យវឌ្ឍនភាពកិច្ចការងាររបស់វត្តព្រះបារមីវង្កតបុរី ក្នុងនោះក៏បានពិភាក្សាការងារជួសជួលប្រាង្គចេតិយ៍តម្កល់សពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និងមហាឧបាសិកា ឌី ប៉ុក ជាមួយបណ្ឌិតស្ថាបត្យករ លី រស្មី រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់។

វត្តបារមីវង្កតបុរី ​គឺជាកេរមតករបស់អ្នកឧកញ៉ា មហាភកី្ត​សប្បុរិស​ភោគាធិបតី ហ៊ុន នាង និងមហាឧបាសិកា ឌី ប៉ុក ។ វត្តនេះបានធ្វើពិធី​បុណ្យ​បញ្ចុះ​ខណ្ឌសីមា ពុទ្ធាភិសេក និងឆ្លងសមិទ្ធផលនានា កាលពីខែមេសា ឆ្នាំ២០២៣។

គួររម្លឹកផងដែរថា​ មហាឧបាសក ហ៊ុន នាង ត្រូវបាន​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា បាន​ប្រោស​ព្រះរាជទាន​គោរមងារ​ជា អ្នកឧកញ៉ា​មហា​ភក្តី​សប្បុរិស​ភោ​គា​ធិបតី ហ៊ុន នាង កាលពីអំឡុងខែកញ្ញា ឆ្នាំ២០១១កន្លងទៅ៕

The post ឧកញ៉ា ហ៊ុន ស៊ីណាត ធ្វើពិធីក្រុងពលីជួលជុលប្រាង្គចេតិយ៍អ្នកឧកញ៉ាមហាភក្តីសប្បុ​រិសភោគាធិបតី ហ៊ុន នាង appeared first on .

ឧកញ៉ា​ ​ម៉េន កានី ​​បាន​​​ផ្ញើសារ​អបអរសាទរ​យ៉ាង​ដូច្នេះ​ថា៖ “សូមគោរពនិងចូលរូមអបអរសាទរ​ លោក​ជំទាវ​ឧកញ៉ា​អ្នកម្តាយចិត្តធម៌​ និ​ងមានបេះដូងល្អ ហ៊ុន​ ស៊ីណាត​ ត្រូវបានព្រះករុណាព្រះបាទ​សម្តេចព្រះបរមនាថ នរោត្តម សីហមុនី ត្រាស់បង្គាប់ផ្តល់គោរមងារ ជា «ឧកញ៉ា»។ ​នៅក្នុងឱកាសដ៏ថ្លៃថ្លាបំផុតនេះ កូនសូមគោរពជូនពរចំពោះលោកជំទាវ ឧកញ៉ា សូមមានសុខភាពល្អបរិបូរណ៍ ជន្មាយុយឺនយូរ និង​ជោគជ័យគ្រប់ភារៈកិច្ច”។

គួរ​បញ្ជាក់​ថា លោកជំទាវ ហ៊ុន ស៊ីណាត គឺជាប្អូនស្រីបង្កើតរបស់សម្តេចតេជោនាយករដ្ឋមន្រ្តី​ និងជា​ឧត្តមភរិយា​លោក នឹម ច័ន្ទតារា សមាជិកសភាតំណាងរាស្ត្រមណ្ឌលខេត្តកំពត ហើយក៏ជាម្តាយបង្កើតលោកស្រីឧកញ៉ា នឹម វណ្ណៈ។ លោកជំទាវឧកញ៉ា ហ៊ុន ស៊ីណាត ជារឿយៗតែងតែបង្ហាញមុខក្នុងចូលរួមជួយកិច្ចការងារសង្គម និង​កិច្ចការមនុស្សធម៌ជាច្រើនជាមួយរាជរដ្ឋាភិបាល និងប្រជាពលរដ្ឋនៅតាមមូលដ្ឋាននានា៕

The post ឧកញ៉ា ម៉េន កានី អបអរសាទរលោកជំទាវចិត្តធម៌ ហ៊ុន ស៊ីណាត ដែលទទួលបានគោរមងារ «ឧកញ៉ា» appeared first on .

លោកជំទាវ ហ៊ុន ស៊ីណាត គឺជាប្អូនស្រីបង្កើតរបស់សម្តេចតេជោនាយករដ្ឋមន្រ្តី​ និងជាស្វាមីលោក នឹម ច័ន្ទតារា សមាជិកសភាតំណាងរាស្ត្រមណ្ឌលខេត្តកំពត ហើយក៏ជាម្តាយបង្កើតលោកស្រីឧកញ៉ា នឹម វណ្ណៈ។

លោកជំទាវឧកញ៉ា ហ៊ុន ស៊ីណាត ជារឿយៗតែងតែបង្ហាញមុខក្នុងចូលរួមជួយកិច្ចការងារសង្គម និងកិច្ចការមនុស្សធម៌ជាច្រើនជាមួយរាជរដ្ឋាភិបាល និងប្រជាពលរដ្ឋនៅតាមមូលដ្ឋាននានា៕

The post ប្អូនស្រីសម្តេចតេជោ ហ៊ុន សែន ត្រូវបានព្រះមហាក្សត្រផ្តល់គោរមងារ «ឧកញ៉ា» appeared first on .