កាលពីឆ្នាំមុន ម៉ាឡេស៊ីបានដាក់ចេញនូវវិធានការត្រួតពិនិត្យការនាំចេញលើបន្ទះឈីប AI កម្រិតខ្ពស់ដែលមានប្រភពមកពីសហរដ្ឋអាមេរិក បន្ទាប់ពីមានសម្ពាធពីសហរដ្ឋអាមេរិក ក្នុងគោលបំណងទប់ស្កាត់ការហូរចូលនៃបន្ទះឈីបទាំងនេះទៅកាន់ប្រទេសចិន។

យ៉ាងណាមិញ លោកស្រី Aspalila Ag Tuah នាយិកាគយប្រចាំអាកាសយានដ្ឋាន បានប្រាប់អ្នកសារព័ត៌មានថា នៅថ្ងៃទី១៥ ខែតុលា អាជ្ញាធរបានរកឃើញម៉ាស៊ីនមេ (server) ចំនួន ៣០ គ្រឿង ដែលមានផ្ទុកបន្ទះឈីប AI កម្រិតខ្ពស់ ក្នុងអំឡុងពេលត្រួតពិនិត្យនៅតំបន់ពាណិជ្ជកម្មសេរីនៃអាកាសយានដ្ឋានអន្តរជាតិគូឡាឡាំពួ។

លោកស្រី Aspalila បានបញ្ជាក់ទៀតថា ការស៊ើបអង្កេតបឋមបានរកឃើញថា ទំនិញទាំងនេះមានប្រភពមកពីប្រទេសមួយក្នុងទ្វីបអាស៊ី ហើយគ្រោងនឹងនាំចេញបន្តទៅកាន់ប្រទេសមួយផ្សេងទៀតនៅក្នុងទ្វីបដដែល ដែលសកម្មភាពនេះតម្រូវឱ្យមានលិខិតអនុញ្ញាតពាណិជ្ជកម្ម។

ជម្រាបជូនផងដែរថា នៅម៉ាឡេស៊ី មានករណីយ៉ាងហោចណាស់ ៥ ករណីហើយដែលពាក់ព័ន្ធនឹងបណ្តាញជួញដូរនេះ ដោយមានការរឹបអូសបន្ទះឈីបដែលមានតម្លៃសរុបជាង ១០០លានរីងហ្គីត។ តែទោះជាយ៉ាងណាក៏ដោយ លោកស្រី Aspalila បានបដិសេធមិនផ្តល់ព័ត៌មានលម្អិតបន្ថែម ដោយលើកហេតុផលថាការស៊ើបអង្កេតកំពុងតែបន្តនៅឡើយ៕​

The post បន្ទះឈីប AI កម្រិតខ្ពស់តម្លៃជាង ១២លានដុល្លារ ត្រូវបានរឹបអូសនៅអាកាសយានដ្ឋានម៉ាឡេស៊ី appeared first on .

លោក ត្រាំ បានសរសេរនៅលើបណ្តាញសង្គម Truth Social របស់ខ្លួនថា៖ “តើនៅពេលណាទើបកាសែត Wall Street Journal ឈប់ប្រើពាក្យបញ្ញាសិប្បនិម្មិត (AI) ដែលជាឈ្មោះមិនត្រឹមត្រូវ និងមិនល្អទាល់តែសោះ។ ពួកគេគួរតែងាកមកហៅថា Super Intelligence ឬ SI ជំនួសវិញ។ នេះគឺជាឈ្មោះដែលមនុស្សស្ទើរតែទាំងអស់កំពុងប្រើប្រាស់ ឬនឹងចាប់ផ្តើមប្រើប្រាស់ក្នុងពេលឆាប់ៗនេះ”។

មិនតែប៉ុណ្ណោះ មេដឹកនាំសេតវិមានរូបនេះ ក៏បានបន្ថែមទៀតថា ក្នុងពេលឆាប់ៗនេះ យើងនឹងហាមឃាត់ជាផ្លូវការនូវពាក្យថា បញ្ញាសិប្បនិម្មិត ឬ AI នៅក្នុងឯកសារពាក់ព័ន្ធទាំងអស់ និងរាល់កន្លែងផ្សេងទៀត ដោយសារតែវាជាពាក្យដែលមិនត្រឹមត្រូវ”។

ប៉ុន្តែទោះជាយ៉ាងណាក៏ដោយ ជុំវិញការហាមឃាត់នេះ ហាក់កំពុងជួបប្រទះនឹងបញ្ហាប្រឈមជាក់ស្តែងជាច្រើន។ ពាក្យថា «បញ្ញាសិប្បនិម្មិត» ឬ​AI នេះ ត្រូវបានប្រើប្រាស់អស់រយៈពេលជាច្រើនទសវត្សមកហើយ និងនៅតែជាពាក្យស្តង់ដារដែលទទួលស្គាល់ជាទូទៅក្នុងវិស័យនេះ។

បណ្តាញសារព័ត៌មាននានានៅតែបន្តប្រើប្រាស់ពាក្យថា «AI» បើទោះបីជាមានបទបញ្ជារបស់ថ្នាក់ដឹកនាំអាមេរិករូបនេះក៏ដោយ។ សូម្បីតែរដ្ឋបាលរបស់លោក ត្រាំ ផ្ទាល់ កាលពីពេលកន្លងទៅ ក៏ធ្លាប់បានប្រើប្រាស់ពាក្យដើមនេះនៅក្នុង «ផែនការសកម្មភាពស្តីពី AI» (AI Action Plan) ដែលបានចេញផ្សាយកាលពីឆ្នាំមុនផងដែរ៕​

The post លោក ត្រាំ ប្រកាសចង់ហាមឃាត់ការប្រើប្រាស់ពាក្យបញ្ញាសិប្បនិម្មិត AI appeared first on .

យ៉ាងណាមិញ​ យោងតាមឯកសារដែលបានដាក់ជូនស្ថាប័ននិយតករ បានបង្ហាញឲ្យដឹងថា ការជួលនីមួយៗនឹងមានរយៈពេលជាង ៥ឆ្នាំ ដោយគិតចាប់ពីថ្ងៃដែលឧបករណ៍ទាំងនោះមកដល់។

គួរឲ្យដឹងផងដែរថា កិច្ចព្រមព្រៀងនេះ បានបង្ហាញឱ្យឃើញពីការចំណាយដ៏ច្រើនសន្ធឹកសន្ធាប់របស់ SpaceX ខណៈពេលដែលក្រុមហ៊ុននេះកំពុងព្យាយាមទាញយកប្រយោជន៍ពីតម្រូវការដ៏ខ្ពស់លើសមត្ថភាពគណនា (computing power) ដើម្បីជួយផ្តល់ហិរញ្ញប្បទានដល់មហិច្ឆតាក្នុងការធ្វើដំណើរទៅកាន់ឋានព្រះចន្ទ និងភពអង្គារ។

ជម្រាបជូនថា ក្រុមហ៊ុន SpaceX គ្រោងនឹងបញ្ចប់កិច្ចព្រមព្រៀងនេះឱ្យបានរួចរាល់នៅដំណាច់ឆ្នាំនេះ។ ហើយចំពោះការជួលនេះ ត្រូវបានរំពឹងថានឹងចាប់ផ្តើមនៅក្នុងឆមាសទីមួយនៃឆ្នាំ២០២៧ នៅពេលដែលបន្ទះឈីបទាំងនោះត្រូវបានដឹកជញ្ជូនមកដល់៕​

The post ក្រុមហ៊ុនកំពូលមហាសេដ្ឋី Elon Musk បញ្ចប់កិច្ចព្រមព្រៀងតម្លៃ ៤០ពាន់លានដុល្លារ ជាមួយ Apollo សម្រាប់បន្ទះឈីប AI appeared first on .

កាលពីថ្ងៃទី២០ ខែតុលា កាសែត The Wall Street Journal បានរាយការណ៍ថា ក្រុមហ៊ុន Anthropic បានសម្រេចប្រាក់ចំណូលសរុបចំនួន ១៦,៣ពាន់លានដុល្លារក្នុងឆមាសទីមួយនៃឆ្នាំនេះ។ តួលេខនេះគឺជាការកើនឡើងគួរឱ្យកត់សម្គាល់ពីចំនួនត្រឹមតែ ១,១ពាន់លានដុល្លារប៉ុណ្ណោះក្នុងរយៈពេលដូចគ្នា្នកាលពីឆ្នាំមុន។

ប៉ុន្តែទោះជាយ៉ាងណាក៏ដោយ ការខាតបង់សរុបបានកើនឡើងដល់ជាង ៨០ពាន់លានដុល្លារ។ មូលហេតុចម្បងនៃការខាតបង់នេះគឺដោយសារតែការកើនឡើងនៃតម្លៃមូលបត្របំណុលដែលអាចប្តូរទៅជាភាគហ៊ុនរបស់ក្រុមហ៊ុន Anthropic ដែលត្រូវបានប្រើប្រាស់ដើម្បីជាការរៃអង្គាសទុន។

មិនតែប៉ុណ្ណោះ ការចំណាយរបស់ក្រុមហ៊ុនលើហេដ្ឋារចនាសម្ព័ន្ធ AI បានកើនឡើងជិតបួនដង រហូតដល់ ៩ពាន់លានដុល្លារក្នុងឆមាសទីមួយនៃឆ្នាំនេះ។ ក្រុមហ៊ុនក៏បានបញ្ជាក់ផងដែរថា ខ្លួនអាចនឹងវិនិយោគបន្ថែមរហូតដល់ ៧៥០ពាន់លានដុល្លារក្នុងរយៈពេលប៉ុន្មានឆ្នាំខាងមុខនេះ ដើម្បីបង្កើនកម្លាំងសមត្ថភាពកុំព្យូទ័ររបស់ខ្លួន៕​

The post ក្រុមហ៊ុន AI ខ្នាតយក្ស Anthropic ខាតលុយអស់ជាង ៨០ពាន់លានដុល្លារ ក្នុងត្រីមាសទី១ ឆ្នាំនេះ appeared first on .

យ៉ាងណាមិញ ប្រាក់ចំណូលរបស់ក្រុមហ៊ុនបានកើនឡើងជារៀងរាល់ត្រីមាសក្នុងឆ្នាំនេះ ដោយកើនពី ៤,៧ពាន់លានដុល្លារក្នុងត្រីមាសទីមួយ ដល់ ១១,៦ពាន់លានដុល្លារក្នុងត្រីមាសទីពីរ។ ក្រុមហ៊ុន Anthropic បានរាយការណ៍ប្រាប់វិនិយោគិនថា ខ្លួនក៏ទទួលបានប្រាក់ចំណេញសម្រាប់ត្រីមាសទីពីរជាប់ៗគ្នាផងដែរ។

ជម្រាបជូនផងដែរថា ជុំវិញកំណើននេះ បានកើតឡើងចំពេលវិស័យ AI កំពុងផ្ទុះឡើងយ៉ាងខ្លាំង ជាពិសេសនៅពេលដែល Anthropic កំពុងត្រៀមខ្លួនសម្រាប់ការបោះផ្សាយលក់ភាគហ៊ុនជាសាធារណៈលើកដំបូង IPO នៅក្នុងពេលឆាប់ៗខាងមុខ៕

The post ប្រាក់ចំណូលរបស់ក្រុមហ៊ុន AI ខ្នាតយក្ស Anthropic កើនឡើងដល់ជាង ១៦ពាន់លានដុល្លារ appeared first on .

លោក Son ត្រូវបានរាយការណ៍ថាបានជួបពិភាក្សាក្នុងពេលប៉ុន្មានសប្ដាហ៍ថ្មីៗនេះជាមួយបុគ្គលសំខាន់ៗ រួមទាំងនៅអារ៉ាប់រួម (UAE) ផងដែរ អំពីលទ្ធភាពនៃការកៀរគរទុនដ៏ច្រើនសន្ធឹកមួយនេះ។

យ៉ាងណាមិញ ចំណាត់ការនេះធ្វើឡើងបន្ទាប់ពីលោក Son បានបង្កើនការវិនិយោគយ៉ាងខ្លាំងលើ AI ដោយក្រុមហ៊ុនបានប្រកាសកាលពីសប្ដាហ៍មុនថា ខ្លួនទើបតែបានបញ្ចប់ការវិនិយោគចំនួន ៣០ពាន់លានដុល្លារ នៅក្នុងក្រុមហ៊ុន OpenAI ដែលជាផ្នែកមួយនៃការកៀរគរទុនចុងក្រោយរបស់ក្រុមហ៊ុនបង្កើត ChatGPT មួយនេះ។

លើសពីនេះ ក្រុមហ៊ុន SoftBank ក៏បានកៀរគរទុនចំនួន ១១,១ពាន់លានដុល្លារ កាលពីខែមុនផងដែរ តាមរយៈការលក់ប័ណ្ណបំណុលសាជីវកម្មដែលមានអត្រាការប្រាក់ខ្ពស់ (high-yield corporate bond) ធំជាងគេបំផុតនៅលើពិភពលោក ដើម្បីយកមកទ្រទ្រង់ការវិនិយោគដ៏ធំសម្បើមរបស់ខ្លួនលើ OpenAI៕​

The post SoftBank កំពុងស្វែងរកទុនរហូតដល់ ១០០ពាន់លានដុល្លារពីវិនិយោគិននៅមជ្ឈិមបូព៌ា ដើម្បីជំរុញវិស័យ AI appeared first on .

ស្ថាបនិកក្រុមហ៊ុន Shanda Investment Group រូបនេះ បានប្រាប់សារព័ត៌មាន Financial Times នៅក្នុងបទសម្ភាសមួយដែលបានចេញផ្សាយនៅថ្ងៃទី៥ ខែតុលាថា លោកអាចផ្តល់មូលនិធិនេះបន្ថែមតាមរយៈថវិកាផ្ទាល់របស់ខ្លួន ប្រសិនបើលោកមិនអាចស្វែងរកការវិនិយោគពីខាងក្រៅបានគ្រប់គ្រាន់នោះទេ។

ជុំវិញការទម្លាយអំពីព័ត៌មានវិនិយោគនេះ បានកើតឡើង ខណៈពេលដែលលោក Chen បានបង្វែរទិសដៅមហិច្ឆតា AI របស់លោកចេញពីប្រទេសចិន ទៅកាន់សហរដ្ឋអាមេរិក និងសិង្ហបុរីវិញ។

គួរឲ្យដឹងផងដែរថា ក្រុមហ៊ុន Shanda Investment Group ចង់ផ្តោតទៅលើ MiroMind ដែលជាក្រុមហ៊ុន AI ទើបចាប់ផ្តើមអាជីវកម្មថ្មីមួយ ដែលលោក Chen បានបង្កើតឡើងនៅរដ្ឋកាលីហ្វ័រញ៉ា ក្នុងខែមេសា ឆ្នាំ២០២៥ ដើម្បីបង្កើតគំរូភាសា AI សម្រាប់កម្មវិធីវិទ្យាសាស្រ្ត និងឧស្សាហកម្ម។

ជម្រាបជូនថា ដំបូងឡើយក្រុមហ៊ុននេះពឹងផ្អែកលើក្រុមស្រាវជ្រាវនៅទីក្រុងប៉េកាំង សៀងហៃ និងសិង្ហបុរី ដែលអនុញ្ញាតឱ្យក្រុមហ៊ុនទាញយកអ្នកមានទេពកោសល្យ AI របស់ចិន ខណៈពេលដែលកំពុងដំណើរការពីសហរដ្ឋអាមេរិក។ ប៉ុន្តែលោក Chen បានបោះបង់ចោលគំរូនោះនៅឆ្នាំនេះ ដោយសារបច្ចេកវិទ្យាកាន់តែតឹងរ៉ឹងលើការគ្រប់គ្រងការអភិវឌ្ឍ AI ដ៏ស្មុគស្មាញនៅទូទាំងប្រទេសចិន និងសហរដ្ឋអាមេរិក៕​

The post ស្តេចត្រាញ់ហ្គេមចិន Chen Tianqiao ត្រៀមចាក់លុយវិនិយោគ ៤ពាន់លានដុល្លារ ក្នុងវិស័យ AI appeared first on .

យោងតាមរបាយការណ៍ដែលបានចេញផ្សាយកាលពីថ្ងៃទី២៩ ខែកញ្ញា ដោយក្រុមហ៊ុនប្រឹក្សាយោបល់ McKinsey & Co. បានឱ្យដឹងថា ពលរដ្ឋអាមេរិកប្រមាណ ១១ លាននាក់ ដែលស្មើនឹង ៦,៥% នៃកម្លាំងពលកម្មបច្ចុប្បន្ន អាចនឹងត្រូវផ្លាស់ប្តូរទៅធ្វើមុខរបរផ្សេងទាំងស្រុងត្រឹមឆ្នាំ ២០៣៥។ នេះគឺដោយសារតែរលកនៃការអនុវត្តប្រព័ន្ធស្វ័យប្រវត្តិកម្ម និង AI។

យ៉ាងណាមិញ បើតាមការព្យាករទុក ប្រព័ន្ធស្វ័យប្រវត្តិកម្មទាំងនោះអាចកាត់បន្ថយតម្រូវការពលកម្មស្មើនឹង ៣៦ លានការងារត្រឹមឆ្នាំ២០៣៥។ តែទោះជាយ៉ាងណាក៏ដោយ កំណើនក្នុងវិស័យពាក់ព័ន្ធនឹង AI និងសេដ្ឋកិច្ចទាំងមូល អាចបង្កើតឱ្យមានតម្រូវការការងាររហូតដល់ ៤០ លានកន្លែងបន្ថែមទៀតផងដែរ។

បើតាមក្រុមហ៊ុន McKinsey បានលើកឡើងទៀតថា កម្មករនិយោជិតដែលរងផលប៉ះពាល់ប្រមាណ ៦៩% ទំនងជានឹងបន្តធ្វើការងារបច្ចុប្បន្នរបស់ពួកគេដដែល ដោយសារកំណើនក្នុងវិស័យរបស់ពួកគេអាចទូទាត់សងផលប៉ះពាល់នៃប្រព័ន្ធស្វ័យប្រវត្តិកម្មបាន។

មិនតែប៉ុណ្ណោះ ក្រុមអ្នកស្រាវជ្រាវបានសង្កត់ធ្ងន់ថា មនុស្ស ១១ លាននាក់ដែលនៅសល់ អាចនឹងត្រូវផ្លាស់ប្តូរទៅធ្វើមុខរបរផ្សេងទាំងស្រុង។ ហើយបញ្ហាប្រឈមក្នុងទសវត្សខាងមុខ គឺសមត្ថភាពក្នុងការផ្លាស់ប្តូរទៅរកអាជីពថ្មី មិនមែនមកពីការខ្វះខាតការងារនោះទេ។ តាមការព្យាកររបស់ McKinsey ក៏បានបង្ហាញដែរថា AI អាចបង្កើតការងារបានច្រើនជាងការលុបបំបាត់ការងារក្នុងរយៈពេល ៩ឆ្នាំខាងមុខ៕​

The post បច្ចេកវិទ្យា AI អាចបង្ខំឲ្យពលរដ្ឋអាមេរិកជាង ១១ លាននាក់ត្រូវផ្លាស់ប្តូរការងារ appeared first on .

ជុំវិញកិច្ចព្រមព្រៀងដែលត្រូវបានលោក ត្រាំ បង្ហោះនៅលើបណ្តាញសង្គម Truth Social នេះ គឺជាកិច្ចព្រមព្រៀងដ៏សំខាន់មួយដែលផ្តោតសំខាន់ទៅលើផ្នែកសីលធម៌នៃវិស័យ AI ហើយបានស្នើសុំឲ្យក្រុមហ៊ុនបច្ចេកវិទ្យាធំៗទាំងនោះ ត្រូវអនុវត្តន៍តាមលក្ខខណ្ឌសំខាន់ៗចំនួន ៤ ដូចខាងក្រោម៖​

១. ជំរុញឲ្យក្រុមហ៊ុនបច្ចេកវិទ្យាធំៗ សហការជាមួយក្រុមហ៊ុនសវនកម្ម ឬអ្នកវាយតម្លៃខាងក្រៅ ដើម្បីធ្វើការវាយតម្លៃដោយឯករាជ្យថា តើប្រព័ន្ធត្រួតពិនិត្យ និងតាមដាន AI របស់ក្រុមហ៊ុនទាំងនោះកំពុងដំណើរការទៅតាមការរំពឹងទុកដែរឬទេ។

២. តម្រូវឱ្យក្រុមហ៊ុនបង្កើតគណៈកម្មាធិការឯករាជ្យមួយនៃក្រុមប្រឹក្សាភិបាល ដើម្បីត្រួតពិនិត្យ និងទទួលរបាយការណ៍ពីសវនករផ្ទៃក្នុង ខាងក្រៅ និងក្រុមការងារប្រតិបត្តិការប្រព័ន្ធត្រួតពិនិត្យ AI។

៣. ស្នើឱ្យមានការត្រួតពិនិត្យផ្ទៃក្នុងលើសមត្ថភាព និងការកំណត់ទិសដៅនៃម៉ូឌែល AI ក្នុងអំឡុងពេលបណ្តុះបណ្តាល និងការដាក់ឱ្យប្រើប្រាស់ ពាក់ព័ន្ធនឹងវិស័យដូចជា សន្តិសុខ Cyber បច្ចេកវិទ្យាជីវសាស្ត្រ និងការគំរាមកំហែងផ្នែកគីមី ដើម្បីធានាថា ម៉ូឌែលទាំងនោះ “មិនជ្រៀតចូល ឬចូលប្រើប្រាស់ប្រព័ន្ធបច្ចេកទេសក្នុងផ្លូវមិនល្អ”។

៤. ស្នើឱ្យក្រុមហ៊ុនបច្ចេកវិទ្យាធំៗទាំងនោះមានក្រុមការងារផ្ទៃក្នុងមួយ ដើម្បីធានាថា “រាល់ការត្រួតពិនិត្យ ការតាមដាន និងការស្វែងរកកំហុស គឺដំណើរការទៅតាមការគ្រោងទុក”។

ជម្រាបជូនផងដែរថា ឯកសារនេះត្រូវបានចុះហត្ថលេខាដោយប្រធានាធិបតី លោក ត្រាំ និងថ្នាក់ដឹកនាំនៃក្រុមហ៊ុន Google, Anthropic, Meta, OpenAI, ក្រុមហ៊ុនបណ្តាញសង្គម X , NVIDIA និងក្រុមហ៊ុនបច្ចេកវិទ្យាធំៗ ជាច្រើនទៀត៕

The post ស្ងាត់ៗ​ លោក ត្រាំ ប្រកាសកិច្ចព្រមព្រៀងស្តីពីបញ្ញាសិប្បនិម្មិត AI ជាមួយមេដឹកនាំក្រុមហ៊ុនបច្ចេកវិទ្យាខ្នាតយក្សជាច្រើន appeared first on .

នៅថ្ងៃទី២៩ ខែកញ្ញា យោងតាមឯកសារមួយរបស់ Anthropic បានរាយការណ៍ថា ក្រុមហ៊ុន AI ខ្នាតយក្សមួយនេះទទួលបានការកើនឡើងយ៉ាងខ្លាំងកាលពីឆ្នាំមុន ដោយចំណូលបានកើនឡើង ១២ ដង រហូតដល់ ៤,៦ពាន់លានដុល្លារ។ តែទោះជាយ៉ាងណាក៏ដោយ ការខាតបង់លើប្រតិបត្តិការក៏មានចំនួនលើសពី ៨ពាន់លានដុល្លារផងដែរ។

យ៉ាងណាមិញ ដើម្បីដោះស្រាយការខាតបង់នេះ កាលពីដើមខែមិថុនា ក្រុមហ៊ុនមេរបស់កម្មវិធី​ Claude មួយនេះបានប្រកាសថា ខ្លួនបានដាក់ពាក្យសុំបោះផ្សាយលក់ IPO ដោយសម្ងាត់។ ហើយបើតាមប្រភពព័ត៌មានពី Reuters បានឱ្យដឹងថា Anthropic អាចនឹងមានតម្លៃមូលធនទីផ្សារកើនឡើងរហូតដល់ ២ទ្រីលានដុល្លារ ដែលជាតួលេខកើនឡើងទ្វេដងបើធៀបនឹងការប៉ាន់ប្រមាណកាលពីខែឧសភា។

Anthropic មានគម្រោងប្រមូលដើមទុនរហូតដល់ ១០០ពាន់លានដុល្លារពីការបោះផ្សាយលក់ IPO នេះ។ តែទោះជាយ៉ាងណាក៏ដោយ ការធ្វើ IPO អាចនឹងត្រូវពន្យារពេលរហូតដល់ក្រោយការបោះឆ្នោតពាក់កណ្តាលអាណត្តិនៅអាមេរិកដែលគ្រោងនឹងរៀបចំធ្វើឡើងនៅខែវិច្ឆិកាខាងមុខ។

ជម្រាបជូនថា Anthropic ត្រូវបានបង្កើតឡើងដំបូងក្នុងឆ្នាំ២០២១ ដោយក្រុមអ្នកដឹកនាំ និងអ្នកស្រាវជ្រាវដែលធ្លាប់ធ្វើការនៅ OpenAI។ ពួកគេបានដាក់ឲ្យដំណើរការម៉ូឌែលភាសា AI ខ្នាតធំដំបូងរបស់ខ្លួននៅខែមីនា ឆ្នាំ២០២៣ ដើម្បីប្រកួតប្រជែងផ្ទាល់ជាមួយ OpenAI តែម្តង។ ក្រុមហ៊ុននេះក៏ប្រកួតប្រជែងលើផ្នែកហេដ្ឋារចនាសម្ព័ន្ធ AI ជាមួយ xAI របស់ SpaceX, Google របស់ Alphabet និង Meta ផងដែរ៕​

The post តម្លៃមូលធនទីផ្សារក្រុមហ៊ុន AI ខ្នាតយក្ស Anthropic អាចហក់ដល់ ២ទ្រីលានដុល្លារ ខណៈកំពុងត្រៀមបោះផ្សាយលក់ IPO appeared first on .