ក្រសួងពាណិជ្ជកម្មចិន បានបញ្ជាក់ទៀតថា ក្រោមកិច្ចព្រមព្រៀងនេះ សហរដ្ឋអាមេរិក នឹងផ្តល់ការធានាចំពោះការផ្គត់ផ្គង់គ្រឿងបន្លាស់ និងគ្រឿងបង្គុំម៉ាស៊ីនយន្តហោះដល់ប្រទេសចិន ផងដែរ។

បន្ថែមពីនេះ ភាគីទាំងពីរ ក៏នឹងធ្វើការដើម្បីឆ្ពោះទៅរកបញ្ចប់សង្គ្រាមពន្ធគយ ដែលពួកគេបានព្រមព្រៀងគ្នា កាលពីខែតុលា និងស្វែងរកការកាត់បន្ថយពន្ធលើទំនិញដែលមានតម្លៃ ៣០ពាន់លានដុល្លារ ឬច្រើនជាងនេះ នៅក្នុងប្រភេទទំនិញតែមួយមុខ។

គួរជម្រាបជូនផងដែរថា ការប្រកាសនេះ បានកើតឡើងនៅពេលដែលលោក ស៊ី កំពុងចរចាជាមួយប្រធានាធិបតីរុស្ស៊ី លោក វ្លាឌីមៀ ពូទីន ពោលគឺត្រឹមតែប៉ុន្មានថ្ងៃប៉ុណ្ណោះ បន្ទាប់ពីដំណើរទស្សនកិច្ចរបស់លោក ត្រាំ នៅក្នុងប្រទេសចិន ត្រូវបានបញ្ចប់៕​

The post ចិន បញ្ជាក់ថាខ្លួននឹងទិញយន្តហោះ Boeing ចំនួន ២០០ គ្រឿង បន្ទាប់ពីកិច្ចប្រជុំកំពូលលោក ត្រាំ និងលោក ស៊ី appeared first on .

ជុំវិញកិច្ចព្រមព្រៀងនេះ រួមមានយន្តហោះប្រហែល ២០០ គ្រឿង និងការប្តេជ្ញាចិត្តក្នុងការបញ្ជាទិញរហូតដល់ ៧៥០ គ្រឿង ប្រសិនបើពួកវាដំណើរការបានល្អ ដោយយន្តហោះទាំងនេះនឹងត្រូវប្រើប្រាស់ម៉ាស៊ីនរបស់ក្រុមហ៊ុន GE Aerospace។

ប៉ុន្តែទោះជាយ៉ាងណាក៏ដោយ ព័ត៌មានលម្អិតនៃកិច្ចព្រមព្រៀង ដូចជាប្រភេទយន្តហោះ និងពេលវេលាដឹកជញ្ជូន មិនត្រូវបានបង្ហាញឱ្យដឹងនោះទេ។ ពីមុន នៅថ្ងៃទី១៤ ខែឧសភា លោក ត្រាំ បានថ្លែងតែនៅលើ Fox News ថា ប្រទេសចិនបានយល់ព្រមទិញយន្តហោះ Boeing ចំនួន ២០០ គ្រឿង ពោលគឺជាចំនួនតិចជាង បើធៀបទៅនឹងអ្វីដែលអ្នកវិភាគលើកឡើង នៅមុនពេលមានជំនួបរវាងមេដឹកនាំប្រទេសទាំងពីរ។

យោងតាមការប៉ាន់ស្មានដោយក្រុមហ៊ុនប្រឹក្សាយោបល់អាកាសចរណ៍ IBA ការបញ្ជាទិញយន្តហោះចំនួន ២០០ គ្រឿងនេះ អាចមានតម្លៃប្រហែល ១៧-១៩ពាន់លានដុល្លារ ប្រសិនបើ ៨០% នៃយន្តហោះទាំងនោះជាជាម៉ូដែល 737 MAX។

គួរជម្រាបជូនផងដែរថា កិច្ចព្រមព្រៀងនេះ ក៏នឹងក្លាយជាជ័យជម្នះដ៏សំខាន់សម្រាប់លោក ត្រាំ ដោយសារតែពន្ធនាំចូលដ៏តឹងរ៉ឹង និងគោលនយោបាយពាណិជ្ជកម្មរបស់លោក បានរារាំងការធ្វើពាណិជ្ជកម្មមានទំហំធំៗជាច្រើន ជាមួយប្រទេសចិន អស់រយៈពេលជាយូរមកហើយ៕​

The post លោក ត្រាំ ថាចិននឹងទិញយន្តហោះ Boeing ចំនួន ៧៥០ គ្រឿង មិនមែនត្រឹមតែ ២០០គ្រឿងទេ appeared first on .

យ៉ាងណាមិញ​ ព័ត៌មានលម្អិតនៃកិច្ចព្រមព្រៀងនេះមិនទាន់ត្រូវបានបញ្ជាក់ភ្លាមៗទេ រួមទាំងពេលវេលា និងប្រភេទយន្តហោះដែលនឹងត្រូវបានដឹកជញ្ជូន ស្របពេលចំនួននៃការបញ្ជាទិញនេះ តិចជាងអ្វីដែលធ្លាប់បានត្រូវគេរំពឹងទុក នៅមុនពេលមានកិច្ចប្រជុំរវាងលោក ត្រាំ និងលោក ស៊ី។

មិនតែប៉ុណ្ណោះ ក្រោយការប្រកាសនេះ ភាគហ៊ុនរបស់ក្រុមហ៊្ន Boeing បានធ្លាក់ចុះ ៤,១% ក្នុងអំឡុងពេលទីផ្សារបើកការជួញដូរនៅថ្ងៃព្រហស្បតិ៍។ ការបញ្ជាទិញយន្តហោះ Boeing គឺជាកិច្ចព្រមព្រៀងពាណិជ្ជកម្មមួយក្នុងចំណោមកិច្ចព្រមព្រៀងពាណិជ្ជកម្មជាច្រើនដែលត្រូវបានគេរំពឹងថាជាផ្លូវឈានទៅរកការបញ្ចប់ភាពតានតឹងពាណិជ្ជកម្មរវាងប្រទេសមហាចអំណាចសេដ្ឋកិច្ចទាំងពីរ បន្ទាប់ពី លោក ត្រាំ បានផ្អាកពន្ធគយយ៉ាងច្រើនលើទំនិញចិន ខណៈពេលដែលលោក ស៊ី ក៏បានដកខ្លួនចេញការរឹតបន្តឹងលើការផ្គត់ផ្គង់រ៉ែដ៏កម្រដ៏សំខាន់របស់ខ្លួនផងដែរ។

ជម្រាបជូនផងដែរថា ការបញ្ជាទិញដែលត្រូវបានប្រកាសដោយលោក ត្រាំ នេះ ហាក់ខុសពីអ្វីដែលធ្លាប់បានរំពឹងទុក ដោយចំនួនធ្លាក់ចុះយ៉ាងខ្លាំងពីអ្វីដែលមេដឹកនាំប្រទេសទាំងពីរធ្លាប់បានពិភាក្សាពីពេលមុន សម្រាប់ការបញ្ជាទិញយន្តហោះ Boeing 737 MAX រហូតដល់ទៅ ៥០០​ គ្រឿង បូករួមទាំងយន្តហោះខ្នាតធំដែលមានតម្លៃថ្លៃជាងរាប់សិបគ្រឿងទៀត។ ប្រទេសចិន ក៏ធ្លាប់បានពិភាក្សាសម្រាប់កិច្ចព្រមព្រៀងទំហំស្រដៀងគ្នាជាមួយក្រុមហ៊ុនផលិតយន្តហោះអឺរ៉ុប Airbus ផងដែរ៕​

The post ភាគហ៊ុន Boeing ធ្លាក់ចុះ ៤% ភ្លាមៗ ក្រោយលោក ត្រាំ ប្រកាសថាចិន បញ្ជាទិញយន្តហោះត្រឹម ២០០ គ្រឿង appeared first on .

យ៉ាងណាក៏ដោយយោងតាមប្រភពដដែល បានបង្ហាញឲ្យដឹងថាកិច្ចសន្យាថ្មីនេះ មិនទាក់ទងនឹងការវាយប្រហារតាមផ្លូវអាកាសរបស់សហរដ្ឋអាមេរិក-អ៊ីស្រាអែលលើប្រទេសអ៊ីរ៉ង់ទេ ដោយសារការដឹកជញ្ជូនត្រូវបានគ្រោងទុកសម្រាប់រយៈពេល ៣៦ខែទៀតឯណោះ។

គួរឲ្យដឹងថា កាលពីឆ្នាំមុន ក្រុមហ៊ុន Boeing ទទួលបានកិច្ចសន្យាចំនួន ៨,៦ពាន់លានដុល្លារពីមន្ទីរបញ្ចកោណ ដើម្បីផលិត និងដឹកជញ្ជូនយន្តហោះចម្បាំង F-15 ទៅកាន់អ៊ីស្រាអែល ដែលជាផ្នែកមួយនៃការលក់អាវុធបរទេសរវាងរដ្ឋាភិបាលនានា។

ទន្ទឹមនឹងនេះ​ Reuters បានចុះផ្សាយកាលពីសប្តាហ៍មុនថា រដ្ឋបាលរបស់ប្រធានាធិបតី លោក ដូណាល់ ត្រាំ បានរំលងសភាអាមេរិក ដោយប្រើប្រាស់សិទ្ធិអំណាចបន្ទាន់ ដើម្បីពន្លឿនការលក់គ្រាប់បែកជាង ២០ ០០០ គ្រាប់ទៅឱ្យអ៊ីស្រាអែល ដែលមានតម្លៃប្រហែល ៦៥០ លានដុល្លារ។

ជម្រាបជូនថា សហរដ្ឋអាមេរិក ត្រូវបានគេដឹងជាយូរមកហើយថាជាអ្នកផ្គត់ផ្គង់អាវុធធំជាងគេដល់សម្ព័ន្ធមិត្តជិតស្និទ្ធបំផុតរបស់ខ្លួន នៅក្នុងតំបន់មជ្ឈិមបូព៌ា៕​

The post Boeing ចុះហត្ថលេខាលក់គ្រាប់បែកឆ្លាតវៃតម្លៃជិត ៣០០លានដុល្លារ ទៅឲ្យអ៊ីស្រាអ៊ែល appeared first on .

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល កាលពីថ្ងៃទី៥ ដល់ថ្ងៃទី៩ ខែមករា ឆ្នាំ២០២៦ ក៏បានអញ្ជើញចូលរួមកិច្ចប្រជុំជាមួយក្រុមហ៊ុនផលិតអាកាសយានប៊ូអ៊ីង(Boeing) នៅទីក្រុង Seattle សហរដ្ឋអាម៉េរិក ស្វែងយល់ពីខ្សែច្រវាក់ផលិតកម្មយន្តហោះ និងហេដ្ឋារចនាសម្ព័ន្ធពាក់ព័ន្ធរបស់ Boeing ផងដែរ។ដំណើរអញ្ជើញពិនិត្យនេះ គឺជាគម្រោងមួយនៃគម្រោងពង្រីកវិស័យអាកាសចរណ៍ស៊ីវិលនៅកម្ពុជា។

លោក Michael George DeSombre ឧបការីរដ្ឋមន្ត្រីការបរទេសសហរដ្ឋអាម៉េរិក ទទួលបន្ទុកតំបន់អាស៊ីបូព៌ា និងប៉ាស៊ីហ្វិក ក្នុងឱកាសដំណើរទស្សនកិច្ចរយៈពេលខ្លីមកកាន់រាជធានីភ្នំពេញ ពីពេលថ្មីៗនេះក៏បានប្រកាសស្វាគមន៍ចំពោះការសម្រេចចិត្ត របស់ក្រុមហ៊ុនអាកាសចរណ៍ Air Cambodia ក្នុងការទិញយន្តហោះ Boeing យ៉ាងតិច ១០ គ្រឿង ផងដែរ។ ដែលនេះជាការបង្ហាញពីទំនាក់ទំនងសេដ្ឋកិច្ចរវាងប្រទេសកម្ពុជា និងសហរដ្ឋអាមេរិក ដែលកំពុងកើនឡើង។

លោកឧបនាយករដ្ឋមន្រ្តី ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានឱ្យដឹងកាលពីខែសីហា ឆ្នាំ២០២៥ កន្លងទៅថា កម្ពុជាប្រកាសទិញយន្តហោះ Boeingចំនួន១០គ្រឿងពីសហរដ្ឋអាមេរិក ហើយអាចចរចាទិញបន្ថែម១០គ្រឿងទៀត ស្របពេលកម្ពុជាយកពន្ធសូន្យ លើគ្រប់ទំនិញទាំងអស់របស់អាមេរិក ខណៈអាមេរិកទម្លាក់ពន្ធ ឲ្យកម្ពុជាមកត្រឹម១៩%។ គួរឱ្យដឹងថា ការប្រគល់ជូនលើកដំបូងនូវប្រភេទយន្តហោះ Boeingចំនួន១០គ្រឿងពីសហរដ្ឋអាមេរិក នេះរំពឹងទុកថានឹងត្រូវធ្វើឡើងនៅត្រឹមឆ្នាំ២០៣១។

យន្តហោះ Boeing 737 Max គឺជាយន្ដហោះដ៏ទំនើបរបស់ក្រុមហ៊ុនផលិតយន្ដហោះអាមេរិក នៃត្រកូល Boieng។ យន្តហោះ​ Boeing 737-8 MAX (Boeing 737-800 MAX) ដែលកម្ពុជាបានបញ្ជាទិញលើកដំបូងនេះ គឺជាម៉ូដែលជំនាន់ចុងក្រោយបំផុតមួយ ដែលជាយន្តហោះមានតួខ្លួនតូច ប៉ុន្តែមានសមត្ថភាពខ្ពស់ និងកម្រិតស៊ីសាំងតិច។ យន្តហោះប្រភេទនេះ មានការរចនាឡើងជាពិសេសតាមបែប Boeing Sky Interior។ វាអាចមានតម្លៃប្រហែលចន្លោះពី៩០ទៅ១២០លានដុល្លារ ក្នុងមួយគ្រឿង៕

The post ការទិញយន្តហោះប្រភេទ Boeing 737 MAX របស់អាម៉េរិកជាប្រវត្តិសាស្រ្តថ្មីលើការពង្រីកវិស័យអាកាសចរណ៍ស៊ីវិលកម្ពុជាឱ្យកាន់តែទូលំទូលាយ appeared first on .

នៅក្រោមកិច្ចសន្យាទាំងនេះ យោធាអាមេរិក បានផ្តល់កិច្ចសន្យាមួយដែលមានតម្លៃជិត ៤,៧ពាន់លានដុល្លារ ដល់ Boeing សម្រាប់ការផលិតឧទ្ធម្ភាគចក្រវាយប្រហារ Apache AH-64E ថ្មី រួមទាំងឧទ្ធម្ភាគចក្រហ្វឹកហាត់ Longbow Crew និងឧបករណ៍ពាក់ព័ន្ធផ្សេងទៀត។

លើសពីនេះ កងទ័ពអាកាស ក៏បានផ្តល់កិច្ចសន្យាមានតម្លៃ ២,៤ពាន់លានដុល្លារផ្សេងទៀត ដល់ក្រុមហ៊ុន Boeing សម្រាប់ការផលិតយន្តហោះ Lot 12 Block G081 និងអាជ្ញាប័ណ្ណពាក់ព័ន្ធ។

ជម្រាបជូនផងដែរថា ជុំវិញកិច្ចសន្យាទីមួយ ក្រុមហ៊ុន Boeing ត្រូវបានគេរំពឹងទុកថានឹងបញ្ចប់ នៅចុងខែឧសភា ឆ្នាំ២០៣២ ខណៈពេលដែលកិច្ចសន្យាទីពីរ នឹងត្រូវបញ្ចប់នៅចុងខែមិថុនា ឆ្នាំ២០២៩៕​

The post ក្រសួងការពារអាមេរិក ផ្តល់កិច្ចសន្យាតម្លៃជាង ៧ពាន់លានដុល្លារ ដល់ក្រុមហ៊ុនផលិតយន្តហោះ Boeing appeared first on .

គួរឲ្យដឹងថា លោក ត្រាំ តែងតែបានប្រើប្រាស់យន្តហោះ Boeing នៅក្នុងកិច្ចខិតខំប្រឹងប្រែងដ៏ខ្លាំងក្លារបស់លោក ក្នុងការកែប្រែពាណិជ្ជកម្មពិភពលោកឡើងវិញ ចាប់តាំងពីចូលកាន់តំណែង នៅក្នុងខែមករាមក។

យ៉ាងណាមិញ ដោយនិយាយប្រាប់អ្នកយកព័ត៌មាននៅឯសេតវិមាន លោក ត្រាំបាននិយាយថា ៖”​យើងមានរបស់សំខាន់ៗជាច្រើន រួមទាំងយន្តហោះដែលជារឿងសំខាន់បំផុត។ ពួកគេ (ចិន) មានយន្តហោះ Boeing ជាច្រើន ហើយពួកគេច្បាស់ជាត្រូវការគ្រឿងបន្លាស់ និងផ្នែកជាច្រើននៃយន្តហោះទាំងនោះផងដែរ”។

ជម្រាបជូនថា ជុំវិញការគំរាមរឹតបន្តឹងការនាំចេញគ្រឿងបន្លាស់យន្តហោះរបស់លោក ត្រាំ នេះ ត្រូវបានធ្វើឡើង ចំពេលមានរបាយការណ៍ កាលពីខែសីហាថា ក្រុមហ៊ុន Boeing កំពុងពិចារណាលក់យន្តហោះចំនួន ៥០០ គ្រឿង ទៅឲ្យប្រទេសចិន ដែលជាផ្នែកមួយនៃកិច្ចចរចាពាណិជ្ជកម្មដែលកំពុងបន្តរវាងប្រទេសមហាសអំណាចសេដ្ឋកិច្ចរបស់ពិភពលោកទាំងពីរ៕​

The post លោក ត្រាំ គំរាមថានឹងរឹតបន្តឹងការនាំចេញគ្រឿងបន្លាស់យន្តហោះ Boeing ទៅកាន់ចិន appeared first on .

យោងតាមសេចក្តីថ្លែងការណ៍មួយរបស់ក្រុមហ៊ុនទាំងពីរ បានបង្ហាញឲ្យដឹងថា កិច្ចព្រមព្រៀងនេះ រួមមានយន្តហោះដឹកអ្នកដំណើរប្រភេទ Boeing 787 , 777 និង 737 ។

ប្រធានក្រុមហ៊ុន Korean Air លោក Walter Cho បាននិយាយថា យន្តហោះថ្មីៗទាំងនេះ នឹងមកដល់ក្នុងពេលវេលាដ៏សំខាន់មួយ ដោយវានឹងធ្វើទំនើបកម្មកងហោះហើរជាតិរបស់កូរ៉េខាងត្បូង និងធានាបានថាវានៅតែមានការប្រកួតប្រជែងខ្ពស់ នៅលើទីផ្សារ។

ជម្រាបជូនថា កិច្ចព្រមព្រៀងនេះ ត្រូវបានប្រកាសនៅត្រឹមតែប៉ុន្មានម៉ោងប៉ុណ្ណោះ បន្ទាប់ពីប្រធានាធិបតីកូរ៉េខាងត្បុង លោក Lee Jae Myung បានជួបជាមួយប្រធានាធិបតីអាមេរិក លោក ដូណាល់ ត្រាំ នៅទីក្រុងវ៉ាស៊ីនតោន ដើម្បីពិភាក្សាអំពីពន្ធគយ ១៥% ដែលអាមេរិក ដាក់លើកូរ៉េ ក្នុងខែកក្កដា៕

The post Korean Air ចុះហត្ថលេខាទិញយន្តហោះជាង ១០០​ គ្រឿង តម្លៃ ៣៦ពាន់លានដុល្លារ ពី Boeing appeared first on .

កាលពីថ្ងៃទី២១ ខែសីហា យោងតាមការចុះផ្សាយពីសារព័ត៌មាន Bloomberg បានដកស្រង់ចេញពីប្រភពជិតស្និទ្ធមួយថា ក្រុមហ៊ុនផលិតយន្តហោខ្នាតយក្សអាមេរិក Boeing កំពុងស្ថិតនៅក្នុងដំណើរការចរចាលក់យន្តហោះប្រហែល ៥០០គ្រឿង ទៅឲ្យប្រទេសចិន។ ភាគីទាំងពីនៅតែបន្តពិភាក្សាគ្នាលម្អិតអំពីម៉ូដែល ប្រភេទនៃយន្តហោះ និងពេលវេលាក្នុងការដឹកជញ្ជូន ផងដែរ។

យ៉ាងណាមិញ បន្ទាប់ពីមានព័ត៌មាននេះ ភាគហ៊ុនរបស់ក្រុមហ៊ុន Boeing បានកើនឡើងយ៉ាងខ្លាំង នៅក្នុងការជួញដូរចុងក្រោយរបស់ខ្លួន។ ហើយមិនតែប៉ុណ្ណោះ កិច្ចព្រមព្រៀងនេះ នឹងក្លាយជាកិច្ចព្រមព្រៀង Boeing ដ៏សំខាន់លើកដំបូងរបស់ប្រទេសចិន ចាប់តាំងពីប្រធានាធិបតី លោក ដូណាល់ ត្រាំ បានមកបំពេញទស្សនកិច្ចនៅចិន ក្នុងអំឡុងអាណត្តិដំបូងរបស់លោកមកម្លេះ។

ជម្រាបជូនផងដែរថា​ ការបញ្ជាទិញយន្តហោះបានក្លាយជាចំណុចស្នូលដ៏សំខាន់ នៅក្នុងការចរចាទម្លាក់ពន្ធរបស់ប្រធានាធិបតីលោក ត្រាំ ជាមួយបណ្តាប្រទេសធំៗជាច្រើន។ ។ ក្នុងអំឡុងដំណើរទស្សនកិច្ចទៅកាន់មជ្ឈិមបូព៌ាកាលពីដើមឆ្នាំនេះ ក្រុមហ៊ុន Boeing បានចុះហត្ថលេខាលើការបញ្ជាទិញដ៏ធំបំផុតមួយនៅក្នុងប្រវត្តិសាស្ត្ររបស់ក្រុមហ៊ុន នៅពេលដែលក្រុមហ៊ុន Qatar Airways បានយល់ព្រមទិញយន្តហោះដែលមានតួខ្លួនធំទូលាយចំនួន ១៦០ គ្រឿង ជាមួយនឹងជម្រើសទិញ ៥០ គ្រឿងបន្ថែមទៀត។ ដោយឡែក អារ៉ាប៊ីសាអូឌីត ក៏បានបញ្ជាទិញយន្តហោះ Boeing 737 MAX ចំនួន ២០ គ្រឿង ជាមួយនឹងជម្រើស ១០ គ្រឿង បន្ថែមទៀតផងដែរ៕​

The post ក្រុមហ៊ុន Boeing កំពុងចរចាលក់យន្តហោះ ៥០០ គ្រឿងទៅឲ្យប្រទេសចិន appeared first on .

ក្រុមហ៊ុនអាកាសចរណ៍អាមេរិក ក្នុងត្រីមាសទី២ បានកត់ត្រាប្រាក់ចំណូលចំនួន ២២,៧ពាន់លានដុល្លារ ពោលគឺបានកើនឡើងពីចំនួន ១៦,៨ពាន់លានដុល្លារ ក្នុងរយ:ពេលដូចគ្នា កាលពីឆ្នាំមុន ដែលត្រូវបានជំរុញដោយការកើនឡើងនៃការចែកចាយយន្តហោះពាណិជ្ជកម្មរបស់ខ្លួន ចំនួន ១៥០​គ្រឿង​ បើធៀបនឹងចំនួន ៩២គ្រឿង នៅក្នុងរយ:ពេលដូចគ្នា កាលពីឆ្នាំមុន។

គួរឲ្យដឹងផងដែរថា ជុំវិញការកើននៃប្រាក់ចំណូលនេះ ក៏ត្រូវបានជំរុញដោយកម្មវិធីផលិតយន្តហោះ Boeing 737 ផងដែរ ដោយបានបង្កើនអត្រាផលិតកម្មរបស់ខ្លួនដល់ ៣៨ គ្រឿង ក្នុងមួយខែ ហើយក្រុមហ៊ុនគ្រោងនឹងរក្សាស្ថិរភាពក្នុងអត្រានេះ មុនពេលស្នើសុំការយល់ព្រមពីអាជ្ញាធរអាកាសចរណ៍សហព័ន្ធអាមេរិក ដើម្បីបង្កើនការផលិតដល់ ៤២ ក្នុងមួយខែ នៅចុងឆ្នាំ២០២៥។

សរុបមក ផ្នែកយន្តហោះពាណិជ្ជកម្មរបស់ក្រុមហ៊ុន Boeing មានការរីកចម្រើនគួរឲ្យយកត់សម្គាល់ នៅក្នុងត្រីមាសទីពីរ និងឆមាសទីមួយនៃឆ្នាំ២០២៥ នេះ​ បើប្រៀបធៀបទៅនឹងឆ្នាំមុន។ ការដឹកជញ្ជូននៅក្នុងឆមាសទីពីរ បានកើនឡើង ៦៣% ដល់ចំនួន ១៥០ យន្តហោះ ដែលបង្កើនប្រាក់ចំណូល ៨១% ដល់ ១០,៨ពាន់លានដុល្លារ៕

The post ក្រុមហ៊ុន Boeing កត់ត្រាប្រាក់ចំណូលប្រចាំត្រីមាសទី២ កើនឡើងជាង ២២ពាន់លានដុល្លារ appeared first on .