យោងតាមរបាយការណ៍របស់គេហទំព័រ MacRumors បានបង្ហាញថា Apple អាចផ្លាស់ប្តូរយុទ្ធសាស្រ្តរបស់ខ្លួន សម្រាប់ត្រកូល iPhone 18 ដោយដាក់ម៉ូដែលស្តង់សាររបស់ខ្លួន ឲ្យស្ថិតនៅកម្រិតទាបជាង បើធៀបទៅនឹងម៉ូដែលស្តង់ដារបស់ iPhone ជំនាន់។

ជុំវិញការផ្លាស់ប្តូរនេះ ត្រូវបានគេដឹងថានឹងជួយ Apple រក្សាតម្លៃទាបជាងមុន សម្រាប់មូដែលមូលដ្ឋាន ខណៈពេលដែលកំពុងមានការកើនឡើងខ្លាំងនៃថ្លៃដើមផលិតសម្រាប់បន្ទះឈីប និងអង្គចងចាំ ។

យោងតាម MacRumors បានបង្ហាញឲ្យដឹងទៀតថា Apple អាចនឹងបន្ទាបកម្រិតល្បឿននៃបន្ទះឈីបដែលត្រូវបំពាក់លើ iPone 18 ដោយកាត់បន្ថយចំនួនស្នូល CPU នៅក្នុងម៉ូដែលស្តង់ដារ ហើយក៏អាចប្រើអង្គចងចាំយឺតជាងមុន ផងដែរ។

មិនតែប៉ុណ្ណោះ iPhone 18 ក៏អាចនឹងមានកម្រិតអេក្រង់ទាបជាងមុនផងដែរ បើធៀបទៅនឹងម៉ូដែល 17 កាលពីឆ្នាំមុន ដែលមានកម្រិតអេក្រង់ទំហំ ៦,៣ អ៊ីញ ជាមួយនឹងការគាំទ្រ ProMotion និងអាចជះពន្លឺបានរហូតដល់ ៣ ០០០ nits។

ជម្រាបជូនផងដែរថា នេះគ្រាន់តែជាការប៉ាន់ស្មានដំបូងរបស់អ្នកវិភាគប៉ុណ្ណោះ ខណៈកាលវិភាគនៃការដាក់ចេញបង្ហាញ iPhone ជំនាន់ថ្មីរបស់ក្រុមហ៊ុន Apple នៅឆ្នាំនេះ នឹងត្រូវដឹងនៅក្នុងខែកញ្ញាខាងមុខ ៕​

The post iPhone 18 អាចនឹងចេញមកជាមួយលក្ខណៈសម្បត្តិអន់ជាងមុន បើធៀបទៅនឹង iPhone 17 appeared first on .

ប្រភពដដែលបានបង្ហាញឲ្យដឹងទៀតថាស៊េរី iPhone 17 ទាំងបីម៉ូដែលរបស់ Apple បានគ្រប់គ្រងតំណែងជាស្មាតហ្វូនលក់ដាច់ច្រើនជាងគេបំផុត សម្រាប់ត្រីមាសនោះ។

យ៉ាងណាមិញ​ ក្រុមហ៊ុន Samsung ជាប់ចំណាត់ថ្នាក់លេខពីរ ជាមួយនឹងស្មាតហ្វូនចំនួន ៤ ម៉ូដែលរបស់ខ្លន ក្នុងនោះរួមមាន Galaxy A56 បន្ទាប់មកគឺ Galaxy A36 និង Galaxy A07 ។

ទន្ទឹមនឹងនេះ​ Xiaomi គឺជាក្រុមហ៊ុនដែលមានស្មាតហ្វូនរបស់ខ្លួនតែមួយគត់ ជាប់នៅក្នុងចំណាត់ថ្នាក់ នោះគឺ Redmi A5 ស្ថិតនៅលំដាប់ទីប្រាំបួន។

ជារួម ស្មាតហ្វូនកំពូលទាំង១០ មានចំនួន ២៣% នៃការលក់ទូទាំងពិភពលោក ក្នុងត្រីមាសទី៤ ឆ្នាំ២០២៥ ដោយ iPhone 17 Pro Max តែមួយរួមចំណែករហូតដល់ទៅ ៥% ៕​

The post iPhone 17 Pro Max ជាប់ឈ្មោះជាស្មាតហ្វូនលក់ដាច់បំផុតលើពិភពលោក ក្នុងត្រីមាសទី៤ ឆ្នាំមុន appeared first on .

ប្រភពដដែលបានបង្ហាញឲ្យដឹងទៀតថា ក្រុមហ៊ុន Appel កំពុងខិតជិតក្លាយជាក្រុមហ៊ុនទី៣ ក្នុងពិភពលោកដែលអាចឈានដល់តម្លៃទីផ្សារ ៤ទ្រីលានដុល្លារ បន្ទាប់ពីទិន្នន័យពីក្រុមហ៊ុនស្រាវជ្រាវ Counterpoint បានបង្ហាញថា ទូរស័ព្ទ iPhone 17 ស៊េរីមានដំណើរការជាងទូរស័ព្ទជំនាន់មុនរបស់ខ្លួន ក្នុងការលក់ដំបូងនៅក្នុងប្រទេសចិន និងសហរដ្ឋអាមេរិក។

ជាមួយគ្នាននេះ ភាគហ៊ុនរបស់ក្រុមហ៊ុន Apple ក៏បានកើនឡើង ៤,២% ផងដែរ ដល់ ២៦២,៩ដុល្លារ ក្នុងមួយហ៊ុន ដែលជំរុញឲ្យតម្លៃមូលធនទីផ្សាររបស់ក្រុមហ៊ុនឈានដល់ចំនួនប្រហែល ៣,៩ទ្រីលានដុល្លារ និងធ្វើឲ្យពួកគេក្លាយជាក្រុមហ៊ុនដែលមានតម្លៃទីផ្សារថ្លៃបំផុតទីពីរនៅលើពិភពលោក បន្ទាប់ពីក្រុមហ៊ុនបន្ទះឈីប Nvidia។

ជម្រាបជូនថា ក្រុមហ៊ុន Apple បានដាក់បង្ហាញនូវទូរស័ព្ទ iPhone ជំនាន់ថ្មីរបស់ខ្លួន កាលពីក្នុងខែកញ្ញា ជាមួយនឹងមុខងារថ្មីៗ រួមទាំង iPhone Air ស្តើងជាងមុន និងរក្សាតម្លៃថេរ បើទោះបីជាមានការព្រួយបារម្ភអំពីពន្ធគយរបស់សហរដ្ឋអាមេរិកក៏ដោយ៕​

The post តម្លៃទីផ្សារ Apple កើនឡើងជិតដល់ ៤ទ្រីលានដុល្លារ ដោយសារតម្រូវការ iPhone 17 ខ្ពស់ខ្លាំង appeared first on .

យោងតាមការបង្ហោះមួយនៅលើបណ្តាញសង្គមចិន Xiaohoungshuo បានបង្ហាញថា ថៅកែក្រុមហ៊ុនចិន Mediastorm លោក Tim Pan នឹងចែកជូនបុគ្គលិករបស់ខ្លួន នូវទូរស័ព្ទ iPhone 17 Pro Max ជំនាន់ចុងក្រោយ ម្នាក់មួយគ្រឿង។

ការចែកអំណាយឲ្យគួរឲ្យភ្ញាក់ផ្អើលនេះ ត្រូវបានធ្វើឡើង បន្ទាប់ពីការប្រកាសចេញជាផ្លូវការនៃទូរស៍ព្ទជំនាន់ចុងក្រោយរបស់ក្រុមហ៊ុន Apple គឺ iPhone 17 កាលពីថ្ងៃទី១០ ខែកញ្ញា ជាមួយនឹងម៉ូដែល Pro Max មានតម្លៃប្រមាណ ១ ៨៩៩ដុល្លារ។

ទន្ទឹមនឹងនេះ​ លោក Pan បាននិយាយទៀតថា ៖” iPhone 17 ទើបតែបញ្ចេញ។ ហើយវារឿងធម្មតាទេ ដែលអ្នកគ្រប់គ្នានៅក្នុងក្រុមហ៊ុន នឹងទទួលបាន iPhone 17 Pro Max ម្នាក់មួយគ្រឿង មិនថាអ្នកហាត់ការ ឬទើបតែចូលរួមជាមួយក្រុមហ៊ុននោះឡើយ”។

ជម្រាបជូនផងដែរថា នេះមិនមែនជាលើកទីមួយនោះនោះឡើយ ដោយកាលពីឆ្នាំមុន លោក Pan ក៏បានផ្តល់ទូរស័ព្ទ iPhone 16 Pro និង Apple Watch Series 10 ដល់បុគ្គលិកប្រហែលមួយរយនាក់នៅក្នុងក្រុមហ៊ុនរបស់ខ្លួន ផងដែរ។ នេះបើយោងតាមការចុះផ្សាយពីសារព័ត៌មាន Nextshark៕​

The post ថៅកែក្រុមហ៊ុនធំមួយនៅចិន ប្រកាសជូនទូរស័ព្ទ iPhone 17 ទើបចេញថ្មី ដល់បុគ្គលិកទាំងអស់ appeared first on .

យ៉ាងណាមិញ ប្រទេសទាំងបីនេះ ក៏នឹងចូលរួមជាមួយទីផ្សារចំនួន ៦៣ ផ្សេងទៀត ដែលនឹងទទួលបានការចែកចាយ iPhone មុនគេ រួមទាំងប្រទេសអូស្ត្រាលី កាណាដា ចក្រភពអង់គ្លេស បារាំង អាល្លឺម៉ង់ ចិន ឥណ្ឌា ជប៉ុន កូរ៉េខាងត្បូង ម៉ាឡេស៊ី និងថៃ ។

គួរឲ្យដឹងផងដែរថា ក្រុមហ៊ុនបច្ចេកវិទ្យាខ្នាតយក្សអាមេរិកនេះ ជាធម្មតាផ្តល់អទិភាពចម្បងដល់ប្រទេស ដែលមានហាង Apple Store ជាផ្លូវការប៉ុណ្ណោះ សម្រាប់ការចែកចាយដំបូង ខណៈពេលដែលវៀតណាម បច្ចុប្បន្នមានតែហាងអនឡាញផ្លូវការប៉ុណ្ណោះ។

តែទោះជាយ៉ាងណាក៏ដោយ កំណើននៃការលក់ដ៏ខ្លាំងក្លា ក្នុងពេលប៉ុន្មានឆ្នាំថ្មីៗនេះ បានធ្វើឲ្យប្រទេសវៀតណាម ក្លាយជាទីផ្សារដ៏សំខាន់បំផុតមួយរបស់ Apple នៅក្នុងតំបន់អាស៊ីអាគ្នេយ៍។

ជម្រាបជូនផងដែរថា កាលពីរាត្រីថ្ងៃទី១០ Apple បានប្រកាសចេញនូវទូរស័ព្ទ iPhone 17 ស៊េរីរបស់ខ្លួន ដោយមកជាមួយម៉ូដែលធម្មតា Pro , Pro Max និងបន្ថែមជាមួយនឹងម៉ូដែលថ្មីមួយផ្សេងទៀត គឺ iPhone Air។

នៅលើទីផ្សារ iPhone 17 ចាប់ផ្តើមពីតម្លៃ ៧៩៩ដុល្លារ iPhone 17 Pro មានតម្លៃចាប់ពី ១០៩៩ដុល្លារ ខណៈ iPhone 17 Pro Max មានតម្លៃ ១១៩៩ដុល្លារ និង iPhone Air តម្លៃចាប់ពី ៩៩៩ដុល្លារ៕

The post វៀតណាម ស្ថិតក្នុងចំណោមទីផ្សារដែល Apple បញ្ចេញលក់ iPhone 17 ដំបូងគេបង្អស់ appeared first on .

សេវាសន្តិសុខសហព័ន្ធរបស់រុស្ស៊ី (FSB) បាននិយាយនៅក្នុងខែមិថុនា ឆ្នាំ២០២៣ ថា ខ្លួនបានរកឃើញប្រតិបត្តិការចារកម្មរបស់អាមេរិក នៅក្នុងផលិតផលរបស់ក្រុមហ៊ុនបច្ចេកវិទ្យាខ្នាតយក្សមួយនេះ រហូតឈានដល់ការបំផ្លាញទូរស័ព្ទ iPhone រាប់ពាន់គ្រឿង។

ទន្ទឹមនឹងនេះ កាសែត Kommersant កាលពីឆ្នាំមុន ក៏បានរាយការណ៍ផងដែរថា វិមានក្រឹមឡាំង បានប្រាប់មន្ត្រីពាក់ព័ន្ធរបស់ខ្លួនដែលត្រៀមរៀបចំសម្រាប់ការបោះឆ្នោតប្រធានាធិបតីរុស្ស៊ីឆ្នាំ២០២៤ ឲ្យឈប់ប្រើប្រាស់ iPhone ដោយសារតែបារម្ភថាឧបករណ៍ទាំងនោះ ងាយនឹងបង្ករជា​ហានិភ័យ​សម្រាប់ផ្តល់ការសំងាត់ដល់ប្រទេសលោកខាងលិច។

ប៉ុន្តែទោះជាយ៉ាងណាក៏ដោយ យោងតាមរបាយការណ៍ចុងក្រោយមួយ បានបង្ហាញឲ្យដឹងថា តម្លៃនៃកិច្ចសន្យាដែលពាក់ព័ន្ធនឹងទូរស័ព្ទ iPhones សម្រាប់ត្រីមាសដំបូងនៃឆ្នាំនេះ មានចំនួនដល់ ៦,៩លានរូបល (ប្រមាណជាង ៧ម៉ឺនដុល្លារ) ពោលគឺកើនឡើងពី ១,៦លានរូបល ពីឆ្នាំមុន។

យ៉ាងណាមិញ សម្រាប់ទូរស័ព្ទ iPhone 16 ដែលជាជំនាន់ចុងក្រោយបំផុតរបស់ Apple ត្រូវបានគេដឹងថា នៅតែបន្តដាក់លក់ និងមានតម្រូវការខ្ពស់ នៅក្នុងប្រទេសរុស្ស៊ី បើទោះបីជាក្រុមហ៊ុន Apple បានបញ្ឈប់ការនាំចេញផលិតផលរបស់ខ្លួនទៅកាន់ប្រទេសនេះ ជុំវិញជម្លោះនៅអ៊ុយក្រែនក៏ដោយ៕

The post ការលក់ទូរស័ព្ទ iPhone នៅរុស្ស៊ីបន្តកើនឡើងខ្ពស់ ទោះបីមានការព្រួយបារម្ភអំពីបញ្ហាសុវត្ថិភាព appeared first on .

បើតាមការគណនាដោយផ្អែកលើទិន្នន័យពី​បណ្ឌិត្យ​សភាបច្ចេកវិទ្យាព័ត៌មាន និងទំនាក់ទំនងរបស់ប្រទេសចិន (CAICT) បានបង្ហាញថា ក្នុងអំឡុងខែសីហា ការលក់ទូរស័ព្ទរបស់ម៉ាកយីហោបរទេស នៅក្នុងប្រទេសចិន បានធ្លាក់ចុះមកនៅត្រឹម ១,៨៧ លានគ្រឿងប៉ុណ្ណោះ ពោលគឺធ្លាក់ចុះពីចំនួន ២,១៤ លានគ្រឿង កាលពីឆ្នាំមុន។

មិនតែប៉ុណ្ណោះ ទិន្នន័យរបស់ CAICT ក៏បានបង្ហាញឲ្យដឹងទៀតផងដែរថា ការលក់ទូរស័ព្ទសរុបនៅក្នុងប្រទេសចិន បានកើនឡើង ២៦,៧% បើធៀបនឹងឆ្នាំមុន ដល់ចំនួនជាង ២៤ លានគ្រឿង នៅក្នុងខែសីហា។

ជម្រាបជូនផងដែរថា ការធ្លាក់ចុះនៃការលក់ទូរស័ព្ទប្រេនបរទេសនេះបានកើតឡើង ចំពេលសន្ទុះនៃការគាំទ្រប្រេនក្នុងស្រុកមានការកើនឡើងខ្លាំង ដោយកាលពីសប្តាហ៍មុន ការបញ្ជាទិញសម្រាប់ទូរស័ព្ទបត់អេក្រង់ ៣តង់ Mate XT របស់ក្រុមហ៊ុន Huawei បានឡើងលើសពី ៦,៥ លានគ្រឿង ដែលស្ទើរតែកើនឡើងទ្វេដងនៃស្មាតហ្វូនដែលអាចបត់បាន ដែលមានចំនួនប្រហែល ៣,៩ លានគ្រឿង នៅក្នុងត្រីមាសទីពីរនៃឆ្នាំនេះ។ នេះបើយោងតាមក្រុមហ៊ុនប្រឹក្សា IDC៕

The post ការលក់ទូរស័ព្ទ iPhone នៅចិន ធ្លាក់ជិត ១៣% ខណ:ពលរដ្ឋងាកមកគាំទ្រប្រេនក្នុងស្រុកជំនួស appeared first on .

សេចក្តីប្រកាសមួយដែលចេញដោយនាយកប្រតិបត្តិរបស់ក្រុមហ៊ុន Mediastorm អំពីការចែកទូរស័ព្ទទំនើបដល់បុគ្គលិករបស់ខ្លួននេះ បានផ្ទុះឡើងយ៉ាងខ្លាំងនៅលើបណ្តាញសង្គមចិន ដែលមានអ្នកចូលមើលជិត ១៤ លានដង ក្នុងរយៈពេលត្រឹមមួយថ្ងៃ។

ការចែកអំណោយដ៏គួរឲ្យភ្ញាក់ផ្អើលនេះ ត្រូវបានធ្វើឡើងបន្ទាប់ពីការប្រកាសចេញជាផ្លូវការនៃទូរស័ព្ទជំនាន់ចុងក្រោយ iPhone 16 របស់ក្រុមហ៊ុន Apple កាលពីថ្ងៃទី១០ ខែកញ្ញា ជាមួយនឹងម៉ូដែល Pro ដែលមានតម្លៃចាប់ពី ៩៩៩ដុល្លារ នៅក្នុងទីផ្សារសហរដ្ឋអាមេរិក។

ជម្រាបជូនថា នេះមិនមែនជាលើកទីមួយទេដែលក្រុមហ៊ុន Mediastorm ផ្តល់រង្វាន់ជូនដល់បុគ្គលិករបស់ខ្លួន ជាមួយនឹងអំណោយដ៏មានតម្លៃបែបនេ ខណ:បើយោងតាមសារព័ត៌មាន China Press បានឲ្យដឹងថាក្រុមហ៊ុននេះ ក៏ធ្លាប់បានប្រគល់ទូរស័ព្ទ iPhone ម៉ូដែលចុងក្រោយបំផុតនៅក្នុងឆ្នាំមុនៗ ដូចជាកាករផ្តល់ iPhone 14 Pro នៅឆ្នាំ២០២២ និង iPhone 15 Pro នៅឆ្នាំ២០២៣ កន្លងទៅផងដែរ៕

The post ក្រុមហ៊ុនធំមួយនៅចិន ប្រកាសជូនកាដូទូរស័ព្ទ iPhone 16 Pro ដល់បុគ្គលិកខ្លួនជាង ១០០ នាក់ appeared first on .

តម្លៃទូរស័ព្ទ iPhone 16 Plus ដែលលក់នៅលើផ្លេតហ្វម PDD បានបញ្ចុះតម្លៃ ១០% ពីតម្លើម ៩ ៩៩៩យ៉ន់ មកនៅត្រឹម ៨ ៩៩៩ យ៉ន់ ឬប្រហែល ១២៧០ដុល្លារ ស្របពេលទូរស័ព្ទម៉ូដែល iPhone 16 ក៏លក់បញ្ចុះតម្លៃ ១១% ថែមទៀត។

មូលហេតុដែលក្រុមហ៊ុន Apple ចាប់ផ្ដើមដាក់យុទ្ធសាស្ត្របញ្ចុះតម្លៃ លើប្រភេទទូរស័ព្ទម៉ូដែលចុងក្រោយរបស់ខ្លួន គឺដោយសារសន្ទុះនៃការលក់ទូរស័ព្ទនេះ មានទាបជាងឆ្នាំមុនៗជាខ្លាំង ពោលការបញ្ជាទិញទូរស័ព្ទ iPhone 16 មានតិចជាង iPhone 15 ដល់ទៅ ១២% ឯណោះ។

សូមជម្រាបដែរថា ចិនគឺជាទីផ្សារធំបំផុតមួយរបស់ក្រុមហ៊ុន Apple ក៏ប៉ុន្តែប៉ុន្មានឆ្នាំចុងក្រោយ ស្ថិតិលក់ទូរស័ព្ទនៅទីនោះ ហាក់ជួបប្រទះភាពរាំងស្ទះ ជាពិសេសគឺគូប្រជែងក្នុងស្រុក ដូចជាក្រុមហ៊ុន Huawei ដែលទើបបញ្ចេញនូវទូរស័ព្ទ បត់បាន ៣តង់ដំបូងបង្អស់លើលោក និងទទួលបានការគាំទ្រខ្លាំងពីប្រជាពលរដ្ឋក្នុងស្រុក៕

The post Apple ប្រកាសលក់ទូរស័ព្ទ iPhone 16 បញ្ចុះតម្លៃខ្លាំងលើទីផ្សារស្រុកចិន appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ការបញ្ជាទិញទូរស័ព្ទ iPhone 16 Pro និង iPhone 16 Pro Max គឺមានការធ្លាក់ចុះខ្លាំងរហូតដល់ ២៧% និង ១៦% បើធៀបនឹងជំនាន់ទូរស័ព្ទ iPhone 15 Pro និង iPhone 15 Pro Max។​

ទន្ទឹមនឹងនោះ អ្នកជំនាញបានអះអាងថា ការថយចុះនៃការបញ្ជាទិញទូរស័ព្ទម៉ូដែលចុងក្រោយ របស់ក្រុមហ៊ុន Apple គឺបណ្ដាលមកពីកត្តាតម្លៃ និងមិនមានភាពថ្មីប្លែកច្រើន ខុសពីម៉ូដែល iPhone 15 Pro Max។

សូមជម្រាបដែរថា ថ្វីបើការបញ្ជាទិញមានការថយចុះ ក៏ប៉ុន្តែអតិថិជននឹងទទួលបាននូវទូរស័ព្ទ iPhone 16 Pro និង iPhone 16 Pro Max លឿនជាងការបញ្ជាទិញមុនៗ ដ្បិតក្រុមហ៊ុនអះអាងថា ការដឹកជញ្ជូននឹងមានរយៈពេលត្រឹម ១៤ថ្ងៃប៉ុណ្ណោះ៕

The post ភាគហ៊ុន Apple ធ្លាក់ថ្លៃខ្លាំង ក្រោយតម្រូវការ iPhone 16 Pro មានទាបជាងការរំពឹងទុក appeared first on .