យោងតាមទស្សនាវដ្តី Forbes បានបង្ហាញថាភាគហ៊ុនរបស់ Meta បានកើនឡើង ៤,៥% ដែលជាការកើនឡើងខ្ពស់បំផុតប្រចាំឆ្នាំ។ ការកើនឡើងបានធ្វើឲ្យលោក Mark វ៉ាដាច់ស្ថាបនិកក្រុមហ៊ុន Dell Technologies ដែលមានទ្រព្យសម្បត្តិចំនួនសរុប ២៦៥,៥ពាន់លានដុល្លារ។

គួរឲ្យដឹងថាការផ្លាស់ប្តូរនេះបានបន្តកំណើនយ៉ាងឆាប់រហ័សសម្រាប់លោក Mark Zuckerberg ដោយសារវិនិយោគិនបានសម្តែងការគាំទ្រយ៉ាងខ្លាំងចំពោះការរុញច្រានរបស់ក្រុមហ៊ុន Meta ចូលទៅក្នុងវិស័យបច្ចេកវិទ្យាបញ្ញាសិប្បនិម្មិត (AI)។

ជម្រាបជូនថា ការឡើងតំណែងរបស់លោក Mark នេះ បានកើតឡើងត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីលោក Dell បានក្លាយជាបុគ្គលមានបំផុតទី២ លើពិភពលោកក្នុងរយៈពេលខ្លី។ លោក Dell បានឡើងដល់ចំណាត់ថ្នាក់ទី៣ ជាលើកដំបូងនៅថ្ងៃទី៨ ខែកញ្ញា មុនពេលទម្លាក់លោក Larry Page ដែលជាស្ថាបនិកម្នាក់របស់ Google មួយថ្ងៃក្រោយមកដើម្បីឈរនៅចំណាត់ថ្នាក់ទី២ នៅពេលដែលទ្រព្យសម្បត្តិរបស់លោកបានកើនឡើងដល់ ២៧៣,២ពាន់លានដុល្លារ៕

The post មេធំ Meta វ៉ាដាច់ស្ថាបនិកក្រុមហ៊ុន Dell ឡើងតំណែងជាមហាសេដ្ឋីមានបំផុតទី៤ លើលោក appeared first on .

ទន្ទឹមនឹងនេះ យោងតាមការចុះផ្សាយរបស់សារព័ត៌មានហិរញ្ញវត្ថុ Moneycontrol បានបង្ហាញថា លោក Mark បានសុំទោសចំពោះវត្តមាននៃខ្លឹមសារមិនសមរម្យ ក៏ដូចជាខ្លឹមសារ Deepfake និងកំហុសបច្ចេកទេសនៅលើវេទិកាសង្គមរបស់ Meta ដែលខ្លួនមិនអាចគ្រប់គ្រងបាន និងបានជះផលអវិជ្ជមាននៅក្នុងប្រទេសឥណ្ឌា។

យ៉ាងណាមិញ ការចុះផ្សាយនេះបានបន្ថែមទៀតថា ការសុំទោសរបស់លោក Mark នេះត្រូវបានធ្វើឡើងក្នុងអំឡុងពេលកិច្ចប្រជុំរវាងនាយកប្រតិបត្តិ Meta និងមន្ត្រីរដ្ឋាភិបាលឥណ្ឌាកាលពីថ្ងៃអង្គារ។ ក្រុមហ៊ុន Meta មានកម្មវិធីប្រព័ន្ធផ្សព្វផ្សាយសង្គមសំខាន់ៗរួមមាន Facebook និង Instagram ជាដើម។

គួរជម្រាបជូនផងដែរថា កាលពីខែកក្កដា រដ្ឋាភិបាលឥណ្ឌាបានបញ្ជាឱ្យ Meta លុបចោលការផ្សាយពាណិជ្ជកម្ម និងខ្លឹមសារដែលពាក់ព័ន្ធនឹងការរំលោភបំពានផ្លូវភេទកុមារនៅលើ Instagram។ រដ្ឋាភិបាលប្រទេសនេះ ក៏បានស្វែងរកការពន្យល់ពី Meta ក្នុងរយៈពេលប្រាំពីរថ្ងៃ អំពីរបៀបដែលការផ្សាយពាណិជ្ជកម្មដែលមានខ្លឹមសារបែបនេះ ត្រូវបានអនុញ្ញាតនៅលើវេទិកាប្រព័ន្ធផ្សព្វផ្សាយសង្គមរបស់ពួកគេផងដែរ៕

The post មហាសេដ្ឋី Mark Zuckerberg ចេញមុខសុំទោសរដ្ឋាភិបាលឥណ្ឌា ជុំវិញកំហុសបច្ចេកទេសរបស់ Meta appeared first on .

យ៉ាងណាមិញ ជុំវិញភាពចម្រូងចម្រាសនេះ បានកើតឡើងនៅថ្ងៃទី២៨ ខែកក្កដា នៅពេលដែលវីដេអូរបស់នាយករដ្ឋមន្ត្រី លោក Modi កំពុងថ្លែងផ្ញើសារទៅកាន់យុវជនឥណ្ឌា ដែលបានបង្ហោះនៅលើបណ្តាញសង្គម Facebook ប្រាំថ្ងៃមុន ស្រាប់តែបាត់ទៅវិញ។ អ្នកប្រើប្រាស់ដែលព្យាយាមចូលមើលវាត្រូវបានគេជូនដំណឹងថាខ្លឹមសារនេះត្រូវបានដាក់កម្រិតនៅក្នុងប្រទេសឥណ្ឌា ដោយសារតែតម្រូវការផ្នែកច្បាប់។

គួរឲ្យដឹងថាវីដេអូនោះ មានគោលបំណងដើម្បីបន្ធូរបន្ថយមតិសាធារណៈនៅក្នុងប្រទេសឥណ្ឌា ចំពេលមានរឿងអាស្រូវនៃការលេចធ្លាយវិញ្ញាសារប្រឡងថ្នាក់ជាតិ។ លោក Modi បានសន្យាថានឹងរឹតបន្តឹងវិធានការសន្តិសុខប្រឡង និងធ្វើឱ្យអ្នកដែលទទួលខុសត្រូវ ត្រូវទទួលខុស ហើយបានប្រកាសថាលោកបានដឹកនាំការអភិវឌ្ឍគម្រោង “តុលាការរហ័ស” មួយ ដើម្បីដោះស្រាយបុគ្គលដែលរំលោភបំពានលើច្បាប់។

ប៉ុន្តែ នៅត្រឹមតែប៉ុន្មានម៉ោងបន្ទាប់ពីវីដេអូនោះបានចេញផ្សាយ ស្រាប់តែបានបាត់ចេញ ហើយក្រោយមក Meta បានស្ដារវាឡើងវិញ ហើយបានពន្យល់ថាវាជាកំហុសបច្ចេកទេស។ តែទោះជាយ៉ាងណាក៏ដោយ ក្រសួងអេឡិចត្រូនិច និងបច្ចេកវិទ្យាព័ត៌មានឥណ្ឌានៅតែទាមទារការពន្យល់ជាលាយលក្ខណ៍អក្សរពី Meta និងស្នើឲ្យមានការចេញមុខសុំទោសពីសំណាក់នាយកប្រតិបត្តិ លោក Mark Zuckerberg ផងដែរ។

ជម្រាបជូនថា នេះមិនមែនជាលើកទីមួយទេដែល Meta ជាប់ពាក់ព័ន្ធនឹងភាពចម្រូងចម្រាសជាមួយរដ្ឋាភិបាលឥណ្ឌា។ កន្លងមក លោក Mark ក៏ធ្លាប់បានចេញមុខសុំទោសផងដែរ ពាក់ព័ន្ធនឹងការបោះឆ្នោតឆ្នាំ២០២៤ នៅក្នុងប្រទេសឥណ្ឌា។ បច្ចុប្បន្ន ឥណ្ឌាគឺជាទីផ្សារធំបំផុតរបស់ Meta ដែលមានអ្នកប្រើប្រាស់ Facebook ជាង ៣៦២ លាននាក់ អ្នកប្រើប្រាស់ Instagram ៥០១ លាននាក់ និងអ្នកប្រើប្រាស់ WhatsApp ៨៣៧ លាននាក់៕​

The post ឥណ្ឌា ទាមទារឲ្យមេធំ Facebook ចេញមុខសុំទោសជុំវិញការលុបវីដេអូនាយករដ្ឋមន្ត្រី Modi ចេញ appeared first on .

យោងតាម Forbes បានបង្ហាញថាភាគហ៊ុនរបស់ក្រុមហ៊ុន Dell Technologies បានធ្លាក់ចុះ ៣,៣% កាលពីដើមសប្តាហ៍នេះ ដែលជាការបន្តធ្លាក់ចុះ ៨,៨% កាលពីសប្តាហ៍មុន។

ការធ្លាក់ចុះនេះបានកាត់បន្ថយលុយប្រហែល ២ពាន់លានដុល្លារពីទ្រព្យសម្បត្តិសរុបរបស់លោក Dell មកនៅត្រឹម ២២១,១ពាន់លានដុល្លារ ខណៈដែលធ្វើឲ្យលោក Mark Zuckerberg ហក់មកឈរលើវិញ ដែលមានទ្រព្យសម្បត្តិសរុបប្រមាណជាង ២២២ពាន់លានដុល្លារ។

គួរជម្រាបជូនផងដែរថា មហាសេដ្ឋីកំពូលទាំងពីររូបនេះ តែងតែផ្លាស់ប្តូរចំណាត់ថ្នាក់គ្នាជាញឹកញាប់ ដោយកាលពីចុងខែឧសភា លោក Dell បានវ៉ាដាច់លោក Mark ដើម្បីក្លាយជាអ្នកមានលំដាប់ទីប្រាំមួយរបស់ពិភពលោក បន្ទាប់ពីការកើនឡើងនៃភាគហ៊ុនរបស់ក្រុមហ៊ុន Dell Technologies ដែលបានបន្ថែមទឹកប្រាក់ប្រហែល ៣៥,៨ពាន់លានដុល្លា ទៅក្នុងទ្រព្យសរុបរបស់លោកក្នុងរយៈពេលតែមួយថ្ងៃ៕​

The post មេធំ Meta វ៉ាដាច់មេធំក្រុមហ៊ុន Dell ឡើងតំណែងជាអ្នកមានដាច់គេទី៥ នៅលើលោក appeared first on .

យោងតាមការចុះផ្សាយដាច់ឡែកមួយពី Bloomberg បានឲ្យដឹងថា ក្រុមហ៊ុន Meta បានជូនដំណឹងពីការបញ្ឈប់បុគ្គលិកទ្រង់ទ្រាយធំមួយ កាលពីថ្ងៃទី២០ ខែឧសភា​ ដោយចាប់ផ្តើមពីការិយាល័យនៅប្រទេសសិង្ហបុរីមុនគេ និងនៅកន្លែងផ្សេងទៀតទូទាំងពិភពលោក។

យ៉ាងណាមិញ​ នៅក្នុងសារមួយដែលផ្ញើទៅកាន់បុគ្គលិក នៅថ្ងៃពុធ និងត្រូវបានបានបង្ហោះដោយ Business Insider លោក Mark បានសម្តែងការថ្លែងអំណរគុណដល់បុគ្គលិកដែលចាកចេញ និងបានព្យាយាមធានាដល់អ្នកដែលនៅសេសសល់។

លោកបានសរសេរថា ៖” វាតែងតែជារឿងគួរឱ្យសោកស្ដាយក្នុងការនិយាយលាទៅកាន់មនុស្សដែលបានចូលរួមចំណែកក្នុងបេសកកម្មរបស់យើង និងក្នុងការកសាងក្រុមហ៊ុននេះ។ ខ្ញូំមានអារម្មណ៍ថាមានសម្ពាធខ្លាំងណាស់ចំពោះរឿងទាំងនោះ”។

មិនតែប៉ុណ្ណោះ លោក Mark ក៏បានអះអាងផងដែរថា លោកមិនរំពឹងថានឹងមានការបញ្ឈប់បុគ្គលិកបន្ថែមទៀតរបស់ក្រុមហ៊ុន នៅឆ្នាំនេះទេ ហើយបានទទួលស្គាល់ថា ក្រុមហ៊ុនបានខ្វះខាតក្នុងការទំនាក់ទំនងជាមួយបុគ្គលិកជាមុន។

ក្រុមហ៊ុន Meta បាន​ព្យាករថា​ការចំណាយ​មូលធន​នឹង​ឡើង​ដល់​ចន្លោះ​ពី ១២៥ពាន់​លាន​ដុល្លារ​ ទៅ ១៤៥ពាន់​លាន​ដុល្លារ​សម្រាប់​ឆ្នាំនេះ ពោលគឺច្រើន​ជាង​ទ្វេដង​នៃ​ការចំណាយ​របស់​ក្រុមហ៊ុន​សម្រាប់​ឆ្នាំ២០២៥ ចំពេលកំពុងមានការផ្តោតខ្លាំងទៅលើបច្ចេកវិទ្យា AI ៕

The post លោក Mark Zuckerberg បង្ហាញអារម្មណ៍ក្តុកក្តួល ក្រោយបណ្តេញបុគ្គលិក Meta រាប់ពាន់នាក់ appeared first on .

យោងតាមការប្រកាសរបស់ក្រុមហ៊ុន បានបង្ហាញថាបុគ្គលិកដែលស្ថិតនៅក្នុងទីស្នាក់កណ្តាលអាស៊ី នៅក្នុងប្រទេសសិង្ហបុរី ត្រូវបានជូនដំណឹងអំពីការបញ្ឈប់នេះមុនគេ ខណៈបុគ្គលិកដែលស្ថិតនៅក្នុងគម្រោងបញ្ឈប់នេះ នៅទីស្នាក់ការកណ្តាលអឺរ៉ុប និងអាមេរិក ក៏ត្រូវបានគេរំពឹងថានឹងទទួលបានព័ត៌មាននេះ ផងដែរ។

ជុំវិញការកាត់បន្ថយការងារចុងក្រោយ ដែលមានចំនួនរហូតដល់ប្រមាណ ៨ ០០០ នាក់នេះ ត្រូវបានគេរំពឹងថានឹងប៉ះពាល់ភាគច្រើនដល់ក្រុមវិស្វកម្ម និងក្រុមអ្នកផលិតឧបករណ៍ពិសេសរបស់ Meta នៅជុំវិញពិភពលោក។

គួរជម្រាបជូនផងដែរថា ការសម្រេចចិត្តនេះ បានកើតឡើង បន្ទាប់ពីនាយកប្រតិបត្តិក្រុមហ៊ុន លោក Mark Zuckerberg បានធ្វើឲ្យបច្ចេកវិទ្យា AI ក្លាយជាអាទិភាពកំពូលរបស់ក្រុមហ៊ុន ជាមួយនឹងការប្តេជ្ញាប្រើប្រាស់ធនធានទាំងអស់ ដើម្បីដើរតាមឲ្យទាន់គូប្រជែងដូចជា Google របស់ក្រុមហ៊ុន Alphabet និង OpenAI៕​

The post ក្រុមហ៊ុន Meta ចាប់ផ្តើមប្រកាសកាត់បន្ថយបុគ្គលិកចំនួន ៨ ០០០ នាក់ នៅជុំវិញពិភពលោក appeared first on .

លោក Mark ត្រូវបានសួរចម្លើយអំពីការញៀនរបស់អ្នកប្រើប្រាស់ទៅលើបណ្តាញសង្គម Youtube និង Instagram នៅក្នុងបន្ទប់សវនាការ Los Angeles ដោយមេធាវី លោកស្រី Mark Lanier មកពីក្រុមហ៊ុនច្បាប់ Lanier ក្នុងទីក្រុង Houston។ 

លោកស្រី Lanier តំណាងឲ្យដើមបណ្តឹងម្នាក់ ដែលបាននិយាយថា នាងអាចចូលទៅប្រើប្រាស់គណនី​ Instagram បាន នៅក្នុងវ័យត្រឹមតែ ៩ឆ្នាំ ដោយមិនចាំបាច់មានការផ្ទៀងផ្ទាត់អាយុនៅលើគេហទំព័រ ហើយក្រោយមកនាងបានកើតជំងឺបាក់ទឹកចិត្ត និងជំងឺរាងកាយមិនប្រត្រតី។ 

ប៉ុន្តែទោះជាយ៉ាងណា លោក Mark បានផ្តល់សក្ខីកម្មថា កុមារដែលមានអាយុក្រោម ១៣ឆ្នាំមិនត្រូវបានអនុញ្ញាតឱ្យប្រើ Instagram នោះទេ ប៉ុន្តែលោកក៏បានទទួលស្គាល់ថាការតាមដានអាយុរបស់អ្នកប្រើប្រាស់គឺពិបាកក្នុងការគ្រប់គ្រង។

លោក Mark បាននិយាយទៀតថា៖ “ជាទូទៅខ្ញុំគិតថាមានមនុស្សមួយក្រុមតូចប៉ុណ្ណោះ ដែលកុហកអំពីអាយុរបស់ពួកគេ ដើម្បីប្រើប្រាស់សេវាកម្មរបស់យើង”៕

The post មេធំក្រុមហ៊ុន Meta ឡើងតុលាការ ដោះស្រាយរឿងក្តីពាក់ព័ន្ធនឹងបណ្តាញសង្គមរបស់ខ្លួន  appeared first on .

លោក Mark រួមជាមួយភរិយារបស់លោក គឺលោកស្រី Priscilla Chan កំពុងទិញវិមានដ៏ស្កឹមស្កៃមួយដែលទើបសាងសង់ថ្មីនៅ Indian Creek ដែលជាតំបន់មួយក្នងចំណោមតំបន់ដែលមានតម្លៃថ្លៃបំផុត នៅក្នុងរដ្ឋផ្លរីដា។

យ៉ាងណាក៏ដោយ យោងតាមប្រភពជាច្រើនបានប្រាប់ទៅកាន់កាសែត The Wall Street Journal ថា កិច្ចព្រមព្រៀងនេះនៅមិនទាន់ត្រូវបានបញ្ជាក់ថាបានបញ្ចប់រួចរាល់នៅឡើយទេ ប៉ុន្តែបើតាមអ្នកជិតខាងទីនោះ បាននិយាយថា លោក Mark រួមទាំងគ្រួសារ និងផ្លាស់ទៅរស់នៅទីនោះ នៅក្នុងខែមេសាខាងមុខ។

គួរឲ្យដឹងថា ជុំវិញការផ្លាស់ប្តូរទីលំនៅរបស់លោក Mark នេះ បានកើតឡើងបន្ទាប់ពីមហាសេដ្ឋីកំពូលៗផ្សេងទៀត ដែលមានមូលដ្ឋាននៅរដ្ឋកាលីហ្វ័រញ៉ា បានសម្រេចចិត្តផ្លាស់ទីលំនៅរបស់ខ្លួន ទៅកាន់រដ្ឋផ្លរីដាវិញ ដើម្បីឆ្លើយតបទៅនឹងពន្ធគយលើទ្រព្យសម្បត្តិដែលបានស្នើឡើងដោយអាជ្ញាធររដ្ឋកាលីហ្វ័រញ៉ា។

ជម្រាបជូនផងដែរថា រដ្ឋអាលីហ្វ័រញ៉ា កាលពីពេលថ្មីៗនេះ បានស្នើឲ្យមានការដាក់ពន្ធ ៥% ទៅលើមហាសេដ្ឋីរស់នៅក្នុងរដ្ឋកាលីហ្វ័រញ៉ាដែលទ្រព្យសម្បត្តិលើសពី ១ពាន់លានដុល្លារ។ បើយោងតាមការចុះផ្សាយពី Forbes ទ្រព្យសម្បត្តិរបស់លោក Mark បច្ចុប្បន្នមានចំនួនសរុបប្រមាណជាង ២២៦ពាន់លានដុល្លារ៕​

The post Mark Zuckerberg ក្លាយជាមហាសេដ្ឋីចុងក្រោយរបស់រដ្ឋកាលីហ្វ័រញ៉ា ដែលគ្រោងផ្លាស់ទីលំនៅដោយសារពន្ធខ្ពស់ appeared first on .

ក្នុងក្នុងចំណោមនោះគឺលោក Mark Zuckerberg ដែលបច្ចុប្បន្នគឺជាអ្នកមានបំផុតទី៦ នៅលើពិភពលោកដែលមានទ្រព្យសម្បត្តិសរុបប្រមាណ ២៣៥ពាន់លានដុល្លារ។ ប៉ុន្តែនៅឆ្នាំ២០២៤ លោកគឺជាបុគ្គលិកដែលមានប្រាក់ខែទាបជាងគេបំផុតនៅក្នុងក្រុមហ៊ុន Meta ដោយអាចរកចំណូលបានត្រឹមតែ ១ដុល្លារប៉ុណ្ណោះ។

ក្រៅតែពីនាយកប្រតិបត្តិរបស់ Facebook រូបនេះ នៅមានមហាសេដ្ឋីកំពូលៗរបស់អាមេរិកជាច្រើនទៀត ដូចជានាយកប្រតិបត្តិក្រុមហ៊ុន Tesla លោក Elon Musk , នាយកប្រតិបត្តិក្រុមហ៊ុន Oracle លោក Larry Ellison និងសហស្ថាបនិក Google លោក Sergey Brin ក៏ចូលចិត្តក្នុងការទទួលយកប្រាក់ទាបបំផុត ផងដែរ។

យ៉ាងណាមិញ បើតាមលោកស្រី Ray Madoff សាស្ត្រាចារ្យផ្នែកច្បាប់នៅសាកលវិទ្យាល័យ Boston បាននិយាយថា ចំពោះហេតុផលចម្បង គឺពន្ធ។ នៅក្នុងសហរដ្ឋអាមេរិក កម្មករត្រូវបង់ពន្ធលើប្រាក់ចំណូល និងពន្ធលើប្រាក់បៀវត្សរ៍។ អ្នកធ្វើការងារឯករាជ្យដែលមានប្រាក់ចំណូល ៦០ ០០០ដុល្លារ អាចត្រូវបង់ពន្ធលើប្រាក់ចំណូល និងប្រាក់បៀវត្សរ៍ច្រើនជាង ១ ៣០០០ដុល្លារ។ ទន្ទឹមនឹងនេះ អ្នករកប្រាក់ចំណូលខ្ពស់ដែលមានប្រាក់ខែ ៤សែនដុល្លារត្រូវបង់ប្រហែល ៣០% នៃប្រាក់ចំណូលរបស់ពួកគេ នៅក្នុងពន្ធទាំងពីរនេះ។

លោកស្រី បានសង្កត់ធ្ងន់ទៀតថា ដូច្នេះហើយជំហានដំបូងដើម្បីចៀសវាងពន្ធគឺការទទួលបានប្រាក់ខែទាបបំផុត។ នោះហើយជាអ្វីដែលជនជាតិអាមេរិកដែលមានទ្រព្យសម្បត្តិច្រើនបំផុតតែងតែធ្វើនាពេលបច្ចុប្បន្ននេះ។

ជម្រាបជូនផងដែរថា លោក Elon Musk ដែលជាមហាសេដ្ឋីមានដាច់គេលលើលោក មិនតទទួលបានប្រាក់ខែសូម្បីតែមួយសេន នៅក្រុមហ៊ុន Tesla ក្នុងឆ្នាំ២០២៤។ ហើយចំណែកឯមហាសេដ្ឋីម្នាក់ក្នុងចំណោមមហាសេដ្ឋីដែលមានប្រាក់ខែខ្ពស់បំផុតគឺលោក Warren Buffett ប៉ុន្តែបើបូកប្រាក់ខែ និងប្រាក់រង្វាន់សរុបរបស់លោក មានចំនួនត្រឹមតែ ១សែនដុល្លារក្នុងមួយឆ្នាំ ប៉ុណ្ណោះ៕​

The post ហេតុអ្វីបានជាមហាសេដ្ឋីកំពូលៗរបស់អាមេរិក ព្រមទទួលយកប្រាក់ខែពីក្រុមហ៊ុនតែ ១ដុល្លារ? appeared first on .

យោងតាម Forbes បានរាយការណ៍ថា បច្ចុប្បន្នទ្រព្យសម្បត្តិសរុបរបស់លោក Mark បានធ្លាក់ចុះមកនៅត្រឹមប្រមាណជាង ២១៣ពាន់លានដុល្លារ តាមពីក្រោយសហស្ថាបនិកក្រុមហ៊ុន Google លោក Sergey Brin ជាប់ចំណាត់ថ្នាក់លេខ៥ ជាមួយទ្រព្យសរុប ២១៣,៦ពាន់លានដុល្លារ។

ខាងក្រោមនេះជាបញ្ជីឈ្មោះមហាសេដ្ឋីមានដាច់គេបំផុតលើលោកទាំង១០ គិតនៅត្រឹមថ្ងៃទី២៥ ខែតុលា ឆ្នាំ២០២៥៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤៨២,២ពាន់លានដុល្លារ

2.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២៩៣,៥ពាន់លានដុល្លារ

3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៥៤,៥ពាន់លានដុល្លារ

4.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ២៣០,៣ពាន់លានដុល្លារ

5.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ២១៣,៦ពាន់លានដុល្លារ

6.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២១៣,៣ពាន់លានដុល្លារ

7.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៧៩,៦ពាន់លានដុល្លារ

8.Jensesn Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១៧៥,៧ពាន់លានដុល្លារ

9.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១៦៣,៤ពាន់លានដុល្លារ

10.Warren Buffett នាយកប្រតិបត្តិក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤៩ពាន់លានដុល្លារ៕

The post ស្ងាត់ៗ មេធំ Facebook ខ្ទាតចេញពីចំណាត់ថ្នាក់ Top5 បញ្ជីអ្នកមានដាច់គេលើលោក appeared first on .