លោក ត្រាំ បាននិយាយប្រាប់ទៅកាន់អ្នកយកព័ត៌មាន នៅថ្ងៃទី៦ ខែមេសាថា៖ “ប្រសិនបើមនុស្សចង់ដឹងការពិត គឺរឿងទាំងអស់បានចាប់ផ្តើមនៅ Greenland។ យើងចង់បាន Greenland ប៉ុន្តែ NATO មិនចង់ផ្តល់វាឲ្យមកយើងនោះឡើយ។ ដូច្នេះខ្ញុំគិតថាយើងដល់ពេលត្រូវលាហើយ”។

គួរឲ្យដឹងថា Greenland គឺជាទឹកដីស្វយ័តរបស់ប្រទេសដាណឺម៉ាក ដែលជារដ្ឋសមាជិកមួយរបស់អង្គការ NATO។ លោក ត្រាំ បានបង្ហាញជាយូរមកហើយនូវមហិច្ឆតារបស់ខ្លួន ក្នុងការបញ្ចូល Greenland ជាទឹកដីរបស់សហរដ្ឋអាមេរិក ដែលជាចលនាមួយប្រឈមមុខទៅនឹងការប្រឆាំងតវ៉ាយ៉ាងខ្លាំងពីសំណាក់សម្ព័ន្ធភាពនេះ។

ជម្រាបជូនផងដែរថា កន្លងមកលោក ត្រាំ ក៏បានរិះគន់ខ្លាំងៗ និងបានហៅ NATO ថាជាខ្លាក្រដាសផងដែរ ដោយសារតែពួកគេមិនគាំទ្រសហរដ្ឋអាមេរិក នៅក្នុងជម្លោះដែលកំពុងបន្តនៅមជ្ឈិមបូព៌ា៕​

The post លោក ត្រាំ បញ្ជាក់ថា Greenland គឺជាមូលហេតុដែលសហរដ្ឋអាមេរិកចង់ចេញពី NATO appeared first on .

លោក ត្រាំ បាននិយាយប្រាប់ទៅកាន់អ្នកសារព័ត៌មានថា ៖”អង្គការណាតូលែងត្រូវបានគេស្គាល់ទៀតហើយ។ ខ្ញុំតែងតែដឹងថាពួកគេគ្រាន់តែជាខ្លាក្រដាសប៉ុណ្ណោះ ហើយប្រធានាធិបតីរុស្ស៊ី លោក វ្លាឌីមៀ ពូទីន ក៏ដឹងរឿងនោះដែរ”។

គួរឲ្យដឹងថានេះជាលើកទីពីរហើយក្នុងរយៈពេលត្រឹមតែពីរសប្តាហ៍ប៉ុណ្ណោះ ដែលលោក ត្រាំ បានរិះគន់អង្គការណាតូយ៉ាងខ្លាំង។ នៅថ្ងៃទី២០ ខែមីនា កន្លងទៅ​ ប្រធានាធិបតីអាមេរិករូបនេះ​ ក៏បានហៅអង្គការណាតូថា “កំសាក” ដែលមិនចង់ជួយសហរដ្ឋអាមេរិកបើកច្រកសមុទ្រ Hormuz ឡើងវិញ ហើយបានប្រកាសថា សហរដ្ឋអាមេរិកនឹងចងចាំរឿងនេះ។

ជម្រាបជូនថា សេចក្តីថ្លែងការណ៍របស់លោក ត្រាំ នេះ បានកើតឡើងបន្ទាប់ពីសម្ព័ន្ធមិត្តអាមេរិកនៅក្នុងអង្គការណាតូបានបង្ហាញពីការស្ទាក់ស្ទើរក្នុងការគាំទ្រដល់ការបើកច្រកសមុទ្រ Hormuz ឡើងវិញ ដែលជាផ្លូវដឹកជញ្ជូនដ៏សំខាន់មួយដែលអ៊ីរ៉ង់បានបិទទ្វារស្ទើរតែទាំងស្រុងចាប់តាំងពីការប្រយុទ្ធបានផ្ទុះឡើងនៅថ្ងៃទី២៨ ខែកុម្ភៈមក៕​

The post លោក ត្រាំ ថា NATO គ្រាន់តែជាខ្លាក្រដាសប៉ុណ្ណោះ appeared first on .

លោក ត្រាំ បានិយាយប្រាប់ទៅកាន់បទសម្ភាសមួយនៅឯសេតវិមាន កាលពីថ្ងៃទី៩ ខែតុលាថា៖”​ យើងមានប្រទេសមួយដែលកំពុងយឺតយាវ ក្នុងការបំពេញតាមគោលដៅចំណាលើវិស័យការពារជាតិ បើធៀបទៅនឹងសម្ព័ន្ធមិត្តផ្សេងទៀត។ ហើយប្រទេសនោះ គឺអេស្ប៉ាញ”។

គួរឲ្យដឹងផងដែរថា ដោយស្ថិតនៅក្រោមសម្ពាធពីលោក ត្រាំ សមាជិករបស់ NATO ចំនួន ៣២ ប្រទេស បានព្រមព្រៀងគ្នានៅក្នុងខែមិថុនា ដើម្បីបង្កើនការចំណាយលើយោធាយ៉ាងច្រើន គិតនៅក្នុងមួយទសវត្សចុងក្រោយ ដោយក្នុងនោះត្រូវបានបែងចែក ៣,៥% នៃផលិតក្នុងស្រុកសរុបសម្រាប់វិស័យការពារស្នូល និង ១,៥% ទៅកាន់វិស័យទូលំទូលាយ ដូចជាហេដ្ឋរចនាសម្ព័ន្ធ និងសន្តិសុខតាមអ៊ីនធើណិតជាដើម។

ទន្ទឹមនឹងនេះ​ លោក ត្រាំ បាននិយាយថាប្រទេសអេស្ប៉ាញ “គ្មានហេតុផល” ដែលមិនសម្រេចបាននូវគោលដៅដែលសម្ព័ន្ធមិត្តទាំងមូលផ្សេងទៀត កំពុងធ្វើការឆ្ពោះទៅរកនោះទេ។ ហើយប្រធានាធិបតីអាមេរិករូបនេះ ថែមទាំងបានសង្កត់ធ្ងន់ទៀតថា ៖”វាមិនមានបញ្ហាទេប្រសិនបើពួកគេមិនធ្វើតាម គឺយើងអាចបណ្តេញពួកគេចេញពីអង្គការ NATO បាន” ។

ជម្រាបជូនថា បច្ចុប្បន្ន អេស្ប៉ាញ គឺជាសមាជិកមួយក្នុងចំនោមសមាជិកណាតូដែលមានសមាមាត្រចំណាយលើវិស័យការពារជាតិទាបបំផុតនៅក្នុងអង្គការ។ ហើយជាមួយគ្នានោះនាយករដ្ឋមន្រ្តីអេស្ប៉ាញលោក Pedro Sanchez បានបញ្ជាក់ម្តងហើយម្តងទៀតថាប្រទេសលោក មិនត្រូវចាំបាច់ឈានដល់តួលេខ ៥% នៃ GDP សរុប សម្រាប់ការចំណាយលើវិស័យនេះនោះឡើយ៕​

The post លោក ត្រាំ គំរាមដកអេស្ប៉ាញចេញពី NATO ក្រោយមិនព្រមបង្កើនការចំណាយលើវិស័យការពារជាតិ appeared first on .

ប៉ុន្តែទោះជាយ៉ាងណាក៏ដោយ ក្រសួងហេដ្ឋារចនាសម្ព័ន្ធអ៊ីតាលី បានប្រកាសកាលពីថ្ងៃទី៣ ខែកញ្ញា ដោយសំដៅលើគម្រោងសាងសង់ស្ពានយោងវែងជាងគេរបស់ពិភពលោក ឆ្លងកាត់ច្រកសមុទ្រ Messina នេះថា ស្ពាននេះត្រូវបានផ្តល់មូលនិធិពេញលេញដោយថវិការដ្ឋ។ បច្ចុប្បន្ននេះ ការប្រើប្រាស់មូលនិធិរបស់ NATO ក្នុងការសាងសង់ស្ពាននេះ មិនត្រូវបានស្នើឡើង ហើយក៏មិនចាំបាច់ផងដែរ។

គួរឲ្យដឹងថា កាលពីដើមខែសីហា ប្រទេសអ៊ីតាលីបានអនុម័តគម្រោងទឹកប្រាក់ចំនួន ១៥,៦ពាន់លានដុល្លារ ដើម្បីសាងសង់ស្ពានយោងតភ្ជាប់ពីទីក្រុង Sicily ទៅកាន់ដីគោក។ ស្ពាន​នេះ​នឹង​មាន​ផ្លូវ​រថភ្លើង​ពីរ​ខ្សែ​នៅ​កណ្តាល និងមានផ្លូវបីគន្លង​នៅ​សងខាង។ គម្រោង​នេះ​ត្រូវ​បាន​គេ​រំពឹង​ថា​នឹង​បញ្ចប់​នៅ​ឆ្នាំ​២០៣២។

ទន្ទឹមនឹងនេះ មន្ត្រីរដ្ឋាភិបាលអ៊ីតាលីមួយចំនួន រួមទាំងឧបនាយករដ្ឋមន្ត្រី និងជារដ្ឋមន្ត្រីក្រសួងដឹកជញ្ជូន និងហេដ្ឋារចនាសម្ព័ន្ធ លោក Matteo Salvini ដែលបានដឹកនាំកិច្ចខិតខំប្រឹងប្រែងសាងសង់ស្ពាន Messina នេះ បានផ្តល់យោបល់ថា ស្ពាននេះអាចត្រូវបានចាត់ថ្នាក់ជាគម្រោងការពារ ដោយសារតែលក្ខណៈប្រើប្រាស់បានច្រើនយ៉ាង។ ក្នុងនាមជាគម្រោងការពារ ស្ពាននេះអាចប្រើប្រាស់មូលនិធិ ដែលជាផ្នែកមួយនៃការរួមចំណែករបស់អង្គការ NATO បានផងដែរ។

ប៉ុន្តែទោះបីជាយ៉ាងណាក៏ដោយ ឯកអគ្គរដ្ឋទូតសហរដ្ឋអាមេរិកប្រចាំអង្គការ NATO លោក Matthew Whitaker បានជំទាស់នឹងគំនិតនៃការរួមបញ្ចូលការចំណាយលើការសាងសង់ស្ពាននេះ ដោយសារតែវានឹងមិនអាចបំពេញតាមគោលដៅនៃការបង្កើនការចំណាយលើវិស័យការពារដល់ ៥% នៃផលិតផលក្នុងស្រុកសរុប (GDP) តាមការស្នើសុំរបស់ប្រធានាធិបតីអាមេរិក លោក ដូណាល់ ត្រាំ នោះឡើយ៕​

The post អាមេរិក ជំទាស់ផែនការសង់ស្ពានតម្លៃជាង ១៥ពាន់លានដុល្លារ របស់អ៊ីតាលី ដោយប្រើលុយរបស់​ NATO appeared first on .

យោងតាមរបាយការណ៍ដែលចេញផ្សាយដោយអង្គការណាតូកាលពីថ្ងៃទី២៧ ខែសីហា បានបង្ហាញថា ប្រទេសជាង ១០ ក្នុងចំណោមសមាជិក ៣២ នៃអង្គការនេះមិនបានបំពេញការចំណាយ ២% នៃ GDP សម្រាប់វិស័យការងារជាតិ កាលពីឆ្នាំមុនទេ ដោយបរាជ័យពីគោលដៅដែលបានកំណត់ដោយអង្គការ ក្នុងឆ្នាំ២០១៤។

តែទោះជាយ៉ាងណាក៏ដោយ អង្គការណាតូបាននិយាយថា រដ្ឋជាសមាជិកទាំងអស់ នឹងសម្រេចបានគោលដៅនៅឆ្នាំនេះ ដោយនាំឲ្យការចំណាយសរុបរបស់អង្គការ កើនលើសពី ១,៥ទ្រីលានដុល្លារ។ ក្នុងនោះ ប្រទេសចំនួន ៧ នឹងសម្រេចបានការចំណាយអប្បបរមា ២% ហើយប្រទេសមួយចំនួនទៀត នឹងលើសពីនេះ។

ជម្រាបជូនផងដែរថា ដោយស្ថិតនៅក្រោមសម្ពាធពីប្រធានាធិបតីអាមេរិក លោក ដូណាល់ ត្រាំ មេដឹកនាំណាតូ បានព្រមព្រៀងគ្នា កាលពីខែមិថុនា ដើម្បីបង្កើនការចំណាយលើវិស័យការពារជាតិយ៉ាងខ្លាំង ក្នុងរយៈពេលមួយទសវត្សចុងក្រោយ។

មេដឹកនាំសហរដ្ឋអាមេរិក ចង់ឲ្យសមាជិកអង្គការប្តេជ្ញាចំណាយ ៥% នៃ GDP លើគោលបំណងទាក់ទងនឹងសន្តិសុខ ដែលត្រូវបានគេមើលឃើញថាជាលក្ខខណ្ឌមួយ ដើម្បីធានាថារដ្ឋាភិបាលទីក្រុងវ៉ាស៊ីនតោន នឹងមិនបោះបង់ចោលអង្គការណាតូឡើយ៕​

The post អង្គការ NATO បង្កើនការចំណាយលើវិស័យការពារជាតិដល់ជាង ១,៥ទ្រីលានដុល្លារ appeared first on .

កាលពីថ្ងៃទី២៥ ខែមិថុនា មេដឹកនាំអង្គការណាតូចំនួន ៣២ រូប បានអនុម័តសេចក្តីថ្លែងការណ៍មួយ នៅឯកិច្ចប្រជុំកំពូលនៅទីក្រុងឡាអេ ប្រទេសហូឡង់ ដោយបញ្ជាក់ថា សម្ព័ន្ធមិត្តបានប្តេជ្ញាចិត្ត ដើម្បីបញ្ចប់គោលដៅលើការចំណាយ ៥% នៃ GDP ជារៀងរាល់ឆ្នាំ លើវិស័យការពារជាតិ នៅឆ្នាំ២០៣៥។

ទន្ទឹមនឹងនេះ មេដឹកនាំណាតូទាំងនោះ បាននិយាយថា ការប្តេជ្ញាចិត្តនេះ នឹងរួមបញ្ចូលទាំងការវិនិយោគយ៉ាងណាស់ ៣,៥% នៃ GDP ជារៀងរាល់ឆ្នាំ នៅក្នុងតម្រូវការការពារស្នូល និងការចំណាយ ១,៥% នៃ GDP ផ្សេងទៀត លើការចំណាយទាក់ទងទៅនឹងសន្តិសុខ រួមទាំងការការពារហេដ្ឋារចនាសម្ព័ន្ធសំខាន់ៗ និងការពង្រឹងមូលដ្ឋានឧស្សាហកម្មការពាររបស់សម្ព័ន្ធភាព។

សេចក្តីថ្លែងការណ៍ខាងលើ បាននិយាយទៀតថា ការវិនិយោគទាំងនេះ គឺមានភាពចាំបាច់ដើម្បីប្រឈមមុខនឹងការគំរាមកំហែងផ្នែកសន្តិសុខ ជាពិសេសដោយលើកឡើងពី ការគំរាមកំហែងរយៈពេលវែងពីសំណាក់ប្រទេសរុស្ស៊ី ចំពោះសន្តិសុខអឺរ៉ូ-អាត្លង់ទិក ក៏ដូចជាការគំរាមកំហែងភេរវករជាបន្តបន្ទាប់។

យ៉ាងណាមិញ ប្រធានាធិបតីអាមេរិក លោក ដូណាល់ ត្រាំ បានបង្ហាញការសាទរយ៉ាងខ្លាំងចំពោះកិច្ចប្រជុំកំពូលរបស់អង្គការ NATO នៅទីក្រុងឡាអេ ខណៈដែលសមាជិកនៃប្លុកនេះ បានសន្យាថានឹងបង្កើនការចំណាយលើវិស័យការពារជាតិ ស្របតាមសំណើដែលលោកធ្លាប់បានធ្វើ ចាប់តាំងពីវិលចូលមកកាន់តំណែងនៅក្នុងសេតវិមានវិញ។

ជម្រាបជូនថា កាលពីដើមខែមករា លោក ត្រាំ បានអំពាវនាវឲ្យសមាជិកណាតូនីមួយៗបង្កើនថវិកាការពារជាតិរបស់ខ្លួនឲ្យស្មើនឹង ៥% នៃ GDP ប៉ុន្តែនេះគឺជាចំនួនដែលមិនមានប្រទេសសមាជិកណាមួយអាចធ្វើទៅបាននោះឡើយ រួមទាំងសហរដ្ឋអាមេរិកខ្លួនឯង ផងដែរ៕

The post សមាជិកអង្គការណាតូ យល់ព្រមបង្កើនការចំណាយការពារជាតិដល់ ៥% នៃ GDP របស់ខ្លួន appeared first on .

លោក Rubio បាននិយាយនៅក្នុងសន្និសីទសារព័ត៌មានមួយ មុនពេលកិច្ចប្រជុំជាមួយរដ្ឋមន្ត្រីការបរទេសនៃប្រទេសជាសមាជិកអង្គការណាតូ នៅប្រទេសប៊ែលហ្ស៊ិកថា ៖”ប្រធានាធិបតី លោក ដូណាល់ ត្រាំ បានបញ្ជាក់ពីជំហរយ៉ាងច្បាស់ថាលោក បន្តគាំទ្រណាតូជានិច្ច។ ហើយយើងនឹងបន្តស្ថិតនៅក្នុងអង្គការនេះ ដោយនឹងមិនចាកចេញទៅណាឡើយ។ ដូច្នេះហើយសូមប្រទេសជាសម្ព័ន្ធមិត្ត កុំមានការព្រួយបារម្ភអី”។

យ៉ាងណាមិញ ជុំវិញការបេ្តជ្ញាចិត្តរបស់សហរដ្ឋអាមេរិកនេះ ត្រូវបានធ្វើឡើង ចំពេលមានការសង្ស័យអំពីការប្តេជ្ញាចិត្តរបស់សហរដ្ឋអាមេរិកចំពោះអង្គការណាតូ ដោយសារតែប្រធានាធិបតីលោក ត្រាំ តែងតែប្រកាសគំរាមដកខ្លួនចេញជាច្រើនលើក ព្រោះតែប្រទេសសម្ព័ន្ធមិត្តមួយចំនួន មិនអាចចំណាយលើវិស័យការពារ តាមគោលដៅដែលចង់បាន។

ជម្រាបជូនថា បច្ចុប្បន្ន ណាតូ មានសមាជិកសរុបចំនួន ៣២ ប្រទេស ក្នុងនោះរួមមានសហរដ្ឋអាមេរិក កាណាដា និងប្រទេសនៅតំបន់អឺរ៉ុបចំនួន ៣០ ទៀត។ កាលពីដើមខែមករា លោក ត្រាំ បានអំពាវនាវឲ្យសមាជិកណាតូនីមួយៗ បង្កើនថវិកាការពារជាតិរបស់ខ្លួនឲ្យស្មើនឹង ៥% នៃផលិតផលក្នុងស្រុកសរុប ជាតួលេខដែលគ្មានប្រទេសសមាជិកណាមួយ អាចបំពេញបាននោះឡើយ រួមទាំងសហរដ្ឋអាមេរិកខ្លួនឯងផងដែរ៕

The post សហរដ្ឋអាមេរិក ប្រកាសច្បាស់ៗថានឹងមិនដកខ្លួនចេញពីអង្គការណាតូ ឡើយ appeared first on .

យោងតាមការចុះផ្សាយពីសារព័ត៌មាន RT បានបង្ហាញថា លោក Matteo មិនបានឯកភាពលើសំណើខាងលើឡើយ និងបានអះអាងទៀតថា ទង្វើមួយនេះអាចបង្កឲ្យកើតជាសង្គ្រាមលោកលើកទី៣ បានថែមទៀត។

គួររំលឹកបន្តិចថា មេធំអង្គការណាតូបានអំពាវនាវឲ្យលោកខាងលិច ផ្គត់ផ្គង់អាវុធ និងគ្រាប់មីស៊ីល ដែលអាចបាញ់បានឆ្ងាយ ទៅឲ្យប្រទេសអ៊ុយក្រែន ដើម្បីអាចវាយប្រហារចូលទឹកដីរុស្ស៊ី។

ជម្រាបបន្ថែមថា ក្នុងចំណោមសមាជិកអង្គការណាតូទាំងអស់ មេដឹកនាំលោកខាងលិចភាគច្រើន បង្ហាញការគាំទ្រចំពោះសំណើមួយនេះ ជាពិសេសគឺប្រធានាធិបតីបារាំង Emmanuel Macron ខណៈភាគីអ៊ីតាលីនៅប្រកាន់ជំហរថា ការផ្គត់ផ្គង់អាវុធឲ្យអ៊ុយក្រែន គឺក្នុងគោលបំណងការពារខ្លួន មិនមែនយកទៅប្រើប្រាស់សម្លាប់មនុស្សក្រៅទឹកដីអ៊ុយក្រែនឡើយ៕

The post ឧបនាយករដ្ឋមន្ត្រីអ៊ីតាលី ចាត់ទុកមេធំណាតូជា បុរសគ្រោះថ្នាក់ appeared first on .

ដោយឈរក្បែរមេដឹកនាំអង្គការ NATO លោក Jens Stoltenberg កាលពីថ្ងៃទី២៣ ខែមេសា លោក Sunak បានលើកឡើងយ៉ាងដូច្នេះថា ចក្រភពអង់គ្លេសនឹងចំណាយប្រាក់បន្ថែមចំនួន ៧៥ពាន់លានផោន (៩៣ពាន់លានដុល្លារ) ក្នុងរយៈពេល ៦ឆ្នាំដើម្បីបង្កើនការផលិតគ្រាប់បែក និងយន្តហោះគ្មានមនុស្សបើក ខណៈដែលគម្រោងការនេះហើយ នឹងធ្វើឲ្យចក្រភពអង់គ្លេសក្លាយជាប្រទេសចំណាយលើវិស័យការពារជាតិច្រើនជាងគេលំដាប់ទីពីរនៅក្នុងអង្គការ NATO ។ លើសពីនោះ ប្រទេសអ៊ុយក្រែនគឺជាមេរៀនមួយដែលពួកយើងត្រូវរៀនសូត្រ ពោលប្រទេសនានាត្រូវតែមានគ្រាប់បំផ្ទុះទុកក្នុងឃ្លាំងឲ្យច្រើនជាងមុន ហើយខិតខំផលិត ឬទិញបន្ថែមឲ្យកាន់តែច្រើន។

មិនត្រឹមតែប៉ុណ្ណោះ លោកបានលើកឡើងទៀតថា នៅក្នុងស្ថានភាពពិភពលោកកំពុងជួបគ្រោះថ្នាក់បំផុត ចាប់តាំងពីការបញ្ចប់សង្គ្រាមត្រជាក់មក ពួកយើងពិតជាមិនអាចរអ៊ូរទាំបានទេ។ នៅពេលសត្រូវធ្វើត្រឹមប៉ុនណា យើងត្រូវធ្វើឲ្យលើសពួកគេបន្ថែមទៀត ដើម្បីការពារផលប្រយោជន៍ និងគុណតម្លៃប្រទេសជាតិរបស់យើងរាល់គ្នា។

គួរបញ្ជាក់ថា លោក Sunak ក៏ស្ថិតនៅក្រោមសម្ពាធពីគណបក្សរបស់លោកផងដែរ ដោយបក្សនេះកំពុងតែជំរុញការចំណាយថវិកាលើវិស័យការពារជាតិឲ្យបានលឿនជាងមុន បន្ទាប់ពីនាយករដ្ឋមន្ត្រីរូបនេះបាននិយាយកាលពីខែមុនថា គាត់អាចធ្វើបានលុះលុះត្រាតែលក្ខខណ្ឌសេដ្ឋកិច្ចអំណោយផល៕

The post អង់គ្លេសនឹងចំណាយថវិកា២,៥% នៃ GDP របស់ប្រទេសទៅលើវិស័យការពារជាតិ appeared first on .

សមយុទ្ធយោធាមួយនេះ នឹងត្រូវឲ្យឈ្មោះថា Steadfast Defender 2024 ដែលនឹងត្រូវចាប់ផ្ដើមការហ្វឹកហាត់ពីសប្ដាហ៍ក្រោយ រហូតដល់ខែឧសភាឯណោះ ខណៈសមាជិកអង្គការណាតូទាំង ៣១ប្រទេស រួមជាមួយប្រទេសស៊ុយអែត ក៏មានវត្តមាននៅក្នុងសមយុទ្ធយោធានេះផងដែរ។

ជាមួយគ្នា សារព័ត៌មាន Reuters ក៏បានរាយការណ៍បន្ថែមថា ក្រៅពីចំនួនកងទ័ពរាប់ម៉ឺននាក់ ក៏នៅមាននាវាចំបាំងច្រើនជាង ៥០គ្រឿង យន្តហោះចំបាំង ៨០គ្រឿង រថក្រោះ ១៣៣គ្រឿង យានយន្តចំបាំងយ៉ាងហោចណាស់ ១ ១០០គ្រឿង និងយានប្រយុទ្ធថ្មើជើង ៥៣៣គ្រឿងថែមទៀត សម្រាប់ការហាត់សមដ៏ធំសំបើមរបស់ NATO ក្នុងឆ្នាំនេះ។

គួររំលឹកដែរថា អង្គការ NATO បានបញ្ជាក់ច្បាស់ៗថា សមយុទ្ធយោធាទ្រង់ទ្រាយធំបែបនេះ ធ្លាប់កើតមានតែ ២ដងគត់ ពោលលើកដំបូងកើតឡើងក្នុងឆ្នាំ១៩៨៨ អំឡុងពេលសង្គ្រាមត្រជាក់ គឺសមយុទ្ធយោធា Reforger ដោយមានកងទ័ពចូលរួម ១២៥ ០០០នាក់ ខណៈលើកទី២ គឺសមយុទ្ធយោធា Trident Juncture កើតឡើងក្នុងឆ្នាំ២០១៨ ក្រោមការចូលរួមពីកងទ័ព ៥០ ០០០នាក់៕

The post NATO ត្រៀមបើកសមយុទ្ធយោធាទ្រង់ទ្រាយធំបំផុតប្រចាំទសវត្ស appeared first on .