ភាគហ៊ុនរបស់ក្រុមហ៊ុន SoftBank បានកើនឡើងជាង ១៤% នៅថ្ងៃទី១ ខែមិថុនា ដែលនាំឲ្យមូលធនទីផ្សាររបស់ក្រុមហ៊ុនកើនឡើងដល់ប្រហែល ៤៨,៨ពាន់ពាន់លានយ៉េន (ឬស្មើប្រមាណ ៣០៦ពាន់លានដុល្លារ)។ ទន្ទឹមនឹងនេះ ភាគហ៊ុនរបស់ក្រុមហ៊ុន Toyota បានធ្លាក់ចុះ ៤,៥% នៅក្នុងវគ្គជួញដូរដូចគ្នា ដោយធ្វើឲ្យតម្លៃទីផ្សាររបស់ក្រុមហ៊ុននេះ ធ្លាក់មកនៅ ៤៥,៦ពាន់ពាន់លានយ៉េន។

ជុំវិញការអភិវឌ្ឍនេះ បានអនុញ្ញាតឲ្យសម្ព័ន្ធក្រុមហ៊ុនដែលដឹកនាំដោយមហាសេដ្ឋី Masayoshi Son វ៉ាដាច់ Toyota ក្លាយជាក្រុមហ៊ុនដ៏មានតម្លៃបំផុតរបស់ប្រទេសជប៉ុនជាលើកដំបូងក្នុងរយៈពេលជាងពីរទសវត្សចុងក្រោយ។

គួរជម្រាបជូនផងដែរថា ភាគហ៊ុនរបស់ក្រុមហ៊ុន SoftBank បានកើនឡើងយ៉ាងខ្លាំង បន្ទាប់ពីមានព័ត៌មានកាលពីចុងសប្តាហ៍មុនថា ខ្លួនបានប្តេជ្ញាវិនិយោគ ៧៥ពាន់លានអឺរ៉ូ (៨៧,៣ពាន់លានដុល្លារ) ក្នុងរយៈពេលប្រាំឆ្នាំ ដើម្បីសាងសង់ហេដ្ឋារចនាសម្ព័ន្ធបញ្ញាសិប្បនិម្មិត (AI) នៅប្រទេសបារាំង៕​

The post SoftBank ផ្តួល Toyota ក្លាយជាក្រុមហ៊ុនមានតម្លៃថ្លៃបំផុតនៅក្នុងប្រទេសជប៉ុន appeared first on .

ការលក់ទូទាំងពិភពលោករបស់ក្រុមហ៊ុនខ្នាតយក្សជប៉ុនមួយនេះ បានធ្លាក់ចុះ ៣,១% មកនៅត្រឹម ៨៤៩ ៣០៦ គ្រឿង។ ការលក់នៅក្រៅប្រទេសជប៉ុន បានធ្លាក់ចុះ ៧,៥% ខណៈដែលការលក់នៅប្រទេសជប៉ុនបានកើនឡើង ២៤,២% ។

តាមតំបន់ ការលក់របស់ក្រុមហ៊ុន Toyota នៅមជ្ឈិមបូព៌ាបានធ្លាក់ចុះ ៣៣,៧% មកត្រឹមជាង ៣១ ០០០ គ្រឿង និងនៅក្នុងប្រទេសចិន ធ្លាក់ចុះ ២៥,៤% ចំពេលមានស្ថានភាពទីផ្សារដ៏លំបាក។ នៅសហរដ្ឋអាមេរិក ដែលជាទីផ្សារធំបំផុតរបស់ Toyota វិញ ក៏បានធ្លាក់ចុះអស់ ៤,៦% ផងដែរ។

គួរជម្រាបជូនផងដែរថា ផលិតកម្មសកលរបស់ Toyota បានកើនឡើង ២% នៅក្នុងខែមេសា ធៀបនឹងពេលដូចគ្នាកាលពីឆ្នាំមុន ខណៈការកើនឡើងនៃផលិតកម្ម ១២,៩% នៅអាស៊ីបានជួយទូទាត់សងការធ្លាក់ចុះនៅសហរដ្ឋអាមេរិក និងជប៉ុន៕​

The post ការលក់រថយន្តរបស់ Toyota ធ្លាក់ចុះបីខែជាប់ៗគ្នា ដោយសារការថយចុះតម្រូវការនៅចិន និងជម្ឈិមបូព៌ា appeared first on .

រោងចក្រថ្មីនេះនឹងត្រូវសាងសង់នៅក្នុងតំបន់ឧស្សាហកម្ម Bidkin ក្នុងរដ្ឋ Maharashtra ហើយគ្រោងនឹងចាប់ផ្តើមផលិតកម្មនៅឆមាសទីមួយនៃឆ្នាំ២០២៩។ រោងចក្រនេះនឹងមានសមត្ថភាពផលិតរថយន្តប្រចាំឆ្នាំចំនួន ១០០ ០០០ គ្រឿង ជាមួយនឹងតម្រូវការបុគ្គលិកប្រហែល ២ ៨០០ នាក់នៅពេលចាប់ផ្តើមប្រតិបត្តិការ។

យ៉ាងណាមិញ Toyota បាននិយាយថា រោងចក្រថ្មីនេះនឹងជួយក្រុមហ៊ុនពង្រឹងរចនាសម្ព័ន្ធផលិតកម្មរបស់ខ្លួន និងឆ្លើយតបទៅនឹងកំណើនតម្រូវការនាពេលអនាគត និងការផ្លាស់ប្តូរទីផ្សារនៅក្នុងប្រទេសឥណ្ឌា និងតំបន់ជុំវិញ។ ក្រុមហ៊ុនផលិតរថយន្តខ្នាតយក្សរបស់ជប៉ុន បានបន្ថែមទៀតថា រោងចក្រនេះ ក៏នឹងផ្គត់ផ្គង់រថយន្តដល់អតិថិជននៅក្នុងប្រទេសឥណ្ឌា ក៏ដូចជាទីផ្សារក្បែរៗ នោះផងដែរ។

មិនតែប៉ុណ្ណោះ ក្រុមហ៊ុន Toyota បាន​និយាយ​ក្នុង​សេចក្ដីថ្លែងការណ៍​មួយ​ថា ៖“អាជីវកម្ម​របស់​ក្រុមហ៊ុន Toyota នៅ​ក្នុង​ប្រទេស​ឥណ្ឌា​បាន​រីកចម្រើន​ជាមួយ​នឹង​អ្នក​ដែល​បាន​ត្រួសត្រាយក្នុង​ទីផ្សារ​ឥណ្ឌា ហើយក្រុមហ៊ុននឹង​បន្ត​ពង្រឹង​រចនាសម្ព័ន្ធ​ផលិតកម្ម​របស់​ខ្លួន ដើម្បី​អាច​ឆ្លើយតប​បាន​យ៉ាង​បត់បែន​ចំពោះ​កំណើន​តម្រូវការ​នា​ពេល​អនាគត និង​ការ​ប្រែប្រួល​ទីផ្សារ​នៅ​ក្នុង​ប្រទេស និង​តំបន់​ជុំវិញ ព្រមទាំង​ផ្តល់​ការផលិតផល​ទាន់​ពេលវេលា​សម្រាប់អតិថិជន”៕​

The post Toyota គ្រោងសាងសង់រោងចក្រថ្មីនៅឥណ្ឌា ដែលអាចផលិតរថយន្តបាន ១០ម៉ឺនគ្រឿងក្នុងមួយឆ្នាំ appeared first on .

ក្រុមហ៊ុនផលិតរថយន្តដែលលក់ដាច់បំផុតរបស់ពិភពលោកមួយនេះ រំពឹងថានឹងទទួលបានប្រាក់ចំណូលពីប្រតិបត្តិការចំនួន ៣ទ្រីលានយ៉េន (១៩ពាន់លានដុល្លារ) នៅឆ្នាំសារពើពន្ធនេះ ដែលដំណើរការរហូតដល់ឆ្នាំខែមីនា ឆ្នាំ២០២៧ បើធៀបទៅនឹងលទ្ធផលចំនួន ៣,៧៧ទ្រីលានដុល្លារយ៉េន នៅក្នុងឆ្នាំសារពើពន្ធដែលទើបបញ្ចប់ទៅថ្មីៗ។

ក្រុមហ៊ុន Toyota បាននិយាយកាលពីសប្តាហ៍មុនថា ការលក់រថយន្តរបស់ខ្លួន នៅមជ្ឈិមបូព៌ា បានធ្លាក់ចុះយ៉ាងខ្លាំងនៅក្នុងខែមីនា បន្ទាប់ពីការដឹកជញ្ជូននៅកាន់តំបន់នេះត្រូវបានរំខាន ដោយសារតែជម្លោះដែលកំពុងបន្ត។

គួរជម្រាបជូនផងដែរថា ជុំវិញទស្សនវិស័យនៃការធ្លាក់ចុះប្រាក់ចំណេញនេះ ហាក់កំពុងបន្ថែមសម្ពាធកាន់តែខ្លាំងទៅលើនាយកប្រតិបត្តិថ្មី លោក Kenta Kon ដែលទើបទទួលតួនាទីកាលពីខែមុន ខណៈពេលដែលក្រុមហ៊ុនផលិតរថយន្តខ្នាតយក្សជប៉ុននេះ បានប្រឈមមុខនឹងផលប៉ះពាល់ខ្លាំងដោយសារពន្ធគយរបស់ប្រធានាធិបតីអាមេរិក លោក ដូណាល់ ត្រាំ ដែលបានកាត់បន្ថយប្រាក់ចំណេញប្រតិបត្តិការរហូតដល់ ១,៤ទ្រីលានយ៉េន ក្នុងឆ្នាំដែលទើបបញ្ចប់រួចទៅហើយនោះ៕​

The post ប្រាក់ចំណេញរបស់ Toyota ទំនងធ្លាក់ចុះ ២០% ដោយសារតែជម្លោះអ៊ីរ៉ង់ appeared first on .

Toyota ដែលជាក្រុមហ៊ុនផលិតរថយន្តធំជាងគេបំផុតរបស់ពិភពលោកគិតតាមបរិមាណបានលក់រថយន្តចំនួន ៥ ២៦៧ ២១៦ គ្រឿងក្នុងរយៈពេលប្រាំមួយខែដំបូងឆ្នាំនេះ ដោយបន្តកំណត់ត្រាខ្ពស់បំផុត សម្រាប់ឆមាសទី១របស់ខ្លួន ជាលើកដំបូង។

ទន្ទឹមនឹងនេះ ផលិតកម្មសកលក៏បានកើនឡើង ៦% ផងដែរ ដល់ចំនួន ៤ ៩៨៥ ១២២ គ្រឿង ខណៈដែលទិន្នផលក្នុងស្រុកបានកើនឡើង ៣,៤% ដល់ ១ ៥៨៥ ៦២២ គ្រឿង។

ជម្រាបជូនថា តាមតំបន់ ការលក់នៅសហរដ្ឋអាមេរិកបានកើនឡើង ១១,៣% ដល់ ១ ២៩៥ ៦០៦ គ្រឿង ដោយសារតម្រូវការខ្លាំងសម្រាប់រថយន្តកូនកាត់ Hybrid។ ហើយចំពោះការលក់នៅក្នុងប្រទេសចិនបានកើនឡើង ៥,៥% ដល់ ៩១៤ ៣៤២ គ្រឿង ទោះបីជាមានការប្រកួតប្រជែងតម្លៃខ្លាំង និងការផ្លាស់ប្តូរទីផ្សារកាន់តែទូលំទូលាយទៅកាន់រថយន្តអគ្គិសនីក៏ដោយ៕​

The post ការលក់ជាសកលរបស់ Toyota នៅឆមាសទី១ កើនឡើងខ្លាំង ទោះបីរងពន្ធគយខ្ពស់របស់អាមេរិក appeared first on .

គួរឲ្យដឹងថាបច្ចុប្បន្ន Volvo កំពុងគ្រប់គ្រងការលក់រថយន្ត EV នៅអាហ្រ្វិកខាងត្បូង និងតាមពីក្រោយដោយ BWM និង Mercedes-Benz ស្របពេលក្រុមហ៊ុនផលិតរថយន្ត EV របស់ប្រទេសចិន ក៏កំពុងចាប់ផ្តើមវាយលុកទីផ្សារប្រទេសនេះ ផងដែរ។

បច្ចុប្បន្ននេះ Toyota ដាក់តែរថយន្តអគ្គិសនីកូនកាត់ Hybrid ប៉ុណ្ណោះ នៅប្រទេសអាហ្វ្រិកខាងត្បូង។ ប៉ុន្តែក្រុមហ៊ុនយក្សជប៉ុននេះ នៅតែនាំមុខគេ សម្រាប់ទីផ្សាររថយន្ត Hybrid និងPlug-in Hybrid ជាមួយចំណែក ៦៧% ក្នុងឆ្នាំ២០២៤ ជាមួយម៉ូដែល Corolla Cross របស់ខ្លួន។

នាយកប្រតិបត្តិក្រុមហ៊ុន Toyota ប្រចាំអាហ្រ្វិកខាងត្បូង លោក Andrew Kirby បាននិយាយប្រាប់អ្នកយកព័ត៌មានថា៖”យើងកំពុងដាក់លក់រថយន្តអគ្គិសនីសុទ្ធនៅដើមឆ្នាំ២០២៦ ដូច្នេះយើងនឹងមានរថយន្តអគ្គិសនីពេញលេញថ្មីៗចំនួន ៣ ម៉ូដែល”។

ជម្រាបជូនផងដែរថា​ ទាំងក្រុមហ៊ុនផលិតរថយន្តអគ្គិសនីរបស់ជប៉ុន ចិន និងអឺរ៉ុប ហាក់កំពុងងាកទៅស្វែងរកទីផ្សារថ្មីៗ ចំពេលកំពុងមានការរឹតបន្តឹងលើការនាំចូលចេញទៅកាន់ទីផ្សារសហរដ្ឋអាមេរិក៕​

The post Toyota គ្រោងឈានជើងចូលទីផ្សាររថយន្ត EV របស់អាហ្វ្រិកខាងត្បូងលើកដំបូង នៅឆ្នាំក្រោយ appeared first on .

ក្រុមហ៊ុនផលិតរថយន្តលំដាប់កំពូលរបស់ប្រទេសជប៉ុនទាំងពីរ ​ប្រឈមមុខទៅនឹងភាពមិនច្បាស់លាស់ដែលកំពុងកើនឡើង នៅក្នុងសហរដ្ឋអាមេរិក ដោយសារតែពន្ធនាំចូលខ្ពស់ កំពុងជំរុញតម្លៃរថយន្ត និងធ្វើឲ្យតម្រូវការអតិថិជនថយចុះយ៉ាងខ្លាំង។

យ៉ាងណាមិញ ក្រុមហ៊ុន Toyota ដែលជាក្រុមហ៊ុនផលិតរថយន្តលក់ដាច់បំផុតរបស់ពិភពលោក ត្រូវបានគេព្យាករថា នឹងធ្លាក់ចុះ ៣១% នៃប្រាក់ចំណេញប្រតិបត្តិការរបស់ខ្លួន ធៀបទៅនឹងរយ:ពេលដូចគ្នា កាលពីឆ្នាំមុន មកនៅត្រឹម ៩០២ពាន់លានយ៉េន (៦,១៤ពាន់លានដុល្លារ) ។

ដោយឡែកចំពោះក្រុមហ៊ុន Honda ត្រូវបានគេរំពឹងថានឹងរាយការណ៍ពីការធ្លាក់ចុះ ៣៦% នៃប្រាក់ចំណេញប្រតិបត្តិការរបស់ខ្លួន មកនៅត្រឹម ៣១១,៧ពាន់លានយ៉េន ធៀបទៅនឹងរយ:ពេលដូចគ្នាកាលពីឆ្នាំមុន ហើយក៏ជាការធ្លាក់ចុះ ២ត្រីមាសជាប់ៗ​ គ្នា ផងដែរ។

ជម្រាបជូនផងដែរថា ទាំង Toyota និង Honda បច្ចុប្បន្ន កំពុងប្រឈមមុខទៅនឹងការជាប់ពន្ធ ១៥% លើការនាំចូលរថយន្តរបស់ជប៉ុន ទៅកាន់សហរដ្ឋអាមេរិក ពោលគឺបានធ្លាក់ចុះពីកម្រិតពន្ធពីមុន ២៧,៥% បន្ទាប់ពីរដ្ឋាភិបាលទីក្រុងតូក្យូ និងវ៉ាស៊ីនតោន ឈានដល់កិច្ចព្រមព្រៀងពាណិជ្ជកម្មទ្វេភាគី កាលពីខែមុន៕​

The post ក្រុមហ៊ុនផលិតរថយន្តកំពូលជប៉ុនពីរ ប្រឈមមុខនឹងការធ្លាក់ចុះប្រាក់ចំណូលខ្លាំង ដោយពន្ធគយ ត្រាំ appeared first on .

ក្រុមហ៊ុន Toyota បាននិយាយថា កាលក់នៅទូទាំងពិភពលោក បានកើនឡើង ៦,៩% ដល់ចំនួន ៨៩៨ ៧២១ គ្រឿង នៅក្នុងខែឧសភា ដែលត្រូវបានជំរុញដោយតម្រូវការដ៏រឹងមាំ នៅខាងមេរិកខាងជើង ចិន និងជប៉ុន។ ហើយសម្រាប់ការលក់នៅក្នុងទឹកដីសហរដ្ឋអាមេរិក ក៏បានកើនឡើងដល់ជិត ១១% ផងដែរ។

តែទោះជាយ៉ាងណាក៏ដោយ ការផលិតរថយន្តនៅទូទាំងពិភពលោករបស់ក្រុមហ៊ុន Toyota បានធ្លាក់ចុះអស់ ០,៧% ក្នុងខែឧសភា បើធៀបទៅនឹងរយ:ពេលដូចគ្នា កាលពីឆ្នាំមុន ដែលជាការធ្លាក់ចុះលើកដំបូង ក្នុងរយៈពេល ៥ខែចុងក្រោយ ដោយសារថ្ងៃប្រតិបត្តិការក្នុងរោងចក្រនៅប្រទេសជប៉ុន ត្រូវបានកាត់បន្ថយ។

ជម្រាបជូនផងដែរថា ចំពោះតួ​លេខ​ផលិត និង​ការលក់នេះ ​ក៏ត្រូវបាន​រាប់​បញ្ចូល​ទាំង​ម៉ាក​យីហោ​ប្រណីត​របស់ Toyota គឺ Lexus ផងដែរ៕

The post ការលក់ជាសកលរបស់ Toyota កើនឡើងខ្ពស់ ក្នុងខែឧសភា ទោះផលិតកម្មធ្លាក់ចុះ appeared first on .

ជុំវិញការសម្រេចចិត្តនេះ ត្រូវបានធ្វើឡើង ដើម្បីជាការឆ្លើយតបទៅនឹងវិធានការពន្ធគយរបស់ប្រធានាធិបតីអាមេរិក លោក ដូណាល់ ត្រាំ ដែលបានដាក់ពន្ធរហូតដល់ទៅ ២៥% លើរថយន្ត និងគ្រឿងបន្លាស់រថយន្តទាំងអស់ ដែលនាំចូលមកកាន់អាមេរិក។

យ៉ាងណាមិញ លោក Nobu Sunaga អ្នកនាំពាក្យរបស់ក្រុមហ៊ុន Toyota បាននិយាយកាលពីពេលថ្មីៗនេះ ថា ៖”ការដំឡើងតម្លៃចុងក្រោយបំផុតរបស់ក្រុមហ៊ុន គឺជាផ្នែកមួយនៃការត្រួតពិនិត្យជាប្រចាំរបស់យើងអំពីតម្លៃរថយន្តមួយចំនួន” ។

លោក Sunaga ​បាន​បន្ត​ទៀតថា សម្រាប់តម្លៃ​រថយន្ត Lexus ដែល​ជា​ម៉ាក​យីហោ​ប្រណីត​របស់ Toyota ក៏​នឹង​ត្រូវដំឡើងជា​មធ្យម ២០៨ ដុល្លារ​ផង​ដែរ។

ជម្រាបជូនផងដែរថា ការដំឡើងតម្លៃនេះធ្វើឡើង បន្ទាប់ពីការប្រកាសស្រដៀងគ្នាពីក្រុមហ៊ុនផលិតរថយន្តជប៉ុនមួយផ្សេងទៀត គឺក្រុមហ៊ុន Mitsubishi Motors Corp ដែលថ្មីៗនេះបានបង្ហាញពីការបង្កើនតម្លៃសម្រាប់ម៉ូដែលចំនួនបីរបស់ខ្លួន នៅសហរដ្ឋអាមេរិក ដែលពាក់ព័ន្ធទៅនឹងការកែសម្រួលតម្លៃស្តង់ដារ ដោយផ្អែកលើការគណនាអតិផរណា៕

The post Toyota នឹងដំឡើង​តម្លៃ​រថយន្ត​លក់នៅ​អាមេរិក ជា​មធ្យម ២៧០ដុល្លារ​ ចាប់​ពី​ខែ​កក្កដា appeared first on .

ក្រុមហ៊ុនផលិតរថយន្តខ្នាតយក្សរបស់ប្រទេសជប៉ុននេះ បាននិយាយទៀតថា ខ្លួននឹងបញ្ចេញលក់រថយន្ត SUV អគ្គិសនីម៉ាកយីហោ Toyota ថ្មីៗចំនួន ៣ ម៉ូដែល នៅឆ្នាំនេះ ដោយក្នុងនោះរួមមាន bZ4X , Urban Cruiser និង C-HR+ ខណ:ស៊េរីថ្មីៗចំនួន ៣ ផ្សេងទៀត នឹងត្រូវបញ្ចេញដាក់លក់នៅឆ្នាំក្រោយ។

ជាមួយគ្នានេះ ក្រុមហ៊ុន Toyota ក៏នឹងដាក់លក់រថយន្ត EV ម៉ាក Lexus របស់ខ្លួនចំនួន ៣​ម៉ូដែល នៅអឺរ៉ុប ក្នុងរយៈពេល ១២ខែខាងមុខផងដែរ ដោយនឹងត្រូវចាប់ផ្តើមជាមួយនឹងម៉ូដែល Lexus RZ ដែលជាប្រភេទ SUV អគ្គិសនីថ្មី។

យ៉ាងណាមិញ ជុំវិញផែនការដាក់លករថយន្ត EV ម៉ូដែលថ្មីៗ នៅក្នុងតំបន់អឺរ៉ុបនេះ លោក Simon Humphries អគ្គនាយកក្រុមហ៊ុន Toyota បាននិយាយនៅក្នុងសេចក្តីថ្លែងការណ៍មួយថា ៖”ការផ្តល់ជម្រើស និងឱកាសគឺជាបេះដូងនៃរថយន្តដែលមានភាពល្អប្រសើរជាងមុខ និងអ្វីគ្រប់យ៉ាងដែលយើងបានធ្វើ” ។

ជម្រាបជូនផងដែរថា ការលក់របស់ក្រុមហ៊ុន Toyota នៅទូទាំងទ្វីបអឺរ៉ុប បានកើនឡើង ១៣,១% នៅក្នុងឆ្នាំ២០២៤ ដល់ចំនួន ១លានគ្រឿង ខណ:ពេលដែលការលក់នៅក្នុងទីផ្សាររួមវិញ បានកើនឡើង ០,៩%៕

The post Toyota គ្រោងដាក់រថយន្ត EV ថ្មី ៩ ម៉ូដែលសម្រាប់ទីផ្សារអឺរ៉ុប នៅឆ្នាំនេះ និងឆ្នាំ២០២៦ appeared first on .