ក្រុមហ៊ុនអភិវឌ្ឍអចនលទ្រព្យលំដាប់កំពូលរបស់ចិន China Evergrande Group កាលពីថ្ងៃអាទិត្យ បានរាយការណ៍ពីការខាតបង់លុយចំនួន ៣៣ពាន់លានយ៉ន់ (៤,៥៣ពាន់លានដុល្លារ) សម្រាប់ឆមាសទីមួយ ឆ្នាំ ២០២៣ នេះ។ នេះបើតាមការចុះផ្សាយពីសារព័ត៌មាន Reuters។
Evergrande ដែលជាក្រុមហ៊ុនអចលនទ្រព្យជំពាក់បំណុលច្រើនជាងគេបំផុត បានបង្ហាញថាការខាតបង់ ដោយគិតចាប់ពីខែមករា ដល់ខែមិថុនា ឆ្នាំនេះ មានចំនួនពាក់កណ្តាលនៃការខាតបង់ចំនួន ៦៦,៤ពាន់លានយ៉ន់ សម្រាប់រយ:ពេលដូចគ្នា កាលពីឆ្នាំមុន។
វិស័យអចលនទ្រព្យរបស់ប្រទេសចិន បានធ្លាក់ចុះទៅក្នុងវិបត្តិធ្ងន់ធ្ងរបំផុត ចាប់តាំងពីចុងឆ្នាំ ២០២១ មក ដែលបានជំរុញឱ្យ Evergrande ខកខានក្នុងការសងបំណុលរបស់ខ្លួន ខណ:ការខាតបង់របស់ក្រុមហ៊ុន សម្រាប់ឆ្នាំ ២០២១ និង ២០២២ មានចំនួនសរុបដល់ទៅ ៨១ពាន់លានដុល្លារ ។
ជម្រាបជូនផងដែរថា ក្នុងរយ:ពេលពីរឆ្នាំនោះ ប្រាក់ចំណូលរបស់ Evergrande បានធ្លាក់ចុះ ៥៥% មកនៅត្រឹម ២៣០,១ពាន់លានយ៉ន់ ស្របពេលបំណុលវិញ បានឡើងដល់ ២,៤ពាន់លានយ៉ន់ ពោលគឺបានកើនឡើង ២៣% ៕
