ជំនួបពិភាក្សាការងារដ៏មានសារៈសំខាន់នេះ បានប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា ដោយមានការអញ្ជើញចូលរួមផងដែរពីសំណាក់ ឯកឧត្តមបណ្ឌិត សាហារ៉ូឌីន អ៊ុន (H.E. Dr. Shaharuddin Onn) ឯកអគ្គរាជទូតវិសាមញ្ញនិងពេញសមត្ថភាពនៃប្រទេសម៉ាឡេស៊ី ប្រចាំនៅព្រះរាជាណាចក្រកម្ពុជា។

នៅក្នុងជំនួបនោះ ភាគីទាំងពីរបានពិភាក្សាយ៉ាងស៊ីជម្រៅលើការពង្រឹង និងពង្រីកទំនាក់ទំនងកិច្ចសហប្រតិបត្តិការលើវិស័យមនុស្សធម៌រវាងសមាគមជាតិទាំងពីរ (កាកបាទក្រហមកម្ពុជា និងអឌ្ឍចន្ទក្រហមម៉ាឡេស៊ី) ឱ្យកាន់តែរឹងមាំ និងជិតស្និទ្ធបន្ថែមទៀត ដើម្បីឆ្លើយតបទៅនឹងបញ្ហាប្រឈមនានា ក៏ដូចជាការជួយសង្គ្រោះប្រជាពលរដ្ឋងាយរងគ្រោះនៅក្នុងតំបន់។

គួរបញ្ជាក់ថា ម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា ប្រធានអឌ្ឍចន្ទក្រហមម៉ាឡេស៊ី និងគណៈប្រតិភូ បានយាងនិងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា រយៈពេលពីរថ្ងៃ ចាប់ពីថ្ងៃទី១ ដល់ថ្ងៃទី២ ខែតុលា ឆ្នាំ២០២៦នេះ ក្នុងគោលបំណងរឹតចំណងមិត្តភាព និងកិច្ចសហប្រតិបត្តិការទ្វេភាគី ក្នុងនាមជាសមាជិកគ្រួសារចលនាកាកបាទក្រហម និងអឌ្ឍចន្ទក្រហមអន្តរជាតិដូចគ្នា៕

The post ស្រ្តីទី១កម្ពុជា ទទួលជួបពិភាក្សាការងារ និងរឹតចំណងមិត្តភាពទ្វេភាគី ជាមួយម្ចាស់ក្សត្រី ប្រធានអឌ្ឍចន្ទក្រហមម៉ាឡេស៊ី appeared first on .

ពិធីបើកជាផ្លូវការនៃព្រឹត្តិការណ៍នេះ បានប្រព្រឹត្តទៅក្រោមអធិបតីភាព លោក YAB Dato’ Seri Dr. Ahmad Zahid bin Hamidi ឧបនាយករដ្ឋមន្ត្រីទី១ និងជារដ្ឋមន្ត្រីក្រសួងអភិវឌ្ឍន៍ជនបទ និងតំបន់ម៉ាឡេស៊ី តំណាងដ៏ខ្ពង់ខ្ពស់ លោក Dato’ Seri Anwar Ibrahim នាយករដ្ឋមន្ត្រីម៉ាឡេស៊ី ដោយមានការចូលរួមពីសំណាក់ ឯកឧត្តម លោកជំទាវ និងភ្ញៀវកិត្តិយសជាតំណាងរដ្ឋាភិបាល អង្គទូត អ្នកវិនិយោគិន និងថ្នាក់ដឹកនាំធុរកិច្ច ជាច្រើនរូប។

សូមបញ្ជាក់ផងដែរថា ពិព័រណ៍ MIHAS 2026 ជាព្រឹត្តិការណ៍ពាណិជ្ជកម្មផលិតផលហាឡាលអន្តរជាតិលើកទី២២ ក្រោមមូលបទ «កសាងទំនុកចិត្ត និងជំរុញភាពធន់» (Shaping Trust, Driving Resilience) ដែលរៀបចំដោយ អង្គភាពអភិវឌ្ឍន៍ពាណិជ្ជកម្មក្រៅប្រទេសម៉ាឡេស៊ី (MATRADE) ដោយមានការគាំទ្រពី ក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី (MITI)។ ព្រឹត្តិការណ៍នេះ មានអ្នកចូលរួមទស្សនាប្រមាណ ៥០.០០០ នាក់, អ្នកតាំងពិព័រណ៍អន្តរជាតិ និងអ្នកទិញសក្តានុពល មកពី ៥៨ ប្រទេស, ពន្លាពិព័រណ៍អន្តរជាតិចំនួន ១៣, ក្រុមហ៊ុនចូលរួមតាំងពិព័រណ៍ចំនួន ១.៧០០ ក្រុមហ៊ុន ព្រមទាំងស្តង់ពិព័រណ៍សរុបចំនួន ២.០០០ ស្តង់។

ក្នុងដំណើរបេសកកម្មនេះ ប្រតិភូក្រសួងពាណិជ្ជកម្មកម្ពុជា ក៏បានដឹកនាំគណៈប្រតិភូ ជួបសម្តែងការគួរសមជាមួយ YBhg. Dato’ Indera Abu Bakar Yusof នាយកប្រតិបត្តិ MATRADE និងបានជួបប្រជុំជាមួយតំណាងវិស័យឯកជនមួយចំនួន ដើម្បីជំរុញការនាំចេញ និងពង្រីកវត្តមានផលិតផលខ្មែរនៅលើទីផ្សារម៉ាឡេស៊ី។ ជាពិសេស គណៈប្រតិភូកម្ពុជា បានចុះពិនិត្យមើលផលិតផលអង្ករខ្មែរម៉ាក «ផ្កាខ្ញី» (ទម្ងន់ ១ គីឡូក្រាម និង ៥ គីឡូក្រាម) ដែលបានដាក់តាំងលក់ក្នុងផ្សារ KK Super Mart នៅអគារទីស្នាក់ការកណ្តាល Menara KK (HQ) ក្នុងទីក្រុងគូឡាឡាំពួរ។ ផ្សារ KK Super Mart បច្ចុប្បន្នមានសាខាជាង ១.០០០ ទីតាំង នៅទូទាំងប្រទេសម៉ាឡេស៊ីផងដែរ៕ អត្ថបទ៖ហ្សាលីន

The post ក្រសួងពាណិជ្ជកម្ម ជំរុញការនាំចេញ និងពង្រីកវត្តមានផលិតផលខ្មែរនៅលើទីផ្សារម៉ាឡេស៊ី appeared first on .

នាឱកាសនោះ លោកប្រធានរដ្ឋសភាម៉ាឡេស៊ី បានវាយតម្លៃខ្ពស់ចំពោះភាពរីកចម្រើននៃទំនាក់ទំនង និងកិច្ចសហប្រតិបត្តិការទ្វេភាគី​ ម៉ាឡេស៊ី​-កម្ពុជា។ លោកបន្តថា ទំនាក់ទំនងកម្ពុជា-ម៉ាឡេស៊ី កំពុងស្ថិតក្នុងទិសដៅដ៏ត្រឹមត្រូវ និងបានផ្ដល់ផលប្រយោជន៍ជាច្រើនដល់ប្រជាជននៃប្រទេសទាំងពីរ ហើយម៉ាឡេស៊ីនឹងបន្តលើកកម្ពស់កិច្ចសហប្រតិបត្តិការនេះឱ្យកាន់តែរីកចម្រើន និងរឹងមាំបន្ថែមទៀត។

ជាការឆ្លើយតប សម្តេចធិបតី​ បានវាយតម្លៃខ្ពស់ចំពោះការរីកចម្រើននៃទំនាក់ទំនង និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។ ទន្ទឹមនឹងនេះ សម្តេចធិបតី បានគូសរំលេចពីកំណើនគួរឱ្យកត់សម្គាល់នៃទំហំពាណិជ្ជកម្មទ្វេភាគី ព្រមទាំងបាន​បញ្ជាក់ថា ប្រទេសទាំងពីរនៅ​មានសក្ដានុពលជាច្រើនទៀត​ក្នុងការពង្រឹង និងពង្រីកកិច្ចសហប្រតិបត្តិការទ្វេភាគី។​

តាមរយៈជំនួបខាងលើ សម្ដេចធិបតី និងលោកប្រធានរដ្ឋសភា ក៏បានបន្តពិភាក្សាលើការពង្រឹងកិច្ចសហប្រតិបត្តិការលើវិស័យសំខាន់ៗជាច្រើន រួមមាន វិស័យពាណិជ្ជកម្ម និងការវិនិយោគ, សុខាភិបាល, ការអប់រំ និងការបណ្ដុះបណ្ដាលវិជ្ជាជីវៈ,ទេសចរណ៍ ,ថាមពល,​ ​បច្ចេកវិទ្យា និងបញ្ញាសិប្បនិម្មិត(AI)។

ទន្ទឹមគ្នានេះ ភាគីទាំងពីរ ក៏បានឯកភាពគ្នាលើសារៈសំខាន់នៃកិច្ចសហការ និងការបំពេញឱ្យគ្នាទៅវិញទៅមក​រវាងស្ថាប័ននីតិប្បញ្ញត្តិ និងនីតិប្រតិបត្តិ ដើម្បីរួមគ្នាដោះស្រាយបញ្ហាប្រឈមថ្មីៗប្រកបដោយប្រសិទ្ធភាពសំដៅ​​រួមចំណែកដល់ការថែរក្សា​សន្ដិភាព ស្ថិរភាព និង​វិបុលភាពនៅក្នុងតំបន់ថែមទៀត៕ អត្ថបទ៖ហ្សាលីន

The post សភាម៉ាឡេស៊ី ប្ដេជ្ញាលើកកម្ពស់ និងពង្រីកកិច្ចសហប្រតិបត្តិការជាមួយកម្ពុជាឱ្យកាន់តែរឹងមាំ appeared first on .

នេះបើយោងតាមជំនួបពិភាក្សាការងាររវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ជាមួយគណៈប្រតិភូក្រុមហ៊ុន RENTAS HOLDING SDN. BH. ដែលដឹកនាំដោយ Dato Abdul Halim ប្រធានក្រុមហ៊ុន កាលថ្ងៃទី២៦ ខែសីហា ឆ្នាំ២០២៦។

នាឱកាសនោះ លោកលេខាធិការ Dato Abdul Halim បានជម្រាបជូនពីការកត់សម្គាល់ឃើញនូវភាពរីកចម្រើនយ៉ាងឆាប់រហ័សរបស់កម្ពុជា និងសក្តានុពលខ្ពស់ក្នុងការវិនិយោគ។ ទន្ទឹមនេះ Dato Abdul Halim បានឱ្យដឹងថា គោលបំណងនៃការជួបពិភាក្សានាពេលនេះគឺដើម្បីទទួលបាននូវព័ត៌មានលម្អិតពាក់ព័ន្ធនឹងបរិស្ថានវិនិយោគ និងកាលានុវត្តភាពវិនិយោគនៅកម្ពុជា ខណៈក្រុមហ៊ុនមានចំណាប់អារម្មណ៍បណ្តាក់ទុនវិនិយោគលើការផលិតស្ករ, កែច្នៃស្រូវ និងកែច្នៃស្វាយចន្ទី។

ជាការឆ្លើយតប លោក ជា វុទ្ធី បានសម្តែងនូវការគាំទ្រចំពោះគម្រោងវិនិយោគរបស់ក្រុមហ៊ុន និងបានជំរុញលើកទឹកចិត្តឱ្យក្រុមហ៊ុនគិតគូរវិនិយោគបង្កើតរោងចក្រកែច្នៃស្វាយចន្ទី នៅក្នុងតំបន់សេដ្ឋកិច្ចពិសេសឯកទេសឧស្សាហកម្មកែច្នៃស្វាយចន្ទី ស្ថិតនៅខេត្តកំពង់ធំ ដែលជាគំនិតផ្តួចផ្តើមដ៏ខ្ពង់ខ្ពស់របស់សម្តេចធិបតីនាយករដ្ឋមន្ត្រី ក្នុងគោលបំណងលើកកម្ពស់ខ្សែច្រវាក់តម្លៃឧស្សាហកម្មកែច្នៃស្វាយចន្ទី និងទាញយកអត្ថប្រយោជន៍ជាអតិបរមាពីឧស្សាហកម្មកែច្នៃស្វាយចន្ទីនេះ។

ជាមួយគ្នានេះ លោកក៏បានបញ្ជាក់ពីការត្រៀមខ្លួនរបស់គណៈកម្មាធិការវិនិយោគកម្ពុជា ក្នុងការផ្តល់ការគាំទ្រ និងសម្របសម្រួលដល់ក្រុមហ៊ុន ក្នុងករណីក្រុមហ៊ុនសម្រេចបណ្តាក់ទុនវិនិយោគនៅកម្ពុជា និងដាក់ពាក្យស្នើសុំចុះបញ្ជីគម្រោងវិនិយោគ ស្របតាមច្បាប់ និងបទប្បញ្ញត្តិជាធរមាន។

សូមជម្រាបដែរថា ក្រុមហ៊ុន RENTAS HOLDINGS SDN. BHD. គឺជាក្រុមហ៊ុនឯកជនដែលបានបង្កើត និងចុះបញ្ជីនៅប្រទេសម៉ាឡេស៊ី ក្នុងឆ្នាំ ២០២៥ ដែលមានកម្មវត្ថុអាជីវកម្មផ្តោតសំខាន់លើការធ្វើពាណិជ្ជកម្ម និងចែកចាយស្ករ ក្នុងទីផ្សារម៉ាឡេស៊ី និងមានគោលបំណងពង្រីកទំនាក់ទំនង និងកិច្ចសហការអន្តរជាតិ៕អត្ថបទ៖ហ្សាលីន

The post ក្រុមហ៊ុនម៉ាឡេស៊ី មានចំណាប់អារម្មណ៍បណ្តាក់ទុនវិនិយោគលើការផលិតស្ករ និងកែច្នៃស្វាយចន្ទីនៅកម្ពុជា appeared first on .

នាឱកាសនោះ សម្ដេចរដ្ឋសភាធិបតី ឃួន សុដារី បានស្វាគមន៍វត្តមានគណៈប្រតិភូដែលបានអញ្ជើញចូលរួមសន្និសីទ ISC-2 នាពេលនេះ ហើយបានឆ្លៀតពេលមកជួបពិភាក្សាការងារជាមួយសម្តេច។សម្តេចថា វត្តមានរបស់គណៈប្រតិភូជាន់ខ្ពស់រដ្ឋសភាម៉ាឡេស៊ីនៅក្នុងសន្និសីទ ISC លើកទី២ នេះ ពិតជាមានសារៈសំខាន់ ដែលមិនត្រឹមតែបង្ហាញពីកិច្ចសហប្រតិបត្តិការដ៏ល្អ ជឿជាក់ ទុកចិត្ត និងយោគយល់គ្នានៃប្រទេសទាំងពីរប្រកបដោយភាពស្និទ្ធស្នាល។

សម្ដេចប្រធានរដ្ឋសភាបានគូសបញ្ជាក់ថា សន្និសីទប្រធានសភានៃអន្តរសភាលើកទី២ គឺជាការជួបជុំគ្នាដ៏ធំជាប្រវត្តិសាស្ត្រ ដោយមានប្រធានសភាជាច្រើនប្រទេសចូលរួម ទាំងក្នុងតំបន់និងអន្តរជាតិ ព្រមទាំងមានវត្តមានអង្គការអន្តរជាតិសំខាន់ៗជាច្រើនទៀតផងដែរ។ នេះជាវេទិកាដ៏សំខាន់នៅក្នុងការស្តារទំនុកចិត្ត និងលើកកម្ពស់សន្តិភាពសម្រាប់មនុស្សជាតិទូទាំងសកលលោក ឱ្យរស់នៅប្រកបដោយសុខដុមរមនាជាមួយគ្នា។ សន្និសីទប្រធានសភានៃអន្តរសភាលើកទី២ បានបង្ហាញច្បាស់ពីការស្រលាញ់សន្តិភាព ការលើកកម្ពស់ការគោរពច្បាប់ និងពហុភាគីនិយមដោយបើកចំហ និងបរិយាបន្ន។

ជាមួយគ្នានេះ លោក តាន់ស្រ៊ី ដាតូ បានវាយតម្លៃខ្ពស់ចំពោះតួនាទី និងការចូលរួមដ៏សំខាន់របស់កម្ពុជា នៅក្នុងកិច្ចការអន្តរជាតិ ពិសេសការលើកកម្ពស់សុខសន្តិភាព និងកិច្ចសហប្រតិបត្តិការប្រកបដោយចីរភាព ទាំងក្នុងតំបន់និងអន្តរជាតិ។លោកក៏បានវាយតម្លៃខ្ពស់ ចំពោះចំណងមិត្តភាពនិងកិច្ចសហប្រតិបត្តិការដ៏ល្អរវាងប្រទេសទាំងពីរ ដែលមានការរីកចម្រើនជាលំដាប់ពីមួយថ្ងៃទៅមួយថ្ងៃផងដែរ។

សូមជម្រាបដែរថា តាមរយៈជំនួបនោះ សម្ដេចប្រធានរដ្ឋសភា ក៏បានស្នើឯកឧត្តមប្រធានរដ្ឋសភាម៉ាឡេស៊ីបន្តជំរុញទំនាក់ទំនងប្រជាជននិងប្រជាជននៃប្រទេសទាំងពីរឱ្យកាន់តែជិតស្និទ្ធ និងជំរុញវិនិយោគិនម៉ាឡេស៊ីមកកម្ពុជាឱ្យកាន់តែច្រើនឡើង ដើម្បីផលប្រយោជន៍នៃប្រទេស និងពលរដ្ឋប្រទេសទាំងពីរ៕ អត្ថបទ៖ហ្សាលីន

The post រដ្ឋសភាកម្ពុជា ស្នើឱ្យរដ្ឋសភាម៉ាឡេស៊ីបន្តជំរុញវិនិយោគិនខ្លួន ឱ្យមកបោះទុនវិនិយោគនៅកម្ពុជា appeared first on .

ជំនួបពិភាក្សានេះ ដឹកនាំដោយលោក សួន សុផល អគ្គលេខាធិការរង គណៈកម្មាធិការវិនិយោគកម្ពុជានិងលោក Ng Sze Han ជាសមាជិកក្រុមប្រឹក្សាប្រតិបត្តិរដ្ឋ Selangor (Exco) ទទួលបន្ទុកវិនិយោគ ពាណិជ្ជកម្ម និងចល័តភាព ក្នុងគោលបំណងសិក្សាស្វែងយល់ពីបរិយាបទវិនិយោគ និងបទប្បញ្ញត្តិពាក់ព័ន្ធនានានៅកម្ពុជា។

ថ្លែងក្នុងជំនួបនោះ លោក Ng Sze Han ភាគីម៉ាឡេស៊ី (Invest Selangor) បានណែនាំអំពីព្រឹត្តិការណ៍ Selangor International Business Summit (SIBS) 2026 ដែលជាវេទិកាធុរកិច្ចថ្នាក់តំបន់ដ៏សំខាន់មួយសម្រាប់តភ្ជាប់សហគ្រិន និងវិនិយោគិនក្នុងតំបន់អាស៊ាន ព្រមទាំងបានពិភាក្សាអំពីកិច្ចសហប្រតិបត្តិការដើម្បីស្វែងរកឱកាសធុរកិច្ចរួមគ្នារវាងប្រទេសទាំងពីរ។

ជាការឆ្លើយតប លោកអគ្គលេខាធិការរងបានសម្តែងនូវការស្វាគមន៍យ៉ាងកក់ក្តៅជូន ចំពោះភាគីម៉ាឡេស៊ីដែលបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា។ បន្ថែមពីនេះ ឯកឧត្តមក៏បានជម្រាបជូនដោយសង្ខេបអំពីច្បាប់និងបទប្បញ្ញត្តិ, កញ្ចប់លើកទឹកចិត្តប្រកបដោយភាពឆ្លាតវៃ ជាពិសេសសេវាការថែទាំវិនិយោគ ដែលជ្រកក្រោមច្បាប់ស្ដីពីវិនិយោគនៃព្រះរាជាណាចក្រកម្ពុជា។

សូមជម្រាបថា តាមរយៈជំនួបនេះ កម្ពុជា-ម៉ាឡេស៊ី បានចាត់ទុកថា វាគឺជាជំហានដ៏សំខាន់មួយក្នុងការបើកទ្វារទទួលអ្នកវិនិយោគគិនបរទេស និងលើកកម្ពស់សេដ្ឋកិច្ចជាតិរវាងប្រទេសទាំងពីរឱ្យកាន់តែរីកចម្រើនថែមមួយកម្រិតទៀត៕ អត្ថបទ៖ហ្សាលីន

The post ប្រតិភូពាណិជ្ជកម្ម និងវិនិយោគម៉ាឡេស៊ី  ចង់ស្វែងរកឱកាសធ្វើធុរកិច្ចរួមគ្នាជាមួយកម្ពុជា appeared first on .

លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានឱ្យដឹងថា ក្នុងជំនួបនោះ ភាគីទាំងពីរបានពិភាក្សា និងផ្លាស់ប្តូរយោបល់គ្នាពីការជំរុញពាណិជ្ជកម្មទ្វេភាគី និងលើកកម្ពស់កិច្ចសហប្រតិបត្តិការរវាងកម្ពុជា-ម៉ាឡេស៊ីឱ្យកាន់តែប្រសើរឡើងបន្ថែមទៀត និងបានពិភាក្សាអំពីការចូលរួមរបស់កម្ពុជានៅក្នុងពិព័រណ៍ហាឡាលអន្តរជាតិម៉ាឡេស៊ីផងដែរ។

សូមជម្រាបដែរថា ពាក់ព័ន្ធនឹងពាណិជ្ជកម្មរវាងប្រទេសទាំងពីរ បើគិតក្នុងរយៈពេល ៧ខែដំបូងនៃឆ្នាំ២០២៦ ទំហំពាណិជ្ជកម្មទ្វេភាគីរវាងកម្ពុជា និងម៉ាឡេស៊ី សម្រេចបានប្រមាណ ៩៤៧លានដុល្លារអាម៉េរិក កើនឡើងប្រមាណ ៥៨% បើធៀបនឹងរយៈពេលដូចគ្នាក្នុងឆ្នាំ២០២៥ ដែលបង្ហាញពីសន្ទុះកំណើនសេដ្ឋកិច្ចដ៏រឹងមាំរវាងប្រទេសទាំងពីរ៕អត្ថបទ៖ហ្សាលីន

The post កម្ពុជា-ម៉ាឡេស៊ី រួមគ្នាជំរុញពាណិជ្ជកម្ម និងលើកកម្ពស់កិច្ចសហប្រតិបត្តិការទ្វេភាគីឱ្យកាន់ខ្លាំង appeared first on .

ក្នុងជំនួបនេះ រដ្ឋមន្ត្រីការពារជាតិម៉ាឡេស៊ី បានបញ្ជាក់ថា កម្ពុជាគឺជាមិត្តដ៏ជិតស្និទ​ និងគួរឱ្យទុកចិត្ត។ លោកបានបន្តថា ដំណើរទស្សនកិច្ចរបស់ឯកឧត្តមនាពេលនេះ នឹងចូលរួមចំណែកកាន់តែសំខាន់ដល់ការពង្រឹងទំនាក់ទំនងទ្វេភាគី និងប្រែក្លាយការប្ដេជ្ញាចិត្តឱ្យទៅជាសកម្មភាពជាក់ស្ដែង សំដៅបន្តពូនជ្រំកិច្ចសហប្រតិបត្តិការម៉ាឡេស៊ី-កម្ពុជាឱ្យកាន់តែស៊ីជម្រៅ ជាពិសេសលើវិស័យការពារជាតិ។

បន្ថែមលើនេះ លោក ក៏បានបញ្ជាក់អំពីការប្តេជ្ញាចិត្តរបស់ម៉ាឡេស៊ី​ ក្នុងការបន្តផ្តល់វគ្គបណ្តុះបណ្តាលដល់កម្ពុជា​ និងពិនិត្យលទ្ធភាពស្វែងរកកិច្ចសហប្រតិបត្តិការ​ ដែលពាក់ព័ន្ធ​នឹងប្រតិបត្តិការរក្សាសន្តិភាព,​ ការឆ្លើយតបនឹងបញ្ហាសន្តិសុខមិនមែនប្រពៃណី,​ សន្តិសុខលំហសមុទ្រ និងការអភិវឌ្ឍសមត្ថភាពលើបច្ចេកវិទ្យាបញ្ញាសិប្បនិម្មិត (AI) ក្នុងវិស័យការពារជាតិ​ ជាដើម។

ជាការឆ្លើយតប សម្ដេចធិបតី បានស្វាគមន៍ និងថា កម្ពុជានឹងបន្តគាំទ្រចំពោះការពង្រឹង និងពង្រីកកិច្ចសហប្រតិបត្តិការរវាងក្រសួងការពារជាតិនៃប្រទេសទាំងពីរ ខណៈ​សម្ដេចធិបតី ក៏បានថ្លែងអំណរគុណដល់រដ្ឋាភិបាលម៉ាឡេស៊ី ដែលបានចូលរួមយ៉ាងសកម្មក្នុងការសម្របសម្រួលបទឈប់បាញ់រវាងកម្ពុជា និងថៃ នាពេលកន្លងមក ព្រមទាំងការដឹកនាំ​ និងបន្តចូលរួមយ៉ាងសំខាន់ក្នុងយន្តការក្រុមអ្នកសង្កេតការណ៍អាស៊ាន (AOT) នៅកម្ពុជា។

មុននឹងបញ្ចប់ សម្តេចធិបតី ក៏បានជម្រាបជូនរដ្ឋមន្ត្រីការពារជាតិម៉ាឡេស៊ី អំពីការវិវត្តថ្មីៗនៃស្ថានការណ៍ព្រំដែនកម្ពុជា-ថៃ ដោយបានសង្កត់ធ្ងន់អំពីការប្ដេជ្ញាចិត្ត និងជំហររបស់កម្ពុជា ក្នុងការបន្តប្រកាន់យកយន្តការដោះស្រាយបញ្ហាព្រំដែនដោយសន្តិវិធី ដោយផ្អែកលើច្បាប់អន្តរជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងនានាដែលមានស្រាប់រវាងប្រទេសទាំងពីរ៕អត្ថបទ៖ហ្សលីន

The post ម៉ាឡេស៊ី ប្ដេជ្ញាពូនជ្រំកិច្ចសហប្រតិបត្តិការលើវិស័យការពារជាតិជាមួយកម្ពុជាឱ្យកាន់តែស៊ីជម្រៅ appeared first on .

នេះបើយោងតាមព្រឹត្តិការណ៍ «ពិព័រណ៍ទេសចរណ៍ និងទំនិញម៉ាឡេស៊ីឆ្នាំ២០២៦» (Malaysia Travel and Shopping Fair 2026) កាលពីថ្ងៃទី២៤ ខែឧសភា ឆ្នាំ២០២៦ ដែលរៀបចំឡើងដោយក្រុមប្រឹក្សាទេសចរណ៍ម៉ាឡេស៊ី ក្រោមការគាំទ្រពីស្ថានទូតម៉ាឡេស៊ីប្រចាំទីក្រុងភ្នំពេញ ក្រោមវត្តមាន លោក ជា ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ លោក Shaharuddin bin Onn ឯកអគ្គរាជទូតវិសាមញ្ញ និងពេញសមត្ថភាពរបស់ម៉ាឡេស៊ីប្រចាំកម្ពុជា អង្គទូតនានាប្រចាំប្រទេសកម្ពុជា ថ្នាក់ដឹកនាំ និងមន្ត្រីរាជការនៃក្រសួងទេសចរណ៍ ដៃគូវិស័យឯកជន ក្រុមហ៊ុនទេសចរណ៍ ក្រុមហ៊ុនអាកាសចរណ៍ ក្រុមប្រឹក្សាសុខាភិបាលម៉ាឡេស៊ី ក្រុមហ៊ុនម៉ាឡេស៊ី និងភ្ញៀវកិត្តិយសជាតិ និងអន្តរជាតិច្រើន១៥០រូប។

នាឱកាសនោះ លោករដ្ឋមន្ត្រី បានលើកឡើងថា វិស័យទេសចរណ៍ ពិតជាមិនអាចកាត់ផ្តាច់បានពីកត្តាសុខសន្តិភាព សុវត្ថិភាព ស្ថិរភាពនយោបាយ និងសង្គម ព្រមទាំងកិច្ចសហប្រតិបត្តិអន្តរជាតិជាមួយបណ្តាប្រទេសជាមិត្ត ដើម្បីជំរុញការធ្វើដំណើរផ្លាស់ប្តូរប្រជាជន អ្នកវិនិយោគិន អ្នកធ្វើដំណើរ និងអ្នកធ្វើទេសចរ ព្រមទាំងការតភ្ជាប់តាមផ្លូវអាកាសមកកម្ពុជាពីគ្រប់តំបន់នានានៃពិភពលោក។ ហើយវិស័យនេះ គឺជាវិស័យអាទិភាព និងជាសសរស្តម្ភសេដ្ឋកិច្ចដ៏សំខាន់របស់រាជរដ្ឋាភិបាលកម្ពុជា ក្នុងការជំរុញកំណើនសេដ្ឋកិច្ច និងលើកកម្ពស់ជីវភាពប្រជាពលរដ្ឋ ស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា។

ទន្ទឹមនឹងនេះ លោករដ្ឋមន្ត្រី ក៏បានគូសបញ្ជាក់អំពីយុទ្ធនាការ «ទស្សនាកម្ពុជានារដូវកាលបៃតង» ចាប់ពីខែឧសភា ដល់ខែតុលា ឆ្នាំ២០២៦ ដែលផ្តល់ជូនបទពិសោធន៍ទេសចរណ៍ប្លែក បៃតងស្រស់ស្អាត និងបរិយាកាសត្រជាក់ ជាមួយអត្ថប្រយោជន៍ពិសេសជាច្រើន ស្របតាមពាក្យស្លោក “6 Musts” រួមមាន Must See, Must Stay, Must Taste, Must Visit, Must Try និង Must Buy។

តាមរយៈព្រឹត្តិការនេះ កម្ពុជា-ម៉ាឡេស៊ី រំពឹងថា នឹងចូលរួមចំណែកយ៉ាងសំខាន់ក្នុងការជំរុញការផ្លាស់ប្តូរវប្បធម៌ ការតភ្ជាប់ប្រជាជននិងប្រជាជន និងការពង្រឹងកិច្ចសហប្រតិបត្តិការទេសចរណ៍រវាងកម្ពុជា និងម៉ាឡេស៊ី ឱ្យកាន់តែសកម្ម ស៊ីជំរៅ រឹងមាំ និងផ្តល់ជាប្រយោជន៍អតិបរមាដល់ប្រជាជននៃប្រទេសទំាងពីរបន្ថែមទៀត។

គូសបញ្ជាក់ផងដែរថា ទំនាក់ទំនងការទូតរវាងកម្ពុជា និងម៉ាឡេស៊ី មានរយៈពេល៦៩ឆ្នាំ ប្រកបដោយមិត្តភាព និងកិច្ចសហប្រតិបត្តិការយ៉ាងជិតស្និទ្ធ ជាពិសេសក្នុងវិស័យទេសចរណ៍៕ អត្ថបទ៖ហ្សាលីន

The post កម្ពុជា និងម៉ាឡេស៊ី ប្តេជ្ញារួមគ្នាពង្រឹងកិច្ចសហប្រតិបត្តិការទេសចរណ៍ទ្វេភាគីឱ្យកាន់តែសកម្ម appeared first on .

ពិធីចុះហត្ថលេខាលើអនុស្សរណៈនៃការយោគយល់គ្នា (MoU)នេះ ធ្វើឡើងក្នុងកម្មវិធី 2nd MCBA Networking & Council Installation night 2026 ដែលរៀបចំឡើងដោយសមាគមធុរកិច្ចម៉ាឡេស៊ីកម្ពុជា (MCBA) នៅ Kuala Lumpur Gold and Country Club (KLGCC) នាប្រទេសម៉ាឡេស៊ី កាលពីថ្ងៃទី៥ ឧសភា។

ពិធីនេះក៏មានការចូលរួមពីសមាជិក MCBA, ប្រតិភូ FASMEC, អ្នកឧកញ៉ា ឧកញ៉ា វិនិយោគិន ក្រុមហ៊ុន សហគ្រាស និងសមាគមនានា ពីប្រទេសកម្ពុជា-ម៉ាឡេស៊ី មកពីវិស័យផ្សេងៗគ្នាដូចជា៖ ពាណិជ្ជកម្ម ឧស្សហកម្ម អបរំ ការថែទាំសុខភាព កសិកម្ម  ទេសចរណ៍ បច្ចេកវិទ្យា អចលនទ្រព្យ និងភស្តុភាកម្មផងដែរ។

ក្នុងឱកាសនោះ លោកអនុព័ន្ធពាណិជ្ជកម្មកម្ពុជា ក៏បានលើកឡើងអំពីទំហំពាណិជ្ជកម្មកម្ពុជានិងម៉ាឡេស៊ី ដែលកំពុងបន្តកើនឡើងគួរអោយកត់សម្គាល់សម្រាប់ត្រីមាសទី១ ឆ្នាំ២០២៦ ទោះបីជាពិភពលោកកំពុងជួបវិបត្តិប្រេងសកលក៌ដោយ និងបានបង្ហាញអំពីបរិយាកាសវិនិយោគនៅកម្ពុជា ច្បាប់ បទបញ្ញត្តិថ្មីៗ ជាពិសេសការធ្វើសាមញ្ញកម្មនៃការងារចុះបញ្ជីពាណិជ្ជកម្មរបស់ក្រសួងពាណិជ្ជកម្មកម្ពុជា ដែលទើបប្រកាសដាក់ឱ្យប្រើប្រាស់នាពេលថ្មីៗកន្លងមកនេះ ដែលនឹងជួយដល់វិនិយោគិនដែលមានបំណងចង់មកបើកក្រុមហ៊ុននៅកម្ពុជាកាន់តែងាយស្រួល និងចំណាយតិចជាងមុន៕

The post សមាគមធុរកិច្ចម៉ាឡេស៊ីកម្ពុជា និងសហព័ន្ធសមាគមសហគ្រាសធុនតូចនិងមធ្យមកម្ពុជា សហការគ្នាត្រៀមរៀបចំវេទិកាភាពជាអ្នកដឹកនាំអន្តរជាតិកម្ពុជាឆ្នាំ២០២៧ appeared first on .