ពិធីនេះ ចុះហត្ថលេខាដោយ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងលោក  កែវ រតនៈ រដ្ឋមន្រ្តីក្រសួងរ៉ែ និងថាមពល ព្រមទាំងមានការចូលរួមពី ថ្នាក់ដឹកនាំនៃក្រសួងទាំង២ អភិបាល អភិបាលរង នៃគណៈអភិបាលរាជធានី-ខេត្ត និងមន្រ្តីជំនាញពាក់ព័ន្ធផងដែរ។

លោក កែវ រតនៈ បានឱ្យដឹងថា ប្រព័ន្ធអំពូលបំភ្លឺផ្លូវថាមពលពន្លឺព្រះអាទិត្យបន្ថែមតាមបណ្តាញផ្លូវសាធារណៈ និងតំបន់ទេសចរណ៍ ដើម្បីបន្ថយហានិភ័យគ្រោះថ្នាក់ចរាចរណ៍ លើកសោភ័ណភាពនិងពង្រឹងសន្តិសុខសាធារណៈ។ លោកបន្តថា នេះជាការរុញផ្លែផ្កានៃការអភិវឌ្ឍផ្នែកអគ្គិសនីបន្ថែមទៅប្រជាពលរដ្ឋក្រោមការសហការរបស់ក្រសួងរ៉ែនិងថាមពល ក្រសួងសាធារណការនិងដឹកជញ្ជូន និងរដ្ឋបាលរាជធានីភ្នំពេញនិងខេត្ត។

បន្ថែមពីនេះ លោក ប្រាំង ជលសា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកអគ្គិសនីកម្ពុជាក៏បានបញ្ជាក់ឱ្យដឹងដែរថា ក្នុងការងារដំឡើងប្រព័ន្ធអំពូលភ្លើងបំភ្លឺផ្លូវដោយប្រើថាមពលពីពន្លឺព្រះអាទិត្យ តាមបណ្តាញផ្លូវជាតិ និងផ្លូវសាធារណៈក្នុងរាជធានី-ខេត្ត ទាំង ១៣ខាងលើនេះ អគ្គិសនីកម្ពុជាបានប៉ាន់ស្មានចំណាយប្រមាណ ៥លានដុល្លារ នៅតាមកំណាត់ផ្លូវជាតិ បណ្តាញផ្លូវថ្នល់សរុបប្រមាណ ១.០០០គីឡូម៉ែត្រ។ ហើយបន្ទាប់ពីបញ្ចប់ការសាងសង់រួច ក្រសួងរ៉ែ និងថាមពល និងអគ្គិសនីកម្ពុជា នឹងប្រគល់ជូនក្រសួងសាធារណការ និងដឹកជញ្ជូន រដ្ឋបាលរាជធានី-ខេត្ត បន្តគ្រប់គ្រង និងដំណើរការថែទាំ ដើម្បីឱ្យហេដ្ឋារចនាសម្ព័ន្ធនេះ នៅបន្តបំភ្លឺជូនបងប្អូនប្រជាពលរដ្ឋជានិរន្តរ៍។

សូមបញ្ជាក់ថា សម្រាប់ការដំឡើងនៅលើមេឌ្យានទ្រូងផ្លូវ គឺត្រូវអនុវត្តនៅលើកំណាត់ផ្លូវជាតិលេខ៥ និងផ្លូវជាតិលេខ៧ ចំណែកការដំឡើងនៅអមសងខាងផ្លូវ ត្រូវធ្វើឡើងនៅលើផ្លូវជាតិលេខ៦ និងផ្លូវជាតិលេខ២១។ ដោយឡែក ផ្លូវក្រវាត់ក្រុងទី២ និងទី៣ ក្នុងរាជធានីភ្នំពេញ នឹងត្រូវដំឡើងទាំងនៅអមសងខាងផង និងលើមេឌ្យានទ្រូងផ្លូវផង។ បន្ថែមពីនេះ គម្រោងក៏នឹងពង្រីកការដំឡើងនៅលើផ្លូវក្នុងក្រុងដែលជាទីប្រជុំជន និងតំបន់ទេសចរណ៍ក្នុងភូមិសាស្ត្រខេត្តចំនួន៦ ទៀតរួមមាន ខេត្តកំពង់ស្ពឺ តាកែវ ព្រះសីហនុ កោះកុង កំពត និងខេត្តកែប៕

The post ប្រព័ន្ធអំពូលបំភ្លឺផ្លូវថាមពលពន្លឺព្រះអាទិត្យតម្លៃប្រមាណ៥លានដុល្លារ នឹងត្រូវដាក់ពង្រាយនៅខេត្តចំនួន១៣ appeared first on .

នាព្រឹកថ្ងៃទី១៤ ខែកក្កដា ឆ្នាំ២០២៦ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងលោក កែវ រតនៈ រដ្ឋមន្រ្តីក្រសួងរ៉ែ និងថាមពល បានអញ្ជើញជាអធិបតីក្នុង ពិធីចុះអនុស្សរណៈនៃការយោគយល់គ្នារវាង ក្រសួងសាធារណការ និងដឹកជញ្ជូន និង ក្រសួងរ៉ែ និងថាមពល ស្តីពីកិច្ចសហប្រតិបត្តិការក្នុងការដំឡើងអំពូលភ្លើងបំភ្លឺប្រើថាមពលពន្លឺព្រះអាទិត្យតាមបណ្តាញផ្លូវសាធារណៈនៅកម្ពុជា។ ពិធីនេះ ក៏មានការចូលរួមពី ថ្នាក់ដឹកនាំនៃក្រសួងទាំង២ អភិបាល អភិបាលរង នៃគណៈអភិបាលរាជធានី-ខេត្ត និងមន្រ្តីជំនាញពាក់ព័ន្ធផងដែរ។

សូមជម្រាបដែរថា ពិធីចុះអនុស្សរណៈនាពេលនេះ មានគោលបំណងដើម្បីធ្វើកិច្ចសហប្រតិបត្តិការក្នុងការដំឡើងភ្លើងបំភ្លឺដោយប្រើថាមពលពន្លឺព្រះអាទិត្យតាមបណ្តាញផ្លូវសាធារណៈ និងផ្លូវថ្នល់នានា ដើម្បីជួយលើកកម្ពស់សុវត្ថិភាពចរាចរណ៍ និងសន្តិសុខតាមបណ្តាញផ្លូវសាធារណៈ ជាពិសេសរួមចំណែកកាត់បន្ថយគ្រោះថា្នក់ពេលយប់តាមបណ្តាញផ្លូវថ្នល់៕ អត្ថបទ៖ហ្សាលីន

The post ក្រសួងចំនួន២ ជំរុញកិច្ចសហការដំឡើងភ្លើងបំភ្លឺដោយប្រើថាមពលពន្លឺព្រះអាទិត្យតាមផ្លូវសាធារណៈ appeared first on .

កិច្ចពិភាក្សារវាងភាគីទាំងពីរខាងលើក៏បានផ្ដោតលើគម្រោងវារីអគ្គិសនីកម្លាំង ៨០០ មេហ្កាវ៉ាត់ និងគម្រោងកែច្នៃកាកសំណល់សម្រាមនៅរាជធានីភ្នំពេញទៅជាថាមពលអគ្គិសនី ដែលក្រុមហ៊ុនបារាំងកំពុងសិក្សាដើម្បីវិនិយោគ។

ក្រៅពីគម្រោងខាងលើ ភាគីទាំងពីរក៏បានជជែកដេញដោលយ៉ាងស៊ីជម្រៅលើកិច្ចសហប្រតិបត្តិការផ្នែកប្រេង និងឧស្ម័ន។ ទន្ទឹមនឹងនេះ ភាគីបារាំងបានបង្ហាញជំហរគាំទ្រយ៉ាងពេញទំហឹងចំពោះការស្វែងរកដំណោះស្រាយលើបញ្ហាតំបន់ត្រួតស៊ីគ្នា (OCA) រវាងកម្ពុជា និងថៃ ដោយផ្អែកលើគោលការណ៍សន្តិវិធី និងច្បាប់អន្តរជាតិ ដើម្បីធានាបាននូវផលប្រយោជន៍សេដ្ឋកិច្ច និងស្ថិរភាពក្នុងតំបន់។

The post បារាំង មានបំណងពង្រីកការវិនិយោគលើថាមពលកកើតឡើងវិញ និងការគ្រប់គ្រងបរិស្ថាននៅកម្ពុជា appeared first on .

ការប្ដេជ្ញាចិត្តនេះត្រូវបានធ្វើឡើងនៅក្នុងជំនួបពិភាក្សាការងាររវាង លោក កែវ រតនៈ រដ្ឋមន្ត្រីក្រសួងរ៉ែនិងថាមពល និង លោក Obaid Saeed Obaid Bintaresh Aldhaheri ឯកអគ្គរាជទូតវិសាមញ្ញនិងពេញសមត្ថភាព នៃសហព័ន្ធអេមីរ៉ាតអារ៉ាប់រួម ប្រចាំព្រះរាជាណាចក្រកម្ពុជា។

នៅក្នុងកិច្ចពិភាក្សាដែលផ្តោតសំខាន់លើ «ទីផ្សារឧស្ម័ននៅកម្ពុជា» ភាគីកម្ពុជាបានវាយតម្លៃខ្ពស់ចំពោះឱកាសវិនិយោគ និងលទ្ធភាពដ៏មានសក្តានុពលក្នុងការកសាងភាពជាដៃគូដ៏រឹងមាំរវាងប្រទេសទាំងពីរ។ ជាមួយគ្នានេះដែរ ភាគីសហព័ន្ធអេមីរ៉ាតអារ៉ាប់រួម បានអះអាងថានឹងនៅតែបន្តជំរុញកិច្ចសហប្រតិបត្តិការជាមួយកម្ពុជាយ៉ាងជិតស្និទ្ធបន្ថែមទៀត បើទោះបីជាបច្ចុប្បន្នទីផ្សារថាមពលនៅតំបន់អាស៊ីបូព៌ាកំពុងជួបប្រឈមនឹងស្ថានភាពមិនប្រាកដប្រជាក៏ដោយ។

ជំនួបនេះឆ្លុះបញ្ចាំងឱ្យឃើញពីការបើកចំហ និងការទាក់ទាញការវិនិយោគពីបរទេសរបស់កម្ពុជា ក្នុងគោលដៅធានាឱ្យបាននូវសន្តិសុខថាមពល និងការរីកចម្រើនសេដ្ឋកិច្ចជាតិប្រកបដោយនិរន្តរភាព៕

The post កម្ពុជា និងសហព័ន្ធអេមីរ៉ាតអារ៉ាប់រួម ប្ដេជ្ញាពង្រឹងកិច្ចសហប្រតិបត្តិការលើ “វិស័យប្រេងនិងឧស្ម័ន” appeared first on .

នៅក្នុងកិច្ចពិភាក្សាដ៏ស្និទ្ធស្នាលនិងបើកចំហនោះ ថ្នាក់ដឹកនាំទាំងពីរបានជជែកវែកញែកយ៉ាងស៊ីជម្រៅ ទៅលើការបើកផ្លូវពង្រីកកិច្ចសហប្រតិបត្តិការទ្វេភាគី លើវិស័យធំៗចំនួនបីដែលមានសក្ដានុពលខ្លាំងបំផុតគឺ កិច្ចការការទូត ពាណិជ្ជកម្ម និងថាមពល។

គោលដៅធំបំផុតនៃជំនួបកំពូលនេះ គឺការស្វែងរកផលប្រយោជន៍សេដ្ឋកិច្ចទៅវិញទៅមក ព្រមទាំងការចងមិត្តភាពជួយជំរុញការអភិវឌ្ឍឱ្យកាន់តែចីរភាព និងរីកចម្រើនទៅមុខយ៉ាងលឿនសម្រាប់ប្រទេសទាំងពីរ។

The post កម្ពុជា-តួកគី ប្ដេជ្ញារុញច្រានវិស័យការទូត ពាណិជ្ជកម្ម និងថាមពល ឱ្យកាន់តែរីកចម្រើន appeared first on .

សមិទ្ធផលដ៏លេចធ្លោនេះ ត្រូវបានឱ្យដឹងនៅក្នុងកិច្ចប្រជុំក្រុមប្រឹក្សាភិបាលសមាគមថ្មអារកម្ពុជា អាណត្តិទី១ លើកទី១ កាលពីថ្ងៃទី២៤ ខែមិថុនា ឆ្នាំ២០២៦ ក្រោមអធិបតីភាព លោក កែវ រតនៈ រដ្ឋមន្រ្តីក្រសួងរ៉ែនិងថាមពល។

លោក កែវ រតនៈ បានឱ្យដឹងថា ដើម្បីបន្តជម្រុញកំណើនសេដ្ឋកិច្ច និងពង្រឹងសក្តានុពលនៃវិស័យនេះ រាជរដ្ឋាភិបាល ក៏ដូចជាក្រសួងរ៉ែនិងថាមពល បានដាក់ចេញនូវផែនការការងារអាទិភាពសំខាន់ៗជាបន្តបន្ទាប់។ ផែនការទាំងនោះ រួមមានការបង្កើតតម្លៃបន្ថែមតាមរយៈការធ្វើពិពិធកម្មផលិតផលថ្មអារឱ្យកាន់តែសម្បូរបែប ការស្វែងរកទីផ្សារនាំចេញទៅក្រៅប្រទេសបន្ថែមទៀត ការគ្រប់គ្រងការអភិវឌ្ឍដោយគិតគូរខ្ពស់ពីបរិស្ថាន សុវត្ថិភាព ផលប្រយោជន៍រួម និងការផ្តោតលើការបណ្តុះបណ្តាលជំនាញដល់បុគ្គលិក កម្មករជាជនជាតិខ្មែរផ្ទាល់។

បើតាម លោក កែវ រតនៈ ជំហានថ្មីនេះ បង្ហាញពីការប្តេជ្ញាចិត្តខ្ពស់របស់កម្ពុជា ក្នុងការប្រែក្លាយធនធានរ៉ែសំណង់ ឱ្យទៅជាប្រភពចំណូលជាតិដ៏រឹងមាំ និងមានចីរភាពសម្រាប់ពេលអនាគត៕

The post កម្ពុជា រកចំណូលសួយសារពីថ្មអារ បានជិត ៤០លានដុល្លារ និងត្រៀមពង្រីកទីផ្សារទៅក្រៅប្រទេស appeared first on .

នៅក្នុងជំនួបពិភាក្សាការងារដ៏មានសារៈសំខាន់នេះ លោក កែវ រតនៈ បានបង្ហាញចំណាប់អារម្មណ៍យ៉ាងខ្លាំងពាក់ព័ន្ធនឹងការនាំចូលប្រេងនិងឧស្ម័ន។ ការណ៍នេះដោយសារតែកម្ពុជានិងហ្វីលីពីន សុទ្ធសឹងតែជាប្រទេសដែលរងសម្ពាធនៃផលប៉ះពាល់ដូចគ្នាក្នុងវិបត្តិថាមពលសកល។

កត្តាប្រឈមរួមនេះ បានជំរុញឱ្យភាគីទាំងពីរផ្តោតការពិភាក្សាយ៉ាងលម្អិតលើរបៀបវារៈសំខាន់ៗចំនួនបី។ ទីមួយ គឺការធានាសន្តិសុខថាមពលឱ្យមានប្រភពផ្គត់ផ្គង់ប្រកបដោយស្ថិរភាព។ ទីពីរ គឺការជំរុញនិងបង្កើនការងារប្រើប្រាស់ថាមពលកកើតឡើងវិញ។ ទីបី គឺការកសាងបណ្តាញអគ្គិសនីអាស៊ាន (ASEAN Power Grid – APG) ដែលជាការតភ្ជាប់អគ្គិសនីរវាងប្រទេសក្នុងតំបន់។

គួរឱ្យដឹងថា ការតភ្ជាប់បណ្តាញអគ្គិសនីអាស៊ាននេះ ធ្វើឡើងក្នុងគោលបំណងធានាឱ្យមានថាមពលប្រើប្រាស់គ្រប់គ្រាន់ មានតម្លៃសមរម្យ និងឆ្លើយតបទៅនឹងការគាំទ្រការប្រើប្រាស់ថាមពលស្អាតនាពេលអនាគត។

ជាមួយគ្នានេះដែរ លោករដ្ឋមន្រ្តីក្រសួងរ៉ែ ក៏បានសម្តែងការកោតសរសើរយ៉ាងជ្រាលជ្រៅចំពោះការចែករំលែកបទពិសោធន៍ល្អៗ ក្នុងការអភិវឌ្ឍវិស័យថាមពលរបស់ប្រទេសហ្វីលីពីន។ លោកក៏បានបញ្ជាក់ពីការត្រៀមលក្ខណៈរួចជាស្រេច ក្នុងកិច្ចពិភាក្សានានា អំឡុងពេលកិច្ចប្រជុំរដ្ឋមន្ត្រីថាមពលអាស៊ាន ដែលប្រទេសហ្វីលីពីននឹងធ្វើជាប្រធានប្តូរវេន នាឆ្នាំ២០២៧ ខាងមុខនេះផងដែរ។

The post កម្ពុជា-ហ្វីលីពីន ជែកពិភាក្សាស៊ីជម្រៅពីសន្តិសុខថាមពល និងការតភ្ជាប់បណ្តាញអគ្គិសនីអាស៊ាន ដើម្បីធានាការផ្គត់ផ្គង់តម្លៃសមរម្យ appeared first on .

តាមរយៈជំនួបពិភាក្សាការងារខាងលើ ក្រសួងរ៉ែនិងថាមពល​និងក្រុមហ៊ុន​ Rio Tinto នឹងបន្តកិច្ចសហការល្អជាមួយគ្នា​ដើម្បីឈានសម្រេចដល់ការចុះអនុស្សារណៈយោគយល់គ្នា (MoU) ដែលផ្តោតរួមលើការអភិវឌ្ឍធនធានរ៉ែប្រកបដោយការទទួលខុសត្រូវនិងអត្ថប្រយោជន៍រយៈពេលវែងសម្រាប់កម្ពុជា។

សូមជម្រាបដែរថា វិស័យរ៉ែនៅកម្ពុជាបាននឹងកំពុងក្លាយជាសសរស្តម្ភដ៏សំខាន់មួយក្នុងការទ្រទ្រង់កំណើនសេដ្ឋកិច្ចជាតិ។ គិតមកដល់ពេលបច្ចុប្បន្ននេះ ទុនវិនិយោគសរុបក្នុង«វិស័យរ៉ែ»របស់ប្រទេសកម្ពុជា មានប្រមាណ២,៨៩០លានដុល្លារ ដោយបានបង្កើតការងារដោយផ្ទាល់ប្រមាណ១២,១៣០នាក់ ក្នុងនោះប្រជាពលរដ្ឋខ្មែរប្រមាណ១១,៥៤៧នាក់ ស្មើនឹង ៩៥ភាគរយ។នេះបើយោងតាមលោក អ៉ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែនិងថាមពល ថ្លែងប្រាប់សារព័ត៌មានក្នុងស្រុកកាលពីពេលថ្មីៗនេះ៕ អត្ថបទ៖ហ្សាលីន

The post ក្រុមហ៊ុនមួយ មកពិភាក្សាពីឱកាសក្នុងការស្វែងរុករកធនធានរ៉ែ​ នៅទឹកដីភាគឦសាននៃប្រទេសកម្ពុជា​ appeared first on .

លោករដ្ឋមន្រ្តីថ្លែងបន្តថា ទាំងនេះ គឺជាចំណុចគួរឱ្យកត់សម្គាល់ ដែលបានបង្ហាញយ៉ាងច្បាស់ពីភាពធន់ ដែលត្រូវបានកសាងឡើងតាមរយៈចក្ខុវិស័យវែងឆ្ងាយ ភាពជាដៃគូពិតប្រាកដ និងតុល្យភាពនៃការអនុវត្តគោលនយោបាយថាមពលរបស់កម្ពុជា។

ជាមួយគ្នានេះ កម្ពុជា បន្តប្តេជ្ញាក្នុងការផ្គត់ផ្គង់ថាមពលអគ្គិសនីដែលមានភាពជឿទុកចិត្តបាន ថ្លៃសមរម្យ កាន់តែស្អាត និងគាំទ្រកិច្ចសហប្រតិបត្តិការក្នុងតំបន់ឱ្យកាន់តែរឹងមាំ ក៏ដូចជាការធ្វើសមាហរណកម្មថាមពលជាមួយប្រទេសជិតខាង រួមជាមួយនឹងការធ្វើពិពិធកម្មប្រភពថាមពល ការបង្កើនប្រភពថាមពលស្អាត និងកសាងប្រព័ន្ធមួយដែលអាចទប់ទល់នឹងការប៉ះទង្គិចណាមួយនាពេលអនាគត៕

The post ប្រែក្លាយ ពីផ្គត់ផ្គង់អគ្គិសនីនៅមានកម្រិត! កម្ពុជាបានពង្រីកបណ្តាញអគ្គិសនីជាតិនិងការតភ្ជាប់អគ្គិសនីក្នុងសហគមន៍ appeared first on .

ក្រសួងព័ត៌មាន បានឱ្យដឹងថា លោក កែវ រតនៈ រដ្ឋមន្រ្តីក្រសួងរ៉ែនិងថាមពល និងលោក Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា បានអញ្ជើញបញ្ចុះបឋមសិលាបើកការដ្ឋានសាងសង់ «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» ដែលគ្រោងបញ្ចប់ការសាងសង់របស់ខ្លួននៅឆ្នាំ២០២៩ខាងមុខ។

លោក កែវ រតនៈ បានបង្ហាញពីលក្ខណៈពិសេសនៃដំណើរការផលិតនិងស្តុកថាមពលអគ្គិសនី ដែលដំណើរការដោយទំនប់វារីអគ្គិសនីបូមទឹកស្តុកទុកស្ទឹងតាតៃលើ ដែលប្រៀបដូចជាអាគុយធម្មជាតិដំបូងគេនៅកម្ពុជា។

លោករដ្ឋមន្រ្តីបានឲ្យដឹងថា គម្រោងវារីអគ្គិសនីបូមទឹកស្តុកទុកស្ទឹងតាតៃលើនេះ គឺជាគម្រោងទី១ ជាប្រវត្តិសាស្រ្ត និងជាផ្នែកនៃទិសដៅអភិវឌ្ឍថាមពលបៃតងរបស់កម្ពុជា ដែលនឹងចូលរួមចំណែកក្នុងការអភិវឌ្ឍសេដ្ឋកិច្ចនិងសង្គម ពិសេសការធានាបាននូវសន្តិសុខថាមពលជាតិ។ ដោយបច្ចុប្បន្នកម្ពុជា មានប្រភពថាមពលបៃតងចំនួន៦៣.២% នៃថាមពលជាតិសរុប ហើយប្រភពថាមពលចម្បងគឺ វារីអគ្គិសនី ថាមពលពន្លឺព្រះអាទិត្យ និងជីវម៉ាស។

ជាការកត់សម្គាល់គម្រោងវារីអគ្គិសនីបូមទឹកស្តុកទុកស្ទឹងតាតៃលើ មានអនុភាព ១,០០០មេហ្គាវ៉ាត់ បានបោះទុនវិនិយោគដោយក្រុមហ៊ុន China National Heavy Machinery Corporation មានតម្លៃ១ពាន់លានដុល្លារ បានក្លាយជាគម្រោងប្រវត្តិសាស្រ្តដំបូងគេនៅកម្ពុជា។ បច្ចុប្បន្នមានប្រទេសចំនួន៣ ក្នុងចំណោមសមាជិកអាស៊ានដែលកំពុងសាងសង់ក្នុងអំឡុងពេលតំណាលគ្នា ដោយវៀតណាម និងកម្ពុជា គ្រោងបញ្ចប់ការសាងសង់នៅក្នុងឆ្នាំ២០២៩ដូចគ្នា និងប្រទេសហ្វីលីពីនគ្រោងបញ្ចប់ការសាងសង់នៅក្នុងឆ្នាំ២០៣០ខាងមុខ។

ស្ថានីយអគ្គិសនីបូមទឹកស្តុកទុកស្ទឹងតាតៃលើ និងគម្រោងព្រែកជីកហ្វូណនតេជោ គឺជាគម្រោងយុទ្ធសាស្ត្រសំខាន់ៗចំនួនពីរ ដែលទទួលបានការគាំទ្រ និងជំរុញការវិនិយោគផ្ទាល់ពីលោក ស៊ី ជីនពីង (Xi Jinping) ប្រធានាធិបតីចិន ក្នុងឱកាសបំពេញទស្សនកិច្ចផ្លូវរដ្ឋនៅកម្ពុជា កាលពីថ្ងៃទី១៧-១៨ ខែមេសា ឆ្នាំ២០២៥កន្លងទៅ ហើយការវិនិយោគលើ «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» នេះ ក៏ជាការដាក់ទុនវិនិយោគផ្នែកថាមពលដ៏ធំបំផុតនៅក្រៅប្រទេសដំបូងគេរបស់ក្រុមហ៊ុនចិនផងដែរ៕ អត្ថបទ៖ហ្សាលីន

The post «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» ជាគម្រោងដំបូងគេរបស់កម្ពុជា គ្រោងបញ្ចប់ការសាងសង់នៅឆ្នាំ២០២៩ខាងមុខ appeared first on .