យោងតាមទិន្នន័យពីសមាគមរថយន្តដឹកអ្នកដំណើរចិន បានបង្ហាញឲ្យដឹងថា ការលក់រថយន្តសរុបរបស់ប្រទេសនេះ បានធ្លាក់ចុះ ១៥,២% មកនៅត្រឹមចំនួន ១,៦៧ លានគ្រឿងកាលពីខែមុន។

ជម្រាបជូនថា ក្នុងចំណោមនោះ ការលក់រថយន្តម៉ាស៊ីនចំហេះឥន្ធនៈ នៅក្នុងខែមីនា បានធ្លាក់ចុះអស់ ១៥,៧% បើទោះបីជាប្រទេសចិនបានទប់ស្កាត់ការដំឡើងថ្លៃប្រេងឥន្ធនៈក្នុងស្រុក ដើម្បីបន្ថយផលប៉ះពាល់នៃការកើនឡើងនៃតម្លៃប្រេងសកលក៏ដោយ៕​

The post ការលក់រថយន្តរបស់ប្រទេសចិន បន្តធ្លាក់ចុះនៅក្នុងខែមីនា appeared first on .

ជាមួយគ្នានេះ​ ដោយបន្ថែមពីលើការហាមឃាត់ចំពោះក្រុមហ៊ុនចិន សម្រាប់ការដំឡើងរថយន្តនៅសហរដ្ឋអាមេរិក សមាជិកសភាទាំងនោះ ក៏បានស្នើផងដែរថា រថយន្តដែលផលិតដោយក្រុមហ៊ុនចិននៅម៉ិកស៊ិក ឬកាណាដា មិនត្រូវអនុញ្ញាតឲ្យមានការនាំចូលទៅក្នុងសហរដ្ឋអាមេរិក ផងដែរ។

គួរឲ្យដឹងថា នៅក្នុងលិខិតរបស់ពួកគេដែលបានផ្ញើទៅកាន់ លោក ត្រាំ សមាជិកសភាបានសរសេរថា វាមានសារៈសំខាន់ណាស់ក្នុងការទទួលស្គាល់ថា ការអញ្ជើញក្រុមហ៊ុនផលិតរថយន្តចិនឲ្យមកបង្កើតប្រតិបត្តិការនៅសហរដ្ឋអាមេរិក នឹងផ្តល់ឲ្យពួកគេនូវអត្ថប្រយោជន៍សេដ្ឋកិច្ចដ៏សំខាន់ ដែលអាចធ្វើឲ្យក្រុមហ៊ុនផលិតរថយន្តអាមេរិក មិនអាចប្រកួតប្រជែងបាន។ ក្នុងពេលជាមួយគ្នានេះ សមាជិកសភាទាំងនោះ ក៏បានសម្តែងការព្រួយបារម្ភអំពីការបង្កឲ្យមានវិបត្តិសន្តិសុខជាតិដែលពិបាកដោះស្រាយថែមទៀតផង។

ជម្រាបជូនផងដែរថា រថយន្តចិនបានប្រឈមមុខនឹងឧបសគ្គយ៉ាងច្រើន នៅក្នុងទីផ្សារសហរដ្ឋអាមេរិក រួមទាំងពន្ធគយនាំចូលប្រហែល ១០០% ផងដែរ។ តែទោះជាយ៉ាងណាក៏ដោយ យោងតាមការស្ទង់មតិថ្មីៗនេះ អ្នកប្រើប្រាស់អាមេរិកកំពុងចាប់អារម្មណ៍កាន់តែខ្លាំងឡើងចំពោះម៉ូដែលរថយន្តរបស់ចិន ជាពិេសសទៅលើប្រភេទរថយន្តអគ្គិសនី ចំពេលវិបត្តិប្រេងឥន្ធនៈកើនឡើង៕​

The post អ្នកតាក់តែងច្បាប់ កំពុងជំរុញឲ្យលោក ត្រាំ ហាមឃាត់ក្រុមហ៊ុនចិន មិនឲ្យផលិតរថយន្តនៅអាមេរិក appeared first on .

រដ្ឋបាល​រដ្ឋ​សម្រាប់​បទប្បញ្ញត្តិ​ទីផ្សារ (SAMR) បាន​និយាយ​ថា ការប្រមូល​រថយន្ត​ឡើងវិញដែល​មាន​ប្រសិទ្ធភាព​ភ្លាមៗ នឹងត្រូវអនុវត្ត​ចំពោះ​រថយន្ត​ BMW ស៊េរី 5 ចំនួន ១៣៣ ៨៤៩ គ្រឿង​ដែល​ផលិត​ក្នុង​ស្រុក​ ចន្លោះថ្ងៃទី៥ ខែធ្នូ ឆ្នាំ២០២៣ ដល់​ថ្ងៃទី១២ ខែមេសា ឆ្នាំ២០២៥។

មិនតែប៉ុណ្ណោះ ការប្រូមូលរបស់ក្រុមហ៊ុន BMW មកវិញសារនេះ ក៏​រួមបញ្ចូល​ទាំង​រថយន្ត​ស៊េរី 5, ស៊េរី 7 និង M5 ចំនួន ៤៥ ៦៧៨ គ្រឿង​ផងដែរ ដែល​ផលិត​ចន្លោះខែមិថុនា ឆ្នាំ២០២២ ដល់​ខែមេសា ឆ្នាំ២០២៥។

SAMR បាន​និយាយ​ថា ៖”រថយន្ត​ដែល​ស្ថិត​ក្នុង​វិសាលភាព​នៃ​ការប្រមូល​នេះ​មាន​បញ្ហាលើខ្សែភ្លើង​ម៉ាស៊ីនត្រជាក់​កាប៊ីន​ខាងមុខ ហើយក្នុងករណី​ធ្ងន់ធ្ងរ វា​អាច​បង្ក​ឲ្យ​មាន​អគ្គីភ័យឆាបឆេះឡើង”។

ជម្រាបជូនផងដែរថា BMW នឹង​ត្រួតពិនិត្យ និង​ធានា​ប្តូរខ្សែភ្លើង​ម៉ាស៊ីនត្រជាក់​ឡើងវិញ​សម្រាប់​រថយន្ត​ដែល​ត្រូវបាន​ប្រមូល​មក ដោយ​មិន​គិតថ្លៃឡើយ៕​

The post ក្រុមហ៊ុន BMW ប្រមូលរថយន្តជិត ២ សែនគ្រឿងនៅចិន ជុំវិញបញ្ហាឆាបឆេះ appeared first on .

យោងតាមរបាយការណ៍ហិរញ្ញវត្ថុរបស់ VinFast ប្រាក់ចំណូលដែលត្រូវបានកត់ត្រារបស់ក្រុមហ៊ុនកាលពីឆ្នាំមុន ភាគច្រើនគឺបានមកពីការលក់រថយន្តអគ្គិសនីជាចម្បង។ ក្រុមហ៊ុនបានចែកចាយរថយន្តអគ្គិសនីរបស់ខ្លួនសរុបជិត ១៩៧ ០០០ គ្រឿង ដែលជាចំនួនកើនឡើងទ្វេដងពីឆ្នាំ២០២៤។

ជាមួយនឹងលទ្ធផលទាំងនេះ VinFast គឺជាក្រុមហ៊ុនផលិតរថយន្តឈានមុខគេនៅក្នុងប្រទេសវៀតណាម ដោយកាន់កាប់ទីផ្សារក្នុងស្រុកប្រហែល ៣៦% និងជាការកើនឡើងពី ២២% ក្នុងឆ្នាំ២០២៤។ ចំនួនម៉ូតូ និងកង់អគ្គិសនីដែលលក់ដោយក្រុមហ៊ុនក៏បានកើនឡើងផងដែរ រហូតដល់ ៤៧៣% ដល់ជិត ៤០៦ ៥០០ គ្រឿង។

ជម្រាបជូនថា VinFast គឺជាក្រុមហ៊ុនផលិតរថយន្ត ដែលបង្កើតឡើងដោយមហាសេដ្ឋី Pham Nhat Vuong ក្នុងឆ្នាំ២០១៧។ បួនឆ្នាំក្រោយមក ក្រុមហ៊ុនបានផ្លាស់ប្តូរទាំងស្រុងទៅផលិតរថយន្តអគ្គិសនីសុទ្ធ ដោយបិទអាជីវកម្មរថយន្តដែលដំណើរការដោយប្រេងសាំងរបស់ខ្លួន។ ទោះជាយ៉ាងណាក៏ដោយ ក្រុមហ៊ុនអាចនឹងចាប់ផ្តើមលក់រថយន្តប្រភេទកូនកាត់ Hybrid វិញនៅឆ្នាំនេះ៕​

The post ក្រុមហ៊ុន VinFast របស់អ្នកមានដាច់គេនៅវៀតណាម កើបចំណូលបានជាង ៣,៤ពាន់លានដុល្លារ ក្នុងឆ្នាំ២០២៥ appeared first on .

យោងតាមក្រុមអ្នកវិភាគ បានបង្ហាញថា Geely ដែលជាក្រុមហ៊ុនស្ថិតនៅក្រោមការគ្រប់គ្រងរបស់មហាសេដ្ឋីចិន លោក Li Shufu បានវ៉ាដាច់ក្រុមហ៊ុន BYD ក្នុងការលក់ សម្រាប់រយៈពេលពីរខែដំបូងនៃឆ្នាំនេះ ដោយសារតែគុណភាព និងភាពជឿជាក់នៃរថយន្តរបស់ខ្លួន។

ក្រុមហ៊ុន Geely ដែលផលិតទាំងរថយន្តសាំង និងរថយន្តអគ្គិសនីក្រោមម៉ាកល្បីៗរួមមាន Zeekr, Lynk និង Galaxy បានដឹកជញ្ជូនរថយន្តចំនួនសរុបចំនួន ៤៧៦ ៣២៧ គ្រឿងក្នុងខែមករា និងខែកុម្ភៈ ដល់អ្នកទិញក្នុងស្រុក និងក្រៅប្រទេស ដែលជាការកើនឡើង ១% ពីមួយឆ្នាំមុន។

ក្នុងចំណោមនោះការលក់រថយន្តអគ្គិសនី (EV) របស់ក្រុមហ៊ុន Geely បានកើនឡើងជាង ១០% ធៀបនឹងឆ្នាំមុន ដល់ចំនួន ២៤១ ៧៤០ គ្រឿងក្នុងរយៈពេលដូចគ្នា។

ទន្ទឹមនឹងនេះ ក្រុមហ៊ុន BYD ដែលផលិតតែរថយន្តអគ្គិសនីសុទ្ធ និងកូនកាត់ Hybrid ការលក់របស់ខ្លួនក្នុងរយៈពេលពីរខែដំបូងនៃឆ្នាំនេះ បានធ្លាក់ចុះ ៣៥,៨% បើធៀបនឹងឆ្នាំមុន មកនៅត្រឹមចំនួន ៤០០ ២៤១ គ្រឿង។

ជម្រាបជូនថា ការធ្លាក់ចុះយ៉ាងខ្លាំងនៃការលក់របស់ BYD គឺជាសញ្ញាច្បាស់លាស់មួយដែលបង្ហាញថាការគាំទ្រពីរដ្ឋាភិបាលកាន់តែតូចចង្អៀតអាចមានផលប៉ះពាល់អវិជ្ជមានដល់ទីផ្សាររថយន្តអគ្គិសនី ចំពេលមានការព្រួយបារម្ភកាន់តែខ្លាំងឡើងអំពីសេដ្ឋកិច្ចដែលកំពុងធ្លាក់ចុះ និងប្រាក់ចំណូលធ្លាក់ចុះ៕​

The post Geely វ៉ាដាច់ BYD ក្លាយជាក្រុមហ៊ុនផលិតរថយន្តកំពូលក្នុងប្រទេសចិន នៅដើមឆ្នាំ២០២៦ នេះ appeared first on .

នៅក្នុងការបង្ហោះសារមួយលើបណ្តាញសង្គម LinkedIn លោក Jegannathan បានរៀបរាប់អំពីពេលវេលារបស់លោកនៅក្នុងក្រុមហ៊ុន Tesla ថាជាការវិវត្តន៍ឥតឈប់ឈរមួយ ប៉ុន្តែលោកហាក់មិនបានផ្តល់ព័ត៌មានលម្អិតអំពីជំហានបន្ទាប់របស់លោក ឬមូលហេតុនៃការសម្រេចចិត្តដើរចេញពីក្រុមហ៊ុនឡើយ។

គួរឲ្យដឹងផងដែរថា លោក Raj Jegannathan នៅក្នុងក្រុមហ៊ុនបានបម្រើការងារជាអនុប្រធានផ្នែកបច្ចេកវិទ្យាព័ត៌មានវិទ្យា ហេដ្ឋារចនាសម្ព័ន្ធ AI កម្មវិធីអាជីវកម្ម និងសន្តិសុខព័ត៌មាន ផងដែរ។

យ៉ាងណាមិញ ការផ្លាស់ប្តូរភាពជាអ្នកដឹកនាំនេះ បានកើតឡើងនៅពេលដែលក្រុមហ៊ុន Tesla កំពុងឆ្លងកាត់ពេលវេលាដ៏លំបាកមួយ ដោយបានរាយការណ៍អំពីការធ្លាក់ចុះ ៣% នៃប្រាក់ចំណូលសម្រាប់ឆ្នាំ២០២៥ ដែលជាការធ្លាក់ចុះប្រចាំឆ្នាំលើកដំបូងបំផុត នៅក្នុងប្រវត្តិសាស្រ្តរបស់ខ្លួន។

លើសពីនេះ ក្រុមហ៊ុន Tesla ក៏កំពុងស្ថិតក្រោមការត្រួតពិនិត្យយ៉ាងម៉ត់ចត់ផងដែរ ដើម្បីបំពេញតាមការសន្យាយូរអង្វែងរបស់ខ្លួន ជុំវិញប្រព័ន្ធបើកបរស្វ័យប្រវត្តិពេញលេញ និងរថយន្តដែលមានសមត្ថភាពដំណើរការដោយគ្មានមនុស្សបើក៕​

The post មេធំផ្នែក IT របស់ Tesla ប្រកាសលាលែងចេញពីតំណែង ក្រោយរួមរស់អស់ពេល ១៣ឆ្នាំ appeared first on .

ម៉ាកយីហោលំដាប់កំពូលរបស់ចិនមួយនេះ បានចាប់ផ្តើមជាមួយនឹងការបញ្ចេញរថយន្តដំបូងរបស់ខ្លួន ម៉ូដែល Jetour X70 នៅក្នុងខែសីហា ឆ្នាំ២០១៨។ ក្រោយការប្រកាសចេញ ការលក់ប្រចាំខែ បានកើនឡើងលើសពី ១០ ០០០ គ្រឿង គិតនៅត្រឹមចុងឆ្នាំនោះ។

យ៉ាងណាមិញ កំណើននៃការលក់របស់ក្រុមហ៊ុន Jetour បានហក់ឡើងយ៉ាងខ្លាំង នៅឆ្នាំបន្តបន្ទាប់ ដោយគិតនៅត្រឹមឆ្នាំ២០២៤ ការលក់រថយន្តសរុបរបស់ក្រុមហ៊ុន បានកើនឡើងលើស ១ លានគ្រឿងជាលើកដំបូង។ ហើយគិតនៅត្រឹមចុងឆ្នាំ២០២៥ ការលក់របស់ក្រុមហ៊ុនបានកើនឡើងដល់ ២ លានគ្រឿង។

ជុំវិញការកើនឡើងនេះ ដោយសារតែក្រុមហ៊ុន Jetour បានធ្វើតាមយុទ្ធសាស្ត្រ Travel+ របស់ខ្លួន ដែលផ្តោតលើរថយន្តប្រភេទ SUV ដែលត្រូវបានរចនាឡើងសម្រាប់ការប្រើប្រាស់ប្រចាំថ្ងៃ និងការបើកបរបែប Off-Road កម្រិតស្រាល។ បច្ចុប្បន្ន ម៉ាកយីហោនេះដំណើរការនៅក្នុងប្រទេស និងតំបន់ចំនួន ៩១ ជាមួយនឹងហាងលក់ និងផ្តល់សេវាកម្មជាង ២ ០០០ កន្លែងនៅទូទាំងពិភពលោក។

ជម្រាបជូនថា នៅក្នុងប្រទេសចិន Jetour នាំមុខគេក្នុងផ្នែករថយន្ត SUV បែប Off-Road កម្រិតស្រាល ខណៈនៅមជ្ឈិមបូព៌ា ដោយក្នុងនោះរួមទាំងអារ៉ាប៊ីសាអូឌីត អារ៉ាប់រួម និងកាតា ម៉ាកយីហោនេះជាប់តំណែងកំពូលទាំងបី ដែលជារថយន្តលក់ដាច់ខ្លាំងបំផុត៕

​

The post Jetour លក់រថយន្តបានជាង ២ លានគ្រឿងទូទាំងពិភពលោក ក្រោយប្រឡូកចូលទីផ្សារបានត្រឹម ៨ឆ្នាំ appeared first on .

យោងតាមសារព័ត៌មាន Bloomberg បានរាយការណ៍ថា មានធនាគារវិនិយោគសកលជាច្រើន ថ្មីៗនេះ បានបន្តដាក់សំណើជូណក្រុមគ្រួសារ Juangroongruangkit ទាក់ទងនឹងការផ្តល់តម្លៃទិញអាជីវកម្មចន្លោះពី ១,៥ពាន់លានដុល្លារ ទៅ ២ពាន់លានដុល្លារ។

Juangroongruangkit ដែលជាគ្រួសារស្ថាបនិក និងបានអភិវឌ្ឍក្រុមហ៊ុននេះទៅជាមូលដ្ឋានគ្រឹះនៃឧស្សាហកម្មរថយន្តរបស់ប្រទេសថៃអស់រយៈពេលជាច្រើនទសវត្សមកហើយនោះ បានប្រឈមមុខទៅនឹងឧបសគ្គក្នុងការស្វែងរកអ្នកជំនួសតំណែងដ៏ស័ក្តិសម បន្ទាប់ពីស្ថាបនិកលោក Pattana Juangroongruangkit បានទទួលមរណភាពក្នុងឆ្នាំ២០២២។

គួរឲ្យដឹងថា ក្រុមហ៊ុន Thai Summit រកចំណូលបានជាង ២៥០លានដុល្លារ មុនបង់ការប្រាក់ ពន្ធ ការរំលោះ និងការកាត់កងលើប្រាក់ចំណូលប្រចាំឆ្នាំ ដោយមានបុគ្គលិកសរុបជាង ២០ ០០០ នាក់នៅទូទាំងប្រទេស។ មិនតែប៉ុណ្ណោះ ក្រុមហ៊ុននេះ ក៏បានបើកដំណើរការរោងចក្រនៅក្រៅប្រទេសផងដែរ ដូចជាប្រទេសចិន ជប៉ុន និងឥណ្ឌា។

ជម្រាបជូនថា ការលក់រថយន្តរបស់ប្រទេសថៃបានកើនឡើងដល់កម្រិតខ្ពស់បំផុតក្នុងរយៈពេលពីរឆ្នាំចុងក្រោយ នៅឆ្នាំ២០២៥ ដែលជំរុញដោយរថយន្តអគ្គិសនី ដែលមានចំនួន ៤៥% នៃការលក់សរុប៕​

The post គ្រួសារមហាសេដ្ឋីថៃ ពិចារណាលក់ក្រុមហ៊ុនផលិតគ្រឿងបន្លាស់រថយន្ត Thai Summit ក្នុងតម្លៃ ២ពាន់លានដុល្លារ appeared first on .

យោងតាមទិន្នន័យទទួលបានពីសមាគមរថយន្តដឹកអ្នកដំណើរចិន (CPCA) បានបង្ហាញឲ្យដឹងថា ការលក់រថយន្តនៅក្នុងទីផ្សាររថយន្តដ៏ធំបំផុតរបស់ពិភពលោក បានធ្លាក់ចុះអស់ជាង ៨% នៅត្រឹមមានចំនួន ២,២៤ លានគ្រឿង កាលពីខែមុន បន្ទាប់ពីមានការធ្លាក់ចុះ ០,៨% នៅក្នុងខែតុលា។

បើយោងតាមលោក Cui Dongshu អគ្គលេខាធិការនៃស្ថាប័នឧស្សាហកម្មរថយន្ត បាននិយាយថា ការធ្លាក់ចុះនេះ គឺកាន់តែជ្រៅទៅ ដោយសារតែការកាត់បន្ថយការឧបត្ថម្ភធនរបស់រដ្ឋាភិបាលនៅចុងឆ្នាំនេះ បានធ្វើឲ្យប៉ះពាល់ដល់អារម្មណ៍របស់អ្នកប្រើប្រាស់ទូទាំងប្រទេស។

ជម្រាបជូនថា ការលក់រថយន្តអគ្គិសនី និងរថយន្តកូនកាត់ Hybrids ត្រូវបានគេមើលឃើញថាមានការកើនឡើង ពោលគឺមានចំនួន ៥៨,៩% នៃការលក់រថយន្តសរុប ដែលបានជំនួសឲ្យការលក់រថយន្តប្រភេទសាំង និងម៉ាស៊ូត ដែលបានធ្លាក់ចុះខ្លាំង៕​

The post ការលក់រថយន្តរបស់ចិន នៅក្នុងខែវិច្ឆិកាធ្លាក់ចុះទាបបំផុតមិនធ្លាប់មាន រយៈពេល ១០ខែចុងក្រោយ appeared first on .

ប្រភពដដែល បង្ហាញឲ្យដឹងទៀតថា ការចុះបញ្ជីរថយន្តថ្មីៗរបស់ក្រុមហ៊ុន Tesla នៅចក្រភពអង់គ្លេស បានធ្លាក់ចុះមកនៅត្រឹម ៣ ៧៨៤ គ្រឿង នៅក្នុងខែវិច្ឆិកា ពោលគឺបានធ្លាក់ចុះពីចំនួន ៤ ៦៨០​ គ្រឿង ធៀបទៅនឹងពេលដូចគ្នា កាលពីឆ្នាំមុន។

គួរឲ្យដឹងថា ក្រុមហ៊ុន Tesla បានបរាជ័យក្នុងការទាក់ទាញចំណាប់អារម្មណ៍ពីអតិថិជន ដោយសារតែក្រុមហ៊ុនគូប្រជែងចិន បានដាក់ចេញនូវម៉ូដែលថ្មីៗ និងមានតម្លៃសមរម្យជាង ស្របពេលពលរដ្ឋអង់គ្លេស ហាក់ប្រតិបត្តិទៅលើការជ្រៀតជ្រែកក្នុងជួរនយោបាយ ពីសំណាក់នាយកប្រតិបត្តិក្រុមហ៊ុន លោក Elon Musk ។

ជម្រាបជូនផងដែរថា ជារួមមក ការចុះបញ្ជីរថយន្តថ្មីៗសរុបនៅក្នុងប្រទេសអង់គ្លេស បានធ្លាក់ចុះ ៦,៣% ពីឆ្នាំមុន មកត្រឹម ១៤៦ ៧៨៦ គ្រឿងនៅក្នុងខែវិច្ឆិកា។ នេះបើយោងតាមទិន្នន័យបឋមរបស់ New AutoMotive៕​

The post ការលក់រថយន្តរបស់ Tesla នៅចក្រភពអង់គ្លេស ធ្លាក់ចុះជិត ២០% ក្នុងខែវិច្ឆិកា appeared first on .