ប្រភពដដែល បានបង្ហាញឲ្យដឹងថាទៀតថា ការចុះបញ្ជីរថយន្តអគ្គិសនីសុទ្ធ និងប្រភេទ Hybrid Plug-in បានកើនឡើង ៧% នៅក្នុងខែមិថុនា បើធៀបទៅនឹងរយៈពេលដូចគ្នា កាលពីឆ្នាំមុន ខណៈបរិមាណលក់នៅក្នុងឆមាសទី១ បានកើនឡើង ២%។

គួរឲ្យដឹងថា នៅអឺរ៉ុប ការលក់រថយន្ត EV ថ្មីៗ បានកើនឡើង ៣១% ដល់ប្រហែល ៥៣០ ០០០ គ្រឿង ដែលជាកំណត់ត្រាខ្ពស់បំផុតសម្រាប់ខែមិថុនា។ បើតាម BMI បាននិយាយថាអឺរ៉ុបនៅតែជាម៉ាស៊ីនស្នូលដ៏សំខាន់នៃកំណើនរថយន្ត EV ទូទាំងសកលលោក។

ប៉ុន្តែទោះជាយ៉ាងណាក៏ដោយ ការលក់រថយន្ត EV ក្នុងប្រទេសចិនបានធ្លាក់ចុះ ១១% មកនៅប្រហែល ១ លានគ្រឿង ស្របពេលការលក់នៅអាមេរិកខាងជើង បានធ្លាក់ចុះ ១៣% បន្ទាប់ពីមានការបញ្ចប់នៃឥណទានពន្ធរថយន្ត EV របស់សហរដ្ឋអាមេរិក៕​

The post តម្រូវការរថយន្ត EV សកលហក់ឡើងយ៉ាងខ្លាំង ក្នុងរយៈពេល ៤ខែជាប់ៗគ្នា នៅឆ្នាំនេះ appeared first on .

យោងតាមសហព័ន្ធឧស្សាហកម្មថៃ បានបង្ហាញឲ្យដឹងថា ការធ្លាក់ចុះនេះបានអូសទាញផលិតកម្មសរុបក្នុងរយៈពេលប្រាំខែដំបូងនៃឆ្នាំ២០២៦ នេះ ឲ្យធ្លាក់ចុះ ១,១៣% មកត្រឹម ៥៨៧ ៧៥៩ គ្រឿង។

ទន្ទឹមនឹងនេះ លោក Surapong Paisitpattanapong ទីប្រឹក្សាប្រធានក្លឹបឧស្សាហកម្មរថយន្តរបស់សហព័ន្ធឧស្សហកម្មរថយន្តថៃ បាននិយាយថា ការផលិតសម្រាប់ការនាំចេញបានធ្លាក់ចុះអស់ ៣៦,២០% នៅក្នុងខែឧសភា។ ចំណែកការនាំចេញរថយន្តដែលផលិតរួចជាស្រេចបានធ្លាក់ចុះ ២៦,៦៩% មកត្រឹម ៥៩ ៤៣៤ គ្រឿងនៅក្នុងខែនោះផងដែរ។

យ៉ាងណាមិញ សហព័ន្ធបានចង្អុលបង្ហាញពីមូលហេតុចម្បងៗដែលនាំឲ្យមានការធ្លាក់ចុះនៃផលិតកម្មរថយន្តរបស់ខ្លួននេះ គឺបណ្តាលមកពីទីផ្សារនៅមជ្ឈិមបូព៌ា ដែលការនាំចេញបានធ្លាក់ចុះរហូតដល់ ៦៦,១៤% ដោយសារតែមានជម្លោះរវាងអ៉ីរ៉ង់ និងសហរដ្ឋអាមេរិក។ ខណៈបញ្ហាធំមួយផ្សេងទៀត គឺដោយសារតែអូស្ត្រាលី និងអូសេអានី ដែលជាកន្លែងនាំចេញដ៏សំខាន់របស់ថៃនោះ បានធ្លាក់ចុះជាង ៣៧% បន្ទាប់ពីទីផ្សាររងផលប៉ះពាល់ដោយបទប្បញ្ញត្តិគ្រប់គ្រងកាបូនកាន់តែតឹងរ៉ឹង និងការប្រកួតប្រជែងកើនឡើងពីរថយន្តអគ្គិសនីចិន៕​

The post ផលិតកម្មរថយន្តរបស់ប្រទេសថៃ ធ្លាក់ដាំក្បាលចុះជិត ១៨% នៅក្នុងខែឧសភា appeared first on .

នៅក្នុងកិច្ចប្រជុំម្ចាស់ភាគហ៊ុន កាលពីពេលថ្មីៗនេះ នាយកប្រតិបត្តិលោក Toshihiro Mibe បានសុំទោសចំពោះលទ្ធផលអាជីវកម្មមិនល្អរបស់ក្រុមហ៊ុន Honda ដោយមានប្រសាសន៍ថា៖ “ខ្ញុំសូមអភ័យទោសយ៉ាងជ្រាលជ្រៅចំពោះម្ចាស់ភាគហ៊ុន ចំពោះការព្រួយបារម្ភ និងការរអាក់រអួលសំខាន់ៗដែលបណ្តាលមកពីការខាតបង់សុទ្ធក្នុងឆ្នាំសារពើពន្ធកន្លងមក”។

ក្រុមហ៊ុន Honda កំពុងធ្វើការដើម្បីកែតម្រូវកំហុសយុទ្ធសាស្ត្ររបស់ខ្លួនឡើងវិញ បន្ទាប់ពីបានរាយការណ៍ពីការខាតបង់លើកដំបូងរបស់ខ្លួនក្នុងរយៈពេលប្រាំពីរទសវត្សចុងក្រោយ ក្នុងឆ្នាំសារពើពន្ធដែលទើបបញ្ចប់ទៅនៅក្នុងខែមីនា។ ក្រុមហ៊ុនផលិតជប៉ុនខ្នាតយក្សរបស់រថយន្តមួយនេះ បានរាយការណ៍ពីការខាតបង់ប្រតិបត្តិការជាង ៤១៤ពាន់លានយ៉េន (ឬស្មើនឹងជាង ២,៦ពាន់លានដុល្លារ) បើប្រៀបធៀបទៅនឹងប្រាក់ចំណេញ ១,២ពាន់ពាន់លានយ៉េន (៧,៥ពាន់លានដុល្លារ) កាលពីឆ្នាំមុន។

យោងតាម ​​Reuters នេះគឺជាលទ្ធផលអាជីវកម្មទាបបំផុតរបស់ក្រុមហ៊ុន Honda ចាប់តាំងពីបានចេញលក់ភាគហ៊ុនជាសាធារណៈលើកដំបូងនៅឆ្នាំ១៩៥៧ មក។ លទ្ធផលនេះ ក៏បានបង្ហាញថាដាក់ក្តីរំពឹងខ្លាំងទៅលើយានយន្តអគ្គិសនីរបស់ក្រុមហ៊ុនជប៉ុននេះ ហាក់មានហានិភ័យយ៉ាងខ្លាំង នៅពេលដែលតម្រូវការជាក់ស្តែងមានកម្រិតទាប ដោយសារតែមានការប្រកួតប្រជែងខ្លាំង ជាពិសេសពីសំណាក់ប្រទេសចិន៕​

The post Honda ចាយលុយជិត ១០ពាន់លានដុល្លារ លើការរៀបចំរចនាសម្ព័ន្ធក្រុមហ៊ុនឡើងវិញ appeared first on .

យោងតាមរបាយការណ៍ ការិយាល័យឧស្សាហកម្ម និងសន្តិសុខ នៃក្រសួងពាណិជ្ជកម្មសហរដ្ឋអាមេរិក បានបញ្ជាក់ថានឹងមិនផ្តល់ការអនុញ្ញាតឱ្យក្រុមហ៊ុន Polestar លក់រថយន្តម៉ូដែលថ្មីៗទៀតនោះឡើយ ចាប់ពីឆ្នាំ២០២៧ ដោយសារតែការព្រួយបារម្ភអំពីបច្ចេកវិទ្យាមួយចំនួនដែលផលិតនៅក្នុងប្រទេសចិន។

យ៉ាងណាមិញ ជុំវិញបញ្ហាស្នូលនោះគឺថា Polestar ជាកម្មសិទ្ធិរបស់ក្រុមហ៊ុន Volvo ដែលត្រូវបានទិញដោយក្រុមហ៊ុនចិន Geely ពីក្រុមហ៊ុន Ford នៅក្នុងឆ្នាំ២០១០។

បន្ទាប់ពីការសម្រេចចិត្តរបស់រដ្ឋាភិបាលសហរដ្ឋអាមេរិកនេះ ខាងក្រុមហ៊ុន Polestar ក៏បានប្រកាសដកខ្លួនចេញពីទីផ្សារសហរដ្ឋអាមេរិកផងដែរ និងបានផ្លាស់ប្តូរផលិតកម្មរបស់ខ្លួនទៅអឺរ៉ុបវិញ។ នៅសហរដ្ឋអាមេរិក ពួកគេនឹងបន្តលក់រថយន្តម៉ូដែល Polestar 3 និង Polestar 4 ដែលនៅសេសសល់ប៉ុណ្ណោះ។

គួរជម្រាបជូនថា ការហាមឃាត់លើ Polestar មិនត្រូវបានបង្ហោះនៅលើគេហទំព័រ ឬប្រព័ន្ធផ្សព្វផ្សាយសង្គមរបស់ក្រសួងពាណិជ្ជកម្មអាមរិកនោះទេ ប៉ុន្តែវាស្របនឹងការណែនាំរបស់ក្រសួងក្នុងការគ្រប់គ្រងបច្ចេកវិទ្យាពីប្រទេសចិន។ នៅខែនេះ ក្រសួងក៏បានពិន័យក្រុមហ៊ុន Bosch ចំនួន ៣៦លានដុល្លារ ចំពោះការនាំចេញឧបករណ៍ចាប់សញ្ញា និងកម្មវិធីរថយន្តទៅកាន់ក្រុមហ៊ុន Huawei ផងដែរ៕​

The post ក្រុមហ៊ុនរថយន្ត Polestar របស់ស៊ុយអែត ត្រូវបានហាមមិនឲ្យលក់នៅអាមេរិក ដោយសារមានទំនាក់ទំនងជាមួយចិន appeared first on .

រដ្ឋបាលសុវត្ថិភាពផ្លូវជាតិសហរដ្ឋអាមេរិក (NHTSA) បានរាយការណ៍ឲ្យដឹងទៀតថា ជុំវិញការប្រមូលមកវិញរបស់ក្រុមហ៊ុន Jaguar សារនេះ រួមមានម៉ូដែល Land Rover Defender, Discovery និង Range Rover មួយចំនួនផងដែរ។

NHTSA បាននិយាយទៀតថា ឧបករណ៍ភ្ជាប់ Clockspring នៃពោងសុវត្ថិភាពរបស់រថយន្តដែលមានបញ្ហាទាំងនោះ អាចនឹងខូច ដែលបណ្តាលឲ្យវាមិនដំណើរការ នៅក្នុងករណីបុកប៉ះណាមួយកើតឡើង។

ជម្រាបជូនផងដែរថា តំណាងចែកចាយរថយន្តរបស់ក្រុមហ៊ុន Jaguar Land Rover បានប្រកាសទទួលខុសត្រូវប្រមូលរថយន្តដែលជួបបញ្ហានេះមកជូសជុលជូនអតិថិជនរបស់ខ្លួនវិញដោយមិនគិតថ្លៃសេវាអ្វីទាំងអស់៕​

The post ក្រុមហ៊ុន Land Rover គ្រោងប្រមូលរថយន្តរាប់សែនគ្រឿងនៅអាមេរិក ចូលឃ្លាំងវិញ ដោយសារបញ្ហាពោងសុវត្ថិភាព appeared first on .

យោងតាមរដ្ឋបាលសុវត្ថិភាពចរាចរណ៍ផ្លូវជាតិអាមេរិក (NHTSA) បាននិយាយផងដែរថា ការប្រមូលរថយន្តរបស់ Honda មកវិញសារនេះ រួមមានម៉ូដែល Honda Pilot , Ridgeline, Passport និង Acura MDX មួយចំនួន។

គួរឲ្យដឹងថា រថយន្តទាំងនេះ អាចជួបប្រទះបញ្ហាគ្រឿងបន្លាស់ប្រព័ន្ធជើងក្រោមផ្នែកខាងក្រោយ ដែលអាចនាំឲ្យរថយន្តបាត់បង់ការគ្រប់គ្រង និងបង្កើនហានិភ័យនៃការប៉ះទង្គិច ឬរបួស។

ជាដំណោះស្រាយសម្រាប់ការប្រមូលរថយន្តនេះ តំណាងចែកចាយរបស់ក្រុមហ៊ុន នឹងត្រួតពិនិត្យលើ និងដំឡើងឧបករណ៍ជើងក្រោមឡើងវិញដោយឥតគិតថ្លៃ សម្រាប់អតិថិជនដែលជួបបញ្ហា៕​

The post ក្រុមហ៊ុន Honda ប្រកាសអូសរថយន្តជិត ៩ សែនគ្រឿងចូលឃ្លាំងវិញនៅអាមេរិក ដោយសារបញ្ហាប្រព័ន្ធជើងក្រោម appeared first on .

ការផលិតរថយន្តរបស់ប្រទេសនេះ បានធ្លាក់ចុះ ០,៤៤% នៅក្នុងខែមេសា មកនៅត្រឹមចំនួន ១០៣ ៧៩៤ គ្រឿង បន្ទាប់ពីមានការកើនឡើង ២,៦៩% នៅក្នុងខែមីនា។

លោក Surapong Paisitpatanapong ប្រធានផ្នែករថយន្តរបស់ FTI បាននិយាយនៅក្នុងសន្និសីទសារព័ត៌មានមួយថា ការនាំចេញរថយន្តរបស់ថៃ បានធ្លាក់ចុះ ៨,៤៣% មកនៅត្រឹម ៦០ ១៩០ គ្រឿងប៉ុណ្ណោះ នៅក្នុងខែមេសា ដោយសារតែបញ្ហាប្រឈមនានា ដែលកើតឡើងដោយសារតែសង្គ្រាមអ៊ីរ៉ង់។

គួរជម្រាបជូនផងដែរថា ប្រទេសថៃ គឺជាមជ្ឈមណ្ឌលផលិតរថយន្តធំជាងគេនៅអាស៊ីអាគ្នេយ៍។ ប្រទេសនេះ គឺជាមូលដ្ឋាននាំចេញសម្រាប់ក្រុមហ៊ុនផលិតរថយន្តកំពូលៗមួយចំនួនរបស់ពិភពលោក រួមទាំង Toyota, Honda និងម៉ាកយីហោចិនធំៗ ដូចជា BYD និង Great Wall Motors ផងដែរ៕​

The post ផលិតកម្មរថយន្តរបស់ថៃ ធ្លាក់ដាំក្បាលចុះដល់កម្រិតទាបបំផុតមិនធ្លាប់មានរយៈពេល ៥ឆ្នាំចុងក្រោយ appeared first on .

ជុំវិញការធ្លាក់ចុះយ៉ាងខ្លាំងនេះ បានបង្ហាញថា ការដឹកជញ្ជូនរថយន្តដឹកអ្នកដំណើរ ឡានដឹកទំនិញ និងឡានក្រុងទៅកាន់តំបន់នេះ ភាគច្រើនត្រូវបានរារាំង បន្ទាប់ពីមានការបិទច្រកសមុទ្រ Hormuz យ៉ាងតឹងរ៉ឹងតឹង។

ទិន្នន័យរបស់ក្រសួងហិរញ្ញវត្ថុដែលចេញផ្សាយនៅថ្ងៃព្រហស្បតិ៍ បានបង្ហាញឲ្យដឹងទៀតថា នៅក្នុងខែមេសា ការនាំចេញយានយន្តទៅកាន់មជ្ឈិមបូព៌ាបានធ្លាក់ចុះជាង ៩០% ទាំងតម្លៃ និងបរិមាណ បើធៀបទៅនឹងឆ្នាំមុន។ តួលេខរបស់រដ្ឋាភិបាលបានបង្ហាញផងដែរថា តំបន់នេះមានចំនួនប្រហែល ១៤% នៃការនាំចេញយានយន្តសកលរបស់ជប៉ុន ក្នុងឆ្នាំ២០២៥។

ទន្ទឹមនឹងនេះ លោក Toshihiro Mibe អនុប្រធានក្រុមអ្នកតំណាងរថយន្តរបស់ប្រទេសនេះ បាននិយាយកាលពីថ្ងៃព្រហស្បតិ៍ថា ឧស្សាហកម្មរថយន្តរបស់ប្រទេសជប៉ុន កំពុងមានអារម្មណ៍ថារងផលប៉ះពាល់ខ្លាំងរួចទៅហើយពីសង្គ្រាមតាមរយៈការរំខានដល់ការដឹកជញ្ជូន ខណៈសមាគមក្រុមហ៊ុនផលិតរថយន្តជប៉ុន រំពឹងថាផលប៉ះពាល់នឹងត្រូវបានកំណត់ជាចម្បងចំពោះការដឹកជញ្ជូន ដោយបន្ថែមថា ខ្លួននឹងបន្តតាមដានស្ថានភាពបន្ថែមទៀត៕​

The post ការនាំចេញរថយន្តរបស់ជប៉ុន ទៅកាន់មជ្ឈិមបូព៌ាធ្លាក់ចុះក្នុងខែមេសា ដោយសារសង្គ្រាមអ៊ីរ៉ង់ appeared first on .

យោងតាម NHTSA បានបង្ហាញឲ្យដឹងថាទៀតថា ជុំវិញការប្រមូលរថយន្តត្រលប់មកវិញ របស់ Mercedes-Benz សារនេះ រួមមានម៉ូដែល AMG Gt, C-Class, E-Class, SL, CLE និង GLC ស៊េរីឆ្នាំ២០២៤-២០២៦ មួយចំនួន ផងដែរ។

ទន្ទឹមនឹងនេះ អង្គភាពគ្រប់គ្រងព័ត៌មានកម្សាន្ត ដែលទទួលខុសត្រូវចំពោះមុខងាររុករក និងពហុមេឌា បានបង្ហាញនិយាយផងដែរ ជុំវិញបញ្ហានេះ នឹងធ្វើឲ្យអេក្រង់បង្ហាញ នៅក្នុងរថយន្តដែលមានបញ្ហាខាងលើ អាចនឹង Reset ឡើងវិញ ខណៈពេលដែលរថយន្តកំពុងដំណើរការ ហើយបណ្តាលឲ្យអេក្រង់នោះបង្ហាញចេញផ្ទៃទទេរ។

ជម្រាបជូនផងដែរថា អ្នកតំណាងចែកចាយរបស់ក្រុមហ៊ុន Mercedes-Benz នឹងធ្វើបច្ចុប្បន្នកម្មវិធីថ្មី ដល់រថយន្តរបស់អតិថិជនដែលមានបញ្ហា ដោយពុំមានគិតថ្លៃសេវាអ្វីទាំងអស់។ នេះបើតាមទីភ្នាក់ងារ NHTSA៕​

The post ក្រុមហ៊ុន Mercedes ប្រកាសប្រមូលរថយន្តជាង ១៤ ម៉ឺនគ្រឿងនៅអាមេរិកមកជួសជុលវិញ ដោយបញ្ហាអេក្រង់ appeared first on .

យោងតាមទិន្នន័យពីសមាគមរថយន្តដឹកអ្នកដំណើរចិន បានបង្ហាញឲ្យដឹងថា ការលក់រថយន្តសរុបរបស់ប្រទេសនេះ បានធ្លាក់ចុះ ១៥,២% មកនៅត្រឹមចំនួន ១,៦៧ លានគ្រឿងកាលពីខែមុន។

ជម្រាបជូនថា ក្នុងចំណោមនោះ ការលក់រថយន្តម៉ាស៊ីនចំហេះឥន្ធនៈ នៅក្នុងខែមីនា បានធ្លាក់ចុះអស់ ១៥,៧% បើទោះបីជាប្រទេសចិនបានទប់ស្កាត់ការដំឡើងថ្លៃប្រេងឥន្ធនៈក្នុងស្រុក ដើម្បីបន្ថយផលប៉ះពាល់នៃការកើនឡើងនៃតម្លៃប្រេងសកលក៏ដោយ៕​

The post ការលក់រថយន្តរបស់ប្រទេសចិន បន្តធ្លាក់ចុះនៅក្នុងខែមីនា appeared first on .