ពិធីបញ្ចុះបឋមសិលាបុកគ្រឹះបើកការដ្ឋានសាងសង់កំពង់ផែ និងមណ្ឌលសន្និធិប្រេងឥន្ធនៈនេះ ធ្វើឡើងក្រោមវត្តមាន លោក ឡុង ឌីម៉ង់ អភិបាលរងខេត្តព្រះសីហនុ ក្នុងនាមថ្នាក់ដឹកនាំរដ្ឋបាលខេត្ត។ ក្នុងឱកាសនោះ លោកអភិបាលរងខេត្ត បានថ្លែងនូវការអបអរសាទរចំពោះដំណើរការសាងសង់មណ្ឌលសន្និធិប្រេងឥន្ធនៈនេះ ដែលនឹងរួមចំណែកបន្ថែមទៀតជាមួយរាជរដ្ឋាភិបាលកម្ពុជា តាមរយៈការបណ្តាក់ទុនវិនិយោគ អ្នកវិនិយោគិនក្នុងស្រុក។

អ្នកឧកញ៉ា ទៀ វិចិត្រ មានប្រសាសន៍ឱ្យដឹងថា គម្រោងបង្កើតមណ្ឌលសន្និធិប្រេងឥន្ធនៈនេះ មានទុនវិនិយោគប្រមាណ ៧,៥ លានដុល្លាអាមេរិក និងមានទីតាំងស្ថិតនៅឃុំទំនប់រលក ស្រុកស្ទឹងហាវ ខេត្តព្រះសីហនុ។ អ្នកឧកញ៉ា បន្ថែមថាអត្ថប្រយោជន៍នានាចេញគម្រោងនេះ រាប់ចាប់ពីការបង្កើតការងារជូនប្រជាពលរដ្ឋ, ការពង្រឹងជំនាញបច្ចេកទេសរបស់បុគ្គលិក-កម្មករ, និងការបង្កបរិយាកាសវិជ្ជមានសម្រាប់វិនិយោគិន ហើយគម្រោងនេះក៏និងរួមចំណែកយ៉ាងសំខាន់លើការធានាសន្តិសុខ និងស្ថិរភាពនៃការផ្គត់ផ្គង់ឥន្ធនៈនៅកម្ពុជាផងដែ៕

The post អ្នកឧកញ៉ា ទៀ វិចិត្រ និងលោក ទៀ ស្យាម រៀបចំពិធីបញ្ចុះបឋមសិលាបុកគ្រឹះបើកការដ្ឋានសាងសង់កំពង់ផែ និងពោងស្តុកប្រេងឥន្ធនៈ ក្រុមហ៊ុន ភីស ភេត្រូលៀម appeared first on .

តាមរយៈបណ្តាញសង្គម នៅថ្ងៃទី០៧ ខែមីនា ឆ្នាំ២០២៦ អ្នកឧកញ៉ាអគ្គនាយក បានគូសបញ្ជាក់បែបនេះថា៖ “ដំណឹង ផ្លូវការ! ក្រុមហ៊ុន GTVC SPEEDBOAT CAMBODIA ខ្ញុំបាទនឹងបើកដំណើរការជាផ្លូវការនូវសេវាកម្មរត់អូប័រល្បឿនលឿន ចេញពីក្រុងកោះរ៉ុង កោះរ៉ុងសន្លឹម ទៅកាន់កំពង់ផែទេសចរណ៍អន្តរជាតិខេត្តកំពត និងពីកំពង់ផែទេសចរណ៍អន្តរជាតិខេត្តកំពត មកកាន់កោះរ៉ុងសន្លឹម និង ក្រុងកោះរ៉ុង ចាប់ពី ថ្ងៃទី១០ ខែមីនា ឆ្នាំ២០២៦ នេះតទៅ”។

សូមជម្រាបថា ការបើកដំណើរការសេវាកម្ម​ អូប័រល្បឿនលឿន GTVC SPEEDBOAT ខាងលើនេះ គឺបន្ទាប់ពី អ្នកឧកញ៉ា ទៀ វិចិត្រ បានដឹកនាំក្រុមការងារ និងបុគ្គលិកក្រុមហ៊ុនទូកល្បឿនលឿន ជីធីវីស៊ី ស្ពីដប៊ូត ចុះទស្សនកិច្ច​តាម​ផ្លូវទឹក ទៅកាន់កំពង់ផែទេសចរណ៍អន្តរជាតិខេត្តកំពត ប្រកបដោយភាពរលូន កាលពីថ្ងៃទី០២ ខែមីនា ឆ្នាំ២០២៦៕

The post អ្នកឧកញ៉ា ទៀ វិចិត្រ ប្រកាសបើកដំណើរការអូប័រល្បឿនលឿន ពីក្រុងកោះរ៉ុង កោះរ៉ុងសន្លឹម ទៅកាន់កំពង់ផែទេសចរណ៍អន្តរជាតិខេត្តកំពត ជាផ្លូវការ appeared first on .

កាលថ្ងៃទី០២ ខែមីនា ឆ្នាំ២០២៦ អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីសុី គ្រុប (GTVC Group) បានដឹកនាំក្រុមការងារ និងបុគ្គលិកក្រុមហ៊ុនទូកល្បឿនលឿន ជីធីវីស៊ី ស្ពីដប៊ូត ចុះទស្សនកិច្ច​តាម​ផ្លូវទឹក ទៅកាន់កំពង់ផែទេសចរណ៍អន្តរជាតិខេត្តកំពត។

ក្រោយដំណើរទស្សនកិច្ចនេះ នៅថ្ងៃទី០៤ ខែមីនា ឆ្នាំ២០២៦ អ្នកឧកញ៉ា ទៀ វិចិត្រ បានបង្ហោះសារបែបនេះថា៖ “ខ្ញុំគិតថា តាមផ្លូវសមុទ្រចេញពី ខេត្តកំពត-ខេត្តព្រះសីហនុ-កោះរ៉ុង-កោះស្តេច ដូចជាមិនមានបញ្ហាក្នុងការដឹកជញ្ជូនភ្ញៀវទេសចរណ៍នោះទេ សុំតែការគាំទ្រពីបងប្អូនម្នាក់មួយៗមកគឺអស់ចិត្តហើយ”។

យ៉ាងណាមិញ នៅថ្ងៃទី០៥ ខែមីនា ឆ្នាំ២០២៦ ម្សិលមិញនេះ ក្រុមហ៊ុនទូកល្បឿនលឿន GTVC Speedboat បានបង្ហាញសារផងដែរថា បន្ទាប់ពីការរត់សាកល្បងពី កំពង់ផែក្រុងព្រះសីហនុ ទៅកាន់កំពង់ផែទេសចរណ៍ខេត្តកំពត ក្រុមហ៊ុនអូប័រ 𝐆𝐓𝐕𝐂 𝐒𝐩𝐞𝐞𝐝𝐛𝐨𝐚𝐭 នឹងមានដំណឹងល្អជូនបងប្អូនទាំងអស់គ្នាក្នុងពេលឆាប់ៗនេះ៕

The post ក្រុមហ៊ុនទូកល្បឿនលឿន របស់អ្នកឧកញ៉ា ទៀ វិចិត្រ ត្រៀមប្រកាសដំណឹងល្អមួយ ក្រោយរត់សាកល្បងពី កំពង់ផែក្រុងព្រះសីហនុ ទៅកាន់កំពង់ផែទេសចរណ៍ខេត្តកំពត appeared first on .

អ្នកឧកញ៉ាអគ្គនាយក បានបង្ហោះរូបភាពជាច្រើនសន្លឹកលើបណ្តាញសង្គមហ្វេសប៊ុក ភ្ជាប់ជាមួយសារបែបនេះថា៖ “ដឹកនាំក្រុមការងារ ក្រុមហ៊ុន ជីធីវីស៊ី ស្ពីដប៊ូត ធ្វើដំណើរទស្សនកិច្ចតាមផ្លូវទឹក មកកាន់កំពង់ផែទេសចរណ៍អន្តរជាតិខេត្តកំពត”។

ជាមួយគ្នានេះ អ្នកឧកញ៉ា ទៀ វិចិត្រ ក៏បានឱ្យដឹងផងដែរថា កំពង់ផែទេសចរណ៍អន្តរជាតិខេត្តកំពតដ៏ប្រណិតនេះនឹងក្លាយជាច្រកទ្វារអន្តរជាតិដ៏សំខាន់ថ្មីមួយទៀតរបស់កម្ពុជា សម្រាប់ទទួលភ្ញៀវទេសចរជាតិ និងអន្តរជាតិ ដែលមានបំណងធ្វើដំណើរកម្សាន្តតាមផ្លូវទឹក និងផ្លូវសមុទ្ររវាងកម្ពុជា ជាមួយបណ្តាប្រទេសក្នុងតំបន់ និងអន្តរជាតិ។

សូមជម្រាបថា កំពង់ផែទេសចរណ៍អន្តរជាតិខេត្តកំពត មានទីតាំងស្ថិតនៅក្នុងស្រុកទឹកឈូ ខេត្តកំពត បានប្រកាសដាក់ឱ្យប្រើប្រាស់ជាផ្លូវការ ក្រោមអតីបតីភាពរបស់សម្តេច ហ៊ុន ម៉ាណែត នាយករដ្ឋមន្ត្រីកម្ពុជា កាលថ្ងៃទី២១ មេសា ឆ្នាំ២០២៥។ កំពង់ផែទេសចរណ៍អន្តរជាតិតម្លៃជាង ១៨ លានដុល្លារនេះ ស្ថិតនៅជាប់នឹងដងព្រែក មានចម្ងាយ ៦ គីឡូម៉ែត្រពីក្រុងកំពត៕

The post អ្នកឧកញ៉ា ទៀ វិចិត្រ ដឹកនាំបុគ្គលិកក្រុមហ៊ុន ចុះទស្សនកិច្ចតាមផ្លូវទឹកទៅកាន់កំពង់ផែទេសចរណ៍អន្តរជាតិកំពត appeared first on .

ពិធីបើកព្រឹត្តិការណ៍ពិព័រណ៍ទេសចរណ៍ វប្បធម៌ និងពាណិជ្ជកម្ម ឆ្នាំ២០២៦ បានប្រព្រឹត្តឡើងក្រោមអធិបតីភាព ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និង ឯកឧត្តម ម៉ាង ស៊ីណេត អភិបាលនៃគណអភិបាលខេត្តព្រះសីហនុ រួមជាមួយ ថ្នាក់ដឹកនាំក្រសួងទេសចរណ៍ រដ្ឋបាលខេត្ត អាជ្ញាធរក្រុង ស្រុក និងវិស័យឯកជន។

ក្នុងឱកាសនោះដែរ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ រួមជាមួយឯកឧត្តម ម៉ាង ស៊ីណេត អភិបាលខេត្តព្រះសីហនុ និងអ្នកឧកញ៉ា ទៀ វិចិត្រ បានអញ្ជើញចូលទស្សនាស្តង់ពិព័រណ៍ចំនួន៦៥ស្តង់ ក្នុងចំណោមស្តង់២២៥ ដែលរួមមានស្តង់ទេសចរណ៍ ស្តង់ពាណិជ្ជកម្ម ស្តង់ឧស្សាហកម្ម ស្តង់អាជ្ញាធរខេត្ត-ក្រុង-ស្រុក សហគមន៍ សមាគម ស្តង់ផលិតផលផលក្នុងស្រុកចម្រុះ ផលិតផលសិប្បកម្មប្រពៃណីធ្វើដោយខ្មែរ។

សូមជម្រាបថា ព្រឹត្តិការណ៍នេះនឹងប្រព្រឹត្តទៅរយៈពេល៥ថ្ងៃ (ចាប់ពីថ្ងៃទី២២ ដល់ថ្ងៃទី២៦ ខែកុម្ភៈ ឆ្នាំ២០២៦) ដោយបានបង្កើតនូវបរិយាកាសមួយដ៏ល្អសម្រាប់ជំនួបផលិតករ, ប្រតិបត្តិករក្នុងស្រុកជាមួយអ្នកប្រើប្រាស់, ការបង្កើតឱកាសដល់អ្នកវិនិយោគប្រាស្រ័យទាក់ទង (Networking) សំដៅជំរុញកំណើនអាជីវកម្ម ផលិតកម្ម និងជំរុញការប្រើប្រាស់ផលិតផលខ្មែរ៕

The post អ្នកឧកញ៉ា ទៀ វិចិត្រ ចូលរួមកាត់ខ្សែបូបើកព្រឹត្តិការណ៍ពិព័រណ៍ទេសចរណ៍ វប្បធម៌ និងពាណិជ្ជកម្ម ឆ្នាំ២០២៦ appeared first on .

ស្រ្តីជនជាតិអង់គ្លេសខាងលើ ត្រូវបានក្រុមការងារ របស់អ្នកឧកញ៉ា បញ្ជូនតាមអូប័រមកកាន់កំពង់ផែទេសចរណ៍​ក្រុងព្រះសីហនុ​ដោយសុវត្ថិភាព និងបន្តដឹកតាមរថយន្តសង្គ្រោះរបស់ក្រុមហ៊ុន GTVC របស់អ្នកឧកញ៉ា យកទៅ​សង្គ្រោះបន្ទាន់នៅមន្ទីរពេទ្យ ក្នុងខេត្តព្រះសីហនុ។ បច្ចុប្បន្នស្ត្រីរូបនេះ កំពុងត្រូវបានក្រុមគ្រូពេទ្យពិនិត្យតាមដាន និង​ជួយ​សង្គ្រោះយ៉ាងយកចិត្តទុកដាក់។

សូមជម្រាបថា អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីសុី គ្រុប និងជាសហស្ថាបនិកក្រុមហ៊ុន ភីស ភេត្រូលៀម (ខេមបូឌា) ជាអ្នកជំនួញមួយរូបនៅភាគនិរតី ដែលតែងយកចិត្តទុកដាក់ និងជួយសង្គ្រោះដល់​បងប្អូន​ប្រជាពលរដ្ឋ ដែលជួបស្ថានភាពលំបាកនៅតាមបណ្តាកោះនានា ក្នុងមូលដ្ឋានភូមិសាស្ត្រខេត្តព្រះសីហនុ៕

The post អ្នកឧកញ៉ា ទៀ វិចិត្រ បញ្ជូនអូប័រទៅជួយសង្គ្រោះស្រ្តីជនជាតិអង់គ្លេសម្នាក់ ឈឺពោះឆ្លងទន្លេកណ្តាលយប់ នៅលើកោះរ៉ុង appeared first on .

តាមរយៈសារលើបណ្តាញសង្គម នៅថ្ងៃទី០១ ខែកុម្ភៈ ឆ្នាំ២០២៦ អ្នកឧកញ៉ា ទៀ វិចិត្រ បានបន្តថា និយាយពី​ការអភិវឌ្ឍន៍ប្រទេសជាតិវិញ ក្រុមប្រឆាំងខ្លះលូកទាស់ធ្វើខ្លួនដូចជាបណ្ឌិត ជាអ្នកចេះដឹងខុសទំនង ដូចជា​មិនចង់ឲ្យប្រទេសជាតិរីកចម្រើន នៅពេលរាជរដ្ឋាភិបាលលោកសម្រេចកិច្ចការទៅលើការវិនិយោគនានា ក្នុងនោះ​ក៍មានគម្រោងអភិវឌ្ឍន៌លើវិស័យទេសចរណ៍ខ្លះ ដែលរាជរដ្ឋាភិបាលជំរុញឲ្យមានការវិនិយោគពីខាងវិស័យឯកជន​ផងនោះ ក៏ត្រូវបានក្រុមអ្នកទាស់លើកយកមកជជែក មកសរសេរតាមបណ្តាញសង្គមរិះគន់ ជាន់ពន្លិច និយាយ​ខុស​ពីការពិតក៏មានដែរ។

អ្នកឧកញ៉ា បានបន្ថែមថា គួរក្រឡេកទៅមើលឲ្យបានគ្រប់ជ្រុងជ្រោយរឿងប្រទេសជាតិ មិនគួរយករឿងខឹង ស្អប់ ធ្វើជាលេសដើម្បីនិយាយ ដើម្បីសរសេរ បន្តុះ បង្អាប់ ដែលគ្មានបានផលសូម្បីតែបន្តិចសម្រាប់ប្រទេសជាតិឡើយ។ យ៉ាងណាក៏ដោយ បុរាណលោកពោលថា «ឆ្កែចេះតែព្រុស មនុស្សចេះតែដើរ» ជាក់ស្តែងប្រសិនបើដូចអ្វី​ដែលក្រុមប្រឆាំងមួយចំនួនស្រែករាប់ឆ្នាំមកនេះ ប្រាកដណាស់ថា កម្ពុជាយើងនឹងមិនមានអ្វីៗដូចបច្ចុប្បន្ន ដូចជារោងចក្រ សហគ្រាស ហេដ្ឋារចនាសម្ពន្ធ័សាធារណៈគ្រប់វិសយ័ បង្កើតឱកាសឲ្យពលរដ្ឋមានមុខរបរ មានជីវភាពកាន់តែប្រសើរឡើង ឬអាចនិយាយបានថា អ្នកថាបានតែថា ប៉ុន្តែអ្នកធ្វើនឹងបានទទួលផល។

សូមជម្រាបថា កាលថ្ងៃទី២៧ ខែមករា ឆ្នាំ២០២៦ មានគណនីហ្វេសប៊ុកឈ្មោះ Sarath Sun បានបង្ហោះរូបភាព និងសារលើបណ្តាញសង្គមហ្វេសប៊ុកថា «រដ្ឋាភិបាលកម្ពុជាធ្វើអនុប្បយោគ (ផ្ទេរសិទ្ធិពីសម្បត្តិរដ្ឋលក់ឱ្យក្រុមហ៊ុន​ឯកជន) កោះចំនួនពីរ គឺកោះមួយ នៅព្រះសីហនុ និងកោះគី នៅកំពត ឱ្យទៅក្រុមហ៊ុន GTVC Import Export Co., Ltd របស់អ្នកឧកញ៉ា ទៀត វិចិត្រ។ លើពិភពលោកនេះ គ្មានប្រទេសណាមួយដែលមេដឹកនាំមានសិទ្ធិ​លក់​សម្បត្តិរដ្ឋឱ្យក្រុមហ៊ុនឯកជនទេ តែកម្ពុជាមាន»។ ទោះយ៉ាងណា សារនេះ ត្រូវបានអ្នកឧកញ៉ា ទៀ វិចិត្រ បដិសេធទាំងស្រុង៕

The post អ្នកឧកញ៉ា ទៀ វិចិត្រ៖ រាល់ថ្ងៃនេះរាជរដ្ឋាភិបាលខំប្រឹងដើម្បីប្រទេសជាតិ តែមានបុគ្គលមួយចំនួនបែរជាព្យាយាម​បន្ទុចបង្អាក់ appeared first on .

បន្ទាប់ពីមានបញ្ហាសង្គ្រាមព្រំដែនកម្ពុជា-ថៃ ប៉ុន្មានខែចុងក្រោយនេះ លោកអ្នកឧកញ៉ា អ្នកឧកញ៉ា និងឧកញ៉ាៗ​ជា​ច្រើនរូប​ បានបរិច្ចាគនូវថវិកា និងធនធានផ្ទាល់ខ្លួន ចូលរួមជាមួយរាជរដ្ឋាភិបាល ដើម្បីជួយដល់វីរៈកងទ័ពជួរមុខ និង​បងប្អូនខ្មែរភៀសសឹកជាហូរហែ។​ ទោះយ៉ាងណា ក៏មានឧកញ៉ាៗមួយចំនួនតូច បានឆ្លៀតឱកាសនេះ ប្រព្រឹត្តនូវអំពើមិន​គប្បី ធ្វើឱ្យមានការរិះគន់លើបណ្តាញសង្គមផងដែរ។

ពាក់ព័ន្ធបញ្ហានេះ អ្នកឧកញ៉ា ទៀ វិចិត្រ បានលើកឡើងលើទំព័រហ្វេសប៊ុក នៅថ្ងៃទី៥ ខែមករា ឆ្នាំ២០២៦ បែបនេះ​ថា៖ “មួយរយៈនេះ សង្កេតឃើញថា ឧកញ៉ាៗមួយចំនួនតូច ត្រូវបានគេស្តីឱ្យជាញឹកញាប់ណាស់ ខូច​ឈ្មោះ​ឧកញ៉ាល្អៗគេអស់ហើយ គួរកែចរិតឈប់ប្រព្រឹត្តអំពើដែលសង្គមគេមិនពេញចិត្តទៅ”។

យ៉ាងណាមិញ អ្នកឧកញ៉ា ឈួន ហាវ៉ុន អគ្គនាយកក្រុមហ៊ុន ហាវ៉ុន គ្រុប ក៏បានបន្ថែមលើការបង្ហោះរបស់​អ្នកឧកញ៉ា ទៀ វិចិត្រ ផងដែរថា ឧកញ៉ាខ្លះមានតែឈ្មោះ ជំពាក់លុយគេមិនសង មិនអាណិតម្ចាស់លុយ សម​តែ​គេដៀល។

គួររំឭកថា សមាគមឧកញ៉ាកម្ពុជា កាលខែមេសា ឆ្នាំ២០២៥ ក៏ធ្លាប់បានអំពាវនាវដល់គោរមវន្តទាំងអស់ ឱ្យប្រកាន់​ខ្ជាប់នូវកិត្តិយស សីលធម៌ សុជីវធម៌ និងសេចក្ដីថ្លៃថ្នូរនៅក្នុងសង្គម ក្នុងការប្រកបមុខរបរនិងវិជ្ជាជីវៈឱ្យបានខ្ជាប់ខ្ជួន និងសូមមេត្តាយកចិត្តទុកដាក់ឱ្យបានខ្ពស់ជាទីបំផុត ចំពោះការប្រើប្រាស់បណ្តាញសង្គម ឬមធ្យោបាយផ្សព្វផ្សាយ​នានា ជៀសវាងចែកចាយ ឬផ្សព្វផ្សាយនូវសកម្មភាព និង/ឬការប្រើពាក្យសម្ដីទាំងឡាយណា ដែលធ្វើឱ្យប៉ះពាល់​ដល់ងារជាកិត្តិយស ដែលព្រះរាជទានដោយអង្គព្រះមហាក្សត្រ៕

The post អ្នកឧកញ៉ា ទៀ វិចិត្រ សង្កេតឃើញថា មួយរយៈនេះឧកញ៉ាៗមួយចំនួនតូច ត្រូវបានគេស្តីឱ្យញឹកញាប់ណាស់ appeared first on .

តាមរយៈសារលើបណ្តាញសង្គម អ្នកឧកញ៉ា ទៀ វិចិត្រ បានគូសបញ្ជាក់បែបនេះថា៖ “ស្ថានីយ៍ប្រេង PEACE ធានាផ្គត់ផ្គង់ប្រេងឱ្យមានគ្រប់គ្រាន់នៅតំបន់កំពុងមានអាសន្ន និងពិនិត្យលទ្ធភាពជាក់ស្តែង​ចំពោះបងប្អូនណា​ដែលពុំមានថវិការចាក់ប្រេង។ PEACE នឹងជួយបងប្អូនភ្លាមៗ”។

សេចក្តីប្រកាសរបស់អ្នកឧកញ៉ាខាងលើនេះ គឺជាការចូលរួមចំណែកលើក​ទឹកចិត្ត និងជួយដល់បងប្អូនខ្មែរជន​ភៀស​សឹក កំពុងជួបស្ថានភាពលំបាកខ្វះខាត ក្នុងស្មារតីខ្មែរជួយខ្មែរ ដែលបង្ហាញ​ពីភាពរួបរួមគ្នាជាធ្លង់មួយនៃខឿន​ការពារ​ជាតិរបស់កម្ពុជា។

សូមជម្រាបថា ក្រុមហ៊ុន PEACE Petroleum Cambodia ត្រូវបានបង្កើតឡើងដោយកូនខ្មែរគឺ លោក ទៀ ស្យាម និងអ្នកឧកញ៉ា ទៀ វិចិត្រ ជាសហស្ថាបនិក។ បច្ចុប្បន្នក្រុមហ៊ុនស្ថានីយប្រេងមួយនេះ មានចំនួនជាង ៣០កន្លែង ហើយក្រុមហ៊ុន មានទស្សនវិស័យច្បាស់លាស់ ក្នុងការពង្រីកវិសាលភាពនៃស្ថានីយ ភីស ឱ្យគ្របដណ្តប់បានគ្រប់ ២៥ រាជធានី ខេត្ត តាមផែនការនិងយុទ្ធសាស្រ្តរបស់ក្រុមហ៊ុន នាពេលឆាប់ៗខាងមុខនេះ៕

The post អ្នកឧកញ៉ា ទៀ វិចិត្រ ម្ចាស់ស្ថានីយ PEACE ប្រកាសជួយបងប្អូនខ្មែរ ដែលពុំមានថវិកាចាក់ប្រេង នៅតំបន់កំពុងមានអាសន្ន appeared first on .

តាមរយៈរូបភាពបង្ហោះលើបណ្តាញសង្គម អ្នកឧកញ៉ា ទៀ វិចិត្រ បានបង្ហាញជូនថវិកាក្នុងគណនីចំនួនជាង ៣,៩០០ដុល្លារ ដោយភ្ជាប់ជាមួយសារបែបនេះថា៖ “នេះជាថវិកា ដែលនៅសល់បន្ទាប់ពីបងប្អូនប្រជាពលរដ្ឋ​ចូលរួមឧបត្ថម្ភតាមរយៈខ្ញុំនាពេលកន្លងមក ខ្ញុំនឹងយកថវិកានេះទៅរៀបចំទិញ សំភារៈ ឬស្បៀងអាហារ ជួយដល់​បងប្អូនប្រជាពលរដ្ឋខ្មែរកំពុងភាសខ្លួនបន្តទៀត”។

អ្នកឧកញ៉ា ទៀ វិចិត្រ ក៏សូមអំពាវនាវដល់បងប្អូនប្រជាពលរដ្ឋទាំងក្នុង និងក្រៅប្រទេស ចូលរួមឧបត្ថមជា​ថវិកា​តាមរយៈលោកបន្តទៀត ទៅតាមលទ្ធភាព ដើម្បីជួយដល់បងប្អូនប្រជាពលរដ្ឋខ្មែរកំពុងខ្វះខាតស្បៀងអាហារ និង​សម្ភារៈផ្សេងៗ ជាបន្ទាន់ផងដែរ។

បន្ទាប់ពីការអំពាវរបស់អ្នកឧកញ៉ាខាងលើ គិតត្រឹមព្រឹកថ្ងៃទី១០ ខែធ្នូ ឆ្នាំ២០២៥នេះ អ្នកឧកញ៉ា ទៀ វិចិត្រ បានទទួលថវិកាសរុបចំនួនជាង ៤៨,០០០ដុល្លារអាមេរិក។

សូមជម្រាប យោធាថៃ បាននិងកំពុងធ្វើសកម្មភាព និងបើកការបាញ់ប្រហារមកក្នុងដែនអធិបតេយ្យ​ស្របច្បាប់​របស់កម្ពុជា នៅក្នុងភូមិសាស្រ្តខេត្តនៅតាមបន្ទាត់ព្រំដែនកម្ពុជា-ថៃ ស្ទើរតែទាំងអស់ លក្ខណៈទ្រង់ទ្រាយធំ នៅថ្ងៃទី១០ ខែធ្នូ ឆ្នាំ២០២៥នេះ ដែលធ្វើឱ្យប្រជាជនកម្ពុជា បន្តភៀសសឹករាប់ម៉ឺននាក់៕

The post អ្នកឧកញ៉ា ទៀ វិចិត្រ ប្រកាសកៀរគរថវិកាពីសប្បុរសជន ដើម្បីជួយដល់បងប្អូនខ្មែរជនភៀសសឹក appeared first on .