នៅលើបណ្តាញសង្គមហ្វេសប៊ុក អ្នកឧកញ៉ាអគ្គនាយក បានបង្ហោះរូបភាពភ្ជាប់ជាមួយសារបែបនេះថា៖ “នៅក្នុង​តំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ​ ព្រឹកថ្ងៃអង្គារ ទី១៣ ខែតុលា ឆ្នាំ២០២៦​ ដឹកនាំ​ក្រុមការងារ​បច្ចេកទេស​សំណង់​ និង​កសិកម្ម​ គ្រឿងចក្រ​ ចុះមក​ពិនិត្យ​មើល​ការងារ​មួយចំនួន​ ដើម្បី​អភិវឌ្ឍន៍​តំបន់​នេះ​បន្ថែមទៀត​ សម្រាប់​ទទួល​ភ្ញៀវ​ទេសចរ​ជាតិ​អន្តរជាតិ​ ដែលចេះតែមាន​កំណើន​កើនឡើង​ជា​បន្តបន្ទាប់”។​

អ្នកឧកញ៉ាអគ្គនាយក បានបន្ថែមថា ដោយសារ​តែ​មានការ​ព្រួយបារម្ភ​ ពី​កង្វះ​ទឹក​ប្រើប្រាស់​នៅ​រដូវប្រាំង​ខាងមុខនេះ​ លោក​បាន​សម្រេច​ចិត្ត​អោយ​ក្រុម​ការងារ​គ្រឿងចក្រ​ ចូលជិក​ស្រះថ្មីមួយទៀត​ក្នុង​រយៈពេល​១សប្ដាហ៍​ ដែលមាន​បណ្តោយ​ 50m x80m ជម្រៅ៨ម៉ែត្រ​ នៅក្នុង​ភូមិ​ដូន​អាត់​ ឃុំ​ស្គុះ​ ស្រុកសំរោង​ទង​ ខេត្ត​កំពង់​ស្ពឺ​។

សូមជម្រាបថា តំបន់រមណីយដ្ឋានអភិវឌ្ឍន៍កសិទេសចរណ៍ ម៉ុង ឫទ្ធី សែនជ័យ គឺជាគម្រោងទេសចរណ៍ និងកសិកម្មខ្នាតធំបង្កើតឡើងដោយ អ្នកឧកញ៉ា ម៉ុង ឫទ្ធី លើផ្ទៃដី ៥០០ហិកតា។ តំបន់កសិទេសចរណ៍នេះ មានទីតាំងស្ថិតនៅស្រុកសំរោងទង ខេត្តកំពង់ស្ពឺ។ បច្ចុប្បន្នតំបន់នេះ ជាកន្លែងកម្សាន្ត លំហែរកាយ និងជាមជ្ឈមណ្ឌលសិក្សាស្វែងយល់អំពីបច្ចេកទេសដាំដុះ ការចិញ្ចឹមសត្វ និងការធានាសុវត្ថិភាពម្ហូបអាហារផងដែរ៕

The post អ្នកឧកញ៉ា ម៉ុង ឫទ្ធី ចុះពិនិត្យអភិវឌ្ឍបន្ថែមតំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ ដើម្បីត្រៀមទទួល​ភ្ញៀវ​ទេសចរ​ជាតិ​អន្តរជាតិ appeared first on .

ការឧបត្ថម្ភផ្លែឈើ​ខាងលើនេះ ធ្វើឡើងក្នុងឱកាសដែលអ្នកឧកញ៉ា អញ្ជើញដឹកនាំសមាជិក​ សមាជិកាគណៈកម្មការទី៣ព្រឹទ្ធសភា​ ជួបពិភាក្សាការងារជាមួយថ្នាក់ដឹកនាំខេត្ត​ ក្រុង​ ស្រុក​ ឃុំ​ សង្កាត់​ និងមន្ទីរជំនាញដែលជាសមត្ថកិច្ចរបស់គណៈកម្មការនៅខេត្តស្ទឹងត្រែង ក្នុងគោលបំណងសិក្សា​ឈ្វេងយល់​ និងប្រមូលព័ត៌មានពាក់ទៅនឹងវិស័យជាសមត្ថកិច្ចរបស់គណៈកម្មការ។

តាមរយៈបណ្តាញសង្គមហ្វេសប៊ុក អ្នកឧកញ៉ា បានឱ្យដឹងទៀតថា មុនបញ្ចប់កម្មវិធី​​ អ្នកឧកញ៉ាក៏បានជូនវត្ថុអនុស្សាវរីយ៍ចំនួន១​ ​សៀវភៅវិថីក្រាលមាស​ចំនួន៥ក្បាល ជូនដល់ឯកឧត្តម​ សរ​ សុពុត្រា​ អភិបាលនៃគណៈអភិបាលខេត្តស្ទឹងត្រែង​ និងជូនផ្លែទំពាំងបាយជូចំនួន២២កេស​ និងផ្លែសារី​ ចំនួន៥កេស ​សរុបចំនួន២៧កេស សម្រាប់ចែកជូនអ្នកចូលរួមផងដែរ។

សូមជម្រាបថា គណៈកម្មការទី៣ នៃព្រឹទ្ធសភា មានឈ្មោះពេញថា គណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម។ បច្ចុប្បន្ន គណៈកម្មការទី៣ នៃព្រឹទ្ធសភា នីតិកាលទី៥ មាន អ្នកឧកញ៉ា ម៉ុង ឫទ្ធី ជាប្រធាន៕

The post អ្នកឧកញ៉ា ម៉ុង ឫទ្ធី ឧបត្ថម្ភផ្លែឈើចំនួន ២៧កេស ជូនដល់រដ្ឋបាលខេត្តស្ទឹងត្រែង appeared first on .

លោកជំទាវ ម៉ុង សុធា ដែលជាបុត្រច្បងរបស់ អ្នកឧកញ៉ា ម៉ុង ឫទ្ធី បានបង្ហោះរូបភាពនិងសារជូនពរ​ដល់​កូនស្រី​បែបនេះថា៖ “រយៈពេល១២ឆ្នាំដែលកូនស្រីបានប្រឹងប្រែងកន្លងមក ម៉ាក់សូមជូនពរកូន និងក្មួយៗទូទាំងប្រទេស​ទាំងអស់ បានជោគជ័យក្នុងការប្រលងយកនិទ្ទេសល្អ”។

សូមជម្រាបថា លោកជំទាវ ម៉ុង សុធា ជាភរិយាឧកញ៉ា តាន់ មុនីវណ្ណ អគ្គនាយករង ក្រុមហ៊ុន​ ម៉ុងឫទ្ធី គ្រុប។ លោកជំទាវជាម្ចាស់ហាង «ចំការខ្មែរ» ដែលកំពុងល្បីល្បាញលក់ផលិតផលធម្មជាតិ មានជាច្រើនសាខាផងដែរ។

គួរបញ្ជាក់ថា ដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) រយៈពេល ២ថ្ងៃបានបញ្ចប់ នៅម៉ោង៤៖៣០នាទី​រសៀលថ្ងៃទី១១ ខែសីហា ឆ្នាំ២០២៦។ តាមរបាយការណ៍របស់ក្រសួងអប់រំ យុវជន និងកីឡា ក្នុងឆ្នាំសិក្សា ២០២៥-២០២៦ បេក្ខជនចុះឈ្មោះប្រឡងសរុប ១៥១ ២៣៨នាក់ (ស្រី ៨៤ ៧៣៥នាក់)។ ក្រសួងគ្រោងនឹងប្រកាសលទ្ធផលប្រឡង នៅថ្ងៃទី២ ខែកញ្ញា ឆ្នាំ២០២៦ តាមមណ្ឌលសំណេរ​នៃរាជធានី-ខេត្តទាំង២៥ នៅទូទាំងប្រទេស៕

The post ចៅស្រីអ្នកឧកញ៉ា ម៉ុង ឫទ្ធី ប្រឡងសញ្ញាបត្រមធ្យមសិក្សាទុតិយភូមិ នៅវិទ្យាល័យទួលប្រាសាទសែនសុខ appeared first on .

អ្នកឧកញ៉ា ម៉ុង ឫទ្ធី បានឱ្យដឹង នៅលើបណ្តាញសង្គមហ្វេសប៊ុកថា នៅថ្ងៃទី១៦ ខែកក្កដា លោក​បាន​បញ្ជារឱ្យ​ថ្នាក់ដឹកនាំ ក្រុមហ៊ុន អិម ភីក ដែលជាក្រុមហ៊ុនបុត្រសម្ព័ន្ធ ក្រុមហ៊ុន ម៉ុង ឫទ្ធីគ្រុប ទទួលលោកគ្រូ អ្នកគ្រូជនជាតិចិនចំនួន ២២រូប​ មកពីតាមបណ្តាខេត្ត SHAANXI GUANGDONG YUNNAN HUNAN GANSU HENAN នៃ​សាធារណរដ្ឋ​ប្រជាមានិត​ចិន ដែលដឹកនាំដោយ ឯកឧត្តមបណ្ឌិត សុខ ទូច ប្រធានរាជបណ្ឌិតសភា​កម្ពុជា មក​បំពេញ​ទស្សនកិច្ចសិក្សាស្វែងយល់នៅ​ ក្នុង​តំបន់​កសិកម្ម​ កសិឧស្សាហកម្ម​ របស់​ក្រុមហ៊ុន​ ម៉ុង​ ឫទ្ធី​ គ្រុប​ ស្រុកព្រៃនប់​ ខេត្ត​ព្រះសីហនុ។​

ក្នុងដំណើរចុះទស្សនកិច្ចនេះ ប្រតិភូលោកគ្រូ អ្នកគ្រូជនជាតិចិន បានអញ្ជើញ​ទៅ​កាន់រោងចក្រផលិតចំណីសត្វ អិម ភីក​ កសិដ្ឋានចិញ្ចឹមត្រីជើងភ្នំបូកគោ​ កសិដ្ឋានចិញ្ចឹមជ្រូកទី៣(ជើងភ្នំបូកគោ)​ និង​ចំការ​ដូងប្រេង​។ ល។

អ្នកឧកញ៉ា ម៉ុង ឫទ្ធី បានបញ្ជាក់ឱ្យដឹងទៀតថា លោកគ្រូ-អ្នកគ្រូជនជាតិចិនទាំងអស់ គឺជាគ្រូបង្រៀនស្ម័គ្រចិត្ត​ភាសាចិន​នៅវិទ្យាស្ថានគរុបកោសល្យភាសាចិនក្នុងតំបន់ នៃរាជបណ្ឌិតសភាកម្ពុជា។ ក្រោយចប់​ដំណើរ​ទស្សនកិច្ច​​លោកក៏បានទទួលអាហារថ្ងៃត្រង់​ នៅក្នុង​អាហារដ្ឋាន​ហាងកាហ្វេដូងប្រេងផងដែរ។

The post ថ្នាក់ដឹកនាំក្រុមហ៊ុន អ្នកឧកញ៉ា ម៉ុង ឫទ្ធី ទទួលស្វាគមន៍លោកគ្រូ អ្នកគ្រូ ជនជាតិចិនជាង ២០រូប ចុះទស្សនកិច្ច​នៅតំបន់កសិឧស្សាហកម្ម របស់ក្រុមហ៊ុន ម៉ុង ឫទ្ធី គ្រុប appeared first on .

អ្នកឧកញ៉ា ម៉ុង​ ឫទ្ធី បានលើកឡើងលើបណ្តាញសង្គមបែបនេះថា៖ “ថ្ងៃទី១១ ខែកក្កដា នៅក្នុង​ពិធី​ខួបកំណើត​របស់​ខ្ញុំ ភ្ញៀវជាច្រើន​បានយក​វត្ថុ​អនុស្សាវរីយ៍​ ដូចជា ផ្កា សម្លៀកបំពាក់​ តែ​ចម្លែក​តែកសិករ​មកពីស្រុក​សំឡូត​ និងស្រុក​ភ្នំព្រឹក​ ខេត្ត​បាត់​ដំបង​ បានយកដំឡូង​ជ្វាមួយ​កន្ត្រក​ និង​ពោត​ក្រហម​ចំណីសត្វ​មួយ​កន្ត្រក​មកជូន​ ដើម្បី​សរបញ្ជាក់​ឱ្យដឹងថាពួកគាត់​គឺ​ជា​កសិករ​ពិតប្រាកដ​”។

​ភ្ញៀវ​កិត្តិយស​ដែលបាន​អញ្ជើញ​មកចូលរួមប្រមាណជា​ ១,៤០០នាក់​នេះ​ មកពីតាម​បណ្តា​ខេត្ត​នានាទូទាំងប្រទេស​ មាន​ប្រហែល​ជា​​៨០% សុទ្ធសឹងតែជា​កសិករ​ អ្នកចិញ្ចឹមសត្វ​ អ្នក​ដាំដំណាំដូចជា​ ពោត​ សណ្តែក​ ស្រួវ​ ដំឡូងមី​ និងអ្នក​ប្រមូលទិញយកមក​ចូលសម្ងួត​ សម្រាប់យកមក​លក់​ផ្គត់ផ្គង់​អោយ​រោងចក្រ​ផលិត​ចំណី​សត្វ​។ នេះបើតាម​ការ​បញ្ជាក់របស់ អ្នកឧកញ៉ា ម៉ុង​ ឫទ្ធី។

សូមជម្រាបថា អ្នកឧកញ៉ា ម៉ុង ឫទ្ធី ត្រូវបានគេស្គាល់ថា ជាអ្នកជំនួញជើងចាស់មួយរូបនៅកម្ពុជា លើវិស័យ​កសិឧស្សាហកម្ម រួមទាំងម្ចាស់ក្រុមហ៊ុនដាំដូងប្រេង រាប់ម៉ឺនហិកតា។ អ្នកឧកញ៉ា ក៏ជាម្ចាស់តំបន់កសិទេសចរណ៍ ម៉ុង ឫទ្ធី សែនជ័យ ជាកន្លែងទេសចរណ៍បង្កើតឡើងថ្មី មានផ្ទៃដីសរុបប្រមាណ ៥០០ហិកតា នៅខេត្តកំពង់ស្ពឺ ព្រមទាំងបច្ចុប្បន្នមានតួនាទីជាសមាជិកព្រឹទ្ធសភា ផងដែរ៕

The post អ្នកឧកញ៉ា ម៉ុង​ ឫទ្ធី​ រៀបចំពិធីខួបកំណើត នៅក្នុង​តំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ appeared first on .

ការអំពាវនាវនេះ បានធ្វើឡើងក្នុងឱកាសដែលអ្នកឧកញ៉ា ​ដឹកនាំក្រុម​ការងារ​បច្ចេកទេស​សំណង់​ ចុះ​ពិនិត្យមើល​ការងារ​រៀបចំ​ទីតាំង​ដី​ សម្រាប់​សាងសង់​សំណង់​ក្រោល​គោចំនួន​២ខ្នង​ 168m x 61m​ គ្រោងប្រើប្រាស់​ផ្ទៃដី​ប្រមាណជា ៥ហិកតា​ ដែលអា​ចដាក់គោបាន​ប្រមាណជា ​២,០០០ក្បាល​ មាន​ទីតាំង​ស្ថិតនៅ​ភូមិ​ស្វាយ​ដង្គុំ​ ឃុំសែនដី​ ស្រុកសំរោង​ទង​ ខេត្ត​កំពង់​ស្ពឺ​ នៅថ្ងៃទី២៦ ខែមិថុនា ឆ្នាំ២០២៦។

«សម្រាប់​ឱកាស​នេះ ​ខ្ញុំ​សូម​អំពាវនាវ​ដល់​អ្នកដែលមាន​ផ្ទៃដី​ទំនេរ​ សូមនាំគ្នា​ខិតខំ​ប្រឹងប្រែង​កែប្រែ​ដីឱ្យទៅជា​ដី ដែលមាន​ប្រយោជន៍​ គឺយើងត្រូវតែ​បង្កបង្កើតផល​ដាំដំណាំ​ឬចិញ្ចឹម​សត្វ​ឱ្យបាន​កាន់តែច្រើន​កាន់តែល្អ​»។ អ្នកឧកញ៉ា បានលើកឡើង លើបណ្តាញសង្គម នៅព្រលប់ថ្ងៃទី២៦ ខែមិថុនា ឆ្នាំ២០២៦។

សូមជម្រាបថា អ្នកឧកញ៉ា ម៉ុង ឫទ្ធី សមាជិកព្រឹទ្ធសភា គឺជាសេដ្ឋីមួយរូបនៅកម្ពុជាលើវិស័យកសិឧស្សាហកម្ម។ អ្នកឧកញ៉ា មានចំការដូងប្រេងរាប់ម៉ឺនហិកតា នៅខេត្តព្រះសីហនុ ព្រមទាំងចិញ្ចឹមសត្វជាច្រើនប្រភេទ នៅតំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ ខេត្តកំពង់ស្ពឺ ផងដែរ៕

The post អ្នកឧកញ៉ា ម៉ុង ឫទ្ធី អំពាវនាវដល់អ្នកមានដីទំនេរ សូមនាំគ្នាខំប្រឹងបង្កបង្កើនផល ដាំដំណាំ ឬចិញ្ចឹមសត្វ​ឱ្យបានច្រើន appeared first on .

ក្នុងបទសម្ភាសន៍ជាមួយបណ្តាញសារព័ត៌មាន នៅថ្ងៃទី១៣ ខែមិថុនា ឆ្នាំ២០២៦ អ្នកឧកញ៉ាអគ្គនាយក បានឱ្យដឹងថា រោងចក្រនេះមានសមត្ថភាពផលិតជីបាន ១០០តោន ក្នុងមួយថ្ងៃ។ ជាមួយគ្នានេះ អ្នកឧកញ៉ាសូម​ផ្តាំ​ផ្ញើ​ឱ្យកសិករទូទាំងប្រទេសធ្វើកសិកម្ម ទាំងដាំ ទាំងចិញ្ចឹម គឺធ្វើយ៉ាងណា កែច្នៃឱ្យអស់លទ្ធភាព ទើបបានតម្លៃផលិត ទាំងដាំ និងចិញ្ចឹមបានថោក ហើយកសិករត្រូវធ្វើយ៉ាងណាកែរច្នៃកាកសំណល់ឱ្យ​អស់លទ្ធភាព ទើបអាចកាត់បន្ថយតម្លៃផលិតបានច្រើន។

អ្នកឧកញ៉ា ម៉ុង ឫទ្ធី បានបញ្ជាក់ឱ្យដឹងថា រោងចក្រកែរច្នៃជីធម្មជាតិនេះ ត្រូវបានសាងសង់ឡើងជាលើកទី១ នៅកម្ពុជា តាមបច្ចេកវិទ្យារបស់ចិន ដែលនឹងចាប់ផ្តើមដំណើរការនៅចុងឆ្នាំ២០២៦នេះ ហើយគិតទាំងដីធ្លី និងទុនបង្វិលរោងចក្រនេះគឺបានប្រើប្រាស់ទុនប្រមាណ ១០លានដុល្លារអាមេរិក ហើយរោងចក្រនេះមាន​សមត្ថភាព​​ផលិតជី​បាន ១០០តោន ក្នុងមួយថ្ងៃ៕

The post អ្នកឧកញ៉ា ម៉ុង ឫទ្ធី ត្រៀមបើកដំណើរការរោងចក្រកែច្នៃជីធម្មជាតិ តម្លៃ ១០លានដុល្លារ នៅចុងឆ្នាំនេះ appeared first on .

អ្នកឧកញ៉ាអគ្គនាយក បានឱ្យដឹងលើបណ្តាញសង្គម នៅព្រឹកថ្ងៃទី១២ ខែមិថុនានេះថា ​លោក​សូម​ថ្លៃង​អំណរគុណ​យ៉ាង​ជ្រាលជ្រៅ​ចំពោះ​ លោក​ សុត​ សូផាត ​ចិញ្ចឹម​គោជាង៣០០ក្បាល​ កសិដ្ឋាន​ចម្ងាយ ​៣០០ម៉ែត្រ ​ពី​សមរភូមិ​ជួរមុខ​ ស្ថិតនៅ​ភូមិ​ប្រសាទ​ ​ឃុំអូបីជាន់ ស្រុក​អូជ្រៅ​ ខេត្តបន្ទាយមានជ័យ​ ដែល​បាន​លក់គោពូជមកអោយលោក​ចំនួន​ ៧៦ក្បាល​ ស្មើនឹង ​២៣តោន។ លោក​​ទិញ​ចិញ្ចឹម​យក​លាមក​មកផលិតជី​ធម្មជាតិ​ បើគឹត​ជាប្រាក់​ប្រមាណជា​៨០,០០០ដុល្លារ​សហរដ្ឋអាមេរិក​។

“ថ្វីត្បិត​តែយើង​មិនដែលបាន​ជួប​ទំនាក់ទំនង​ពីមុនមកក៏ដោយចុះ នៅពេលថ្លឹងគោរួចហើយ​គាត់​បាន​បញ្ជា​អោយរថយន្តចេញ​ដំណើរ​ចាំទូទាត់ប្រាក់ជាក្រោយ​ ព្រឹកឡើង​មុនពេល​គណនេយ្យ​ទូទាត់​ប្រាក់​អោយ ខ្ញុំ​ឆាតសួរ​គាត់ថា​យប់មិញ​គាត់​និង​ភរិយា​ដេកលក់ដែឬអត់ទេ?​ គាត់​ឆ្លើយ​ថាដេកលក់​ទល់​ភ្លឺ​អត់មាន​ព្រួយបារម្ភ​អី​បន្តិច​សោះ​ បើតាម៉ុង​មិនសងលុយ​ប៉ុណ្ណឹង​ក៏​មិនអីដែរ។​ គាត់បាន​សន្យា​ថា​បើខ្ញុំមាន​តម្រូវ​ការ​និង​លក់គោអោយ​ជា​បន្តបន្ទាប់​ទៀត។ ខ្ញុំ​មិននឹកស្មានថា​នៅ​ទីជនបទ​មាន​មនុស្ស​ហ៊ានប្រថុយ​ប្រថានដូចគាត់​អីចឹង​សោះ​ ប្រហែលជាគាត់​មិន​ធ្លាប់​ទទួល​រងគ្រោះ​ដោយសារ​តែ​អ្នកមាន​បោកប្រាស់​ដូចខ្ញុំ​ទេមើលទៅ​”។ អ្នកឧកញ៉ា បានបន្ថែម។

សូមជម្រាបថា អ្នកឧកញ៉ា ម៉ុង ឫទ្ធី សមាជិកព្រឹទ្ធសភា គឺជាសេដ្ឋីមួយរូបនៅកម្ពុជាលើវិស័យកសិឧស្សាហកម្ម។ អ្នកឧកញ៉ា មានចំការដូងប្រេងរាប់ម៉ឺនហិកតា នៅខេត្តព្រះសីហនុ ព្រមទាំងចិញ្ចឹមសត្វជាច្រើនប្រភេទ នៅតំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ ខេត្តកំពង់ស្ពឺ ផងដែរ៕

The post អ្នកឧកញ៉ា ម៉ុង ឫទ្ធី ចំណាយលុយ ៨០,០០០ដុល្លារ ទិញគោ ៧៦ក្បាល ពីម្ចាស់កសិដ្ឋាននៅក្បែរសមរភូមិមុខ appeared first on .

តាមរយៈបណ្តាញសង្គមហ្វេសប៊ុក នៅថ្ងៃទី៩ ខែមិថុនា ឆ្នាំ២០២៦ អ្នកឧកញ៉ា បានលើកឡើងថា ដើម្បីឆ្លើយតប​សំនួរ​របស់​ប្រិយមិត្ត​ ដែលតែងតែ​សួរលោកថា​ តើមាន​មូលហេតុ​អ្វី​ខ្លះ​ បានជាមិនឃើញ​បង្អួត​សម្ញែង​ទ្រព្យសម្បត្តិ​ លុយកាក់​ មាសប្រាក់​នឹងគេ? លោក​សុំលើកយក​ជាឧទាហរណ៍​ងាយៗមួយ​យកមក​ប្រៀបធៀប​ ផ្ការីក​ហើយតែងតែ​រោយទៅ​វិញ​ជាក់ជាមិនខានឡើយ​ គ្រាន់តែយូរនិង​ឆាប់​ទៅតាម​ពូជរបស់វា​។

អ្នកឧកញ៉ា បានបន្ថែមដូច្នេះ៖ “រីឯ​មនុស្ស​អ្នកក្រ​អាចក្លាយ​ទៅជា​អ្នកមាន​ អ្នកមាន​ខ្លះ​ក៏​អាចក្លាយ​ជា​អ្នកក្រវិញ​ ទៅតាម​ជោគវាសនា​ ឬមួយទៅតាមការ​ភ្លើតភ្លើន​ មិនបាន​ប្រុងប្រយ័ត្ន​ គិតថាតែ​ប៉ុណ្ណេះ​អញ​ឈប់ក្រហើយ​ ខំHigh Show ​បង្អួត​សម្ញែង​ទ្រព្យសម្បត្តិ​ ភ្លេចអស់​ហើយ​កាលពីគ្រាក្រ​ ភ្លេចអស់​ញាតិមិត្ត​កាលពី​គ្រាក្រ​ ដល់ពេលមាន​អាសន្ន​តាំង​ស្រែក​រកជំនួយ។​ ឧទាហរណ៍​ជាក់ស្តែង​មើលតែ​ហ្វ៊េសបុក​ទៅឃើញហើយ​ ខ្ញុំ​មិនហ៊ាន​ថាឱ្យបុគ្គល​ណាទេ​ នេះគ្រាន់​តែទុកជា​គតិ​សម្រាប់កូនចៅ​ជំនាន់​ក្រោយ​តែ​ប៉ុណ្ណោះ​”។

សូមជម្រាបថា អ្នកឧកញ៉ា ម៉ុង ឫទ្ធី សមាជិកព្រឹទ្ធសភា គឺជាសេដ្ឋីមួយរូបនៅកម្ពុជាលើវិស័យកសិឧស្សាហកម្ម។ ជារឿយៗអ្នកឧកញ៉ាតែងតែបង្ហាញភាពសាមញ្ញជួយដល់ប្រជាពលរដ្ឋដែលមានជីវភាពខ្វះខាត និងកំពុងជួបការ​លំបាក។ ជាក់ស្តែងថ្មីៗ​នេះ អ្នកឧកញ៉ាបាននាំ​យកកុមារា និងកុមារី ភៀសសឹក រាប់សិបនាក់ ដើម្បីយកមកចិញ្ចឹម​បីបាច់​ថែរក្សា ​នៅក្នុង​តំបន់​រមណីយដ្ឋាន​អភិវឌ្ឍន៍​កសិទេសចរណ៍​ ម៉ុង​ ឫទ្ធី​ សែនជ័យ ខេត្តកំពង់ស្ពឺ ផងដែរ៕

The post អ្នកឧកញ៉ា ម៉ុង ឫទ្ធី បង្ហើបប្រាប់មូលហេតុដែលលោកមិនបង្អួត​សម្ញែង​ទ្រព្យសម្បត្តិ appeared first on .

តាមរយៈបណ្តាញសង្គម អ្នកឧកញ៉ាបានឱ្យដឹងថា វេលាម៉ោង៨ព្រឹក ថ្ងៃទី១៦ ខែឧសភា ឆ្នាំ២០២៦ ក្នុងនាមជាប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ លោកបានដឹកនាំសមាជិក គណៈកម្មការ និងក្រុមមកចូលរួមពិធីដាំដូងប្រេងជំនាន់ទី២ ឆ្នាំ២០២៦ ជានិមិត្តរូប លើផ្ទៃដី ៥៧៩ហិកតា ស្មើនឹង ៩២,៦៤០ដើម នៅភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ស្ថិតនៅតាមបណ្តោយផ្លូវជាតិលេខ៤ គីឡូម៉ែត្រលេខ១៥៨-១៧០ ពីភ្នំពេញ ទៅខេត្តព្រះសីហនុ។

អ្នកឧកញ៉ា បានបន្តថា៖ មុនចាប់ផ្តេីមកម្មវិធី​ លោកក៏បានដឹកនាំគណៈប្រតិភូទស្សនាការបង្ហាញពីខ្សែសង្វាក់ផលិតកម្មនៃផ្លែដូងប្រេងចាប់តាំងពីការរេីសពូជ​ រហូតដល់ទិន្នផលសម្រេច។ បន្ទាប់មកបានដាំដូងប្រេងជានិមិត្តរូប​ និងមានមតិសំណេះសំណាលជាមួយកម្មករដូងប្រេង។ 

សូមរំលឹកដែរថា ក្រុមហ៊ុន ម៉ុង ឫទ្ធី វិនិយោគទុន ដំណាំដូងប្រេងកម្ពុជា បានចាប់បដិសន្ធិឡើងនៅថ្ងៃទី២៣ ខែមីនា ឆ្នាំ១៩៩៦ ដោយមានពិធីសម្ពោធបើកការដ្ឋានជាផ្លូវការ ដាំដូងប្រេងជំនាន់ទី១ និងមានការដាំដូងប្រេងជានិមិត្តរូប ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាថ្ងៃទី២៩ ខែមេសា ឆ្នាំ១៩៩៧៕

The post អ្នកឧកញ៉ា ម៉ុង ឫទ្ធី ដឹកនាំពិធីដាំដូងប្រេងជំនាន់ទី២ ឆ្នាំ២០២៦ លើផ្ទៃដី ៥៧៩ហិកតា នៅស្រុកព្រៃនប់ appeared first on .