យោងតាមព័ត៌មានពីក្រសួងពាណិជ្ជកម្ម និងឧស្សាហកម្មហ្វីលីពីន បានបង្ហាញឲ្យដឹងថាភាគីទាំងពីរបានធ្វើការចរចាគ្នារយៈពេលជាយូរមកហើយលើគម្រោងនេះ។ ការសាងសង់រោងចក្ររបស់ក្រុមហ៊ុន Vingroup អាចនឹងចាប់ផ្តើមនៅក្នុងត្រីមាសទី១ ឆ្នាំក្រោយ ហើយការសាងសង់រំពឹងថានឹងរួចរាល់ក្នុងរយៈពេល ១ឆ្នាំកន្លះខាងមុខ។ គម្រោងនេះត្រូវបានរចនាឡើងជាមួយនឹងសមត្ថភាពផលិតប្រហែល ២០០ ០០០ គ្រឿងក្នុងមួយឆ្នាំ ដែលបម្រើទាំងទីផ្សារក្នុងស្រុក និងទីផ្សារនាំចេញ។

យ៉ាងណាមិញ ក្រៅពីយានយន្ត Vingroup ក៏មានគោលបំណងណែនាំម៉ូតូអគ្គិសនីទៅកាន់ទីផ្សារប្រទេសហ្វីលីពីនផងដែរ។ ក្នុងអំឡុងពេលកិច្ចប្រជុំជាមួយលោក Nguyen Quoc Tuan អនុប្រធានក្រុមប្រឹក្សាភិបាលនៃក្រុមហ៊ុន Vingroup និងជាប្រធានក្រុមហ៊ុន Green SM តំណាងមកពីក្រសួងពាណិជ្ជកម្ម និងឧស្សាហកម្មហ្វីលីពីន បានណែនាំយន្តការគាំទ្រសម្រាប់គម្រោងនេះ រួមទាំងការលើកទឹកចិត្តផ្នែកពន្ធមួយចំនួនក្រោមច្បាប់ CREATE MORE។

ជម្រាបជូនថា តាមរយៈក្រុមហ៊ុនបុត្រសម្ព័មរបស់ខ្លួនគឺ VinFast ក្រុមហ៊ុន Vingroup បានចូល ក្នុងប្រទេសហ្វីលីពីនក្នុងខែឧសភា ឆ្នាំ២០២៤ ដោយការដាក់លក់រថយន្តអគ្គិសនី។ ក្រុមហ៊ុន Green SM ដែលជាក្រុមហ៊ុនហៅរថយន្តតាក់ស៊ីតាមកម្មវិធីទូរសព្ទបង្កើតឡើងដោយមហាសេដ្ឋី Pham Nhat Vuong ក៏បានចាប់ផ្តើមសេវាកម្មរបស់ខ្លួននៅប្រទេសហ្វីលីពីន នៅក្នុងខែមិថុនាឆ្នាំមុន ផងដែរ៕​

The post ក្រុមហ៊ុនមហាសេដ្ឋីមានដាច់គេនៅអាស៊ីអាគ្នេយ៍ គ្រោងចាយលុយកន្លះពាន់លានដុល្លារ សង់រោងចក្រនៅហ្វីលីពីន appeared first on .

យោងតាម Forbes លោក Vuong មានវ័យ ៥៨ឆ្នាំ ជាប្រធានក្រុមហ៊ុនខ្នាតយក្សវៀតណាម Vingroup កំពុងឈរនៅចំណាត់ថ្នាក់ទី៦៨ ក្នុងនាមជាមហាសេដ្ឋីមានបំផុតរបស់ពិភពលោក ជាមួយនឹងទ្រព្យសម្បត្តិសរុប ៣៨ពាន់លានដុល្លារ។

យ៉ាងណាមិញ ក្នុងចំណោមមហាសេដ្ឋីដែលមានវ័យខ្ទង់ ៥០ឆ្នាំនោះ លោក Musk ដែលមានអាយុ ៥៥ឆ្នាំ ឈរនៅចំណាត់ថ្នាក់កំពូលគេ ដោយមានទ្រព្យសម្បត្តិសរុបរហូតដល់ទៅ ៩០៨ពាន់លានដុល្លារអាមេរិក។

ចំណាត់ថ្នាក់បន្ទាប់គឺស្ថាបនិកក្រុមហ៊ុន Google គឺលោក Larry Page និងលោក Sergey Brin ដែលមានអាយុ ៥៣ឆ្នាំដូចគ្នា ដោយអ្នកទាំងពីរមានទ្រព្យសម្បត្តិសរុបលើសពី ២៥០ពាន់លានដុល្លារអាមេរិក។

លោក Ken Griffin ប្រធានគ្រប់គ្រងមូលនិធិការពារហានិភ័យ (hedge fund) ជាប់ចំណាត់ថ្នាក់ទី៤ ជាមួយនឹងទ្រព្យសម្បត្តិជិត ៥៧ពាន់លានដុល្លារ មានវ័យ ៥៨ឆ្នាំ ។ បន្ទាប់មកគឺលោក Ma Huateng វ័យ ៥៤ឆ្នាំ ដែលជាប្រធានក្រុមហ៊ុនបច្ចេកវិទ្យាយក្សចិន Tencent ដោយមានទ្រព្យសម្បត្តិ ៤៥ពាន់លានដុល្លារ។

មហាសេដ្ឋីផ្សេងទៀតដែលស្ថិតក្នុងចំណាត់ថ្នាក់កំពូលទាំង ១០ រួមមាន លោក Robin Zeng (មហាសេដ្ឋីវិស័យអាគុយ), លោក William Ding (មហាសេដ្ឋីវិស័យហ្គេម), លោក Andrea Pignataro (មហាសេដ្ឋីវិស័យកម្មវិធីផ្នែកហិរញ្ញវត្ថុ) និងអ្នកវិនិយោគ លោក Peter Thiel ដោយពួកគេម្នាក់ៗមានទ្រព្យសម្បត្តិសរុបចន្លោះពី ៣៦ពាន់លាន ទៅ ៤៥ពាន់លានដុល្លារ៕​

The post មេធំ Vingroup ជាប់ក្នុងចំណោមមហាសេដ្ឋីមានជាងគេបំផុតទាំង១០ លើលោក រួមជាមួយ Elon Musk ដែលស្ថិតក្នុងវ័យ ៥០ឆ្នាំ appeared first on .

ក្រុមហ៊ុន VOG ដែលមានទីស្នាក់ការនៅទីក្រុងហាណូយ មានដើមទុនចុះបញ្ជីដំបូងចំនួន ១ទ្រីលានដុង (ប្រហែល ៣៨,៥លានដុល្លារ) ដោយក្នុងនោះ Vingroup កាន់កាប់ភាគហ៊ុនចំនួន ៥១% ។ Vingroup ដែលជាក្រុមហ៊ុនចុះបញ្ជីធំបំផុតរបស់វៀតណាម គឺគ្រប់គ្រងដោយលោក Pham Nhat Vuong ដែលជាបុគ្គលមានបំផុតនៅអាស៊ីអាគ្នេយ៍ ជាមួយនឹងទ្រព្យសម្បត្តិសរុបជិត ៣៦ពាន់លានដុល្លារ។

គួរឲ្យដឹងផងដែរថា ចំពោះសកម្មភាពអាជីវកម្មចម្បងរបស់ក្រុមហ៊ុនថ្មីនេះ គឺការវិនិយោគ និងការជួញដូរប្រេងកាត និងឧស្ម័ន។ តែទោះជាយ៉ាងណាក៏ដោយ វានៅមិនទាន់មានព័ត៌មានលម្អិតបន្ថែមត្រូវបានទម្លាយឱ្យដឹងអំពីផ្នែក ឬគម្រោងជាក់លាក់ដែល VOG នឹងផ្តោតលើនៅឡើយនោះទេ។

ជម្រាបជូនផងដែរថា ជុំវិញការបង្កើតក្រុមហ៊ុន VOG នេះ ធ្វើឡើងក្នុងពេលដែល Vingroup បាននិងកំពុងពង្រីកសកម្មភាពរបស់ខ្លួនទៅកាន់វិស័យដែលពាក់ព័ន្ធនឹងហេដ្ឋារចនាសម្ព័ន្ធ និងថាមពល៕​

The post អ្នកមានដាច់គេនៅអាស៊ីអាគ្នេយ៍ ចាប់ផ្តើមបោះទុនរកស៊ីលើវិស័យប្រេងជាមួយក្រុមហ៊ុនទើបបង្កើតថ្មី appeared first on .

លោកស្រី Huong ដែលបច្ចុប្បន្នជាស្ត្រីមានបំផុតទីពីរនៅអាស៊ីអាគ្នេយ៍ បានជាប់ចំណាត់ថ្នាក់ទី ៩៦៣ នៅក្នុងបញ្ជីឈ្មោះមហាសេដ្ឋីរបស់ទស្សាវដ្តី Forbes។ អនុប្រធានក្រុមហ៊ុន Vingroup រូបនេះ ទទួលបានអត្ថប្រយោជន៍ពីការកើនឡើងនៃភាគហ៊ុនរបស់ក្រុមហ៊ុន ដែលដឹកនាំដោយស្វាមីរបស់លោកស្រីផ្ទាល់។

គួរឲ្យដឹងថា ទ្រព្យសម្បត្តិសរបស់លោកស្រី Huong បានកើនឡើងជិត ២០០លានដុល្លារបន្ថែមទៀត ឬ ៤,៦៧% ក្នុងរយៈពេលត្រឹមតែមួយថ្ងៃ ខណៈពេលដែលភាគហ៊ុនរបស់ Vingroup បានឡើងដល់ចំនួនបំបែកកំណត់ត្រា ដែលធ្វើឲ្យទ្រព្យសរុបរបស់លោកស្រី ហក់ឡើងខ្ពស់បែបនេះ។

ជម្រាបជូនថា នៅអាស៊ីអាគ្នេយ៍ លោកស្រី Huong ស្ថិតនៅលំដាប់ទី៥៤ ក្នុងអ្នកមានបំផុត ដោយតាមពីក្រោយ លោកស្រី Marina Budiman មកពីប្រទេសឥណ្ឌូណេស៊ី ដែលជាសហស្ថាបនិក និងជាប្រធានក្រុមហ៊ុន DCI Indonesia ដែលមានទ្រព្យសម្បត្តិសរុបប្រហែល ៦ពាន់លានដុល្លារ៕​

The post ភរិយាអ្នកមានបំផុតនៅអាស៊ីអាគ្នេយ៍ ចូលក្នុងបញ្ជីមហាសេដ្ឋីមានដាច់គេបំផុតទាំង ១ ០០០ របស់ពិភពលោក ជាលើកដំបូង appeared first on .

ធនាគារ LPBank បានបញ្ជាក់ពីការទិញរបស់លោកស្រី Thu Huong នេះកាលពីថ្ងៃចន្ទកន្លងទៅ ខណៈភាគហ៊ុនទាំងនេះមានតម្លៃប្រហែល ៨ទ្រីលានដុង (៣០៤លានដុល្លារអាមេរិក) ផ្អែកតាមតម្លៃទីផ្សារហ៊ុននាពេលបច្ចុប្បន្ន។

គួរឲ្យឹដងផងដែរថា លោក Pham Nhat Vuong ប្រធានក្រុមហ៊ុនធំបំផុតរបស់វៀតណាម Vingroup កាលពីថ្ងៃទី២៣ ខែមិថុនា កន្លងទៅក៏បានទិញភាគហ៊ុន ៤,៨៩% នៅក្នុងធនាគារនេះ ក្នុងតម្លៃ ៦,៧ទ្រីលានដុងផងដែរ។

សរុបមក ប្តីប្រពន្ធមួយគូនេះមានភាគហ៊ុនក្នុងដៃចំនួន ៩,៨៥%។ លោកស្រី Huong បច្ចុប្បន្នកាន់តំែណងជាអនុប្រធានក្រុមហ៊ុន Vingroup គឺជាមហាសេដ្ឋីវៀតណាមម្នាក់ក្នុងចំណោមមហាសេដ្ឋីទាំងប្រាំពីរនាក់របស់វៀតណាម និងមានទ្រព្យសម្បត្តិសរុបចំនួន ៣,៧ពាន់លានដុល្លារ។ លោក ស្រីឈរលំដាប់ទី៣ បន្ទាប់ពីស្វាមីរបស់លោកស្រី និងលោកស្រី Nguyen Thi Phuong Thao ដែលជាប្រធានក្រុមហ៊ុន Vietjet Air ប៉ុណ្ណោះ៕​

The post ភរិយាអ្នកមានដាច់គេនៅអាស៊ីអាគ្នេយ៍ ទិញភាគហ៊ុនតម្លៃជាង ៣០០លានដុល្លារ ក្នុងធនាគារវៀតណាម appeared first on .

ប្រភពដដែល បានរាយការណ៍ឲ្យដឹងទៀតថា លោក Vuong បានក្លាយជាម្ចាស់ភាគហ៊ុនចំនួន ៤,៨៩% នៃដើមទុនចុះបញ្ជីរបស់ធនាគារ ដែលស្មើទៅនឹងប្រមាណ ១៤៦,២ លានហ៊ុន។

យ៉ាងណាមិញ សាជីវកម្មប្រៃសណីយ៍វៀតណាម (VNPost) នៅតែជាម្ចាស់ភាគហ៊ុនធំជាងគេរបស់ធនាគារ LPBank ដោយកាន់កាប់ ៦,៥៣% នៃដើមទុនចុះបញ្ជី ដែលស្មើនឹង ១៩៥,៣ លានហ៊ុន។

គួរជម្រាបជូនថា ក្រៅពី VNPost និងលោក Pham Nhat Vuong គ្មានម្ចាស់ភាគហ៊ុនណាមួយ ដែលបច្ចុប្បន្នមានភាគហ៊ុនច្រើនជាង ១% នៃដើមទុនចុះបញ្ជីរបស់ធនាគារ LPBank នោះទេ។ ដើមទុនចុះបញ្ជីរបស់ LPBank បច្ចុប្បន្នមានចំនួនជិត ៣០ពាន់ពាន់លានដុង (១,១៥ពាន់លានដុល្លារ)៕​

The post មហាសេដ្ឋីមានដាច់គេនៅវៀតណាម ក្លាយជាម្ចាស់ភាគហ៊ុនដ៏សំខាន់របស់ធនាគារ LPBank appeared first on .

លោក Viet វ័យ ៣៤ឆ្នាំ បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយក្រុមហ៊ុន Vingroup ថា៖”V-Film មានគោលបំណងកសាងប្រព័ន្ធអេកូឡូស៊ីភាពយន្តរបស់វៀតណាម ដោយសង្ឃឹមថានឹងអាចផលិតភាពយន្តដ៏លេចធ្លោបំផុត ដើម្បីចែកចាយទៅដល់ទស្សនកិច្ចទូទាំងពិភពលោក តាមរយៈជម្រៅនៃវប្បធម៌ និងស្មារតីជាតិ”។

លោក Viet បានបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងពហុមេឌាពីសាកលវិទ្យាល័យ Cameron នៅសហរដ្ឋអាមេរិក មុនពេលត្រឡប់ទៅប្រទេសវៀតណាមវិញដើម្បីធ្វើវីដេអូ Vlog បង្ហោះនៅលើ YouTube។ លោក ក៏ជាអ្នកបង្កើមាតិកាវៀតណាមដំបូងគេដែលទទួលបានពានរង្វាន់ Gold Play Button របស់ YouTube ផងដែរ។

គួរជម្រាបជូនផងដែរក្រុមហ៊ុន Vingroup របស់លោក Vuong បានពង្រីកខ្លួនទៅកាន់វិស័យថ្មីៗបន្ថែមទៀត ជាមួយនឹងការបង្កើតក្រុមហ៊ុនកម្សាន្តធំៗចំនួនបី ក្នុងនោះរួមមាន V-Film Cinema Development Jsc និងក្រុមហ៊ុនផ្តោតលើការថតរូប ការថតសំឡេង និងការបោះពុម្ពផ្សាយតន្ត្រីផងដែរ៕​

The post ថៅកែក្រុមហ៊ុន Vingroup ជួល Youtuber ល្បីវៀតណាមម្នាក់ ឲ្យកាន់តំណែងជា CEO ក្រុមហ៊ុនថ្មីរបស់ខ្លួន appeared first on .

ជុំវិញការសម្រេចចិត្តនេះត្រូវបានប្រកាសដោយក្រុមហ៊ុន VinFast នៅថ្ងៃទី២៥ ខែឧសភា។ មុនពេលលោកត្រូវបានតែងតាំងជាប្រធានក្រុមហ៊ុន VinFast លោក Quan Anh ក៏ធ្លាប់បានបម្រើការជាអនុប្រធាន និងជាអគ្គនាយករងក្រុមហ៊ុនរថយន្តខ្នាតយក្សនេះផងដែរ។

យ៉ាងណាមិញ ចំពោះលោក Pham Nhat Vuong ដែលជាប្រធានក្រុមហ៊ុន Vingroup នឹងត្រូវប្តូរតំណែងទៅជាអគ្គនាយករបស់ក្រុមហ៊ុន VinFast វិញ។

គួរឲ្យដឹងផងដែរថា កូនប្រុសច្បងរបស់មហាសេដ្ឋី Pham Nhat Vuong រូបនេះ នឹងជំនួសលោកស្រី Le Thi Thu Thuy ដែលនឹងចុះចេញពីក្រុមប្រឹក្សាភិបាលក្រុមហ៊ុន VinFast ដើម្បីផ្តោតលើតួនាទីរបស់ខ្លួន ជាអនុប្រធានក្រុមហ៊ុន Vingroup។ បច្ចុប្បន្ន Vingroup គឺជាក្រុមហ៊ុនមេរបស់ VinFast ដោយកាន់កាប់ភាគហ៊ុនសរុបប្រមាណ ៥០%។

ជម្រាបជូនថា លោក Quan Anh បានចូលរួមជាមួយក្រុមហ៊ុន VinFast ក្នុងខែកុម្ភៈ ឆ្នាំ២០១៩ ដោយបានកាន់តំណែងធំៗជាច្រើន មុនពេលចូលរួមក្រុមប្រឹក្សាភិបាល កាលពីខែវិច្ឆិកា ឆ្នាំមុន។ បន្ថែមពីលើតួនាទីជាអ្នកដឹកនាំរបស់លោកនៅក្រុមហ៊ុន VinFast លោក Quan Anh ក៏ជាអគ្គនាយកក្រុមហ៊ុន VinMetal ដែលជាក្រុមហ៊ុនផលិតដែកថែប ក្រោមការគ្រប់គ្រងរបស់ក្រុមហ៊ុន Vingroup ផងដែរ៕​

The post កូនប្រុសមហាសេដ្ឋីមានដាច់គេនៅវៀតណាម ឡើងតំណែងជាប្រធានក្រុមហ៊ុន VinFast appeared first on .

យោងតាមការចុះផ្សាយពីសារព័ត៌មាន Forbes បានបង្ហាញថាទ្រព្យសម្បត្តិសរុបរបស់លោក Vuong បានកើនឡើងដល់ ៣៤,៩ពាន់លានដុល្លារ កើនឡើងប្រហែល ២៣% ពីចុងឆ្នាំមុន។

ជុំវិញការកើនឡើងនេះ បានធ្វើឲ្យលោក Vuong ឥឡូវនេះ មានទ្រព្យសម្បត្តិច្រើនជាងលោកស្រី MacKenzie Scott អតីតភរិយារបស់ស្ថាបនិក Amazon លោក Jeff Bezos ដែលមានទ្រព្យសម្បត្តិ ៣២,២ពាន់លានដុល្លារ និងលោកស្រី Melinda French Gates អតីតភរិយារបស់លោក Bill Gates ស្ថាបនិក Microsoft ដែលមានទ្រព្យសម្បត្តិ ៣០ពាន់លានដុល្លារ រួមទាំងលោក Peter Thiel សហស្ថាបនិកក្រុមហ៊ុន PayPal ដែលមានទ្រព្យសម្បត្តិ ២៨,៩ពាន់លានដុល្លារ ផងដែរ។

កាលពីខែធ្នូ លោក Vuong បានវ៉ាដាច់មហាសេដ្ឋីបច្ចេកវិទ្យាចិន លោក Jack Ma ហើយកាលពីដើមខែនេះ លោកក៏បានដណ្តើមយកតំណែងជាអ្នកមានបំផុតនៅអាស៊ីអាគ្នេយ៍ពីមហាសេដ្ឋីឥណ្ឌូណេស៊ី លោក Prajogo Pangestu ថែមទៀតផង។

ជម្រាបជូនថា លោក Vuong បានចូលក្នុងបញ្ជីមហាសេដ្ឋីរបស់ Forbes ជាលើកដំបូងក្នុងឆ្នាំ២០១៣ ក្នុងចំណាត់ថ្នាក់ទី៩៧៤ នៅពេលដែលលោកមានទ្រព្យសម្បត្តិសរុបប្រមាណ ១,៥ពាន់លានដុល្លារ៕​

The post មេធំក្រុមហ៊ុន Vingroup បន្តកើនទ្រព្យសម្បត្តិលើសបុគ្គលល្បីៗមួយចំនួនលើពិភពលោក appeared first on .

លោក Vuong បាននិយាយនៅក្នុងកិច្ចប្រជុំប្រចាំឆ្នាំរបស់ក្រុមហ៊ុន Vingroup ដែលជាក្រុមហ៊ុនមេរបស់ VinFast ថា ៖” VinFast នឹងមិនផលិតរថយន្តប្រើសាំងទៀតទេ ប៉ុន្តែម៉ូដែលថ្មីនឹងមានលក្ខណៈពិសេសដើម្បីជួយអតិថិជនដែលភ្លេចសាកថ្មរថយន្តអគ្គិសនីរបស់ពួកគេ”។

VinFast ត្រូវបានបង្កើតឡើងដោយលោក Vuong ក្នុងឆ្នាំ២០១៧ ហើយដំបូងឡើយបានផលិតតែរថយន្តប្រើសាំង និងម៉ូតូប៉ុណ្ណោះ។ ប៉ុន្តែបួនឆ្នាំក្រោយមក ក្រុមហ៊ុននេះ បានបញ្ឈប់ការផលិតរថយន្តប្រើម៉ាស៊ីនចំហេះខាងក្នុង ដោយជំនួសមកវិញទៅជារថយន្តអគ្គិសនីទាំងស្រុង។

ជម្រាបជូនថា នៅឆ្នាំ២០២៥ ក្រុមហ៊ុន VinFast បានបង្ហាញពីប្រាក់ចំណូលបំបែកកំណត់ត្រាចំនួន ៩០,៤៣ពាន់ពាន់លានដុង (៣,៤ពាន់លានដុល្លារអាមេរិក) ពោលគឺបានកើនឡើង ១៣៩% ពីឆ្នាំ២០២៤ បើទោះបីជាមានការប្រកួតប្រជែងខ្លាំងក៏ដោយ។ VinFast នាំមុខគេក្នុងទីផ្សាររថយន្តវៀតណាម ជាមួយនឹងចំណែករហូតដល់ទៅ ៣៦%៕​

The post មហាសេដ្ឋីមានដាច់គេនៅអាស៊ីអាគ្នេយ៍ ប្រកាសឈប់ផលិតរថយន្តប្រើប្រាស់សាំង appeared first on .